لَمْ يَكُنِ الَّذِيْنَ كَفَرُوْا مِنْ اَهْلِ الْكِتٰبِ وَالْمُشْرِكِيْنَ مُنْفَكِّيْنَ حَتّٰي تَاْتِيَهُمُ الْبَيِّنَةُ
نه‌بوويه كو ئه‌وێن كافر بووين ژ جوهى وفه‌لان وبوتپه‌رێسان كو كوفرا خۆ بهێلن حه‌تا ئه‌و نيشان بۆ وان نه‌ئێت يا كيتابێن به‌رێ ژڤان پێ دايه وان.
رَسُوْلٌ مِّنَ اللّٰهِ يَتْلُوْا صُحُفًا مُّطَهَّرَةً
ئه‌و نيشان پێغه‌مبه‌رێ خودێ موحه‌ممه‌ده -سلاڤ لێ بن-، قورئانه‌كا د به‌په‌رێن پاقژكرى دا بۆ وان دخوينت.
فِيْهَا كُتُبٌ قَيِّمَةٌ
د وان به‌رپه‌ران دا به‌حسێن ڕاست وفه‌رمانێن دورست هه‌نه، يێن سه‌رى دكێشنه حه‌قییێ وڕێكا ڕاست.
وَمَا تَفَرَّقَ الَّذِيْنَ اُوْتُوا الْكِتٰبَ اِلَّا مِنْۣ بَعْدِ مَا جَآءَتْهُمُ الْبَيِّنَةُ
وئه‌وێن كيتاب بۆ هاتى ژ جوهى وفه‌لان د ده‌ر حه‌قا ڕاستییا پێغه‌مبه‌رينییا موحه‌ممه‌دى دا -سلاڤ لێ بن- ژێك جودا نه‌بوون؛ چونكى سالۆخه‌تێن وى د كيتابێن وان دا هاتبوون، حه‌تا بۆ وان ئاشكه‌را نه‌بووى كو ئه‌و ئه‌و پێغه‌مبه‌ره يێ به‌حسێ وى د ته‌ورات وئنجيلێ دا هاتى، ئه‌و ل سه‌ر ڕاستییا پێغه‌مبه‌رينییا وى كۆم بووبوون، ڤێجا ده‌مێ ئه‌و هاتییه هنارتن وان باوه‌رى پێ نه‌ئينا وئه‌و ژێك جودا بوون.
وَمَا٘ اُمِرُوْ٘ا اِلَّا لِيَعْبُدُوا اللّٰهَ مُخْلِصِيْنَ لَهُ الدِّيْنَ حُنَفَآءَ وَيُقِيْمُوا الصَّلٰوةَ وَيُؤْتُوا الزَّكٰوةَ وَذٰلِكَ دِيْنُ الْقَيِّمَةِ
و د هه‌مى شريعه‌تان دا فه‌رمان ب تشته‌كى ل وان نه‌هاتبوو كرن ژبلی هندێ كو ئه‌و په‌رستنا خودێ ب تنێ بكه‌ن و ب عيباده‌تى قه‌ستا كنارێ وى بكه‌ن، ڕوییێ خۆ ژ شركێ وه‌رگێڕنه باوه‌رییێ، و ب كرنا نڤێژێ ڕاببن، وزه‌كاتێ بده‌ن، وئه‌وه دينێ ڕاست كو ئيسلامه.
اِنَّ الَّذِيْنَ كَفَرُوْا مِنْ اَهْلِ الْكِتٰبِ وَالْمُشْرِكِيْنَ فِيْ نَارِ جَهَنَّمَ خٰلِدِيْنَ فِيْهَا اُولٰٓئِكَ هُمْ شَرُّ الْبَرِيَّةِ
هندى ئه‌ون يێن كافر بووين ژ جوهى وفه‌له وبوتپه‌رێسان جزايێ وان ئه‌وه ئه‌و د ئاگرێ جه‌هنه‌مێ دا بن هه‌ر وهه‌ر تێدا بمينن، خرابترينێ خه‌لكى هه‌مییێ ئه‌ون.
اِنَّ الَّذِيْنَ اٰمَنُوْا وَعَمِلُوا الصّٰلِحٰتِ اُولٰٓئِكَ هُمْ خَيْرُ الْبَرِيَّةِ
هندى ئه‌ون يێن باوه‌رى ب خودێ ئيناى ودويكه‌فتنا پێغه‌مبه‌رێ وى كرى وچاكى كرين، چێترينێ خه‌لكى هه‌مییێ ئه‌ون.
جَزَآؤُهُمْ عِنْدَ رَبِّهِمْ جَنّٰتُ عَدْنٍ تَجْرِيْ مِنْ تَحْتِهَا الْاَنْهٰرُ خٰلِدِيْنَ فِيْهَا٘ اَبَدًا رَضِيَ اللّٰهُ عَنْهُمْ وَرَضُوْا عَنْهُ ذٰلِكَ لِمَنْ خَشِيَ رَبَّهٗ
جزايێ وان ڕۆژا قيامه‌تێ ل نك خودايێ وان ئه‌و به‌حه‌شتـن يێن ئه‌و لێ ئاكنجى دبن زێده دخۆشن، ڕويبار د بن قه‌سرێن وان دا دچن، هه‌ر وهه‌ر ئه‌و تێدا دمينن، خودێ ژ وان ڕازى بوويه وكارێ وان يێ چاك قه‌بويل كرییه، وئه‌و ژى ژ وى ڕازى بووينه ژ به‌ر وى قه‌درێ وى دايه وان، ئه‌و جزايێ باش بۆ وییه يێ ژ خودێ ترساى وخۆ ژ گونه‌هان دايه پاش.