يٰ٘اَيُّهَا الْمُزَّمِّلُ
ئه‌ى ئه‌وێ خۆ د ناڤ جلكێن خۆ ڕا پێچاى.
قُمِ الَّيْلَ اِلَّا قَلِيْلًا
ل شه‌ڤێ كێمه‌كێ تێ نه‌بت تو بۆ نڤێژێ ڕاببه.
نِّصْفَهٗ٘ اَوِ انْقُصْ مِنْهُ قَلِيْلًا
تو نيڤا شه‌ڤێ ڕاببه يان پيچه‌كێ ژ نيڤێ كێمتر حه‌تا بگه‌هته سێكێ.
اَوْ زِدْ عَلَيْهِ وَرَتِّلِ الْقُرْاٰنَ تَرْتِيْلًا
يان پتر ژ نيڤێ حه‌تا بگه‌هته دو سێكان، وتو هێدى و ب دلێ خۆ قورئانێ بخوينه.
اِنَّا سَنُلْقِيْ عَلَيْكَ قَوْلًا ثَقِيْلًا
هندى ئه‌مين ئه‌م دێ قورئانه‌كا مه‌زن يا حوكم وئه‌حكام تێدا بۆ ته- ئه‌ى موحه‌ممه‌د- ئينينه خوارێ.
اِنَّ نَاشِئَةَ الَّيْلِ هِيَ اَشَدُّ وَطْاً وَّاَقْوَمُ قِيْلًا
هندى ئه‌و عيباده‌ته يێ ب شه‌ڤێ دئێته كرن ئه‌و پتر كارى ل دلی دكه‌ت، وئه‌و گۆتنا تێدا دئێته خواندن يا ئاشكه‌راتره؛ چونكى دل هنگى ژ موژيلاهییێن دنيايێ يێ ڤالايه.
اِنَّ لَكَ فِي النَّهَارِ سَبْحًا طَوِيْلًا
هندى تويى بۆ ته ل ڕۆژێ ده‌مه‌كێ درێژ هه‌يه كو ب كار وبارێ خۆ ڕاببى، و ب كارێ گه‌هاندنا په‌ياما خۆ ڕاببى، ڤێجا تو ب شه‌ڤێ خۆ بۆ كرنا عيباده‌تى ڤالا بكه.
وَاذْكُرِ اسْمَ رَبِّكَ وَتَبَتَّلْ اِلَيْهِ تَبْتِيْلًا
وتو -ئه‌ى موحه‌ممه‌د- ناڤێ خودايێ خۆ بێژه، ودوعا پێ ژ وى بكه، وتو ل ده‌مێ عيباده‌تى ب دورستى خۆ بۆ وى ڤالا بكه، وخۆ بهێله ب هيڤییا ويڤـه.
رَبُّ الْمَشْرِقِ وَالْمَغْرِبِ لَا٘ اِلٰهَ اِلَّا هُوَ فَاتَّخِذْهُ وَكِيْلًا
خودايێ ڕۆژهه‌لات وڕۆژئاڤايێ ئه‌وه چو خودايێن ڕاست ژ وى پێڤه‌تر نينن، ڤێجا تو خۆ بهێله ب هيڤییا ويڤه، وكارێ خۆ هلپسێره وى.
وَاصْبِرْ عَلٰي مَا يَقُوْلُوْنَ وَاهْجُرْهُمْ هَجْرًا جَمِيْلًا
وتو بێهنا خۆ ل سه‌ر وى تشتى فره‌هـ بكه يێ بوتپه‌رێس د ده‌ر حه‌قا ته ودينێ ته دا دبێژن، وتو د كريارێن وان يێن نه‌حه‌ق دا چاڤ ل وان نه‌كه، وپشت بده وان، وتۆلێ لێ ڤه‌نه‌كه.
وَذَرْنِيْ وَالْمُكَذِّبِيْنَ اُولِي النَّعْمَةِ وَمَهِّلْهُمْ قَلِيْلًا
وتو -ئه‌ى موحه‌ممه‌د- من وڤان دره‌وپێكه‌ران بهێله ئه‌وێن ل دنيايێ كه‌فتينه خۆشییان ڤێجا دره‌وێ ب ئايه‌تێن من دكه‌ن، وده‌مه‌كێ كێم تو ده‌ليڤێ بدێ حه‌تا ڕۆژا وان دئێت وعه‌زابا وان حال دبت.
اِنَّ لَدَيْنَا٘ اَنْكَالًا وَّجَحِيْمًا
هندى ئه‌ون ل ئاخره‌تێ قه‌يدێن گران وئاگرێ شاراندى يێ ئه‌و پێ بسوژن بۆ وان ل نك مه هه‌نه.
وَّطَعَامًا ذَا غُصَّةٍ وَّعَذَابًا اَلِيْمًا
وخوارنه‌كا كرێت يا كو د گه‌روییێن وان ڕا بمينت، وعه‌زابه‌كا ب ئێش ژى بۆ وان هه‌يه.
يَوْمَ تَرْجُفُ الْاَرْضُ وَالْجِبَالُ وَكَانَتِ الْجِبَالُ كَثِيْبًا مَّهِيْلًا
ڕۆژا عه‌رد وچيا دهژيێن حه‌تا چيا دبنه گركه‌كێ خيزێ هوير وبژاله.
اِنَّا٘ اَرْسَلْنَا٘ اِلَيْكُمْ رَسُوْلًا شَاهِدًا عَلَيْكُمْ كَمَا٘ اَرْسَلْنَا٘ اِلٰي فِرْعَوْنَ رَسُوْلًا
هندى ئه‌مين مه بۆ هه‌وه -گه‌لی خه‌لكێ (مه‌كه‌هێ)- موحه‌ممه‌د يێ كرییه پێغه‌مبه‌ر، وشاهد ل سه‌ر كوفر ونه‌گوهدارییا هه‌وه، وه‌كى مه مووسا بۆ فيرعه‌ونى كرییه پێغه‌مبه‌ر.
فَعَصٰي فِرْعَوْنُ الرَّسُوْلَ فَاَخَذْنٰهُ اَخْذًا وَّبِيْلًا
ڤێجا فيرعه‌ونى باوه‌رى ب مووساى نه‌ئينا، وئه‌و دره‌وين ده‌رێخست، وبێ ئه‌مرییا وى كر، ڤێجا مه ئه‌و ب گرتنه‌كا دژوار ئه‌و گرت. وئه‌ڤه ترساندنه‌كه ژ نه‌گوهدارییا موحه‌ممه‌دى -سلاڤ لێ بن-، كو ئه‌و بێته سه‌رێ نه‌گوهدارى يێ هاتییه سه‌رێ فيرعه‌ونى وملله‌تێ وى
فَكَيْفَ تَتَّقُوْنَ اِنْ كَفَرْتُمْ يَوْمًا يَّجْعَلُ الْوِلْدَانَ شِيْبَا
ڤێجا چاوا هوين دێ خۆ ژ عه‌زابا قيامه‌تێ پارێزن -ئه‌گه‌ر هوين كافر بوون- ڕۆژا بچويك ژ ترس وسه‌هما وێ دا پير دبن؟
اِۨلسَّمَآءُ مُنْفَطِرٌۣ بِهٖ كَانَ وَعْدُهٗ مَفْعُوْلًا
وێ ڕۆژێ عه‌سمان ژ ترسان دا يێ شه‌ق شه‌قه، سۆزا خودێ ب هاتنا وێ ڕۆژێ هه‌ر دێ ب جهـ ئێت.
اِنَّ هٰذِهٖ تَذْكِرَةٌ فَمَنْ شَآءَ اتَّخَذَ اِلٰي رَبِّهٖ سَبِيْلًا
هندى ئه‌ڤ ئايه‌تێن ب ترسن شيره‌ت وعيبره‌تن بۆ مرۆڤان، ڤێجا هه‌چییێ بڤێت مفاى بۆ خۆ ژێ وه‌ربگرت دێ ته‌قوايێ بۆ خۆ كه‌ته ڕێك دا پێ بگه‌هته ڕازيبوونا خودايێ خۆ يێ ئه‌و ئافراندى و ب خودان كرى.
اِنَّ رَبَّكَ يَعْلَمُ اَنَّكَ تَقُوْمُ اَدْنٰي مِنْ ثُلُثَيِ الَّيْلِ وَنِصْفَهٗ وَثُلُثَهٗ وَطَآئِفَةٌ مِّنَ الَّذِيْنَ مَعَكَ وَاللّٰهُ يُقَدِّرُ الَّيْلَ وَالنَّهَارَ عَلِمَ اَنْ لَّنْ تُحْصُوْهُ فَتَابَ عَلَيْكُمْ فَاقْرَءُوْا مَا تَيَسَّرَ مِنَ الْقُرْاٰنِ عَلِمَ اَنْ سَيَكُوْنُ مِنْكُمْ مَّرْضٰي وَاٰخَرُوْنَ يَضْرِبُوْنَ فِي الْاَرْضِ يَبْتَغُوْنَ مِنْ فَضْلِ اللّٰهِ وَاٰخَرُوْنَ يُقَاتِلُوْنَ فِيْ سَبِيْلِ اللّٰهِ فَاقْرَءُوْا مَا تَيَسَّرَ مِنْهُ وَاَقِيْمُوا الصَّلٰوةَ وَاٰتُوا الزَّكٰوةَ وَاَقْرِضُوا اللّٰهَ قَرْضًا حَسَنًا وَمَا تُقَدِّمُوْا لِاَنْفُسِكُمْ مِّنْ خَيْرٍ تَجِدُوْهُ عِنْدَ اللّٰهِ هُوَ خَيْرًا وَّاَعْظَمَ اَجْرًا وَاسْتَغْفِرُوا اللّٰهَ اِنَّ اللّٰهَ غَفُوْرٌ رَّحِيْمٌ
هندى خودايێ ته‌يه -ئه‌ى موحه‌ممه‌د- دزانت كو هنده‌ك جاران كێمتر ژ دو سێكێن شه‌ڤێ تو بۆ كرنا نڤێژان ڕادبى، وهنده‌ك جاران نيڤه‌كا شه‌ڤێ تو ڕادبى، وهنده‌ك جاران سێكا شه‌ڤێ تو ڕادبى، وده‌سته‌كه‌ك ژ صه‌حابییێن ته ژى ڕادبن. وخودێ ب تنێ‌یه يێ شه‌ڤ وڕۆژان دپيڤت، ودزانت ده‌مێ وان چه‌نده، چه‌ند ژێ چووينه وچه‌ند ژێ ماينه، خودێ زانییه كو هوين نه‌شێن شه‌ڤێ هه‌مییێ ڕابن، له‌و وى ل سه‌ر هه‌وه سڤك كر، ڤێجا د نڤێژێن شه‌ڤێ دا هندى هوين بشێن هند قورئانێ بخوينن، خودێ زانییه كو د ناڤ هه‌وه دا هنده‌ك دێ هه‌بن ژ به‌ر نه‌خۆشییێ نه‌شێن ب شه‌ڤێ ڕاببن، وهنده‌كێن دى بۆ بازرگانییێ وكارى ده‌ردكه‌ڤنه عه‌ردان داخوازا ڕزقێ حه‌لال بۆ خۆ دكه‌ن، وهنده‌كێن دى هه‌نه جيهادێ د ڕێكا خودێ دا دكه‌ن؛ دا په‌يڤا وى بلند بكه‌ن ودينێ وى ب سه‌ر بێخن، ڤێجا هندى هوين بشێن ژ قورئانێ هندێ د نڤێژا خۆ دا بخوينن، وهـوين به‌رده‌وامى يێ ل سـه‌ر كرنا نڤێژێ بكه‌ن، وزه‌كاتا خۆ يا واجب بده‌ن، وهنده‌كێ ژ مالێ خۆ بۆ خودێ د ڕێكێن خێرێ وقه‌نجییێ دا خه‌رج بكه‌ن، وهه‌ر خێره‌ك وقه‌نجییه‌كا د دنيايێ دا هوين بكه‌ن، ل نك خودێ ل قيامه‌تێ خێره‌كا چێتر ومه‌زنتر هوين دێ بينن، وهوين ل هه‌مى ده‌مان داخوازا ژێبرنا گونه‌هان ژ خودێ بكه‌ن، هندى خودێ‌یه باش گونه‌هـ ژێبره بۆ هه‌وه ويێ دلۆڤانكاره ب هه‌وه.