وَالنّٰزِعٰتِ غَرْقًا
خودێ ب وان فريشته‌يان سويند خوار يێن ب كێشانه‌كا دژوار رحێن كافران دكێشن.
وَّالنّٰشِطٰتِ نَشْطًا
و ب وان يێن خۆش ورحه‌ت رحێن خودان باوه‌ران دكێشن.
وَّالسّٰبِحٰتِ سَبْحًا
و ب وان فريشته‌يان يێن ل ده‌مێ دادان وڕابوونا خۆ خۆش دئێن.
فَالسّٰبِقٰتِ سَبْقًا
و ب وان ملياكه‌تێن ده‌مێ وه‌حییێ دئينن به‌رى شه‌يتانان ڕادكه‌ن؛ دا ئه‌و چويێ ژێ نه‌دزن.
فَالْمُدَبِّرٰتِ اَمْرًا
و ب وان ملياكه‌تان يێن وێ فه‌رمانا خودايێ خۆ ب جهـ دئينن يا ژ وان هاتییه داخوازكرن كو ئه‌و ب جهـ بينن -وبۆ مرۆڤى دورست نينه ژبلی خودێ ئه‌و ب تشته‌كێ دى سويند بخۆت، وئه‌گه‌ر وه كر دێ كه‌فته د شركێ دا-.
يَوْمَ تَرْجُفُ الرَّاجِفَةُ
خه‌لك پشتى مرنێ دێ ڕابن وحسێب دێ د گه‌ل ئێته‌كرن، ڕۆژا ب پفكرنا يه‌كێ يا مراندنێ عه‌رد ڤه‌دله‌رزت.
تَتْبَعُهَا الرَّادِفَةُ
وپفكرنا دووێ يا زێنديكرنێ ب دويڤ دا دئێت.
قُلُوْبٌ يَّوْمَئِذٍ وَّاجِفَةٌ
دلێن كافران وێ ڕۆژێ ژ ترسان دا ڤه‌دله‌رزن.
اَبْصَارُهَا خَاشِعَةٌ
وچاڤێن وان ژ سه‌هما وى تشتى دا يێ وێ ڕۆژێ ئه‌و دبينن دڕه‌زيل وشكه‌ستينه.
يَقُوْلُوْنَ ءَاِنَّا لَمَرْدُوْدُوْنَ فِي الْحَافِرَةِ
ئه‌وێن هه يێن دره‌وێ ب ڕابوونا پشتى مرنێ دكه‌ن دبێژن: ئه‌رێ پشتى ئه‌م دمرين ما جاره‌كا دێ زڤڕينه‌ڤه وه‌كى به‌رێ ئه‌م د دنيايێ دا؟
ءَاِذَا كُنَّا عِظَامًا نَّخِرَةً
ئه‌رێ پشتى ئه‌م بووينه هنده‌ك هه‌ستيكێن پێتى دێ زڤڕينه‌ڤه؟
قَالُوْا تِلْكَ اِذًا كَرَّةٌ خَاسِرَةٌ
وان گۆت: زڤڕينا مه ئه‌و هنگى دێ يا ب زيان ودره‌و بت.
فَاِنَّمَا هِيَ زَجْرَةٌ وَّاحِدَةٌ
نێ هه‌ما مه‌سه‌له پفكرنه‌كا ب تنێ‌یه.
فَاِذَا هُمْ بِالسَّاهِرَةِ
هنگى ئه‌و ل سه‌ر ڕوییێ عه‌ردى دێ ئێنه دانان پشتى كو ئه‌و ژ زكێ عه‌ردى هاتییه ده‌رێخستـن.
هَلْ اَتٰىكَ حَدِيْثُ مُوْسٰي
ئه‌رێ به‌حسێ مووساى گه‌هشتییه ته -ئه‌ى موحه‌ممه‌د-؟
اِذْ نَادٰىهُ رَبُّهٗ بِالْوَادِ الْمُقَدَّسِ طُوًي
ده‌مێ خودايێ وى ل نهالا (طووايێ) يا پاقژكرى وپيرۆز، گۆتییێ:
اِذْهَبْ اِلٰي فِرْعَوْنَ اِنَّهٗ طَغٰي
هه‌ڕه نك فيرعه‌ونى، هندى ئه‌وه ئه‌و زێده ب ناڤ بێ گونه‌هێ ڤه يێ چووى.
فَقُلْ هَلْ لَّكَ اِلٰ٘ي اَنْ تَزَكّٰي
ڤێجا بێژه وى: ئه‌رێ ته دڤێت خۆ ژ كێماسییان پاقژ بكه‌ى وخۆ ب باوه‌رییێ بخه‌ملينى.
وَاَهْدِيَكَ اِلٰي رَبِّكَ فَتَخْشٰي
وئه‌ز به‌رێ ته بده‌مه گوهدارییا خودايێ ته، دا تو ژێ بترسى وته‌قوا وى بكه‌ى؟
فَاَرٰىهُ الْاٰيَةَ الْكُبْرٰي
ڤێجا مووساى نيشانا مه‌زن نيشا فيرعه‌ونى دا: گۆپال وده‌ست.
فَكَذَّبَ وَعَصٰي
ئينا فيرعه‌ونى پێغه‌مبه‌رێ خودێ مووسا -سلاڤ لێ بن- دره‌وين ده‌رێخست، وبێ ئه‌مرییا خودايێ خۆ كر.
ثُمَّ اَدْبَرَ يَسْعٰي
پاشى پشت دا باوه‌رییێ و د به‌رهنگارییا مووساى دا خۆ وه‌ستاند.
فَحَشَرَ فَنَادٰي
ڤێجا وى خه‌لكێ وه‌لاتێ خۆ كۆمكرن و د ناڤ وان دا گازى كر.
فَقَالَ اَنَا رَبُّكُمُ الْاَعْلٰي
وگۆت: ئه‌زم ئه‌و خودايێ هه‌وه يێ چو خودا د سه‌ر وى دا نه‌هه‌ين.
فَاَخَذَهُ اللّٰهُ نَكَالَ الْاٰخِرَةِ وَالْاُوْلٰي
ئينا خودێ ب عه‌زابا دنيايێ وئاخره‌تێ تۆل ژێ ڤه‌كر، وئه‌و بۆ سه‌رداچوويێن وه‌كى وى كره نموونه وعيبره‌ت.
اِنَّ فِيْ ذٰلِكَ لَعِبْرَةً لِّمَنْ يَّخْشٰي
هندى فيرعه‌ونه وئه‌و عه‌زابا ب سه‌رێ وى هاتى عيبره‌ته‌ك بۆ وى تێدا هه‌يه يێ مفاى ژ عيبره‌تان وه‌رگرت.
ءَاَنْتُمْ اَشَدُّ خَلْقًا اَمِ السَّمَآءُ بَنٰىهَا
ئه‌رێ ما ڕاكرنا هه‌وه يا پشتى مــرنـێ ل نك هـــه‌وه -گه‌لی مرۆڤان- ژ ئافراندنا عه‌سمانى ب زه‌حمه‌تتره؟ وى ئه‌و وه‌كى ئاڤاهى ل هنداڤى هه‌وه ڕاكرییه.
رَفَعَ سَمْكَهَا فَسَوّٰىهَا
ووى بانێ عه‌سمانى ل هه‌وا بلند كرییه چو كێم وكاس لێ نينن.
وَاَغْطَشَ لَيْلَهَا وَاَخْرَجَ ضُحٰىهَا
ووى ب ئاڤابوونا ڕۆژێ شه‌ڤا وى تارى كرییه، و ب هه‌لاتنا ڕۆژێ ل عه‌سمانى ڕۆژ ده‌رێخستییه وڕوهن كرییه.
وَالْاَرْضَ بَعْدَ ذٰلِكَ دَحٰىهَا
ووى پشتى ئافراندنا عه‌سمانى عه‌رد ڕائێخست، وتژى مفا كرنه تێدا.
اَخْرَجَ مِنْهَا مَآءَهَا وَمَرْعٰىهَا
كانییێن ئاڤێ ژێ ده‌رێخستن، وئه‌و شينكاتییێ ببته چه‌روان وى لێ شينكر.
وَالْجِبَالَ اَرْسٰىهَا
ووى چيا لێ دانان دا بۆ ببنه ستوين.
مَتَاعًا لَّكُمْ وَ لِاَنْعَامِكُمْ
خودێ ئه‌ڤ قه‌نجییه هه‌مى بۆ مفايێ هه‌وه وحه‌يوانێن هه‌وه دان. (هندى دوباره‌كرنا هه‌وه‌يه ل ڕۆژا قيامه‌تێ ل به‌ر خودێ ژ ئافراندنا ڤان تشتان ب ساناهيتره، وئه‌و هه‌مى ل به‌ر وى يا ب ساناهییه).
فَاِذَا جَآءَتِ الطَّآمَّةُ الْكُبْرٰي
ڤێجا ئه‌گه‌ر قيامه‌تا مه‌زن هات كو پفكرنا دووێیه.
يَوْمَ يَتَذَكَّرُ الْاِنْسَانُ مَا سَعٰي
هنگى هه‌مى كريارێن مرۆڤى بۆ وى دئێنه به‌رچاڤكرن، ڤێجا بيرا وى ل وان دئێته‌ڤه وئه‌و ئعترافێ پێ دكه‌ت.
وَبُرِّزَتِ الْجَحِيْمُ لِمَنْ يَّرٰي
وبۆ هه‌ر يه‌كێ خودان ديتن جه‌هنه‌م هاته به‌رچاڤكرن.
فَاَمَّا مَنْ طَغٰي
ڤێجا هه‌چییێ د سه‌ر ئه‌مرێ خودێ ڕا باز داى.
وَاٰثَرَ الْحَيٰوةَ الدُّنْيَا
وژينا دنيايێ ب سه‌ر ئاخره‌تێ ئێخستى.
فَاِنَّ الْجَحِيْمَ هِيَ الْمَاْوٰي
دويماهییا وى بۆ ئاگرییه.
وَاَمَّا مَنْ خَافَ مَقَامَ رَبِّهٖ وَنَهَي النَّفْسَ عَنِ الْهَوٰي
وهه‌چییێ ژ ڕاوه‌ستانا ل به‌ر ده‌ستێ خودێ بۆ حسێبێ بترست، ونه‌فسا خۆ ژ دلچوونێن خراب بده‌ته پاش.
فَاِنَّ الْجَنَّةَ هِيَ الْمَاْوٰي
هندى به‌حه‌شته ئه‌وه مالا وى.
يَسْــَٔلُوْنَكَ عَنِ السَّاعَةِ اَيَّانَ مُرْسٰىهَا
بوتپه‌رێس -بۆ تڕانه- پسيارا ده‌مێ هاتنا قيامه‌تێ ژ ته دكه‌ن.
فِيْمَ اَنْتَ مِنْ ذِكْرٰىهَا
تو چويێ ژ ده‌مێ هاتنا وێ نزانى.
اِلٰي رَبِّكَ مُنْتَهٰىهَا
خودێ‌یه وێ چه‌ندێ دزانت.
اِنَّمَا٘ اَنْتَ مُنْذِرُ مَنْ يَّخْشٰىهَا
وهه‌ما كارێ ته ئه‌وه تو وى ب قيامه‌تێ بترسينى يێ ژێ بترست.
كَاَنَّهُمْ يَوْمَ يَرَوْنَهَا لَمْ يَلْبَثُوْ٘ا اِلَّا عَشِيَّةً اَوْ ضُحٰىهَا
ده‌مێ ئه‌و قيامه‌تێ دبينن ژ به‌ر ترس وسه‌هما وێ هه‌ر وه‌كى ئه‌و ژ دانه‌كێ ڕۆژێ پێڤه‌تر، ئێڤارییه‌كێ يان سپێده‌يیه‌كێ، د ژينا دنيايێ دا نه‌ماين.