وَالتِّيْنِ وَالزَّيْتُوْنِ
خودێ ب هژيرێ وزه‌يتوينێ سويند خوار. وئه‌و دو به‌رهه‌مێن ناڤدارن.
وَطُوْرِ سِيْنِيْنَ
و ب چيايێ (طوورێ سينائێ) سويند خوار ئه‌وێ خودێ ل سه‌ر د گه‌ل مووساى ئاخفتى.
وَهٰذَا الْبَلَدِ الْاَمِيْنِ
و ب ڤى باژێرێ ته‌نا ژ هه‌ر ترسه‌كێ، كو (مه‌كه‌هه) جهێ ئيسلام لێ هاتى سويند خوار.
لَقَدْ خَلَقْنَا الْاِنْسَانَ فِيْ٘ اَحْسَنِ تَقْوِيْمٍ
ب ڕاستى مه مرۆڤ د باشترين ڕه‌نگ دا ئافراندییه.
ثُمَّ رَدَدْنٰهُ اَسْفَلَ سٰفِلِيْنَ
پاشى ئه‌گه‌ر ئه‌و گوهدارییا خودێ نه‌كه‌ت ودويكه‌فتنا پێغه‌مبه‌ران نه‌كه‌ت، ئه‌م وى دزڤڕينينه د ئاگرى دا.
اِلَّا الَّذِيْنَ اٰمَنُوْا وَعَمِلُوا الصّٰلِحٰتِ فَلَهُمْ اَجْرٌ غَيْرُ مَمْنُوْنٍ
به‌لێ ئه‌وێن باوه‌رى ئيناى وچاكـى كرين خێره‌كا مه‌زن وبێ ڤه‌بڕين بۆ وان هه‌يه.
فَمَا يُكَذِّبُكَ بَعْدُ بِالدِّيْنِ
ئه‌و چ تشته به‌رێ ته -ئه‌ى مرۆڤۆ- دده‌ته هندێ كو تو دره‌وێ ب ڕابوونا پشتى مرنێ وجزادانێ بكه‌ى هه‌رچه‌نده ده‌ليل ل سه‌ر شيانا خودێ ل سه‌ر وێ چه‌ندێ دئاشكه‌رانه؟
اَلَيْسَ اللّٰهُ بِاَحْكَمِ الْحٰكِمِيْنَ
ئه‌رێ ما ئه‌و خودايێ ئه‌ڤ ڕۆژه داناى دا حوكمى تێدا د ناڤبه‌را خه‌لكى دا بكه‌ت موكمترينێ حاكمان نينه د وان هه‌مى تشتان دا يێن وى ئافراندين؟ به‌لێ. ئه‌رێ ڤێجا ما ئه‌و خه‌لكى دێ هێلت بێى فه‌رمانه‌كێ ل وان بكه‌ت، وجزايه‌كى بۆ ده‌سنيشان بكه‌ت؟