قٓ وَالْقُرْاٰنِ الْمَجِيْدِ
(ق) گۆتن ل سه‌ر ڤان حه‌رفێن كه‌ركرى ل ده‌سپێكا سووره‌تا به‌قه‌ره بۆرییه. خودێ ب قورئانا پيرۆز يا خودان قه‌در وبلندى سويند دخۆت.
بَلْ عَجِبُوْ٘ا اَنْ جَآءَهُمْ مُّنْذِرٌ مِّنْهُمْ فَقَالَ الْكٰفِرُوْنَ هٰذَا شَيْءٌ عَجِيْبٌ
ئه‌وێن دره‌و ب پێغه‌مبه‌رى -سلاڤ لێ بن- كرى عه‌جێبگرتى بوون كو پێغه‌مبه‌ره‌ك بۆ وان بێت وان ژ عه‌زابا خودێ بترسينت، ڤێجا ئه‌وێن كوفر ب خودێ وپێغه‌مبه‌رێ وى كرى گۆتن: ئه‌ڤه تشته‌كێ غه‌ريبه مرۆڤ ژێ عه‌جێبگرتى دبت.
ءَاِذَا مِتْنَا وَكُنَّا تُرَابًا ذٰلِكَ رَجْعٌۣ بَعِيْدٌ
ئه‌رێ ئه‌گه‌ر ئه‌م مرين وبووينه ئاخ، چاوا ئه‌م جاره‌كا دى دێ وه‌كى به‌رێ لێ ئێين؟ ئه‌و زاڤڕاندنه‌كا دويره.
قَدْ عَلِمْنَا مَا تَنْقُصُ الْاَرْضُ مِنْهُمْ وَعِنْدَنَا كِتٰبٌ حَفِيْظٌ
ب ڕاستى مه زانییه كانێ عه‌رد چ ژ وان كێم دكه‌ت و ژ له‌شێ وان دخۆت، وكيتابه‌كا پاراستى ژ ده‌ستێڤه‌دان وگوهۆڕينێ ل نك مه هه‌يه، هه‌ر تشته‌كێ به‌رى مرنێ يان پشتى مرنێ ب سه‌رێ وان بێت تێدا هه‌يه.
بَلْ كَذَّبُوْا بِالْحَقِّ لَمَّا جَآءَهُمْ فَهُمْ فِيْ٘ اَمْرٍ مَّرِيْجٍ
به‌لكى ڤان بوتپه‌رێسان دره‌و ب قورئانێ كر ده‌مێ بۆ وان هاتى، ڤێجا ئه‌و د كاره‌كێ تێكه‌لبووى دانه، ئه‌و ل سه‌ر تشته‌كى ڕاناوه‌ستن.
اَفَلَمْ يَنْظُرُوْ٘ا اِلَي السَّمَآءِ فَوْقَهُمْ كَيْفَ بَنَيْنٰهَا وَزَيَّنّٰهَا وَمَا لَهَا مِنْ فُرُوْجٍ
ئه‌رێ ئه‌و بێ ئاگه‌هـ ماينه ده‌مێ وان كوفر ب ڕابوونا پشتى مرنێ كرى، ڤێجا وان به‌رێ خۆ نه‌دايه عه‌سمانى ل هنداڤى خۆ، كانێ چاوا مه ئه‌و ب ڕه‌نگه‌كێ موكم و ب ڕێك وپێك ئاڤاكرییه، ومه ئه‌و ب ستێران خه‌ملاندییه، وچو كون وپه‌ق تێدا نينن، وئه‌و يێ پاراستییه ژ كێماسییان.
وَالْاَرْضَ مَدَدْنٰهَا وَاَلْقَيْنَا فِيْهَا رَوَاسِيَ وَاَنْۣبَتْنَا فِيْهَا مِنْ كُلِّ زَوْجٍۣ بَهِيْجٍ
ومه عه‌رد به‌رفره‌هـ كر وڕائێخست، ومه چيايێن موكم لێ دانانن؛ دا ئه‌و ب خه‌لكى ڤه نه‌هژيێت، و ژ هه‌ر ڕه‌نگه‌كێ شينكاتییێ جوان و ب مفا مه تێدا شينكر، كو ئه‌وێ به‌رێ خۆ بده‌تێ كه‌يف پێ بێت.
تَبْصِرَةً وَّذِكْرٰي لِكُلِّ عَبْدٍ مُّنِيْبٍ
عه‌سمان وعه‌رد وهه‌ر نيشانه‌كا مه‌زن يا تێدا هه‌ى بۆ عيبره‌ت مه ئافراند؛ دا هه‌چییێ به‌رێ خۆ بده‌تێ پێ ژ نه‌زانينێ قورتال ببت، ودا ببته بيرئينان بۆ هه‌ر به‌نییه‌كێ ژ خودايێ خۆ بترست، و ل وى بزڤڕت.
وَنَزَّلْنَا مِنَ السَّمَآءِ مَآءً مُّبٰرَكًا فَاَنْۣبَتْنَا بِهٖ جَنّٰتٍ وَّحَبَّ الْحَصِيْدِ
ومه بارانه‌كا تێر مفا ژ عه‌سمانى ئينا خوارێ، ڤێجا مه باغێن تێر داروبار، وخودان دان ودكاكێ دئێته دورين پێ شينكرن.
وَالنَّخْلَ بٰسِقٰتٍ لَّهَا طَلْعٌ نَّضِيْدٌ
ومه دارقه‌سپێن درێژ شينكرن، به‌ره‌كێ ڕاچاندى ولێك سويار پێڤه دئێت.
رِّزْقًا لِّلْعِبَادِ وَاَحْيَيْنَا بِهٖ بَلْدَةً مَّيْتًا كَذٰلِكَ الْخُرُوْجُ
مه ئه‌و بۆ به‌نییان شينكرن؛ دا ئه‌و پێ بژين وبۆ خۆ بكه‌نه قووت، و ب ڤێ ئاڤا ژ عه‌سمانى دئێته خوارێ مه ئه‌و وه‌لات زێندى كر يێ كو هشك بووى، ومايه بێ شينكاتى، وكانێ چاوا مه ب وێ ئاڤێ عه‌ردێ مرى زێندى كر وه‌سا ئه‌م ل ڕۆژا قيامه‌تێ دێ هه‌وه ژى پشتى مرنێ زێندى كه‌ين.
كَذَّبَتْ قَبْلَهُمْ قَوْمُ نُوْحٍ وَّاَصْحٰبُ الرَّسِّ وَثَمُوْدُ
به‌رى ڤان بوتپه‌رێسێن قوره‌يشى ملله‌تێ نووحى وخودانێن بيرێ وثه‌موودی هه‌مییان دره‌و ب پێغه‌مبه‌رێن خۆ كربوو .
وَعَادٌ وَّفِرْعَوْنُ وَاِخْوَانُ لُوْطٍ
وعادى وفيرعه‌ونى وملله‌تێ لووطى ژى.
وَّاَصْحٰبُ الْاَيْكَةِ وَقَوْمُ تُبَّعٍ كُلٌّ كَذَّبَ الرُّسُلَ فَحَقَّ وَعِيْدِ
وملله‌تێ شوعه‌يبى خودانێن دارستانێ، وملله‌تێ توببه‌عێ حميه‌رى، ڤان ملله‌تان هه‌مییان دره‌و ب پێغه‌مبه‌رێن خۆ كربوو، ڤێجا گه‌فا خودێ ل وان كرى سه‌را كوفرا وان ب جهـ هات.
اَفَعَيِيْنَا بِالْخَلْقِ الْاَوَّلِ بَلْ هُمْ فِيْ لَبْسٍ مِّنْ خَلْقٍ جَدِيْدٍ
ئه‌رێ ڤێجا ما ئه‌م نه‌شێين تشتێ جارا يه‌كێ مه ژ چوننه‌يێ دايى جاره‌كا دى ئافرينينه‌ڤه، وپشتى ئه‌و دمرن ئه‌م جاره‌كا دى وان چێكه‌ينه‌ڤه؟ ئه‌ڤ چه‌نده ل به‌ر مه يا ب زه‌حمه‌ت نينه، وئه‌م دشێين بكه‌ين، به‌لێ ئه‌و د مه‌سه‌لا ڕابوونا پشتى مرنێ دا دحێبه‌تى ودودلن.
وَلَقَدْ خَلَقْنَا الْاِنْسَانَ وَنَعْلَمُ مَا تُوَسْوِسُ بِهٖ نَفْسُهٗ وَنَحْنُ اَقْرَبُ اِلَيْهِ مِنْ حَبْلِ الْوَرِيْدِ
و ب ڕاستى مه مرۆڤ ئافراندییه وئه‌م دزانين كانێ دلێ وى چ دبێژتێ، وئه‌م بۆ وى ژ ڕه‌ها ستوويێ وى (يا ب دلی ڤه گرێداى) دنێزيكترين.
اِذْ يَتَلَقَّي الْمُتَلَقِّيٰنِ عَنِ الْيَمِيْنِ وَعَنِ الشِّمَالِ قَعِيْدٌ
ده‌مێ ئه‌و هه‌ردو فريشته يێن زێره‌ڤان بۆ وى ل لايێ وى يێ ڕاستێ ويێ چه‌پێ كارێ وى دنڤيسن، ئه‌وێ ل لايێ ڕاستێ باشییان دنڤيست، ويێ ل لايێ چه‌پێ خرابییان دنڤيست.
مَا يَلْفِظُ مِنْ قَوْلٍ اِلَّا لَدَيْهِ رَقِيْبٌ عَتِيْدٌ
هه‌ر گۆتنه‌كا ئه‌و بێژت ملياكه‌ته‌كێ ل نك هه‌ى زێره‌ڤانییێ لێ دكه‌ت، وگۆتنا وى دنڤيست، وئه‌و ملياكه‌ته‌كێ حازره وبۆ هندێ يێ هاتییه ئاماده‌كرن.
وَجَآءَتْ سَكْرَةُ الْمَوْتِ بِالْحَقِّ ذٰلِكَ مَا كُنْتَ مِنْهُ تَحِيْدُ
وته‌نگاڤى وسه‌كه‌راتا مرنێ ب وێ حه‌قییێ هات، ئـه‌ڤـه ئـه‌و بـوو يا تـو -ئه‌ى مرۆڤ- ژێ دڕه‌ڤى.
وَنُفِخَ فِي الصُّوْرِ ذٰلِكَ يَوْمُ الْوَعِيْدِ
وبۆ جارا دووێ د بۆڕییێ دا بۆ ڕابوونا پشتى مرنێ هاته‌پفكرن، ئه‌و پفكرن د وێ ڕۆژێ دايه يا ئه‌و گه‌ف تێدا ب جهـ دئێت يا خودێ ل كافران كرى.
وَجَآءَتْ كُلُّ نَفْسٍ مَّعَهَا سَآئِقٌ وَّشَهِيْدٌ
وهه‌ر نه‌فسه‌ك هات ودو ملياكه‌ت د گه‌ل دا، يه‌ك وێ دهاژۆته مه‌حشه‌رێ، ويێ دى شاهده‌يیێ ل سه‌ر وى كارى دده‌ت يێ وێ د دنيايێ دا كرى.
لَقَدْ كُنْتَ فِيْ غَفْلَةٍ مِّنْ هٰذَا فَكَشَفْنَا عَنْكَ غِطَآءَكَ فَبَصَرُكَ الْيَوْمَ حَدِيْدٌ
ب ڕاستى تو ژ ڤێ چه‌ندێ يێ بێ ئاگه‌هـ بووى، ئينا مه ئه‌و په‌ردێ دلێ ته نخافتى ژ سه‌ر ته ڕاكر، ڤێجا بێ ئاگه‌هییا ته نه‌ما، وديتنا ته ئه‌ڤرۆ بۆ وى تشتێ تو دبينى يا موكم ودژواره.
وَقَالَ قَرِيْنُهٗ هٰذَا مَا لَدَيَّ عَتِيْدٌ
ووى ملياكه‌تێ كارێ وى نڤيسى وشاهده‌يى ل سه‌ر داى گۆت: ئه‌ڤه‌يه تشتێ ل نك من ژ تۆمارا كريارێن وى، ئه‌و ل نك من يا پاراستى وئاماده‌يه.
اَلْقِيَا فِيْ جَهَنَّمَ كُلَّ كَفَّارٍ عَنِيْدٍ
پشتى خودێ حوكمى د ناڤبه‌را خه‌لكى دا دكه‌ت دبێژته هه‌ر دو ملياكه‌تان يێ وى دهاژۆت ويێ شاهده‌يیێ ل سه‌ر دده‌ت: هه‌ر يه‌كێ باوه‌رى ب ته‌وحيدا خودێ نه‌ئينابت وگه‌له‌ك گونه‌هـ كربن ودره‌و ب حه‌قییێ كربت ويێ ڕكۆ بت هوين وى بكه‌نه د جه‌هنه‌مێ دا.
مَّنَّاعٍ لِّلْخَيْرِ مُعْتَدٍ مُّرِيْبِ
ئه‌وێ حه‌قێ خه‌لكى ژ ناڤ مالێ خۆ نه‌ئينابته ده‌رێ، وته‌عدايى ل مرۆڤان كربت وپێ ل توخويبێن خودێ دانابت، و د سۆز وگه‌فا خودێ دا كه‌فتبته گومانێ.
اِۨلَّذِيْ جَعَلَ مَعَ اللّٰهِ اِلٰهًا اٰخَرَ فَاَلْقِيٰهُ فِي الْعَذَابِ الشَّدِيْدِ
ئه‌وێ شريك بۆ خودێ دانابن، وپه‌رستنا يه‌كێ دى د گه‌ل وى كربت، ڤێجا هوين وى بهاڤێژنه د عه‌زابا جه‌هنه‌مێ يا دژوار دا.
قَالَ قَرِيْنُهٗ رَبَّنَا مَا٘ اَطْغَيْتُهٗ وَلٰكِنْ كَانَ فِيْ ضَلٰلٍۣ بَعِيْدٍ
ئه‌وى شه‌يتانێ د گه‌ل وى گۆت: خودايێ مه من ئه‌و د سه‌ردا نه‌بربوو، نێ هه‌ما ئه‌و ب خۆ ل سه‌ر ڕێكه‌كا دوير ژ هيدايه‌تێ بوو.
قَالَ لَا تَخْتَصِمُوْا لَدَيَّ وَقَدْ قَدَّمْتُ اِلَيْكُمْ بِالْوَعِيْدِ
خودێ گۆت: هوين ل نك من ب هه‌ڤڕكى نه‌چن، و ب ڕاستى د دنيايێ دا من گه‌ف ل وى كربوو يێ كوفرێ ب من بكه‌ت.
مَا يُبَدَّلُ الْقَوْلُ لَدَيَّ وَمَا٘ اَنَا بِظَلَّامٍ لِّلْعَبِيْدِ
گۆتن ل نك من نائێته گوهاڕتن، وئه‌ز كه‌سێ ب گونه‌ها كه‌سێ عه‌زاب ناده‌م، وئه‌ز يه‌كى عه‌زاب ناده‌م حه‌تا هێجه‌ت ل سه‌ر ئاشكه‌را نه‌بت.
يَوْمَ نَقُوْلُ لِجَهَنَّمَ هَلِ امْتَلَاْتِ وَتَقُوْلُ هَلْ مِنْ مَّزِيْدٍ
تو بۆ ملله‌تێ خۆ به‌حسێ وێ ڕۆژێ بكه ده‌مێ ئه‌م ل قيامه‌تێ دبێژينه جه‌هنه‌مێ: تو تژى بووى؟ وجه‌هنه‌م دبێژت: ما هێشتا ئه‌جنه ومرۆڤ هه‌نه؟ ئينا خودايێ پاك وبلند پێ خۆ دكه‌ته تێدا، ڤێجا ئه‌و دئێته يه‌ك، وده‌نگ ژێ دئێت.
وَاُزْلِفَتِ الْجَنَّةُ لِلْمُتَّقِيْنَ غَيْرَ بَعِيْدٍ
وجهێ به‌حه‌شتێ بۆ ته‌قواداران هاته نێزيكرن، وئه‌و ژ وان يا دوير نابت.
هٰذَا مَا تُوْعَدُوْنَ لِكُلِّ اَوَّابٍ حَفِيْظٍ
بۆ وان دئێته گۆتن: ئه‌ڤه ئه‌وه يا ژڤان بۆ هه‌وه پێ دهاته دان بۆ هه‌ر يه‌كێ ژ گونه‌هێن خۆ تۆبه بكه‌ت، وپاراستنێ ل سه‌ر وى تشتى بكه‌ت يێ وى نێزيكى خودايێ وى دكه‌ت.
مَنْ خَشِيَ الرَّحْمٰنَ بِالْغَيْبِ وَجَآءَ بِقَلْبٍ مُّنِيْبِ
هه‌چییێ ژ خودێ ترساى و ل ئاخره‌تێ ب دله‌كێ ساخله‌م ڤه ژ گونه‌هان هـاتـیـیـه نـك وى.
اِۨدْخُلُوْهَا بِسَلٰمٍ ذٰلِكَ يَوْمُ الْخُلُوْدِ
وبــۆ ڤان خودان باوه‌ران دئێته گۆتن: هوين ب سلامه‌تى هه‌ڕنه د به‌حه‌شتێ دا، وتێدا ژ هه‌مى نه‌خۆشییان دته‌نا بن، ئـه‌و ڕۆژ ڕۆژا هـه‌رمانێیه يا بێ ڤه‌بڕين.
لَهُمْ مَّا يَشَآءُوْنَ فِيْهَا وَلَدَيْنَا مَزِيْدٌ
بۆ ڤان خودان باوه‌ران د به‌حه‌شتێ دا ئه‌و تشت هه‌يه يێ وان دڤێت، و د سه‌ر ڤێ ڕا يا مه دايه وان تشته‌كێ زێده‌تر بۆ وان ل نك مه هه‌يه، يا ژ هه‌مییێ مه‌زنتر به‌رێخۆدانا وانه بۆ خودايێ مه‌زن.
وَكَمْ اَهْلَكْنَا قَبْلَهُمْ مِّنْ قَرْنٍ هُمْ اَشَدُّ مِنْهُمْ بَطْشًا فَنَقَّبُوْا فِي الْبِلَادِ هَلْ مِنْ مَّحِيْصٍ
وبه‌رى ڤان بوتپه‌رێسێن قوره‌يشییان مه گه‌له‌ك ملله‌ت تێ برينه، ئه‌و ژ ڤان ب هێزتر ودژوارتر بوون، ڤێجا ئه‌و ل وه‌لاتى گه‌ڕيابوون ووان ئه‌و ئاڤا كربوو وخراب كربوو، ئه‌رێ ما ڕه‌ڤه‌ك ژ عه‌زابا خودێ هه‌يه ئه‌گه‌ر ب سه‌ر وان دا هات؟
اِنَّ فِيْ ذٰلِكَ لَذِكْرٰي لِمَنْ كَانَ لَهٗ قَلْبٌ اَوْ اَلْقَي السَّمْعَ وَهُوَ شَهِيْدٌ
د تێبرنا ملله‌تێن بۆرى دا بيرئينان وعيبره‌ته‌ك بۆ وى هه‌يه يێ دله‌ك هه‌بت پێ تێ بگه‌هت، يان گوهدارییێ بكه‌ت وخۆ بێ ئاگه‌هـ نه‌كه‌ت، ودلێ وى يێ ئاماده بت.
وَلَقَدْ خَلَقْنَا السَّمٰوٰتِ وَالْاَرْضَ وَمَا بَيْنَهُمَا فِيْ سِتَّةِ اَيَّامٍ وَّمَا مَسَّنَا مِنْ لُّغُوْبٍ
و ب ڕاستى هه‌ر حه‌فت عه‌سمان وعه‌رد وهه‌ر تشته‌كێ د ناڤبه‌رێ دا هه‌ى مه د شه‌ش ڕۆژان دا ئافراندن، وچو زه‌حمه‌ت ووه‌ستيان ب وێ چه‌ندێ ڤه نه‌گه‌هشته مه. وئه‌ڤ شيانا مه‌زن نيشانه ل سه‌ر هندێ كو خودێ دشێت مرییان زێندى بكه‌ت.
فَاصْبِرْ عَلٰي مَا يَقُوْلُوْنَ وَسَبِّحْ بِحَمْدِ رَبِّكَ قَبْلَ طُلُوْعِ الشَّمْسِ وَقَبْلَ الْغُرُوْبِ
ڤێجا تو -ئه‌ى موحه‌ممه‌د- بێهنا خۆ ل سه‌ر وێ گۆتنێ فره‌هـ بكه يا دره‌وپێكه‌ر دبێژن، هندى خودێ‌یه ل به‌ر وان دانايه، وتو سپێدێ به‌رى ڕۆژ بهه‌لێت وئێڤارى به‌رى ڕۆژ ئاڤاببت ته‌سبيحا خودايێ خۆ بكه.
وَمِنَ الَّيْلِ فَسَبِّحْهُ وَاَدْبَارَ السُّجُوْدِ
و ب شه‌ڤێ ب سوپاسى ڤه نڤێژێ بۆ خودايێ خۆ بكه، وپشتى نڤێژان تو ته‌سبيحا خودايێ خۆ بكه.
وَاسْتَمِعْ يَوْمَ يُنَادِ الْمُنَادِ مِنْ مَّكَانٍ قَرِيْبٍ
وتو -ئه‌ى موحه‌ممه‌د- گوهدارییێ بكه ده‌مێ ملياكه‌ت ب پفكرنا د (بۆڕییێ) دا ژ جهه‌كێ نێزيك ڤه گازى دكه‌ت.
يَّوْمَ يَسْمَعُوْنَ الصَّيْحَةَ بِالْحَقِّ ذٰلِكَ يَوْمُ الْخُرُوْجِ
ڕۆژا وان گوهـ ل قێرییا ڕابوونێ دبت ئه‌و قێڕییا ڕاست وچو گومان تێدا نه، ئه‌و ڕۆژا ده‌ركه‌فتنا مرییانه ژ گۆڕان.
اِنَّا نَحْنُ نُحْيٖ وَنُمِيْتُ وَاِلَيْنَا الْمَصِيْرُ
ئه‌مين يێن خه‌لكى د دنيايێ دا زێندى دكه‌ين ودمرينين، وزڤڕينا وان ڕۆژا قيامه‌تێ بۆ حسێب وجزادانێ بۆ نك مه يه.
يَوْمَ تَشَقَّقُ الْاَرْضُ عَنْهُمْ سِرَاعًا ذٰلِكَ حَشْرٌ عَلَيْنَا يَسِيْرٌ
ڕۆژا عه‌رد ڤه‌دبت ومرى ب له‌ز ژێ ده‌ردكه‌ڤن و د گازییا گازيكه‌رى دچن، ئه‌و كۆمكرنا ل حه‌شرێ بۆ حسێبێ ل به‌ر مه يا ب ساناهییه.
نَحْنُ اَعْلَمُ بِمَا يَقُوْلُوْنَ وَمَا٘ اَنْتَ عَلَيْهِمْ بِجَبَّارٍ فَذَكِّرْ بِالْقُرْاٰنِ مَنْ يَّخَافُ وَعِيْدِ
ئه‌م ب وێ گۆتنێ دزاناترين يا ئه‌ڤ بوتپه‌رێسه دبێژن ده‌مێ ئه‌و دره‌وێ ل سه‌ر ناڤێ خودێ دكه‌ن كوفرێ ب ئايه‌تێن وى دكه‌ن، وتو -ئه‌ى موحه‌ممه‌د- ل سه‌ر وان يێ زال نينى؛ دا تو كوته‌كییێ ل وان بكه‌ى كو ئه‌و بێنه د ئيسلامێ دا، به‌لكى هه‌ما تو يێ هاتییه هنارتن دا گازییێ بگه‌هينییه وان، ڤێجا تو بيرا وى ب قورئانێ بينه‌ڤه يێ ژ گه‌فا من بترست؛ چونكى يێ ژ گه‌فێ نه‌ترست چو مفاى بۆ خۆ ژ بيرئينانێ نابينت.