اَلَّذِيْنَ كَفَرُوْا وَصَدُّوْا عَنْ سَبِيْلِ اللّٰهِ اَضَلَّ اَعْمَالَهُمْ
ئه‌وين باوه‌رى ب خودێ نه‌ئيناى، وبه‌رێ خه‌لكى ژ دينێ وى دايه پاش، خودێ كريارێن وان پويچ كرن.
وَالَّذِيْنَ اٰمَنُوْا وَعَمِلُوا الصّٰلِحٰتِ وَاٰمَنُوْا بِمَا نُزِّلَ عَلٰي مُحَمَّدٍ وَّهُوَ الْحَقُّ مِنْ رَّبِّهِمْ كَفَّرَ عَنْهُمْ سَيِّاٰتِهِمْ وَاَصْلَحَ بَالَهُمْ
وئه‌وێن باوه‌رى ب خودێ ئيناى ودويكه‌فتنا شريعه‌تێ وى كرى وباوه‌رى ب وێ كيتابێ ئيناى يا ل سه‌ر موحه‌ممه‌دى هاتییه خوارێ، وئه‌و ئه‌و ڕاستییا بێ گومانه يا ژ نك خودايێ وان هاتى، خودێ گونه‌هێن وان بۆ وان ڤه‌شارتن، و ل دنيايێ وئاخره‌تێ كارێ وان چاك كر.
ذٰلِكَ بِاَنَّ الَّذِيْنَ كَفَرُوا اتَّبَعُوا الْبَاطِلَ وَاَنَّ الَّذِيْنَ اٰمَنُوا اتَّبَعُوا الْحَقَّ مِنْ رَّبِّهِمْ كَذٰلِكَ يَضْرِبُ اللّٰهُ لِلنَّاسِ اَمْثَالَهُمْ
ئه‌گه‌را وێ به‌رزه‌كرن وهيدايه‌تێ ئه‌وه هندى يێن كافرن دويكه‌فتن وگوهدارییا شه‌يتانى كرییه، وئه‌وين باوه‌رى ئيناى دويكه‌فتنا پێغه‌مبه‌رى -سلاڤ لێ بن- ووێ ڕۆناهییا ئه‌و پێ هاتى كرییه، ووه‌كى خودێ ئاشكه‌را كرى كانێ وى چ ب سه‌رێ كافر وخودان باوه‌ران ئينايه وه‌سا ئه‌و مه‌ته‌لان بۆ مرۆڤان دئينت، وهه‌ر ملله‌ته‌كى مه‌ته‌له‌كا بابه‌تى وان بت ئه‌و ل سه‌ر دئينت.
فَاِذَا لَقِيْتُمُ الَّذِيْنَ كَفَرُوْا فَضَرْبَ الرِّقَابِ حَتّٰ٘ي اِذَا٘ اَثْخَنْتُمُوْهُمْ فَشُدُّوا الْوَثَاقَ فَاِمَّا مَنًّاۣ بَعْدُ وَاِمَّا فِدَآءً حَتّٰي تَضَعَ الْحَرْبُ اَوْزَارَهَا ذٰلِكَ وَلَوْ يَشَآءُ اللّٰهُ لَانْتَصَرَ مِنْهُمْ وَلٰكِنْ لِّيَبْلُوَا۠ بَعْضَكُمْ بِبَعْضٍ وَالَّذِيْنَ قُتِلُوْا فِيْ سَبِيْلِ اللّٰهِ فَلَنْ يُّضِلَّ اَعْمَالَهُمْ
ڤێجا ئه‌گه‌ر هوين -گه‌لی خودان باوه‌ران- ل مه‌يدانێن شه‌ڕى ڕابه‌رى كافران ڕاوه‌ستان هـوين ب دورستى شه‌ڕى د گه‌ل وان بكه‌ن، ودربان ل ستويێن وان بده‌ن، حه‌تا ئه‌گه‌ر هه‌وه ئه‌و لاوازكرن، وهێزا وان شكاند، هوين ئێخسيران باش گرێ بده‌ن: ڤێجا پشتى هنگى يان هوين منه‌تێ ل وان بكه‌ن ووان بێ به‌رانبه‌ر به‌رده‌ن، يان ژى بلا ئه‌و به‌رانبه‌رى به‌ردانا خۆ ماله‌كى يان تشته‌كێ دى بده‌نه هه‌وه، يان ژى بلا ببنه عه‌بد يان بێنه كوشتن، وحه‌تا شه‌ڕ ڕادوه‌ستت هوين ل سه‌ر ڤێ چه‌ندێ دبه‌رده‌وام بن. ئه‌ڤه‌يه حوكمێ دياركرى د مه‌سه‌لا جه‌ڕباندنا خودان باوه‌ران دا ب كافران وزڤڕاندنا ڕۆژان د ناڤبه‌را وان دا، وئه‌گه‌ر خودێ بڤێت بێ شه‌ڕ دێ تولا خودان باوه‌ران ژ كافران ڤه‌كه‌ت، به‌لێ وى جزايێ وان ب ده‌ستێن هه‌وه دا وجيهادكرن دورست كر؛ دا هه‌وه پێ بجه‌ڕبينت، ودينى ب هه‌وه ب سه‌ربێخت. وئه‌وێن د ڕێكا خودێ دا هاتينه كوشتن ژ خودان باوه‌ران خودێ خێرا كريارێن وان پويچ ناكه‌ت.
سَيَهْدِيْهِمْ وَيُصْلِحُ بَالَهُمْ
ئه‌و دێ به‌رێ وان ده‌ته گوهدارییا خۆ، و ل دنيايێ وئاخره‌تێ دێ كارێ وان چاك كه‌ت.
وَيُدْخِلُهُمُ الْجَنَّةَ عَرَّفَهَا لَهُمْ
ودێ وان به‌ته به‌حه‌شتێ، وى ئه‌و بۆ وان ئاشكه‌راكر ونيشا وان دا.
يٰ٘اَيُّهَا الَّذِيْنَ اٰمَنُوْ٘ا اِنْ تَنْصُرُوا اللّٰهَ يَنْصُرْكُمْ وَيُثَبِّتْ اَقْدَامَكُمْ
ئه‌ى ئه‌وێن باوه‌رى ب خودێ ئيناى ودويكه‌فتنا پێغه‌مبه‌رى كرى، ئه‌گه‌ر هوين ب كرنا جيهادێ و ب كارئينانا قورئانێ دينێ خودێ ب سه‌ربێخن خودێ دێ هه‌وه ب سه‌ر نه‌ياران ئێخت، ودێ پییێن هه‌وه موكم كه‌ت.
وَالَّذِيْنَ كَفَرُوْا فَتَعْسًا لَّهُمْ وَاَضَلَّ اَعْمَالَهُمْ
وئه‌وێن كافربووين تێچوون بۆ وان بت، وخودێ خێرا كريارێن وان پويچ كر.
ذٰلِكَ بِاَنَّهُمْ كَرِهُوْا مَا٘ اَنْزَلَ اللّٰهُ فَاَحْبَطَ اَعْمَالَهُمْ
چونكى وان ب كيتابا خودێ يا بۆ پێغه‌مبه‌رێ وى هاتى نه‌خۆش بوو، وباوه‌رى پێ نه‌ئينا، ڤێجا خودێ كريارێن وان پويچ كرن؛ چونكى ئه‌و بۆ ڕێكا شه‌يتانى بوون.
اَفَلَمْ يَسِيْرُوْا فِي الْاَرْضِ فَيَنْظُرُوْا كَيْفَ كَانَ عَاقِبَةُ الَّذِيْنَ مِنْ قَبْلِهِمْ دَمَّرَ اللّٰهُ عَلَيْهِمْ وَلِلْكٰفِرِيْنَ اَمْثَالُهَا
ئه‌رێ ما ئه‌ڤ كافره ل عه‌ردێ خودێ نه‌گه‌ڕياينه دا وجه‌كێ بۆ خۆ ژ وێ ببينن يا ب سه‌رێ وان ملله‌تان هاتى يێن به‌رى وان دره‌و ب پێغه‌مبه‌ران كرى؟ خودێ وارێ وان ب سه‌ر سه‌رێ وان دا په‌لـخاند، وبۆ كافران دويماهییه‌كا وه‌كى ڤێ دويماهییێ هه‌يه.
ذٰلِكَ بِاَنَّ اللّٰهَ مَوْلَي الَّذِيْنَ اٰمَنُوْا وَاَنَّ الْكٰفِرِيْنَ لَا مَوْلٰي لَهُمْ
ئه‌وا هه يا مه ب سه‌رێ هه‌ر دو ده‌سته‌كان ئيناى ده‌سته‌كا باوه‌رییێ وده‌سته‌كا كوفرێ؛ ژ به‌ر هندێیه چونكى خودێ خودان وپشته‌ڤانێ خودان باوه‌رانه، وكافرن چو خودان وپشته‌ڤان نين.
اِنَّ اللّٰهَ يُدْخِلُ الَّذِيْنَ اٰمَنُوْا وَعَمِلُوا الصّٰلِحٰتِ جَنّٰتٍ تَجْرِيْ مِنْ تَحْتِهَا الْاَنْهٰرُ وَالَّذِيْنَ كَفَرُوْا يَتَمَتَّعُوْنَ وَيَاْكُلُوْنَ كَمَا تَاْكُلُ الْاَنْعَامُ وَالنَّارُ مَثْوًي لَّهُمْ
هندى خودێ‌یه وان يێن باوه‌رى ب خودێ و ب پێغه‌مبه‌رێ وى ئيناى وچاكى كرين دكه‌ته د وان به‌حه‌شتان دا يێن ڕويبار د بن دا دچن، وئه‌وێن كافر بووين مه‌ته‌لا وان د خوارن وخۆشى برنا وان يا د دنيايێ دا وه‌كى مه‌ته‌لا وان حه‌يوانانه يێن خه‌ما وان به‌س خوارن، وئاگرێ جه‌هنه‌مێ جهـ وواره بۆ وان.
وَكَاَيِّنْ مِّنْ قَرْيَةٍ هِيَ اَشَدُّ قُوَّةً مِّنْ قَرْيَتِكَ الَّتِيْ٘ اَخْرَجَتْكَ اَهْلَكْنٰهُمْ فَلَا نَاصِرَ لَهُمْ
وگه‌له‌ك باژێر هه‌بوون خه‌لكێ وان ژ خه‌لكێ باژێرێ ته يێ تو -ئه‌ى موحه‌ممه‌د- ده‌رێخستى -كو مه‌كه‌هه- د هێز دژوارتر بوون مه ئه‌و ب گه‌له‌ك ڕه‌نگێن عه‌زابێ تێ برن، ڤێجا چو پشته‌ڤان بۆ وان نه‌بوون عه‌زابا خودێ ژ وان پاشڤه لێ بده‌ن.
اَفَمَنْ كَانَ عَلٰي بَيِّنَةٍ مِّنْ رَّبِّهٖ كَمَنْ زُيِّنَ لَهٗ سُوْٓءُ عَمَلِهٖ وَاتَّبَعُوْ٘ا اَهْوَآءَهُمْ
ئه‌رێ ڤێجا هه‌چییێ ده‌ليله‌كێ ئاشكه‌را ژ خودايێ وى د گه‌ل وى هه‌بت و ب ته‌وحيدا وى يێ زانابت، دێ وه‌كى وى بت يێ شه‌يتانى كارێ وى يێ خراب ل به‌ر وى خه‌ملاندى، ڤێجا وى د بێ ئه‌مرییا خودێ دا دويكه‌فتنا دلچوونێن خۆ كرى ووى بێ ده‌ليل په‌رستنا يه‌كێ دى ژبلی خودێ كرى؟ ئه‌و وه‌كى يه‌ك نابن.
مَثَلُ الْجَنَّةِ الَّتِيْ وُعِدَ الْمُتَّقُوْنَ فِيْهَا٘ اَنْهٰرٌ مِّنْ مَّآءٍ غَيْرِ اٰسِنٍ وَاَنْهٰرٌ مِّنْ لَّبَنٍ لَّمْ يَتَغَيَّرْ طَعْمُهٗ وَاَنْهٰرٌ مِّنْ خَمْرٍ لَّذَّةٍ لِّلشّٰرِبِيْنَ وَاَنْهٰرٌ مِّنْ عَسَلٍ مُّصَفًّي وَلَهُمْ فِيْهَا مِنْ كُلِّ الثَّمَرٰتِ وَمَغْفِرَةٌ مِّنْ رَّبِّهِمْ كَمَنْ هُوَ خَالِدٌ فِي النَّارِ وَسُقُوْا مَآءً حَمِيْمًا فَقَطَّعَ اَمْعَآءَهُمْ
ژ سـالۆخه‌تێن وێ به‌حه‌شتێ‌يه يـا خودێ ژڤان پـێ دايه ته‌قواداران: هنده‌ك ڕويبارێن مه‌زن ژ وێ ئاڤا ڕه‌نگێ وێ نه‌ئێته گوهاڕتن تێدا هه‌نه، وهنده‌ك ڕويبارێن ژ وى شيرێ تاما وى نه‌ئێته گوهاڕتن، وڕويبارێن ژ وێ مه‌يا ڤه‌خور خۆشییێ پێ دبه‌ن، وڕويبارێن تژى هنگڤينێ صه‌فاندى تێدا هه‌نه، وبۆ ڤان ته‌قواداران د به‌حه‌شتێ دا ژ هه‌مى ڕه‌نگێن فێقى هه‌نه، ويا ژ ڤێ مه‌زنتر لێبورينا ژ گونه‌هێن وانه، ئه‌رێ ئه‌وێ د ڤێ به‌حه‌شتێ دا ما وه‌كى وییه يێ هه‌ر وهه‌ر د ئاگرى دا دمينت، وئاڤه‌كا زێده كه‌لاندى بۆ وان دئێته دان ڕويڤيكێن وان پێ پرت پرت دبن؟
وَمِنْهُمْ مَّنْ يَّسْتَمِعُ اِلَيْكَ حَتّٰ٘ي اِذَا خَرَجُوْا مِنْ عِنْدِكَ قَالُوْا لِلَّذِيْنَ اُوْتُوا الْعِلْمَ مَاذَا قَالَ اٰنِفًا اُولٰٓئِكَ الَّذِيْنَ طَبَعَ اللّٰهُ عَلٰي قُلُوْبِهِمْ وَاتَّبَعُوْ٘ا اَهْوَآءَهُمْ
و ژ ڤان دوڕوییان هنده‌ك هه‌نه گوهێ خۆ دده‌نه ته -ئه‌ى موحه‌ممه‌د- وخۆ تێ ناگه‌هينن؛ حه‌تا ده‌مێ ژ ديوانا ته ڕادبن بۆ تڕانه‌پێكرن دبێژنه وان يێن خودان زانين ب كيتابا خودێ: موحه‌ممه‌دى ڤێ گاڤێ چ دگۆت؟ ئه‌و ئه‌ون يێن خودێ خه‌تم ل دلێن وان داى، ڤێجا ئه‌و د حه‌قییێ ناگه‌هن و ب ڕێكێ ناكه‌ڤن، ووان دويكه‌فتنا دلچوونێن خۆ كرییه.
وَالَّذِيْنَ اهْتَدَوْا زَادَهُمْ هُدًي وَّاٰتٰىهُمْ تَقْوٰىهُمْ
وئه‌وێن هاتينه سه‌ر ڕێكا حه‌ق خودێ هيدايه‌ت ل وان زێده كر، ڤێجا ب وێ چه‌ندێ هيدايه‌تا وان ب هێز كه‌فت، ووى به‌رێ وان دا ته‌قوايێ، وئه‌و بۆ وان ب ساناهى كر.
فَهَلْ يَنْظُرُوْنَ اِلَّا السَّاعَةَ اَنْ تَاْتِيَهُمْ بَغْتَةً فَقَدْ جَآءَ اَشْرَاطُهَا فَاَنّٰي لَهُمْ اِذَا جَآءَتْهُمْ ذِكْرٰىهُمْ
ئه‌ڤ دره‌وپێكه‌ره ژ قيامه‌تێ پێڤه‌تر چاڤه‌ڕێیى تشته‌كێ دى ناكه‌ن كو ئه‌و ژ نشكه‌كێ ڤه بێت وبگه‌هته وان، چونكى ب ڕاستى نيشانێن وێ هاتينه ووان چو مفا بۆ خۆ ژێ وه‌رنه‌گرتییه، ڤێجا ئه‌گه‌ر ئه‌و گه‌هشته وان ئه‌و ژ نوى ژ كيڤه دێ بيرا خۆ لێ ئيننه‌ڤه؟
فَاعْلَمْ اَنَّهٗ لَا٘ اِلٰهَ اِلَّا اللّٰهُ وَاسْتَغْفِرْ لِذَنْۣبِكَ وَلِلْمُؤْمِنِيْنَ وَالْمُؤْمِنٰتِ وَاللّٰهُ يَعْلَمُ مُتَقَلَّبَكُمْ وَمَثْوٰىكُمْ
ڤێجا تۆ بزانه -ئه‌ى موحه‌ممه‌د- كو ژ خودێ پێڤه‌تر چو خودا يێن حه‌ق نينن، وتو داخوازا ژێبرنا گونه‌هان بۆ خۆ، وبۆ مێرێن خودان باوه‌ر وژنێن خودان باوه‌ر بكه. وخودێ دزانت ب ڕۆژێ هوين چ دكه‌ن، و ب شه‌ڤێ ل ده‌مێ ئاكنجيبوونێ چ ب سه‌رێ هه‌وه دئێت.
وَيَقُوْلُ الَّذِيْنَ اٰمَنُوْا لَوْلَا نُزِّلَتْ سُوْرَةٌ فَاِذَا٘ اُنْزِلَتْ سُوْرَةٌ مُّحْكَمَةٌ وَّذُكِرَ فِيْهَا الْقِتَالُ رَاَيْتَ الَّذِيْنَ فِيْ قُلُوْبِهِمْ مَّرَضٌ يَّنْظُرُوْنَ اِلَيْكَ نَظَرَ الْمَغْشِيِّ عَلَيْهِ مِنَ الْمَوْتِ فَاَوْلٰي لَهُمْ
وئه‌وێن باوه‌رى ب خودێ وپێغه‌مبه‌رێ وى ئيناى دبێژن: بلا سووره‌ته‌ك ژ نك خودێ هاتبا خوارێ فه‌رمانا ب جيهادێ ل مه كربا، ڤێجا ئه‌گه‌ر سووره‌ته‌كا موكم هاته خوارێ وبه‌حسێ جيهادێ تێدا هاته‌كرن، تو دێ بينى ئه‌وێن نفاق ل نك هه‌ى و د دل دا ژ دينێ خودێ ب گومان وه‌سا دێ به‌رێ خۆ ده‌نه ته -ئه‌ى موحه‌ممه‌د- وه‌كى وى يێ ترسا مرنێ ب سه‌ردا گرتى، ڤێجا يا باشتر بۆ ڤان يێن نساخى د دلێن وان دا هه‌ى ئه‌وه ..
طَاعَةٌ وَّقَوْلٌ مَّعْرُوْفٌ فَاِذَا عَزَمَ الْاَمْرُ فَلَوْ صَدَقُوا اللّٰهَ لَكَانَ خَيْرًا لَّهُمْ
ئه‌و گوهدارییا خودێ بكه‌ن وگۆتنه‌كا وه‌سا بێژن يا د گه‌ل شريعه‌تى ڕێككه‌فتى بت. ڤێجا ئه‌گه‌ر فه‌رمانا خودێ ب كرنا شه‌ڕى هات وجيهاد فه‌ر بوو ڤان دوڕوییان پێ نه‌خۆش دبت، وئه‌گه‌ر ئه‌و د باوه‌رییا خۆ دا ب خودێ دڕاستگۆبانه ئه‌و ژ بێ ئه‌مرییا خودێ دا بۆ وان چێتر بت.
فَهَلْ عَسَيْتُمْ اِنْ تَوَلَّيْتُمْ اَنْ تُفْسِدُوْا فِي الْاَرْضِ وَتُقَطِّعُوْ٘ا اَرْحَامَكُمْ
ڤێجا به‌لكى ئه‌گه‌ر هه‌وه پشت ددا كيتابا خودێ وســونــنـه‌تا پێغه‌مبه‌رێ وى مـوحــه‌مــمـه‌دى -سلاڤ لێ بن- هوين بێ ئه‌مرییا خودێ د عه‌ردى دا بكه‌ن، ڤێجا هوين كوفرێ ب خودێ بكه‌ن وخوينێ بڕێژن، ومرۆڤاينییێ د ناڤبه‌را خۆ دا ببڕن.
اُولٰٓئِكَ الَّذِيْنَ لَعَنَهُمُ اللّٰهُ فَاَصَمَّهُمْ وَاَعْمٰ٘ي اَبْصَارَهُمْ
ئه‌و ئه‌ون يێن خودێ ئه‌و ژ ره‌حما خۆ دويركرين، ڤێجا يه‌كا هند ژ وان چێكرى كو وان گوهـ ل وى تشتى نه‌بت يێ مفايێ وان تێدا وئه‌و وى نه‌بينن، ڤێجا ئه‌و چو ده‌ليلێن خودێ نابينن.
اَفَلَا يَتَدَبَّرُوْنَ الْقُرْاٰنَ اَمْ عَلٰي قُلُوْبٍ اَقْفَالُهَا
ئه‌رێ ڤێجا ما ئه‌ڤ دوڕییه هزرێن خۆ د شيره‌ت وده‌ليلێن قورئانێ دا ناكه‌ن؟ به‌لكى ئه‌ڤ دله دگرتينه وچو ژ ڤێ قورئانێ تێدا ناچت، وئه‌و هزرا خۆ د شيره‌تێن خودێ دا ناكه‌ن.
اِنَّ الَّذِيْنَ ارْتَدُّوْا عَلٰ٘ي اَدْبَارِهِمْ مِّنْۣ بَعْدِ مَا تَبَيَّنَ لَهُمُ الْهُدَي الشَّيْطٰنُ سَوَّلَ لَهُمْ وَاَمْلٰي لَهُمْ
هندى ئه‌ون يێن لێڤه بووين وهيدايه‌ت وباوه‌رى هێلاين، وپشتى حه‌قى بۆ ئاشكه‌را بووى ئه‌و ب سه‌ر پاش پانییێن خۆ دا ل كوفرێ زڤڕينه‌ڤه، شه‌يتانى گونه‌هێن وان بۆ وان خه‌ملاندن، وئه‌و ب هيڤى كرن.
ذٰلِكَ بِاَنَّهُمْ قَالُوْا لِلَّذِيْنَ كَرِهُوْا مَا نَزَّلَ اللّٰهُ سَنُطِيْعُكُمْ فِيْ بَعْضِ الْاَمْرِ وَاللّٰهُ يَعْلَمُ اِسْرَارَهُمْ
ئه‌ڤ ل دويڤ به‌ردانه بۆ هندێیه دا ئه‌و پتر ب ناڤ كوفرێ ڤه بچن؛ چونكى وان گۆته وان جوهییێن ب وێ نه‌خۆش بووى يا خودێ ئينايه خوارێ: د هنده‌ك كاران دا يێن كو بێ ئه‌مرییا خودێ وپێغه‌مبه‌رى تێدا هه‌ى ئه‌م دێ گوهدارییا هه‌وه كه‌ين. وخودێ وى تشتى دزانت يێ ئه‌و ڤه‌دشێرن، ڤێجا بلا موسلمان هشيار بت و د بێ ئه‌مرییا خودێ وپێغه‌مبه‌رى دا -سلاڤ لێ بن- گوهدارییا كه‌سێ نه‌كه‌ت.
فَكَيْفَ اِذَا تَوَفَّتْهُمُ الْمَلٰٓئِكَةُ يَضْرِبُوْنَ وُجُوْهَهُمْ وَاَدْبَارَهُمْ
ڤێجا حالێ وان دێ چ بت ده‌مێ فريشته ڕحێن وان دستينن وئه‌و ل ڕوییێن وان و ل پاشییێن وان دده‌ن؟
ذٰلِكَ بِاَنَّهُمُ اتَّبَعُوْا مَا٘ اَسْخَطَ اللّٰهَ وَكَرِهُوْا رِضْوَانَهٗ فَاَحْبَطَ اَعْمَالَهُمْ
ئه‌و عه‌زابا ئه‌و گه‌هشتينێ؛ ژ به‌ر هندێیه چونكى وان دويكه‌فتنا وى تشتى كر يێ خودێ پێ ژ وان عێجز ببت، ووان كه‌رب ژ وى تشتى ڤه‌بوو يێ خودێ پێ ژ وان ڕازى ببت ژ كريارێن چاك وه‌كى جيهادا د گه‌ل كافران، ڤێجا خودێ خێرا كريارێن وان پويچ كر.
اَمْ حَسِبَ الَّذِيْنَ فِيْ قُلُوْبِهِمْ مَّرَضٌ اَنْ لَّنْ يُّخْرِجَ اللّٰهُ اَضْغَانَهُمْ
يان دوڕییان هزركرییه خودێ وێ كه‌رب وكينا د دلێن وان دا دژى ئيسلامێ وموسلمانان هه‌ى ده‌رنائێخت؟ به‌لێ هندى خودێ‌یه مرۆڤێ ڕاستگۆ ويێ دره‌وين ژێك جودا دكه‌ت.
وَلَوْ نَشَآءُ لَاَرَيْنٰكَهُمْ فَلَعَرَفْتَهُمْ بِسِيْمٰهُمْ وَلَتَعْرِفَنَّهُمْ فِيْ لَحْنِ الْقَوْلِ وَاللّٰهُ يَعْلَمُ اَعْمَالَكُمْ
وئه‌گه‌ر مه بڤێت -ئه‌ى موحه‌ممه‌د- ئه‌م دا وان خۆ ب خۆ نيشا ته ده‌ين، ڤێجا تو دا وان ب هنده‌ك نيشانێن ئاشكه‌را ناسى، وتو دێ وان ب ئاخفتنێ ناسى ئه‌و ئاخفتنا مرادا وان ئاشكه‌را دكه‌ت. وكريارێن كه‌سێ ژ هه‌وه ل به‌ر خـودێ به‌رزه نابن، وئه‌و جزايێ هه‌ر يه‌كى دێ ده‌تێ.
وَلَنَبْلُوَنَّكُمْ حَتّٰي نَعْلَمَ الْمُجٰهِدِيْنَ مِنْكُمْ وَالصّٰبِرِيْنَ وَنَبْلُوَا۠ اَخْبَارَكُمْ
وئه‌م ب شه‌ڕى وجيهادا دوژمێن خودێ دێ هه‌وه جه‌ڕبينين -گه‌لی خودان باوه‌ران- حه‌تا ب كرنا جيهادێ جيهادكه‌ر وصه‌بركێش ئاشكه‌را ببن، وئه‌م دێ گۆتن وكريارێن هه‌وه ژى جه‌ڕبينين دا يێ ڕاستگۆ ژ يێ ده‌روين جودا ببت.
اِنَّ الَّذِيْنَ كَفَرُوْا وَصَدُّوْا عَنْ سَبِيْلِ اللّٰهِ وَشَآقُّوا الرَّسُوْلَ مِنْۣ بَعْدِ مَا تَبَيَّنَ لَهُمُ الْهُدٰي لَنْ يَّضُرُّوا اللّٰهَ شَيْــًٔا وَسَيُحْبِطُ اَعْمَالَهُمْ
هندى ئه‌ون يێن كوفر ب ته‌وحيدا خودێ كرى، وبه‌رێ خه‌لكى ژ دينێ وى دايه پاش، وبێ ئه‌مرییا پێغه‌مبه‌رێ خودێ كرى، وپشتى نيشان وده‌ليل ل سه‌ر ڕاستییا پێغه‌مبه‌رينییا وى بۆ وان ئاشكه‌را بووين وان شه‌ڕێ وى كرى، ئه‌و ب تشته‌كى زيانێ ناگه‌هيننه دينێ خودێ، وخودێ دێ خێرا وان كريارێن وان د دنيايێ دا كرين پويچ كه‌ت؛ چونكى وان ئه‌و بۆ كنارێ خودێ نـه‌كربـوون.
يٰ٘اَيُّهَا الَّذِيْنَ اٰمَنُوْ٘ا اَطِيْعُوا اللّٰهَ وَاَطِيْعُوا الرَّسُوْلَ وَلَا تُبْطِلُوْ٘ا اَعْمَالَكُمْ
ئـه‌ى ئـه‌وێن بـاوه‌رى ب خودێ ئيناى ودويكه‌فتنا پێغه‌مبه‌رێ وى كرى هوين گوهدارییا خودێ وگوهدارییا پێغه‌مبه‌رى د ئه‌مر وفه‌رمانێن وان دا بكه‌ن، وهوين خێرا كريارێن خۆ ب كوفرێ وگونه‌هێ پويچ نه‌كه‌ن.
اِنَّ الَّذِيْنَ كَفَرُوْا وَصَدُّوْا عَنْ سَبِيْلِ اللّٰهِ ثُمَّ مَاتُوْا وَهُمْ كُفَّارٌ فَلَنْ يَّغْفِرَ اللّٰهُ لَهُمْ
هندى ئه‌ون يێن كوفر ب ته‌وحيدا خودێ كرى وبه‌رێ خه‌لكى ژ دينێ وى دايه پاش، وپاشى ل سه‌ر وێ چه‌ندێ مرين، خودێ گونه‌هێن وان بۆ وان ژێ نابه‌ت، وسه‌را كوفرا وان دێ وان عه‌زاب ده‌ت، و ل پێش چاڤێن خه‌لكى دێ وان شه‌رمزار كه‌ت.
فَلَا تَهِنُوْا وَتَدْعُوْ٘ا اِلَي السَّلْمِ وَاَنْتُمُ الْاَعْلَوْنَ وَاللّٰهُ مَعَكُمْ وَلَنْ يَّتِرَكُمْ اَعْمَالَكُمْ
ڤێجا هوين -گه‌لی خودان باوه‌ران- ژ جيهادا بوتپه‌رێسان لاواز نه‌بن، و ژ كرنا شه‌ڕێ د گه‌ل وان نه‌ترسن، وبۆ صولحێ وان داخواز نه‌كه‌ن، ويێن بلندتر هوينن، وخودێ ب پشته‌ڤانى وسه‌ركه‌فتنا خۆ يێ د گه‌ل هه‌وه. وئه‌ڤه مزگينییه‌كا مه‌زنه ب سه‌ركه‌فتنا ل سه‌ر نه‌ياران. وخودێ خێرا كريارێن هه‌وه بۆ هه‌وه كێم ناكه‌ت.
اِنَّمَا الْحَيٰوةُ الدُّنْيَا لَعِبٌ وَّلَهْوٌ وَاِنْ تُؤْمِنُوْا وَتَتَّقُوْا يُؤْتِكُمْ اُجُوْرَكُمْ وَلَا يَسْــَٔلْكُمْ اَمْوَالَكُمْ
هه‌ما ژينا دنيايێ يارى وموژيلاهییه. وئه‌گه‌ر هوين باوه‌رییێ ب خودێ وپێغه‌مبه‌رێ وى بينن، وته‌قوا خودێ بكه‌ن وپێگيرییێ ب فه‌رمانا وى بكه‌ن، ئه‌و دێ خێرا كريارێن هه‌وه ده‌ته هه‌وه، وئه‌و ژ هه‌وه ناخوازت كو هوين مالێ خۆ هه‌مییێ بكه‌نه زه‌كات، به‌لكى ئه‌و دخوازت هوين هنده‌ك مالێ خۆ بكه‌نه زه‌كات.
اِنْ يَّسْــَٔلْكُمُوْهَا فَيُحْفِكُمْ تَبْخَلُوْا وَيُخْرِجْ اَضْغَانَكُمْ
ئه‌گه‌ر ئه‌و پسيارا مالێ هه‌وه هه‌مییێ بكه‌ت، ئه‌و دێ هه‌وه وه‌ستينت، وهوين دێ قه‌لسییێ كه‌ن، وئه‌و دێ كه‌ربا دلێن هه‌وه ئاشكه‌را كه‌ت ئه‌گه‌ر وى داخوازا وى تشتى ژ هه‌وه كر يێ هه‌وه ب دانا وى نه‌خۆش بت.
هٰ٘اَنْتُمْ هٰ٘ؤُلَآءِ تُدْعَوْنَ لِتُنْفِقُوْا فِيْ سَبِيْلِ اللّٰهِ فَمِنْكُمْ مَّنْ يَّبْخَلُ وَمَنْ يَّبْخَلْ فَاِنَّمَا يَبْخَلُ عَنْ نَّفْسِهٖ وَاللّٰهُ الْغَنِيُّ وَاَنْتُمُ الْفُقَرَآءُ وَاِنْ تَتَوَلَّوْا يَسْتَبْدِلْ قَوْمًا غَيْرَكُمْ ثُمَّ لَا يَكُوْنُوْ٘ا اَمْثَالَكُمْ
ئه‌ڤه هوين -گه‌لی خودان باوه‌ران- بۆ خه‌رجكرنا مالی د ڕێكا جيهادا دوژمنێن خودێ دا يێن دئێنه گازيكرن، ڤێجا د ناڤ هه‌وه دا هه‌يه يێ قه‌لسییێ دكه‌ت، وهه‌چییێ قه‌لسییێ بكه‌ت هه‌ما ئه‌و قه‌لسییێ ل خۆ دكه‌ت، وخودێ‌یه يێ بێ منه‌ت ژ هه‌وه وهوين هه‌ژارێن وينه، وئه‌گه‌ر هوين پشت بده‌نه باوه‌رییا ب خودێ وپێگيرییا ب فه‌رمانا وى، ئه‌و دێ ملله‌ته‌كێ دى ب هه‌وه گوهۆڕت، پاشى ئه‌و وه‌كى هه‌وه پشت ناده‌نه ئه‌مرێ خودێ، به‌لكى دێ گوهدارییا وى ويا پێغه‌مبه‌رێ وى كه‌ن، و ب مال وجانێ خۆ ئه‌و دێ جيهادێ د ڕێكا وى دا كه‌ن.