وَالسَّمَآءِ ذَاتِ الْبُرُوْجِ
خودێ ب وى عه‌سمانى سويند خوار يێ ئه‌و جهـ لێ هه‌ين يێن ڕۆژ وهه‌يڤ لێ دچن.
وَالْيَوْمِ الْمَوْعُوْدِ
و ب ڕۆژا قيامه‌تێ يا خودێ ژڤان پێ دايه خه‌لكى كو وان تێدا كۆم بكه‌ت.
وَشَاهِدٍ وَّمَشْهُوْدٍ
و ب شاهدێ شاهده‌يیێ دده‌ت، و ب يێ شاهده‌يى ل سه‌ر دئێته‌دان. وچى تشتێ خودێ بڤێت بۆ وى هه‌يه ئه‌و پێ سويند بخۆت، به‌لێ بۆ مرۆڤى چێ نابت ب تشته‌كى ژبلی خودێ سويند بخۆت؛ چونكى سويندا نه ب خودێ شركه.
قُتِلَ اَصْحٰبُ الْاُخْدُوْدِ
تێچوون وهاتنه عه‌زابدان ودويركرن ژ ڕه‌حما خودێ ئه‌وێن خه‌نده‌كێن مه‌زن بۆ عه‌زابدانا خودان باوه‌ران ل عه‌ردى چێكرين.
النَّارِ ذَاتِ الْوَقُوْدِ
وئاگره‌كێ دژوار تێدا هلكرى.
اِذْ هُمْ عَلَيْهَا قُعُوْدٌ
ده‌مێ ئه‌و ل سه‌ر لێڤێن خه‌نده‌كان روينشتيـن وماينه ل وێرێ.
وَّهُمْ عَلٰي مَا يَفْعَلُوْنَ بِالْمُؤْمِنِيْنَ شُهُوْدٌ
وئه‌و دئاماده‌يى وێ عه‌زابێ بوون يا وان ئينايه سه‌رێ خودان باوه‌ران.
وَمَا نَقَمُوْا مِنْهُمْ اِلَّا٘ اَنْ يُّؤْمِنُوْا بِاللّٰهِ الْعَزِيْزِ الْحَمِيْدِ
ووان ئه‌ڤ عه‌زابه نه ژ به‌ر تشته‌كى ئينا سه‌رێ وان ب تنێ ژ به‌ر هندێ نه‌بت كو وان باوه‌رى ب خودايێ زال ئينا بوو يێ كه‌س وى بێزار نه‌كه‌ت، يێ د گۆتن وكريار وسالۆخه‌تێن خۆ دا هێژاى مه‌دحان.
الَّذِيْ لَهٗ مُلْكُ السَّمٰوٰتِ وَالْاَرْضِ وَاللّٰهُ عَلٰي كُلِّ شَيْءٍ شَهِيْدٌ
ئه‌وێ ملكێ عه‌سمانان وعه‌ردى يێ وى، وئه‌و ل سه‌ر هه‌ر تشته‌كى شاهده، چو تشت ل وى به‌رزه نابن.
اِنَّ الَّذِيْنَ فَتَنُوا الْمُؤْمِنِيْنَ وَالْمُؤْمِنٰتِ ثُمَّ لَمْ يَتُوْبُوْا فَلَهُمْ عَذَابُ جَهَنَّمَ وَلَهُمْ عَذَابُ الْحَرِيْقِ
هندى ئه‌ون يێن مێرێن خودان باوه‌ر وژنێن خودان باوه‌ر ب ئاگرى سۆتيـن؛ دا ئه‌و وان ژ دينێ خودێ لێڤه‌كه‌ن، وپاشى تۆبه نه‌كرى، ل ئاخره‌تێ عه‌زابا جه‌هنه‌مێ بۆ وانه، وعه‌زابا دژوار وسوژه‌ك بۆ وانه.
اِنَّ الَّذِيْنَ اٰمَنُوْا وَعَمِلُوا الصّٰلِحٰتِ لَهُمْ جَنّٰتٌ تَجْرِيْ مِنْ تَحْتِهَا الْاَنْهٰرُ ذٰلِكَ الْفَوْزُ الْكَبِيْرُ
هندى ئه‌ون يێن باوه‌رى ب خودێ وپێغه‌مبه‌رێ وى ئيناى وكريارێن چاك كرين، ئه‌و به‌حه‌شتێن ڕويبار د بن قه‌سرێن وان دا دچن بۆ وان هه‌نه، ئه‌وه سه‌ركه‌فتنا مه‌زن.
اِنَّ بَطْشَ رَبِّكَ لَشَدِيْدٌ
هندى تۆلڤه‌كرنا خودايێ ته‌يه ژ نه‌ياران وعه‌زابا وى بۆ وان يا دژوار ومه‌زنه.
اِنَّهٗ هُوَ يُبْدِئُ وَيُعِيْدُ
هندى ئه‌وه ئه‌و ئافراندنێ ده‌ست پێ دكه‌ت ودوباره دكه‌ته‌ڤه.
وَهُوَ الْغَفُوْرُ الْوَدُوْدُ
وئه‌و باش گونه‌هـ ژێبره بۆ وى يێ تۆبه بكه‌ت، يێ حه‌ژێكه‌ره بۆ وه‌لییێن خۆ.
ذُو الْعَرْشِ الْمَجِيْدُ
خودانێ عه‌رشێ مه‌زنه.
فَعَّالٌ لِّمَا يُرِيْدُ
پڕبكه‌رێ وى تشتییه يێ وى دڤێت، تشتێ وى بڤێت ل به‌ر وى ئاسێ نابت.
هَلْ اَتٰىكَ حَدِيْثُ الْجُنُوْدِ
ئــه‌رێ به‌حسێ وان كۆمان گه‌هشتییه ته -ئه‌ى موحه‌ممه‌د- يێن پێغه‌مبه‌رێن خۆ دره‌وين ده‌رێخستيـن.
فِرْعَوْنَ وَثَمُوْدَ
كۆما فيرعه‌ون وثه‌موودییان، وئه‌و عه‌زابا ب سه‌رێ وان هاتى؟
بَلِ الَّذِيْنَ كَفَرُوْا فِيْ تَكْذِيْبٍ
ڤى ملله‌تى چو عيبره‌ت بۆ خۆ ژ وان نه‌ديت، به‌لكى ئه‌وێن كافر بووين د دره‌وكرنه‌كا به‌رده‌وام دانه وه‌كى وان يێن به‌رى خۆ.
وَّاللّٰهُ مِنْ وَّرَآئِهِمْ مُّحِيْطٌ
وخودێ ب زانين وشيانا خۆ دۆر ل وان گرتییه، تشته‌ك ژ كريارێن وان ل به‌ر وى به‌رزه نابت.
بَلْ هُوَ قُرْاٰنٌ مَّجِيْدٌ
وقورئان يا وه‌سا نينه وه‌كى بوتپه‌رێسێن دره‌وپێكه‌ر دبێژن كو ئه‌و شعر وسێره‌به‌ندییه، به‌لكى ئه‌و قورئانه‌كا مه‌زن وخودان قه‌دره.
فِيْ لَوْحٍ مَّحْفُوْظٍ
د له‌وحه‌كێ پاراستى دايه، چو گوهۆڕين وده‌ست تێڤه‌دان ژێ ناگرن.