يٰ٘اَيُّهَا النَّبِيُّ لِمَ تُحَرِّمُ مَا٘ اَحَلَّ اللّٰهُ لَكَ تَبْتَغِيْ مَرْضَاتَ اَزْوَاجِكَ وَاللّٰهُ غَفُوْرٌ رَّحِيْمٌ
ئه‌ى پێغه‌مبه‌ر بۆچى تو وى تشتێ خودێ بۆ ته حه‌لالكرى ل سه‌ر خۆ حه‌رام دكه‌ى؟ تو دخوازى ژنكێن ته ژ ته ڕازى ببن؟ وخودێ باش گونه‌هـ ژێبره بۆ ته، ويێ دلۆڤانكاره ب ته.
قَدْ فَرَضَ اللّٰهُ لَكُمْ تَحِلَّةَ اَيْمَانِكُمْ وَاللّٰهُ مَوْلٰىكُمْ وَهُوَ الْعَلِيْمُ الْحَكِيْمُ
گه‌لی خودان باوه‌ران خودێ كفاره‌تا سويندێ بۆ وى دانايه يێ بڤێت سويندا خۆ بشكێنت، وئه‌ڤ كفاره‌ته ئه‌ڤه‌يه: ئه‌و خوارنێ بده‌ته ده‌هـ فه‌قيران، يان جلكى بده‌ته وان، يان عه‌بده‌كى ئازا بكه‌ت، ويێ نه‌شێت چو ژ ڤان هه‌ر سییان بكه‌ت دێ سێ ڕۆژییان گرت. وخودێ سه‌ركارێ هه‌وه‌يه وئه‌وه هه‌وه ب سه‌ردئێخت، وئه‌و يێ پڕزانايه ب وى تشتێ ب كێر هه‌وه بێت له‌و ئه‌و وى بۆ هه‌وه دكه‌ته شريعه‌ت، د كار وگۆتنێن خۆ دا يێ كاربنه‌جهه.
وَاِذْ اَسَرَّ النَّبِيُّ اِلٰي بَعْضِ اَزْوَاجِهٖ حَدِيْثًا فَلَمَّا نَبَّاَتْ بِهٖ وَاَظْهَرَهُ اللّٰهُ عَلَيْهِ عَرَّفَ بَعْضَهٗ وَاَعْرَضَ عَنْۣ بَعْضٍ فَلَمَّا نَبَّاَهَا بِهٖ قَالَتْ مَنْ اَنْۣبَاَكَ هٰذَا قَالَ نَبَّاَنِيَ الْعَلِيْمُ الْخَبِيْرُ
وده‌مێ پێغه‌مبه‌رى گۆتنه‌ك ب نه‌په‌نى ڤه گه‌هاندییه ژنكا خۆ حه‌فصايێ -خودێ ژێ ڕازى بت-، ڤێجا ده‌مێ وێ ئه‌و گۆتن بۆ عائيشايێ -خودێ ژێ ڕازى بت- گۆتى، وخودێ ئه‌و ئاگه‌هداركرى كو وێ سررا وى ئاشكه‌راكرییه، وى هنده‌ك ژ وێ گۆتنا عائيشايێ گۆتییێ بۆ حه‌فصايێ گۆت، وهنده‌ك هێلا بۆ نه‌گۆت، ڤێجا ده‌مێ وى ئه‌و ئاگه‌هدار كرى كو وى يێ زانى كو وێ سررا وى يا ئاشكه‌راكرى، حه‌فصايێ گۆتێ: كێ ئه‌ڤه بۆ ته گۆتییه؟ وى گۆت: خودايێ پڕزانا وشاره‌زا، يێ چو تشت ل به‌ر وى نه‌ئێنه ڤه‌شارتن، يێ گۆتییه من.
اِنْ تَتُوْبَا٘ اِلَي اللّٰهِ فَقَدْ صَغَتْ قُلُوْبُكُمَا وَاِنْ تَظٰهَرَا عَلَيْهِ فَاِنَّ اللّٰهَ هُوَ مَوْلٰىهُ وَجِبْرِيْلُ وَصَالِحُ الْمُؤْمِنِيْنَ وَالْمَلٰٓئِكَةُ بَعْدَ ذٰلِكَ ظَهِيْرٌ
ئه‌گه‌ر هوين هه‌ردو (حه‌فصا وعائيشا) ل خۆ بزڤڕن وتۆبه بكه‌ن، ب ڕاستى هه‌وه ئه‌و كرییه يا پێتڤییه تۆبه ژێ بێته‌كرن ده‌مێ هه‌وه دلێ خۆ برییه وى تشتى يێ پێغه‌مبه‌رێ خودێ -سلاڤ لێ بن- نه‌ڤياى، كو سررا وى به‌لاڤ ببت، وهوين هاريكارییا يه‌ك ودو بكه‌ن ل سه‌ر وى تشتێ وى پێ نه‌خۆش، ڤێجا هندى خودێ‌یه سه‌ركار وپشته‌ڤانێ وییه، وجبريل وچاكێن خودان باوه‌ران ژى، وفريشته ژى پشتى خودێ پشته‌ڤان وهاريكارێن وينه دژى هه‌ر كه‌سه‌كێ نه‌ياره‌تییا وى بكه‌ت ووى بێشينت.
عَسٰي رَبُّهٗ٘ اِنْ طَلَّقَكُنَّ اَنْ يُّبْدِلَهٗ٘ اَزْوَاجًا خَيْرًا مِّنْكُنَّ مُسْلِمٰتٍ مُّؤْمِنٰتٍ قٰنِتٰتٍ تٰٓئِبٰتٍ عٰبِدٰتٍ سٰٓئِحٰتٍ ثَيِّبٰتٍ وَّاَبْكَارًا
ئه‌گه‌ر موحه‌ممه‌دى هوين -گه‌لی ژنكان- به‌ردان به‌لكى خودايێ وى هنده‌ك ژنێن دى بكه‌ته ڕزقێ وى هه‌ر ده‌م ئه‌و د فه‌رمانا خودێ دا بن، وباوه‌رییێ ب خودێ وپێغه‌مبه‌رێ وى بينن، د عيباده‌تكه‌ر بن، ل وى تشتى بزڤڕن يێ خودێ دڤێت، وگه‌له‌ك په‌رستنا وى بكه‌ن، دڕۆژيگر بن، هنده‌ك بيژن بن، وهنده‌ك كچ بن.
يٰ٘اَيُّهَا الَّذِيْنَ اٰمَنُوْا قُوْ٘ا اَنْفُسَكُمْ وَاَهْلِيْكُمْ نَارًا وَّقُوْدُهَا النَّاسُ وَالْحِجَارَةُ عَلَيْهَا مَلٰٓئِكَةٌ غِلَاظٌ شِدَادٌ لَّا يَعْصُوْنَ اللّٰهَ مَا٘ اَمَرَهُمْ وَيَفْعَلُوْنَ مَا يُؤْمَرُوْنَ
ئه‌ى ئه‌وێن باوه‌رى ب خودێ ئيناى ودويكه‌فتنا پێغه‌مبه‌رێ وى كرى، هوين خۆ وعه‌يالێ خۆ ب گوهدانا فه‌رمانا خودێ ژ وى ئاگرى بپارێزن يێ ب مرۆڤ وبه‌ران دئێته هلكرن، هنده‌ك ملياكه‌تێن ب هێز وزڤر خه‌لكێ وى ئاگرى عه‌زاب دده‌ن، وئه‌و بێ ئه‌مرییا خودێ ناكه‌ن، ووى تشتى دكه‌ن يێ فه‌رمان پێ ل وان دئێته‌كرن.
يٰ٘اَيُّهَا الَّذِيْنَ كَفَرُوْا لَا تَعْتَذِرُوا الْيَوْمَ اِنَّمَا تُجْزَوْنَ مَا كُنْتُمْ تَعْمَلُوْنَ
وده‌مێ ئه‌وێن كوفر ب ته‌وحيدا خودێ كرى دچنه ئاگرى بۆ وان دئێته گۆتن: هوين ئه‌ڤرۆ چو هێجه‌تان بۆ خۆ نه‌گرن؛ چونكى هه‌ما ب وى تشتى هوين دێ ئێنه جزادان يێ هه‌وه د دنيايێ دا دكر.
يٰ٘اَيُّهَا الَّذِيْنَ اٰمَنُوْا تُوْبُوْ٘ا اِلَي اللّٰهِ تَوْبَةً نَّصُوْحًا عَسٰي رَبُّكُمْ اَنْ يُّكَفِّرَ عَنْكُمْ سَيِّاٰتِكُمْ وَيُدْخِلَكُمْ جَنّٰتٍ تَجْرِيْ مِنْ تَحْتِهَا الْاَنْهٰرُ يَوْمَ لَا يُخْزِي اللّٰهُ النَّبِيَّ وَالَّذِيْنَ اٰمَنُوْا مَعَهٗ نُوْرُهُمْ يَسْعٰي بَيْنَ اَيْدِيْهِمْ وَبِاَيْمَانِهِمْ يَقُوْلُوْنَ رَبَّنَا٘ اَتْمِمْ لَنَا نُوْرَنَا وَاغْفِرْ لَنَا اِنَّكَ عَلٰي كُلِّ شَيْءٍ قَدِيْرٌ
ئه‌ى ئه‌وێن باوه‌رى ب خودێ ئيناى ودويكه‌فتنا پێغه‌مبه‌رێ وى كرى، هوين ژ گونه‌هێن خۆ تۆبه بكه‌ن تۆبه‌يه‌كا وه‌سا يا زڤڕينا ل گونه‌هێ د دويڤ دا نه‌بت، به‌لكى خودايێ هه‌وه گونه‌هێن هه‌وه ژێ ببه‌ت، وهه‌وه بكه‌ته د وان به‌حه‌شتان دا يێن ڕويبار د بن قه‌سرێن وان دا دچن، ڕۆژا خودێ پێغه‌مبه‌رى وئه‌وێن د گه‌ل وى باوه‌رى ئيناى شه‌رمزار ناكه‌ت، ووان عه‌زاب ناده‌ت، به‌لكى قه‌درێ وان بلند دكه‌ت، ڕۆناهییا وان ل به‌راهییا وان و ل ڕاستا وان دچت، ئه‌و دبێژن: خودايێ مه تو ڕۆناهییا مه بۆ مه پێك بينه حه‌تا ئه‌م ژ پرا صراطێ ده‌رباز دبين، ودچينه به‌حه‌شتێ، وتو گونه‌هان بۆ مه ڤه‌شێره، هندى تويى تو ل سه‌ر هه‌ر تشته‌كى يێ خودان شيانى.
يٰ٘اَيُّهَا النَّبِيُّ جَاهِدِ الْكُفَّارَ وَالْمُنٰفِقِيْنَ وَاغْلُظْ عَلَيْهِمْ وَمَاْوٰىهُمْ جَهَنَّمُ وَبِئْسَ الْمَصِيْرُ
ئه‌ى پێغه‌مبه‌ر تو جيهادا وان بكه يێن كوفر ئاشكه‌راكرى، وتو ب شيرى شه‌ڕێ وان بكه، وتو ب دياركرنا ده‌ليلان جيهادێ د گه‌ل وان ژى بكه يێن كوفر د دل دا ڤه‌شارتى، وتو دژوارى وزڤڕاتییێ د گه‌ل هه‌ر دو ده‌سته‌كان ب كار بينه، وجهێ وان يێ ئه‌و ل ئاخره‌تێ لێ دزڤڕن جه‌هنه‌مه، وپيسه جهێ لێ زڤرينێیه يێ ئه‌و دچنێ.
ضَرَبَ اللّٰهُ مَثَلًا لِّلَّذِيْنَ كَفَرُوا امْرَاَتَ نُوْحٍ وَّامْرَاَتَ لُوْطٍ كَانَتَا تَحْتَ عَبْدَيْنِ مِنْ عِبَادِنَا صَالِحَيْنِ فَخَانَتٰهُمَا فَلَمْ يُغْنِيَا عَنْهُمَا مِنَ اللّٰهِ شَيْــًٔا وَّقِيْلَ ادْخُلَا النَّارَ مَعَ الدّٰخِلِيْنَ
خودێ مه‌ته‌له‌ك ل سه‌ر حالێ ڤان كافران ئينا -كو ئه‌و تێكه‌لییا موسلمانان دكه‌ن وئه‌ڤ تێكه‌لییه چو مفاى ناگه‌هينته وان- ب حالێ ژنا پێغه‌مبه‌رێ خودێ نووحى، وژنا پێغه‌مبه‌رێ خودێ لووطى: ئه‌و هه‌ردو ژنێن دو به‌نییێن مه يێن چاك بوون، ئينا وان خيانه‌ت د دينى دا ل وان كر، وهه‌ر دو كافر بوون، ڤێجا ڤان هه‌ر دو پێغه‌مبه‌ران چو مفا نه‌گه‌هانده وان ده‌مێ عه‌زابا خودێ ب سه‌ر وان دا هاتى، وبۆ وان هه‌ر دو ژنكان هاته گۆتن: هوين ژى د گه‌ل وان هه‌ڕن يێن دچنه ئاگرى. وئه‌ڤه ده‌ليله كو مرۆڤاينییا پێغه‌مبه‌ر وچاكان چو مفاى ناگه‌هينته مرۆڤى ئه‌گه‌ر كارێ مرۆڤى يێ خراب بت.
وَضَرَبَ اللّٰهُ مَثَلًا لِّلَّذِيْنَ اٰمَنُوا امْرَاَتَ فِرْعَوْنَ اِذْ قَالَتْ رَبِّ ابْنِ لِيْ عِنْدَكَ بَيْتًا فِي الْجَنَّةِ وَنَجِّنِيْ مِنْ فِرْعَوْنَ وَعَمَلِهٖ وَنَجِّنِيْ مِنَ الْقَوْمِ الظّٰلِمِيْنَ
وخودێ مه‌ته‌له‌ك ل سه‌ر حالێ ڤان خودان باوه‌ران ئينا -يێن باوه‌رى ب خودێ ئيناى، وكو تێكه‌لییا وان د گه‌ل كافران چو زيانێ نگه‌هينته وان- ب حالێ ژنا فيرعه‌ونى ئه‌وا ل نك دژوارترين كافرى، وئه‌وێ باوه‌رى ب خودێ هه‌بوو، ده‌مێ وێ گۆتى: خودايێ من تو خانییه‌كى بۆ من ل نك خۆ د به‌حه‌شتێ دا ئاڤاكه، وتو من ژ ده‌سهه‌لاتا فيرعه‌ونى، وكارێ وى يێ خراب ڕزگار بكه، وتو من ژ ملله‌تێ وى يێ زۆردار وعه‌زابا وان ڕزگار بكه.
وَمَرْيَمَ ابْنَتَ عِمْرٰنَ الَّتِيْ٘ اَحْصَنَتْ فَرْجَهَا فَنَفَخْنَا فِيْهِ مِنْ رُّوْحِنَا وَصَدَّقَتْ بِكَلِمٰتِ رَبِّهَا وَكُتُبِهٖ وَكَانَتْ مِنَ الْقٰنِتِيْنَ
وخودێ مه‌ته‌له‌ك بۆ خودان باوه‌ران ب مه‌ريه‌ما كچا عمرانى ئينا ئه‌وا خۆ ده‌همه‌ن پاقژكرى، وخۆ ژ كرێتییێ دايه پاش، ڤێجا خودێ فه‌رمان ل جبريلی كر كو پف كه‌ته د به‌ريكا كراسێ وێ دا، ڤێجا ب وێ ئه‌و ب عيساى -سلاڤ لێ بن- ب حه‌مله كه‌فت، ووێ باوه‌رى ب په‌يڤێن خودايێ خۆ ئينا، وكار ب شريعه‌تێ وى كر، و ب وان كيتابێن وى بۆ پێغه‌مبه‌رێن خۆ ئيناينه خوارێ، وئه‌و ژ وان بوو يێن گوهدارییا وى كرى.