عَمَّ يَتَسَآءَلُوْنَ
هنده‌ك كافرێن قوره‌يشییان پسيارا چ ژ يه‌ك ودو دكه‌ن؟
عَنِ النَّبَاِ الْعَظِيْمِ
ئه‌و پسيارا به‌حسێ مه‌زن دكه‌ن، كو قورئانا مه‌زنه ئه‌وا به‌حسێ ڕابوونا پشتى مرنێ دكه‌ت .
الَّذِيْ هُمْ فِيْهِ مُخْتَلِفُوْنَ
يا كافرێن قوره‌يشییان ژێ ب گومان، ودره‌و پێ كرى.
كَلَّا سَيَعْلَمُوْنَ
مه‌سه‌له يا وه‌سا نينه وه‌كى ئه‌ڤ بوتپه‌رێسه هزر دكه‌ن، ئه‌و بوتپه‌رێس دويماهییا دره‌وپێكرنا خۆ دێ زانن، وبۆ وان دێ ئاشكه‌را بت كانێ ڕۆژا قيامه‌تێ خودێ دێ چ ل وان كه‌ت.
ثُمَّ كَلَّا سَيَعْلَمُوْنَ
پاشى ئه‌و دێ بۆ وان مسۆگه‌ر بت، وڕاستییا وێ يا موحه‌ممه‌د -سلاڤ لێ بن- پێ هاتى ژ قورئانێ وبه‌حسێ ڕابوونا پشتى مرنێ دێ بۆ وان ئاشكه‌را بت، وئه‌ڤه گه‌فه‌كه بۆ وان.
اَلَمْ نَجْعَلِ الْاَرْضَ مِهٰدًا
ئه‌رێ ما مه عه‌رد وه‌كى جهى بۆ هه‌وه ڕانه‌ئێخستییه؟
وَّالْجِبَالَ اَوْتَادًا
وما مه چيا تێدا نه‌كرينه ستوين؛ دا عه‌رد ب هه‌وه ڤه نه‌هژيێت؟
وَّخَلَقْنٰكُمْ اَزْوَاجًا
وما مه هوين نه‌ئافراندينه جۆت دنێر ودمێ؟
وَّجَعَلْنَا نَوْمَكُمْ سُبَاتًا
وما مه خه‌و بۆ له‌شێن هـه‌وه نه‌كرییه ڕحه‌تى، هوين پێ ئاكنجى وته‌نا دبن؟
وَّجَعَلْنَا الَّيْلَ لِبَاسًا
وما مه شه‌ڤ نه‌كرییه كــراس تارییا وێ هــه‌وه ڤه‌دشێرت، و ب سه‌ر هه‌وه دا دئێت، وه‌كى كو كراس خودانى دنخێڤت؟
وَّجَعَلْنَا النَّهَارَ مَعَاشًا
وما مه ڕۆژ بۆ هه‌وه نه‌كرییه ژيار هوين بۆ ژيارا خۆ تێدا به‌لاڤ دبن، وهوين ل به‌ر هه‌وجه‌يیێن خۆ دگه‌ڕيێن؟
وَبَنَيْنَا فَوْقَكُمْ سَبْعًا شِدَادًا
ومه ما حه‌فت عه‌سمانێن موكم و ب هێز ل هنداڤى هه‌وه ئاڤانه‌كرينه، دبێ ده‌رز وپه‌قن؟
وَّجَعَلْنَا سِرَاجًا وَّهَّاجًا
وما مه ڕۆژ نه‌كرییه چرايه‌كێ گه‌ش وخودان تێن؟
وَّاَنْزَلْنَا مِنَ الْمُعْصِرٰتِ مَآءً ثَجَّاجًا
وما مه ئاڤه‌كا بۆش ژ عه‌ورێن بارانێ نه‌باراندییه.
لِّنُخْرِجَ بِهٖ حَبًّا وَّنَبَاتًا
دا ئه‌م وى تشتى پێ ده‌ربێخين يێ بۆ مرۆڤى ببته قويت وبۆ حه‌يوانى ببته ئالف.
وَّجَنّٰتٍ اَلْفَافًا
و وان باغێن چه‌قێن داروبارێ وان تێك ئالياى؟
اِنَّ يَوْمَ الْفَصْلِ كَانَ مِيْقَاتًا
هندى ڕۆژا حوكمكرنا د ناڤبه‌را خه‌لكى دايه، كو ڕۆژا قيامه‌تێیه، ئه‌و ده‌مه‌ك وژڤانه‌كێ ده‌سنيشانكرى بوويه بۆ يێن پێشییێ ويێن پاشییێ.
يَّوْمَ يُنْفَخُ فِي الصُّوْرِ فَتَاْتُوْنَ اَفْوَاجًا
ڕۆژا فريشته د (بۆڕییێ) دا پف دكه‌ت، دا ده‌ستويرى ب ڕابوونێ بێته دان، ڤێجا هوين كۆم كۆم دئێن، هه‌ر كۆمه‌ك د گه‌ل پێشه‌وايێ خۆ.
وَّفُتِحَتِ السَّمَآءُ فَكَانَتْ اَبْوَابًا
وعه‌سمان هاته‌ڤه‌كرن، ڤێجا ئه‌و بوو خودان ده‌رگه‌هێن زۆر دا فريشته ژێ بێنه خوارێ.
وَّسُيِّرَتِ الْجِبَالُ فَكَانَتْ سَرَابًا
و چيا پشتى موكمییێ ژ جهـ هاتنه‌برن، وبوونه له‌يلان.
اِنَّ جَهَنَّمَ كَانَتْ مِرْصَادًا
هندى جه‌هنه‌مه وێ ڕۆژێ ل به‌ر وان كافران دانايه يێن كو ئه‌و بۆ وان هاتییه ئاماده‌كرن.
لِّلطّٰغِيْنَ مَاٰبًا
ئه‌و جهێ لێ زڤڕينا كافرانه.
لّٰبِثِيْنَ فِيْهَا٘ اَحْقَابًا
زه‌مانێن دوير ودرێژ وبێ ڤه‌بڕين ئه‌و دێ تێدا مينن.
لَا يَذُوْقُوْنَ فِيْهَا بَرْدًا وَّلَا شَرَابًا
نه ئه‌و تێدا تام دكه‌نه وى تشتێ گه‌رما ئاگرى ل به‌ر وان سار دكه‌ت، ونه ئه‌و ڤه‌خوارنه‌كا تێنكا وان بشكێنت ڤه‌دخۆن.
اِلَّا حَمِيْمًا وَّغَسَّاقًا
ئاڤه‌كا كه‌ل تێ نه‌بت، وكێما خه‌لكێ ئاگرى.
جَزَآءً وِّفَاقًا
ئه‌و جزايه‌كێ ب دادییه بۆ وان؛ ژ به‌ر كريارێن وان د دنيايێ دا كرين.
اِنَّهُمْ كَانُوْا لَا يَرْجُوْنَ حِسَابًا
هندى ئه‌و بوون ئه‌و ژ ڕۆژا حسێبێ نه دترسان له‌و وان چو كار بۆ وێ نه‌كربوو.
وَّكَذَّبُوْا بِاٰيٰتِنَا كِذَّابًا
ووان دره‌و ب وێ كر يا پێغه‌مبه‌ر بۆ وان پێ هاتين.
وَكُلَّ شَيْءٍ اَحْصَيْنٰهُ كِتٰبًا
وهه‌ر تشته‌كێ هه‌ى مه زانییه و د له‌وحێ پاراستى دا نڤيسییه.
فَذُوْقُوْا فَلَنْ نَّزِيْدَكُمْ اِلَّا عَذَابًا
ڤێجا هوين -گه‌لی كافران- تام بكه‌نه جزايێ كريارێن خۆ، و ژ عه‌زابه‌كێ ل سه‌ر عه‌زابا هه‌وه پێڤه‌تر ئه‌م چو يێ ل هه‌وه زێده ناكه‌ين.
اِنَّ لِلْمُتَّقِيْنَ مَفَازًا
هندى ئه‌ون يێن ژ خودايێ خۆ دترسن وچاكییێ دكه‌ن، سه‌ركه‌فتنا ب چوونا د به‌حه‌شتێ دا بۆ وان هه‌يه.
حَدَآئِقَ وَاَعْنَابًا
هندى ئه‌ون باغچه‌يێن مه‌زن ومێوێن ترى بۆ وان هه‌نه.
وَّكَوَاعِبَ اَتْرَابًا
وژنێن گه‌نج وهه‌ڤسال و د يه‌ك ژى دا بۆ وان هه‌نه.
وَّكَاْسًا دِهَاقًا
وپه‌رداغێن تژى مه‌ى بۆ وان هه‌نه.
لَا يَسْمَعُوْنَ فِيْهَا لَغْوًا وَّلَا كِذّٰبًا
وان د ڤێ به‌حه‌شتێ دا نه گوهـ ل گۆتنه‌كا بێ خێر دبت، ونه ئه‌و يه‌ك ودو دره‌وين ده‌ردئێخن.
جَزَآءً مِّنْ رَّبِّكَ عَطَآءً حِسَابًا
ئه‌و هه‌مى منه‌ت وجزايه‌كه بۆ وان ژ خودێ، ودانه‌كا بۆشه وتێرا وان هه‌يه.
رَّبِّ السَّمٰوٰتِ وَالْاَرْضِ وَمَا بَيْنَهُمَا الرَّحْمٰنِ لَا يَمْلِكُوْنَ مِنْهُ خِطَابًا
هندى ئه‌وه ئه‌و خودايێ عه‌سمانان وعه‌ردى وهه‌ر تشته‌كێ د ناڤبه‌رێ دايه، پڕدلۆڤانێ دنيايێ وئاخره‌تێیه، ئه‌و نه‌شێن تشته‌كى ژ وى بخوازن ئه‌و تێ نه‌بت يێ ئه‌و ده‌ستويریێ پێ دده‌ته‌وان.
يَوْمَ يَقُوْمُ الرُّوْحُ وَالْمَلٰٓئِكَةُ صَفًّا لَّا يَتَكَلَّمُوْنَ اِلَّا مَنْ اَذِنَ لَهُ الرَّحْمٰنُ وَقَالَ صَوَابًا
ڕۆژا جبريل -سلاڤ لێ بن- وفريشته تێدا ب ڕێز ڕادوه‌ستن، ئه‌و مه‌هده‌رێ بۆ يه‌كى ناكه‌ن ئه‌و تێ نه‌بت يێ خودايێ پڕدلۆڤان ده‌ستويرى بۆ داى، وڕاستى ودورستى گۆتى.
ذٰلِكَ الْيَوْمُ الْحَقُّ فَمَنْ شَآءَ اتَّخَذَ اِلٰي رَبِّهٖ مَاٰبًا
ئه‌وه ڕۆژا ڕاست يا چو گومان د هاتنا وێ دانه، ڤێجا هه‌چییێ ڕزگارییا ژ ترسا وێ ڕۆژێ بڤێت بلا ب كرنا چاكییێ بۆ خۆ ڕێكه‌كا زڤڕينێ بۆ نك خودايێ خۆ بگرت.
اِنَّا٘ اَنْذَرْنٰكُمْ عَذَابًا قَرِيْبًا يَّوْمَ يَنْظُرُ الْمَرْءُ مَا قَدَّمَتْ يَدٰهُ وَيَقُوْلُ الْكَافِرُ يٰلَيْتَنِيْ كُنْتُ تُرٰبًا
هندى ئه‌مين مه هوين ژ عه‌زابا ڕۆژا دويماهییێ يا نێزيك ترساندينه، ئه‌و ڕۆژا هه‌ر مرۆڤه‌ك تێدا باشى وخرابییێن خۆ دبينت، ويێ كافر ژ ترسێن حسێبێ دا دبێژت : خوزى ئه‌ز ئاخ بامه وئه‌ز ڕانه‌ببامه ڤه.