عَبَسَ وَتَوَلّٰ٘ي
گوهۆڕين وتێكچوون ل سه‌ر دێمێ پێغه‌مبه‌رى ئاشكه‌را بوو، ووى پشتا خۆ دا عه‌بدللاهێ كوڕێ ئوم مه‌كتوومى.
اَنْ جَآءَهُ الْاَعْمٰي
ده‌مێ هاتى داخوازا نيشادانێ ژێ كرى، وهنگى پێغه‌مبه‌ر ب مه‌زنێن قوره‌يشییان ڤه يێ موژيل بوو به‌رێ وان ددا ئيسلامێ.
وَمَا يُدْرِيْكَ لَعَلَّهٗ يَزَّكّٰ٘ي
وتو چ دزانى كانێ حالێ وى چيه؟ به‌لكى ب پسيارا وى نه‌فسا وى پاقژ وبژوين ببت.
اَوْ يَذَّكَّرُ فَتَنْفَعَهُ الذِّكْرٰي
يان ئه‌و پتر مفاى بۆ خۆ وه‌ربگرت وخۆ ژ خرابییێ بده‌ته پاش.
اَمَّا مَنِ اسْتَغْنٰي
وهه‌چییێ خۆ ژ هيدايه‌تا ته بێ منه‌ت بكه‌ت.
فَاَنْتَ لَهٗ تَصَدّٰي
تو دمينيه ب وى ڤه وگوهێ خۆ دده‌يه ئاخفتنا وى.
وَمَا عَلَيْكَ اَلَّا يَزَّكّٰي
وما چ ل سه‌ر ته هـه‌يـه ئـه‌گـه‌ر ئـه‌و خۆ ژ كـوفرا خۆ پاقـژ نه‌كه‌ت؟
وَاَمَّا مَنْ جَآءَكَ يَسْعٰي
وهه‌چییێ ل سه‌ر ديتنا ته يێ مجد بت.
وَهُوَ يَخْشٰي
وئه‌و ژ خودێ دترست كو وى ته‌خسيرى د خواستنا هيدايه‌تێ دا كربت..
فَاَنْتَ عَنْهُ تَلَهّٰي
تو خۆ ژێ موژيل دكه‌ى.
كَلَّا٘ اِنَّهَا تَذْكِرَةٌ
مه‌سه‌له يا وه‌سا نينه وه‌كى ته كرى ئه‌ى موحه‌ممه‌د، هندى ئه‌ڤ سووره‌ته‌يه بـيرئينانه‌كه بۆ ته وبۆ هه‌ر كه‌سه‌كێ بڤێت مفاى ژێ وه‌ربگرت.
فَمَنْ شَآءَ ذَكَرَهٗ
ڤێجا هه‌چییێ بڤێت دێ خودێ ل بيرا خۆ ئينت ودويچوونا وه‌حییا وى كه‌ت.
فِيْ صُحُفٍ مُّكَرَّمَةٍ
ئه‌ڤ وه‌حییه، كو قورئانه د هنده‌ك كيتابێن ب قه‌در وپاقژ دايه.
مَّرْفُوْعَةٍ مُّطَهَّرَةٍ
قه‌درێ وێ يێ بلنده، وئه‌و ژ پيسییێ وده‌ستێڤه‌دانێ يا پاقژ وبژوينه.
ۣبِاَيْدِيْ سَفَرَةٍ
د ده‌ستێن هنده‌ك فريشته‌يێن نڤيسه‌ر دايه، ئه‌و د ناڤبه‌را خودێ وبه‌نییێن وى دا دئێن ودچن.
كِرَامٍۣ بَرَرَةٍ
ب قه‌در وبهانه،وخودان ئه‌خلاق وكريارێن باش وپاقژن.
قُتِلَ الْاِنْسَانُ مَا٘ اَكْفَرَهٗ
له‌عنه‌ت ل مرۆڤێ كافر هاتنه‌كرن وئه‌و هاته عه‌زابدان، كوفرا وى ب خودايێ وى چه‌ند يا دژواره!!
مِنْ اَيِّ شَيْءٍ خَلَقَهٗ
ئه‌رێ ما وى نه‌ديتییه كانێ خودێ جارا يه‌كێ ئه‌و ژ چ تشتى ئافراندییه؟
مِنْ نُّطْفَةٍ خَلَقَهٗ فَقَدَّرَهٗ
خودێ ئه‌و ژ هنده‌ك ئاڤا كێم ئافراند و د گه‌له‌ك حالان ڕا بۆراند.
ثُمَّ السَّبِيْلَ يَسَّرَهٗ
پاشى ڕێكا باش وخراب بۆ وى ئاشكه‌را كر.
ثُمَّ اَمَاتَهٗ فَاَقْبَرَهٗ
پاشى وى ئه‌و مراند وجهه‌كێ لێ بێته ڤه‌شارتن بۆ دانا.
ثُمَّ اِذَا شَآءَ اَنْشَرَهٗ
پاشى ئه‌گه‌ر وى حه‌ز كر ئه‌و دێ وى زێندى كه‌ته‌ڤه، وپشتى مرنێ دێ وى بۆ حسێب وجزادانێ ڕاكه‌ته‌ڤه.
كَلَّا لَمَّا يَقْضِ مَا٘ اَمَرَهٗ
وه نينه وه‌كى كافر دكه‌ت ودبێژت، وى ئه‌و پێك نه‌ئينايه يا خودێ فه‌رمان پێ ل وى كرى كو باوه‌رییێ بينت وگوهدارییا وى بكه‌ت.
فَلْيَنْظُرِ الْاِنْسَانُ اِلٰي طَعَامِهٖ٘
ڤێجا بلا مرۆڤ هزرا خۆ بكه‌ت: كانێ خودێ چاوا ئه‌و خوارن دايه يا ئه‌و خۆ پێ ڕادگرت؟
اَنَّا صَبَبْنَا الْمَآءَ صَبًّا
هندى ئه‌مين مه ئاڤ ب سه‌ر عه‌ردى دا باراندییه.
ثُمَّ شَقَقْنَا الْاَرْضَ شَقًّا
پاشى مه ئه‌و شه‌قكر.
فَاَنْۣبَتْنَا فِيْهَا حَبًّا
وگه‌له‌ك ڕه‌نگێن شينكاتى ژێ ده‌رێخستن، ڤێجا مه دان ودكاك لێ شينكر.
وَّعِنَبًا وَّقَضْبًا
وترى وئالفێ حه‌يوانه‌تان.
وَّزَيْتُوْنًا وَّنَخْلًا
وزه‌يتوون ودارقه‌سپ.
وَّحَدَآئِقَ غُلْبًا
وباغێن داروبارێ مه‌زن لێ هه‌ى.
وَّفَاكِهَةً وَّاَبًّا
وفێقى وچه‌روان.
مَّتَاعًا لَّكُمْ وَلِاَنْعَامِكُمْ
هوين وحه‌يوانه‌تێ هه‌وه خۆشییێ پێ دبه‌ن.
فَاِذَا جَآءَتِ الصَّآخَّةُ
ڤێجا ئه‌گه‌ر قێڕییا ڕۆژا قيامه‌تێ يا كو گوهـ ژ به‌ر كه‌ڕ دبن هات.
يَوْمَ يَفِرُّ الْمَرْءُ مِنْ اَخِيْهِ
ڕۆژا مرۆڤ ژ ترسان دا ژ برايێ خۆ دڕه‌ڤت.
وَاُمِّهٖ وَاَبِيْهِ
و ژ دايك وبابێ خۆ.
وَصَاحِبَتِهٖ وَبَنِيْهِ
و ژ ژن وزارۆكێن خۆ.
لِكُلِّ امْرِئٍ مِّنْهُمْ يَوْمَئِذٍ شَاْنٌ يُّغْنِيْهِ
وێ ڕۆژێ هه‌ر يه‌كى ژ وان كاره‌كێ هه‌ى وى موژيل دكه‌ت.
وُجُوْهٌ يَّوْمَئِذٍ مُّسْفِرَةٌ
وێ ڕۆژێ ڕوییێن خودانێن خۆشییێ دگه‌شن.
ضَاحِكَةٌ مُّسْتَبْشِرَةٌ
وئه‌و ب كه‌يف وشاهينه.
وَوُجُوْهٌ يَّوْمَئِذٍ عَلَيْهَا غَبَرَةٌ
وڕوییێن خه‌لكێ جه‌هنه‌مێ دڕه‌ش وتارينه.
تَرْهَقُهَا قَتَرَةٌ
ڕه‌زيلی پێدا دئێت.
اُولٰٓئِكَ هُمُ الْكَفَرَةُ الْفَجَرَةُ
ئه‌وێن ب ڤى ڕه‌نگى ئه‌ون يێن كوفر كرى، و ب سه‌رداچوونا خۆ بسته‌يى ل سه‌ر وان تشتان كرى يێن خودێ حه‌رام كرين.