اِنَّا٘ اَرْسَلْنَا نُوْحًا اِلٰي قَوْمِهٖ٘ اَنْ اَنْذِرْ قَوْمَكَ مِنْ قَبْلِ اَنْ يَّاْتِيَهُمْ عَذَابٌ اَلِيْمٌ
هندى ئه‌مين مه نووح بۆ ملله‌تێ وى هنارتبوو، ومه گۆتبوويێ: ملله‌تێ خۆ بترسينه به‌رى عه‌زابه‌كا ب ئێش ب سه‌ر وان دا بێت.
قَالَ يٰقَوْمِ اِنِّيْ لَكُمْ نَذِيْرٌ مُّبِيْنٌ
نووحى گۆت: ئه‌ى ملله‌تێ من هندى ئه‌زم ئه‌ز ئاشكه‌را هه‌وه ژ عه‌زابا خودێ دترسينم كو ب سه‌ر هه‌وه دا بێت ئه‌گه‌ر هه‌وه بێ ئه‌مرییا وى كر.
اَنِ اعْبُدُوا اللّٰهَ وَاتَّقُوْهُ وَاَطِيْعُوْنِ
ڤێجا هوين ته‌وحيدا خودێ بكه‌ن، وپه‌رستنا وى بكه‌ن، و ژ عه‌زابا وى بترسن، وهوين گوهدارییا من د وى تشتى دا بكه‌ن يێ ئه‌ز فه‌رمانێ پێ ل هه‌وه دكه‌م، وهه‌وه ژێ دده‌مه پاش، هندى ئه‌زم ئه‌ز پێغه‌مبه‌رێ خودێمه بۆ هه‌وه.
يَغْفِرْ لَكُمْ مِّنْ ذُنُوْبِكُمْ وَيُؤَخِّرْكُمْ اِلٰ٘ي اَجَلٍ مُّسَمًّي اِنَّ اَجَلَ اللّٰهِ اِذَا جَآءَ لَا يُؤَخَّرُ لَوْ كُنْتُمْ تَعْلَمُوْنَ
ئه‌و دێ ل گونه‌هێن هه‌وه بۆرت وحه‌تا ده‌مه‌كێ ل نك خودێ ئاشكه‌را ئه‌و دێ ژییێ هه‌وه درێژ كه‌ت، هندى مرنه ئه‌گه‌ر هات ئه‌و قه‌ت نائێته پاشخستن، ئه‌گه‌ر هوين وێ بزانن هوين دێ له‌زێ د باوه‌رییێ وگوهدانێ دا كه‌ن.
قَالَ رَبِّ اِنِّيْ دَعَوْتُ قَوْمِيْ لَيْلًا وَّنَهَارًا
نووحى گۆت: خودايێ من هندى ئه‌زم ب شه‌ڤ وڕۆژ من به‌رێ ملله‌تێ خۆ دا باوه‌رى ئينانا ب ته وگوهدارییا ته.
فَلَمْ يَزِدْهُمْ دُعَآءِيْ٘ اِلَّا فِرَارًا
ڤێجا گازییا من بۆ وان ژ ڕه‌ڤين وپشتدانێ پێڤه‌تر تشته‌ك ل وان زێده نه‌كر.
وَاِنِّيْ كُلَّمَا دَعَوْتُهُمْ لِتَغْفِرَ لَهُمْ جَعَلُوْ٘ا اَصَابِعَهُمْ فِيْ٘ اٰذَانِهِمْ وَاسْتَغْشَوْا ثِيَابَهُمْ وَاَصَرُّوْا وَاسْتَكْبَرُوا اسْتِكْبَارًا
وهندى ئه‌زم هه‌ر جاره‌كا من به‌رێ وان ددا باوه‌رى ئينانا ب ته؛ دا ببته ئه‌گه‌را هندێ كو تو گونه‌هێن وان بۆ وان ژێ ببه‌ى، ئه‌و دا تبلێن خۆ كه‌نه د گوهێن خۆ ڕا؛ دا وان گوهـ ل گازییا حه‌ق نه‌بت، ودا كراسێن خۆ ب سه‌ر خۆ داده‌ن؛ دا ئه‌و من نه‌بينن، وئه‌و مانه ل سه‌ر كوفرا خۆ، ووان خۆ ژ باوه‌رى ئينانێ مه‌زنتر ديت.
ثُمَّ اِنِّيْ دَعَوْتُهُمْ جِهَارًا
پاشى من ب ئاشكه‌رايى ئه‌و بۆ باوه‌رییێ گازى كرن.
ثُمَّ اِنِّيْ٘ اَعْلَنْتُ لَهُمْ وَاَسْرَرْتُ لَهُمْ اِسْرَارًا
پاشى هنده‌ك جاران من ب ده‌نگه‌كێ بلند گازى وان كر، وهنده‌ك جاران ژى من ب ده‌نگه‌كێ نزم وڤه‌شارتى ئه‌و گازى كرن.
فَقُلْتُ اسْتَغْفِرُوْا رَبَّكُمْ اِنَّهٗ كَانَ غَفَّارًا
ومن گۆته ملله‌تێ خۆ: هوين داخوازا ژێبرنا گونه‌هان بۆ خۆ ژ خـودايێ خۆ بكه‌ن، و ژ كوفرا خۆ تۆبه بكه‌ن، هندى ئه‌وه ئه‌و گه‌له‌ك گونه‌هـ ژێبر بوويه بۆ وى يێ تۆبه بكه‌ت ژ به‌نییێن وى و ل وى بزڤڕت.
يُّرْسِلِ السَّمَآءَ عَلَيْكُمْ مِّدْرَارًا
ئه‌گه‌ر هوين تۆبه بكه‌ن وداخوازا گونه‌هـ ژێبرنێ بۆ خۆ بكه‌ن خودێ بارانه‌كا بۆش و ل دويڤ يه‌ك دێ بۆ هه‌وه ئينته خوارێ.
وَّيُمْدِدْكُمْ بِاَمْوَالٍ وَّبَنِيْنَ وَيَجْعَلْ لَّكُمْ جَنّٰتٍ وَّيَجْعَلْ لَّكُمْ اَنْهٰرًا
وئه‌و مال وعه‌يالێ هه‌وه دێ زێده كه‌ت، وهنده‌ك باغێن هوين خۆشییێ ب جوانى وبه‌رهه‌مێ وان ببه‌ن دێ ده‌ته هه‌وه، ودێ وان ڕويباران ده‌ته هه‌وه يێن هوين حه‌يوانه‌ت وده‌رامه‌تێ خۆ پێ ئاڤ بده‌ن.
مَا لَكُمْ لَا تَرْجُوْنَ لِلّٰهِ وَقَارًا
هه‌وه چيه -ئه‌ى ملله‌تێ من- هوين ژ مه‌زنییا خودێ وده‌سهه‌لاتا وى ناترسن.
وَقَدْ خَلَقَكُمْ اَطْوَارًا
و ب ڕاستى وى هوين د چه‌ند حاله‌كان دا ئافراندينه؟
اَلَمْ تَرَوْا كَيْفَ خَلَقَ اللّٰهُ سَبْعَ سَمٰوٰتٍ طِبَاقًا
ئه‌رێ ما هه‌وه به‌رێ خۆ نه‌دايێ چاوا خودێ حه‌فت عه‌سمان ل سه‌ر يه‌ك ئافراندينه.
وَّجَعَلَ الْقَمَرَ فِيْهِنَّ نُوْرًا وَّجَعَلَ الشَّمْسَ سِرَاجًا
ووى هه‌يڤ د ڤان عه‌سمانان دا كره ڕۆناهى، وڕۆژ كره چرايه‌كێ گه‌ش كو خه‌لكێ عه‌ردى ل به‌ر ڕۆناهییا وێ بچن؟
وَاللّٰهُ اَنْۣبَتَكُمْ مِّنَ الْاَرْضِ نَبَاتًا
وخودێ هێڤێنێ هه‌وه ژ عه‌ردى شينكرییه.
ثُمَّ يُعِيْدُكُمْ فِيْهَا وَيُخْرِجُكُمْ اِخْرَاجًا
پاشى پشتى مرنێ ئه‌و دێ هه‌وه زڤڕينته د عه‌ردى دا ڤه، ومسۆگه‌ر جاره‌كا دى ئه‌و دێ هه‌وه ده‌رئێخته‌ڤه.
وَاللّٰهُ جَعَلَ لَكُمُ الْاَرْضَ بِسَاطًا
وخودێ عه‌رد ب ساناهى بۆ هه‌وه رائێخست.
لِّتَسْلُكُوْا مِنْهَا سُبُلًا فِجَاجًا
دا هوين ڕێكێن فره‌هـ بۆ خۆ تێدا ڤه‌كه‌ن.
قَالَ نُوْحٌ رَّبِّ اِنَّهُمْ عَصَوْنِيْ وَاتَّبَعُوْا مَنْ لَّمْ يَزِدْهُ مَالُهٗ وَوَلَدُهٗ٘ اِلَّا خَسَارًا
نووحى گۆت: خودايێ من هندى ملله‌تێ منه گه‌له‌ك زێده بێ ئه‌مرییا من كر، ومرۆڤێن لاواز ژ وان دويكه‌فتنا سه‌رۆكێن سه‌رداچووى كر ئه‌وێن مالێ وان وزارۆكێن وان ژ سه‌رداچوونێ پێڤه‌تر ل وان زێده نه‌كرى.
وَمَكَرُوْا مَكْرًا كُبَّارًا
وسه‌رۆكێن سه‌رداچووى فێلبازییه‌كا مه‌زن ل دويكه‌فتییێن خۆ يێن لاواز كر.
وَقَالُوْا لَا تَذَرُنَّ اٰلِهَتَكُمْ وَلَا تَذَرُنَّ وَدًّا وَّلَا سُوَاعًا وَّلَا يَغُوْثَ وَيَعُوْقَ وَنَسْرًا
وگۆتنه وان: هوين په‌رستنا خوداوه‌ندێن خۆ نه‌هێلن، وهوين وه‌ددى وسواعى ويه‌غووثى ويه‌عووقى ونه‌سرى نه‌هێلن، وئه‌ڤه ناڤێن صه‌نه‌مێن وان بوون، وئه‌و ب خۆ ناڤێن هنده‌ك زه‌لامێن چاك بوون، ده‌مێ ئه‌و مرين شه‌يتانى ئێخسته سه‌ر دلێن ملله‌تێ وان كو ئه‌و هنده‌ك په‌يكه‌ران بۆ چێ كه‌ن؛ دا ده‌مێ ئه‌و وان دبينن بۆ كرنا عيباده‌تى زيره‌ك ببن -وه‌كى وان هزركرى-، ڤێجا ده‌مێ ئه‌و ده‌ستێ مرۆڤان چووى وسال درێژ بووين، وهنده‌ك مرۆڤێن دى ب دويڤ وان دا هاتيـن، شه‌يتانى ئێخسته قالبێ وان كو پێشییێن وان په‌رستنا په‌يكه‌ران دكر، وداخوازا ده‌سكاتییێ ژ وان دكر، و ژ به‌ر ڤێ چه‌ندێ په‌يكه‌رسازى وئاڤاكرنا گونبه‌تان ل سه‌ر قه‌بران هاته حه‌رامكرن؛ چونكى ب درێژییا سالان نه‌زان په‌رستنێ بۆ دكه‌ن.
وَقَدْ اَضَلُّوْا كَثِيْرًا وَلَا تَزِدِ الظّٰلِمِيْنَ اِلَّا ضَلٰلًا
و ب ڕاستى ڤان يێن دويكه‌فتنا وان هاتییه‌كرن گه‌له‌ك مرۆڤ به‌رزه‌كرن ب ڕێكا خه‌ملاندنا خرابییێ ل به‌ر وان، وتو -ئه‌ى خودايێ مه- ژ دويركه‌فتنا حه‌قییێ پێڤه‌تر چو ل ڤان يێن زۆردارى كرى زێده نه‌كه.
مِمَّا خَطِيْٓــٰٔتِهِمْ اُغْرِقُوْا فَاُدْخِلُوْا نَارًا فَلَمْ يَجِدُوْا لَهُمْ مِّنْ دُوْنِ اللّٰهِ اَنْصَارًا
ڤێجا ژ به‌ر گونه‌هێن وان ئه‌و ب تووفانێ هاتنه خه‌ندقاندن، وپشتى خندقينێ ئه‌و چوونه د ئاگره‌كێ مه‌زن دا، ڤێجا ژبلی خودێ وان كه‌سه‌ك نه‌ديت پشته‌ڤانییێ بۆ وان بكه‌ت.
وَقَالَ نُوْحٌ رَّبِّ لَا تَذَرْ عَلَي الْاَرْضِ مِنَ الْكٰفِرِيْنَ دَيَّارًا
وپشتى نووح ژ وان بێ هیڤى بووى گۆت: خودايێ من تو نه‌هێله كافره‌ك ل سه‌ر عه‌ردى بمينت وب ڕێڤه بچت.
اِنَّكَ اِنْ تَذَرْهُمْ يُضِلُّوْا عِبَادَكَ وَلَا يَلِدُوْ٘ا اِلَّا فَاجِرًا كَفَّارًا
هندى تويى ئه‌گه‌ر تو وان بهێلی ئه‌و دێ به‌نییێن ته يێن باوه‌رى ب ته ئيناى ژ حه‌قییێ د سه‌ر دا به‌ن، ومرۆڤه‌ك ژ وان نابت ئه‌گه‌ر يێ كافر وگونه‌هكار نه‌بت.
رَبِّ اغْفِرْ لِيْ وَلِوَالِدَيَّ وَلِمَنْ دَخَلَ بَيْتِيَ مُؤْمِنًا وَّلِلْمُؤْمِنِيْنَ وَالْمُؤْمِنٰتِ وَلَا تَزِدِ الظّٰلِمِيْنَ اِلَّا تَبَارًا
خودايێ من تو گونه‌هێن من ويێن دايبابێن من وهه‌چییێ بێته د مالا من ڤه يێ خودان باوه‌ر بت، وبۆ مێرێن خودان باوه‌ر وژنێن خودان باوه‌ر ژێ ببه، وتو ژ تێبرن وزيانا ل دنيايێ وئاخره‌تێ پێڤه‌تر چويێ ل كافران زێده نه‌كه.