اِذَا السَّمَآءُ انْفَطَرَتْ
ئه‌گه‌ر عه‌سمان شه‌ق بوو، وسه‌ر وبه‌رێ وى تێك چوو.
وَاِذَا الْكَوَاكِبُ انْتَثَرَتْ
وئه‌گه‌ر ستێر كه‌فتن.
وَاِذَا الْبِحَارُ فُجِّرَتْ
وئه‌گه‌ر ده‌ريا تژى بوون، ڤێجا په‌قين و د سه‌ر دا چوون.
وَاِذَا الْقُبُوْرُ بُعْثِرَتْ
وئه‌گه‌ر گۆڕ هاتنه ڤه‌كرن ومرى ژێ ده‌ركه‌فتن.
عَلِمَتْ نَفْسٌ مَّا قَدَّمَتْ وَاَخَّرَتْ
هنگى هه‌ر نه‌فسه‌ك هه‌مى كارێ خۆ دێ زانت، كانێ ل پێشییێ چ كرییه و ل پاشییێ چ كرییه، ودێ پێ ئێته جزادان.
يٰ٘اَيُّهَا الْاِنْسَانُ مَا غَرَّكَ بِرَبِّكَ الْكَرِيْمِ
ئه‌ى مرۆڤێ باوه‌رییێ ب ڕابوونا پشتى مرنێ نائينت، ئه‌و چيه به‌رێ ته دايه هندێ كو تو شركێ ب خودايێ خۆ بكه‌ى يێ كو پێتڤى بوو ته شوكرا وى كربا.
الَّذِيْ خَلَقَكَ فَسَوّٰىكَ فَعَدَلَكَ
ئه‌وێ تو ئافراندى ڤێجا تو ڕاست ودورست كرى، دا تو بشێى ب كارێ خۆ ڕاببى.
فِيْ٘ اَيِّ صُوْرَةٍ مَّا شَآءَ رَكَّبَكَ
و ب چى ڕه‌نگێ وى ڤياى وى تو ئافراندى؟
كَلَّا بَلْ تُكَذِّبُوْنَ بِالدِّيْنِ
وه نينه وه‌كى هوين دبێژن كو د په‌رستنا يه‌كێ دى دا ژبلی خودێ هوين دحه‌قن، به‌لكى هوين دره‌وێ ب ڕۆژا حسێب وجزادانێ دكه‌ن.
وَاِنَّ عَلَيْكُمْ لَحٰفِظِيْنَ
وهندى هوينن هنده‌ك فريشته‌يێن پارێزڤان و ب قه‌در ل نك خودێ زێرڤانییێ ل هه‌وه دكه‌ن.
كِرَامًا كٰتِبِيْنَ
ووێ ل سه‌ر هه‌وه دنڤيسن يا فه‌رمان ب نڤيسينا وێ ل وان هاتییه كرن، تشته‌ك ژ كار ونهێنییێن هه‌وه ژ وان ناچن.
يَعْلَمُوْنَ مَا تَفْعَلُوْنَ
ئه‌و دزانن كانێ هوين چ باشى وخرابییان دكه‌ن.
اِنَّ الْاَبْرَارَ لَفِيْ نَعِيْمٍ
هندى ئه‌و ته‌قوادارن يێن كو حه‌قێ خودێ وحه‌قێ به‌نییان ب جهـ دئينن د خۆشییێ دانه.
وَّاِنَّ الْفُجَّارَ لَفِيْ جَحِيْمٍ
وهندى ئه‌و سه‌رداچووينه يێن ته‌خسيرى د حه‌قێ خودێ ويێ به‌نییان دا كرى ئه‌و د ئاگرى دانه.
يَّصْلَوْنَهَا يَوْمَ الدِّيْنِ
ڕۆژا جزادانێ گوڕییا وى دگه‌هته وان.
وَمَا هُمْ عَنْهَا بِغَآئِبِيْنَ
وئه‌و ژ عه‌زابا جه‌هنه‌مێ ددوير نينن نه ژێ ده‌ردكه‌ڤن ونه تێدا دمرن.
وَمَا٘ اَدْرٰىكَ مَا يَوْمُ الدِّيْنِ
وما تو چ دزانى كانێ مه‌زنییا ڕۆژا حسێبێ چه‌نده؟
ثُمَّ مَا٘ اَدْرٰىكَ مَا يَوْمُ الدِّيْنِ
پاشى ما تو چ دزانى مه‌زنییا ڕۆژا حسێبێ چه‌نده؟
يَوْمَ لَا تَمْلِكُ نَفْسٌ لِّنَفْسٍ شَيْــًٔا وَالْاَمْرُ يَوْمَئِذٍ لِّلّٰهِ
ڕۆژا حسێبێ كه‌س نه‌شێت مفاى بگه‌هينته كه‌سێ، وفه‌رمان هه‌مى وێ ڕۆژێ يا خودێ‌یه كه‌س نه‌شێته وى، وچو هه‌ڤڕك بۆ وى نابن.