سَبِّحِ اسْمَ رَبِّكَ الْاَعْلَي
تو ناڤێ خودايێ خۆ يێ بلندتر ژ كێماسى وشريكان پاك بكه.
الَّذِيْ خَلَقَ فَسَوّٰي
ئه‌وێ خه‌لك ئافراندين، وئافراندنا وان موكمكرى، وئه‌و ب باشترين ڕه‌نگ داين.
وَالَّذِيْ قَدَّرَ فَهَدٰي
وئه‌وێ هه‌مى مقه‌ده‌ر داين، وبه‌رێ هه‌ر يه‌كى دايه وى تشتێ بابه‌تى وى بت.
وَالَّذِيْ٘ اَخْرَجَ الْمَرْعٰي
وئه‌وێ گيايێ كه‌سك شينكرى.
فَجَعَلَهٗ غُثَآءً اَحْوٰي
پاشى كرییه پيشه‌كێ هشك وڕه‌نگ گۆهاڕتى.
سَنُقْرِئُكَ فَلَا تَنْسٰ٘ي
ئه‌ى موحه‌ممه‌د، ئه‌م دێ وه‌سا ڤێ قورئانێ ب ته ده‌ينه خواندن كو تو ئێدى ژ بير نه‌كه‌ى.
اِلَّا مَا شَآءَ اللّٰهُ اِنَّهٗ يَعْلَمُ الْجَهْرَ وَمَا يَخْفٰي
ئه‌و تێ نه‌بت يا خودێ حه‌زكرى بۆ مه‌صلحه‌ته‌كا ئه‌و پێ دزانت ژ بيرا ته ببه‌ت. هندى ئه‌وه ئه‌و تشتێ ئاشكه‌را ژ گۆتن وكرياران دزانت، وتشتێ ڤه‌شارتى ژى.
وَنُيَسِّرُكَ لِلْيُسْرٰي
و د هه‌مى كارێن ته دا ئه‌م دێ به‌رێ ته ده‌ينه تشتێ ب ساناهى.
فَذَكِّرْ اِنْ نَّفَعَتِ الذِّكْرٰي
ڤێجا تو بيرا ملله‌تێ خۆ ب ڤێ قورئانێ بينه‌ڤه، ئه‌گه‌ر بيرئينان مفاى بده‌ت. وبيرئينان واجبه ئه‌گه‌ر خۆ مفاى نه‌ده‌ت ژى.
سَيَذَّكَّرُ مَنْ يَّخْشٰي
ئه‌و دێ بيرا خۆ لێ ئينته‌ڤه يێ ژ خودايێ خۆ بترست.
وَيَتَجَنَّبُهَا الْاَشْقَي
وئه‌و دێ خۆ ژ بيرئينانێ ده‌ته پاش ئه‌و به‌ختڕه‌شێ ژ خودايێ خۆ نه‌ترست.
الَّذِيْ يَصْلَي النَّارَ الْكُبْرٰي
ئه‌وێ دێ چته ئاگرێ جه‌هنه‌ما مه‌زن.
ثُمَّ لَا يَمُوْتُ فِيْهَا وَلَا يَحْيٰي
پاشى ئه‌و تێدا نه‌دمرت وڕحه‌ت دبـت، ونـه ژينه‌كـا ب مفا دژيت.
قَدْ اَفْلَحَ مَنْ تَزَكّٰي
ب ڕاستى ئه‌و ب سه‌ركه‌فت يێ نه‌فسا خۆ ژ ئه‌خلاقێ خراب پاقژكرى.
وَذَكَرَ اسْمَ رَبِّهٖ فَصَلّٰي
وزكرێ خودێ كرى، وباوه‌رى ب ته‌وحيدا وى ئيناى ودوعا ژ وى كرين وكار ب وى تشتى كرى يێ ئه‌و پێ ڕازى، ونڤێژ ل ده‌مێ وێ كرى؛ دا خودێ ژێ ڕازى ببت.
بَلْ تُؤْثِرُوْنَ الْحَيٰوةَ الدُّنْيَا
هوين -گه‌لی مرۆڤان- خه‌ملا ژينا دنيايێ ب سه‌ر خۆشییا ئاخره‌تێ دئێخن.
وَالْاٰخِرَةُ خَيْرٌ وَّاَبْقٰي
وئاخره‌ت وئه‌و خۆشییا به‌رده‌وام يا تێدا هه‌ى، ژ دنيايێ چێتر وبه‌رده‌وامتره.
اِنَّ هٰذَا لَفِي الصُّحُفِ الْاُوْلٰي
هندى ئه‌وه يا د ڤێ سووره‌تێ دا بۆ هه‌وه هاتییه گۆتن ئه‌و ئه‌وه يا ڕامانا وێ د وان كيتابان دا هاتى يێن به‌رى قورئانێ هاتينه خوارێ.
صُحُفِ اِبْرٰهِيْمَ وَمُوْسٰي
وئه‌و كيتابێن ئيبراهيمى ومووساينه -سلاڤ لێ بن-.