وَالطُّوْرِ
خودێ سويند ب طوورى خوارییه، كو ئه‌و چيايه يێ خودێ ل سه‌ر د گه‌ل مووساى ئاخفتى.
وَكِتٰبٍ مَّسْطُوْرٍ
و ب كيتابا هاتییه نڤيسين، كو قورئانه.
فِيْ رَقٍّ مَّنْشُوْرٍ
د به‌رپه‌ڕێن به‌لاڤكرى دا.
وَّالْبَيْتِ الْمَعْمُوْرِ
و ب به‌يتا ئاڤاكرى ل عه‌سمانى ئه‌وا ملياكه‌تێن ب قه‌در هه‌ر ده‌م طه‌وافێ ل دۆر دكه‌ن.
وَالسَّقْفِ الْمَرْفُوْعِ
و ب بانێ بلندكرى كو عه‌سمانێ دنيايێیه.
وَالْبَحْرِ الْمَسْجُوْرِ
و ب ده‌ريايا تژى ئاڤ يا ئاگر ل بن هاتییه هلكرن.
اِنَّ عَذَابَ رَبِّكَ لَوَاقِعٌ
هندى عه‌زابا خودايێ ته‌يه -ئه‌ى موحه‌ممه‌د- هه‌ر دێ ب سه‌ر كافران دا ئێت.
مَّا لَهٗ مِنْ دَافِعٍ
وگاڤا ئه‌و هات كه‌سه‌ك نابت وێ بزڤڕينت.
يَّوْمَ تَمُوْرُ السَّمَآءُ مَوْرًا
ڕۆژا عه‌سمان دهژيێت وسه‌روبه‌رێ وى دئێته تێكدان وپرتێن وى دلڤلڤن.
وَّتَسِيْرُ الْجِبَالُ سَيْرًا
ده‌مێ ژينا دنيايێ ب دويماهى دئێت، وچيا ژ جهێن خۆ دچن، ووه‌كى عه‌وران ب ڕێڤه دچن.
فَوَيْلٌ يَّوْمَئِذٍ لِّلْمُكَذِّبِيْنَ
ڤێجا وێ ڕۆژێ تێچوون بۆ وان دره‌وپێكه‌رانه يێن ده‌ست دده‌نه نه‌حه‌قییێ وخۆ پێڤه موژيل دكه‌ن.
الَّذِيْنَ هُمْ فِيْ خَوْضٍ يَّلْعَبُوْنَ
ودينێ خۆ دكه‌نه يارى وتڕانه.
يَوْمَ يُدَعُّوْنَ اِلٰي نَارِ جَهَنَّمَ دَعًّا
ڕۆژا ئه‌ڤ دره‌وپێكه‌ره ب دژوارى بۆ ئاگرێ جه‌هنه‌مێ دئێنه پالدان.
هٰذِهِ النَّارُ الَّتِيْ كُنْتُمْ بِهَا تُكَذِّبُوْنَ
وبۆ شكاندن وڕه‌زيلكرنا وان بۆ وان دئێته گۆتن: ئه‌ڤه ئه‌و ئاگره يێ هه‌وه دره‌و پێ دكر.
اَفَسِحْرٌ هٰذَا٘ اَمْ اَنْتُمْ لَا تُبْصِرُوْنَ
ئه‌رێ ما ئه‌ڤ عه‌زابا هوين دبينن سێره‌به‌ندییه يان هوين نابينن؟
اِصْلَوْهَا فَاصْبِرُوْ٘ا اَوْ لَا تَصْبِرُوْا سَوَآءٌ عَلَيْكُمْ اِنَّمَا تُجْزَوْنَ مَا كُنْتُمْ تَعْمَلُوْنَ
هوين تام بكه‌نه گه‌رما ڤى ئاگرى، ڤێجا هه‌وه دڤێت بێهنا خۆ ل سه‌ر نه‌خۆشییا وى فره‌هـ بكه‌ن، هـه‌وه دڤێت فره‌هـ نه‌كه‌ن، عه‌زاب ل سه‌ر هه‌وه نائێته سڤككرن، وهوين ژێ ده‌رناكه‌ڤن، وبۆ هه‌وه وه‌كى يه‌كه هوين بێهنا خۆ فره‌هـ بكه‌ن يان نه هه‌ما جزايێ وى كارى بۆ هه‌وه دێ ئێته‌دان يێ هه‌وه د دنيايێ دا دكر.
اِنَّ الْمُتَّقِيْنَ فِيْ جَنّٰتٍ وَّنَعِيْمٍ
هندى ته‌قوادارن د به‌حه‌شت وخۆشییێن مه‌زن دانه.
فٰكِهِيْنَ بِمَا٘ اٰتٰىهُمْ رَبُّهُمْ وَوَقٰىهُمْ رَبُّهُمْ عَذَابَ الْجَحِيْمِ
ئه‌و خۆشییێ ب وێ قه‌نجییێ دبه‌ن يا خودايێ وان دايه وان، وكو وى ئه‌و ژ عه‌زابا ئاگرى ڕزگاركرين.
كُلُوْا وَاشْرَبُوْا هَنِيْٓــًٔاۣ بِمَا كُنْتُمْ تَعْمَلُوْنَ
هوين خوارن وڤه‌خوارنه‌كا خۆش بخۆن؛ ژ به‌ر وان كريارێن چاك يێن هه‌وه د دنيايێ دا كرين.
مُتَّكِـِٕيْنَ عَلٰي سُرُرٍ مَّصْفُوْفَةٍ وَزَوَّجْنٰهُمْ بِحُوْرٍ عِيْنٍ
وئه‌و ل سه‌ر ته‌ختان وبه‌رانبه‌رى يه‌ك دپالداينه، ومه هنده‌ك ژنێن سپى وچاڤ گر وجوان دانه وان.
وَالَّذِيْنَ اٰمَنُوْا وَاتَّبَعَتْهُمْ ذُرِّيَّتُهُمْ بِاِيْمَانٍ اَلْحَقْنَا بِهِمْ ذُرِّيَّتَهُمْ وَمَا٘ اَلَتْنٰهُمْ مِّنْ عَمَلِهِمْ مِّنْ شَيْءٍ كُلُّ امْرِيـٍۣٔ بِمَا كَسَبَ رَهِيْنٌ
وئه‌وێن باوه‌رى ئيناى ودوونده‌ها وان د باوه‌رییێ دا ب دويڤ وان كه‌فتين، مه ل جهێن وان ل به‌حه‌شتێ دوونده‌ها وان ب وان ڕا گه‌هاند، هه‌رچه‌نده ئه‌و ب كريارێن خۆ نه‌گه‌هشتبوونه ده‌ره‌جه‌يێن وان؛ دا باب ب ديتنا عه‌يالان ل نك خۆ چاڤ ڕوهن ببن، ڤێجا ب جوانترين ڕه‌نگ ئه‌و دێ گه‌هنه يه‌ك، ومه تشته‌ك ژ خێرا كريارێن وان ژ وان كێم نه‌كر. هه‌ر مرۆڤه‌ك د گه‌ره‌وا كه‌دا خۆ دايه، وئه‌و گونه‌ها كه‌سه‌كێ دى هل ناگرت.
وَاَمْدَدْنٰهُمْ بِفَاكِهَةٍ وَّلَحْمٍ مِّمَّا يَشْتَهُوْنَ
ومه گه‌له‌ك ڕه‌نگێن فێقى وگۆشتێ خۆش يێ دل دچتێ ل وان زێده كر.
يَتَنَازَعُوْنَ فِيْهَا كَاْسًا لَّا لَغْوٌ فِيْهَا وَلَا تَاْثِيْمٌ
وئه‌و په‌رداغێن مه‌يێ يێن ئه‌و ل سه‌ر يه‌ك ودو دگێڕن ژ ڤێ قه‌نجیێ‌یه، وئه‌ڤ ڤه‌خوارنه وه‌كى مه‌يا دنيايێ نينه، خودانى بێ هش ناكه‌ت، ووه لێ ناكه‌ت ئه‌و له‌غوێ بكه‌ت، وگۆتنێن ب گونه‌هـ ونه‌دورست بێژت.
وَيَطُوْفُ عَلَيْهِمْ غِلْمَانٌ لَّهُمْ كَاَنَّهُمْ لُؤْلُؤٌ مَّكْنُوْنٌ
وهنده‌ك كوڕكێن بۆ خلمه‌تا وان هاتينه ئاماده‌كرن ل سه‌ر وان دگه‌ڕيێن، ئه‌و د سپياتى وزه‌لالییا خۆ دا وه‌كى لوئلوئێن ڤه‌شارتى وپاراستينه.
وَاَقْبَلَ بَعْضُهُمْ عَلٰي بَعْضٍ يَّتَسَآءَلُوْنَ
وخه‌لكێ به‌حه‌شتێ هاتن، هنده‌ك ژ وان پسيارێ ژ هنده‌كان دكه‌ن كانێ ئه‌و ژ به‌ر چ د ڤێ قه‌نجییا مه‌زن دانه؟
قَالُوْ٘ا اِنَّا كُنَّا قَبْلُ فِيْ٘ اَهْلِنَا مُشْفِقِيْنَ
وان گۆت: هندى ئه‌م بووين -به‌رێ د دنيايێ دا- ده‌مێ ئه‌م ل نك مرۆڤێن خۆ، ئه‌م ژ خودايێ خۆ دترساين، وئه‌م دترساين ئه‌و ل ڕۆژا قيامه‌تێ مه عه‌زاب بده‌ت.
فَمَنَّ اللّٰهُ عَلَيْنَا وَوَقٰىنَا عَذَابَ السَّمُوْمِ
ڤێجا خودێ مننه‌ت ب هيدايه‌تێ ل مه كر، ووى ئه‌م ژ عه‌زابا گه‌رم ونه‌خۆشییا ئاگرى پاراستين.
اِنَّا كُنَّا مِنْ قَبْلُ نَدْعُوْهُ اِنَّهٗ هُوَ الْبَرُّ الرَّحِيْمُ
هندى ئه‌م بووين مه به‌رێ هاوارێن خۆ دگه‌هاندنه وى ب تنێ ومه چو شريك بۆ وى چێ نه‌دكرن پێخه‌مه‌ت كو ئه‌و مه ژ عه‌زابا ئاگرى ڕزگار بكه‌ت ومه ببه‌ته به‌حه‌شتێ، ڤێجا ئه‌و د به‌رسڤا مه هات وداخوازا مه بۆ مه ب جهـ ئينا، هندى ئه‌وه ئه‌و باشكارێ دلۆڤانكاره.
فَذَكِّرْ فَمَا٘ اَنْتَ بِنِعْمَتِ رَبِّكَ بِكَاهِنٍ وَّلَا مَجْنُوْنٍ
ڤێجا تو -ئه‌ى موحه‌ممه‌د- ب قورئانێ بيرا وان بينه‌ڤه يێن تو بۆ هاتییه هنارتن، هندى تويى ب ڤێ قه‌نجییا خودايێ ته دگه‌ل ته كرى وپێغه‌مبه‌رينى وعه‌قله‌كێ تمام دايه ته تو نه خێڤزانكى ژ به‌ر دئاخڤى، ونه يێ دينى وه‌كى ئه‌و ژ دره‌و دبێژن.
اَمْ يَقُوْلُوْنَ شَاعِرٌ نَّتَرَبَّصُ بِهٖ رَيْبَ الْمَنُوْنِ
يان بوتپه‌رێس دبێژنه ته -ئه‌ى موحه‌ممه‌د-: تو شاعرى ئه‌مێ ل هيڤییا مرنا ته؟
قُلْ تَرَبَّصُوْا فَاِنِّيْ مَعَكُمْ مِّنَ الْمُتَرَبِّصِيْنَ
تو بێژه وان: هوين ل هيڤییا مرنا من بن ئه‌ز ژى دێ ل هيڤییێ بم عه‌زاب بگه‌هته هه‌وه، وهوين دێ بينن كانێ دويماهى دێ بۆ كێ بت.
اَمْ تَاْمُرُهُمْ اَحْلَامُهُمْ بِهٰذَا٘ اَمْ هُمْ قَوْمٌ طَاغُوْنَ
نێ عه‌قلێ ڤان دره‌وپێكه‌ران به‌رێ وان دده‌ته ڤان گۆتنێن هه‌ڤدژ (چونكى خێڤزانكى وشاعرى وديناتى ل نك يه‌ك مرۆڤى كۆم نابن)، ب ڕاستى ئه‌و ملله‌ته‌كێ زێده دسه‌رداچووينه.
اَمْ يَقُوْلُوْنَ تَقَوَّلَهٗ بَلْ لَّا يُؤْمِنُوْنَ
يان ئه‌و دبێژن: موحه‌ممه‌دى قورئان ژ نك خۆ چێكرییه؟ نێ ئه‌و باوه‌رییێ نائينن.
فَلْيَاْتُوْا بِحَدِيْثٍ مِّثْلِهٖ٘ اِنْ كَانُوْا صٰدِقِيْنَ
پا دێ بلا ئه‌و گۆتنه‌كا وه‌كى قورئانێ بينن، ئه‌گه‌ر ئه‌و ڕاست دبێژن كو موحه‌ممه‌دى ئه‌و يا ژ نك خۆ چێكرى.
اَمْ خُلِقُوْا مِنْ غَيْرِ شَيْءٍ اَمْ هُمُ الْخٰلِقُوْنَ
ما ئه‌ڤ بوتپه‌رێسه بێ ئافرانده‌ره‌ك هاتينه ئافراندن، يان وان خۆ ئافراندییه؟
اَمْ خَلَقُوا السَّمٰوٰتِ وَالْاَرْضَ بَلْ لَّا يُوْقِنُوْنَ
يان وان عه‌سمان وعه‌رد ب ڤى ڕه‌نگێ جوان ئافراندينه؟ به‌لكى ئه‌و باوه‌رییه‌كا باوه‌رى ب عه‌زابا خودێ نائينن.
اَمْ عِنْدَهُمْ خَزَآئِنُ رَبِّكَ اَمْ هُمُ الْمُصَۜيْطِرُوْنَ
يان گه‌نجينه‌يێن خودايێ ته د ده‌ستێ وان دانه ئه‌و وان ب ڕێڤه دبه‌ن، يان ئه‌ون يێن ل سه‌ر خه‌لكى دزال ودشێنێ؟ وه‌سا نينه، ئه‌و دلاواز وبێزارن.
اَمْ لَهُمْ سُلَّمٌ يَّسْتَمِعُوْنَ فِيْهِ فَلْيَاْتِ مُسْتَمِعُهُمْ بِسُلْطٰنٍ مُّبِيْنٍ
يان وان پێپه‌ليسكه‌ك هه‌يه ئه‌و پێ ب ســـه‌ر عه‌سمانى دكه‌ڤن وگوهێ خۆ دده‌نه وه‌حییێ كو ئه‌و دحه‌قن؟ ئه‌وێ ڤێ گۆتنێ دبێژت كانێ بلا ده‌ليله‌كى ل سه‌ر ڕاستییا گۆتنا خۆ بينت.
اَمْ لَهُ الْبَنٰتُ وَلَكُمُ الْبَنُوْنَ
ئه‌رێ خودێ كچ هه‌نه وكوڕ بۆ هه‌وه‌نه وه‌كى هوين ژ دره‌و دبێژن؟
اَمْ تَسْــَٔلُهُمْ اَجْرًا فَهُمْ مِّنْ مَّغْرَمٍ مُّثْقَلُوْنَ
يان تو -ئه‌ى موحه‌ممه‌د- داخوازا كرێیه‌كێ ژ وان دكه‌ى سه‌را گه‌هاندنا دينى، ڤێجا ئه‌و ژ ڤێ خه‌رامه‌تا تو ژ وان دخوازى دبارگرانن؟
اَمْ عِنْدَهُمُ الْغَيْبُ فَهُمْ يَكْتُبُوْنَ
يان علمێ غه‌يبێ ل نك وانه، ڤێجا ئه‌و وى بۆ خه‌لكى دبێژن ودنڤيسن؟ وه نينه؛ چونكى ل عه‌سمانان وعه‌ردى كه‌س ژ خودێ پێڤه‌تر غه‌يبێ نزانت.
اَمْ يُرِيْدُوْنَ كَيْدًا فَالَّذِيْنَ كَفَرُوْا هُمُ الْمَكِيْدُوْنَ
به‌لكى وان دڤێت فێلبازییێ ل پێغه‌مبه‌رى وخودان باوه‌ران بكه‌ن، ڤێجا ئه‌وێن كافر بووين فێلبازییا وان هه‌ر ل وان دزڤڕت.
اَمْ لَهُمْ اِلٰهٌ غَيْرُ اللّٰهِ سُبْحٰنَ اللّٰهِ عَمَّا يُشْرِكُوْنَ
يان وان يه‌كێ دى ژبلی خودێ هه‌يه كو هێژاى په‌رستنێ بت؟ خودێ يێ پاك وبلند بت ژ وێ شركا ئه‌و ب وى دكه‌ن، وى چو شريك د ملك وخوداينى وپه‌رستنێ دا نينن.
وَاِنْ يَّرَوْا كِسْفًا مِّنَ السَّمَآءِ سَاقِطًا يَّقُوْلُوْا سَحَابٌ مَّرْكُوْمٌ
وئه‌گه‌ر ئه‌ڤ بوتپه‌رێسه ببينن هنده‌ك پارچه‌يێن عه‌زابێ ژ عه‌سمانى ب سه‌ر وان دا بێن ئه‌و كوفرا خۆ ناهێلن، ودێ بێژن: ئه‌ڤه عه‌ورن كه‌فتينه سه‌رێك.
فَذَرْهُمْ حَتّٰي يُلٰقُوْا يَوْمَهُمُ الَّذِيْ فِيْهِ يُصْعَقُوْنَ
ڤێجا تو ڤان بوتپه‌رێسان بهێله حه‌تا ئه‌و دگه‌هنه وێ ڕۆژا خۆ يا ئه‌و تێدا دچنه هيلاكێ، كو ڕۆژا قيامه‌تێیه.
يَوْمَ لَا يُغْنِيْ عَنْهُمْ كَيْدُهُمْ شَيْــًٔا وَّلَا هُمْ يُنْصَرُوْنَ
و ل وێ ڕۆژێ فێلبازییا وان تشته‌كى ژ عه‌زابا خودێ ژ وان پاشڤه‌نابه‌ت، وكه‌سه‌ك وان ب سه‌ر نائێخت.
وَاِنَّ لِلَّذِيْنَ ظَلَمُوْا عَذَابًا دُوْنَ ذٰلِكَ وَلٰكِنَّ اَكْثَرَهُمْ لَا يَعْلَمُوْنَ
وبۆ ڤان زۆرداران عه‌زابه‌ك هه‌يه ل دنيايێ به‌رى عه‌زابا قيامه‌تێ دێ ب سه‌ر وان دا ئێت، به‌لێ پترییا وان ڤێ چه‌ندێ نزانن.
وَاصْبِرْ لِحُكْمِ رَبِّكَ فَاِنَّكَ بِاَعْيُنِنَا وَسَبِّحْ بِحَمْدِ رَبِّكَ حِيْنَ تَقُوْمُ
وتو -ئه‌ى موحه‌ممه‌د- بێهنا خۆ ل سه‌ر حوكم وفه‌رمانا خودايێ خۆ فره‌هـ بكه، كو په‌ياما وى دايه ته بگه‌هينى وته‌حه‌ملا وێ نه‌خۆشییێ بكه‌ى يا ژ ملله‌تێ ته دگه‌هته ته، هندى تويى تو يێ ل به‌ر چاڤێن مه ويێ ل بن چاڤدێرییا مه، وده‌مێ تو ژ خه‌و ڕادبییه نڤێژێ تو ب سوپاسى ته‌سبيحا خودايێ خۆ بكه. - وئه‌ڤ ئايه‌ته سالۆخه‌تێ هه‌بوونا دو چاڤان بۆ خودێ بنه‌جهـ دكه‌ت، ب ڕه‌نگه‌گێ هێژاى وى بێى چاوانییه‌ك بۆ بێته ده‌سنيشانكرن، وئه‌ڤ چه‌نده ب سوننه‌تێ وئيجماعا پێشییێن ئوممه‌تێ ژى بنه‌جهـ بوويه.-
وَمِنَ الَّيْلِ فَسَبِّحْهُ وَاِدْبَارَ النُّجُوْمِ
و ب شه‌ڤێ ژى تو ب سوپاسى ته‌سبيحا خودايێ خۆ بكه ووى مه‌زن ببينه، ونڤێژێ بۆ وى بكه، و ل ده‌مێ نڤێژا سپێدێ ده‌مێ ستێر ئاڤا دبن تو وێ چه‌ندێ بكه.