وَالسَّمَآءِ وَالطَّارِقِ
خودێ سويندێ ب عه‌سمانى دخۆت و ب وێ ستێرا ب شه‌ڤ دئێت.
وَمَا٘ اَدْرٰىكَ مَا الطَّارِقُ
وما تو چ دزانى ئه‌ڤ ستێره چه‌ند يا مه‌زنه؟
النَّجْمُ الثَّاقِبُ
ئه‌و ستێره‌كا گه‌ش وڕوهنه.
اِنْ كُلُّ نَفْسٍ لَّمَّا عَلَيْهَا حَافِظٌ
نينه نه‌فسه‌ك ئه‌گه‌ر ملياكه‌ته‌ك زێره‌ڤانییێ لێ نه‌كه‌ت وكريارێن وێ نه‌پارێزت.
فَلْيَنْظُرِ الْاِنْسَانُ مِمَّ خُلِقَ
ڤێجا ئه‌و مرۆڤێ باوه‌رییێ ب ڕابوونا پشتى مرنێ نه‌ئينت بلا به‌رێ خۆ بده‌تێ كانێ ئه‌و ژ چ هاتییه ئافراندن؟
خُلِقَ مِنْ مَّآءٍ دَافِقٍ
ئه‌و ژ چپكه‌كا ئاڤێ يا ب له‌ز دئێته هاڤێتن د مالبچويكى دا يێ هاتییه ئافراندن.
يَّخْرُجُ مِنْۣ بَيْنِ الصُّلْبِ وَالتَّرَآئِبِ
ئه‌و چپك ژ ناڤبه‌را پشتا زه‌لامى وسنگێ ژنێ ده‌ردكه‌ڤت.
اِنَّهٗ عَلٰي رَجْعِهٖ لَقَادِرٌ
هندى ئه‌و خودايه يێ مرۆڤ ئافراندى دشێت پشتى مرنێ دوباره وى زێندى بكه‌ت.
يَوْمَ تُبْلَي السَّرَآئِرُ
ڕۆژا تشتێن ڤه‌شارتى ئاشكه‌را دبن، وتشتێ چاك ژ يێ خراب جودا دبت.
فَمَا لَهٗ مِنْ قُوَّةٍ وَّلَا نَاصِرٍ
مرۆڤى چو هێزه‌ك نابت خۆ پێ بپارێزت، ووى چو پشته‌ڤان ژى نابن عه‌زابا خودێ ژ وى دویر بكه‌ت.
وَالسَّمَآءِ ذَاتِ الرَّجْعِ
وسويند ب وى عه‌سمانێ بارانێ دوباره دزڤڕينت.
وَالْاَرْضِ ذَاتِ الصَّدْعِ
و ب وى عه‌ردێ شينكاتى ئه‌و شه‌قكرى.
اِنَّهٗ لَقَوْلٌ فَصْلٌ
هندى قورئانه گۆتنه‌كه ناڤبڕێ دئێخته ناڤبه‌را حه‌قییێ ونه‌حه‌قییێ دا.
وَّمَا هُوَ بِالْهَزْلِ
وئه‌و تڕانه نينه.
اِنَّهُمْ يَكِيْدُوْنَ كَيْدًا
هندى ئه‌ون يێن دره‌وێ ب پێغه‌مبه‌رى و ب قورئانێ دكه‌ن، فێلبازییێ وپيلانگێڕییێ دكه‌ن؛ دا ب فێلا خۆ حه‌قییێ پويچ بكه‌ن.
وَّاَكِيْدُ كَيْدًا
وئه‌ز فێلێ دكه‌م دا حه‌قییێ ب سه‌ر بێخم، ئه‌گه‌ر خۆ كافران بێ نه‌خۆش بت ژى.
فَمَهِّلِ الْكٰفِرِيْنَ اَمْهِلْهُمْ رُوَيْدًا
ڤێجا تو -ئه‌ى موحه‌ممه‌د- له‌زێ د داخوازكرنا عه‌زابدانا وان دا نه‌كه، به‌لێ ده‌ليڤێ بده وان وبه‌رێ خۆ بدێ، وله‌زێ نه‌كه، تو دێ بينى چ عه‌زاب وتێچوون دێ ب سه‌ر وان دا ئێت.