وَالنَّجْمِ اِذَا هَوٰي
خودێ ب ستێرا پێرۆيێ سويند دخۆت ده‌مێ ئاڤا دبت.
مَا ضَلَّ صَاحِبُكُمْ وَمَا غَوٰي
كو موحه‌ممه‌د ژ ڕێكا هيدايه‌تێ وحه‌قییێ ده‌رنه‌كه‌فتییه، ودسه‌ردا نه‌چوويه، به‌لكى ئه‌و يێ سه‌رڕاست وڕێ دورسته.
وَمَا يَنْطِقُ عَنِ الْهَوٰي
وئه‌و ژ نك خۆ نائاخڤت.
اِنْ هُوَ اِلَّا وَحْيٌ يُّوْحٰي
ئه‌و ئاخفتنا ئه‌و دبێژیت كو قورئانه و حه‌دیسه وه‌حیه ژ نك خودێ ته‌عالا خودێ یه ئه‌ڤێ وه‌حیێ بو پێغه‌مبه‌رێ خو دهنێریت.
عَلَّمَهٗ شَدِيْدُ الْقُوٰي
ئه‌وى ملياكه‌تێ هێزدژوار كو جبريله، موحه‌ممه‌د يێ فێركرى.
ذُوْ مِرَّةٍ فَاسْتَوٰي
ئه‌و ملیاكه‌تێ ڕه‌نگ جوان ل سه‌ر ڕه‌نگێ خۆ يێ دورست بۆ پێغه‌مبه‌رى ئاشكه‌را بوو.
وَهُوَ بِالْاُفُقِ الْاَعْلٰي
ل ئاسۆيێ بلندتر جهێ ڕۆژ لێ دهه‌لێت ل سه‌ر ڕه‌نگێ خۆ يێ دورست بۆ پێغه‌مبه‌رى ئاشكه‌را بوو.
ثُمَّ دَنَا فَتَدَلّٰي
پاشى جبريل نێزيكى پێغه‌مبه‌رى بووى.
فَكَانَ قَابَ قَوْسَيْنِ اَوْ اَدْنٰي
وهێشتا نێزيكتر لێ هاتى حه‌تا هندى دويراتییا دوكڤانان يان كێمتر ئه‌و نێزيكى وى بووى.
فَاَوْحٰ٘ي اِلٰي عَبْدِهٖ مَا٘ اَوْحٰي
ڤێجا خودێ ب ڕێكا جبريلی وه‌حى بۆ به‌نییێ خۆ موحه‌ممه‌دى هنارت.
مَا كَذَبَ الْفُؤَادُ مَا رَاٰي
دلێ موحه‌ممه‌دى قه‌ت د وى تشتێ وى ديتى دا دره‌و نه‌كرییه.
اَفَتُمٰرُوْنَهٗ عَلٰي مَا يَرٰي
ئه‌رێ هوين موحه‌ممه‌دى دره‌وين ده‌رتێخن، وهه‌ڤڕكییێ د گه‌ل وى د وى تشتى دا دكه‌ن يــێ وى ديتى ژ ئايه‌تێن خودايێ خـۆ؟
وَلَقَدْ رَاٰهُ نَزْلَةً اُخْرٰي
و ب ڕاسـتـى موحه‌ممه‌دى جاره‌كا دى ژى جبريل ديتبوو.
عِنْدَ سِدْرَةِ الْمُنْتَهٰي
ل نك دارا سيدرێ يا دويماهییێ ل عه‌سمانێ حه‌فتێ، يا كو تشتێ ژ عه‌ردى بلند دبت دگه‌هته وێرێ، وتشتێ د سه‌ر دا ژى دئێته وێرێ.
عِنْدَهَا جَنَّةُ الْمَاْوٰي
به‌حه‌شتا (مه‌ئوايێ) يا ژڤان پێ بۆ ته‌قواداران هاتییه دان ل نك وى جهییه.
اِذْ يَغْشَي السِّدْرَةَ مَا يَغْشٰي
ده‌مێ ئه‌و تشتێ مه‌زن يێ ب تنێ خودێ پێ دزانت ژ فه‌رمانا وى ب سه‌ر وێ دارا سيدرێ دا دئێت.
مَا زَاغَ الْبَصَرُ وَمَا طَغٰي
وپێغه‌مبه‌ر د موكمى وگوهدارییا خۆ دا خودانێ سالۆخه‌ته‌كێ مه‌زن بوو، وى به‌رێ خۆ نه بۆ چه‌پێ نه بۆ ڕاستێ وه‌رنه‌گێڕا بوو، وئه‌وى زێده گاڤى ل سه‌ر وى تشتى نه‌كربوو يێ فه‌رمان ب ديتنا وى لێ هاتییه‌كرن.
لَقَدْ رَاٰي مِنْ اٰيٰتِ رَبِّهِ الْكُبْرٰي
ب ڕاستى موحه‌ممه‌دى ل شه‌ڤا معراجێ ئايه‌تێن خودايێ خۆ يێن مه‌زن ديتبوون وه‌كى به‌حه‌شتێ وجه‌هنه‌مێ يێن كو دبنه نيشان ل سه‌ر مه‌زنى وشيانا خودێ.
اَفَرَءَيْتُمُ اللّٰتَ وَالْعُزّٰي
ئه‌رێ ڤێجا هه‌وه -گه‌لی بوتپه‌رێسان- ئه‌ڤ خوداوه‌نده ديتينه يێن هوين په‌رستنێ بۆ دكه‌ن: لات وعوززا.
وَمَنٰوةَ الثَّالِثَةَ الْاُخْرٰي
ومه‌ناتێ سییێ، ئه‌رێ وان مفايه‌ك يان زيانه‌ك گه‌هاندییه هه‌وه دا هه‌ژى هندێ ببن كو ببنه شريك بۆ خودێ؟
اَلَكُمُ الذَّكَرُ وَلَهُ الْاُنْثٰي
ئه‌رێ هوين وى كوڕێ هه‌وه دڤێت بۆ خۆ ددانن، وئه‌و كچێن هه‌وه بۆ خۆ نه‌ڤێن هوين بۆ خودێ ددانن.
تِلْكَ اِذًا قِسْمَةٌ ضِيْزٰي
ب ڕاستى ئه‌و لێكڤه‌كرنه‌كه دادى تێدا نينه.
اِنْ هِيَ اِلَّا٘ اَسْمَآءٌ سَمَّيْتُمُوْهَا٘ اَنْتُمْ وَاٰبَآؤُكُمْ مَّا٘ اَنْزَلَ اللّٰهُ بِهَا مِنْ سُلْطٰنٍ اِنْ يَّتَّبِعُوْنَ اِلَّا الظَّنَّ وَمَا تَهْوَي الْاَنْفُسُ وَلَقَدْ جَآءَهُمْ مِّنْ رَّبِّهِمُ الْهُدٰي
هه‌ما ئه‌ڤ صه‌نه‌مه هنده‌ك ناڤن چو سالۆخه‌تێن كه‌مالێ بۆ نينن، هه‌وه وبابێن هه‌وه ل دويڤ دلێ خۆ ئه‌و يێن پێ ناڤكرين، خودێ چو ده‌ليل پێ نه‌ئيناينه خوارێ ڕاستییا گۆتنا هه‌وه به‌رچاڤ بكه‌ت. هه‌ما ئه‌ڤ بوتپه‌رێسه ب تنێ دويچوونا هزر وته‌خـمينان دكه‌ن، و ب دويڤ دلچوونێن خۆ يێن خه‌له‌ت دكه‌ڤن، و ب ڕاستى ئه‌و بۆ وان ژ نك خودايێ وان هاتییه يێ هيدايه‌تا وان تێدا، به‌لێ وان چو مفا بۆ خۆ ژێ نه‌ديت.
اَمْ لِلْاِنْسَانِ مَا تَمَنّٰي
ئه‌و مه‌هده‌را مرۆڤ بۆ دلێ خۆ ژ ڤان خوداوه‌ندان دخوازت ب جهـ نائێت.
فَلِلّٰهِ الْاٰخِرَةُ وَالْاُوْلٰي
و د دنيايێ وئاخره‌تێ دا فه‌رمان يا خودێ‌یه.
وَكَمْ مِّنْ مَّلَكٍ فِي السَّمٰوٰتِ لَا تُغْنِيْ شَفَاعَتُهُمْ شَيْــًٔا اِلَّا مِنْۣ بَعْدِ اَنْ يَّاْذَنَ اللّٰهُ لِمَنْ يَّشَآءُ وَيَرْضٰي
ومه‌هده‌را گه‌له‌ك ملياكه‌تان ل عه‌سمانان د گه‌ل پێكێن وان يێن بلند ژى ب تشته‌كى مفاى ناده‌ت حه‌تا خودێ ده‌ستويرییێ ب مه‌هده‌رێ بۆ وان نه‌ده‌ت، و ژ وى ڕازى نه‌بت يێ مه‌هده‌ر بۆ دئێته‌كرن.
اِنَّ الَّذِيْنَ لَا يُؤْمِنُوْنَ بِالْاٰخِرَةِ لَيُسَمُّوْنَ الْمَلٰٓئِكَةَ تَسْمِيَةَ الْاُنْثٰي
هندى ئه‌و بوتپه‌رێسێن عه‌ره‌بانه يێن باوه‌رییێ ب ڕۆژا دويماهییێ نائينن وكارى بۆ ناكه‌ن ب ناڤێ مێیان فريشته‌يان ب ناڤ دكه‌ن؛ ژ به‌ر كو ئه‌و ژ نه‌زانين هزر دكه‌ن كو فريشته دمێنه، وئه‌و كچێن خودێنه.
وَمَا لَهُمْ بِهٖ مِنْ عِلْمٍ اِنْ يَّتَّبِعُوْنَ اِلَّا الظَّنَّ وَاِنَّ الظَّنَّ لَا يُغْنِيْ مِنَ الْحَقِّ شَيْــًٔا
ووان چو زانينێن دورست ب ڤێ چه‌ندێ نينن ڕاستییا گۆتنا وان ئاشكه‌را بكه‌ن، هه‌ما ب تنێ ئه‌و دويچوونا هزر وته‌خـمينێن بێ مفا دكه‌ن، يێن كو چو جاران جهێ حه‌قییێ ناگرن.
فَاَعْرِضْ عَنْ مَّنْ تَوَلّٰي عَنْ ذِكْرِنَا وَلَمْ يُرِدْ اِلَّا الْحَيٰوةَ الدُّنْيَا
ڤێجا تو به‌رێ خۆ ژ وى وه‌رگێڕه يێ پشت دايه بيرئينانا مه، كو قورئانه، و ژ ژينا دنيايێ پێڤه‌تر چو تشته‌كێ دى نه‌ڤياى.
ذٰلِكَ مَبْلَغُهُمْ مِّنَ الْعِلْمِ اِنَّ رَبَّكَ هُوَ اَعْلَمُ بِمَنْ ضَلَّ عَنْ سَبِيْلِهٖ وَهُوَ اَعْلَمُ بِمَنِ اهْتَدٰي
ئه‌ڤا ئه‌و ل سه‌ر هه‌مى زانين وئارمانجا وانه. هندى خودايێ ته‌يه ئه‌و ب وى زاناتره يێ ژ ڕێكا هيدايه‌تێ ده‌ركه‌فتى، وئه‌و ب وى زاناتره يێ ب هيدايه‌ت هاتى وڕێكا ئيسلامێ گرتى.
وَلِلّٰهِ مَا فِي السَّمٰوٰتِ وَمَا فِي الْاَرْضِ لِيَجْزِيَ الَّذِيْنَ اَسَآءُوْا بِمَا عَمِلُوْا وَيَجْزِيَ الَّذِيْنَ اَحْسَنُوْا بِالْحُسْنٰي
وملكێ هه‌ر تشته‌كێ ل عه‌سمانان وهه‌ر تشته‌كێ ل عه‌ردى يێ خودێ‌یه؛ دا ئه‌و ب عه‌زابدانێ جزايێ خرابكاران بده‌ت ژ به‌ر خرابییێن وان كرين، و ب به‌حه‌شتێ جزايێ باشان بده‌ت.
اَلَّذِيْنَ يَجْتَنِبُوْنَ كَبٰٓئِرَ الْاِثْمِ وَالْفَوَاحِشَ اِلَّا اللَّمَمَ اِنَّ رَبَّكَ وَاسِعُ الْمَغْفِرَةِ هُوَ اَعْلَمُ بِكُمْ اِذْ اَنْشَاَكُمْ مِّنَ الْاَرْضِ وَاِذْ اَنْتُمْ اَجِنَّةٌ فِيْ بُطُوْنِ اُمَّهٰتِكُمْ فَلَا تُزَكُّوْ٘ا اَنْفُسَكُمْ هُوَ اَعْلَمُ بِمَنِ اتَّقٰي
وئه‌و باش ئه‌ون يێن خۆ ژ گونه‌هێن مه‌زن وكرێتییان دده‌نه پاش گونه‌هێن بچويك نه‌بن يێن خودان ڕژدییێ ل سه‌ر نه‌كه‌ت، يان هنده‌ك جارێن كێم دكه‌ت، ئه‌ڤان د گه‌ل كرنا واجباتان وخۆ دويركرنا ژ حه‌رامییێ، خودێ بۆ وان ژێ دبه‌ت ووان ستاره دكه‌ت، هندى خودايێ ته‌يه لێبۆرينا وى يا به‌رفره‌هه، ئه‌و ب حالێ هه‌وه زاناتره ده‌مێ وى بابێ هه‌وه ئاده‌م ژ ئاخێ ئافراندى، وده‌مێ هوين د زكێن دايكێن خۆ دا، ڤێجا هوين مه‌دحێن خۆ ب ته‌قوادارییێ نه‌كه‌ن، ئه‌و ب وى زاناتره يێ ته‌قواكرى ژ به‌نییێن وى.
اَفَرَءَيْتَ الَّذِيْ تَوَلّٰي
ئه‌رێ ڤێجا ته -ئه‌ى موحه‌ممه‌د- ئه‌و ديتییه يێ پشت دايه ئه‌مرێ خودێ.
وَاَعْطٰي قَلِيْلًا وَّاَكْدٰي
وهنده‌كا كێم ژ مالێ خۆ ب خێر داى، پاشى ده‌ستێ خۆ ژ دانێ گرتى وقه‌نجییا خۆ بڕى؟
اَعِنْدَهٗ عِلْمُ الْغَيْبِ فَهُوَ يَرٰي
ئه‌رێ علمێ غه‌يبێ ل نك ڤى يێ ده‌ستێ خۆ ژ دانێ گرتى هه‌يه ڤێجا ئه‌و دزانت كو مالێ وى هه‌مى دێ خلاس بت له‌و وى خێرێن خۆ ڕاوه‌ستاندن، ڤێجا ئه‌و وێ چه‌ندێ ب چاڤ دبينت؟ وه نينه، به‌لكى وى ژ قه‌لسى وچڕيكییا خۆ خێرێن خۆ ڤه‌بڕين.
اَمْ لَمْ يُنَبَّاْ بِمَا فِيْ صُحُفِ مُوْسٰي
يان ما بۆ وى به‌حسێ وێ نه‌هاتییه كرن يا د ته‌ورات وصوحوفێن موسای دا هاتى.
وَاِبْرٰهِيْمَ الَّذِيْ وَفّٰ٘ي
وصوحوفێن ئیبڕاهیمی ئه‌و ئيبراهيمێ وه‌فادارى كرى وئه‌و په‌يام گه‌هاندى يا فه‌رمان پێ لێ هاتییه كرن؟
اَلَّا تَزِرُ وَازِرَةٌ وِّزْرَ اُخْرٰي
كو نه‌فسه‌ك ب گونه‌ها نه‌فسه‌كا دى نائێته‌گرتن.
وَاَنْ لَّيْسَ لِلْاِنْسَانِ اِلَّا مَا سَعٰي
هه‌ر يه‌ك بارێ خۆ هل دگرت، وخێرا تشته‌كى ناگه‌هته مرۆڤه‌كى ئه‌گه‌ر ئه‌و نه‌بت يێ وى ب كه‌دا خۆ بۆ خۆ كرى.
وَاَنَّ سَعْيَهٗ سَوْفَ يُرٰي
وكو كه‌دا وى كرى پاشى ل ئاخره‌تێ دێ ئێته ديتن، وباشى ژ خرابییێ دێ ئێته ڤه‌وژارتن؛ دا يێ باش قه‌درێ وى بێته‌گرتن، ويێ خراب بێته‌شكاندن.
ثُمَّ يُجْزٰىهُ الْجَزَآءَ الْاَوْفٰي
پاشى جزايێ مرۆڤى سه‌را كه‌دا وى ب دورستى دێ ئێته‌دان.
وَاَنَّ اِلٰي رَبِّكَ الْمُنْتَهٰي
وكو دويماهییا خه‌لكى هه‌مییێ ل ڕۆژا قيامه‌تێ بۆ نك خودايێ ته‌يه -ئه‌ى موحه‌ممه‌د-.
وَاَنَّهٗ هُوَ اَضْحَكَ وَاَبْكٰي
وكو خودێ‌یه يێ ئه‌و مرۆڤ د دنيايێ دا كه‌ناندى ودل خۆش كرى يێ وى بڤێت، وئه‌و گراندى ودل نه‌خۆش كرى يێ وى بڤێت.
وَاَنَّهٗ هُوَ اَمَاتَ وَاَحْيَا
وئه‌وه يێ ئه‌و مراندى يێ وى بڤێت، وئه‌و زێنديكرى يێ وى بڤێت؛ چونكى مرن وژين ب ده‌ستێ وى ب تنێ‌یه.
وَاَنَّهٗ خَلَقَ الزَّوْجَيْنِ الذَّكَرَ وَالْاُنْثٰي
وئه‌وه نێر ومێ ژ مرۆڤ وحه‌يوانان ئافراندين.
مِنْ نُّطْفَةٍ اِذَا تُمْنٰي
ژ چپكه‌كا ئاڤا د مالبچويكى دا دئێته‌ڕێتـن.
وَاَنَّ عَلَيْهِ النَّشْاَةَ الْاُخْرٰي
وكو ئافراندنا خه‌لكى پشتى مرنێ ل ڕۆژا قيامه‌تێ ل سه‌ر خودايێ ته‌يه.
وَاَنَّهٗ هُوَ اَغْنٰي وَاَقْنٰي
وئه‌وه يێ ئه‌و ب مالی زه‌نگين كرى يـێ وى دڤـێـت ژ بـه‌نییێن خۆ، وپـێ ڕازى كرى.
وَاَنَّهٗ هُوَ رَبُّ الشِّعْرٰي
وئه‌وه خودايێ ستێرا شيعرايێ ئه‌وا د جاهليه‌تێ دا هنده‌ك كه‌سان دپه‌رێسى.
وَاَنَّهٗ٘ اَهْلَكَ عَادَا اِۨلْاُوْلٰي
وئه‌وه يێ عادییێن يه‌كێ، كو ملله‌تێ هوودى بوون، تێبرين.
وَثَمُوْدَا۠ فَمَا٘ اَبْقٰي
وثه‌موود، كو ملله‌تێ صالحى بوون، تێبرين وكه‌س ژ وان نه‌هێلاين.
وَقَوْمَ نُوْحٍ مِّنْ قَبْلُ اِنَّهُمْ كَانُوْا هُمْ اَظْلَمَ وَاَطْغٰي
ووى به‌رى وان ملله‌تێ نووحى ژى تێبربوون. ئه‌ڤه دكافرتر بوون ژ وان يێن پشتى وان هاتين.
وَالْمُؤْتَفِكَةَ اَهْوٰي
وباژێرێن ملله‌تێ لووطى خودێ ل سه‌ر وان ده‌رنشيف كربوون.
فَغَشّٰىهَا مَا غَشّٰي
وئه‌و به‌ر ب سه‌ردا باراندن يێن باراندين.
فَبِاَيِّ اٰلَآءِ رَبِّكَ تَتَمَارٰي
ڤێجا تو -ئه‌ى مرۆڤێ دره‌وپـێـكـه‌ر- د كــيــژ قــه‌نـجـیـیـێن خودايێ خۆ دا دكه‌ڤییه گومانێ؟
هٰذَا نَذِيْرٌ مِّنَ النُّذُرِ الْاُوْلٰي
ئه‌ڤه موحه‌ممه‌ده -سلاڤ لێ بن- ب وێ حه‌قییێ هه‌وه دترسينت يا پێغه‌مبه‌ران به‌رێ ترساندن پێ كرى، وئه‌و نه يه‌كه‌مين پێغه‌مبه‌ره ئـه‌ڤ چه‌نده كرى.
اَزِفَتِ الْاٰزِفَةُ
ڕۆژا قيامه‌تێ نێزيك بوويه بێت.
لَيْسَ لَهَا مِنْ دُوْنِ اللّٰهِ كَاشِفَةٌ
ڤێجا ژ خودێ پێڤه‌تر چو كه‌س نابن وێ پال بده‌ن، و ژ وى پێڤه‌تر كه‌س نزانت كانێ ده‌مێ هاتنا وێ كه‌نگییه.
اَفَمِنْ هٰذَا الْحَدِيْثِ تَعْجَبُوْنَ
ئه‌رێ ڤێجا هوين -ئه‌ى گه‌لی بوتپه‌رێسان- ژ ڤێ گۆتنێ عه‌جێبگرتى دبن كو ئه‌و يا دورست بت.
وَتَضْحَكُوْنَ وَلَا تَبْكُوْنَ
وهوين بۆ تڕانه‌كرن پێ دكه‌نه كه‌نى، وهوين ژ ترسێن گه‌فا وێ دا ناگرين.
وَاَنْتُمْ سٰمِدُوْنَ
وهوين ژێ دموژيلن وپشت دده‌نێ؟
فَاسْجُدُوْا لِلّٰهِ وَاعْبُدُوْا
ڤێجا هوين بۆ خودێ هه‌ڕنه سوجدێ وپه‌رستنا وى ب تنێ بكه‌ن، وخۆ بهێلنه ب هيڤییا وى ڤه.