يٰ٘اَيُّهَا الْمُدَّثِّرُ
ئه‌ى ئه‌وێ خۆ د ناڤ جلكێن خۆ ڕا نخافتى.
قُمْ فَاَنْذِرْ
تو ژ ناڤ جهێ خۆ ڕابه، وخه‌لكى ژ عه‌زابا خودێ بترسينه.
وَرَبَّكَ فَكَبِّرْ
وتو خودايێ خۆ ب تنێ مه‌زن بكه وپه‌رستنێ بۆ بكه.
وَثِيَابَكَ فَطَهِّرْ
وجلكێن خۆ ژ هه‌مى ڕه‌نگێن پيساتییێ پاقژ بكه.
وَالرُّجْزَ فَاهْجُرْ
ويێ به‌رده‌وام به ل سه‌ر خۆدويركرنا ژ صه‌نه‌م وكارێن شركێ، ونێزيكى وان نه‌به.
وَلَا تَمْنُنْ تَسْتَكْثِرُ
وتو خێران نه‌ده ب ئنيه‌تا هندێ كو پتر ژێ بگه‌هته ته.
وَلِرَبِّكَ فَاصْبِرْ
وتو صه‌برێ ل سه‌ر وى تشتى بكه يێ خودێ پێ ژ ته ڕازى ببت.
فَاِذَا نُقِرَ فِي النَّاقُوْرِ
ڤێجا ئه‌گه‌ر بۆ ڕابوون وكۆمكرنێ د (بۆڕییێ) دا هاته‌لێدان.
فَذٰلِكَ يَوْمَئِذٍ يَّوْمٌ عَسِيْرٌ
هنگى ئه‌و ڕۆژ ل سه‌ر كافران دێ يا ب زه‌حمه‌ت بت.
عَلَي الْكٰفِرِيْنَ غَيْرُ يَسِيْرٍ
ويا ب ساناهى نينه ئه‌و ژ ته‌نگاڤییێن وێ ڕۆژێ ڕزگار ببـن.
ذَرْنِيْ وَمَنْ خَلَقْتُ وَحِيْدًا
تو -ئه‌ى موحه‌ممه‌د- من و وى بهێله يێ من ئه‌و ئێكانه د زكێ دايكا وى دا بێ مال وبێ عه‌يال ئافراندى.
وَّجَعَلْتُ لَهٗ مَالًا مَّمْدُوْدًا
ڤێجا من ماله‌كێ زۆر دایێ.
وَّبَنِيْنَ شُهُوْدًا
وئه‌و كوڕێن ل نك وى ل (مه‌كه‌هێ) دئاماده دانێ.
وَّمَهَّدْتُّ لَهٗ تَمْهِيْدًا
ومن ڕێكێن ژينێ بۆ وى ب ساناهيكرن.
ثُمَّ يَطْمَعُ اَنْ اَزِيْدَ
پاشى پشتى ڤێ دانێ ئه‌و دلێ خۆ دبه‌تێ كو ئه‌ز مالێ وى وعه‌يالێ وى بۆ وى زێده كه‌م، وئه‌وى كوفر ب من كرییه.
كَلَّا اِنَّهٗ كَانَ لِاٰيٰتِنَا عَنِيْدًا
نه‌خێر وه نينه وه‌كى ئه‌ڤ سه‌رداچوويێ گونه‌هكار دبێژت، ئه‌ز چويێ بۆ وى زێده ناكه‌م؛ چونكى هندى ئه‌و بوو وى باوه‌رى ب قورئانێ نه‌ئينايه ودره‌و ب ده‌ليلێن خودێ كرییه.
سَاُرْهِقُهٗ صَعُوْدًا
هند نه‌خۆشییا عه‌زابێ ووه‌ستيانێ ئه‌ز دێ ده‌مه وى كو ئه‌و ژێ ڕحه‌ت نه‌بت. (ومه‌خسه‌د ب ڤى مرۆڤى وه‌ليدێ كوڕێ موغيره‌يه ئه‌وێ ڕكدارییا حه‌قییێ كرى وئاشكه‌را نه‌ياره‌تییا خودێ وپێغه‌مبه‌رێ وى كرى).
اِنَّهٗ فَكَّرَ وَقَدَّرَ
هندى ئه‌و بوو وى د دل دا هزرا خۆ كر بوو، دا تشته‌كى بۆ خۆ ئاماده بكه‌ت طانێ پێ ل موحه‌ممه‌دى وقورئانێ بده‌ت.
فَقُتِلَ كَيْفَ قَدَّرَ
ڤێجا ئه‌و بێزار بوو وهاته شكاندن، وئه‌و ب وێ چه‌ندێ هێژاى تێچوونێ بوو، چاوا وى د دل دا ئه‌ڤ طانه ئاماده‌كر؟
ثُمَّ قُتِلَ كَيْفَ قَدَّرَ
پاشى ديسا ئه‌و بێزار بوو وهاته شكاندن.
ثُمَّ نَظَرَ
پاشى وى هزرا خۆ د وێ طانێ دا كر يا وى ئاماده‌كرى ل قورئانێ بده‌ت.
ثُمَّ عَبَسَ وَبَسَرَ
پاشى وى ناڤچاڤێن خۆ كرنه گرێ، وگه‌له‌ك خۆ تێك بر، وڕه‌نگێ خۆ گوهاڕت ده‌مێ وى چو ڕێ نه‌ماين، ونه‌شياى چو طانا ل قورئانێ بده‌ت.
ثُمَّ اَدْبَرَ وَاسْتَكْبَرَ
پاشى ئه‌و زڤڕى پشت دا حه‌قییێ، وخۆ ژ هندێ مه‌زنتر ديت كو ئعترافێ پێ بكه‌ت.
فَقَالَ اِنْ هٰذَا٘ اِلَّا سِحْرٌ يُّؤْثَرُ
ووى د ده‌ر حه‌قا قورئانێ دا گۆت: هه‌ما ئه‌ڤ گۆتنا موحه‌ممه‌د دبێژت سێره‌به‌ندییه‌كه ژ يێن به‌رێ دئێته ڤه‌گوهاستن.
اِنْ هٰذَا٘ اِلَّا قَوْلُ الْبَشَرِ
هه‌ما ب تنێ ئه‌ڤه گۆتنا مرۆڤانه موحه‌ممه‌د يێ ژ وان فێربوويێ، ودبێژت: ئه‌ڤه ژ نك خودێ‌یه.
سَاُصْلِيْهِ سَقَرَ
ئه‌ز دێ وى به‌مه جه‌هنه‌مێ؛ دا ئه‌و تام بكه‌ته گه‌رما وێ و ب ئاگرێ وێ بسوژت.
وَمَا٘ اَدْرٰىكَ مَا سَقَرُ
وتو چ دزانى جه‌هنه‌م چيه؟
لَا تُبْقِيْ وَلَا تَذَرُ
ئه‌و نه گۆشتى دهێلت نه هه‌ستى.
لَوَّاحَةٌ لِّلْبَشَرِ
چه‌رمێ سه‌ر وچاڤان دگوهۆڕت، ودسوژت وڕه‌ش دكه‌ت.
عَلَيْهَا تِسْعَةَ عَشَرَ
نۆزده فريشته ژ زه‌بانییێن دژوار ل سه‌ر خه‌لكێ وى ڕادوه‌ستن وكارێ وان ب ڕێڤه‌دبه‌ن.
وَمَا جَعَلْنَا٘ اَصْحٰبَ النَّارِ اِلَّا مَلٰٓئِكَةً وَّمَا جَعَلْنَا عِدَّتَهُمْ اِلَّا فِتْنَةً لِّلَّذِيْنَ كَفَرُوْا لِيَسْتَيْقِنَ الَّذِيْنَ اُوْتُوا الْكِتٰبَ وَيَزْدَادَ الَّذِيْنَ اٰمَنُوْ٘ا اِيْمَانًا وَّلَا يَرْتَابَ الَّذِيْنَ اُوْتُوا الْكِتٰبَ وَالْمُؤْمِنُوْنَ وَلِيَقُوْلَ الَّذِيْنَ فِيْ قُلُوْبِهِمْ مَّرَضٌ وَّالْكٰفِرُوْنَ مَاذَا٘ اَرَادَ اللّٰهُ بِهٰذَا مَثَلًا كَذٰلِكَ يُضِلُّ اللّٰهُ مَنْ يَّشَآءُ وَيَهْدِيْ مَنْ يَّشَآءُ وَمَا يَعْلَمُ جُنُوْدَ رَبِّكَ اِلَّا هُوَ وَمَا هِيَ اِلَّا ذِكْرٰي لِلْبَشَرِ
وهه‌ما زه‌بانییێن جه‌هنه‌مێ مه ژ فريشته‌يێن زڤر داينه، وهه‌ما ئه‌و هژمارا هه مه بۆ كافران كرییه جه‌ڕباندن؛ ودا باوه‌رى پتر بۆ وان چێ ببت يێن كيتاب بۆ هاتییه‌دان ژ جوهى وفه‌لان كو ئه‌ڤ تشتێ د قورئانێ دا هاتى ل دۆر هژمارا زه‌بانییێن جه‌هنه‌مێ ڕاستییه‌كه ژ نك خودێ، چونكى ئه‌و هژمار د كتێبێن وان ژى دا هاتییه، ودا باوه‌رییا خودان باوه‌ران پتر لێ بێت، ودا ئه‌وێن كيتاب بۆ هاتییه‌دان وخودان باوه‌ر د وێ چه‌ندێ دا ب گومان نه‌كه‌ڤن؛ ودا ئه‌وێن نفاق د دلێن وان دا هه‌ى وكافر بێژن: خودێ چ مه‌خسه‌د ب ڤێ هژمارا غه‌ريب هه‌يه؟ ب تشته‌كێ وه‌كى ڤێ خودێ وى د سه‌ردا دبه‌ت يێ وى بڤێت، ووى ب هيدايه‌ت دئينت يێ وى بڤێت، و ژ خودێ پێڤه‌تر كه‌س هژمارا ملياكه‌تێن خودايێ ته نزانت. وهه‌ما ئاگر شيره‌ت وبيرئينانه‌كه بۆ مرۆڤان.
كَلَّا وَالْقَمَرِ
مه‌سه‌له نه يا وه‌سايه وه‌كى وان گۆتى، خودێ ب هه‌يڤێ سويند دخۆت.
وَالَّيْلِ اِذْ اَدْبَرَ
و ب شه‌ڤێ ده‌مێ دچت ودبۆرت.
وَالصُّبْحِ اِذَا٘ اَسْفَرَ
و ب سپێدێ ده‌مێ گه‌ش وئاشكه‌را دبت.
اِنَّهَا لَاِحْدَي الْكُبَرِ
هندى جه‌هنه‌مه تشته‌كێ مه‌زنه.
نَذِيْرًا لِّلْبَشَرِ
دا خه‌لك بترسن.
لِمَنْ شَآءَ مِنْكُمْ اَنْ يَّتَقَدَّمَ اَوْ يَتَاَخَّرَ
بۆ هه‌ر كه‌سه‌كێ بڤێت ژ هه‌وه كو ب كرنا باشییان خۆ نێزيكى خودێ بكه‌ت، يان ب كرنا گونه‌هان پاش بكه‌ڤت.
كُلُّ نَفْسٍۣ بِمَا كَسَبَتْ رَهِيْنَةٌ
هه‌ر نه‌فسه‌ك ب كريارا خۆ ڤه يا گرێدايه، و ل نك خودێ ئه‌و د گه‌ره‌وا كه‌دا خۆ دايه، وئه‌و نائێته به‌ردان حه‌تا وان حه‌قان نه‌ده‌ت يێن ل سه‌ر.
اِلَّا٘ اَصْحٰبَ الْيَمِيْنِ
موسلمانێن دلسۆز تێ نه‌بن خودانێن ڕاستییێ ئه‌وێن ب گوهدارییا خودێ گه‌رده‌نا خۆ دايه ئازاكرن.
فِيْ جَنّٰتٍ يَتَسَآءَلُوْنَ
ئه‌و د وان به‌حه‌شتان دانه يێن سالۆخه‌تێن وان نه‌ئێنه‌دان ، هنده‌ك ژ وان پسيارا وان كافران ژ هنده‌كان دكه‌ن .
عَنِ الْمُجْرِمِيْنَ
وان كافران يێن تاوان د ده‌ر حه‌قا خۆ دا كرى.
مَا سَلَكَكُمْ فِيْ سَقَرَ
ئه‌و چ بوويه هوين برينه جه‌هنه‌مێ؟
قَالُوْا لَمْ نَكُ مِنَ الْمُصَلِّيْنَ
تاوانباران گۆت: د دنيايێ دا ئه‌م ژ نڤێژكه‌ران نه‌بووين.
وَلَمْ نَكُ نُطْعِمُ الْمِسْكِيْنَ
ومه خێر وقه‌نجى د گه‌ل هه‌ژاران نه‌دكرن.
وَكُنَّا نَخُوْضُ مَعَ الْخَآئِضِيْنَ
وئه‌م ب گۆتنێن نه‌حه‌ق د گه‌ل سه‌رداچوويان د ئاخفتيـن.
وَكُنَّا نُكَذِّبُ بِيَوْمِ الدِّيْنِ
ومه دره‌و ب ڕۆژا حسێب وجزادانێ دكر.
حَتّٰ٘ي اَتٰىنَا الْيَقِيْنُ
حه‌تا مرن گه‌هشتییه مه، وئه‌م د وى حالێ خراب دا.
فَمَا تَنْفَعُهُمْ شَفَاعَةُ الشّٰفِعِيْنَ
ڤێجا مه‌هده‌را چو مه‌هده‌رچییان ژ ملياكه‌ت وپێغه‌مبه‌ران مفاى ناگه‌هينته وان؛ چونكى مه‌هده‌ر هه‌ما بۆ وانه يێن خودێ حه‌ز بكه‌ت، وده‌ستويرییێ بده‌ت.
فَمَا لَهُمْ عَنِ التَّذْكِرَةِ مُعْرِضِيْنَ
ڤێجا بوتپه‌رێسان چيه پشت دده‌نه قورئانێ وشيره‌تێن وێ؟
كَاَنَّهُمْ حُمُرٌ مُّسْتَنْفِرَةٌ
هه‌ر وه‌كى ئه‌و كه‌رێن كويڤينه.
فَرَّتْ مِنْ قَسْوَرَةٍ
ژ شێره‌كى دڕه‌ڤن.
بَلْ يُرِيْدُ كُلُّ امْرِئٍ مِّنْهُمْ اَنْ يُّؤْتٰي صُحُفًا مُّنَشَّرَةً
به‌لكى هه‌ر يه‌ك ژ ڤان بوتپه‌رێسان دڤێت خودێ كيتابه‌كا ڤه‌كرى ژ عه‌سمانى بۆ بينت، وه‌كى بۆ موحه‌ممه‌دى -سلاڤ لێ بن- هاتى.
كَلَّا بَلْ لَّا يَخَافُوْنَ الْاٰخِرَةَ
نه‌خێر وه نينه وه‌كى ئه‌و هزر دكه‌ن، به‌لكى يا دورست ئه‌وه ئه‌و ژ ئاخره‌تێ ناترسن،وباوه‌رییێ ب ڕابوونا پشتى مرنێ وجزادانێ نائينن.
كَلَّا٘ اِنَّهٗ تَذْكِرَةٌ
ب ڕاستى هندى قورئانه بيرئينانه‌كا ره‌هوانه.
فَمَنْ شَآءَ ذَكَرَهٗ
وئه‌و به‌سه بۆ وى يێ بڤێت بيرا خۆ لێ بينته‌ڤه ومفايه‌كى ژ هيدايه‌تا وێ ببينت.
وَمَا يَذْكُرُوْنَ اِلَّا٘ اَنْ يَّشَآءَ اللّٰهُ هُوَ اَهْلُ التَّقْوٰي وَاَهْلُ الْمَغْفِرَةِ
وئه‌و چو مفاى بۆ خۆ ژێ نابينن ئه‌گه‌ر خودێ هيدايه‌ت بۆ وان حه‌ز نه‌كربت. ئه‌وه هه‌ژى هندێ كو گوهدارى وته‌قوا وى بێته كرن، وئه‌وه هه‌ژى هندێ كو گونه‌هان بۆ وى ژێ ببه‌ت يێ باوه‌رییێ پێ بينت.