وَالَّيْلِ اِذَا يَغْشٰي
خودێ ب شه‌ڤێ سويند خوار ده‌مێ ئه‌و ب تارییا خۆ ڤه ب سه‌ر عه‌ردى وهه‌مى تشتان دا دگرت.
وَالنَّهَارِ اِذَا تَجَلّٰي
و ب ڕۆژێ ده‌مێ ب ڕۆناهییا خۆ تارییا شه‌ڤێ دبه‌ت.
وَمَا خَلَقَ الذَّكَرَ وَالْاُنْثٰ٘ي
و ب ئافراندنا نێر ومێیان.
اِنَّ سَعْيَكُمْ لَشَتّٰي
هندى كه‌دا هه‌وه‌يه يا ژێك جودايه د ناڤبه‌را كه‌دا بۆ دنيايێ وكه‌دا بۆ ئاخره‌تێ دا.
فَاَمَّا مَنْ اَعْطٰي وَاتَّقٰي
ڤێجا هه‌چییێ مالێ خۆ خه‌رج كر بت وته‌قوا خودێ د وێ چه‌ندێ دا كر بت.
وَصَدَّقَ بِالْحُسْنٰي
وباوه‌رى ب حسێبێ وجزادانا ل سه‌ر كرياران ئينا بت.
فَسَنُيَسِّرُهٗ لِلْيُسْرٰي
ئه‌م دێ به‌رێ وى ده‌ينه ئه‌گه‌رێن خێرێ وچاكییێ وكارێ وى ل به‌ر ب ساناهى كه‌ين.
وَاَمَّا مَنْۣ بَخِلَ وَاسْتَغْنٰي
وهه‌چییێ چڕيكى ب مالێ خۆ كربت وخۆ ژ جزادانا خودايێ خۆ بێ منه‌ت كربت.
وَكَذَّبَ بِالْحُسْنٰي
ودره‌و ب حسێب وجزادانێ كربت.
فَسَنُيَسِّرُهٗ لِلْعُسْرٰي
ئه‌م دێ ئه‌گه‌رێن به‌خت ڕه‌شییێ بۆ وى ئاشكه‌را كه‌ين.
وَمَا يُغْنِيْ عَنْهُ مَالُهٗ٘ اِذَا تَرَدّٰي
ومالێ وى يێ وى به‌خيلی پێ دكر چو مفايى ناگه‌هينتێ ئه‌گه‌ر ئه‌و كه‌فته د ئاگرى دا.
اِنَّ عَلَيْنَا لَلْهُدٰي
هندى ئه‌مين ژ قه‌نجى وحكمه‌تا مه‌يه كو ئه‌م بۆ خه‌لكى وێ ڕێكا وان بگه‌هينته خودێ وبه‌حشتێ ژ ڕێكا سه‌رداچوونێ جودا بكه‌ين.
وَاِنَّ لَنَا لَلْاٰخِرَةَ وَالْاُوْلٰي
وهندى ئه‌مين ملكێ ئاخره‌تێ ويێ دنيايێ يێ مه‌يه.
فَاَنْذَرْتُكُمْ نَارًا تَلَظّٰي
ڤێجا من هوين هشياركرن و ژ ئاگره‌كى ترساندن يێ گه‌ش دكه‌ت، كو ئاگرێ جه‌هنه‌مێیه.
لَا يَصْلٰىهَا٘ اِلَّا الْاَشْقَي
كه‌س ناچته وى ئاگرى ئه‌و تێ نه‌بت يێ گه‌له‌كێ به‌خت ڕه‌ش نه‌بت.
الَّذِيْ كَذَّبَ وَتَوَلّٰي
يێ پێغه‌مبه‌رێ خودێ موحه‌ممه‌د -سلاڤ لێ بن- دره‌وين ده‌رێخست بت،وپشت دابته باوه‌رییا ب خودێ وپێغه‌مبه‌رێ وى، وگوهدارییا وان.
وَسَيُجَنَّبُهَا الْاَتْقَي
وئه‌و دێ ژێ ئێته دوير كرن يێ گه‌له‌كێ ب ته‌قوا بت.
الَّذِيْ يُؤْتِيْ مَالَهٗ يَتَزَكّٰي
ئه‌وێ پێخه‌مه‌ت خێرێ مالێ خۆ خه‌رج دكه‌ت.
وَمَا لِاَحَدٍ عِنْدَهٗ مِنْ نِّعْمَةٍ تُجْزٰ٘ي
وئه‌و دانا وى بۆ خێرێ نه ژ به‌ر هندێیه دا قه‌نجییه‌كا وى بزڤڕينت يێ باشییه‌ك د گه‌ل وى كربت.
اِلَّا ابْتِغَآءَ وَجْهِ رَبِّهِ الْاَعْلٰي
به‌لكى مه‌خسه‌دا وى پێ ئه‌وه خودايێ وى يێ بلندتر ژ وى ڕازى ببت.
وَلَسَوْفَ يَرْضٰي
وپاشى د به‌حه‌شتێ دا خودێ وى تشتى دێ ده‌تێ يێ ئه‌و پێ ڕازى ببت.