يُسَبِّحُ لِلّٰهِ مَا فِي السَّمٰوٰتِ وَمَا فِي الْاَرْضِ لَهُ الْمُلْكُ وَلَهُ الْحَمْدُ وَهُوَ عَلٰي كُلِّ شَيْءٍ قَدِيْرٌ
هه‌ر تشته‌كێ ل عه‌سمانان وهه‌ر تشته‌كێ ل عه‌ردى خودێ ژ هه‌ر تشته‌كێ نه بابه‌تى وى بت پاك دكه‌ت، مافێ ته‌صه‌رفێ د هه‌ر تشته‌كى دا يێ وییه، ومه‌دح وسوپاسییا باش بۆ وییه، وئه‌و ل سه‌ر هه‌ر تشته‌كى يێ خودان شيانه.
هُوَ الَّذِيْ خَلَقَكُمْ فَمِنْكُمْ كَافِرٌ وَّمِنْكُمْ مُّؤْمِنٌ وَاللّٰهُ بِمَا تَعْمَلُوْنَ بَصِيْرٌ
خودێ‌یه يێ هوين ژ چونه‌يێ ئافراندين، ڤێجا هنده‌ك ژ هه‌وه كوفرێ ب خوداينییا وى دكه‌ن، وهنده‌ك ژ هه‌وه باوه‌رییێ ب وى دئينن، وئه‌و ب كريارێن هه‌وه يێ بينه‌ره تشته‌ك ژێ ل وى به‌رزه نابت.
خَلَقَ السَّمٰوٰتِ وَالْاَرْضَ بِالْحَقِّ وَصَوَّرَكُمْ فَاَحْسَنَ صُوَرَكُمْ وَاِلَيْهِ الْمَصِيْرُ
خودێ عه‌سمان وعه‌رد ب حكمه‌ته‌كا مه‌زن ئافراندينه، ووى هوين ب جوانترين وێنه‌يى كێشاينه، وزڤڕينا هه‌وه ل ڕۆژا قيامه‌تێ بۆ نك وییه، ڤێجا ئه‌و جزايێ هه‌ر يه‌كى ل دويڤ كارێ وى دده‌تێ.
يَعْلَمُ مَا فِي السَّمٰوٰتِ وَالْاَرْضِ وَيَعْلَمُ مَا تُسِرُّوْنَ وَمَا تُعْلِنُوْنَ وَاللّٰهُ عَلِيْمٌۣ بِذَاتِ الصُّدُوْرِ
ئه‌و هه‌ر تشته‌كێ ل عه‌سمانان وعه‌ردى دزانت، وئه‌و دزانت كانێ هوين -گه‌لی مرۆڤان- چ ڤه‌دشێرن و چ ئاشكه‌را دكه‌ن. وخودێ ب وى تشتێ د سنگان دا ڤه‌دشارتى يێ پڕزانايه.
اَلَمْ يَاْتِكُمْ نَبَؤُا الَّذِيْنَ كَفَرُوْا مِنْ قَبْلُ فَذَاقُوْا وَبَالَ اَمْرِهِمْ وَلَهُمْ عَذَابٌ اَلِيْمٌ
ئه‌رێ ما بۆ هـه‌وه -گه‌لی بوتپه‌رێسان- به‌حسێ وان نه‌هاتییه‌كرن يێن كافر بووين ژ وان ملله‌تێن به‌رى هه‌وه بۆرين، ده‌مێ دويماهییا خراب يا كوفرا وان ويا كريارێن وان د دنيايێ دا گه‌هشتییه وان، و ل ئاخره‌تێ عه‌زابه‌كا ب ئێش ونه‌خۆش بۆ وان هه‌يه.
ذٰلِكَ بِاَنَّهٗ كَانَتْ تَّاْتِيْهِمْ رُسُلُهُمْ بِالْبَيِّنٰتِ فَقَالُوْ٘ا اَبَشَرٌ يَّهْدُوْنَنَا فَكَفَرُوْا وَتَوَلَّوْا وَّاسْتَغْنَي اللّٰهُ وَاللّٰهُ غَنِيٌّ حَمِيْدٌ
ئه‌وا هه يا د دنيايێ دا ب سه‌رێ وان هاتى، وئه‌وا دێ ل ئاخره‌تێ ب سه‌رێ وان ئێت؛ ژ به‌ر هندێیه چونكى ده‌مێ پێغه‌مبه‌رێن خودێ ب ئايه‌تێن ئاشكه‌را ڤه بۆ وان دهاتن، وان دگۆت: ئه‌رێ هنده‌ك مرۆڤێن وه‌كى مه ڕێكێ نيشا مه دده‌ن؟ ڤێجا وان كوفر ب خودێ كر وباوه‌رى ب پێغه‌مبه‌رێن وى نه‌ئينا، وپشت دا حه‌قییێ وقه‌بويل نه‌كر. وخودێ يێ بێ منه‌ته، وخودێ يێ ده‌وله‌مه‌نده، زه‌نگينى هه‌مى يا وییه، د گۆتن وكريار وسالۆخه‌تێن خۆ دا ئه‌و يێ هێژايى مه‌دح وسوپاسییانه، سه‌رداچوونا وان چو زيانێ ناگه‌هينته وى.
زَعَمَ الَّذِيْنَ كَفَرُوْ٘ا اَنْ لَّنْ يُّبْعَثُوْا قُلْ بَلٰي وَرَبِّيْ لَتُبْعَثُنَّ ثُمَّ لَتُنَبَّؤُنَّ بِمَا عَمِلْتُمْ وَذٰلِكَ عَلَي اللّٰهِ يَسِيْرٌ
ئه‌وێن كوفر ب خودێ كرى ژ دره‌و گۆتن: پشتى مرنێ ئه‌م ژ گۆڕان نائێينه ڕاكرن، تو -ئه‌ى موحه‌ممه‌د- بێژه وان: به‌لێ ئه‌ز ب خودايێ خۆ كه‌مه هوين دێ زێندى بن ودێ ژ گۆڕان ئێنه ڕاكرن، پاشى به‌حسێ وى كارى دێ بۆ هه‌وه ئێته‌كرن يێ هه‌وه د دنيايێ كرى، وئه‌و چه‌نده ل سه‌ر خودێ يا ب ساناهییه.
فَاٰمِنُوْا بِاللّٰهِ وَرَسُوْلِهٖ وَالنُّوْرِ الَّذِيْ٘ اَنْزَلْنَا وَاللّٰهُ بِمَا تَعْمَلُوْنَ خَبِيْرٌ
ڤێجا هوين -گه‌لی بوتپه‌رێسان- باوه‌رییێ ب خودێ وپێغه‌مبه‌رێ وى بينن، و ب دويڤ وێ قورئانێ بكه‌ڤن يا وى بۆ پێغه‌مبه‌رێ خۆ ئينايه خوارێ، وخودێ ب وى كارێ هوين دكه‌ن يێ شاره‌زايه، چو ژ گۆتن وكريارێن هه‌وه ل وى به‌رزه نابن، وئه‌و دێ هه‌وه سه‌را وان جزا ده‌ت.
يَوْمَ يَجْمَعُكُمْ لِيَوْمِ الْجَمْعِ ذٰلِكَ يَوْمُ التَّغَابُنِ وَمَنْ يُّؤْمِنْۣ بِاللّٰهِ وَيَعْمَلْ صَالِحًا يُّكَفِّرْ عَنْهُ سَيِّاٰتِهٖ وَيُدْخِلْهُ جَنّٰتٍ تَجْرِيْ مِنْ تَحْتِهَا الْاَنْهٰرُ خٰلِدِيْنَ فِيْهَا٘ اَبَدًا ذٰلِكَ الْفَوْزُ الْعَظِيْمُ
هوين ڕۆژا حه‌شرێ ل بيرا خۆ بينن ئه‌و ڕۆژا خودێ هه‌مى مرۆڤان تێدا كۆم دكه‌ت يێن پێشییێ ويێن پاشییێ، ئه‌و ڕۆژ ئه‌وه يا زيانا جه‌هنه‌مییان تێدا ئاشكه‌را دبت؛ چونكى وان گوهدارییا خودێ هێلا بوو. وهه‌چییێ باوه‌رییێ ب خودێ بينت وگوهدارییا وى بكه‌ت، ئه‌و دێ گونه‌هێن وى بۆ وى ژێ به‌ت، ودێ وى كه‌ته د وان به‌حه‌شتان دا يێن ڕويبار د بن قه‌سرێن وان دا دچن، هه‌ر وهه‌ر ئه‌و دێ تێدا مينن، ئه‌و هه‌رمانا د به‌حه‌شتان دا سه‌ركه‌فتنا مه‌زنه يا چو سه‌ركه‌فتن د دويڤ دا نه‌هه‌ين.
وَالَّذِيْنَ كَفَرُوْا وَكَذَّبُوْا بِاٰيٰتِنَا٘ اُولٰٓئِكَ اَصْحٰبُ النَّارِ خٰلِدِيْنَ فِيْهَا وَبِئْسَ الْمَصِيْرُ
وئه‌وێن كوفر ب خودێ كرى وباوه‌رى ب وان موعجزه‌يان نه‌ئيناى يێن وى داينه پێغه‌مبه‌رێن خۆ، ئه‌و خه‌لكێ ئاگرينه هه‌ر وهه‌ر دێ تێدا مينن، وپيسه جهه يێ ئه‌و لێ زڤڕين، كو جه‌هنه‌مه.
مَا٘ اَصَابَ مِنْ مُّصِيْبَةٍ اِلَّا بِاِذْنِ اللّٰهِ وَمَنْ يُّؤْمِنْۣ بِاللّٰهِ يَهْدِ قَلْبَهٗ وَاللّٰهُ بِكُلِّ شَيْءٍ عَلِيْمٌ
ئاتافه‌ك ب سه‌رێ يه‌كى نه‌هاتییه ئه‌گه‌ر ب ئاناهییا خودێ وقه‌ده‌را وى نه‌بت. وهه‌چییێ باوه‌رییێ ب خودێ بينت ئه‌و دێ دلێ وى ب هيدايه‌ت ئينت ڤێجا ئه‌و دێ ب قه‌ده‌را وى ڕازى بت وخۆ ته‌سليمى ئه‌مرێ وى كه‌ت. وخودێ ب هه‌ر تشته‌كى يێ پڕزانايه، تشته‌ك ژێ ل وى به‌رزه نابت.
وَاَطِيْعُوا اللّٰهَ وَاَطِيْعُوا الرَّسُوْلَ فَاِنْ تَوَلَّيْتُمْ فَاِنَّمَا عَلٰي رَسُوْلِنَا الْبَلٰغُ الْمُبِيْنُ
وهوين -گه‌لی مرۆڤان- گوهدارییا ئه‌مرێ خودێ بكه‌ن، وگوهدارییا پێغه‌مبه‌رى -سلاڤ لێ بن- د وى تشتى دا بكه‌ن يێ ئه‌و پێ ژ نك خودايێ خۆ هاتى، ڤێجا ئه‌گه‌ر هه‌وه پشتدا گوهدارییا خودێ وپێغه‌مبه‌رێ وى، پشت دانا هه‌وه چو زيانێ ناگه‌هينته پێغه‌مبه‌رێ مه، وهه‌ما يا ل سه‌ر وى ئه‌وه ئه‌و ئاشكه‌را وێ په‌يامێ بگه‌هينته هه‌وه يا ئه‌و پێ هاتییه هنارتن.
اَللّٰهُ لَا٘ اِلٰهَ اِلَّا هُوَ وَعَلَي اللّٰهِ فَلْيَتَوَكَّلِ الْمُؤْمِنُوْنَ
خودێ يێ ب تنێ‌یه چو خودايێن ڕاست ژ وى پێڤه‌تر نينن، وخودان باوه‌ر د هه‌مى كارێن خۆ دا بلا خۆ بهێلنه ب هيڤییا خودێ ڤه.
يٰ٘اَيُّهَا الَّذِيْنَ اٰمَنُوْ٘ا اِنَّ مِنْ اَزْوَاجِكُمْ وَاَوْلَادِكُمْ عَدُوًّا لَّكُمْ فَاحْذَرُوْهُمْ وَاِنْ تَعْفُوْا وَتَصْفَحُوْا وَتَغْفِرُوْا فَاِنَّ اللّٰهَ غَفُوْرٌ رَّحِيْمٌ
ئه‌ى ئه‌وێن باوه‌رى ب خودێ وپێغه‌مبه‌رێ وى ئيناى، ژ ژن وزارۆكێن هه‌وه دوژمن بۆ هه‌وه هه‌نه به‌رێ هه‌وه ژ ڕێكا خودێ وه‌ردگێڕن، وهه‌وه ژ گوهدارییا وى دده‌نه پاش، ڤێجا هوين ژ وان دهشيار بن، وگوهدارییا وان نه‌كه‌ن، وئه‌گه‌ر هوين ل خه‌له‌تییێن وان ببۆرن وپشت بده‌نێ، و ل وان ڤه‌شێرن، هندى خودێ‌یه باش گونه‌هـ ژێبرێ دلۆڤانكاره، ئه‌و دێ گونه‌هێن هه‌وه ژێ به‌ت؛ چونكى لێبۆرينا وى يا مه‌زنه، ودلۆڤانییا وى يا به‌رفره‌هه.
اِنَّمَا٘ اَمْوَالُكُمْ وَاَوْلَادُكُمْ فِتْنَةٌ وَاللّٰهُ عِنْدَهٗ٘ اَجْرٌ عَظِيْمٌ
هه‌ما مال وزارۆكێن هه‌وه به‌لا وجه‌ڕباندنن بۆ هـه‌وه. وخـێره‌كـا مه‌زن ل نك خودێ بۆ وى هه‌يه يێ گوهدارییا وى بكه‌ت، وحه‌قێ وى ژ مالێ خۆ ده‌ربێخت.
فَاتَّقُوا اللّٰهَ مَا اسْتَطَعْتُمْ وَاسْمَعُوْا وَاَطِيْعُوْا وَاَنْفِقُوْا خَيْرًا لِّاَنْفُسِكُمْ وَمَنْ يُّوْقَ شُحَّ نَفْسِهٖ فَاُولٰٓئِكَ هُمُ الْمُفْلِحُوْنَ
ڤێجا هوين -گه‌لی خودان باوه‌ران- ل دويڤ شيانا خۆ ته‌قوا خودێ بكه‌ن، وباش گوهدارییا پێغه‌مبه‌رێ خودێ -سلاڤ لێ بن- بكه‌ن، وپێگيرییێ ب فه‌رمانێن وى بكه‌ن، و ژ وى ڕزقێ خودێ دايه هه‌وه هوين مالی خه‌رج بكه‌ن ئه‌و بۆ هه‌وه ب خێرتره. وهه‌چییێ ژ چڕيكییێ ونه‌دانا مالی بێته پاراستـن، ئه‌و ئه‌ون يێن هه‌مى خێرێ ب ده‌ست خۆ ڤه دئينن، و ب مراد دكه‌ڤن.
اِنْ تُقْرِضُوا اللّٰهَ قَرْضًا حَسَنًا يُّضٰعِفْهُ لَكُمْ وَيَغْفِرْ لَكُمْ وَاللّٰهُ شَكُوْرٌ حَلِيْمٌ
ئه‌گه‌ر هوين ب دله‌كێ پاقژ وساخله‌م مالێ خۆ د ڕێكا خودێ دا خه‌رج بكه‌ن، خودێ خێرا وى تشتێ هه‌وه خه‌رج كرى دێ بۆ هه‌وه زێده كه‌ت، وئه‌و دێ گونه‌هێن هه‌وه بۆ هه‌وه ژێ به‌ت. وخودێ پڕشوكردارێ وانه يێن مالی خه‌رج دكه‌ن جزايه‌كێ باش دده‌ته وان، يێ ئارامه له‌زێ د عه‌زابدانا وان دا ناكه‌ت يێن بێ ئه‌مرییا وى دكه‌ن.
عٰلِمُ الْغَيْبِ وَالشَّهَادَةِ الْعَزِيْزُ الْحَكِيْمُ
وئه‌و يێ زانايه ب تشتێ نه به‌رچاڤ و ب تشتێ به‌رچاڤ، يێ زاله كه‌س وى بێزار ناكه‌ت، د گۆتن وكريارێن خۆ دا يێ كاربنه‌جهه.