اِقْتَرَبَتِ السَّاعَةُ وَانْشَقَّ الْقَمَرُ
قيامه‌ت نێزيك بوو، وهه‌يڤ دو كه‌ر بوو ده‌مێ كافرێن (مه‌كه‌هێ) داخواز ژ پێغه‌مبه‌رى -سلاڤ لێ بن- كرى كو ئه‌و ئايه‌ته‌كێ نيشا وان بده‌ت، ڤێجا وى دوعا ژ خودێ كرن، ئينا خودێ ئه‌ڤ ئايه‌ته نيشا وان دا.
وَاِنْ يَّرَوْا اٰيَةً يُّعْرِضُوْا وَيَقُوْلُوْا سِحْرٌ مُّسْتَمِرٌّ
وئه‌گه‌ر بوتپه‌رێس نيشان وده‌ليله‌كى ل سه‌ر ڕاستگۆيیا پێغه‌مبه‌رى -سلاڤ لێ بن- ببينن، دێ پشت ده‌نێ وباوه‌رییێ پێ نائينن، وپشتى ده‌ليل ئاشكه‌را دبت دێ بێژن: ئه‌ڤه سێره‌به‌ندییه‌كا پويچه ودێ چت ونامينت.
وَكَذَّبُوْا وَاتَّبَعُوْ٘ا اَهْوَآءَهُمْ وَكُلُّ اَمْرٍ مُّسْتَقِرٌّ
ووان پێغه‌مبه‌ر -سلاڤ لێ بن- دره‌وين ده‌رێخست، ودويكه‌فتنا دلچوونێن خۆ كر يێن به‌رێ وان دايه دره‌وپێكرنێ، و ل ڕۆژا قيامه‌تێ هه‌ر كاره‌كێ هه‌بت چ يێ باش بت چ يێ خراب دێ گه‌هته خودانێ خۆ ده‌مێ جزا دئێته‌دان.
وَلَقَدْ جَآءَهُمْ مِّنَ الْاَنْۣبَآءِ مَا فِيْهِ مُزْدَجَرٌ
و ب ڕاستى هند به‌حسێ وان ئوممه‌تان يێن دره‌و ب پێغه‌مبه‌ران كرى وكانێ چ عه‌زاب ب سه‌ر وان دا هاتبوو بۆ كافرێن قوره‌يشى يێ هاتییه‌كرن، كو تێرا وان هه‌بت ئه‌و خۆ ژ كوفر وسه‌رداچوونا خۆ بده‌نه پاش.
حِكْمَةٌۣ بَالِغَةٌ فَمَا تُغْنِ النُّذُرُ
ئه‌ڤ قورئانه يا كو بۆ وان هاتى حكمه‌ته‌كا گه‌له‌كا مه‌زنه، ڤێجا ما ترساندن دێ چ مفاى گه‌هيننه وى ملله‌تێ پشت دايێ ودره‌و پێ كرى؟
فَتَوَلَّ عَنْهُمْ يَوْمَ يَدْعُ الدَّاعِ اِلٰي شَيْءٍ نُّكُرٍ
ڤێجا تو -ئه‌ى موحه‌ممه‌د- پشت بده وان، وبۆ وان ل هيڤییا ڕۆژه‌كا مه‌زن به. ڕۆژا گازيكه‌ر بۆ تشته‌كێ كرێت گازى دكه‌ت، كو ڕاوه‌ستانا بۆ حسێبێیه.
خُشَّعًا اَبْصَارُهُمْ يَخْرُجُوْنَ مِنَ الْاَجْدَاثِ كَاَنَّهُمْ جَرَادٌ مُّنْتَشِرٌ
چاڤێن وان دشكه‌ستينه، ئه‌و وه‌سا زوى ژ گۆڕان ده‌ردكه‌ڤن دێ بێژى ئه‌و كولينه به‌لاڤبووين.
مُّهْطِعِيْنَ اِلَي الدَّاعِ يَقُوْلُ الْكٰفِرُوْنَ هٰذَا يَوْمٌ عَسِرٌ
ئه‌و ب له‌ز قه‌ستا وى تشتى دكه‌ن يێ ئه‌و بۆ هاتينه گازيكرن، كافر دبێژن: ئه‌ڤه ڕۆژه‌كا ب زه‌حمه‌ته وگه‌له‌ك يا ب ترسه.
كَذَّبَتْ قَبْلَهُمْ قَوْمُ نُوْحٍ فَكَذَّبُوْا عَبْدَنَا وَقَالُوْا مَجْنُوْنٌ وَّازْدُجِرَ
به‌رى ملله‌تێ ته -ئه‌ى موحه‌ممه‌د- ملله‌تێ نووحى ژى به‌نییێ مه نووح دره‌وين ده‌رێخستبوو، ووان گۆت: ئه‌و يێ دينه، ووان ئه‌و پاشڤه‌بربوو و ب گه‌له‌ك ڕه‌نگێن عه‌زابێ گه‌ف لێ كربوون، ئه‌گه‌ر ئه‌و گازییا خۆ نه‌هێلت.
فَدَعَا رَبَّهٗ٘ اَنِّيْ مَغْلُوْبٌ فَانْتَصِرْ
ئينا نووحى دوعا ژ خودايێ خۆ كرن كو ئه‌زێ لاوازم ومن هێزا ڤان نينه، ڤێجا تو من سه‌ربێخه.
فَفَتَحْنَا٘ اَبْوَابَ السَّمَآءِ بِمَآءٍ مُّنْهَمِرٍ
ئينا مه دوعايا وى قه‌بويلكر، ومه ده‌رگه‌هێن عه‌سمانى ب ئاڤه‌كا بۆش ڤه‌كرن.
وَّفَجَّرْنَا الْاَرْضَ عُيُوْنًا فَالْتَقَي الْمَآءُ عَلٰ٘ي اَمْرٍ قَدْ قُدِرَ
ومه كانییێن بۆش ل عه‌ردى په‌قاندن، ڤێجا ئاڤا عه‌سمانى ويا عه‌ردى ل سه‌ر تێبرنا وان گه‌هشتنه يه‌ك، ئه‌و تێبرنا خودێ سه‌را شركا وان بۆ وان نڤيسى.
وَحَمَلْنٰهُ عَلٰي ذَاتِ اَلْوَاحٍ وَّدُسُرٍ
ومه نووح وئه‌وێن د گه‌ل دا ل سه‌ر گه‌مییه‌كا خودان ده‌پ وبزمار هلگرتن.
تَجْرِيْ بِاَعْيُنِنَا جَزَآءً لِّمَنْ كَانَ كُفِرَ
ئه‌و ب پاراستنا مه و ل به‌ر چاڤێن مه دچت، و ژ به‌ر كوفرا دره‌وپێكه‌ران وپشته‌ڤانى ژ لايێ مه‌ڤه بۆ نووحى مه ئه‌و خه‌ندقاندن. وئه‌ڤ ئايه‌ته سالۆخه‌تێ هه‌بوونا دو چاڤان بۆ خودێ، ب ڕه‌نگه‌كێ بابه‌تى وى بت، ده‌سنيشان دكه‌ت.
وَلَقَدْ تَّرَكْنٰهَا٘ اٰيَةً فَهَلْ مِنْ مُّدَّكِرٍ
و ب ڕاستى مه چيرۆكا نووحى د گه‌ل ملله‌تێ وى هێلا؛ دا ببته نيشان ل سه‌ر شيانا مه بۆ وان كه‌سێن پشتى نووحى، ئه‌رێ ڤێجا يه‌ك هه‌يه بيرا خۆ لێ بينته‌ڤه؟
فَكَيْفَ كَانَ عَذَابِيْ وَنُذُرِ
عه‌زابا من و ترساندنا من یا چه‌وابوو؟
وَلَقَدْ يَسَّرْنَا الْقُرْاٰنَ لِلذِّكْرِ فَهَلْ مِنْ مُّدَّكِرٍ
و ب ڕاستى مه په‌يڤێن قورئانێ بۆ خواندن وژبه‌ركرنێ وڕامانا وێ بۆ تێگه‌هشتنێ ب ساناهى كرينه، ئه‌رێ ڤێجا يه‌ك هه‌يه بيرا خۆ لێ بينته‌ڤه؟
كَذَّبَتْ عَادٌ فَكَيْفَ كَانَ عَذَابِيْ وَنُذُرِ
عادییان دره‌و ب هوودى كر ڤێجا مه ئه‌و عه‌زابدان، ئه‌رێ ڤێجا عه‌زابا من بۆ وان، وترساندنا من بۆ وان يا چاوا بوو؟
اِنَّا٘ اَرْسَلْنَا عَلَيْهِمْ رِيْحًا صَرْصَرًا فِيْ يَوْمِ نَحْسٍ مُّسْتَمِرٍّ
هندى ئه‌م بووين مه هڕه‌بايه‌كێ سه‌رما وى دژوار، ل ڕۆژه‌كا بێ ئيفله‌حییا وێ ل سه‌ر وان يا به‌رده‌وام ب سه‌ر وان دا هنارت.
تَنْزِعُ النَّاسَ كَاَنَّهُمْ اَعْجَازُ نَخْلٍ مُّنْقَعِرٍ
ئه‌و هڕه‌با مرۆڤان ژ جهێن وان ڕادكه‌ت وسه‌ر وسه‌ر ل عه‌ردى دده‌ت، حه‌تا ستويێن وان دشكێن، وسه‌رێن وان ژ قالبێن وان ڤه‌دبن، ووان وه‌سا دهێلت وه‌كى وێ دارقه‌سپا ژ ڕه‌هـ وريشالان هاتییه هلكێشان.
فَكَيْفَ كَانَ عَذَابِيْ وَنُذُرِ
ڤێجا عه‌زابا من بۆ وى يێ كوفر كرى يا چاوا بوو، وترساندنا من بۆ وى يێ دره‌و ب پێغه‌مبه‌رێن من كرى يا چاوا بوو؟
وَلَقَدْ يَسَّرْنَا الْقُرْاٰنَ لِلذِّكْرِ فَهَلْ مِنْ مُّدَّكِرٍ
و ب ڕاستى مه په‌يڤێن قورئانێ بۆ خواندن وژبه‌ركرنێ وڕامانا وێ بۆ تێگه‌هشتنێ ب ساناهى كرينه، ئه‌رێ ڤێجا يه‌ك هه‌يه بيرا خۆ لێ بينته‌ڤه؟
كَذَّبَتْ ثَمُوْدُ بِالنُّذُرِ
ثه‌موودییان -وئه‌و ملله‌تێ صالحى بوون- دره‌و ب وان ئايه‌تان كر يێن ئه‌و ترساندين.
فَقَالُوْ٘ا اَبَشَرًا مِّنَّا وَاحِدًا نَّتَّبِعُهٗ٘ اِنَّا٘ اِذًا لَّفِيْ ضَلٰلٍ وَّسُعُرٍ
وگۆتن: ئه‌رێ ئه‌م ئه‌ڤ كۆمـا بۆش دويكه‌فتنا مرۆڤـه‌كـێ ب تنێ بكه‌ين؟ ب ڕاستى ئه‌گه‌ر مه وه كر ئه‌و ئه‌م ددينين و ژ ڕاستییێ ددويرين.
ءَاُلْقِيَ الذِّكْرُ عَلَيْهِ مِنْۣ بَيْنِنَا بَلْ هُوَ كَذَّابٌ اَشِرٌ
ئه‌رێ ژ ناڤبه‌را مه هه‌مییان وه‌حى بۆ وى هاتییه وئه‌و بوويه پێغه‌مبه‌ر، وئه‌و يه‌كێ ب تنێ‌یه؟ ب ڕاستى ئه‌و گه‌له‌كێ دره‌وين وخۆمه‌زنكه‌ره.
سَيَعْلَمُوْنَ غَدًا مَّنِ الْكَذَّابُ الْاَشِرُ
ده‌مێ د دنيايێ دا و ل ڕۆژا قيامه‌تێ عه‌زاب ب سه‌ر وان دا دئێت ئه‌و دێ زانن كانێ دره‌وينێ خۆمه‌زنكه‌ر كێیه؟
اِنَّا مُرْسِلُوا النَّاقَةِ فِتْنَةً لَّهُمْ فَارْتَقِبْهُمْ وَاصْطَبِرْ
ئه‌م دێ حێشترێ بۆ وان ژ كه‌ڤرى ده‌رێخين؛ دا وان پێ بجه‌ڕبينين، ڤێجا تو زێره‌ڤانییێ ل وان بكه، وصه‌برێ بكێشه.
وَنَبِّئْهُمْ اَنَّ الْمَآءَ قِسْمَةٌۣ بَيْنَهُمْ كُلُّ شِرْبٍ مُّحْتَضَرٌ
وتو ب وان بده زانين كو ئاڤ د ناڤبه‌را وان وحێشترێ دا يا لێكڤه‌كرییه: ڕۆژه‌كێ بۆ حێشترێیه، وڕۆژه‌كێ بۆ وانه، هه‌ر ڕۆژه‌كێ ئه‌و دێ ئاماده بت يێ بارا وى بت.
فَنَادَوْا صَاحِبَهُمْ فَتَعَاطٰي فَعَقَرَ
ئينا وان گازى هه‌ڤالێ خۆ كر وئه‌و پالدا دا حێشترێ ڤه‌كوژت، ووى ده‌ست دايێ وسه‌رژێكر.
فَكَيْفَ كَانَ عَذَابِيْ وَنُذُرِ
ومن ئه‌و عه‌زابدان، ڤێجا عه‌زابا من بۆ وان وترساندنا من يا چاوا بوو؟
اِنَّا٘ اَرْسَلْنَا عَلَيْهِمْ صَيْحَةً وَّاحِدَةً فَكَانُوْا كَهَشِيْمِ الْمُحْتَظِرِ
هندى ئه‌م بووين مه جبريل ب سه‌ر وان دا هنارت، ڤێجا وى قێڕییه‌كا ب تنێ ل وان ڕاهێلا، ئينا ئه‌و هه‌مى هاتنه‌تێبرن، وئه‌و وه‌كى وى پيشكى لێ هاتن يێ ل بن حێشتران دئێته ڕائێخستن.
وَلَقَدْ يَسَّرْنَا الْقُرْاٰنَ لِلذِّكْرِ فَهَلْ مِنْ مُّدَّكِرٍ
و ب ڕاستى مه په‌يڤێن قورئانێ بۆ خواندن وژبه‌ركرنێ وڕامانا وێ بۆ تێگه‌هشتنێ ب ساناهى كرينه، ئه‌رێ ڤێجا يه‌ك هه‌يه بيرا خۆ لێ بينته‌ڤه؟
كَذَّبَتْ قَوْمُ لُوْطٍۣ بِالنُّذُرِ
ملله‌تێ لووطى دره‌و ب وان ئايه‌تێن خودێ كر يێن ئه‌و پێ هاتينه ترساندن.
اِنَّا٘ اَرْسَلْنَا عَلَيْهِمْ حَاصِبًا اِلَّا٘ اٰلَ لُوْطٍ نَجَّيْنٰهُمْ بِسَحَرٍ
هندى ئه‌مين مه به‌ر ل وان باراندن بنه‌مالا لووطى تێ نه‌بت، مه ئه‌و ل دويماهییا شه‌ڤێ ڕزگاركرن. وكانێ چاوا مه لووط وبنه‌مالا وى موكمكرن وقه‌نجى د گه‌ل كر، وئه‌و ژ عه‌زابا خۆ ڕزگار كرن..
نِّعْمَةً مِّنْ عِنْدِنَا كَذٰلِكَ نَجْزِيْ مَنْ شَكَرَ
وه‌سا ئه‌م خێرێ دده‌ينه وى يێ باوه‌رییێ ب مه بينت وسوپاسییا مه بكه‌ت.
وَلَقَدْ اَنْذَرَهُمْ بَطْشَتَنَا فَتَمَارَوْا بِالنُّذُرِ
و ب ڕاستى وى ملله‌تێ خۆ ژ عه‌زابا خودێ ترساندبوون، به‌لێ وان گوهدارییا وى نه‌كر، وگومان د وێ چه‌ندێ دا كر.
وَلَقَدْ رَاوَدُوْهُ عَنْ ضَيْفِهٖ فَطَمَسْنَا٘ اَعْيُنَهُمْ فَذُوْقُوْا عَذَابِيْ وَنُذُرِ
ووان خواست خرابییێ د گه‌ل مێهڤانێن وى يێن ملياكه‌ت بكه‌ن، ئينا مه چاڤێن وان ڕژاندن ڤێجا وان تشته‌ك نه‌ديت، ئێدى هوين تام بكه‌نه عه‌زابا من يا لووطى هوين ژێ ترساندين.
وَلَقَدْ صَبَّحَهُمْ بُكْرَةً عَذَابٌ مُّسْتَقِرٌّ
و ب ڕاستى ل سه‌رێ سحارێ عه‌زابه‌كا به‌رده‌وام ب سه‌ر وان دا هات و ب وان ڤه نويسيا، وئه‌و عه‌زاب باراندنا به‌ران بوو وده‌رنشيفكرنا گوندێن وان بوو.
فَذُوْقُوْا عَذَابِيْ وَنُذُرِ
ڤێجا هوين تام بكه‌نه وێ يا لووطى هوين ژێ ترساندين ووێ عه‌زابێ يا من ژ به‌ر كوفرا هه‌وه ب سه‌رێ هه‌وه ئيناى.
وَلَقَدْ يَسَّرْنَا الْقُرْاٰنَ لِلذِّكْرِ فَهَلْ مِنْ مُّدَّكِرٍ
و ب ڕاستى مه په‌يڤێن قورئانێ بۆ خواندنێ وژبه‌ركرنێ ومه‌عنايا وێ بۆ تێگه‌هشتنێ ب ساناهى كرينه، ڤێجا يه‌ك هه‌يه بيرا خۆ لێ بينته‌ڤه؟
وَلَقَدْ جَآءَ اٰلَ فِرْعَوْنَ النُّذُرُ
و ب ڕاستى ترساندنا مه بۆ فيرعه‌ونى ودويكه‌فتییێن وى هاتبوو كو عه‌زابا مه دێ ب سه‌ر وان دا ئێت ئه‌گه‌ر ئه‌و كافر ببن.
كَذَّبُوْا بِاٰيٰتِنَا كُلِّهَا فَاَخَذْنٰهُمْ اَخْذَ عَزِيْزٍ مُّقْتَدِرٍ
وان دره‌و ب هه‌مى وان ئايه‌تێن مه كر، ڤێجا مه ئه‌و عه‌زابدان ب عه‌زابا وى زالێ خودان شيان.
اَكُفَّارُكُمْ خَيْرٌ مِّنْ اُولٰٓئِكُمْ اَمْ لَكُمْ بَرَآءَةٌ فِي الزُّبُرِ
ئــه‌رێ ما كافرێن هه‌وه -گه‌لی قوره‌يشییان- ژ وان يێن مه به‌رێ سه‌را كافرییا وان تێبرين دچێترن، يان به‌ريبوونه‌كا ژ عه‌زابا خودێ بۆ هه‌وه د وان كتێبان دا هاتییه يێن خودێ بۆ پێغه‌مبه‌ران هنارتين؟
اَمْ يَقُوْلُوْنَ نَحْنُ جَمِيْعٌ مُّنْتَصِرٌ
يان ئه‌و دبێژن: ئه‌م خودان بير وبۆچوونين وئه‌م هه‌مى ل سه‌ر يه‌ك كارى دكۆمبووينه، له‌و ئه‌م كۆمه‌كين قه‌ت نائێته شكاندن وكه‌س نه‌شێتێ؟
سَيُهْزَمُ الْجَمْعُ وَيُوَلُّوْنَ الدُّبُرَ
كۆما كافرێن (مه‌كه‌هێ) به‌رانبه‌ر خودان باوه‌ران دێ ئێته‌شكاندن، وئه‌و دێ پشت ده‌ن وڕه‌ڤن، وئه‌ڤه ل (به‌درێ) چێبوو.
بَلِ السَّاعَةُ مَوْعِدُهُمْ وَالسَّاعَةُ اَدْهٰي وَاَمَرُّ
وقيامه‌ت ژڤانێ وانه يێ ئه‌و تێدا دئێنه جزادان ب جزايه‌كێ ئه‌و ژ هه‌ژى، وقيامه‌ت مه‌زنتر ودژوارتره ژ وێ عه‌زابێ يا ل (به‌درێ) هاتییه سه‌رێ وان.
اِنَّ الْمُجْرِمِيْنَ فِيْ ضَلٰلٍ وَّسُعُرٍ
هندى تاوانبارن ژ حه‌قییێ دبه‌رزه‌نه وئه‌و د نه‌خۆشى وعه‌زابێ دانه.
يَوْمَ يُسْحَبُوْنَ فِي النَّارِ عَلٰي وُجُوْهِهِمْ ذُوْقُوْا مَسَّ سَقَرَ
ڕۆژا ئه‌و د ئاگرى دا ل سـه‌ر ڕوییان د ئێنه كێشان، وبۆ وان دئێته گۆتن: تام بكه‌نه دژوارییا عه‌زابا جه‌هنه‌مێ.
اِنَّا كُلَّ شَيْءٍ خَلَقْنٰهُ بِقَدَرٍ
هندى ئه‌مين هه‌ر تشته‌كێ هه‌ى مه ب پيڤانه‌كێ ئافراندییه، وئه‌م پێ دزاناينه.
وَمَا٘ اَمْرُنَا٘ اِلَّا وَاحِدَةٌ كَلَمْحٍۣ بِالْبَصَرِ
وهه‌ما كار وفه‌رمانا مه بۆ وى تشتێ مه دڤێت بكه‌ين په‌يڤه‌كا ب تنێ‌یه، ئه‌م دبێژينێ: (ببه)، ڤێجا ئه‌و د ده‌مه‌كێ هندى چاڤ هه‌لينه‌كێ دا دبت، وناڤه‌مينت.
وَلَقَدْ اَهْلَكْنَا٘ اَشْيَاعَكُمْ فَهَلْ مِنْ مُّدَّكِرٍ
و ب ڕاستى مه ئه‌وێن وه‌كى هه‌وه دكافر ژ ملله‌تێن به‌رێ تێبربوون، ڤێجا يه‌ك هه‌يه بيرا خۆ ل وێ عه‌زابێ بينته‌ڤه يا ب سه‌رێ وان هاتى؟
وَكُلُّ شَيْءٍ فَعَلُوْهُ فِي الزُّبُرِ
وهه‌ر تشته‌كێ وان كرى د وان كتێبان دا يێ نڤيسییه يێن ملياكه‌ت دنڤيسن.
وَكُلُّ صَغِيْرٍ وَّكَبِيْرٍ مُّسْتَطَرٌ
وهه‌ر كاره‌كێ وان كرى چ يێ بچويك بت چ يێ مه‌زن د كيتابێن وان دا يێ نڤيسییه، وئه‌و دێ پێ ئێنه جزادان.
اِنَّ الْمُتَّقِيْنَ فِيْ جَنّٰتٍ وَّنَهَرٍ
هندى ته‌قوادارن د به‌حه‌شتێن مه‌زن وڕويبارێن به‌رفره‌هـ دانه.
فِيْ مَقْعَدِ صِدْقٍ عِنْدَ مَلِيْكٍ مُّقْتَدِرٍ
د ديوانخانه‌يێن حه‌ق دانه، يێن چو له‌غوه وگونه‌هـ تێدا نه‌بن ل نك خودێ پادشاهێ مه‌زن، ئافرانده‌رێ هه‌مى تشتان، يێ خودان شيان ل سه‌ر هه‌ر تشته‌كى.