حٰمٓ
(حم) ل ده‌سپێكا سووره‌تا به‌قه‌ره گۆتن ل دۆر ڤان حه‌رفێن كه‌ركرى بۆرییه.
وَالْكِتٰبِ الْمُبِيْنِ
خودايێ مه‌زن سويندێ ب قورئانا په‌يڤ وڕامان ئاشكه‌را دخۆت.
اِنَّا٘ اَنْزَلْنٰهُ فِيْ لَيْلَةٍ مُّبٰرَكَةٍ اِنَّا كُنَّا مُنْذِرِيْنَ
كو هندى ئه‌مين مـه ئه‌و د شـه‌ڤـه‌كـا ب بـهـا وپيرۆز دا ئينايه خوارێ، كو دكه‌فته د هه‌يڤا ره‌مه‌زانێ دا. هندى ئه‌مين ئه‌م ب هنارتنا پێغه‌مبه‌ران وئينانه خوارا كيتابان خه‌لكى ب وێ دترسينين يا مفا وزيانا وان تێدا؛ دا خه‌لكى چو هێجه‌ت نه‌مينن.
فِيْهَا يُفْرَقُ كُلُّ اَمْرٍ حَكِيْمٍ
ل وێ شه‌ڤێ هه‌ر كاره‌كێ موكم يێ هه‌بت ژ ئه‌جه‌ل وڕزقێ وێ سالێ ژ له‌وحێ پاراستى بۆ ملياكه‌تێن نڤيسه‌ر دئێته ئاشكه‌راكرن، ونائێنه گوهاڕتن.
اَمْرًا مِّنْ عِنْدِنَا اِنَّا كُنَّا مُرْسِلِيْنَ
ئه‌ڤ كارێ بنه‌جهـ كاره‌كه ژ نك مه، وهه‌ر تشته‌كێ دبت وخودێ ته‌قدير دكه‌ت ووه‌حییێ پێ دهنێرت ب زانين وفه‌رمان وئانه‌هییا وییه. هندى ئه‌مين ئه‌م فڕێكه‌رێن پێغه‌مبه‌راينه بۆ مرۆڤان.
رَحْمَةً مِّنْ رَّبِّكَ اِنَّهٗ هُوَ السَّمِيْعُ الْعَلِيْمُ
دلۆڤانییه‌ك ژ نك خودايێ ته-ئه‌ى موحه‌ممه‌د-بۆ وان يێن پێغه‌مبه‌ر بۆ دئێنه هنارتن. هندى ئه‌وه ئه‌وى گوهـ ل هه‌مى ده‌نگان دبت، وئه‌و ب هه‌مى كارێن ئاشكه‌را وڤه‌شارتى يێ پڕزانايه.
رَبِّ السَّمٰوٰتِ وَالْاَرْضِ وَمَا بَيْنَهُمَا اِنْ كُنْتُمْ مُّوْقِنِيْنَ
ئافرانده‌رێ عه‌سمانان وعه‌ردى وهه‌ر تشته‌كێ د ناڤبه‌رێ دايه، ئه‌گه‌ر هوين ب وێ چه‌ندێ دخودان باوه‌رن هوين باش بزانن كو ئافرانده‌رێ ڤان چێكرییان خودايێ وان يێ ژ ڕاستايه.
لَا٘ اِلٰهَ اِلَّا هُوَ يُحْيٖ وَيُمِيْتُ رَبُّكُمْ وَرَبُّ اٰبَآئِكُمُ الْاَوَّلِيْنَ
ژ وى پێڤه‌تر چو خودا يێن هێژاى په‌رستنێ نينن، ئه‌و يێ ب تنێ‌یه وى چو شريك نينن، ژينێ ومرنێ دده‌ت، خودايێ هه‌وه ويێ بابێن هه‌وه يێن يه‌كێ‌يه، ڤێجا هوين په‌رستنا وى بكه‌ن.
بَلْ هُمْ فِيْ شَكٍّ يَّلْعَبُوْنَ
به‌لكى ئه‌و ژ حه‌قییێ ب گومانن، له‌و ئه‌و يارى وتڕانه‌يان بۆ خۆ پێ دكه‌ن.
فَارْتَقِبْ يَوْمَ تَاْتِي السَّمَآءُ بِدُخَانٍ مُّبِيْنٍ
ڤێجا تو -ئه‌ى موحه‌ممه‌د- بۆ ڤان بوتپه‌رێسان ل هيڤییا وێ ڕۆژێ به يا عه‌سمان تێدا دوكێله‌كا ئاشكه‌را به‌ردده‌ت.
يَّغْشَي النَّاسَ هٰذَا عَذَابٌ اَلِيْمٌ
خه‌لكى هه‌مییێ ڤه‌دگرت، وبۆ وان دئێته گۆتن: ئه‌ڤه عه‌زابه‌كا ب ئێش ونه‌خۆشه.
رَبَّنَا اكْشِفْ عَنَّا الْعَذَابَ اِنَّا مُؤْمِنُوْنَ
پاشى ئه‌و بۆ داخوازكرنا ڕاكرنا وێ دبێژن: خودايێ مه تو عه‌زابێ ژ سه‌ر مه ڕاكه، وئه‌گه‌ر ته ئه‌و ژ سه‌ر مه ڕاكر ئه‌م دێ باوه‌رییێ ب ته ئينين.
اَنّٰي لَهُمُ الذِّكْرٰي وَقَدْ جَآءَهُمْ رَسُوْلٌ مُّبِيْنٌ
پشتى عه‌زاب ب سه‌ر وان دا دئێت چاوا ئه‌و دێ وجه‌كێ بۆ خۆ ژێ گرن، و ب ڕاستى پێغه‌مبه‌ره‌كێ ئاشكه‌را بۆ وان هاتبوو، كو موحه‌ممه‌ده.
ثُمَّ تَوَلَّوْا عَنْهُ وَقَالُوْا مُعَلَّمٌ مَّجْنُوْنٌ
پاشى وان پشت دايێ وگۆتن: مرۆڤان يان خێڤزانك وشه‌يتانان ئه‌و فێرى وێ كـرییــه، وئـه‌و نه پێغه‌مبه‌ره؟
اِنَّا كَاشِفُوا الْعَذَابِ قَلِيْلًا اِنَّكُمْ عَآئِدُوْنَ
پيچه‌كێ ئه‌م دێ عه‌زابێ ژ سه‌ر هه‌وه ڕاكه‌ين، وهوين دێ بينن كانێ چاوا هوين دێ ل كوفر وسه‌رداچوونێ زڤڕن.
يَوْمَ نَبْطِشُ الْبَطْشَةَ الْكُبْرٰي اِنَّا مُنْتَقِمُوْنَ
ڕۆژا ئه‌م ل قيامه‌تێ كافران هه‌مییان ب عه‌زابا مه‌زنتر عه‌زاب دده‌ين، وئه‌و ڕۆژ ئه‌وه يا ئه‌م تۆلێ تێدا ژ وان ڤه‌دكه‌ين.
وَلَقَدْ فَتَنَّا قَبْلَهُمْ قَوْمَ فِرْعَوْنَ وَجَآءَهُمْ رَسُوْلٌ كَرِيْمٌ
و ب ڕاستى به‌رى ڤان بوتپه‌رێسان مه ملله‌تێ فيرعه‌ونى جه‌ڕباند بوو، وپێغه‌مبه‌ره‌كێ ب قه‌در كو مووسايه -سلاڤ لێ بن- بۆ وان هاتبوو، ئينا وان ئه‌و دره‌وين ده‌رێخست ڤێجا ئه‌و تێچوون، وئه‌م دێ وێ د گه‌ل دوژمنێن ته ژى كه‌ين -ئه‌ى موحه‌ممه‌د- ئه‌گه‌ر ئه‌و باوه‌رییێ نه‌ئينن.
اَنْ اَدُّوْ٘ا اِلَيَّ عِبَادَ اللّٰهِ اِنِّيْ لَكُمْ رَسُوْلٌ اَمِيْنٌ
ومووساى گۆته وان: هوين به‌نییێن خودێ ژ ئسرائيلیان بده‌نه د گه‌ل من ووان د گه‌ل من بهنێرن؛ دا ئه‌و په‌رستنا خودێ ب تنێ بكه‌ن، هندى ئه‌زم ئه‌ز بۆ هه‌وه پێغه‌مبه‌ره‌كێ ده‌سپاكم.
وَّاَنْ لَّا تَعْلُوْا عَلَي اللّٰهِ اِنِّيْ٘ اٰتِيْكُمْ بِسُلْطٰنٍ مُّبِيْنٍ
وهوين خۆ ژ خودێ مه‌زنتر نه‌بينن وپێغه‌مبه‌رێ وى دره‌وين ده‌رنه‌ئێخن، هندى ئه‌زم ئه‌ز ب هێجه‌ته‌كا ئاشكه‌را ڤه ل سه‌ر ڕاستگۆيییا خۆ بۆ هه‌وه هاتيمه.
وَاِنِّيْ عُذْتُ بِرَبِّيْ وَرَبِّكُمْ اَنْ تَرْجُمُوْنِ
وئه‌ز خۆ ب خودايێ خۆ وخودايێ هه‌وه دپارێزم كو هوين ب به‌ر لێ باراندنێ من بكوژن.
وَاِنْ لَّمْ تُؤْمِنُوْا لِيْ فَاعْتَزِلُوْنِ
وئه‌گه‌ر هوين باوه‌رییێ ب من نه‌ئينن ژى ڕێكا من به‌رده‌ن، ونه‌خۆشییێ نه‌گه‌هيننه من.
فَدَعَا رَبَّهٗ٘ اَنَّ هٰ٘ؤُلَآءِ قَوْمٌ مُّجْرِمُوْنَ
ڤێجا ده‌مێ فيرعه‌ونى وملله‌تێ وى باوه‌رى ب مووساى نه‌ئيناى، مووساى دوعا ژ خودايێ خۆ كر، وگۆت: هندى ئه‌وێن هه‌نه ملله‌ته‌كێ كافرن وشريكان بۆ خودێ چێ دكه‌ن.
فَاَسْرِ بِعِبَادِيْ لَيْلًا اِنَّكُمْ مُّتَّبَعُوْنَ
ڤێجا تو -ئه‌ى مووسا- ب شه‌ڤ وان به‌نییێن من يێن باوه‌رى ب ته ئيناى ب تنێ ببه، هندى فيرعه‌ون وله‌شكه‌رێ وينه دێ ده‌نه ب دويڤ هه‌وه‌ڤه وهوين دێ ژ وان ڕزگار بن، وئه‌و د ئاڤێ دا دێ خندقن.
وَاتْرُكِ الْبَحْرَ رَهْوًا اِنَّهُمْ جُنْدٌ مُّغْرَقُوْنَ
وتو ده‌ريايێ وه‌سا ڕاوه‌ستاى بهێله وه‌كى ده‌مێ ته دايێ، هندى فيرعه‌ون وله‌شكه‌رێ وينه دێ د ده‌ريايێ دا خندقن.
كَمْ تَرَكُوْا مِنْ جَنّٰتٍ وَّعُيُوْنٍ
فيرعه‌ونى وله‌شكه‌رێ وى پشتى خندقين چه‌ند باغ وبيستانێن خۆش، وكانییێن ئاڤێ هێلان.
وَّزُرُوْعٍ وَّمَقَامٍ كَرِيْمٍ
وشينكاتى وئاڤاهییێن جوان هێلان.
وَّنَعْمَةٍ كَانُوْا فِيْهَا فٰكِهِيْنَ
ووان ئه‌و ژيانا به‌رفره‌هـ يا ئه‌و تێدا دژين هێلا.
كَذٰلِكَ وَاَوْرَثْنٰهَا قَوْمًا اٰخَرِيْنَ
ب ڤى ڕه‌نگێ عه‌زابێ خودێ وان عه‌زاب دده‌ت يێن كوفرێ ب قه‌نجییا خودێ دكه‌ن، وئه‌و خۆشییێن فيرعه‌ونى وملله‌تێ وى هێلاين پشتى وان مه دانه ملله‌ته‌كێ دى ژ ئسرائيلیان.
فَمَا بَكَتْ عَلَيْهِمُ السَّمَآءُ وَالْاَرْضُ وَمَا كَانُوْا مُنْظَرِيْنَ
ڤێجا عه‌سمانى وعه‌ردى ژ خه‌مان دا ل سه‌ر فيرعه‌ونى وملله‌تێ وى نه‌كره گرى، وئه‌و عه‌زابا ب سه‌ر وان دا هاتى ژ وان نه‌هاته ڤه‌هێلان.
وَلَقَدْ نَجَّيْنَا بَنِيْ٘ اِسْرَآءِيْلَ مِنَ الْعَذَابِ الْمُهِيْنِ
و ب ڕاستى مه ئسرائيلی ژ وێ عه‌زابێ ڕزگاركرن يا ئه‌و پێ دهاتنه ڕه‌زيلكرن، ده‌مێ كوڕێن وان دهاتنه كوشتن وژنێن وان بۆ كارى دهاتنه هێلان.
مِنْ فِرْعَوْنَ اِنَّهٗ كَانَ عَالِيًا مِّنَ الْمُسْرِفِيْنَ
ژ فيرعه‌ونى، هندى ئه‌و بوو ئه‌و كوته‌ككاره‌كێ ژ بوتپه‌رێسان بوو، ووى گه‌له‌ك خۆ ل سه‌ر به‌نییێن مه مه‌زن دكر.
وَلَقَدِ اخْتَرْنٰهُمْ عَلٰي عِلْمٍ عَلَي الْعٰلَمِيْنَ
و ب ڕاستى مه ژ زانين ب حالێ ئسرائيلیان ئه‌و ل سه‌ر خه‌لكێ زه‌مانێ وان هلبژارت بوون.
وَاٰتَيْنٰهُمْ مِّنَ الْاٰيٰتِ مَا فِيْهِ بَلٰٓؤٌا مُّبِيْنٌ
و ل سه‌ر ده‌ستێ مووساى مه هند ئايه‌ت دابوونه وان كو ئه‌و ل فره‌هییێ وته‌نگاڤییێ پێ بێنه جه‌ڕباندن.
اِنَّ هٰ٘ؤُلَآءِ لَيَقُوْلُوْنَ
هندى ئه‌ڤ بوتپه‌رێسێن ملله‌تێ ته نه -ئه‌ى موحه‌ممه‌د- دبێژن:
اِنْ هِيَ اِلَّا مَوْتَتُنَا الْاُوْلٰي وَمَا نَحْنُ بِمُنْشَرِيْنَ
هه‌ما مرنا مه يا به‌راهییێ ودويماهییێ ئه‌ڤ مرنه‌يه يا ئه‌م پێ دمرين، وپشتى ئه‌م دمرين ئه‌م جاره‌كا دى بۆ حسێب وجزادانێ نائێينه ڕاكرن.
فَاْتُوْا بِاٰبَآئِنَا٘ اِنْ كُنْتُمْ صٰدِقِيْنَ
وئه‌و دبێژن: پا دێ تو وهه‌ڤالێن خۆ ئه‌ى موحه‌ممه‌د بابێن مه ئه‌وێن مرين جاره‌كا دى ڕاكه‌نه‌ڤه، ئه‌گه‌ر هوين ڕاست دبێژن كو خودێ مرییان ژ گۆڕان ڕادكه‌ت.
اَهُمْ خَيْرٌ اَمْ قَوْمُ تُبَّعٍ وَّالَّذِيْنَ مِنْ قَبْلِهِمْ اَهْلَكْنٰهُمْ اِنَّهُمْ كَانُوْا مُجْرِمِيْنَ
ئه‌رێ ئه‌ڤ بوتپه‌رێسه دچێترن يان ملله‌تێ توببه‌عێ حميه‌رى وئه‌و ملله‌تێن كافر يێن به‌رى وان؟ ژ به‌ر تاوان وكوفرا وان مه ئه‌و تێبرن، ئه‌ڤ بوتپه‌رێسه ژ وان دچێتر نينن دا ئه‌م ل وان نه‌گرين، ووان تێ نه‌به‌ين، وئه‌و كوفرێ ب خودێ دكه‌ن.
وَمَا خَلَقْنَا السَّمٰوٰتِ وَالْاَرْضَ وَمَا بَيْنَهُمَا لٰعِبِيْنَ
ومه عه‌سمان وعه‌رد وتشتێ د ناڤبه‌را وان دا ب يارى ڤه نه‌ئافراندينه.
مَا خَلَقْنٰهُمَا٘ اِلَّا بِالْحَقِّ وَلٰكِنَّ اَكْثَرَهُمْ لَا يَعْلَمُوْنَ
مه ب حه‌قییێ -كو ڕێبازا خودێ‌یه- ئه‌و ئافراندينه، به‌لێ پترییا ڤان بوتپه‌رێسان وێ چه‌ندێ نزانن، له‌و هزرا خۆ تێدا ناكه‌ن؛ چونكى وان به‌ر ل خه‌لات وجه‌لاتى نينه.
اِنَّ يَوْمَ الْفَصْلِ مِيْقَاتُهُمْ اَجْمَعِيْنَ
هندى ڕۆژا حوكمكرنا د ناڤبه‌را خه‌لكى دايه سه‌را وى كارێ وان د دنيايێ دا كرى ژڤانێ وان هه‌مییانه.
يَوْمَ لَا يُغْنِيْ مَوْلًي عَنْ مَّوْلًي شَيْــًٔا وَّلَا هُمْ يُنْصَرُوْنَ
ڕۆژا دۆسته‌ك تشته‌كى ژ دۆستێ خۆ نه‌ده‌ته پاش، ويه‌ك پشته‌ڤانییا يه‌كى نه‌كه‌ت.
اِلَّا مَنْ رَّحِمَ اللّٰهُ اِنَّهٗ هُوَ الْعَزِيْزُ الرَّحِيْمُ
ئه‌و تێ نه‌بت يێ خودێ دلۆڤانى پێ برى ژ خودان باوه‌ران، به‌لكى پشتى هنگى ئه‌و ده‌ستويرییێ دده‌ت كو هنده‌ك ژ وان مه‌هده‌رێ بۆ هنده‌كان بكه‌ن. هندى خودێ‌یه د تۆلڤه‌كرنا خۆ دا ژ دوژمنان يێ زاله، و ب وه‌لییێن خۆ يێ دلۆڤانكاره.
اِنَّ شَجَرَتَ الزَّقُّوْمِ
هندى دارا زه‌ققومێیه ئه‌وا ژ نيڤا جه‌هنه‌مێ ده‌ردكه‌ڤت.
طَعَامُ الْاَثِيْمِ
به‌رێ وێ خوارنا خودانێ گونه‌هێن مه‌زنه، وشركا ب خودێ مه‌زنترين گونه‌هه.
كَالْمُهْلِ يَغْلِيْ فِي الْبُطُوْنِ
به‌رێ دارا زه‌ققومێ وه‌كى ئاسنێ حه‌لاندى د زكێن بوتپه‌رێسان دا دكه‌لت.
كَغَلْيِ الْحَمِيْمِ
وه‌كى كه‌لينا وێ ئاڤا زێده‌تر نه‌ئێته كه‌لاندن.
خُذُوْهُ فَاعْتِلُوْهُ اِلٰي سَوَآءِ الْجَحِيْمِ
هوين ل ڕۆژا قيامه‌تێ ڤى گونه‌هكارێ سه‌رداچووى بگرن وپال بـده‌ن، و ب توندى بهاژۆنه نيڤا ئاگرى.
ثُمَّ صُبُّوْا فَوْقَ رَاْسِهٖ مِنْ عَذَابِ الْحَمِيْمِ
پاشى هوين وێ ئاڤا زێده‌تر نه‌ئێته كه‌لاندن ب هنداڤ سه‌رێ وى دا كه‌ن، دا عه‌زاب ژ وى دوير نه‌كه‌ڤت.
ذُقْ اِنَّكَ اَنْتَ الْعَزِيْزُ الْكَرِيْمُ
وبۆ ڤى گونه‌هكارێ به‌خت ڕه‌ش دئێته گۆتن: ئه‌ڤرۆ تو تام بكه وێ عه‌زابا تو پێ دئێيه عه‌زابدان، هندى تويى تو د ناڤ ملله‌تێ خۆ دا يێ زال بووى، و ل نك وان يێ ب قه‌در بووى. وئه‌ڤه گه‌ف وپاشڤه‌برنه بۆ وان.
اِنَّ هٰذَا مَا كُنْتُمْ بِهٖ تَمْتَرُوْنَ
هندى ئه‌ڤ عه‌زابه‌يه يا هوين ئه‌ڤرۆ پێ دئێنه عه‌زابدان ئه‌و عه‌زابه يا هوين د دنيايێ دا ژێ ب گومان، وهه‌وه باوه‌رى پێ نه‌دئينا.
اِنَّ الْمُتَّقِيْنَ فِيْ مَقَامٍ اَمِيْنٍ
هندى ئه‌ون يێن د دنيايێ دا ته‌قوا خودێ كرى وفه‌رمانێن وى ب جهـ ئيناين، د جهه‌كێ خۆش وته‌نا ژ هه‌مى ئاتاف ونه‌خۆشییان دانه.
فِيْ جَنّٰتٍ وَّعُيُوْنٍ
د به‌حه‌شت وباغ وكانییان دانه.
يَّلْبَسُوْنَ مِنْ سُنْدُسٍ وَّاِسْتَبْرَقٍ مُّتَقٰبِلِيْنَ
ئارميشێ ستوير ويێ ته‌نك ئه‌و دكه‌نه به‌رخۆ، هنده‌ك ژ وان به‌رانبه‌رى هنده‌كانه، ڕوى ب ڕوى به‌رێ خۆ دده‌نه يه‌ك ودو، چى جهێ ئه‌و چوونێ وێرێ ديونخانه‌يا وانه.
كَذٰلِكَ وَزَوَّجْنٰهُمْ بِحُوْرٍ عِيْنٍ
وكانێ چاوا ل ئاخره‌تێ مه قه‌درێ ڤان ته‌قواداران گرت وئارميش كره به‌ر، وه‌سا مه قه‌درێ وان گرت وژنێن جوان وچاڤ گر ژى دانێ.
يَدْعُوْنَ فِيْهَا بِكُلِّ فَاكِهَةٍ اٰمِنِيْنَ
ئه‌ڤ ته‌قواداره د به‌حه‌شتێ دا هه‌مى ڕه‌نگێن فێقى يێ دلێ وان دچتێ دخوازن، وئه‌و ژ هندێ دپشت ڕاستن كو ئه‌ڤ چه‌نده ژ وان بێته بڕين.
لَا يَذُوْقُوْنَ فِيْهَا الْمَوْتَ اِلَّا الْمَوْتَةَ الْاُوْلٰي وَوَقٰىهُمْ عَذَابَ الْجَحِيْمِ
ئه‌ڤ ته‌قواداره د به‌حه‌شتێ دا تام ناكه‌نه مرنێ پشتى كو وان مرنا يه‌كێ د دنيايێ دا تام كرى، وخودێ ژ قه‌نجییا خۆ ئه‌ڤ ته‌قواداره ژ عه‌زابا ئاگرى پاراستن.
فَضْلًا مِّنْ رَّبِّكَ ذٰلِكَ هُوَ الْفَوْزُ الْعَظِيْمُ
ئه‌ڤا مه ل ئاخره‌تێ دايه ته‌قواداران ئه‌وه سه‌ركه‌فتنا مه‌زن يا چو سه‌ركه‌فتن پشتى وێ نه‌بن.
فَاِنَّمَا يَسَّرْنٰهُ بِلِسَانِكَ لَعَلَّهُمْ يَتَذَكَّرُوْنَ
وهه‌ما مه په‌يڤ وڕامانێن قورئانێ ب ئه‌زمانێ ته -ئه‌ى موحه‌ممه‌د- ب ساناهى كرن؛ دا به‌لكى ئه‌و شيره‌ته‌كێ بۆ خۆ ژێ وه‌ربگرن.
فَارْتَقِبْ اِنَّهُمْ مُّرْتَقِبُوْنَ
ڤێجا تـو -ئه‌ى موحه‌ممه‌د- چاڤه‌ڕێیى وێ سه‌ركه‌فتنا ل سه‌ر بوتپه‌رێسان به يا من ژڤان پێ دايه ته، هندى ئه‌ون ئه‌و چاڤه‌ڕێیى مرن وشكه‌ستنا ته‌نه، وئه‌و دێ زانن كانێ سه‌ركه‌فتن وسه‌رفه‌رازییا دين ودنيايێ دێ بۆ كێ بت، ئه‌و بۆ ته ودويكه‌فتییێن ته‌يه -ئه‌ى موحه‌ممه‌د-.