اِذَا السَّمَآءُ انْشَقَّتْ
ئه‌گه‌ر عه‌سمان ده‌رزى، و ل ڕۆژا قيامه‌تێ ئه‌و شه‌ق بوو.
وَاَذِنَتْ لِرَبِّهَا وَحُقَّتْ
وگوهدارییا فه‌رمانا خودايێ خۆ كر كو شه‌ق ببت، وحه‌قه ئه‌و گوهدارییا فه‌رمانا وى بكه‌ت.
وَاِذَا الْاَرْضُ مُدَّتْ
وئه‌گه‌ر عه‌رد ژێك هاته‌ده‌ر وفره‌هـ بوو.
وَاَلْقَتْ مَا فِيْهَا وَتَخَلَّتْ
وئه‌و مرییێن د ناڤ خۆ دا هاڤێتن و ژ وان ڤالا بوو.
وَاَذِنَتْ لِرَبِّهَا وَحُقَّتْ
وگوهدارییا فه‌رمانا خودايێ خۆ كر، وحـه‌قـه ئه‌و گوهدارییا فه‌رمانا وى بكه‌ت.
يٰ٘اَيُّهَا الْاِنْسَانُ اِنَّكَ كَادِحٌ اِلٰي رَبِّكَ كَدْحًا فَمُلٰقِيْهِ
ئه‌ى مرۆڤ هندى تويى تو يێ ب نك خودێ ڤه دچى، وتو يێ كريارێن باش يان خراب دكه‌ى، پاشى ڕۆژا قيامه‌تێ تو دێ ڕابه‌رى خودێ بى، ڤێجا دێ جزايێ خۆ وى وه‌رگرى.
فَاَمَّا مَنْ اُوْتِيَ كِتٰبَهٗ بِيَمِيْنِهٖ
ڤێجا هه‌چییێ كيتابا كريارێن وى بێـته د ده‌ستێ وى يێ ڕاستێ دا، وئه‌و مرۆڤێ خودان باوه‌ره.
فَسَوْفَ يُحَاسَبُ حِسَابًا يَّسِيْرًا
حسێبا وى دێ يا ب ساناهى بت.
وَّيَنْقَلِبُ اِلٰ٘ي اَهْلِهٖ مَسْرُوْرًا
وئه‌و ب كه‌يف دێ زڤڕته نك مرۆڤێن خۆ ل به‌حه‌شتێ.
وَاَمَّا مَنْ اُوْتِيَ كِتٰبَهٗ وَرَآءَ ظَهْرِهٖ
وهه‌چییێ كيتابا وى ژ پشت وى ڤه بۆ بێته‌دان، وئه‌و مرۆڤێ كافره.
فَسَوْفَ يَدْعُوْا ثُبُوْرًا
ئه‌و دێ نفرينێ ب تێچوونێ ل خۆ كه‌ت.
وَّيَصْلٰي سَعِيْرًا
ودێ چته ئاگرى دا تام بكه‌ته گه‌رما وى.
اِنَّهٗ كَانَ فِيْ٘ اَهْلِهٖ مَسْرُوْرًا
هندى ئه‌و بوو ئه‌و د دنيايێ دا د ناڤ مرۆڤێن خۆ دا يێ كه‌يفخۆش ودفن بلند بوو.
اِنَّهٗ ظَنَّ اَنْ لَّنْ يَّحُوْرَ
وى هزرا دويماهییێ نه‌دكر، هندى ئه‌و بوو وى هزر دكر كو ئه‌و بۆ حسێبێ ب ساخى قه‌ت نازڤڕته نك خودايێ خۆ.
بَلٰ٘ي اِنَّ رَبَّهٗ كَانَ بِهٖ بَصِيْرًا
به‌لێ خودێ دێ وى زڤڕينته ڤه وه‌كى كو جارا يه‌كێ وى ئه‌و داى ودێ جزايێ وى سه‌را كارێ وى ده‌تێ، هندى خودايێ وییه ب حالێ وى يێ بينه‌ر وپڕزانا بوويه هه‌ر ژ ڕۆژا ئه‌و ئافراندى وحه‌تا دوباره زێندى كرییه‌ڤه.
فَلَا٘ اُقْسِمُ بِالشَّفَقِ
خودێ سويند ب سۆراتییا ئاسۆيێ عه‌سمانى ده‌مێ ڕۆژ ئاڤا دبت خوار.
وَالَّيْلِ وَمَا وَسَقَ
و ب شه‌ڤێ وهه‌ر تشتێ تێدا ڤه‌حه‌وياى.
وَالْقَمَرِ اِذَا اتَّسَقَ
و ب هه‌يڤێ ده‌مێ ڕۆناهییا وێ تمام دبت.
لَتَرْكَبُنَّ طَبَقًا عَنْ طَبَقٍ
هوين -گه‌لی مرۆڤان- د گه‌له‌ك حالێن ژێك جودا ڕا دێ بۆرن: ژ چپكه‌كا ئاڤێ بۆ هنده‌ك خوينا هشك بۆ پارچه‌يه‌كا گۆشتى بۆ دانا رحێ بۆ مرنێ بۆ ڕابوونێ. وبۆ مرۆڤى چێ نابت ژبلی خودێ ب تشته‌كێ دى سويند بخۆت، ئه‌گه‌ر دێ كه‌فته د شركێ دا.
فَمَا لَهُمْ لَا يُؤْمِنُوْنَ
ڤێجا ئه‌و چ تشته وان ژ باوه‌رییێ پاشڤه‌دبه‌ت پشتى ئايه‌ت بۆ وان هاتينه ئاشكه‌راكرن؟
وَاِذَا قُرِئَ عَلَيْهِمُ الْقُرْاٰنُ لَا يَسْجُدُوْنَ
ووان چيه ده‌مێ قورئان بۆ وان دئێته خواندن ئه‌و ناچنه سوجدێ، وباوه‌رییێ ب وى تشتى نائينن يێ تێدا هاتى؟
بَلِ الَّذِيْنَ كَفَرُوْا يُكَذِّبُوْنَ
به‌لكى هه‌ما عه‌ده‌تێ كافرانه ئه‌و دره‌وێ ب حه‌قییێ دكه‌ن.
وَاللّٰهُ اَعْلَمُ بِمَا يُوْعُوْنَ
وخودێ دزانت كانێ ئه‌و چ د سنگێن خۆ دا ڤه‌دشێرن ژ ڕكدارییێ د گه‌ل كو ئه‌و دزانن ژى كو ئه‌و تشتێ قورئان پێ هاتى حه‌قییه.
فَبَشِّرْهُمْ بِعَذَابٍ اَلِيْمٍ
ڤێجا تو -ئه‌ى موحه‌ممه‌د- مزگينییێ بده وان كو خودێ عه‌زابه‌كا ب ئێش بۆ وان ئاماده‌كرییه.
اِلَّا الَّذِيْنَ اٰمَنُوْا وَعَمِلُوا الصّٰلِحٰتِ لَهُمْ اَجْرٌ غَيْرُ مَمْنُوْنٍ
به‌لێ ئه‌وێن باوه‌رى ب خودێ وپێغه‌مبه‌رێ وى ئيناى وئه‌و كار كرى يێ خودێ ل سه‌ر وان فه‌ركرى، ل ئاخره‌تێ خێره‌كا بێ كێمكرن وڤه‌بڕين بۆ وان هه‌يه.