وَالْمُرْسَلٰتِ عُرْفًا
خودێ سويند ب باى خوارییه ده‌مێ ل دويڤ يه‌ك دئێت.
فَالْعٰصِفٰتِ عَصْفًا
و ب هڕه‌باى ده‌مێ دژوار دبت وتشتى پويچ دكه‌ت.
وَّالنّٰشِرٰتِ نَشْرًا
و ب وان فريشته‌يان يێن عه‌وران دهاژۆنه وى جهى يێ خودێ حه‌ز بكه‌ت.
فَالْفٰرِقٰتِ فَرْقًا
و ب وان فريشته‌يان يێن كو ژ نك خودێ دئێنه خوارێ ووى تشتى دئيننه خوارێ يێ حه‌قى ونه‌حه‌قى پێ ژێك جودا دبت.
فَالْمُلْقِيٰتِ ذِكْرًا
و ب وان فريشته‌يان ئه‌وێن وه‌حییێ ژ نك خودێ وه‌ردگرن وبۆ پێغه‌مبه‌ران دئيننه خوارێ.
عُذْرًا اَوْ نُذْرًا
دا كه‌سێ چو هێجه‌ت نه‌مينن.
اِنَّمَا تُوْعَدُوْنَ لَوَاقِعٌ
هندى ئه‌و ژڤانێ قيامه‌تێیه يێ بۆ هه‌وه دئێته‌دان كو حسێب د گه‌ل هه‌وه بێته‌كرن وهوين بێنه جزادان هه‌ر دێ ئێت.
فَاِذَا النُّجُوْمُ طُمِسَتْ
ڤێجا ئه‌گه‌ر ستێر هاتنه ڕه‌شكرن وڕۆناهییا وان نه‌ما.
وَاِذَا السَّمَآءُ فُرِجَتْ
وئه‌گه‌ر عه‌سمان دره‌زى وكون بوو.
وَاِذَا الْجِبَالُ نُسِفَتْ
وئه‌گه‌ر چيا فڕين و ژ جهـ چوون وباى ئه‌و وه‌كى هرییێ برن.
وَاِذَا الرُّسُلُ اُقِّتَتْ
وئه‌گه‌ر ده‌مه‌ك بۆ پێغه‌مبه‌ران هاته ده‌سنيشانكرن دا حوكم د ناڤبه‌را وان وملله‌تێن وان دا بێته‌كرن.
لِاَيِّ يَوْمٍ اُجِّلَتْ
دێ ئێته گۆتن: بۆ كيژ ڕۆژا مه‌زن پێغه‌مبه‌ر هاتبوونه پاشخستن؟
لِيَوْمِ الْفَصْلِ
بۆ ڕۆژا حوكمكرنێ ئه‌و هاتبوونه پاشخستـن.
وَمَا٘ اَدْرٰىكَ مَا يَوْمُ الْفَصْلِ
وتو -ئه‌ى مرۆڤ- چ دزانى ڕۆژا حوكمكرنێ چه‌ند يا مه‌زنه؟
وَيْلٌ يَّوْمَئِذٍ لِّلْمُكَذِّبِيْنَ
تێچوونه‌كا مه‌زن وێ ڕۆژێ بۆ وان بت يێن دره‌و ب ڤێ ڕۆژا ژڤـان پێ هاتییه‌دان كرى.
اَلَمْ نُهْلِكِ الْاَوَّلِيْنَ
ئه‌رێ ما ملله‌تێن بۆرى وه‌كى ملله‌تێ نووحى وعادى وثه‌موودی مه تێ نه برينه؛ ژ به‌ر كو وان دره‌و ب پێغه‌مبه‌ران كربوو؟
ثُمَّ نُتْبِعُهُمُ الْاٰخِرِيْنَ
پاشى ئه‌و ملله‌تێن وه‌كى وان دره‌و وگونه‌هـ كرين ژى يێن ب دويڤ وان دا هاتين دێ وه‌كى وان لێ كه‌ين.
كَذٰلِكَ نَفْعَلُ بِالْمُجْرِمِيْنَ
تێبرنه‌كا وه‌كى ڤێ كرێت ئه‌م دێ ب سه‌ر كافرێن (مه‌كه‌هێ) يێن تاوانبار دا ئينين؛ چونكى وان دره‌و ب پێغه‌مبه‌رى -سلاڤ لێ بن- كرییه.
وَيْلٌ يَّوْمَئِذٍ لِّلْمُكَذِّبِيْنَ
تێچوون ونه‌مان ڕۆژا قيامه‌تێ بۆ هه‌ر يه‌كى بت يێ دره‌و ب ته‌وحيدێ وپێغه‌مبه‌رينییێ وڕابوون وحسێبێ كرى.
اَلَمْ نَخْلُقْكُّمْ مِّنْ مَّآءٍ مَّهِيْنٍ
ئه‌رێ ما مه هوين ژ ئاڤه‌كا لاواز وڕه‌زيل نه‌ئافراندينه.
فَجَعَلْنٰهُ فِيْ قَرَارٍ مَّكِيْنٍ
و مه ئه‌ڤ ئاڤه كره د جهه‌كێ موكم دا،كو مالبچويكه.
اِلٰي قَدَرٍ مَّعْلُوْمٍ
حه‌تا ده‌مه‌كێ ده‌سنيشانكرى وناسيار ل نك خودێ؟
فَقَدَرْنَا فَنِعْمَ الْقٰدِرُوْنَ
وئه‌م ل سه‌ر ئافراندن ووێنه‌كرنا وى ب شيان بووين، ڤێجا ئه‌م چ باش خودان شيانين.
وَيْلٌ يَّوْمَئِذٍ لِّلْمُكَذِّبِيْنَ
تێچوون ونه‌مان ڕۆژا قيامه‌تێ بۆ وان بت يێن باوه‌رییێ ب شـيـانـا مه نه‌ئينن ودره‌وێ پێ دكه‌ن.
اَلَمْ نَجْعَلِ الْاَرْضَ كِفَاتًا
ئه‌رێ ئه‌ڤ عه‌ردێ هوين ژيارا خۆ ل سه‌ر دبۆرينن ما مه وه لێ نه‌كرییه كو هوين بێ هژمار هندى دزێندى ل سه‌ر پشتێ بن.
اَحْيَآءً وَّاَمْوَاتًا
هندى هوین دزێندى وگاڤا هوين دمرن ژى هوين د زكى دا بن.
وَّجَعَلْنَا فِيْهَا رَوَاسِيَ شٰمِخٰتٍ وَّاَسْقَيْنٰكُمْ مَّآءً فُرَاتًا
ومه چيايێن موكم وبلند لێ دانان؛ دا ئه‌و ب هه‌وه ڤه نه‌هژيێت، ومه ئاڤه‌كا شرين وخۆش دا هه‌وه.
وَيْلٌ يَّوْمَئِذٍ لِّلْمُكَذِّبِيْنَ
تێچوون ونه‌مان ڕۆژا قيامه‌تێ بۆ وان بت يێن دره‌وێ ب ڤان قه‌نجییان بكه‌ن.
اِنْطَلِقُوْ٘ا اِلٰي مَا كُنْتُمْ بِهٖ تُكَذِّبُوْنَ
ڕۆژا قيامه‌تێ بۆ كافران دئێته گۆتن: به‌ر ب عه‌زابا جه‌هنه‌مێ ڤه يا هه‌وه دره‌و پێ دكر هه‌ڕن.
اِنْطَلِقُوْ٘ا اِلٰي ظِلٍّ ذِيْ ثَلٰثِ شُعَبٍ
هه‌ڕن خۆ بده‌نه به‌ر سيبه‌را دوكێلا جه‌هنه‌مێ ئه‌وا سێ چه‌ق ژێ دچن.
لَّا ظَلِيْلٍ وَّلَا يُغْنِيْ مِنَ اللَّهَبِ
وێ ڕۆژێ ئه‌وێ سيبه‌رێ چو سهـ نابن، وئه‌و چو مفايى ژى ژ گه‌رما ئاگرى ناده‌ت.
اِنَّهَا تَرْمِيْ بِشَرَرٍ كَالْقَصْرِ
هندى جـه‌هـنـه‌مـه چريسكێن ئاگرى يێن مـه‌زن دهاڤێت، هـه‌ر چريسكه‌ك هندى ئاڤاهییه‌كێ مه‌زن وبلنده.
كَاَنَّهٗ جِمٰلَتٌ صُفْرٌ
دێ بێژى هه‌ر چريسكه‌ك ژ وان حێشتره‌كا ڕه‌شه يا ڕه‌نگێ وێ ب سه‌ر زه‌رى ڤه دچت.
وَيْلٌ يَّوْمَئِذٍ لِّلْمُكَذِّبِيْنَ
تێچوون ڕۆژا قيامه‌تێ بۆ وان بت يێن دره‌وێ ب گه‌فا خودێ دكه‌ن.
هٰذَا يَوْمُ لَا يَنْطِقُوْنَ
ئه‌ڤه ڕۆژا قيامه‌تێیه يا ئه‌و تێدا ب ئاخفتنه‌كا مفايێ وان تێدا بت نائاخڤن.
وَلَا يُؤْذَنُ لَهُمْ فَيَعْتَذِرُوْنَ
وده‌ستويرى ژى بۆ وان نائێته‌دان كو ئه‌و عوزرا خۆ ڤه‌خوازن؛ چونكى وان چو عوزر نينن.
وَيْلٌ يَّوْمَئِذٍ لِّلْمُكَذِّبِيْنَ
تێچوون ڕۆژا قيامه‌تێ بۆ وان بت يێن دره‌وێ ب ڤێ ڕۆژێ دكه‌ن.
هٰذَا يَوْمُ الْفَصْلِ جَمَعْنٰكُمْ وَالْاَوَّلِيْنَ
ئه‌ڤه ڕۆژه‌كه خودێ حوكمى تێدا د ناڤبه‌را خه‌لكى دا دكه‌ت، وحه‌قى ونه‌حه‌قى تێدا ژێك جودا دبن، مه هوين د گه‌ل ئوممه‌تێن بۆرین تێدا كۆمكرن.
فَاِنْ كَانَ لَكُمْ كَيْدٌ فَكِيْدُوْنِ
ڤێجا ئه‌گه‌ر هه‌وه ڕێكه‌ك هه‌يه هوين خۆ پێ ژ عه‌زابێ خلاس كه‌ن هوين وێ ب كار بينن.
وَيْلٌ يَّوْمَئِذٍ لِّلْمُكَذِّبِيْنَ
تێچوون ڕۆژا قيامه‌تێ بۆ وان بت يێن باوه‌رییێ ب ڕۆژا قيامه‌تێ نه‌ئينن.
اِنَّ الْمُتَّقِيْنَ فِيْ ظِلٰلٍ وَّعُيُوْنٍ
هندى ئه‌ون يێن د دنيايێ دا ژ خودايێ خۆ ترساين، ڕۆژا قيامه‌تێ ل بن سيبه‌را دارێن خۆش وكانییێن ئاڤێ.
وَّفَوَاكِهَ مِمَّا يَشْتَهُوْنَ
وفێقییێ مشه يێ دلێ وان دچتێ خۆشییێ دبه‌ن.
كُلُوْا وَاشْرَبُوْا هَنِيْٓــًٔاۣ بِمَا كُنْتُمْ تَعْمَلُوْنَ
بۆ وان دئێته گۆتن: خوارنه‌كا خۆش، وڤه‌خوارنه‌كا ڕحه‌ت هوين بخۆن وڤه‌خۆن؛ ژ به‌ر كارێ چاك يێ هه‌وه د دنيايێ دا كرى.
اِنَّا كَذٰلِكَ نَجْزِي الْمُحْسِنِيْنَ
هندى ئه‌مين ئه‌م ب جزايه‌كێ وه‌كى ڤى جزاى قه‌نجيكاران جزا دده‌ين.
وَيْلٌ يَّوْمَئِذٍ لِّلْمُكَذِّبِيْنَ
تێچوون ڕۆژا قيامه‌تێ بۆ وان بت يێن باوه‌رییێ نه‌ئينن.
كُلُوْا وَتَمَتَّعُوْا قَلِيْلًا اِنَّكُمْ مُّجْرِمُوْنَ
بۆ كافران دئێته گۆتن: هوين ژ خۆشییێن دنيايێ بخۆن، وده‌مه‌كێ كێم كه‌يفێ ببه‌ن؛ هندى هوينن ب وێ شركا هه‌وه كرى هوين دتاوانبارن.
وَيْلٌ يَّوْمَئِذٍ لِّلْمُكَذِّبِيْنَ
تێچوون ڕۆژا قيامه‌تێ بۆ وان بت يێن دره‌وێ ب ڕۆژا حسێب وجزادانێ دكه‌ن.
وَاِذَا قِيْلَ لَهُمُ ارْكَعُوْا لَا يَرْكَعُوْنَ
وئه‌گه‌ر بۆ وان هاته گۆتن: نڤێژێ بكه‌ن، ئه‌و وه ناكه‌ن، وبه‌رده‌وامییێ ل سه‌ر خۆمه‌زنكرنا خۆ دكه‌ن.
وَيْلٌ يَّوْمَئِذٍ لِّلْمُكَذِّبِيْنَ
تێچوون ڕۆژا قيامه‌تێ بۆ وان بت يێن دره‌وێ ب ئايه‌تێن خودێ دكه‌ن.
فَبِاَيِّ حَدِيْثٍۣ بَعْدَهٗ يُؤْمِنُوْنَ
ڤێجا پشتى ڤێ قورئانا ئاشكه‌را وپه‌رده‌دڕ ئه‌و ب كيژ كيتابێ وگۆتنێ باوه‌رییێ دئينن؟