هَلْ اَتٰىكَ حَدِيْثُ الْغَاشِيَةِ
ئه‌رێ به‌حسێ قيامه‌تێ ئه‌وا دێ ب ته‌نگاڤییێن خۆ ڤه ب سه‌ر خه‌لكى دا گرت گه‌هشتییه ته -ئه‌ى موحه‌ممه‌د-؟
وُجُوْهٌ يَّوْمَئِذٍ خَاشِعَةٌ
ژ به‌ر عه‌زابێ ڕوییێن كافران وێ ڕۆژێ دشكه‌ستى وڕه‌زيلن.
عَامِلَةٌ نَّاصِبَةٌ
ب كارى ڤه دوه‌ستياينه.
تَصْلٰي نَارًا حَامِيَةً
ئاگره‌كێ دژوار وشاراندى دگرت.
تُسْقٰي مِنْ عَيْنٍ اٰنِيَةٍ
ژ كانییه‌كا زێده كه‌لاندى دئێنه ئاڤدان.
لَيْسَ لَهُمْ طَعَامٌ اِلَّا مِنْ ضَرِيْعٍ
ژبلی وێ سترییا ب عه‌ردى ڤه نويسياى، كو نه‌خۆشترين وپيسترين خوارنه، خوارنه‌ك بۆ جه‌هنه‌مییان نينه.
لَّا يُسْمِنُ وَلَا يُغْنِيْ مِنْ جُوْعٍ
وئه‌و خوارنه‌كه نه خودانێ خۆ قه‌له‌و دكه‌ت، ونه برسا وى دشكێنت.
وُجُوْهٌ يَّوْمَئِذٍ نَّاعِمَةٌ
ڕۆژا قيامه‌تێ ڕوییێن خودان باوه‌ران دگه‌شن و د خۆشییان دانه.
لِّسَعْيِهَا رَاضِيَةٌ
ژ به‌ر وێ كه‌دا وان د دنيايێ دا كرى ئه‌و ل ئاخره‌تێ دڕازينه.
فِيْ جَنَّةٍ عَالِيَةٍ
د به‌حه‌شته‌كا بلند دانه.
لَّا تَسْمَعُ فِيْهَا لَاغِيَةً
گۆتنه‌كا ب تنێ ژى يا بێ مفا تێدا نائێته بهيستـن.
فِيْهَا عَيْنٌ جَارِيَةٌ
كانییه‌كا ئاڤ ژێ دزێت تێدا هه‌يه.
فِيْهَا سُرُرٌ مَّرْفُوْعَةٌ
ته‌ختێن بلند تێدا هه‌نه.
وَّاَكْوَابٌ مَّوْضُوْعَةٌ
وكۆپێن داناى بۆ ڤه‌خورانێ.
وَّنَمَارِقُ مَصْفُوْفَةٌ
وباليفكێن ب ڕێزكرى يه‌ك ب ڕه‌خ يه‌كێ ڤه.
وَّزَرَابِيُّ مَبْثُوْثَةٌ
ومه‌حفويرێن ڕائێخستى تێدا هه‌نه.
اَفَلَا يَنْظُرُوْنَ اِلَي الْاِبِلِ كَيْفَ خُلِقَتْ
ئه‌رێ ما كافرێن دره‌وپێكه‌ر به‌رێ خۆ ناده‌نه حێشترێ: چاوا ئه‌و ب ڤى ڕه‌نگێ عه‌جێب هاتییه ئافراندن؟
وَاِلَي السَّمَآءِ كَيْفَ رُفِعَتْ
وعه‌سمان چاوا ب ڤى ڕه‌نگێ جوان هاتییه بلندكرن؟
وَاِلَي الْجِبَالِ كَيْفَ نُصِبَتْ
وچيا چاوا هاتينه چكلاندن، ڤێجا عه‌رد ب وان هاتییه ڕاگرتن؟
وَاِلَي الْاَرْضِ كَيْفَ سُطِحَتْ
وعه‌رد چاوا هاتییه رائێخستـن وخۆشكرن؟
فَذَكِّرْ اِنَّمَا٘ اَنْتَ مُذَكِّرٌ
ڤێجا تو -ئه‌ى موحه‌ممه‌د- ب وێ يا تو پێ هاتییه هنارتن بيرا وان بينه‌ڤه يێن پشت دده‌ن.
لَسْتَ عَلَيْهِمْ بِمُصَۜيْطِرٍ
وتو سه‌را پشتدانا وان ب خه‌م نه‌كه‌ڤه، يا ل سه‌ر ته ئه‌و نينه تو ب ته‌عدايى باوه‌رییێ بكه‌يه د دلێن وان دا.
اِلَّا مَنْ تَوَلّٰي وَكَفَرَ
به‌لێ ئه‌وێ پشت دايه بيرئينان وشيره‌تێ وڕژدى ل سه‌ر كوفرا خۆ كرى.
فَيُعَذِّبُهُ اللّٰهُ الْعَذَابَ الْاَكْبَرَ
خودێ ب عه‌زابه‌كا دژوار د ئاگرى دا دێ وى عه‌زاب ده‌ت.
اِنَّ اِلَيْنَا٘ اِيَابَهُمْ
هندى زڤڕينا وانه پشتى مرنێ بۆ نك مه‌يه.
ثُمَّ اِنَّ عَلَيْنَا حِسَابَهُمْ
پاشى هندى جزايێ وانه سه‌را كريارێن وان ل سه‌ر مه‌يه.