اِذَا جَآءَكَ الْمُنٰفِقُوْنَ قَالُوْا نَشْهَدُ اِنَّكَ لَرَسُوْلُ اللّٰهِ وَاللّٰهُ يَعْلَمُ اِنَّكَ لَرَسُوْلُهٗ وَاللّٰهُ يَشْهَدُ اِنَّ الْمُنٰفِقِيْنَ لَكٰذِبُوْنَ
ئه‌گه‌ر دوڕوى هاتنه ديوانا ته -ئه‌ى موحه‌ممه‌د- ب ئه‌زمانێ خۆ دبێژن: ئه‌م شاهده‌يیێ دده‌ين كو تو پێغه‌مبه‌رێ خودێ‌یى، وخودێ دزانت كو تو پێغه‌مبه‌رێ وییى، وخودێ شاهده‌يیێ دده‌ت كو دوڕوى د ڤێ شاهده‌يیا خۆ دا يا ئه‌و بۆ ته ئاشكه‌را دكه‌ن، وسويندێ ل سه‌ر دخۆن ددره‌وينن.
اِتَّخَذُوْ٘ا اَيْمَانَهُمْ جُنَّةً فَصَدُّوْا عَنْ سَبِيْلِ اللّٰهِ اِنَّهُمْ سَآءَ مَا كَانُوْا يَعْمَلُوْنَ
هه‌ما دوڕوى وان سويندێن خۆ يێن ئه‌و دخۆن بۆ خۆ دكه‌نه په‌رژان د ناڤبه‌را خۆ ولێگرتن وعه‌زابێ دا، ووان خۆ وخه‌لكى ژى ژ ڕێكا خودێ يا ڕاست پاشڤه‌لێدان، هندى ئه‌و بوون پيسه كاربوو وان كرى.
ذٰلِكَ بِاَنَّهُمْ اٰمَنُوْا ثُمَّ كَفَرُوْا فَطُبِعَ عَلٰي قُلُوْبِهِمْ فَهُمْ لَا يَفْقَهُوْنَ
چونكى وان ب سه‌ر ڤه باوه‌رى ئينا، و د دل دا ئه‌و دكافر بوون، ڤێجا ژ به‌ر كافرییا وان خودێ خه‌تم ل سه‌ر دلێن وان دا، له‌و ئێدى ئه‌و تێ ناگه‌هن كانێ مفايێ وان د چ دايه.
وَاِذَا رَاَيْتَهُمْ تُعْجِبُكَ اَجْسَامُهُمْ وَاِنْ يَّقُوْلُوْا تَسْمَعْ لِقَوْلِهِمْ كَاَنَّهُمْ خُشُبٌ مُّسَنَّدَةٌ يَحْسَبُوْنَ كُلَّ صَيْحَةٍ عَلَيْهِمْ هُمُ الْعَدُوُّ فَاحْذَرْهُمْ قَاتَلَهُمُ اللّٰهُ اَنّٰي يُؤْفَكُوْنَ
وئه‌گه‌ر تو به‌رێ خۆ بده‌يه ڤان دوڕوییان سه‌روبه‌رێ وان دێ يێ ب دلێ ته بت، وئه‌گه‌ر ئه‌و باخڤن تو دێ گوهـ ده‌يه ئاخفتنا وان؛ چونكى ئه‌و بۆ ئاخفتنێ دڕه‌هوانن، وئه‌و ژ به‌ر دلێن وان يێن ڤالا ژ باوه‌رییێ، وسه‌رێن وان يێن ڤالا ژ زانين وتێگه‌هشتنێ وه‌كى وان ده‌پانه يێن بۆ ديوارى هاتينه پالدان، ئه‌و دارێن چو ژين تێدا نه، ئه‌و هزر دكه‌ن هه‌ر ده‌نگه‌كێ بلند ل سه‌ر وانه وبۆ وان يێ خرابه؛ چونكى ئه‌و ڕاستییا خۆ دزانن، وهندى ئه‌و دترسينۆكن، و ژ به‌ر وێ سه‌هما دلێن وان تژى كرى، ئه‌ون يێن گه‌له‌ك دوژمناتییا ته وخودان باوه‌ران كرى، ڤێجا يێ ژێ هشياربه، خودێ وان شه‌رمزار بكه‌ت و ژ ڕه‌حما خۆ بێ بار بكه‌ت، چاوا ئه‌و به‌رێ خۆ ژ حه‌قییێ وه‌ردگێڕن وقه‌ستا دوڕوياتییێ وسه‌رداچوونێ دكه‌ن؟
وَاِذَا قِيْلَ لَهُمْ تَعَالَوْا يَسْتَغْفِرْ لَكُمْ رَسُوْلُ اللّٰهِ لَوَّوْا رُءُوْسَهُمْ وَرَاَيْتَهُمْ يَصُدُّوْنَ وَهُمْ مُّسْتَكْبِرُوْنَ
وئه‌گه‌ر بۆ ڤان دوڕوییان هاته گۆتن: هوين ب تۆبه‌كرن ڤه وه‌رن وداخوازا لێبۆرينێ بكه‌ن ژ به‌ر وان گۆتنێن خراب يێن هه‌وه كرين، دا پێغه‌مبه‌رێ خودێ ژى داخوازا لێبۆرينێ بۆ هه‌وه ژ خودايێ خۆ بكه‌ت، ئه‌و بۆ خۆمه‌زنكرن وتڕانه سه‌رێ خۆ دێ هژينن، وتو -ئه‌ى موحه‌ممه‌د- دێ وان بينى ئه‌و دێ پشت دده‌نه ته، وئه‌و خۆ ژ وێ مه‌زنتر دبينن يا ژ وان دئێته داخوازكرن.
سَوَآءٌ عَلَيْهِمْ اَسْتَغْفَرْتَ لَهُمْ اَمْ لَمْ تَسْتَغْفِرْ لَهُمْ لَنْ يَّغْفِرَ اللّٰهُ لَهُمْ اِنَّ اللّٰهَ لَا يَهْدِي الْقَوْمَ الْفٰسِقِيْنَ
ل به‌ر ڤان دوڕوییان وه‌كى يه‌كه چ تو -ئه‌ى موحه‌ممه‌د- داخوازا ژێبرنا گونه‌هان بۆ وان ژ خودێ بكه‌ى يان نه‌كه‌ى، هندى خودێ‌یه قه‌ت ل گونه‌هێن وان نابۆرت؛ چونكى ئه‌و ل سه‌ر وان گونه‌هان دڕژدن و د كوفرا خۆ دا دبه‌رده‌وامن. هندى خودێ‌یه به‌رێ وى ملله‌تى ناده‌ته باوه‌رییێ يێ كوفرێ ب وى بكه‌ت، و ژ بن ئه‌مرێ وى ده‌ركه‌ڤت.
هُمُ الَّذِيْنَ يَقُوْلُوْنَ لَا تُنْفِقُوْا عَلٰي مَنْ عِنْدَ رَسُوْلِ اللّٰهِ حَتّٰي يَنْفَضُّوْا وَلِلّٰهِ خَزَآئِنُ السَّمٰوٰتِ وَالْاَرْضِ وَلٰكِنَّ الْمُنٰفِقِيْنَ لَا يَفْقَهُوْنَ
ئه‌ڤ دوڕوییه‌نه يێن دبێژنه خه‌لكێ (مه‌دينێ): هوين مالی ل سه‌ر هه‌ڤالێن موحه‌ممه‌دى يێن مشه‌خت بووين خه‌رج نه‌كه‌ن دا ئه‌و ژ دۆرێن وى ڤه‌ڕه‌ڤن. وگه‌نجينه‌يێن عه‌سمانان وعه‌ردى وڕزق هه‌مى يێ خودێ‌یه، ئه‌و وى دده‌ته هه‌چییێ وى بڤێت و ل به‌ر وى دگرت يێ وى بڤێت، به‌لێ دوڕوى د وێ چه‌ندێ ناگه‌هن.
يَقُوْلُوْنَ لَئِنْ رَّجَعْنَا٘ اِلَي الْمَدِيْنَةِ لَيُخْرِجَنَّ الْاَعَزُّ مِنْهَا الْاَذَلَّ وَلِلّٰهِ الْعِزَّةُ وَلِرَسُوْلِهٖ وَلِلْمُؤْمِنِيْنَ وَلٰكِنَّ الْمُنٰفِقِيْنَ لَا يَعْلَمُوْنَ
ئه‌و دوڕوى دبێژن: ئه‌گه‌ر ئه‌م زڤڕينه (مه‌دينێ) ده‌سته‌كا سه‌رفه‌راز ژ مه دێ ده‌سته‌كا خودان باوه‌رێن ڕه‌زيل ده‌رێخت، وسه‌رفه‌رازى يا خودێ وپێغه‌مبه‌رێ وییه، ويا وانه يێن باوه‌رى ب خودێ وپێغه‌مبه‌رێ وى هه‌ى نه يا كه‌سێ دییه، به‌لێ دوڕوى ژ به‌ر بێ فامییا خۆ يا مه‌زن وێ چه‌ندێ نزانن.
يٰ٘اَيُّهَا الَّذِيْنَ اٰمَنُوْا لَا تُلْهِكُمْ اَمْوَالُكُمْ وَلَا٘ اَوْلَادُكُمْ عَنْ ذِكْرِ اللّٰهِ وَمَنْ يَّفْعَلْ ذٰلِكَ فَاُولٰٓئِكَ هُمُ الْخٰسِرُوْنَ
ئه‌ى ئه‌وێن باوه‌رى ب خودێ ئيناى ودويكه‌فتنا پێغه‌مبه‌رێ وى كرى، بلا مالێ هه‌وه وعه‌يالێ هه‌وه هه‌وه ژ په‌رستنا خودێ وگوهدارییا وى موژيل نه‌كه‌ت، وهه‌چییێ مال وعه‌يالێ وى وى ژ وێ چه‌ندێ موژيل بكه‌ت، ئه‌و ئه‌ون يێن چو بار ژ دلۆڤانییا خودێ بۆ وان نه‌هه‌ى.
وَاَنْفِقُوْا مِنْ مَّا رَزَقْنٰكُمْ مِّنْ قَبْلِ اَنْ يَّاْتِيَ اَحَدَكُمُ الْمَوْتُ فَيَقُوْلَ رَبِّ لَوْلَا٘ اَخَّرْتَنِيْ٘ اِلٰ٘ي اَجَلٍ قَرِيْبٍ فَاَصَّدَّقَ وَاَكُنْ مِّنَ الصّٰلِحِيْنَ
وهوين -گه‌لی خودان باوه‌ران- هنده‌كێ ژ وى ڕزقێ مه دايه هه‌وه د ڕێكێن خێرێ دا خه‌رج بكه‌ن، وله‌زێ ل وێ چه‌ندێ بكه‌ن به‌رى مرن بگه‌هته يه‌ك ژ هه‌وه، وئه‌و نيشانێن وێ ببينت، ڤێجا ب په‌شێمانى ڤه بێژت: خودايێ من ئه‌گه‌ر ده‌مه‌كى ته ئه‌ز هێلابام، وپيچه‌كێ ته مرنا من پاشڤه‌بربا، ئه‌ز دا خێران ژ مالێ خۆ ده‌م، ودا بمه ژ مرۆڤێن چاك وته‌قوادار.
وَلَنْ يُّؤَخِّرَ اللّٰهُ نَفْسًا اِذَا جَآءَ اَجَلُهَا وَاللّٰهُ خَبِيْرٌۣ بِمَا تَعْمَلُوْنَ
وخودێ مرنا نه‌فسه‌كێ پاشڤه‌نابه‌ت ئه‌گه‌ر ده‌مێ وێ هات، وژییێ وێ خلاس بوو، وخودێ ب وى كارێ هوين دكه‌ن يێ شاره‌زايه چ باشى بت چ خرابى، وئه‌و دێ هه‌وه سه‌را وى كارى جزا ده‌ت.