سَبَّحَ لِلّٰهِ مَا فِي السَّمٰوٰتِ وَمَا فِي الْاَرْضِ وَهُوَ الْعَزِيْزُ الْحَكِيْمُ
هه‌ر تشته‌كێ ل عه‌سمانان وعه‌ردى خودێ ژ هه‌ر تشته‌كێ بابه‌تى وى نه‌بت پاك وپيرۆز كرییه، وئه‌وه زالێ كه‌س نه‌شێتێ، يێ كاربنه‌جهـ د قه‌ده‌ر وچێكرن وشريعه‌تێ خۆ دا، ئه‌و هه‌ر تشته‌كى ددانته جهێ وى يێ دورست.
هُوَ الَّذِيْ٘ اَخْرَجَ الَّذِيْنَ كَفَرُوْا مِنْ اَهْلِ الْكِتٰبِ مِنْ دِيَارِهِمْ لِاَوَّلِ الْحَشْرِ مَا ظَنَنْتُمْ اَنْ يَّخْرُجُوْا وَظَنُّوْ٘ا اَنَّهُمْ مَّا نِعَتُهُمْ حُصُوْنُهُمْ مِّنَ اللّٰهِ فَاَتٰىهُمُ اللّٰهُ مِنْ حَيْثُ لَمْ يَحْتَسِبُوْا وَقَذَفَ فِيْ قُلُوْبِهِمُ الرُّعْبَ يُخْرِبُوْنَ بُيُوْتَهُمْ بِاَيْدِيْهِمْ وَاَيْدِي الْمُؤْمِنِيْنَ فَاعْتَبِرُوْا يٰ٘اُولِي الْاَبْصَارِ
خودێ‌یه يێ جوهییێن به‌نونه‌ضيرییان، ئه‌وێن باوه‌رى ب پێغه‌مبه‌رينییا موحه‌ممه‌دى -سلاڤ لێ بن- نه‌ئيناى، ژ تاخێ وان يێ ب ڕه‌خ موسلمانان ڤه ل (مه‌دينێ) ده‌رێخستين، وئه‌و ده‌سپێكا ده‌رێخستنا وان بوو ژ (گزيرتا عه‌ره‌بان) بۆ (شامێ)، هه‌وه -گه‌لی موسلمانان- هزر نه‌دكر ئه‌و ب ڤى حالێ ڕه‌زيل دێ ژ تاخێ خۆ ده‌ركه‌ڤن؛ ژ به‌ر وێ هێزا وان هه‌ى، وجوهییان ژى هزر دكر ئاسێگه‌هێن وان دێ عه‌زابا خودێ ژ وان ده‌ته پاش وكه‌س نه‌شێته وان، ئينا خودێ ژ وى لايى ڤه هاته وان يێ وان چو هزر بۆ نه‌كرى، وترس وسه‌هما مه‌زن هاڤێته دلێن وان، ئه‌و خانییێن خۆ ب ده‌ستێن خۆ و ب ده‌ستێن خودان باوه‌ران خراب دكـه‌ن، ڤێجا هوين ئه‌ى گه‌لی خودان عه‌قل وديتنێن دورست وجه‌كێ بۆ خۆ ژ وێ بگرن يا ب سه‌رێ وان هاتى.
وَلَوْلَا٘ اَنْ كَتَبَ اللّٰهُ عَلَيْهِمُ الْجَلَآءَ لَعَذَّبَهُمْ فِي الدُّنْيَا وَلَهُمْ فِي الْاٰخِرَةِ عَذَابُ النَّارِ
وئه‌گه‌ر خودێ ده‌ركه‌فتنا ژ تاخێ وان ل سه‌ر وان نه‌نڤيسيبا، ئه‌و ل دنيايێ دا وان ب كوشتن وگرتنێ عه‌زاب ده‌ت، و ل ئاخره‌تێ عه‌زابا ئاگرى بۆ وان هه‌يه.
ذٰلِكَ بِاَنَّهُمْ شَآقُّوا اللّٰهَ وَرَسُوْلَهٗ وَمَنْ يُّشَآقِّ اللّٰهَ فَاِنَّ اللّٰهَ شَدِيْدُ الْعِقَابِ
ئه‌ڤا ل دنيايێ ب سه‌رێ جوهییان هاتى وئه‌وا ل ئاخره‌تێ ل هيڤییا وان ژ به‌ر هندێیه چونكى وان بێ ئه‌مرییا خودێ وپێغه‌مبه‌رێ وى كر، ووان دوژمناتییا وان كر، وهه‌چییێ بێ ئه‌مرییا خودێ وپێغه‌مبه‌رێ وى بكه‌ت هندى خودێ‌یه بۆ وى يێ عه‌زاب دژواره.
مَا قَطَعْتُمْ مِّنْ لِّيْنَةٍ اَوْ تَرَكْتُمُوْهَا قَآئِمَةً عَلٰ٘ي اُصُوْلِهَا فَبِاِذْنِ اللّٰهِ وَلِيُخْزِيَ الْفٰسِقِيْنَ
هه‌ر دارقه‌سپه‌كا هه‌وه -گه‌لی خودان باوه‌ران- بڕى بت يان هێلابته ل سه‌ر بنا وێ ونه بڕى بت، ئه‌و ب ئانه‌هییا خودێ وئه‌مرێ وییه، ودا ئه‌و ب وێ چه‌ندێ وان ڕه‌زيل بكه‌ت يێن ژ بن ئه‌مرێ وى ده‌ركه‌فتين، ده‌مێ وى هوين ل سه‌ر بڕينا دارقه‌سپێن وان زال كرين كو ببڕن يان بسۆژن.
وَمَا٘ اَفَآءَ اللّٰهُ عَلٰي رَسُوْلِهٖ مِنْهُمْ فَمَا٘ اَوْجَفْتُمْ عَلَيْهِ مِنْ خَيْلٍ وَّلَا رِكَابٍ وَّلٰكِنَّ اللّٰهَ يُسَلِّطُ رُسُلَهٗ عَلٰي مَنْ يَّشَآءُ وَاللّٰهُ عَلٰي كُلِّ شَيْءٍ قَدِيْرٌ
وئه‌و مالێ جوهییێن به‌نونه‌ضيرییان يێ خودێ ئێخستییه ده‌ستێ پێغه‌مبه‌رێ خۆ، هوين بۆ ب ده‌ست ڤه ئينانا وى ل سه‌ر پشتا چو هه‌سپ وحێشتران سويار نه‌بووبوون، به‌لێ خودێ پێغه‌مبه‌رێن خۆ ل سه‌ر هه‌چییێ وى بڤێت زال دكه‌ت، ڤێجا ئه‌و بێ شه‌ڕ خۆ ب ده‌ست وى ڤه به‌ردده‌ن. وخودێ ل سه‌ر هه‌ر تشته‌كى يێ خودان شيانه چو تشت وى بێزار ناكه‌ن.
مَا٘ اَفَآءَ اللّٰهُ عَلٰي رَسُوْلِهٖ مِنْ اَهْلِ الْقُرٰي فَلِلّٰهِ وَلِلرَّسُوْلِ وَلِذِي الْقُرْبٰي وَالْيَتٰمٰي وَالْمَسٰكِيْنِ وَابْنِ السَّبِيْلِ كَيْ لَا يَكُوْنَ دُوْلَةًۣ بَيْنَ الْاَغْنِيَآءِ مِنْكُمْ وَمَا٘ اٰتٰىكُمُ الرَّسُوْلُ فَخُذُوْهُ وَمَا نَهٰىكُمْ عَنْهُ فَانْتَهُوْا وَاتَّقُوا اللّٰهَ اِنَّ اللّٰهَ شَدِيْدُ الْعِقَابِ
ئه‌و مالێ خه‌لكێ گوندان يێ بێ شه‌ڕ وسوياربوونا ل سه‌ر پشتا هه‌سپ وحێشتران خودێ ئێخستییه ده‌ستێ پێغه‌مبه‌رێ خۆ ئه‌و بۆ خودێ وپێغه‌مبه‌رێ وییه، د به‌رژه‌وه‌ندییێن موسلمانان يێن گشتى دا دێ ئێته خه‌رجكرن، وبۆ مرۆڤێن پێغه‌مبه‌رى -سلاڤ لێ بن- يێن نێزيكه، وبۆ ئێتيم، وهه‌ژار ورێڤنگانه يێن مالێ وان نه‌ماى وئه‌و ژ جهێن خۆ ددوير؛ ئه‌ڤه ژ به‌ر هندێیه دا مال هه‌ما به‌س د ده‌ستێ زه‌نگينان دا نه‌بت، وهه‌ژار ژێ د بێ بار بن. ومالێ پێغه‌مبه‌ر بده‌ته هه‌وه، يان بۆ هه‌وه بدانت هوين وى وه‌ربگرن، ويێ وى هوين ژ وه‌رگرتنا وى داينه پاش هوين خۆ ژێ بده‌نه پاش، وهوين ته‌قوا خودێ بكه‌ن وپێگيرییێ ب فه‌رمانا وى بكه‌ن. هندى خودێ‌یه يێ عه‌زاب دژواره بۆ وى يێ بێ ئه‌مرییا وى بكه‌ت. وئه‌ڤ ئايه‌ته بناخه‌يه بۆ هندێ كو دڤێت كار ب سوننه‌تێ بێته‌كرن.
لِلْفُقَرَآءِ الْمُهٰجِرِيْنَ الَّذِيْنَ اُخْرِجُوْا مِنْ دِيَارِهِمْ وَاَمْوَالِهِمْ يَبْتَغُوْنَ فَضْلًا مِّنَ اللّٰهِ وَرِضْوَانًا وَّيَنْصُرُوْنَ اللّٰهَ وَرَسُوْلَهٗ اُولٰٓئِكَ هُمُ الصّٰدِقُوْنَ
وهه‌ر وه‌سا هنده‌ك ژ ڤى مالێ خودێ ئێخستییه ده‌ستێ پێغه‌مبه‌رێ خۆ بۆ وان هه‌ژارانه يێن كافرێن (مه‌كه‌هێ) ئه‌و نه‌چاركرين ژ مال وحالێ خۆ ده‌ركه‌ڤن ومشه‌خت ببن، ئه‌و داخوازێ ژ خودێ دكه‌ن كو ئه‌و ل دنيايێ ڕزقى بده‌ته وان و ل ئاخره‌تێ ژ وان ڕازى ببت، وئه‌و ب كرنا جيهادا د ڕێكا خودێ دا دينێ خودێ وپێغه‌مبه‌رێ وى ب سه‌ر دئێخن، ئه‌ون يێن ڕاستگۆ يێن ب كريار گۆتنا خۆ ڕاست ده‌رێخستى.
وَالَّذِيْنَ تَبَوَّءُو الدَّارَ وَالْاِيْمَانَ مِنْ قَبْلِهِمْ يُحِبُّوْنَ مَنْ هَاجَرَ اِلَيْهِمْ وَلَا يَجِدُوْنَ فِيْ صُدُوْرِهِمْ حَاجَةً مِّمَّا٘ اُوْتُوْا وَيُؤْثِرُوْنَ عَلٰ٘ي اَنْفُسِهِمْ وَلَوْ كَانَ بِهِمْ خَصَاصَةٌ وَمَنْ يُّوْقَ شُحَّ نَفْسِهٖ فَاُولٰٓئِكَ هُمُ الْمُفْلِحُوْنَ
وئه‌وێن ل (مه‌دينێ) ئاكنجى بووين، وبه‌رى مشه‌ختبوونا مشه‌ختییان باوه‌رى ئيناى -كو ئه‌نصارينه- ئه‌و حه‌ز ژ مشه‌ختییان دكه‌ن، و ب مالێ خۆ هاريكارییا وان دكه‌ن، وحه‌سويدییێ ب وان نابه‌ن ژ به‌ر وى مالێ بۆ وان هاتییه‌دان، وئه‌و مشه‌ختییان ومرۆڤێن پێتڤى ب به‌ر خۆ دئێخن، ئه‌گه‌ر خۆ ئه‌و دهه‌وجه بن ژى، وهه‌چییێ ژ چريكییێ ونه‌دانا خێران بێته پاراستن ئه‌و ئه‌ون يێن ب سه‌ر كه‌فتين وگه‌هشتينه مرادێ.
وَالَّذِيْنَ جَآءُوْ مِنْۣ بَعْدِهِمْ يَقُوْلُوْنَ رَبَّنَا اغْفِرْ لَنَا وَلِاِخْوَانِنَا الَّذِيْنَ سَبَقُوْنَا بِالْاِيْمَانِ وَلَا تَجْعَلْ فِيْ قُلُوْبِنَا غِلًّا لِّلَّذِيْنَ اٰمَنُوْا رَبَّنَا٘ اِنَّكَ رَءُوْفٌ رَّحِيْمٌ
وئه‌و خودان باوه‌رێن پشتى ئه‌نصارى وموهاجرێن يه‌كێ هاتين دبێژن: خودايێ مه تو گونه‌هێن مه بۆ مه ژێ ببه، وگونه‌هان بۆ وان برايێن مه ژى ژێ ببه يێن به‌رى مه باوه‌رى ئيناى وچووين، وتو كه‌رب ونه‌ڤيانه‌كێ بۆ يه‌كى ژ خودان باوه‌ران نه‌كه د دلێن مه دا، خودايێ مه هندى تويى تو ب به‌نییێن خۆ يێ مهره‌بانى، وتو ب وان يێ دلۆڤانكارى. وئه‌ڤ ئايه‌ته ده‌ليله كو دڤێت موسلمان ب باشى به‌حسێ پێشییێن خۆ بكه‌ت، ودوعايان بۆ وان بكه‌ت، وكو ئه‌و حه‌ز ژ صه‌حابییێن پێغه‌مبه‌رێ خودێ بكه‌ت، وبه‌حسێ وان ب باشى بكه‌ت، ودوعايان بۆ بكه‌ت كو خودێ ژ وان ڕازى ببت.
اَلَمْ تَرَ اِلَي الَّذِيْنَ نَافَقُوْا يَقُوْلُوْنَ لِاِخْوَانِهِمُ الَّذِيْنَ كَفَرُوْا مِنْ اَهْلِ الْكِتٰبِ لَئِنْ اُخْرِجْتُمْ لَنَخْرُجَنَّ مَعَكُمْ وَلَا نُطِيْعُ فِيْكُمْ اَحَدًا اَبَدًا وَّاِنْ قُوْتِلْتُمْ لَنَنْصُرَنَّكُمْ وَاللّٰهُ يَشْهَدُ اِنَّهُمْ لَكٰذِبُوْنَ
ئه‌رێ ته به‌رێ خۆ نه‌دايه منافقان، ئه‌و دبێژنه برايێن خۆ د كوفرێ دا ژ جوهییێن به‌نونه‌ضيرییان: ئه‌گه‌ر موحه‌ممه‌د وهه‌ڤالێن وى هه‌وه ژ تاخێ هه‌وه ده‌ربێخن ئه‌م ژى دێ د گه‌ل هه‌وه ده‌ركه‌ڤين، و د مه‌سه‌لا شه‌رمزاركرن وده‌رێخستنا هه‌وه دا ئه‌م گوهدارییا كه‌سێ ناكه‌ين، وئه‌گه‌ر ئه‌و شه‌ڕێ هه‌وه بكه‌ن ئه‌م دێ پشته‌ڤانییا هه‌وه كه‌ين؟ وخودێ شاهده‌يیێ دده‌ت كو منافق د وێ سۆزێ دا يا وان دايه جوهییان ددره‌وينن.
لَئِنْ اُخْرِجُوْا لَا يَخْرُجُوْنَ مَعَهُمْ وَلَئِنْ قُوْتِلُوْا لَا يَنْصُرُوْنَهُمْ وَلَئِنْ نَّصَرُوْهُمْ لَيُوَلُّنَّ الْاَدْبَارَ ثُمَّ لَا يُنْصَرُوْنَ
ئه‌گه‌ر جوهى ژ (مه‌دينێ) بێنه ده‌رێخستن منافق د گه‌ل وان ده‌رناكه‌ڤن، وئه‌گه‌ر شه‌ڕێ وان هاته‌كرن ئه‌و هارى وان ناكه‌ن وه‌كى وان سۆز دايێ، وئه‌گه‌ر ئه‌و هارى وان شه‌ڕى بكه‌ن ژى ئه‌و دێ پشت ده‌ن وڕه‌ڤن، پاشى خودێ وان ب سه‌ر نائێخت، به‌لكى دێ وان ڕه‌زيل وشه‌رمزار كه‌ت.
لَاَنْتُمْ اَشَدُّ رَهْبَةً فِيْ صُدُوْرِهِمْ مِّنَ اللّٰهِ ذٰلِكَ بِاَنَّهُمْ قَوْمٌ لَّا يَفْقَهُوْنَ
نێ ترسا منافقان وسه‌هما وان ژ هه‌وه -گه‌لی خودان باوه‌ران- د دل دا پتره ژ ترسا وان ژ خودێ؛ چونكى ئه‌و ملله‌ته‌كن تێ ناگه‌هن كانێ خودێ چه‌ند يێ مه‌زنه، و ژ عه‌زابا وى ناترسن.
لَا يُقَاتِلُوْنَكُمْ جَمِيْعًا اِلَّا فِيْ قُرًي مُّحَصَّنَةٍ اَوْ مِنْ وَّرَآءِ جُدُرٍ بَاْسُهُمْ بَيْنَهُمْ شَدِيْدٌ تَحْسَبُهُمْ جَمِيْعًا وَّقُلُوْبُهُمْ شَتّٰي ذٰلِكَ بِاَنَّهُمْ قَوْمٌ لَّا يَعْقِلُوْنَ
ئه‌گه‌ر ل هنده‌ك گوندێن ئاسێ و ل پشت شويرهه وخه‌نده‌كێن موكم وديواران نه‌بت، جوهى پێكڤه شه‌ڕێ هه‌وه ناكه‌ن، دوژمناتى د ناڤبه‌را وان دا يا دژواره، تو هزر دكه‌ى ئه‌و هه‌مى ل سه‌ر يه‌ك گۆتن دكۆمبووينه وئه‌و ب خۆ دلێن وان د ژێك دويرن؛ چونكى ئه‌و د ئايه‌تێن خودێ ناگه‌هن وهزرا خۆ تێدا ناكه‌ن.
كَمَثَلِ الَّذِيْنَ مِنْ قَبْلِهِمْ قَرِيْبًا ذَاقُوْا وَبَالَ اَمْرِهِمْ وَلَهُمْ عَذَابٌ اَلِيْمٌ
مه‌ته‌لا ڤان جوهییا د ڤێ عه‌زابێ دا يا خودێ ب سه‌رێ وان ئيناى وه‌كى مه‌ته‌لا كافرێن قوره‌يشییانه ل ڕۆژا (به‌درێ)، ومه‌ته‌لا جوهییێن به‌نوقه‌ينوقاعانه، ده‌مێ وان ل دنيايێ تام كرییه دويماهییا خرابـییا كـوفر ودوژمناتییا خۆ بۆ پێغه‌مبه‌رى -سلاڤ لێ بن-، و ل ئاخره‌تێ عه‌زابه‌كا ب ئێش ونه‌خۆش بۆ وان هه‌يه.
كَمَثَلِ الشَّيْطٰنِ اِذْ قَالَ لِلْاِنْسَانِ اكْفُرْ فَلَمَّا كَفَرَ قَالَ اِنِّيْ بَرِيْٓءٌ مِّنْكَ اِنِّيْ٘ اَخَافُ اللّٰهَ رَبَّ الْعٰلَمِيْنَ
ومه‌ته‌لا ڤان منافقان د سه‌ردابرنا جوهییان وپالڤه‌دانا وان دا بۆ شه‌ڕى وسۆزدانا كو ئه‌و پشته‌ڤانییا وان دژى پێغه‌مبه‌رێ خودێ -سلاڤ لێ بن- بكه‌ن، وه‌كى مه‌ته‌لا شه‌يتانییه ده‌مێ وى كوفر ل به‌ر مرۆڤى شرين كرى، وبه‌رێ وى دايێ، ڤێجا ده‌مێ ئه‌و كافر بووى، شه‌يتانى گۆتێ: ئه‌زێ ژ ته به‌ريمه، هندى ئه‌زم ئه‌ز ژ خودێ خودايێ هه‌مى چێكرییان دترسم.
فَكَانَ عَاقِبَتَهُمَا٘ اَنَّهُمَا فِي النَّارِ خَالِدَيْنِ فِيْهَا وَذٰلِكَ جَزٰٓؤُا الظّٰلِمِيْنَ
ڤێجا دويماهییا شه‌يتانى ويا وى مرۆڤێ گوهدارییا وى كرى وكافر بووى، ئه‌و بوو ئه‌و هه‌ردو چوونه ئاگرى، هه‌ر وهه‌ر دێ تێدا مينن، وئه‌و جزايێ زۆردارانه يێن پێ ل توخويبێن خودێ ددانن.
يٰ٘اَيُّهَا الَّذِيْنَ اٰمَنُوا اتَّقُوا اللّٰهَ وَلْتَنْظُرْ نَفْسٌ مَّا قَدَّمَتْ لِغَدٍ وَاتَّقُوا اللّٰهَ اِنَّ اللّٰهَ خَبِيْرٌۣ بِمَا تَعْمَلُوْنَ
ئه‌ى ئه‌وێن باوه‌رى ب خودێ وپێغه‌مبه‌رێ وى ئيناى وكار ب شريعه‌تێ وى كرى، ژ خودێ بترسن، وهشيارى عه‌زابا وى بن، وێ بكه‌ن يا وى فه‌رمان پێ ل هه‌وه كرى وخۆ ژ وێ بده‌نه پاش يا وى هوين ژێ داينه پاش، وهه‌ر نه‌فسه‌ك بلا هزرا خۆ د وى كارى دا بكه‌ت يێ وێ بۆ ڕۆژا قيامه‌تێ پێشكێش كرى، وهوين د هه‌مى كارێ خۆ دا ژ خودێ بترسن، هندى خودێ‌یه ب وى كارێ هوين دكه‌ن يێ شاره‌زايه، تشته‌ك ژ كريارێن هه‌وه ل وى به‌رزه نابت، وئه‌و دێ هه‌وه سه‌را وان جزا ده‌ت.
وَلَا تَكُوْنُوْا كَالَّذِيْنَ نَسُوا اللّٰهَ فَاَنْسٰىهُمْ اَنْفُسَهُمْ اُولٰٓئِكَ هُمُ الْفٰسِقُوْنَ
وهوين -گه‌لی خودان باوه‌ران- وه‌كى وان نه‌بن يێن ئه‌و حه‌ق هێلاى يێ خودێ ل سه‌ر وان واجبكرى، ڤێجا ژ به‌ر هندێ وى بارا وان ژ وان خێرێن وان ژ عه‌زابا ڕۆژا قيامه‌تێ ڕزگار دكه‌ت ژ بيرا وان بر، ئه‌وێن هه‌نه يێن فاسق، يێن كو ژ بن ئه‌مرێ خـودێ وپێغه‌مبه‌رێ وى ده‌ركه‌فتين.
لَا يَسْتَوِيْ٘ اَصْحٰبُ النَّارِ وَاَصْحٰبُ الْجَنَّةِ اَصْحٰبُ الْجَنَّةِ هُمُ الْفَآئِزُوْنَ
خودانێن ئاگرى يێن دئێنه عه‌زابدان، وخودانێن به‌حه‌شتێ يێن دكه‌ڤنه خۆشییان وه‌كى يه‌ك نابن، خودانێن به‌حه‌شتێنه يێن مرادێن وان ب ده‌ست دكه‌ڤن، و ژ هه‌ر نه‌خۆشییه‌كێ ڕزگار دبن.
لَوْ اَنْزَلْنَا هٰذَا الْقُرْاٰنَ عَلٰي جَبَلٍ لَّرَاَيْتَهٗ خَاشِعًا مُّتَصَدِّعًا مِّنْ خَشْيَةِ اللّٰهِ وَتِلْكَ الْاَمْثَالُ نَضْرِبُهَا لِلنَّاسِ لَعَلَّهُمْ يَتَفَكَّرُوْنَ
ئه‌گه‌ر ئه‌ڤ قورئانه مه ب سه‌ر چيايه‌كى دا ئينابا خوارێ، وئه‌و د سۆز وگه‌فێن وێ گه‌هشتبا، تو دا بينى ئه‌و د گه‌ل وێ هێز وموكمى ومه‌زنییا وى هه‌ى، دا ژ ترسا خودێ دا شكێت وپرت پرت بت. وڤان مه‌ته‌لان ئه‌م دئينين، وبۆ مرۆڤان ئاشكه‌را دكه‌ين؛ دا ئه‌و هزرێن خۆ د شيان ومه‌زنییا خودێ دا بكه‌ن. وئه‌ڤ ئايه‌ته به‌رێ مه دده‌ته هندێ ئه‌م هزرێن خۆ د قورئانێ دا بكه‌ين، وخۆ تێ بگه‌هينين، وكارى پێ بكه‌ين.
هُوَ اللّٰهُ الَّذِيْ لَا٘ اِلٰهَ اِلَّا هُوَ عٰلِمُ الْغَيْبِ وَالشَّهَادَةِ هُوَ الرَّحْمٰنُ الرَّحِيْمُ
ئه‌وه ئه‌للاهـ ئه‌و خودايێ ب حه‌قى په‌رستنا وى دئێته‌كرن يێ كو ژ وى پێڤه‌تر چو خودايێن ڕاست نه‌هه‌ين، زانايێ تشتێ ڤه‌شارتى وئاشكه‌رايه، دزانت چ تشتێ ل به‌رچاڤ هه‌يه و چ تشتێ نه ل به‌رچاڤ هه‌يه، ئه‌وه پڕدلۆڤانێ ڕه‌حما وى هه‌مى تشت ڤه‌گرتين، يێ دلۆڤانكاره ب وان يێن باوه‌رى ب وى ئيناى.
هُوَ اللّٰهُ الَّذِيْ لَا٘ اِلٰهَ اِلَّا هُوَ اَلْمَلِكُ الْقُدُّوْسُ السَّلٰمُ الْمُؤْمِنُ الْمُهَيْمِنُ الْعَزِيْزُ الْجَبَّارُ الْمُتَكَبِّرُ سُبْحٰنَ اللّٰهِ عَمَّا يُشْرِكُوْنَ
ئه‌وه ئه‌للاهـ يێ ب حه‌قى په‌رستن بۆ دئێته‌كرن، يێ كو ژ وى پێڤه‌تر چو خودايێن ڕاست نه‌هه‌ين, خودانێ هه‌مى تشتان، يێ كو بێ به‌رهنگارى ته‌صه‌رروفێ د وان دا دكه‌ت, ژ هه‌ر كێماسییه‌كێ يێ پاكه و ژ هه‌ر عه‌يبه‌كێ يێ ساخله‌مه، پێغه‌مبه‌رێن خۆ ڕاستگۆ ده‌ردئێخت ب وان ئايه‌تێن ئاشكه‌را يێن وى د گه‌ل وان هنارتين، يێ زێره‌ڤانه ل سه‌ر كريارێن به‌نییێن خۆ، يێ زاله كه‌س وى بێزار ناكه‌ت، كوته‌ككاره خه‌لك هه‌مى يێن ئێخستينه بن ده‌ستێ خۆ، يێ خۆمه‌زنكه‌ره مه‌زنى هه‌مى يا وییه. يێ پاك بت خودێ ژ وى تشتێ بوتپه‌رێس بۆ وى دكه‌نه هه‌ڤپشك.
هُوَ اللّٰهُ الْخَالِقُ الْبَارِئُ الْمُصَوِّرُ لَهُ الْاَسْمَآءُ الْحُسْنٰي يُسَبِّحُ لَهٗ مَا فِي السَّمٰوٰتِ وَالْاَرْضِ وَهُوَ الْعَزِيْزُ الْحَكِيْمُ
ئه‌وه ئه‌للاهـ يێ ئافرانده‌ر، ئه‌وێ خه‌لك ل دويڤ حكمه‌ته‌كێ چێكرين، يێ وێنه‌كێش ب وى ڕه‌نگێ وى بڤێت، ناڤێن باش وسالۆخه‌تێن بلند يێن وينه، هه‌ر تشته‌كێ ل عه‌سمانان وعه‌ردى ته‌سبيحا وى دكه‌ت، وئه‌وه زالێ د تۆلڤه‌كرنا خۆ دا يێ دژوار، يێ كاربنه‌جهه د ڕێڤه‌برنا كارێ به‌نییێن خۆ دا.