اَلْحَآقَّةُ
قيامه‌ت ئه‌وا هه‌ر دێ ئێت يا كو سۆز وگه‌ف تێدا ب جهـ دئێن.
مَا الْحَآقَّةُ
قيامه‌ت ئه‌وا ب ڤى ڕه‌نگى وهه‌ر دێ ئێت؟
وَمَا٘ اَدْرٰىكَ مَا الْحَآقَّةُ
و چ تشتى ڕاستییا قيامه‌تێ نيشا ته دايه -ئه‌ى موحه‌ممه‌د- وترس وسه‌هما وێ بۆ ته به‌رچاڤ كرییه؟
كَذَّبَتْ ثَمُوْدُ وَعَادٌۣ بِالْقَارِعَةِ
ثه‌موودییێن ملله‌تێ صالحى، وعادییێن ملله‌تێ هوودى باوه‌رى ب وێ قيامه‌تێ نه‌ئينا ئه‌وا دلان ژ ترسان دا دهژينت.
فَاَمَّا ثَمُوْدُ فَاُهْلِكُوْا بِالطَّاغِيَةِ
ڤێجا هندى ثه‌موودی بوون ب وێ قێڕییا زێده‌ى حه‌ددى بلند هاتنه تێبرن.
وَاَمَّا عَادٌ فَاُهْلِكُوْا بِرِيْحٍ صَرْصَرٍ عَاتِيَةٍ
وهندى عادى بوون ب هڕه‌بايه‌كێ سار ودژوار هاتنه تێبرن.
سَخَّرَهَا عَلَيْهِمْ سَبْعَ لَيَالٍ وَّثَمٰنِيَةَ اَيَّامٍ حُسُوْمًا فَتَرَي الْقَوْمَ فِيْهَا صَرْعٰي كَاَنَّهُمْ اَعْجَازُ نَخْلٍ خَاوِيَةٍ
حه‌فت شه‌ڤ وهه‌شت ڕۆژێن به‌رده‌وام وبێ ڤه‌بڕين خودێ ئه‌و ب سه‌ر وان دا ئينا، ڤێجا د وان شه‌ڤ وڕوژان دا ته ئه‌و مرى دديتـن وه‌كى وان قورمێن دارقه‌سپان يێن نيڤه‌كا وان ڕزى وڤالا.
فَهَلْ تَرٰي لَهُمْ مِّنْۣ بَاقِيَةٍ
ئه‌رێ ڤێجا تو يه‌كێ ساخ د ناڤ وان دا دبينى؟
وَجَآءَ فِرْعَوْنُ وَمَنْ قَبْلَهٗ وَالْمُؤْتَفِكٰتُ بِالْخَاطِئَةِ
وفيرعه‌ونێ سه‌رداچووى، وئه‌و ملله‌تێن به‌رى وى يێن باوه‌رى ب پێغه‌مبه‌رێن خۆ نه‌ئيناى، وخه‌لكێ گوندێن ملله‌تێ لووطى يێن كو ژ به‌ر كرێتییا وان كرى وه‌لاتێ وان ب وان ڤه ده‌رنشيف بووى، ئه‌و هه‌مى هاتن.
فَعَصَوْا رَسُوْلَ رَبِّهِمْ فَاَخَذَهُمْ اَخْذَةً رَّابِيَةً
ووان گوهدارییا وان پێغه‌مبه‌ران نه‌كر يێن خودايێ وان بۆ وان هنارتين، ئينا خودێ ئه‌و ب دژوارى گرتن.
اِنَّا لَمَّا طَغَا الْمَآءُ حَمَلْنٰكُمْ فِي الْجَارِيَةِ
هندى ئه‌مين ده‌مێ ئاڤ ڕابووى، و ب سه‌ر هه‌مى تشتان كه‌فتى، مه هێڤێنێ هه‌وه د گه‌ل نووحى د وێ گه‌مییێ دا هلگرت يا كو ب سه‌ر ئاڤێ كه‌فتى.
لِنَجْعَلَهَا لَكُمْ تَذْكِرَةً وَّتَعِيَهَا٘ اُذُنٌ وَّاعِيَةٌ
دا ئه‌م وێ سه‌رهاتییێ يا خودان باوه‌ر تێدا ڕزگار بووين وكافر خندقين بكه‌ينه بيرئينان وعيبره‌ت، ودا هه‌ر گوهه‌كێ تشتى بگرت وێ ژ به‌ر بكه‌ت، و د وێ شيره‌تێ بگه‌هت يا خودێ لێ كرى.
فَاِذَا نُفِخَ فِي الصُّوْرِ نَفْخَةٌ وَّاحِدَةٌ
ڤێجا ئه‌گه‌ر ملياكه‌تى جاره‌كێ د (بۆڕییێ) دا پفكر.
وَّحُمِلَتِ الْاَرْضُ وَالْجِبَالُ فَدُكَّتَا دَكَّةً وَّاحِدَةً
وئه‌و پفكرنا يه‌كێیه يا دنيا پێ خراب دبت، وعه‌رد وچيا ژ جهێن وان هاتنه ڕاكرن وشكه‌ستـن، وجاره‌كێ هاتنه لێكدان.
فَيَوْمَئِذٍ وَّقَعَتِ الْوَاقِعَةُ
هنگى قيامه‌ت ڕابوو.
وَانْشَقَّتِ السَّمَآءُ فَهِيَ يَوْمَئِذٍ وَّاهِيَةٌ
وعه‌سمان چڕچڕ بوو، وهنگى ئه‌و نه‌رم ولاواز دبت وخۆ پێكڤه ناگرت.
وَّالْمَلَكُ عَلٰ٘ي اَرْجَآئِهَا وَيَحْمِلُ عَرْشَ رَبِّكَ فَوْقَهُمْ يَوْمَئِذٍ ثَمٰنِيَةٌ
وفريشته يێن ل سه‌ر ڕه‌خ ولێڤان، ووێ ڕۆژێ هه‌شت ملياكه‌تێن مه‌زن عه‌رشێ خودايێ ته ل هنداڤى وان هل دگرن.
يَوْمَئِذٍ تُعْرَضُوْنَ لَا تَخْفٰي مِنْكُمْ خَافِيَةٌ
وێ ڕۆژێ هـوين -گه‌لی مرۆڤان- بۆ حسێب وجزادانێ ل به‌ر خودێ دئێنه پێشچاڤكرن، وتشته‌ك ژ نهێنییێن هه‌وه ل به‌ر وى نائێنه ڤه‌شارتن.
فَاَمَّا مَنْ اُوْتِيَ كِتٰبَهٗ بِيَمِيْنِهٖ فَيَقُوْلُ هَآؤُمُ اقْرَءُوْا كِتٰبِيَهْ
ڤێجا هه‌چییێ كيتابا كريارێن وى بێته د ده‌ستێ وى يێ ڕاستێ دا، ئه‌و ب كه‌يف وخۆشى ڤه دێ بێژت: ها كيتابا من بگرن بخوينن.
اِنِّيْ ظَنَنْتُ اَنِّيْ مُلٰقٍ حِسَابِيَهْ
هندى ئه‌ز بووم من د دنيايێ دا باوه‌ر دكر كو ئه‌ز ل قيامه‌تێ دێ جزايێ خۆ وه‌رگرم، ڤێجا من كارێ خۆ بۆ كربوو ژ باوه‌رى ئينانێ وكرنا چاكییان.
فَهُوَ فِيْ عِيْشَةٍ رَّاضِيَةٍ
ڤێجا ئه‌و يێ د ژينه‌كا خۆش دا يا ئه‌وێ پێ ڕازى.
فِيْ جَنَّةٍ عَالِيَةٍ
د به‌حه‌شته‌كا جهـ وده‌ره‌جه بلند دا.
قُطُوْفُهَا دَانِيَةٌ
فێقییێ وێ يێ نێزيكه مرۆڤێ ڕاوه‌ستاى بت يان يێ ڕوينشتى بت يان يێ ڕازاى بت دگه‌هتێ.
كُلُوْا وَاشْرَبُوْا هَنِيْٓــًٔاۣ بِمَا٘ اَسْلَفْتُمْ فِي الْاَيَّامِ الْخَالِيَةِ
بۆ وان دئێته گۆتن: خوارن وڤه‌خوارنه‌كا دوير ژ هه‌ر نه‌خۆشییه‌كێ هوين بخۆن وڤه‌خۆن، و ژ هه‌ر نه‌خۆشییه‌كێ دپاراستى بن؛ ژ به‌ر وان كريارێن چاك يێن هه‌وه ل ڕۆژێن بۆرى د دنيايێ دا كرين.
وَاَمَّا مَنْ اُوْتِيَ كِتٰبَهٗ بِشِمَالِهٖ فَيَقُوْلُ يٰلَيْتَنِيْ لَمْ اُوْتَ كِتٰبِيَهْ
وهه‌چییێ كيتابا كريارێن وى بێته د ده‌ستێ وى يێ چه‌پێ دا، ئه‌و ب كه‌سه‌ر وپه‌شێمانى ڤه دێ بێژت: خوزى كيتابا من بۆ من نه‌هاتبا دان.
وَلَمْ اَدْرِ مَا حِسَابِيَهْ
ومن نه‌زانيبا كانێ جزايێ من چيه؟
يٰلَيْتَهَا كَانَتِ الْقَاضِيَةَ
خوزى ئه‌و مرنا د دنيايێ دا ئه‌ز پێ مريم دويماهییا من با، وئه‌ز نه‌ڕاببامه ڤه.
مَا٘ اَغْنٰي عَنِّيْ مَالِيَهْ
ئه‌و مالێ من د دنيايێ دا كۆم كرى چـو مفا نه‌گه‌هانده من.
هَلَكَ عَنِّيْ سُلْطٰنِيَهْ
چو هێجه‌ت من نه‌مان ئه‌ز بۆ خۆ بگرم.
خُذُوْهُ فَغُلُّوْهُ
ڤێجا بۆ زه‌بانییێن جه‌هنه‌مێ دێ ئێته گۆتن: ڤى گونه‌هكارێ تاوانبار ببه‌ن، ب زنجيران هوين ده‌ستێن وى ب ستوكورا وى ڤه گرێده‌ن.
ثُمَّ الْجَحِيْمَ صَلُّوْهُ
پاشى وى ببه‌نه جه‌هنه‌مێ؛ دا ئه‌و تام بكه‌ته گه‌رما وێ.
ثُمَّ فِيْ سِلْسِلَةٍ ذَرْعُهَا سَبْعُوْنَ ذِرَاعًا فَاسْلُكُوْهُ
پاشى هوين وى ب زنـجيره‌كا ئاسنى يا درێژییا وێ حه‌فتێ گه‌ز ڤه بكه‌ن.
اِنَّهٗ كَانَ لَا يُؤْمِنُ بِاللّٰهِ الْعَظِيْمِ
چونكى هندى ئه‌و بوو وى باوه‌رى ب ته‌وحيد ومه‌زنییا خودێ نه‌دئينا، وكار ب ڕێكا وى نه‌دكر.
وَلَا يَحُضُّ عَلٰي طَعَامِ الْمِسْكِيْنِ
و د دنيايێ دا وى به‌رێ خه‌لكى نه‌ددا هندێ كو ئه‌و خوارنێ بده‌نه مرۆڤێن پێتڤى وهه‌ژار.
فَلَيْسَ لَهُ الْيَوْمَ هٰهُنَا حَمِيْمٌ
ڤێجا ڤى كافرى ڕۆژا قيامه‌تێ چو مرۆڤ نابن عه‌زابێ ژ وى پاشڤه‌ببه‌ن.
وَّلَا طَعَامٌ اِلَّا مِنْ غِسْلِيْنٍ
وچو خوارن ژى بۆ وى نينن ئه‌و كێم وعه‌داڤ نه‌بت يا ژ به‌ر جه‌هنه‌مییان دچت.
لَّا يَاْكُلُهٗ٘ اِلَّا الْخٰطِــُٔوْنَ
ئه‌و گونه‌هكارێن ڕژدییێ ل سه‌ر كوفرێ دكه‌ن تێ نه‌بت كه‌س وێ خوارنێ ناخۆت.
فَلَا٘ اُقْسِمُ بِمَا تُبْصِرُوْنَ
ڤێجا ئه‌ز ب وى تشتى سويند دخۆم يێ هوين دبينن.
وَمَا لَا تُبْصِرُوْنَ
ويێ هوين نه‌بينن.
اِنَّهٗ لَقَوْلُ رَسُوْلٍ كَرِيْمٍ
كو هندى ئه‌ڤ قورئانه‌يه گۆتنا خودێ‌یه، پێغه‌مبه‌ره‌كێ مه‌زن وخودان قه‌در وێ بۆ هه‌وه دخوينت.
وَّمَا هُوَ بِقَوْلِ شَاعِرٍ قَلِيْلًا مَّا تُؤْمِنُوْنَ
وئه‌و نه گۆتنا شاعره‌كییه وه‌كى هوين دبێژن، كێمه‌كێ هوين باوه‌رییێ دئينن.
وَلَا بِقَوْلِ كَاهِنٍ قَلِيْلًا مَّا تَذَكَّرُوْنَ
وئه‌و نه لێكئينانا خێڤزانكه‌كییه ، كێمه‌كێ هوين هزرا خۆ دكه‌ن دا وان ژێك جودا بكه‌ن.
تَنْزِيْلٌ مِّنْ رَّبِّ الْعٰلَمِيْنَ
به‌لكى ئه‌و گۆتنا خودايێ هه‌مى چێكرییانه وى ئه‌و بۆ پێغه‌مبه‌رێ خۆ موحه‌ممه‌دى -سلاڤ لێ بن- يا ئينايه خوارێ.
وَلَوْ تَقَوَّلَ عَلَيْنَا بَعْضَ الْاَقَاوِيْلِ
وئه‌گه‌ر موحه‌ممه‌دى تشته‌كێ مه نه‌گۆتى ژ كيسێ مه گۆتبا.
لَاَخَذْنَا مِنْهُ بِالْيَمِيْنِ
ئه‌م دا وى ب هێز گرين وتۆلێ ژێ ڤه‌كه‌ين.
ثُمَّ لَقَطَعْنَا مِنْهُ الْوَتِيْنَ
پاشى ئه‌م دا ڕه‌ها دلێ وى قه‌تينين.
فَمَا مِنْكُمْ مِّنْ اَحَدٍ عَنْهُ حٰجِزِيْنَ
ڤێجا كه‌س ژ هـه‌وه نـه‌دشـيـا عـه‌زابا مـه ژ وى بده‌ته پاش.
وَاِنَّهٗ لَتَذْكِرَةٌ لِّلْمُتَّقِيْنَ
وهندى ئه‌ڤ قورئانه‌يه بيرئينانه‌كه بۆ وان ته‌قواداران يێن كو پێگيرییێ ب ئه‌مرێ خودێ دكه‌ن.
وَاِنَّا لَنَعْلَمُ اَنَّ مِنْكُمْ مُّكَذِّبِيْنَ
وهندى ئه‌مين ئه‌م دزانين كو د ناڤ هه‌وه دا هنده‌ك هه‌نه دره‌وێ ب ڤێ قورئانێ دكه‌ن هه‌ر چه‌نده ئايه‌تێن وێ دئاشكه‌رانه ژى.
وَاِنَّهٗ لَحَسْرَةٌ عَلَي الْكٰفِرِيْنَ
وهندى ئه‌ڤ دره‌وپێكرنه‌يه په‌شێمانییه‌كا مه‌زنه بۆ كافران ده‌مێ ئه‌و عه‌زابا خۆ وخۆشییا خودان باوه‌ران دبينن.
وَاِنَّهٗ لَحَقُّ الْيَقِيْنِ
وهندى ئه‌وه ئه‌و ڕاستییه‌كا موكمه وباوه‌رییه‌كا بێ گومانه.
فَسَبِّحْ بِاسْمِ رَبِّكَ الْعَظِيْمِ
ڤێجا تو خودێ ژ وى تشتى پاك بكه يێ بابه‌تى وى نه‌بت، وتو ب ناڤێ وى يێ مه‌زن به‌حسێ وى بكه.