اِذَا وَقَعَتِ الْوَاقِعَةُ
ئه‌گه‌ر قيامه‌ت ڕابوو.
لَيْسَ لِوَقْعَتِهَا كَاذِبَةٌ
كه‌سه‌ك نابت دره‌وێ ب ڕابوونا وێ بكه‌ت.
خَافِضَةٌ رَّافِعَةٌ
ئه‌و دوژمنێن خودێ د ئاگرى دا نزم دكه‌ت، ووه‌لییێن وى د به‌حه‌شتێ دا بلند دكه‌ت.
اِذَا رُجَّتِ الْاَرْضُ رَجًّا
ئه‌گه‌ر عه‌رد هژيا هژيانه‌كا دژوار.
وَّبُسَّتِ الْجِبَالُ بَسًّا
وچيا هاتنه هوير هويركرن.
فَكَانَتْ هَبَآءً مُّنْۣبَثًّا
ووه‌كى وێ تۆزێ لێ هاتن يا با دفڕينت.
وَّكُنْتُمْ اَزْوَاجًا ثَلٰثَةً
وهوين -گه‌لی مرۆڤان- دبنه سێ جوين:
فَاَصْحٰبُ الْمَيْمَنَةِ مَا٘ اَصْحٰبُ الْمَيْمَنَةِ
ڤێجا هندى خودانێن ڕاستێنه، خودانێن پێكێن بلندن، مه‌رته‌با وان چه‌ند يا بلنده!!
وَاَصْحٰبُ الْمَشْــَٔمَةِ مَا٘ اَصْحٰبُ الْمَشْــَٔمَةِ
وهندى خودانێن چه‌پێنه، خودانێن جهێن نزمن، و چ حاله‌كێ خرابه ئه‌و تێدا!!
وَالسّٰبِقُوْنَ السّٰبِقُوْنَ
وئه‌وێن ل دنيايێ له‌ز د كرنا خێران دا كرى ئه‌ون يێن ل ئاخره‌تێ له‌زێ د چوونا پێكێن بلند دا دكه‌ن.
اُولٰٓئِكَ الْمُقَرَّبُوْنَ
وئه‌ون يێن ل نك خودێ دنێزيك.
فِيْ جَنّٰتِ النَّعِيْمِ
خودايێ وان وان دكه‌ته د به‌حه‌شتێن خۆشییێ دا.
ثُلَّةٌ مِّنَ الْاَوَّلِيْنَ
كۆمه‌كا بۆش ژ پێشییێن ڤێ ئوممه‌تێ وئوممه‌تێن دى ژى.
وَقَلِيْلٌ مِّنَ الْاٰخِرِيْنَ
وكێم ژ پاشییێن ڤێ ئوممه‌تێ دچنێ.
عَلٰي سُرُرٍ مَّوْضُوْنَةٍ
ل سه‌ر وان ته‌ختێن ب زێڕى هاتينه نه‌خشاندن.
مُّتَّكِـِٕيْنَ عَلَيْهَا مُتَقٰبِلِيْنَ
دپالداينه هنده‌ك ژ وان ل به‌رانبه‌رى هنده‌كانه.
يَطُوْفُ عَلَيْهِمْ وِلْدَانٌ مُّخَلَّدُوْنَ
بۆ خزمه‌تكارنا وان هنده‌ك زاڕكوڕێن نه پير دبن ونه دمرن ل سه‌ر وان دگه‌ڕيێن .
بِاَكْوَابٍ وَّاَبَارِيْقَ وَكَاْسٍ مِّنْ مَّعِيْنٍ
ب كۆپ وجه‌ڕك وپه‌رداغێن ژ كانییا مه‌يا به‌حه‌شتێ دداگرتى.
لَّا يُصَدَّعُوْنَ عَنْهَا وَلَا يُنْزِفُوْنَ
ئه‌و ڤه‌خوارن يا وه‌سايه نه سه‌رێن وان ژ به‌ر دئێشن ونه هشێ وان پێ دچت.
وَفَاكِهَةٍ مِّمَّا يَتَخَيَّرُوْنَ
وئه‌و زڕكوڕه ب وى فێقییێ ئه‌و هل دبژێرن .
وَلَحْمِ طَيْرٍ مِّمَّا يَشْتَهُوْنَ
وگۆشتێ وان ته‌يرێن دلێ وان دچتێ ل سه‌ر وان دگه‌ڕيێن.
وَحُوْرٌ عِيْنٌ
وهنده‌ك ژنێن چاڤ گر وان هه‌نه.
كَاَمْثَالِ اللُّؤْلُوـِٔ الْمَكْنُوْنِ
د جوانى وزه‌لالییا خۆ دا ئه‌و وه‌كى مرارییێن ڤه‌شارتينه.
جَزَآءًۣ بِمَا كَانُوْا يَعْمَلُوْنَ
ئه‌ڤه جزايێ وانه ژ به‌ر وان كريارێن چاك يێن وان د دنيايێ دا كرين.
لَا يَسْمَعُوْنَ فِيْهَا لَغْوًا وَّلَا تَاْثِيْمًا
وان د به‌حه‌شتێ دا گوهـ ل چو گۆتنێن خراب نابت كو پێ گونه‌هكار ببن.
اِلَّا قِيْلًا سَلٰمًا سَلٰمًا
ئه‌و گۆتن تێ نه‌بت يا دوير ژ ڤان كێماسییان، وئه‌و سلاڤا ئه‌و ل يه‌ك ودو دكه‌ن.
وَاَصْحٰبُ الْيَمِيْنِ مَا٘ اَصْحٰبُ الْيَمِيْنِ
وخودانێن ڕاستێ، چه‌ند مه‌رته‌به‌ك وجزايه‌كێ مه‌زن وان هه‌يه!!
فِيْ سِدْرٍ مَّخْضُوْدٍ
ئه‌و ل بن دارا سدرێنه يا بێ سترى.
وَّطَلْحٍ مَّنْضُوْدٍ
ومۆزێن ل سه‌رێك.
وَّظِلٍّ مَّمْدُوْدٍ
وسيبه‌ره‌كا به‌رده‌وام يا نه‌چت.
وَّمَآءٍ مَّسْكُوْبٍ
وئاڤا بێ ڤه‌بڕين.
وَّفَاكِهَةٍ كَثِيْرَةٍ
وفێقییه‌كێ مشه.
لَّا مَقْطُوْعَةٍ وَّلَا مَمْنُوْعَةٍ
يێ خلاس نه‌بت بۆ وان هه‌يه ، وتشته‌ك نابت ڤان خۆشییان ژ وان بگرت.
وَّفُرُشٍ مَّرْفُوْعَةٍ
وجهێن بلند ل سه‌ر ته‌ختان بۆ وان هه‌نه.
اِنَّا٘ اَنْشَاْنٰهُنَّ اِنْشَآءً
هندى ئه‌مين مه ژنكێن به‌حه‌شتێ ب دورستكرنه‌كا تايبه‌ت يا نه وه‌كى دورستكرنا دنيايێ چێكرينه، دورستكرنه‌كا پويچبوون ب دويڤ دا نه‌ئێت.
فَجَعَلْنٰهُنَّ اَبْكَارًا
ومه ئه‌و -يێن بچويك ومه‌زن- كرنه كچ.
عُرُبًا اَتْرَابًا
ومه ئه‌و ل به‌ر زه‌لامێن وان شرين كرن، وهه‌مى د يه‌ك ژییى دا دان.
لِّاَصْحٰبِ الْيَمِيْنِ
مه ئه‌و بۆ خودانێن ڕاستێ ئافراندن.
ثُلَّةٌ مِّنَ الْاَوَّلِيْنَ
وئه‌و كۆمه‌كا بۆشن ژ يێن پێشییێ.
وَثُلَّةٌ مِّنَ الْاٰخِرِيْنَ
وكۆمه‌كا بۆشن ژ يێن پاشییێ.
وَاَصْحٰبُ الشِّمَالِ مَا٘ اَصْحٰبُ الشِّمَالِ
وخودانێن چه‌پێ، چ جزا وحاله‌كێ خراب وان هه‌يه!!
فِيْ سَمُوْمٍ وَّحَمِيْمٍ
ئه‌و د ناڤ هڕه‌بايه‌كێ كه‌ل دانه ژ گه‌رما جه‌هنه‌مێ ب سه‌ر وان دا دئێت وبێهنێ ل وان ته‌نگ دكه‌ت. وئه‌و د ئاڤه‌كا كه‌لاندى دانه.
وَّظِلٍّ مِّنْ يَّحْمُوْمٍ
و دناڤ سيبه‌ره‌كا ژ گوڕییا ڕه‌ش دانه.
لَّا بَارِدٍ وَّلَا كَرِيْمٍ
نه جهه‌كێ هوينه، ونه ديمه‌نه‌كێ ب بهايه.
اِنَّهُمْ كَانُوْا قَبْلَ ذٰلِكَ مُتْرَفِيْنَ
هندى ئه‌و بوون وان د دنيايێ دا خۆشى ب تشێ حه‌رام دبر، ووان پشت ددا وى تشتى يێ پێغه‌مبه‌ر پێ هاتين.
وَكَانُوْا يُصِرُّوْنَ عَلَي الْحِنْثِ الْعَظِيْمِ
وئه‌و به‌رده‌وام ل سه‌ر كوفرێ وشركێ وگونه‌هان دمان، ووان دلێ خۆ نه‌دبره تۆبێ.
وَكَانُوْا يَقُوْلُوْنَ اَئِذَا مِتْنَا وَكُنَّا تُرَابًا وَّعِظَامًا ءَاِنَّا لَمَبْعُوْثُوْنَ
ووان ژ نه باوه‌رى ئينانا ب ڕابوونا پشتى مرنێ دگۆت: ئه‌رێ ئه‌گه‌ر ئه‌م مرين وبووينه ئاخ وهه‌ستییێ مه پێتى بوو ما جاره‌كا دى دێ ئێينه ڕاكرن؟ ئه‌ڤه تشته‌كێ دوير بوو ل به‌ر وان.
اَوَ اٰبَآؤُنَا الْاَوَّلُوْنَ
ئه‌رێ ئه‌م وباب وباپيرێن مه يێن به‌رێ ئه‌وێن بووينه ئاخ وحه‌لياين، جاره‌كا دى دێ ڕابين؟
قُلْ اِنَّ الْاَوَّلِيْنَ وَالْاٰخِرِيْنَ
تو -ئه‌ى موحه‌ممه‌د- بێژه وان: يێن پێشییێ ويێن پاشییێ ژ دوونده‌ها ئاده‌مى.
لَمَجْمُوْعُوْنَ اِلٰي مِيْقَاتِ يَوْمٍ مَّعْلُوْمٍ
هه‌مى ل ڕۆژه‌كا ده‌سنيشانكرى، كو ڕۆژا قيامه‌تێیه، دێ ئێنه كۆمكرن.
ثُمَّ اِنَّكُمْ اَيُّهَا الضَّآلُّوْنَ الْمُكَذِّبُوْنَ
پاشى هوين ئه‌ى به‌رزه‌بوويێن ژ ڕێكا هيدايه‌تێ يێن دره‌وپێكه‌ر ب گه‌ف وجزايێ خودێ.
لَاٰكِلُوْنَ مِنْ شَجَرٍ مِّنْ زَقُّوْمٍ
دێ ژ داره‌كا ژ زه‌ققوومێ خۆن، وئه‌و خرابترين داره.
فَمَالِــُٔوْنَ مِنْهَا الْبُطُوْنَ
ڤێجا هوين زكێن خۆ دێ پێ تژى كه‌ن؛ هندى هوين دێ برسى بن.
فَشٰرِبُوْنَ عَلَيْهِ مِنَ الْحَمِيْمِ
و د سه‌ر هندێ ژى ڕا هوين دێ ژ ئاڤه‌كا زێده كه‌لاندى ڤه‌خۆن يا كو تێنكا هه‌وه نه‌شكێنت.
فَشٰرِبُوْنَ شُرْبَ الْهِيْمِ
وهوين گه‌له‌كێ دێ ڤه‌خۆن، وه‌كى حێشترا تێهنى ئه‌وا ژ به‌ر ئێشێ تێنكا وێ نه‌شكێت.
هٰذَا نُزُلُهُمْ يَوْمَ الدِّيْنِ
ئه‌ڤ عه‌زابا ب سه‌ر وان دا دئێت ئه‌و زاده يێ ل ڕۆژا قيامه‌تێ بۆ وان هاتییه ئاماده‌كرن. وئه‌ڤه گه‌فه‌كه ل وان دئێته كرن.
نَحْنُ خَلَقْنٰكُمْ فَلَوْلَا تُصَدِّقُوْنَ
گه‌لی مرۆڤان مه هوين ئافراندينه وهوين چو نه‌بوون، ڤێجا ما هوين باوه‌رییێ ب ڕابوونا پشتى مرنێ نائينن؟
اَفَرَءَيْتُمْ مَّا تُمْنُوْنَ
ئه‌رێ وهه‌وه ئه‌و چپكێن مرۆڤ ژێ چێ دبن ديتينه يێن هوين دڕێژن.
ءَاَنْتُمْ تَخْلُقُوْنَهٗ٘ اَمْ نَحْنُ الْخٰلِقُوْنَ
ئه‌رێ هوينن مرۆڤان ژێ دئافرينن يان ئه‌مين ئافرانده‌ر؟
نَحْنُ قَدَّرْنَا بَيْنَكُمُ الْمَوْتَ وَمَا نَحْنُ بِمَسْبُوْقِيْنَ
ئه‌مين مه مرن دايه هه‌وه، وئه‌م ژ هندێ بێزار نابين ..
عَلٰ٘ي اَنْ نُّبَدِّلَ اَمْثَالَكُمْ وَنُنْشِئَكُمْ فِيْ مَا لَا تَعْلَمُوْنَ
كو ڕۆژا قيامه‌تێ هه‌وه بگوهۆڕين، و ب ڕه‌نگه‌كێ دى يێ هوين پێ نه‌زانن هه‌وه چێ بكه‌ين.
وَلَقَدْ عَلِمْتُمُ النَّشْاَةَ الْاُوْلٰي فَلَوْلَا تَذَكَّرُوْنَ
و ب ڕاستى هه‌وه زانییه كو خودێ‌یه جارا يه‌كێ هوين ئافراندين وهوين تشته‌ك نه‌بوون، ئه‌رێ ڤێجا هوين هزرا هندێ ناكه‌ن كو خودێ دشێت جاره‌كا دى ژى هه‌وه چێ بكه‌ت.
اَفَرَءَيْتُمْ مَّا تَحْرُثُوْنَ
ئه‌رێ ڤێجا هه‌وه ئه‌و چاندى ديتییه يێ هوين دچينن .
ءَاَنْتُمْ تَزْرَعُوْنَهٗ٘ اَمْ نَحْنُ الزّٰرِعُوْنَ
ئه‌رێ هوينن وى ل عه‌ردى شين دكه‌ن؟ نه، ئه‌مين وى د ئاخێ ڕا ئاكنجى دكه‌ين وشين دكه‌ين.
لَوْ نَشَآءُ لَجَعَلْنٰهُ حُطَامًا فَظَلْتُمْ تَفَكَّهُوْنَ
ئه‌گه‌ر مه بڤێت ئه‌م دێ وى چاندى كه‌ينه پيش كو نه‌ئێته خوارن، ڤێجا هوين دێ عه‌جێبگرتى بن ژ وى تشتێ ب سه‌ر چاندییێ هه‌وه دا هاتى، ودێ بێژن:
اِنَّا لَمُغْرَمُوْنَ
هندى ئه‌مين ئه‌م دعه‌زابداى وزيانكارين.
بَلْ نَحْنُ مَحْرُوْمُوْنَ
به‌لكى ئه‌م ژ ڕزقى دزرباركرينه.
اَفَرَءَيْتُمُ الْمَآءَ الَّذِيْ تَشْرَبُوْنَ
ئه‌رێ وهه‌وه ئه‌و ئاڤ ديتییه يا هوين ڤه‌دخۆن دا پێ بژين.
ءَاَنْتُمْ اَنْزَلْتُمُوْهُ مِنَ الْمُزْنِ اَمْ نَحْنُ الْمُنْزِلُوْنَ
ئه‌رێ هه‌وه ئه‌و ژ عه‌ورى ئينايه خوارێ و د ناڤ عه‌ردى دا برییه، يان ئه‌مين ژ دلۆڤانییا خۆ مه ئه‌و بۆ هه‌وه ئينايه خوارێ؟
لَوْ نَشَآءُ جَعَلْنٰهُ اُجَاجًا فَلَوْلَا تَشْكُرُوْنَ
ئه‌گه‌ر مه ڤيابا ئه‌م دا وێ ئاڤێ وه‌سا سوير كه‌ين كو ب كێر ڤه‌خوارن وئاڤدانێ نه‌ئێت، ئه‌رێ ڤێجا هوين سوپاسییا خودايێ خۆ ناكه‌ن سه‌را وێ ئاڤا شرين يا وى بۆ هه‌وه ئينايه خوارێ؟
اَفَرَءَيْتُمُ النَّارَ الَّتِيْ تُوْرُوْنَ
ئه‌رێ وهه‌وه ئه‌و ئاگر ديتییه يێ هوين هل دكه‌ن؟
ءَاَنْتُمْ اَنْشَاْتُمْ شَجَرَتَهَا٘ اَمْ نَحْنُ الْمُنْشِــُٔوْنَ
ئه‌رێ هه‌وه ئه‌و دار دايه يا ئاگر ژێ هل دبتێ يان ئه‌مين مه ئه‌و داى؟
نَحْنُ جَعَلْنٰهَا تَذْكِرَةً وَّمَتَاعًا لِّلْمُقْوِيْنَ
ئه‌مين مه ئه‌و ئاگرێ هوين هل دكه‌نێ بۆ هه‌وه كرییه بيرئينان دا هوين بيرا خۆ پێ ل ئاگرێ جه‌هنه‌مێ بينن، ودا بۆ ڕێڤنگان ببته مفا.
فَسَبِّحْ بِاسْمِ رَبِّكَ الْعَظِيْمِ
ڤـێـجـا تـو -ئه‌ى موحه‌ممه‌د- خودايێ خۆ پاك بكه خودانێ ناڤ وسالۆخه‌تێن ته‌كووز، يێ خێر وقه‌نجى مشه.
فَلَا٘ اُقْسِمُ بِمَوٰقِعِ النُّجُوْمِ
خودێ سويندێ ب وان جهان دخۆت يێن ستێر دكه‌ڤنێ ده‌مێ دڕژيێن.
وَاِنَّهٗ لَقَسَمٌ لَّوْ تَعْلَمُوْنَ عَظِيْمٌ
وئه‌و سوينده‌كه -ئه‌گه‌ر هوين بزانن- يا مه‌زنه.
اِنَّهٗ لَقُرْاٰنٌ كَرِيْمٌ
هندى ئه‌ڤ قورئانه‌يه قورئانه‌كا مفا مه‌زن و ب خێره ، علمێ وێ يێ بۆشه.
فِيْ كِتٰبٍ مَّكْنُوْنٍ
د كيتابه‌كا پاراستى ژ چاڤێن خه‌لكى دايه، كو له‌وحێ پاراستییه.
لَّا يَمَسُّهٗ٘ اِلَّا الْمُطَهَّرُوْنَ
ژ ملياكه‌تێن ب قه‌در يێن خودێ ئه‌و ژ گونه‌هـ وكێماسییان پاقژ كرين پێڤه‌تر كه‌س ده‌ست ناكه‌ته قورئانێ، هه‌ر وه‌سا ژ وان يێن ژ شركێ وبێ نڤێژى وبێ دسنڤێژییێ دپاقژ پێڤه‌تر كه‌س ده‌ست ناكه‌تێ.
تَنْزِيْلٌ مِّنْ رَّبِّ الْعٰلَمِيْنَ
ئه‌و ژ نك خودايێ هه‌مى چێكرییان يا هاتییه خوارێ، وئه‌و حه‌قییه‌كا بێ گومانه.
اَفَبِهٰذَا الْحَدِيْثِ اَنْتُمْ مُّدْهِنُوْنَ
ئه‌رێ ڤێجا هوين -گه‌لی بوتپه‌رێسان- دره‌وێ ب ڤێ قورئانێ دكه‌ن؟
وَتَجْعَلُوْنَ رِزْقَكُمْ اَنَّكُمْ تُكَذِّبُوْنَ
وهوين شوكرا خۆ بۆ خودێ سه‌را وان قه‌نجییێن وى د گه‌ل هه‌وه كرين دكه‌نه ئه‌و كو هوين دره‌وێ پێ دكه‌ن وباوه‌رییێ پێ نائينن؟
فَلَوْلَا٘ اِذَا بَلَغَتِ الْحُلْقُوْمَ
ئه‌رێ ڤێجا گاڤا ڕحا يه‌ك ژ هه‌وه گه‌هشته حه‌فكێ ده‌مێ ئه‌و دمرت.
وَاَنْتُمْ حِيْنَئِذٍ تَنْظُرُوْنَ
وهوين ل نك دئاماده وبه‌رێ خۆ دده‌نێ، ئه‌رێ هوين دێ شێن ڕحا وى گرن دا ژ له‌شێ وى ده‌رنه‌كه‌ڤت؟ هوين نه‌شێن وێ چه‌ندێ بكه‌ن.
وَنَحْنُ اَقْرَبُ اِلَيْهِ مِنْكُمْ وَلٰكِنْ لَّا تُبْصِرُوْنَ
وئه‌م هنگى ب ملياكه‌تێن خۆ ژ هه‌وه نێزيكترين بۆ وى، به‌لێ هوين وان نابينن.
فَلَوْلَا٘ اِنْ كُنْتُمْ غَيْرَ مَدِيْنِيْنَ
وئه‌گه‌ر ڕاسته هوين نائێنه جزادان وحسێب د گه‌ل هه‌وه نائێته كرن.
تَرْجِعُوْنَهَا٘ اِنْ كُنْتُمْ صٰدِقِيْنَ
ئه‌رێ پا هوين دشێن جاره‌كا دى ڕحێ بزڤريننه له‌شى ئه‌گه‌ر هوين دڕاستگۆنه؟ هوين وێ نازڤڕينن.
فَاَمَّا٘ اِنْ كَانَ مِنَ الْمُقَرَّبِيْنَ
ڤێجا ئه‌گه‌ر ئه‌وێ دمرت ژ وان بت يێن له‌ز د باشییێ دا كرى و ژ وان بت يێن نێزيكى خودێ.
فَرَوْحٌ وَّرَيْحَانٌ وَّجَنَّتُ نَعِيْمٍ
ڕه‌حـمه‌كا به‌رفره‌هـ وكه‌يف وخۆشى، وبه‌حه‌شت -ل ئاخره‌تێ- بۆ وى دێ هه‌بت.
وَاَمَّا٘ اِنْ كَانَ مِنْ اَصْحٰبِ الْيَمِيْنِ
وئه‌گه‌ر ئه‌و ژ خودانێن ڕاستێ بت.
فَسَلٰمٌ لَّكَ مِنْ اَصْحٰبِ الْيَمِيْنِ
دێ بۆ وى ئێته گۆتن: سلامه‌تى وته‌ناهى بۆ ته بت؛ چونكى تو ژ خودانێن ڕاستییى.
وَاَمَّا٘ اِنْ كَانَ مِنَ الْمُكَذِّبِيْنَ الضَّآلِّيْنَ
وئه‌گه‌ر ئه‌و ژ وان بت يێن دره‌و ب ڕابوونا پشتى مرنێ كرى، يێن ژ هيدايه‌تێ به‌رزه.
فَنُزُلٌ مِّنْ حَمِيْمٍ
مێهڤاندارییا وى دێ ب ئاڤا جه‌هنه‌مێ يا كه‌لاندى بت.
وَّتَصْلِيَةُ جَحِيْمٍ
و ب وى ئاگرێ ئه‌و پێ دئێته سۆتن، وئه‌و دێ تام كه‌ته عه‌زابا ئاگرى يا دژوار.
اِنَّ هٰذَا لَهُوَ حَقُّ الْيَقِيْنِ
هندى ئه‌ڤه‌يه يا مه بۆ ته گۆتى -ئه‌ى موحه‌ممه‌د- ئه‌وه ڕاستییا بێ گومان.
فَسَبِّحْ بِاسْمِ رَبِّكَ الْعَظِيْمِ
ڤێجا تو ب ناڤێ خودايێ خۆ يێ مه‌زن ته‌سبيحا وى بكه، وتو وى ژ وێ گۆتنێ پاك بكه يا كافر د ده‌ر حه‌قێ دا دبێژن، يێ بلند بت خودێ ژ وێ چه‌ندێ بلندییه‌كا مه‌زن.