سَاَلَ سَآئِلٌۣ بِعَذَابٍ وَّاقِعٍ
نفرينكه‌ره‌كى ژ بوتپه‌رێسان نفرينه‌ك ل خۆ وملله‌تێ خۆ كر كو عه‌زاب ب سه‌ر دا بێت، ومسۆگه‌ر ل ڕۆژا قيامه‌تێ ئه‌و عه‌زاب دێ ب سه‌ر وان دا ئێت.
لِّلْكٰفِرِيْنَ لَيْسَ لَهٗ دَافِعٌ
چو مانع بۆ وێ عه‌زابێ نابن كو ئه‌و بێت.
مِّنَ اللّٰهِ ذِي الْمَعَارِجِ
ژ نك خودێ خودانێ بلندى ومه‌زنییێ.
تَعْرُجُ الْمَلٰٓئِكَةُ وَالرُّوْحُ اِلَيْهِ فِيْ يَوْمٍ كَانَ مِقْدَارُهٗ خَمْسِيْنَ اَلْفَ سَنَةٍ
فريشته وجبريل ب نك خودێ ڤه بلند دبن ل ڕۆژه‌كا درێژییا وێ پێنجى هزار سال ژ سالێن دنيايێ، وئه‌و ل به‌ر خودان باوه‌رى هندى ده‌مێ نڤێژه‌كا فه‌رزه.
فَاصْبِرْ صَبْرًا جَمِيْلًا
ڤێجا تو -ئه‌ى موحه‌ممه‌د- صه‌برێ ل سه‌ر تڕانه‌پێكرن وله‌زكرنا وان د عه‌زابێ دا بكێشه، صه‌بره‌كا جوان وبێ گازنده.
اِنَّهُمْ يَرَوْنَهٗ بَعِيْدًا
هندى كافرن عه‌زابێ دوير دبينن وهزر دكه‌ن ئه‌و نائێت.
وَّنَرٰىهُ قَرِيْبًا
وئه‌م وێ نێزيك دبينين وهه‌ر دێ ئێت.
يَوْمَ تَكُوْنُ السَّمَآءُ كَالْمُهْلِ
ڕۆژا عه‌سمان وه‌كى وێ كه‌فێ لێ دئێت ئه‌وا ب سه‌ر زه‌يتا حه‌لاندى دكه‌ڤت.
وَتَكُوْنُ الْجِبَالُ كَالْعِهْنِ
وچيا وه‌كى وێ هريا ڤه‌چڕى لێ دئێت يا با د گه‌ل خۆ دبه‌ت.
وَلَا يَسْــَٔلُ حَمِيْمٌ حَمِيْمًا
ويه‌ك پسيارا حالێ مرۆڤێ خۆ ناكه‌ت؛ چونكى هه‌ر يه‌ك ب خۆ ڤه يێ موژيله.
يُّبَصَّرُوْنَهُمْ يَوَدُّ الْمُجْرِمُ لَوْ يَفْتَدِيْ مِنْ عَذَابِ يَوْمِئِذٍۣ بِبَنِيْهِ
ئه‌و وان دبينن ودنياسن، ويه‌ك نه‌شێت مفاى بگه‌هينته يه‌كێ. كافر خوزییان ڕادهێلت كو ب كوڕێن خۆ ،خۆ بكڕت-گوری خۆبكه‌ت-، دا پاشـى ئه‌و ژ عه‌زابا خودێ ڕزگار ببت.
وَصَاحِبَتِهٖ وَاَخِيْهِ
و ب ژنا خۆ وبرايێ خۆ.
وَفَصِيْلَتِهِ الَّتِيْ تُــْٔوِيْهِ
وئويجاخا خۆيا ئه‌و د ناڤ وان دا ڤه‌دحويێت.
وَمَنْ فِي الْاَرْضِ جَمِيْعًا ثُمَّ يُنْجِيْهِ
و ب هه‌ر يه‌كێ ل عه‌ردى هه‌بت خۆ بكڕت -گوری خۆبكه‌ت-، دا پاشـى ئه‌و ژ عه‌زابا خودێ ڕزگار ببت.
كَلَّا اِنَّهَا لَظٰي
مه‌سه‌له يا وه‌سا نينه وه‌كى تو -ئه‌ى كافرۆ- هزر دكه‌ى كو تو دێ خۆ كڕى، هندى ئه‌وه ئه‌و جه‌هنه‌مه يا ئاگرێ وێ يێ گه‌رم وشاراندى.
نَزَّاعَةً لِّلشَّوٰي
ب گه‌رما خۆ يا دژوار ئه‌و چه‌رمێ سه‌رى وهه‌مى له‌شى ڕادكه‌ت.
تَدْعُوْا مَنْ اَدْبَرَ وَتَوَلّٰي
ئه‌و گازى وى دكه‌ت يێ د دنيايێ دا پشت دايه حه‌قییێ، وگوهدارییا خودێ وپێغه‌مبه‌رێ وى نه‌كرى.
وَجَمَعَ فَاَوْعٰي
ومال كۆمكرى، وكرییه د خزينه‌يێن خۆ دا، وحه‌قێ خودێ ژێ ده‌رنه‌ئێخستى.
اِنَّ الْاِنْسَانَ خُلِقَ هَلُوْعًا
هندى مرۆڤه وه‌سا يێ هاتییه ئافراندن كو يێ بێهنته‌نگ وچڕيك بت.
اِذَا مَسَّهُ الشَّرُّ جَزُوْعًا
ئه‌گه‌ر نه‌خۆشى وته‌نگاڤییه‌ك گه‌هشتێ ئه‌و صه‌برێ ناكێشت وگه‌له‌ك خه‌مگين دبت.
وَّاِذَا مَسَّهُ الْخَيْرُ مَنُوْعًا
وئه‌گه‌ر خۆشى وبه‌رفره‌هییه‌ك گه‌هشتێ ئه‌و چڕيك دبت وده‌ستێ خۆ دگرت.
اِلَّا الْمُصَلِّيْنَ
نڤێژكه‌ر تێ نه‌بن.
الَّذِيْنَ هُمْ عَلٰي صَلَاتِهِمْ دَآئِمُوْنَ
ئه‌وێن هه‌مى ده‌مان ل سه‌ر نڤێژێن خۆ دبه‌رده‌وام، وتشته‌ك وان ژێ موژيل ناكه‌ت.
وَالَّذِيْنَ فِيْ٘ اَمْوَالِهِمْ حَقٌّ مَّعْلُوْمٌ
وئه‌وێن باره‌كا ده‌سنيشانكرى كو زه‌كاته د ناڤ مالێ وان دا هه‌ى .
لِّلسَّآئِلِ وَالْمَحْرُوْمِ
ئه‌و دده‌نه وى يێ هاريكارییێ ژ وان بخوازت، ووى يێ نه‌خوازت ژى.
وَالَّذِيْنَ يُصَدِّقُوْنَ بِيَوْمِ الدِّيْنِ
وئه‌وێن باوه‌رییێ ب ڕۆژا حسێب وجزادانێ دئينن و ب كرنا چاكییان خۆ بۆ ئاماده دكه‌ن.
وَالَّذِيْنَ هُمْ مِّنْ عَذَابِ رَبِّهِمْ مُّشْفِقُوْنَ
وئه‌وێن ژ عه‌زابا خودێ دترسن.
اِنَّ عَذَابَ رَبِّهِمْ غَيْرُ مَاْمُوْنٍ
هندى عه‌زابا خودايێ وانه دڤێت كه‌س يێ ژێ پشت ڕاست نه‌بت.
وَالَّذِيْنَ هُمْ لِفُرُوْجِهِمْ حٰفِظُوْنَ
وئه‌وێن نامويسا خۆ ژ تشتێ حه‌رام دپارێزن.
اِلَّا عَلٰ٘ي اَزْوَاجِهِمْ اَوْ مَا مَلَكَتْ اَيْمَانُهُمْ فَاِنَّهُمْ غَيْرُ مَلُوْمِيْنَ
د گه‌ل ژن وجارییێن وان نه‌بت، د وێ چه‌ندێ دا ئه‌و دلۆمه‌لێكرى نينن.
فَمَنِ ابْتَغٰي وَرَآءَ ذٰلِكَ فَاُولٰٓئِكَ هُمُ الْعٰدُوْنَ
ڤێجا هه‌چییێ د ڤێ چه‌ندێ دا قه‌ستا هنده‌كێن دى ژبلی ژن وجارییێن خۆ بكه‌ن، ئه‌و ئه‌ون يێن زێده گاڤى كرى و ژ حه‌لالی ده‌رباز بووينه حه‌رامى.
وَالَّذِيْنَ هُمْ لِاَمٰنٰتِهِمْ وَعَهْدِهِمْ رٰعُوْنَ
وئه‌وێن ئێمانه‌تێ خودێ ويێ خه‌لكى دپارێزن،وپه‌يمانا خۆ د گه‌ل خودێ وبه‌نییان ژى دپارێزن.
وَالَّذِيْنَ هُمْ بِشَهٰدٰتِهِمْ قَآئِمُوْنَ
وئه‌وێن ب دورستى شاهده‌يیێن خۆ دده‌ن بێ گوهۆڕين وڤه‌شارتن.
وَالَّذِيْنَ هُمْ عَلٰي صَلَاتِهِمْ يُحَافِظُوْنَ
وئه‌وێن ب دورستى ب كرنا نڤێژان ڕادبن وتشته‌كى ژێ كێم ناكه‌ن.
اُولٰٓئِكَ فِيْ جَنّٰتٍ مُّكْرَمُوْنَ
ئه‌وێن خودانێن ڤان سالۆخه‌تێن مه‌زن ئه‌ون يێن د به‌حه‌شتان دا ئاكنجى دبن، و ب هه‌مى ڕه‌نگێن قه‌درگرتنێ قه‌درێ وان دئێته‌گرتن.
فَمَالِ الَّذِيْنَ كَفَرُوْا قِبَلَكَ مُهْطِعِيْنَ
ڤێجا ئه‌و چ تشته ئه‌و كافر ب له‌ز ب نك ته ڤه -ئه‌ى موحه‌ممه‌د- پالداين، وان ستويێن خۆ يێن درێژ كرين وبه‌رێ وان ڕك وڕك يێ ل ته.
عَنِ الْيَمِيْنِ وَعَنِ الشِّمَالِ عِزِيْنَ
ل لايێ ته يێ ڕاستێ ويێ چه‌پێ ئه‌و يێن كۆم بووين دئاخڤن وعه‌جێبگرتى دمينن؟
اَيَطْمَعُ كُلُّ امْرِئٍ مِّنْهُمْ اَنْ يُّدْخَلَ جَنَّةَ نَعِيْمٍ
ئه‌رێ ڤان كافران دڤێت خودێ وان هه‌مییان ببه‌ته وێ به‌حه‌شتا خۆشییا وێ يا به‌رده‌وام؟
كَلَّا اِنَّا خَلَقْنٰهُمْ مِّمَّا يَعْلَمُوْنَ
نه‌خێر وه نينه وه‌كى ئه‌و دلێ خۆ دبه‌نێ، وئه‌و قه‌ت ناچنه وێ به‌حه‌شتێ. هندى ئه‌مين مه ئه‌و ژ ئاڤه‌كا بێ بها يا ئه‌و پێ دزانن ئافراندينه، وئه‌و باوه‌رییێ نائينن، ڤێجا چاوا ئه‌و دلێ خۆ دبه‌نه به‌حشتێ؟
فَلَا٘ اُقْسِمُ بِرَبِّ الْمَشٰرِقِ وَالْمَغٰرِبِ اِنَّا لَقٰدِرُوْنَ
ڤێجا ئه‌ز ب خودايێ ڕۆژهه‌لات وڕۆژئاڤايان سويند دخۆم، هندى ئه‌مين ئه‌م دشێين..
عَلٰ٘ي اَنْ نُّبَدِّلَ خَيْرًا مِّنْهُمْ وَمَا نَحْنُ بِمَسْبُوْقِيْنَ
ملله‌ته‌كێ ژ وان گوهدارتر بۆ خودێ ل شوينا وان بدانين، وكه‌سه‌ك نينه مه بێزار بكه‌ت يان ژ ده‌ست مه ده‌ركه‌ڤت ئه‌گه‌ر مه ڤيا وى چێكه‌ينه ڤه.
فَذَرْهُمْ يَخُوْضُوْا وَيَلْعَبُوْا حَتّٰي يُلٰقُوْا يَوْمَهُمُ الَّذِيْ يُوْعَدُوْنَ
ڤێجا وان بهێله بلا ئه‌و ده‌ڤ ژ نه‌حه‌قییا خۆ به‌رنه‌ده‌ن، وبلا ئه‌و د دنيايا خۆ دا يارییان بكه‌ن حه‌تا ڕۆژا قيامه‌تێ ب سه‌ر وان دا بێت ئه‌و ڕۆژا ژڤان ب عه‌زابێ تێدا بۆ وان هاتییه‌دان.
يَوْمَ يَخْرُجُوْنَ مِنَ الْاَجْدَاثِ سِرَاعًا كَاَنَّهُمْ اِلٰي نُصُبٍ يُّوْفِضُوْنَ
ڕۆژا ئه‌و ب له‌ز ژ گۆڕان ده‌ردكه‌ڤن، هه‌ر وه‌كى ئه‌و د دنيايێ دا ب نك وان صه‌نه‌مان ڤه دچوون يێن وان چێكرين دا عيباده‌تى بۆ بكه‌ن، ئه‌و ب له‌ز دچن ودكه‌نه غار.
خَاشِعَةً اَبْصَارُهُمْ تَرْهَقُهُمْ ذِلَّةٌ ذٰلِكَ الْيَوْمُ الَّذِيْ كَانُوْا يُوْعَدُوْنَ
چاڤێن وان دشكه‌ستينه وبه‌رێ وان يێ ل عه‌ردى، ڕه‌زيلی وشه‌رمزارى ب سه‌ر وان دا دئێت، ئه‌ڤه ئه‌و ڕۆژه يا د دنيايێ دا ژڤان بۆ وان پێ دهاته‌دان، ووان باوه‌رى پێ نه‌دئينا وتڕانه بۆ خۆ پێ دكرن.