هَلْ اَتٰي عَلَي الْاِنْسَانِ حِيْنٌ مِّنَ الدَّهْرِ لَمْ يَكُنْ شَيْــًٔا مَّذْكُوْرًا
ب ڕاستى ده‌مه‌كێ درێژ د سه‌ر مرۆڤى ڕا چووبوو به‌رى رح بۆ وى بێته‌دان، ئه‌و تشته‌كێ بێته گۆتن يان ديتن نه‌بوو.
اِنَّا خَلَقْنَا الْاِنْسَانَ مِنْ نُّطْفَةٍ اَمْشَاجٍ نَّبْتَلِيْهِ فَجَعَلْنٰهُ سَمِيْعًاۣ بَصِيْرًا
هندى ئه‌مين مه مرۆڤ ژ چپكه‌كا تێكه‌ل ژ ئاڤا زه‌لامى وژنێ ئافراندییه، پاشى ئه‌م وى ب ئه‌حكامێن شريعه‌تى دجه‌ڕبينين، ڤێجا ژ به‌ر وێ چه‌ندێ مه ئه‌و كره خودان گوهـ وخودان چاڤ؛ دا وى گوهـ ل ئايه‌تان ببت، وده‌ليلان ببينت.
اِنَّا هَدَيْنٰهُ السَّبِيْلَ اِمَّا شَاكِرًا وَّاِمَّا كَفُوْرًا
هندى ئه‌مين مه ڕێكا هيدايه‌تێ وسه‌رداچوونێ وخێر وشه‌ڕان بۆ ئاشكه‌را كر؛ دا ئه‌و ببته خودان باوه‌ره‌كێ شوكردار، يان كافره‌كێ قه‌نجى ڤه‌شێر.
اِنَّا٘ اَعْتَدْنَا لِلْكٰفِرِيْنَ سَلٰسِلَا۠ وَاَغْلٰلًا وَّسَعِيْرًا
هندى ئه‌مين مه هنده‌ك قه‌يدێن ژ ئاسنى بۆ كافران ئاماده‌كرينه پییێن وان پێ دئێنه گرێدان، وهنده‌ك زنجيرێن ده‌ستێن وان پێ ب ستويێن وان ڤه بێنه‌گرێدان، وئاگره‌كێ ئه‌و پێ بێنه سۆتن.
اِنَّ الْاَبْرَارَ يَشْرَبُوْنَ مِنْ كَاْسٍ كَانَ مِزَاجُهَا كَافُوْرًا
هندى ئه‌و دلسۆز وباشكارن يێن حه‌قێ خودێ ژ سه‌ر خۆ ڕادكه‌ن، ڕۆژا قيامه‌تێ ئه‌و ژ په‌رداغه‌كێ تژى ژ مه‌يا تێكه‌ل كرییه د گه‌ل خۆشترين بێهنێ، كو ئاڤا كافوورییه، ڤه‌دخۆن.
عَيْنًا يَّشْرَبُ بِهَا عِبَادُ اللّٰهِ يُفَجِّرُوْنَهَا تَفْجِيْرًا
ئه‌و ڤه‌خوارن كانییه‌كه به‌نییێن خودێ ژێ ڤه‌دخۆن، وكانێ چاوا وب كيژ لايى ڤه وان دڤێت ئه‌و وێ وه‌سا ب ساناهى دبه‌ن.
يُوْفُوْنَ بِالنَّذْرِ وَيَخَافُوْنَ يَوْمًا كَانَ شَرُّهٗ مُسْتَطِيْرًا
ئه‌و وى تشتێ باش ب جهـ دئينن يێ وان بۆ خودێ ل سه‌ر خۆ نه‌زركرى، وئه‌و ژ عه‌زبا خودێ يا ل ڕۆژا قيامه‌تێ دترسن ئه‌وا زيانا وێ مه‌زن وخرابییا وێ ل سه‌ر خه‌لكى به‌لاڤ.
وَيُطْعِمُوْنَ الطَّعَامَ عَلٰي حُبِّهٖ مِسْكِيْنًا وَّيَتِيْمًا وَّاَسِيْرًا
وئه‌و د سه‌ر ڤيان وپێتڤییا وان ڕا بۆ خوارنێ ئه‌و وێ دده‌نه وى هه‌ژارێ چو نه‌بت ونه‌شێت چو كه‌دان بۆ خۆ بكه‌ت، ووى زارۆكێ بابێ وى مرى وئه‌و هێلايه بێ مال، وئه‌و ئێخسيرێ د شه‌ڕى دا هاتییه‌گرتن چ كافر بت يان نه.
اِنَّمَا نُطْعِمُكُمْ لِوَجْهِ اللّٰهِ لَا نُرِيْدُ مِنْكُمْ جَزَآءً وَّلَا شُكُوْرًا
وئه‌و د دلێن خۆ دا دبێژن: هه‌ما بۆ كنارێ خودێ ودا ئه‌و ژ مه ڕازى ببت، ئه‌م قه‌نجییێ د گه‌ل هه‌وه دكه‌ين، مه چو به‌رانبه‌ر ژ هه‌وه نه‌ڤێت ومه‌خسه‌دا مه ئه‌و نينه هوين مه‌دحێن مه بكه‌ن يان شوكرا مه بكه‌ن.
اِنَّا نَخَافُ مِنْ رَّبِّنَا يَوْمًا عَبُوْسًا قَمْطَرِيْرًا
هندى ئه‌مين ئه‌م ژ ڕۆژه‌كا دژوار ژ خودايێ خۆ دترسين يا كو ناڤچاڤ تێدا تێك دچن ودبنه گرێ، ژ به‌ر كرێتى ودژوارییا وێ ڕۆژێ.
فَوَقٰىهُمُ اللّٰهُ شَرَّ ذٰلِكَ الْيَوْمِ وَلَقّٰىهُمْ نَضْرَةً وَّسُرُوْرًا
ڤێجا خودێ ئه‌و ژ ته‌نگاڤییێن وێ ڕۆژێ پاراسـتن، ودێمێن وان جــوان وگه‌ش كرن، ودلێن وان ته‌نا وكه‌يفخۆش كرن.
وَجَزٰىهُمْ بِمَا صَبَرُوْا جَنَّةً وَّحَرِيْرًا
و ژ به‌ر صه‌برا وان ل سه‌ر خێرێ ل دنيايێ كێشاى جزايێ وان كره به‌حه‌شته‌كا مه‌زن، وئه‌و ئارميشێ نه‌رم تێدا دكه‌نه به‌ر خۆ.
مُّتَّكِـِٕيْنَ فِيْهَا عَلَي الْاَرَآئِكِ لَا يَرَوْنَ فِيْهَا شَمْسًا وَّلَا زَمْهَرِيْرًا
ل سه‌ر وان ته‌ختان دپالداينه يێن ب جوانترين فه‌رشان هاتينه خه‌ملاندن، نه ئه‌و گه‌رما ڕۆژێ دبينن ونه دژوارییا سه‌رمايێ.
وَدَانِيَةً عَلَيْهِمْ ظِلٰلُهَا وَذُلِّلَتْ قُطُوْفُهَا تَذْلِيْلًا
ودار وبارێ به‌حه‌شتێ يێ نێزيكى وانه سيبه‌رێ ل وان دكه‌ت، وچنينا به‌رهه‌مێ وان داران بۆ وان يا هاتییه ب ساناهيكرن.
وَيُطَافُ عَلَيْهِمْ بِاٰنِيَةٍ مِّنْ فِضَّةٍ وَّاَكْوَابٍ كَانَتْ قَوَارِيْرَا۠
وخزمه‌تكار ئامانێن زيڤى، وپه‌رداغێن ڤه‌خوارنێ يێن شويشێ ئه‌وێن ژ زيڤى هاتينه چێكرن ل سه‌ر وان دگێڕن.
قَوَارِيْرَا۠ مِنْ فِضَّةٍ قَدَّرُوْهَا تَقْدِيْرًا
وان ئه‌و په‌رداغ پيڤاينه وهند ڤه‌خوارنێ دكه‌نێ هندى ڤه‌خوران دڤێت نه‌كێم نه‌زێده.
وَيُسْقَوْنَ فِيْهَا كَاْسًا كَانَ مِزَاجُهَا زَنْجَبِيْلًا
و د به‌حه‌شتێ دا په‌رداغێن تژى مه‌يا تێكه‌ل د گه‌ل زه‌نجه‌بيلێ بۆ ڤان چاكان دئێنه‌دان.
عَيْنًا فِيْهَا تُسَمّٰي سَلْسَبِيْلًا
ئه‌و ژ كانییه‌كا به‌حه‌شتێ ڤه‌دخون يا كو دبێژنێ: سه‌لسه‌بيل؛ هندى ئاڤا وێ يا ساخله‌م وخۆشه.
وَيَطُوْفُ عَلَيْهِمْ وِلْدَانٌ مُّخَلَّدُوْنَ اِذَا رَاَيْتَهُمْ حَسِبْتَهُمْ لُؤْلُؤًا مَّنْثُوْرًا
وهنده‌ك كوڕكێن خزمه‌تكار هه‌نه ل سه‌ر وان دگه‌ڕيێن هه‌رده‌م ل سه‌ر يه‌ك حالينه، ده‌مێ تو وان دبينى -ژ به‌ر جوانى وڕوى گه‌شییا وان- تو دێ هزر كه‌ى ئه‌و مرارییێن دبه‌لاڤ وگه‌شن.
وَاِذَا رَاَيْتَ ثَمَّ رَاَيْتَ نَعِيْمًا وَّمُلْكًا كَبِيْرًا
وهه‌ر جهه‌كێ تو به‌رێ خۆ بده‌يێ ژ به‌حه‌شتێ دێ خۆشییه‌كا نه‌ئێته سالۆخدان وملكه‌كێ مه‌زن وبه‌رفه‌هـ لێ بينى.
عٰلِيَهُمْ ثِيَابُ سُنْدُسٍ خُضْرٌ وَّاِسْتَبْرَقٌ وَّحُلُّوْ٘ا اَسَاوِرَ مِنْ فِضَّةٍ وَسَقٰىهُمْ رَبُّهُمْ شَرَابًا طَهُوْرًا
له‌شێن وان ب هنده‌ك جلكان دخه‌ملاندينه به‌ته‌نێ وان ژ ئارميشێ كه‌سكێ ته‌نكه، و ژ سه‌رڤه ئارميشێ ستويره، وبازنێن زيڤى ل به‌ر وان دئێنه‌كرن، و د سه‌ر وێ هه‌مى خۆشییێ ڕا خودايێ وان ڤه‌خوارنه‌كا پاقژ دا وان.
اِنَّ هٰذَا كَانَ لَكُمْ جَزَآءً وَّكَانَ سَعْيُكُمْ مَّشْكُوْرًا
وبۆ وان دئێته گۆتن: هندى ئه‌ڤا هه‌يه بۆ هه‌وه يا هاتییه ئاماده‌كرن ژ به‌ر كريارێن هه‌وه يێن چاك، وكارێ هه‌وه كرى خودێ يێ ژێ ڕازى بوو ووى قه‌بويل كربوو.
اِنَّا نَحْنُ نَزَّلْنَا عَلَيْكَ الْقُرْاٰنَ تَنْزِيْلًا
هندى ئه‌مين مه قورئان بۆ ته يا ئينايه خوارێ.
فَاصْبِرْ لِحُكْمِ رَبِّكَ وَلَا تُطِعْ مِنْهُمْ اٰثِمًا اَوْ كَفُوْرًا
ڤێجا تو صه‌برێ ل سه‌ر حوكمێ خودايێ خۆ بكێشه، وبه‌رده‌وامییێ ل سه‌ر بكه، وتو گوهدارییا وان بوتپه‌رێسان نه‌كه يێن د دلچوون وكوفرێ دا نقۆبووين.
وَاذْكُرِ اسْمَ رَبِّكَ بُكْرَةً وَّاَصِيْلًا
وبه‌رده‌وام سپێده وئێڤاران تو ناڤێ خودايێ خۆ بينه ودوعايان بۆ خۆ ژ وى بكه.
وَمِنَ الَّيْلِ فَاسْجُدْ لَهٗ وَسَبِّحْهُ لَيْلًا طَوِيْلًا
و ب شه‌ڤێ خۆ بۆ ئه‌مرێ خودايێ خۆ بچه‌مينه، ونڤێژێ بۆ وى بكه، وده‌مه‌كێ درێژ ژ شه‌ڤێ تو عيباده‌تێ وى بكه.
اِنَّ هٰ٘ؤُلَآءِ يُحِبُّوْنَ الْعَاجِلَةَ وَيَذَرُوْنَ وَرَآءَهُمْ يَوْمًا ثَقِيْلًا
هندى ئه‌ڤ بوتپه‌رێسه‌نه حه‌ز ژ دنيايێ دكه‌ن، وپێڤه موژيل دبن، وكارێ بۆ ئاخره‌تێ يێ ل وێ ڕۆژا دژوار ڕزگارییا وان تێدا ئه‌و ب پشت گوهـ ڤه لێ دده‌ن.
نَحْنُ خَلَقْنٰهُمْ وَشَدَدْنَا٘ اَسْرَهُمْ وَاِذَا شِئْنَا بَدَّلْنَا٘ اَمْثَالَهُمْ تَبْدِيْلًا
مه ئه‌و ئافراندينه، وئافراندنا وان موكم كرییه، وئه‌گه‌ر مه ڤيابا دا وان تێ به‌ين، وهنده‌كێن ژ وان گوهدارتر ل شوينا وان ئينين.
اِنَّ هٰذِهٖ تَذْكِرَةٌ فَمَنْ شَآءَ اتَّخَذَ اِلٰي رَبِّهٖ سَبِيْلًا
هندى ئه‌ڤ سووره‌ته‌يه بيرئينانه‌كه بۆ خه‌لكى، ڤێجا هه‌چییێ خێرا دنيايێ وئاخره‌تێ بۆ خۆ بڤێت دێ ل ڕێكا باوه‌رییێ وته‌قوايێ چت يا كو وى دگه‌هينته ڕازيبوونا خودێ.
وَمَا تَشَآءُوْنَ اِلَّا٘ اَنْ يَّشَآءَ اللّٰهُ اِنَّ اللّٰهَ كَانَ عَلِيْمًا حَكِيْمًا
وهوين تشته‌كى حه‌ز ناكه‌ن ئه‌گه‌ر قه‌ده‌ر وحه‌زكرنا خودێ ل سه‌ر نه‌بت. هندى خودێ‌یه ب حالێ به‌نییێن خۆ يێ پڕزانا بوويه، د كار وڕێڤه‌برنا خۆ دا يێ كاربنه‌جهـ بوويه.
يُّدْخِلُ مَنْ يَّشَآءُ فِيْ رَحْمَتِهٖ وَالظّٰلِمِيْنَ اَعَدَّ لَهُمْ عَذَابًا اَلِيْمًا
يێ وى بڤێت ژ به‌نییێن خۆ ئه‌و وى دكه‌ته د دلۆڤانى وڕازيبوونا خۆ دا، وئه‌و خودان باوه‌رن، ووى بۆ وان زۆرداران يێن پێ ل ته‌خويبێن خودێ داناى عه‌زابه‌كا ب ئێش ئاماده كرییه.