حٰمٓ
(حم) گۆتن ل سه‌ر ڤان حه‌رفێن كه‌ركرى ل ده‌سپێكا سووره‌تا به‌قه‌ره بۆرییه.
تَنْزِيْلُ الْكِتٰبِ مِنَ اللّٰهِ الْعَزِيْزِ الْحَكِيْمِ
ئه‌ڤ قورئانه ژ نك خودايێ زالێ كاربنه‌جهـ يا هاتییه خوارێ.
اِنَّ فِي السَّمٰوٰتِ وَالْاَرْضِ لَاٰيٰتٍ لِّلْمُؤْمِنِيْنَ
د هه‌ر حه‌فت عه‌سمانان دا يێن كو باران ژێ دئێت، و د عه‌درى دا يێ چێكرى ژێ ده‌ركه‌فتين، ده‌ليل وهێجه‌تێن ئاشكه‌را بۆ وان هه‌نه يێن باوه‌رییێ پێ دئينن.
وَفِيْ خَلْقِكُمْ وَمَا يَبُثُّ مِنْ دَآبَّةٍ اٰيٰتٌ لِّقَوْمٍ يُّوْقِنُوْنَ
و د ئافراندنا هه‌وه دا وخودان رحێن كو ل عه‌ردى دبه‌لاڤ و ل سه‌ر ب ڕێڤه دچن، ده‌ليل وهێجه‌تێن ئاشكه‌را بۆ وى ملله‌تى هه‌نه يێ باوه‌رییه‌كا باوه‌رى ب خودێ دئينن.
وَاخْتِلَافِ الَّيْلِ وَالنَّهَارِ وَمَا٘ اَنْزَلَ اللّٰهُ مِنَ السَّمَآءِ مِنْ رِّزْقٍ فَاَحْيَا بِهِ الْاَرْضَ بَعْدَ مَوْتِهَا وَتَصْرِيْفِ الرِّيٰحِ اٰيٰتٌ لِّقَوْمٍ يَّعْقِلُوْنَ
و د ژێك جودا بوونا شه‌ڤێ وڕۆژێ دا، وئه‌و بارانا خودێ ژ عه‌سمانى ئينايه خوارێ، ڤێجا وى عه‌رد پێ شينكرى پشتى كو ئه‌و هشك بووى، و د ئينانا باى دا بۆ هه‌وه، ده‌ليل وهێجه‌تێن ئاشكه‌را بۆ وى ملله‌تى هه‌نه يێ د ئايه‌تێن خودێ بگه‌هت.
تِلْكَ اٰيٰتُ اللّٰهِ نَتْلُوْهَا عَلَيْكَ بِالْحَقِّ فَبِاَيِّ حَدِيْثٍۣ بَعْدَ اللّٰهِ وَاٰيٰتِهٖ يُؤْمِنُوْنَ
ئه‌م ڤان ئايه‌ت وده‌ليلان بۆ ته -ئه‌ى موحه‌ممه‌د- ب حه‌قییێ دخوينين، ڤێجا پشتى خودێ وئايه‌ت وده‌ليلێن ته‌وحيدا وى ئه‌و دێ باوه‌رییێ ب چ گۆتن ئينن؟
وَيْلٌ لِّكُلِّ اَفَّاكٍ اَثِيْمٍ
تێچوون ونه‌مان بۆ هه‌ر كه‌سه‌كێ پڕدره‌وين وگه‌له‌ك گونه‌هكار بت.
يَّسْمَعُ اٰيٰتِ اللّٰهِ تُتْلٰي عَلَيْهِ ثُمَّ يُصِرُّ مُسْتَكْبِرًا كَاَنْ لَّمْ يَسْمَعْهَا فَبَشِّرْهُ بِعَذَابٍ اَلِيْمٍ
گوهـ ل ئايه‌تێن كيتابا خودێ دبت بۆ وى دئێنه خواندن، پاشى ئه‌و پتر ب ناڤ كوفرا خۆ دا دچت وخۆ ژ هندێ مه‌زنتر دبينت كو گوهدارییا خودێ وپێغه‌مبه‌رێ وى بكه‌ت، هه‌ر وه‌كى وى گوهـ ل وان ئايه‌تێن خودێ نه‌بووى يێن بۆ وى هاتينه خواندن، ڤێجا تو مزگينییێ ب عه‌زابه‌كا ب ئێش ونه‌خۆش ل قيامه‌تێ د جه‌هنه‌مێ دا بده ڤى پڕدره‌وينێ گونه‌هكار.
وَاِذَا عَلِمَ مِنْ اٰيٰتِنَا شَيْــَٔا اِۨتَّخَذَهَا هُزُوًا اُولٰٓئِكَ لَهُمْ عَذَابٌ مُّهِيْنٌ
وئه‌گه‌ر ڤى پڕدره‌وينێ گونه‌هكار تشته‌ك ژ ئايه‌تێن مه زانى ئه‌و دێ وى بۆ خۆ كه‌ته جهێ يارى وتڕانه‌يان، ئه‌وان عه‌زابه‌كا ئه‌و پێ ڕه‌زيل وشه‌رمزار ببن بۆ هه‌يه.
مِنْ وَّرَآئِهِمْ جَهَنَّمُ وَلَا يُغْنِيْ عَنْهُمْ مَّا كَسَبُوْا شَيْــًٔا وَّلَا مَا اتَّخَذُوْا مِنْ دُوْنِ اللّٰهِ اَوْلِيَآءَ وَلَهُمْ عَذَابٌ عَظِيْمٌ
ل به‌راهییا ڤان كه‌سێن تڕانه‌يان بۆ خۆ ب ئايه‌تێن خودێ دكه‌ن جه‌هنه‌م هه‌يه، وئه‌و مال وعه‌يالێ وان هه‌ى ب تشته‌كى مفاى ناگه‌هينته وان، هه‌ر وه‌سا ئه‌و خوداوه‌ندێن وان ژبلی خودێ په‌رستن ژى بۆ دكر ئه‌و ژى فايده‌ى ناگه‌هيننه وان، وعه‌زابه‌كا مه‌زن بۆ وان هه‌يه.
هٰذَا هُدًي وَالَّذِيْنَ كَفَرُوْا بِاٰيٰتِ رَبِّهِمْ لَهُمْ عَذَابٌ مِّنْ رِّجْزٍ اَلِيْمٌ
ئه‌ڤ قورئانه يا مه بۆ ته ئينايه خوارێ ڕێنيشادان وده‌ليله‌كه ل سه‌ر حه‌قییێ، هه‌چییێ ل دويڤ بچت وكارى پێ بكه‌ت ئه‌و دێ به‌رێ وى ده‌ته ڕێكا ڕاست، وئه‌وێن كافرى پێ كرى، نه‌خۆشترين ڕه‌نگێ عه‌زابێ ل ڕۆژا قيامه‌تێ بۆ وى هه‌يه.
اَللّٰهُ الَّذِيْ سَخَّرَ لَكُمُ الْبَحْرَ لِتَجْرِيَ الْفُلْكُ فِيْهِ بِاَمْرِهٖ وَلِتَبْتَغُوْا مِنْ فَضْلِهٖ وَلَعَلَّكُمْ تَشْكُرُوْنَ
خودێ‌یه ده‌ريا بۆ هه‌وه بن ده‌ست كرى؛ دا گه‌مى ب فه‌رمانا وى تێدا بچن، ودا هوين ژ قه‌نجییا وى گه‌له‌ك ڕه‌نگێن بازرگانییێ بۆ خۆ بخوازن، ودا هوين شوكرا وى بكه‌ن ل سه‌ر ڤێ قه‌نجییێ كو وى ده‌ريا بن ده‌ستى هه‌وه كرى، وگوهدارییا ئه‌مرێ وى بكه‌ن.
وَسَخَّرَ لَكُمْ مَّا فِي السَّمٰوٰتِ وَمَا فِي الْاَرْضِ جَمِيْعًا مِّنْهُ اِنَّ فِيْ ذٰلِكَ لَاٰيٰتٍ لِّقَوْمٍ يَّتَفَكَّرُوْنَ
وهه‌ر تشته‌كێ ل عه‌سمانان وه‌كى ڕۆژێ وهه‌يڤێ وستێران، وهه‌ر تشته‌كێ ل عه‌ردى وه‌كى حه‌يوانه‌ت وداروبار وگه‌مییان وى بن ده‌ستى هه‌وه كرينه، ئه‌ڤ قه‌نجییه هه‌مى منه‌تن خودێ ل هه‌وه كرين، ڤێجا هوين په‌رستنا وى ب تنێ بكه‌ن وچو شريكان بۆ نه‌دانن. د ڤان قه‌نجییان دا يێن خودێ داينه هه‌وه نيشان وده‌ليلێن ئاشكه‌را ل سه‌ر ته‌وحيدا خودێ هه‌نه بۆ وى ملله‌تێ هزرا خۆ د ئايه‌تێن خودێ دا دكه‌ت ووجه‌كێ بۆ خۆ ژێ دگرت.
قُلْ لِّلَّذِيْنَ اٰمَنُوْا يَغْفِرُوْا لِلَّذِيْنَ لَا يَرْجُوْنَ اَيَّامَ اللّٰهِ لِيَجْزِيَ قَوْمًاۣ بِمَا كَانُوْا يَكْسِبُوْنَ
تو بێژه وان يێن باوه‌رى ئيناى بلا ئه‌و ل وان ببۆرن يێن چاڤه‌ڕێیى خێرا خودێ نه‌كه‌ن و ژ عه‌زابا وى نه‌ترسن ئه‌گه‌ر وان نه‌خۆشى گه‌هاندنه خودان باوه‌ران؛ دا خودێ جزايێ ڤان بوتپه‌رێسان ل دويڤ كريارێن وان يێن دنيايێ بده‌تێ ده‌مێ وان نه‌خۆشى دگه‌هاندنه خودان باوه‌ران.
مَنْ عَمِلَ صَالِحًا فَلِنَفْسِهٖ وَمَنْ اَسَآءَ فَعَلَيْهَا ثُمَّ اِلٰي رَبِّكُمْ تُرْجَعُوْنَ
هه‌چییێ گوهدارییا خودێ بكه‌ت ئه‌و وى چاكى بۆ خۆ كر، وهه‌چییێ د دنيايێ كاره‌كێ خراب بكه‌ت ئه‌و وى خرابى گه‌هانده خۆ، پاشى هوين -گه‌لی مرۆڤان- پشتى مرنێ دێ زڤڕنه نك خودايێ خۆ، ڤێجا ئه‌و دێ جزايێ هه‌ر يه‌كى ل دويڤ كارێ وى ده‌تێ.
وَلَقَدْ اٰتَيْنَا بَنِيْ٘ اِسْرَآءِيْلَ الْكِتٰبَ وَالْحُكْمَ وَالنُّبُوَّةَ وَرَزَقْنٰهُمْ مِّنَ الطَّيِّبٰتِ وَفَضَّلْنٰهُمْ عَلَي الْعٰلَمِيْنَ
و ب ڕاستى مه ته‌ورات وئنجيل وحوكمدارییا ب وان دابوو ئسرائيلیان، وبارا پتر ژ وان پێغه‌مبه‌رێن ژ دوونده‌ها ئيبراهيمى مه د ناڤ وان دا هنارتن، ومه ژ تشتێن پاقژ ڕزق دا وان، ومه ئـه‌و ب سـه‌ر هـه‌مى خه‌لكێ زه‌مانێ وان ئێخستبوون.
وَاٰتَيْنٰهُمْ بَيِّنٰتٍ مِّنَ الْاَمْرِ فَمَا اخْتَلَفُوْ٘ا اِلَّا مِنْۣ بَعْدِ مَا جَآءَهُمُ الْعِلْمُ بَغْيًاۣ بَيْنَهُمْ اِنَّ رَبَّكَ يَقْضِيْ بَيْنَهُمْ يَوْمَ الْقِيٰمَةِ فِيْمَا كَانُوْا فِيْهِ يَخْتَلِفُوْنَ
ومه شريعه‌تێن ئاشكه‌را د ده‌ر حه‌قا حه‌لالی وحه‌رامى دا وئه‌و نيشانێن حه‌قییێ به‌رچاڤ بكه‌ن دانه ئسرائيلیان، ڤێجا ئه‌و د ناڤبه‌را خۆ دا ژێك جودا نه‌بـوون حه‌تا زانين بۆ هاتى، وهێجه‌ت ل سه‌ر وان ئاشكه‌را بووى، وهه‌ما زێده‌گاڤییا هنده‌ك ژ وان ل سه‌ر هنده‌كان ژ به‌ر خۆمه‌زنكرنێ به‌رێ وان دا هندێ كو ئه‌و وێ چه‌ندێ بكه‌ن، هندى خودايێ ته‌يه ل ڕۆژا قيامه‌تێ حوكمى د ناڤبه‌را وان ئسرائيلییێن ژێك جودابووى دا دكه‌ت. وئه‌ڤه گه‌فه بۆ ڤێ ئوممه‌تێ ژى دا ئه‌و وێ نه‌كه‌ن يا ئسرائيلیان كرى.
ثُمَّ جَعَلْنٰكَ عَلٰي شَرِيْعَةٍ مِّنَ الْاَمْرِ فَاتَّبِعْهَا وَلَا تَتَّبِعْ اَهْوَآءَ الَّذِيْنَ لَا يَعْلَمُوْنَ
پاشى مه تو -ئه‌ى موحه‌ممه‌د- ل سه‌ر ڕێبازه‌كا دينى يا ئاشكه‌را داناى، ڤێجا تو دويكه‌فتنا وى شريعه‌تى بكه يێ مه بۆ ته داناى، ودويكه‌فتنا دلچوونێن وان نه‌كه يێن چو زانين ب شريعه‌تێ خودێ نه‌هه‌ى. وئه‌ڤ ئايه‌ته نيشانه‌كا مه‌زنه ل سه‌ر ته‌كووزییا ڤى دينى، وكو دڤێت ئه‌و يێ حوكمدار بت، وكار ب وى بێته‌كرن.
اِنَّهُمْ لَنْ يُّغْنُوْا عَنْكَ مِنَ اللّٰهِ شَيْــًٔا وَاِنَّ الظّٰلِمِيْنَ بَعْضُهُمْ اَوْلِيَآءُ بَعْضٍ وَاللّٰهُ وَلِيُّ الْمُتَّقِيْنَ
هندى ئه‌ڤ بوتپه‌رێسه‌نه يێن كو داخوازێ ژ ته دكه‌ن كو تو دويكه‌فتنا دلچوونێن وان بكه‌ى ئه‌و ب تشته‌كى مفاى ناگه‌هيننه ته -ئه‌ى موحه‌ممه‌د- ئه‌گه‌ر ته دويكه‌فتنا وان كر وخودێ تو عه‌زاب داى، وهندى ئه‌و زۆردارن يێن پێ ل توخويبێن خودێ ددانن ژ دوڕى وجوهییان وهه‌ر يه‌كێ وه‌كى وان هنده‌ك ژ وان پشته‌ڤانێن هنده‌كانه دژى خودان باوه‌ران، وخودێ پشته‌ڤانێ ته‌قوادارانه.
هٰذَا بَصَآئِرُ لِلنَّاسِ وَهُدًي وَّرَحْمَةٌ لِّقَوْمٍ يُّوْقِنُوْنَ
ئه‌ڤ قورئانه يا مه بۆ ته ئينايه خوارێ -ئه‌ى موحه‌ممه‌د- مرۆڤ حه‌قییێ پێ دبينن، وپێ ب ڕێكا دورست دكه‌ڤن، وئه‌و ڕێنيشادان ودلۆڤانییه بۆ وى ملله‌تێ باوه‌رییه‌كا باوه‌رى ب ڕاستییا وێ هه‌ى، وكو ئه‌و ژ نك خودێ‌یه.
اَمْ حَسِبَ الَّذِيْنَ اجْتَرَحُوا السَّيِّاٰتِ اَنْ نَّجْعَلَهُمْ كَالَّذِيْنَ اٰمَنُوْا وَعَمِلُوا الصّٰلِحٰتِ سَوَآءً مَّحْيَاهُمْ وَمَمَاتُهُمْ سَآءَ مَا يَحْكُمُوْنَ
يان ئه‌رێ ئه‌وێن خرابى كرين، وپێغه‌مبه‌رێن خودێ دره‌وين ده‌رێخستين، وفه‌رمانا خودايێ خۆ ب جهـ نه‌ئيناى، ئه‌و هزر دكه‌ن كو ئه‌م دێ وان وه‌كى وان لێ كه‌ين يێن باوه‌رى ب خودێ ئيناى وپێغه‌مبه‌رێن وى ڕاستگۆ ده‌رێخستين وچاكى كرين، وپه‌رستن بۆ خودێ ب تنێ كرى، وكو ئه‌م ل دنيايێ وئاخره‌تێ دێ وان ئينينه ڕێزه‌كێ؟ پيسه حوكمه ئه‌و دكه‌ن كو باش وخرابان دئيننه ڕێزه‌كێ.
وَخَلَقَ اللّٰهُ السَّمٰوٰتِ وَالْاَرْضَ بِالْحَقِّ وَلِتُجْزٰي كُلُّ نَفْسٍۣ بِمَا كَسَبَتْ وَهُمْ لَا يُظْلَمُوْنَ
وخودێ عه‌سمان وعه‌رد ب حه‌قییێ ودادییێ ئافراندينه؛ ودا جزايێ هه‌ر نه‌فسه‌كێ ل ئاخره‌تێ ل دويڤ كارێ وێ بێته دان، وچو زۆردارى ل وان نائێته‌كرن.
اَفَرَءَيْتَ مَنِ اتَّخَذَ اِلٰهَهٗ هَوٰىهُ وَاَضَلَّهُ اللّٰهُ عَلٰي عِلْمٍ وَّخَتَمَ عَلٰي سَمْعِهٖ وَقَلْبِهٖ وَجَعَلَ عَلٰي بَصَرِهٖ غِشٰوَةً فَمَنْ يَّهْدِيْهِ مِنْۣ بَعْدِ اللّٰهِ اَفَلَا تَذَكَّرُوْنَ
ئه‌رێ ڤێجا ته -ئه‌ى موحه‌ممه‌د- ئه‌و كه‌س ديتییه يێ دلچوونا خۆ بۆ خۆ كرییه خوداوه‌ند، ڤێجا هه‌ر تشته‌كێ دلێ وى بخوازت ئه‌و وى دكه‌ت، وخودێ پشتى زانين گه‌هاندییێ وچو هێجه‌ت بۆ نه‌هێلاين ئه‌و به‌رزه‌كر، له‌و ئه‌و گوهـ ناده‌ته چو شيره‌تان، ووجه‌كێ بۆ خۆ ژێ وه‌رناگرت، وخودێ خه‌تـم ل سه‌ر دلێ وى دايه، ڤێجا ئه‌و د تشته‌كى ناگه‌هت، وپه‌رده ل سه‌ر چاڤێن وى داناينه، له‌و ئه‌و ده‌ليلێن خودێ نابينت؟ ڤێجا پشتى خودێ ئه‌و به‌رزه‌كرى كى هه‌يه به‌رێ وى بده‌ته حه‌قییێ وڕێكێ نيشا بده‌ت؟ ئه‌رێ ڤێجا ما هوين -ئه‌ى گه‌لی مرۆڤان- بيرا خۆ لێ نائينن دا بزانن كو هه‌چییێ خودێ ئه‌و به‌رزه كربت كه‌سه‌ك نابت وى بينته سه‌ر ڕێكێ، وئه‌و ب خۆ ژى قه‌ت ب ڕێكێ ناكه‌ڤت؟
وَقَالُوْا مَا هِيَ اِلَّا حَيَاتُنَا الدُّنْيَا نَمُوْتُ وَنَحْيَا وَمَا يُهْلِكُنَا٘ اِلَّا الدَّهْرُ وَمَا لَهُمْ بِذٰلِكَ مِنْ عِلْمٍ اِنْ هُمْ اِلَّا يَظُنُّوْنَ
وڤان بوتپه‌رێسان ژ دره‌وپێكرن ب ڕابوونا پشتى مرنێ گۆت: هه‌ما ژين ئه‌وه يا ئه‌م د دنيايێ دا دبه‌ينه سه‌رى، ژ وێ پێڤه‌تر چو ژينێن دى نينن، وهه‌ما سال وزه‌مان هه‌ر دێ د سه‌ر مه ڕا بۆرن، يه‌عنى خودايه‌ك نينه وان بمرينت، وڤان بوتپه‌رێسان چو زانين ب وێ چه‌ندێ نينه، هه‌ما ئه‌و گومان وته‌خـمينن ئه‌و بۆ خۆ دكه‌ن.
وَاِذَا تُتْلٰي عَلَيْهِمْ اٰيٰتُنَا بَيِّنٰتٍ مَّا كَانَ حُجَّتَهُمْ اِلَّا٘ اَنْ قَالُوا ائْتُوْا بِاٰبَآئِنَا٘ اِنْ كُنْتُمْ صٰدِقِيْنَ
وئه‌گه‌ر ئايه‌تێن مه يێن ئاشكه‌را بۆ ڤان بوتپه‌رێسان دئێنه خواندن يێن كو به‌حسێ ڕابوونا پشتى مرنێ دكه‌ن، هه‌ما هێجه‌تا وان ئه‌ڤه‌يه ئه‌و دبێژنه موحه‌ممه‌د پێغه‌مبه‌رى: پا كانێ تو وئه‌وێن د گه‌ل ته دا بابێن مه ئه‌وێن مرين زێندى بكه‌ن، ئه‌گه‌ر هوين د ڤێ ئاخفتنا خۆ دا دڕاستگۆنه.
قُلِ اللّٰهُ يُحْيِيْكُمْ ثُمَّ يُمِيْتُكُمْ ثُمَّ يَجْمَعُكُمْ اِلٰي يَوْمِ الْقِيٰمَةِ لَا رَيْبَ فِيْهِ وَلٰكِنَّ اَكْثَرَ النَّاسِ لَا يَعْلَمُوْنَ
تو بێژه وان: خودێ‌یه د دنيايێ هه‌وه هند زێندى دهێلت هندى وى دڤێت، پاشى هه‌وه دمرينت، پاشى ل ڕۆژا قيامه‌تێ يا گومان تێدا نه ئه‌و هه‌وه هه‌مییان زێندى دكه‌ته‌ڤه، به‌لێ پترییا مرۆڤان نزانن كو خودێ پشتى مرنێ دێ وان زێندى كه‌ته‌ڤه.
وَلِلّٰهِ مُلْكُ السَّمٰوٰتِ وَالْاَرْضِ وَيَوْمَ تَقُوْمُ السَّاعَةُ يَوْمَئِذٍ يَّخْسَرُ الْمُبْطِلُوْنَ
وملكێ هه‌ر حه‌فت عه‌سمانان وعه‌درى يێ خودێ‌یه. وڕۆژا قيامه‌ت ڕادبت ده‌مێ خودێ مرییان ژ گۆڕێن وان ڕادكه‌ت، ئه‌و كافر خوساره‌ت دبن يێن باوه‌رى ب خودێ نه‌ئيناى و ب وان ئايه‌تێن ئاشكه‌را يێن وى بۆ پێغه‌مبه‌رێن خۆ ئيناينه خوارێ.
وَتَرٰي كُلَّ اُمَّةٍ جَاثِيَةً كُلُّ اُمَّةٍ تُدْعٰ٘ي اِلٰي كِتٰبِهَا اَلْيَوْمَ تُجْزَوْنَ مَا كُنْتُمْ تَعْمَلُوْنَ
وتو -ئه‌ى موحه‌ممه‌د- ل ڕۆژا قيامه‌تێ دێ بينى هه‌ر ملله‌ته‌ك يێ كه‌فتییه سه‌ر چۆكان، هه‌ر ملله‌ته‌ك بۆ كيتابا كريارێن خۆ دئێته گازيكرن، وبۆ وان دئێته گۆتن: ئه‌ڤرۆ جزايێ كريارێن هه‌وه يێن باش وخراب دێ بۆ هه‌وه ئێته‌دان.
هٰذَا كِتٰبُنَا يَنْطِقُ عَلَيْكُمْ بِالْحَقِّ اِنَّا كُنَّا نَسْتَنْسِخُ مَا كُنْتُمْ تَعْمَلُوْنَ
ئه‌ڤه كيتابا مه‌يه به‌حسێ كارێ هه‌وه دكه‌ت ب ڕاستى وبێ كێماسى، هندى ئه‌مين مه فه‌رمان ل ملياكه‌تان كربوو كو كريارێن هه‌وه بنڤيسن.
فَاَمَّا الَّذِيْنَ اٰمَنُوْا وَعَمِلُوا الصّٰلِحٰتِ فَيُدْخِلُهُمْ رَبُّهُمْ فِيْ رَحْمَتِهٖ ذٰلِكَ هُوَ الْفَوْزُ الْمُبِيْنُ
ڤێجا هندى ئه‌ون يێن باوه‌رى ئيناى، وكارێن چاك كرین، خودێ ب ڕه‌حما خۆ وان دبه‌ته به‌حه‌شتا خۆ، وئه‌وه سه‌ركه‌فتنا ئاشكه‌را.
وَاَمَّا الَّذِيْنَ كَفَرُوْا اَفَلَمْ تَكُنْ اٰيٰتِيْ تُتْلٰي عَلَيْكُمْ فَاسْتَكْبَرْتُمْ وَكُنْتُمْ قَوْمًا مُّجْرِمِيْنَ
وهندى ئه‌ون يێن كافر بووین بۆ پاشڤه‌برن دێ بۆ وان ئێته‌گۆتن: ئه‌رێ ما د دنيايێ دا ئايه‌تێن من بۆ هه‌وه نه‌دهاتنه خواندن، ڤێجا هه‌وه خۆ ژ هندێ مه‌زنتر دديت كو هوين گوهێ خۆ بده‌نێ وباوه‌رییێ پێ بينن، وهوين ملله‌ته‌كێ بوتپه‌رێس بوون هه‌وه گونه‌هـ دكرن وباوه‌رى ب جزادانێ نه‌دئينا.
وَاِذَا قِيْلَ اِنَّ وَعْدَ اللّٰهِ حَقٌّ وَّالسَّاعَةُ لَا رَيْبَ فِيْهَا قُلْتُمْ مَّا نَدْرِيْ مَا السَّاعَةُ اِنْ نَّظُنُّ اِلَّا ظَنًّا وَّمَا نَحْنُ بِمُسْتَيْقِنِيْنَ
وئه‌گه‌ر بۆ هه‌وه هاتبا گۆتن: هندى سۆزا خودێ‌یه ب زێنديكرنا مرییان ڕاستییه، وگومان د هاتنا قيامه‌تێ دا نينه، هوين دا بێژن: ئه‌م نزانين قيامه‌ت چيه؟ ويــا ژ مـــه‌ڤــــه هاتنا وێ ته‌خمين وگومانه، وئه‌م ژ هاتنا وێ دپشت ڕاست نينين.
وَبَدَا لَهُمْ سَيِّاٰتُ مَا عَمِلُوْا وَحَاقَ بِهِمْ مَّا كَانُوْا بِهٖ يَسْتَهْزِءُوْنَ
وبۆ وان يێن دره‌و ب ئايه‌تێن خودێ كرى كرێته كارێن وان د دنيايێ دا كرين ئاشكه‌را بوون، وئه‌و عه‌زابا خودێ يا وان يارى پێ دكرن ب سه‌رێ وان هات.
وَقِيْلَ الْيَوْمَ نَنْسٰىكُمْ كَمَا نَسِيْتُمْ لِقَآءَ يَوْمِكُمْ هٰذَا وَمَاْوٰىكُمُ النَّارُ وَمَا لَكُمْ مِّنْ نّٰصِرِيْنَ
وبۆ ڤان كافران هاته‌گۆتن: ئه‌ڤرۆ ئه‌م دێ هه‌وه هێلينه د عه‌زابا جه‌هنه‌مێ دا، وه‌كى هه‌وه باوه‌رییا ب خودايێ خۆ هێلاى وهه‌وه كار بۆ ديدارا ئه‌ڤێ ڕۆژا خۆ نه‌كرى، ومالا هه‌وه دێ ئاگرێ جه‌هنه‌مێ بت، وهه‌وه چو پشته‌ڤان نابن عه‌زابا خودێ ژ هه‌وه بده‌نه پاش.
ذٰلِكُمْ بِاَنَّكُمُ اتَّخَذْتُمْ اٰيٰتِ اللّٰهِ هُزُوًا وَّغَرَّتْكُمُ الْحَيٰوةُ الدُّنْيَا فَالْيَوْمَ لَا يُخْرَجُوْنَ مِنْهَا وَلَا هُمْ يُسْتَعْتَبُوْنَ
ئه‌ڤ عه‌زابا خودێ ژ به‌ر هندێ يا هاتییه سه‌رێ هه‌وه چونكى هه‌وه يارى وتڕانه بۆ خۆ ب ئايه‌ت وده‌ليلێن خودێ دكرن، وخه‌ملا ژينا دنيايێ هوين د سه‌ردا بربوون، ڤێجا ئه‌و ئه‌ڤرۆ ژ ئاگرى ده‌رناكه‌ڤن، وئه‌و بۆ دنيايێ نائێنه زڤــڕانــدن؛ دا كـو ژ نوى تۆبه بكه‌ن وكارێ چاك بكه‌ن.
فَلِلّٰهِ الْحَمْدُ رَبِّ السَّمٰوٰتِ وَرَبِّ الْاَرْضِ رَبِّ الْعٰلَمِيْنَ
ڤێجا حه‌مد وسوپاسى بۆ خودێ ب تنێ بن خودايێ عه‌رد وعه‌سمانان، خودايێ هه‌مى چێكرییان سه‌را قه‌نجییێن وى يێن نه‌ئێنه هژمارتن.
وَلَهُ الْكِبْرِيَآءُ فِي السَّمٰوٰتِ وَالْاَرْضِ وَهُوَ الْعَزِيْزُ الْحَكِيْمُ
ومه‌زنى وده‌سهه‌لات وشيان ل عه‌رد وعه‌سمانان بۆ وى ب تنێ‌یه، وئه‌وه زالێ نه‌ئێته بێزاركرن، يێ كاربنه‌جهـ د گۆتن وكريار وشريعه‌تێ خۆ دا، يێ پاك وبلند بت، خودايێ ب حه‌ق ئه‌و ب تنێ‌یه.