يٰ٘اَيُّهَا النَّاسُ اتَّقُوْا رَبَّكُمُ الَّذِيْ خَلَقَكُمْ مِّنْ نَّفْسٍ وَّاحِدَةٍ وَّخَلَقَ مِنْهَا زَوْجَهَا وَبَثَّ مِنْهُمَا رِجَالًا كَثِيْرًا وَّنِسَآءً وَاتَّقُوا اللّٰهَ الَّذِيْ تَسَآءَلُوْنَ بِهٖ وَالْاَرْحَامَ اِنَّ اللّٰهَ كَانَ عَلَيْكُمْ رَقِيْبًا
گهلى مرۆڤان ژ وى خودایی بترسن يێ هوين ژ نه‌فسه‌كا ب تنێ كو ئاده‌مه -سلاڤ لێ بن- ئافراندين، وجۆتێ وێ كو حه‌ووايه ژێ ئافراندى، ووى ژ وان هه‌ر دووان گه‌له‌ك زه‌لام وگه‌له‌ك ژن ل عه‌ردى به‌لاڤ كرن، وته‌قوا وى خودايى بكه‌ن يێ هنده‌ك ژ هه‌وه ب وى خواستنێ ژ هنده‌كان دكه‌ن، وهشيار بن مرۆڤاينیێ د ناڤبه‌را خۆ دا نه‌بڕن. هندى خودێ‌یه ل سه‌ر هه‌مى كارێن هه‌وه يێ زێره‌ڤانه.
وَاٰتُوا الْيَتٰمٰ٘ي اَمْوَالَهُمْ وَلَا تَتَبَدَّلُوا الْخَبِيْثَ بِالطَّيِّبِ وَلَا تَاْكُلُوْ٘ا اَمْوَالَهُمْ اِلٰ٘ي اَمْوَالِكُمْ اِنَّهٗ كَانَ حُوْبًا كَبِيْرًا
وئه‌و ئێتيمێن ل بن ده‌ستێ هه‌وه ئه‌گه‌ر بالغ بوون هوين مالێ وان بده‌نه ڤێ، ئه‌گه‌ر هه‌وه ديت ئه‌و دێ شێن مالێ خۆ پارێزن، وهوين مالێ وان يێ باش بۆ خۆ نه‌به‌ن، بداننه جهێ مالێ خۆ يێ خراب، وهوين مالێ وان نه‌كه‌نه د ناڤ مالێ خۆ دا؛ دا ب وێ هێجه‌تێ مالێ وان بخۆن. هندى ئه‌وه يێ وێ چه‌ندێ بكه‌ت ئه‌و وى گونه‌هه‌كا مه‌زن كر.
وَاِنْ خِفْتُمْ اَلَّا تُقْسِطُوْا فِي الْيَتٰمٰي فَانْكِحُوْا مَا طَابَ لَكُمْ مِّنَ النِّسَآءِ مَثْنٰي وَثُلٰثَ وَرُبٰعَ فَاِنْ خِفْتُمْ اَلَّا تَعْدِلُوْا فَوَاحِدَةً اَوْ مَا مَلَكَتْ اَيْمَانُكُمْ ذٰلِكَ اَدْنٰ٘ي اَلَّا تَعُوْلُوْا
وئه‌گه‌ر هوين ترسان دادیێ د ده‌رحه‌قا وان ئێتيمێن كچ دا نه‌كه‌ن يێن ل بن ده‌ستێ هه‌وه، كو هوين مارا وان وه‌كى يا ژنێن دى نه‌ده‌نێ، هوين وان بهێلن وماره نه‌كه‌ن، ويا هه‌وه بڤێت ژ ژنێن دى هوين ماره بكه‌ن: دووان يان سییان يان چاران، ژ خۆ ئه‌گه‌ر هوين ترسان دادیێ نه‌كه‌ن هوين ب يه‌كا ب تنێ ڕازى ببن، يان ب ئه‌وان جارییێن د ده‌ست هه‌وه دا. وئه‌ڤه نێزيكتره كو هوين زۆرییێ وته‌عداییێ نه‌كه‌ن.
وَاٰتُوا النِّسَآءَ صَدُقٰتِهِنَّ نِحْلَةً فَاِنْ طِبْنَ لَكُمْ عَنْ شَيْءٍ مِّنْهُ نَفْسًا فَكُلُوْهُ هَنِيْٓــًٔا مَّرِيْٓــًٔا
وهوين مارا ژنان بده‌نێ، دانه‌كا فه‌ره ل سه‌ر هه‌وه ودڤێت يا ب دلێ هه‌وه بت. ڤێجا ئه‌گه‌ر وان -ب دلێ خۆ- تشته‌ك ژێ دا هه‌وه، هوين وه‌ربگرن، وبخۆن، چونكى ئه‌و بۆ هه‌وه يێ حه‌لال وپاقژه.
وَلَا تُؤْتُوا السُّفَهَآءَ اَمْوَالَكُمُ الَّتِيْ جَعَلَ اللّٰهُ لَكُمْ قِيٰمًا وَّارْزُقُوْهُمْ فِيْهَا وَاكْسُوْهُمْ وَقُوْلُوْا لَهُمْ قَوْلًا مَّعْرُوْفًا
وهوين مالێ وان ژن ومێر وزارۆكان ئه‌وێ د بن ده‌ستێ هه‌وه ڤه نه‌ده‌نه‌ڤێ ئه‌گه‌ر هه‌وه زانى ئه‌و دێ پويچ كه‌ن و د ڕێكێن بێ وج دا خه‌رج كه‌ن، وئه‌ڤ ماله‌يه يێ ژيانا مرۆڤان پێ ب ڕێڤه دچت، وهوين ژ وى مالى ڕزقێ وان بده‌ن ووان ب جلك بێخن، وگۆتنه‌كا باش وقه‌نج بێژنه وان و د گه‌ل وان ب ڕه‌وشت بن.
وَابْتَلُوا الْيَتٰمٰي حَتّٰ٘ي اِذَا بَلَغُوا النِّكَاحَ فَاِنْ اٰنَسْتُمْ مِّنْهُمْ رُشْدًا فَادْفَعُوْ٘ا اِلَيْهِمْ اَمْوَالَهُمْ وَلَا تَاْكُلُوْهَا٘ اِسْرَافًا وَّبِدَارًا اَنْ يَّكْبَرُوْا وَمَنْ كَانَ غَنِيًّا فَلْيَسْتَعْفِفْ وَمَنْ كَانَ فَقِيْرًا فَلْيَاْكُلْ بِالْمَعْرُوْفِ فَاِذَا دَفَعْتُمْ اِلَيْهِمْ اَمْوَالَهُمْ فَاَشْهِدُوْا عَلَيْهِمْ وَكَفٰي بِاللّٰهِ حَسِيْبًا
وهوين وان ئێتيمێن ل بن ده‌ستێ خۆ بجه‌ڕبينن دا بزانن كانێ ئه‌و دێ شێن ته‌صه‌رفێ د مالێ خۆ دا كه‌ن، حه‌تا ئه‌گه‌ر ئه‌و گه‌هشتنه ژیێ بالغبوونێ، وهه‌وه ديت ئه‌و د ديندارن، ودێ شێن مالێ خۆ پارێزن، هوين مالێ وان بده‌نه ڤێ، وهوين ته‌عداییێ لێ نه‌كه‌ن كو مالێ وان د ڕێكێن بێ مفا دا خه‌رج بكه‌ن؛ دا زوى مالێ وان بخۆن هێشتا ئه‌و مه‌زن نه‌بووين و ژ هه‌وه وه‌رنه‌گرتى. وهه‌چییێ ژ هه‌وه يێ ده‌وله‌مه‌ند بت بلا خۆ ژ مالێ وان بده‌ته پاش، وچويێ ژێ نه‌خۆت، وهه‌چییێ هه‌ژار بت بلا هندى هه‌وجه‌يییا خۆ ل ده‌مێ پێتڤى بخۆت. ڤێجا ئه‌گه‌ر هه‌وه زانى كو ئه‌و پشتى بالغبوونێ دێ شێن مالێ خۆ پارێزن، هوين مالێ وان ب ئاماده‌بوونا شاهدان بده‌نه ڤێ؛ دا مالێ وان ب دورستى بگه‌هتێ، ودا ئه‌و حاشاتیێ نه‌كه‌ن كو مالێ وان نه‌گه‌هشتیێ. وتێرا هه‌وه هه‌يه كو خودێ شاهده ل سه‌ر هه‌وه، وئه‌و حسێبێ ل سه‌ر كارێ هه‌وه دێ د گه‌ل هه‌وه كه‌ت.
لِلرِّجَالِ نَصِيْبٌ مِّمَّا تَرَكَ الْوَالِدٰنِ وَالْاَقْرَبُوْنَ وَلِلنِّسَآءِ نَصِيْبٌ مِّمَّا تَرَكَ الْوَالِدٰنِ وَالْاَقْرَبُوْنَ مِمَّا قَلَّ مِنْهُ اَوْ كَثُرَ نَصِيْبًا مَّفْرُوْضًا
بۆ مێران -د بچويك بن يان د مه‌زن بن- باره‌ك د وى مالى دا هه‌يه يێ دايباب ومرۆڤێن نێزيك ل پشت خۆ دهێلن، چ يێ كێم بت چ گه‌له‌ك بت، ژ هنده‌ك بارێن ئاشكه‌را وده‌سنيشانكرى يێن خودێ بۆ وان داناين، ووه‌كى وێ باره‌ك بۆ ژنان ژى هه‌يه.
وَاِذَا حَضَرَ الْقِسْمَةَ اُولُوا الْقُرْبٰي وَالْيَتٰمٰي وَالْمَسٰكِيْنُ فَارْزُقُوْهُمْ مِّنْهُ وَقُوْلُوْا لَهُمْ قَوْلًا مَّعْرُوْفًا
وئه‌گه‌ر مرۆڤێن مرى يێن نێزيك ژ وان يێن كو چو بار بۆ وان د ميراتى دا نه‌هه‌ين، يان ئێتيمێن بابێن وان مرين وهێشتا ئه‌و دنه‌بالغ، يان هه‌ژارێن بێ مال، ئه‌گه‌ر ئه‌ڤه ل ده‌مێ لێكڤه‌كرنا ميراتى ئاماده بوون، يا باشه هوين هنده‌كێ ژ مالى به‌رى لێكڤه‌كرنا ميراتى ل سه‌ر ميراتگران بده‌نه وان، وهوين گۆتنه‌كا قه‌نج وخوشخۆك بێژنه وان.
وَلْيَخْشَ الَّذِيْنَ لَوْ تَرَكُوْا مِنْ خَلْفِهِمْ ذُرِّيَّةً ضِعٰفًا خَافُوْا عَلَيْهِمْ فَلْيَتَّقُوا اللّٰهَ وَلْيَقُوْلُوْا قَوْلًا سَدِيْدًا
وئه‌وێن ئه‌گه‌ر مرن وهنده‌ك زارۆكێن بچويك ولاواز ل پشت خۆ هێلان ترسان زۆردارى ل وان بێته‌كرن يان مافێ وان بێته به‌رزه‌كرن، ئه‌و بلا بترسن وته‌قوایا خودێ د ده‌ر حه‌قا وان ئێتيمان دا بكه‌ن يێن ل بن ده‌ستێن وان وئێتيمێن دى ژى، وه‌سا كو مالێ وان بپارێزن، وباش په‌روه‌رده كه‌ن، ونه‌خۆشییێ ژێ بده‌نه پاش، وگۆتنه‌كا د جهێ خۆ دا ويا باش بێژنێ.
اِنَّ الَّذِيْنَ يَاْكُلُوْنَ اَمْوَالَ الْيَتٰمٰي ظُلْمًا اِنَّمَا يَاْكُلُوْنَ فِيْ بُطُوْنِهِمْ نَارًا وَسَيَصْلَوْنَ سَعِيْرًا
هندى ئه‌ون يێن ته‌عداییێ ل مالێ ئێتيمان دكه‌ن، وبێ حه‌ق دخۆن، هه‌ما ئه‌و وى تشتى د زكێن خۆ دا دخۆن يێ دبته ئه‌گه‌را چوونا د ئاگرى دا، وئه‌و دێ چنه د ئاگرى دا ودێ تام كه‌نه گه‌رما وى.
يُوْصِيْكُمُ اللّٰهُ فِيْ٘ اَوْلَادِكُمْ لِلذَّكَرِ مِثْلُ حَظِّ الْاُنْثَيَيْنِ فَاِنْ كُنَّ نِسَآءً فَوْقَ اثْنَتَيْنِ فَلَهُنَّ ثُلُثَا مَا تَرَكَ وَاِنْ كَانَتْ وَاحِدَةً فَلَهَا النِّصْفُ وَلِاَبَوَيْهِ لِكُلِّ وَاحِدٍ مِّنْهُمَا السُّدُسُ مِمَّا تَرَكَ اِنْ كَانَ لَهٗ وَلَدٌ فَاِنْ لَّمْ يَكُنْ لَّهٗ وَلَدٌ وَّوَرِثَهٗ٘ اَبَوٰهُ فَلِاُمِّهِ الثُّلُثُ فَاِنْ كَانَ لَهٗ٘ اِخْوَةٌ فَلِاُمِّهِ السُّدُسُ مِنْۣ بَعْدِ وَصِيَّةٍ يُّوْصِيْ بِهَا٘ اَوْ دَيْنٍ اٰبَآؤُكُمْ وَاَبْنَآؤُكُمْ لَا تَدْرُوْنَ اَيُّهُمْ اَقْرَبُ لَكُمْ نَفْعًا فَرِيْضَةً مِّنَ اللّٰهِ اِنَّ اللّٰهَ كَانَ عَلِيْمًا حَكِيْمًا
خودێ د ده‌ر حه‌قا عه‌يالێ هه‌وه دا شيره‌تێ وفه‌رمانێ ل هه‌وه دكه‌ت: ئه‌گه‌ر يه‌ك ژ هه‌وه مر وهنده‌ك زارۆ هێلان: يێن نێر ويێن مێ، ميراتێ وى هه‌مى بۆ وانه: بارا يێ نێر هندى بارا دو مێيانه، ئه‌گه‌ر ژبلى وان چو ميراتگره‌كێ دى نه‌بت. وئه‌گه‌ر وى كچ ب تنێ ل دويڤ خۆ هێلابن ژ دو كچان وپێهه‌ل دو سێيه‌كا مالێ وى هێلاى بۆ وانه، وئه‌گه‌ر كچه‌كا ب تنێ هێلا بت نيڤا مالى بۆ وییه. وبۆ دايبابێن مرى هه‌ر يه‌كى شه‌شێك هه‌يه، ئه‌گه‌ر وى زارۆ هه‌بن: چ كچ بن چ كوڕ، يه‌ك بت يان پتر. وئه‌گه‌ر ئه‌و مرى يێ بێ عه‌يال بت ودايبابێن وى بۆنه ميراتگرێن وى بۆ دايكا وى سێيه‌كه ومالێ مايى بۆ بابێ وییه، وئه‌گه‌ر ئه‌وێ مرى دو خويشك وبرا يان پتر هه‌بن، بۆ دايكا وى شه‌شێكه، ومالێ دى بۆ بابییه وچو بۆ خويشك وبرا نينه. ئه‌ڤ لێكڤه‌كرنا ميراتى هنگییه پشتى شيره‌تا مرى ئه‌وا ل دۆرێن سێيه‌كێ وى شيره‌ت پێ كرى، يان ئه‌و قه‌رێ ل سه‌ر وى دئێته‌دان. بابێن هه‌وه وكوڕێن هه‌وه يێن ميرات بۆ هاتییه دان هوين نزانن كانێ كى ژ وان مفايێ وى بۆ هه‌وه د دنيايێ وئاخره‌تێ دا نێزيكتره، ڤێجا هوين يه‌ك ژ وان ب سه‌ر يه‌كێ دى نه‌ئێخن. ئه‌ڤه يا كو من شيره‌ت پێ ل هه‌وه كرى ژ لايێ خودێ ڤه ل سه‌ر هه‌وه يا هاتییه فه‌ركرن. هندى خودێ‌یه ب چێكرییێن خۆ يێ پڕزانايه، د وى شريعه‌تى دا يێ وى بۆ وان داناى يێ كاربنه‌جهه.
وَلَكُمْ نِصْفُ مَا تَرَكَ اَزْوَاجُكُمْ اِنْ لَّمْ يَكُنْ لَّهُنَّ وَلَدٌ فَاِنْ كَانَ لَهُنَّ وَلَدٌ فَلَكُمُ الرُّبُعُ مِمَّا تَرَكْنَ مِنْۣ بَعْدِ وَصِيَّةٍ يُّوْصِيْنَ بِهَا٘ اَوْ دَيْنٍ وَلَهُنَّ الرُّبُعُ مِمَّا تَرَكْتُمْ اِنْ لَّمْ يَكُنْ لَّكُمْ وَلَدٌ فَاِنْ كَانَ لَكُمْ وَلَدٌ فَلَهُنَّ الثُّمُنُ مِمَّا تَرَكْتُمْ مِّنْۣ بَعْدِ وَصِيَّةٍ تُوْصُوْنَ بِهَا٘ اَوْ دَيْنٍ وَاِنْ كَانَ رَجُلٌ يُّوْرَثُ كَلٰلَةً اَوِ امْرَاَةٌ وَّلَهٗ٘ اَخٌ اَوْ اُخْتٌ فَلِكُلِّ وَاحِدٍ مِّنْهُمَا السُّدُسُ فَاِنْ كَانُوْ٘ا اَكْثَرَ مِنْ ذٰلِكَ فَهُمْ شُرَكَآءُ فِي الثُّلُثِ مِنْۣ بَعْدِ وَصِيَّةٍ يُّوْصٰي بِهَا٘ اَوْ دَيْنٍ غَيْرَ مُضَآرٍّ وَصِيَّةً مِّنَ اللّٰهِ وَاللّٰهُ عَلِيْمٌ حَلِيْمٌ
ونيڤا وى مالى يێ ژنێن هه‌وه -گهلى زه‌لامان- پشتى مرنا خۆ ل دويڤ خۆ دهێلن بۆ هه‌وه‌يه ئه‌گه‌ر وان چو كوڕ يان كچ نه‌بن، وئه‌گه‌ر وان زارۆيه‌ك هه‌بت چارێك ژ وى مالێ وان هێلايى بۆ هه‌وه‌يه، پشتى هوين شيره‌تا وان يا دورست ب جهـ دئينن، يان وى قه‌رێ ل سه‌ر وان هوين دده‌ن. وچاريه‌كا وى مالێ هوين -گهلى زه‌لامان- دهێلن بۆ ژنێن هه‌وه‌نه ئه‌گه‌ر هه‌وه چو كوڕ يان كچ نه‌بن نه ژ وان ونه ژ هنده‌كێن دى، وئه‌گه‌ر هه‌وه كوڕه‌ك يان كچه‌ك هه‌بت هه‌شتێك بۆ وانه، چارێكێ يان هه‌شتێكێ دێ د ناڤبه‌را وان دا لێكڤه‌كه‌ن، ڤێجا ئه‌گه‌ر ژنه‌كا ب تنێ بت ئه‌ڤه دێ ميراتێ وێ بت، پشتى ئه‌و شيره‌تێن دورست يێن هه‌وه كرين دئێنه ب جهـ ئينان، يان ئه‌و قه‌رێ ل سه‌ر هه‌وه دئێته‌دان. وئه‌گه‌ر زه‌لامه‌ك يان ژنه‌ك مر ووى يان وێ دايباب وزارۆك نه‌بن، ووى يان وێ برايه‌ك يان خويشكه‌كا ژ دايكێ هه‌بت بۆ هه‌ر يه‌ك ژ وان شه‌شێكه. وئه‌گه‌ر برا يان خويشكێن وى يێن دايكێ ژ يه‌كێ پتر بن ئه‌و د سێيه‌كێ دا د پشكدارن هه‌مى وه‌كى يه‌ك چو جودايى د ناڤبه‌را ژن ومێران دا نينه، وئه‌ڤه يا خودێ بۆ برا وخويشكێن ژ دايێ نڤيسى ئه‌و دێ هنگى وه‌رگرن پشتى ده‌ينێن مرى دئێنه‌دان، وشيره‌تا وى دئێته ب جهـ ئينان ئه‌گه‌ر شيره‌ته‌كا وه‌سا كربت يا زيانا ميراتگران تێدا نه‌بت. خودايێ هه‌وه ب ڤێ چه‌ندێ شيره‌ت ل هه‌وه كرییه شيره‌ته‌كا بۆ هه‌وه ب مفا. وخودێ ب وى تشتێ مفايێ خه‌لكى تێدا يێ پڕزانايه، ويێ ئارامه له‌زێ د جزادانا وان دا ناكه‌ت.
تِلْكَ حُدُوْدُ اللّٰهِ وَمَنْ يُّطِعِ اللّٰهَ وَرَسُوْلَهٗ يُدْخِلْهُ جَنّٰتٍ تَجْرِيْ مِنْ تَحْتِهَا الْاَنْهٰرُ خٰلِدِيْنَ فِيْهَا وَذٰلِكَ الْفَوْزُ الْعَظِيْمُ
ئه‌ڤ ئه‌حكامێن خودايى يێن وى د ده‌رحه‌قا ئێتيم وژن وميراتى دا داناين، شريعه‌تێن وينه يێن هندێ دگه‌هينن كو ئه‌و ژ نك خودايێ پڕزانا وكاربنه‌جهن. وهه‌چییێ گوهدارییا خودێ وپێغه‌مبه‌رێ وى بكه‌ت د وى تشتى دا يێ وى بۆ به‌نیێن خۆ داناى ژ ڤان ئه‌حكامان ويێن دى، خودێ دێ وى كه‌ته د وان به‌حه‌شتان دا يێن داروبار وقه‌سرێن وان د زۆر، ڕويبارێن ئاڤ شرين د بن دا دچن، وئه‌و د ڤێ خۆشییێ دا هه‌ر وهه‌ر دێ مينن، ژێ ده‌رناكه‌ڤن، وئه‌وه خێر وئيفله‌حا مه‌زن.
وَمَنْ يَّعْصِ اللّٰهَ وَرَسُوْلَهٗ وَيَتَعَدَّ حُدُوْدَهٗ يُدْخِلْهُ نَارًا خَالِدًا فِيْهَا وَلَهٗ عَذَابٌ مُّهِيْنٌ
وهه‌چییێ گوهدارییا خودێ وپێغه‌مبه‌رێ وى نه‌كه‌ت، كو باوه‌رییێ ب ئه‌حكامێن وى نه‌ئينت، وپێ ل وى شريعه‌تى بدانت يێ وى بۆ به‌نییێن خۆ داناى چ ب گوهۆڕينێ بت چ ب ڕاوه‌ستاندنا كارى بت پێ، خودێ دێ وى كه‌ته د ئاگرى دا هه‌ر وهه‌ر دێ تێدا مينت، وعه‌زابه‌كا وى ڕه‌زيل بكه‌ت وبشكێنت بۆ وى هه‌يه.
وَالّٰتِيْ يَاْتِيْنَ الْفَاحِشَةَ مِنْ نِّسَآئِكُمْ فَاسْتَشْهِدُوْا عَلَيْهِنَّ اَرْبَعَةً مِّنْكُمْ فَاِنْ شَهِدُوْا فَاَمْسِكُوْهُنَّ فِي الْبُيُوْتِ حَتّٰي يَتَوَفّٰىهُنَّ الْمَوْتُ اَوْ يَجْعَلَ اللّٰهُ لَهُنَّ سَبِيْلًا
وئه‌وێن (زنايێ) دكه‌ن ژ ژنێن هه‌وه، هوين چار زه‌لامێن عادل ژ موسلمانان ل سه‌ر وان بكه‌نه شاهد، ڤێجا ئه‌گه‌ر وان شاهده‌يى ب ڤێ كريارێ ل سه‌ر وان دا، هوين وان د مالان دا بگرن حه‌تا ئه‌و دمرن، يان خودێ ڕێكه‌كێ بۆ ڕزگارییا وان ژ وێ چه‌ندێ دبينت.
وَالَّذٰنِ يَاْتِيٰنِهَا مِنْكُمْ فَاٰذُوْهُمَا فَاِنْ تَابَا وَاَصْلَحَا فَاَعْرِضُوْا عَنْهُمَا اِنَّ اللّٰهَ كَانَ تَوَّابًا رَّحِيْمًا
وئه‌و هه‌ردو زه‌لامێن ده‌همه‌ن پيسییێ دكه‌ن، هوين وان ب لێدانێ وژێ سلبوونێ وپاشڤه‌برنێ بێشينن، ڤێجا ئه‌گه‌ر وان ژ وى كارێ خۆ تۆبه كر و ب وان باشییێن ئه‌و دكه‌ن وان چاكى كر، هوين ل خه‌له‌تییا وان ببۆرن. و ژ ڤێ ئايه‌تێ ويا به‌رى وێ ئاشكه‌را دبت كو زه‌لام ئه‌گه‌ر كرێتییێ بكه‌ن دڤێت بێنه ئێشاندن، وژن دڤێت بێنه ئێشاندن وگرتن، ڤێجا گرتن حه‌تا مرنێ‌یه، وئێشاندن حه‌تا كرنا چاكییێ وتۆبێ‌یه. وئه‌ڤ چه‌نده ل ده‌ستپێكا ئيسلامێ بوو، پاشى ب وى حوكمى هاته نه‌سخه‌كرن يێ خودێ وپێغه‌مبه‌رێ وى داناى، كو به‌ر لێ باراندنه بۆ زه‌لام وژنا بالغ وعاقل، يێن ب نكاحه‌كا دورست ژن ئينابت يان شوى كربت، وجه‌لده‌دان ب سه‌د جه‌لدان، د گه‌ل ده‌رێخستنا ژ جهێ وى ساله‌كێ، بۆ يێن دى. هندى خودێ‌یه پڕته‌وبه‌وه‌رگرێ وان به‌نییێن خۆ يه يێن تۆبه دكه‌ن، ويێ دلۆڤانكاره ب وان.
اِنَّمَا التَّوْبَةُ عَلَي اللّٰهِ لِلَّذِيْنَ يَعْمَلُوْنَ السُّوْٓءَ بِجَهَالَةٍ ثُمَّ يَتُوْبُوْنَ مِنْ قَرِيْبٍ فَاُولٰٓئِكَ يَتُوْبُ اللّٰهُ عَلَيْهِمْ وَكَانَ اللّٰهُ عَلِيْمًا حَكِيْمًا
خودێ تۆبا وان قه‌بويل دكه‌ت ئه‌وێن ژ نه‌زانيـن گونه‌هان دكه‌ن، نه‌زانينا كانێ دويماهییا وێ دێ بته چ وكو دێ ئه‌و هێژايى غه‌زه‌با خودێ بت، پاشى به‌رى ئه‌و بمرن ئه‌و ل خودايێ خۆ دزڤڕن، ئه‌و ئه‌ون يێن خودێ تۆبا وان قه‌بويل دكه‌ت. وخودێ ب چێكرییێن خۆ يێ پڕزانا بوويه، و دكار وته‌قديرا خۆ دا يێ كاربنه‌جهـ بوويه.
وَلَيْسَتِ التَّوْبَةُ لِلَّذِيْنَ يَعْمَلُوْنَ السَّيِّاٰتِ حَتّٰ٘ي اِذَا حَضَرَ اَحَدَهُمُ الْمَوْتُ قَالَ اِنِّيْ تُبْتُ الْــٰٔنَ وَلَا الَّذِيْنَ يَمُوْتُوْنَ وَهُمْ كُفَّارٌ اُولٰٓئِكَ اَعْتَدْنَا لَهُمْ عَذَابًا اَلِيْمًا
وقه‌بويلكرنا تۆبێ بۆ وان نينه يێن ڕژدییێ ل سه‌ر كرنا گونه‌هان دكه‌ن، وحه‌تا نه‌كه‌ڤنه به‌ر مرنێ ئه‌و ل خودايێ خۆ نازڤڕن، هنگى ژ نوى يه‌ك ژ وان دێ بێژت: نوكه من تۆبه‌يه، هه‌ر وه‌سا تۆبا وان ژى قه‌بويل نابت ئه‌وێن دمرن كافر. ئه‌وێن هه يێن ڕژدییێ ل سه‌ر كرنا گونه‌هان كرى حه‌تا مرين، وئه‌وێن مرين كافر، مه عه‌زابه‌كا ب ئێش بۆ وان ئاماده‌كرییه.
يٰ٘اَيُّهَا الَّذِيْنَ اٰمَنُوْا لَا يَحِلُّ لَكُمْ اَنْ تَرِثُوا النِّسَآءَ كَرْهًا وَلَا تَعْضُلُوْهُنَّ لِتَذْهَبُوْا بِبَعْضِ مَا٘ اٰتَيْتُمُوْهُنَّ اِلَّا٘ اَنْ يَّاْتِيْنَ بِفَاحِشَةٍ مُّبَيِّنَةٍ وَعَاشِرُوْهُنَّ بِالْمَعْرُوْفِ فَاِنْ كَرِهْتُمُوْهُنَّ فَعَسٰ٘ي اَنْ تَكْرَهُوْا شَيْــًٔا وَّيَجْعَلَ اللّٰهُ فِيْهِ خَيْرًا كَثِيْرًا
ئه‌ى گهلى ئه‌وێن باوه‌رى ئيناى بۆ هه‌وه يا دورست نينه هوين ژنبابێن خۆ بكه‌نه پشكه‌ك ژ وى ميراتێ بابێن هه‌وه هێلاى، وه‌كى هه‌وه دڤێت هوين د گه‌ل بكه‌ن ب كوته‌كى ل خۆ ماره بكه‌ن، يان نه‌هێلن ئه‌و شوى بكه‌ن، يان ل وان ماره بكه‌ن يێن هه‌وه دڤێن، وبۆ هه‌وه دورست نينه هوين ژ نه‌ڤيان زيانێ بگه‌هيننه ژنێن خۆ؛ دا ئه‌و بۆ هه‌وه ته‌نازولێ ژ هنده‌كێ ژ وى مالى بكه‌ن يێ هه‌وه دايێ وه‌ك مه‌هر يان ديارى، هنگى تێ نه‌بت ئه‌گه‌ر وان كرێتییه‌كا ئاشكه‌را وه‌كى ده‌همه‌ن پيسییێ كر، وێ گاڤێ هه‌وه مافێ هه‌ى هوين وان به‌رنه‌ده‌ن حه‌تا ئه‌و وى مالى ل هه‌وه نه‌زڤڕينن يێ هه‌وه دايێ. وهه‌ڤالينییا هه‌وه د گه‌ل ژنێن هه‌وه بلا يا ب قه‌درگرتن وڤيان بت، وهوين مافێن وان بده‌نێ. وئه‌گه‌ر هه‌وه ئه‌و نه‌ڤيان ژ به‌ر ئه‌گه‌ره‌كا دنيايێ هوين صه‌برێ بكێشن؛ چونكى دبت تشته‌ك هه‌بت هه‌وه نه‌ڤێت وئه‌و ب خۆ خێره‌كا گه‌له‌ك تێدا هه‌بت.
وَاِنْ اَرَدْتُّمُ اسْتِبْدَالَ زَوْجٍ مَّكَانَ زَوْجٍ وَّاٰتَيْتُمْ اِحْدٰىهُنَّ قِنْطَارًا فَلَا تَاْخُذُوْا مِنْهُ شَيْــًٔا اَتَاْخُذُوْنَهٗ بُهْتَانًا وَّاِثْمًا مُّبِيْنًا
وئه‌گه‌ر هه‌وه ڤيا ژنه‌كێ ل جهێ يه‌كا دى بينن، وهه‌وه ماله‌كێ مه‌زن وه‌ك مه‌هر دابته وێ يا هه‌وه دڤێت به‌رده‌ن، هوين چويێ ژێ ڕانه‌كه‌ن، ئه‌رێ ژ دره‌و وبێ به‌ختییه‌كا ئاشكه‌را هوين دێ وى ڕاكه‌ن؟
وَكَيْفَ تَاْخُذُوْنَهٗ وَقَدْ اَفْضٰي بَعْضُكُمْ اِلٰي بَعْضٍ وَّاَخَذْنَ مِنْكُمْ مِّيْثَاقًا غَلِيْظًا
وچاوا دێ بۆ هه‌وه دورست بت هوين وى مالـى ژێ بستينن يێ هه‌وه ب مه‌هر دايه وان، وهه‌ر يه‌ك ژ هه‌وه خۆشى ب يێ دى برییه، ووان په‌يمانه‌كا موكم ژ هه‌وه وه‌رگرتییه كو هوين وان ب قه‌نجى بگرن يان خوشخۆك به‌رده‌ن.
وَلَا تَنْكِحُوْا مَا نَكَحَ اٰبَآؤُكُمْ مِّنَ النِّسَآءِ اِلَّا مَا قَدْ سَلَفَ اِنَّهٗ كَانَ فَاحِشَةً وَّمَقْتًا وَسَآءَ سَبِيْلًا
وهوين وان ژنان ماره نه‌كه‌ن يێن بابێن هه‌وه ماره‌كرين، ئه‌و تێ نه‌بت يا ل ده‌مێ جاهليه‌تێ بۆرى ئه‌وێ چو لۆمه ل سه‌ر هه‌وه نينه. هندى ماره‌كرنا ژنبابانه ژ لايێ نه‌ڤسییان ڤه كاره‌كێ كرێت وپيسه، وخودێ حه‌ز ژ وى ناكه‌ت يێ وێ چه‌ندێ بكه‌ت، وئه‌و چ كار وكه‌سبه‌كێ خراب بوو هه‌وه ل جاهليه‌تا خۆ دكر.
حُرِّمَتْ عَلَيْكُمْ اُمَّهٰتُكُمْ وَبَنٰتُكُمْ وَاَخَوٰتُكُمْ وَعَمّٰتُكُمْ وَخٰلٰتُكُمْ وَبَنٰتُ الْاَخِ وَبَنٰتُ الْاُخْتِ وَاُمَّهٰتُكُمُ الّٰتِيْ٘ اَرْضَعْنَكُمْ وَاَخَوٰتُكُمْ مِّنَ الرَّضَاعَةِ وَاُمَّهٰتُ نِسَآئِكُمْ وَرَبَآئِبُكُمُ الّٰتِيْ فِيْ حُجُوْرِكُمْ مِّنْ نِّسَآئِكُمُ الّٰتِيْ دَخَلْتُمْ بِهِنَّ فَاِنْ لَّمْ تَكُوْنُوْا دَخَلْتُمْ بِهِنَّ فَلَا جُنَاحَ عَلَيْكُمْ وَحَلَآئِلُ اَبْنَآئِكُمُ الَّذِيْنَ مِنْ اَصْلَابِكُمْ وَاَنْ تَجْمَعُوْا بَيْنَ الْاُخْتَيْنِ اِلَّا مَا قَدْ سَلَفَ اِنَّ اللّٰهَ كَانَ غَفُوْرًا رَّحِيْمًا
خودێ ماره‌كرنا دايكێن هه‌وه ل سه‌ر هه‌وه حه‌رامكرییه، ودايكا بابێ ودايكا دايكێ ژى دكه‌ڤنه د بن دا، ويا كچێن هه‌وه، وكچێن كوڕى ژى دكه‌ڤنه د بن دا، ويا خويشكێن هه‌وه يێن دايبابى بن يان نه، ويا مه‌تێن هه‌وه: خويشكێن بابێ وباپيرى، ويا خاله‌تێن هه‌وه: خويشكێن دايكێ وپيرێ، ويا برازا وخوارزيێن هه‌وه، وكچێن وان ژى دكه‌ڤنه د بن دا، ويا دايكێن هه‌وه يێن شير دايه هه‌وه، ويا خويشكێن هه‌وه يێن شيرى -وپێغه‌مبه‌رى سلاڤ لێ بن دياركرییه كو ب دانا شيرى ئه‌و حه‌رام دبن يێن ب نه‌سه‌بێ حه‌رام دبن- ويا خه‌سوییێن هه‌وه، ڤێجا چ هوين چووبنه نك كچێن وان يان نه، ويا نه‌ڤسیێن هه‌وه ئه‌وێن د مالێن هه‌وه دا هاتينه ب خودانكرن، وئه‌وێن نه د مالێن هه‌وه ژى دا هاتينه ب خودانكرن، به‌لێ ب وى شه‌رتى هوين چووبنه نك دايكێن وان، وئه‌گه‌ر هوين نه‌چووبنه نك دايكێن وان وهه‌وه ئه‌و به‌ردابن، يان مربن، هنگى بۆ هه‌وه دورسته هوين وان ماره بكه‌ن، هه‌ر وه‌سا خودێ ل سه‌ر هه‌وه حه‌رامكرییه كو هوين بويكێن خۆ ماره بكه‌ن، ژنێن كوڕێن خۆ يێن ژ هه‌وه ب خۆ بووين يان كوڕێن هه‌وه يێن شيرى بن، وئه‌ڤ حه‌رامبوونه ب هندێ په‌يدا دبت كو كوڕ وێ ژنێ ماره بكه‌ت ئه‌گه‌ر خۆ نه‌چووبته نك ژى، هه‌ر وه‌سا وى ل سه‌ر هه‌وه حه‌رامكرییه هوين دو خويشكێن نه‌سه‌بێ يان يێن شيرى پێكڤه ل نك خۆ كۆم بكه‌ن، ئه‌و تێ نه‌بت يا ل ده‌مێ جاهليه‌تێ بۆرى وچووى. وهه‌ر وه‌سا د سوننه‌تێ دا هاتییه كو چێ نابت ژن د گه‌ل مه‌تا وێ يان د گه‌ل خاله‌تا وێ پێكڤه بێنه كۆمكرن. هندى خودێ‌یه گونه‌هـ ژێبرێ گونه‌هكارانه ئه‌گه‌ر تۆبه بكه‌ن، يێ دلۆڤانكاره ب وان، ئه‌و وى تشتى ژ وان ناخوازت يێ ئه‌و نه‌شێن بكه‌ن.
وَّالْمُحْصَنٰتُ مِنَ النِّسَآءِ اِلَّا مَا مَلَكَتْ اَيْمَانُكُمْ كِتٰبَ اللّٰهِ عَلَيْكُمْ وَاُحِلَّ لَكُمْ مَّا وَرَآءَ ذٰلِكُمْ اَنْ تَبْتَغُوْا بِاَمْوَالِكُمْ مُّحْصِنِيْنَ غَيْرَ مُسٰفِحِيْنَ فَمَا اسْتَمْتَعْتُمْ بِهٖ مِنْهُنَّ فَاٰتُوْهُنَّ اُجُوْرَهُنَّ فَرِيْضَةً وَلَا جُنَاحَ عَلَيْكُمْ فِيْمَا تَرٰضَيْتُمْ بِهٖ مِنْۣ بَعْدِ الْفَرِيْضَةِ اِنَّ اللّٰهَ كَانَ عَلِيْمًا حَكِيْمًا
وبۆ هه‌وه حه‌رامه هوين ژنێن شويكرى ماره بكه‌ن، ئه‌و تێ نه‌بن يێن د جيهادێ دا دكه‌ڤنه ده‌ستێ هه‌وه، ماره‌كرنا وان بۆ هه‌وه يا حه‌لاله، پشتى ژڤانه‌كى ئه‌و خۆ دگرن، خودێ ماره‌كرنا ڤان ژنان ل سه‌ر هه‌وه حه‌رامكرییه، و ژبلى ڤان ژنان هه‌مى ژنێن دى بۆ هه‌وه دحه‌لالن، كو هوين وان ب مالێ خۆ بخوازن دا خۆ پێ ژ حه‌رامییێ بپارێزن. ڤێجا يا هه‌وه ب ماره‌كرنه‌كا دورست خۆشى پێ بر، هوين مه‌هرا وان يا خودێ بۆ وان ل سه‌ر هه‌وه فه‌ركرى بده‌نێ، وچو گونه‌هـ ل سه‌ر هه‌وه نينه د وى مه‌هرى دا يێ هوين د ناڤبه‌را خۆ دا ل سه‌ر ڕازى دبن، كێم بت يان گه‌له‌ك بت، هندى خودێ‌یه ب كريارێن به‌نییێن خۆ يێ پڕزانا بوويه، و د ئه‌حكام وڕێڤه‌برنێ دا يێ كاربنه‌جهـ بوويه.
وَمَنْ لَّمْ يَسْتَطِعْ مِنْكُمْ طَوْلًا اَنْ يَّنْكِحَ الْمُحْصَنٰتِ الْمُؤْمِنٰتِ فَمِنْ مَّا مَلَكَتْ اَيْمَانُكُمْ مِّنْ فَتَيٰتِكُمُ الْمُؤْمِنٰتِ وَاللّٰهُ اَعْلَمُ بِاِيْمَانِكُمْ بَعْضُكُمْ مِّنْۣ بَعْضٍ فَانْكِحُوْهُنَّ بِاِذْنِ اَهْلِهِنَّ وَاٰتُوْهُنَّ اُجُوْرَهُنَّ بِالْمَعْرُوْفِ مُحْصَنٰتٍ غَيْرَ مُسٰفِحٰتٍ وَّلَا مُتَّخِذٰتِ اَخْدَانٍ فَاِذَا٘ اُحْصِنَّ فَاِنْ اَتَيْنَ بِفَاحِشَةٍ فَعَلَيْهِنَّ نِصْفُ مَا عَلَي الْمُحْصَنٰتِ مِنَ الْعَذَابِ ذٰلِكَ لِمَنْ خَشِيَ الْعَنَتَ مِنْكُمْ وَاَنْ تَصْبِرُوْا خَيْرٌ لَّكُمْ وَاللّٰهُ غَفُوْرٌ رَّحِيْمٌ
وهه‌چییێ پێڤه نه‌ئێت مه‌هرا ژنێن ئازاد وخودان باوه‌ر بده‌ت، بۆ وى هه‌يه هنده‌كێن دى ژ كچێن خودان باوه‌ر يێن به‌نى (جاريه) ماره بكه‌ت. وخودێ‌یه ب ڕاستییا باوه‌رییا هه‌وه يێ پڕزانا ، هنده‌ك ژ هه‌وه ژ هنده‌كانه، ڤێجا هوين ئه‌وان ب ده‌ستويرییا مرۆڤێن وان ماره بكه‌ن، ومه‌هرا وان يا هوين ل سه‌ر پێك هاتين ب دله‌كێ خۆش بده‌نێ، دا ئه‌و ژ حه‌رامییێ دپاراستى بن، نه كو كرێتییێ ئاشكه‌را بكه‌ن، يان ب دزى ڤه بكه‌ن وببنه خودان دۆست، ڤێجا ئه‌گه‌ر وان شوى كر پاشى كرێتییه‌ك كر نيڤا وى حه‌ددى يێ كو ل سه‌ر ژنێن ئازاد هه‌ى ل سه‌ر وان هه‌يه. ئه‌ڤ ماره‌كرنا وان ژنێن جاريه ب وى ڕه‌نگێ به‌حس ژێ هاتییه كرن بۆ وییه يێ ژ خۆ بترست كو خرابییێ بكه‌ت، ونه‌شێته خۆ، وبێهن فره‌هییا ل سه‌ر نه‌ماره‌كرنا وان د گه‌ل ده‌همه‌ن پاقژییێ چێتر وباشتره. وخودێ گونه‌هـ ژێبرێ گونه‌هێن هه‌وه‌يه، ويێ دلۆڤانكاره ب هه‌وه له‌و ماره‌كرنا وان بۆ هه‌وه دورست كر ئه‌گه‌ر هوين نه‌شيان ژنێن ئازاد ماره بكه‌ن.
يُرِيْدُ اللّٰهُ لِيُبَيِّنَ لَكُمْ وَيَهْدِيَكُمْ سُنَنَ الَّذِيْنَ مِنْ قَبْلِكُمْ وَيَتُوْبَ عَلَيْكُمْ وَاللّٰهُ عَلِيْمٌ حَكِيْمٌ
خودێ ب ڤان شريعه‌تان دڤێت ڕێنيشانێن دينێ هه‌وه يێ ڕاست وشريعه‌تێ خۆ يێ بنه‌جهـ بۆ هه‌وه ئاشكه‌را بكه‌ت، وبه‌رێ هه‌وه بده‌ته ڕێكێن وان پێغه‌مبه‌ر وچاكێن به‌رى هه‌وه بۆرين د حه‌لالكرن وحه‌رامكرنێ دا، ووى دڤێت ب زڤڕينا هه‌وه بۆ عيباده‌تان تۆبێ بدانته سه‌ر هه‌وه، وئه‌و يێ پڕزانايه ب وى تشتێ كو كارێ به‌نییێن وى چاك دكه‌ت ، و د شريعه‌تێ خۆ دا ئه‌و يێ كاربنه‌جهه.
وَاللّٰهُ يُرِيْدُ اَنْ يَّتُوْبَ عَلَيْكُمْ وَيُرِيْدُ الَّذِيْنَ يَتَّبِعُوْنَ الشَّهَوٰتِ اَنْ تَمِيْلُوْا مَيْلًا عَظِيْمًا
وخودێ دڤێت تۆبێ بدانته سه‌ر هه‌وه، و ل خه‌له‌تییێن هه‌وه ببۆرت، وئه‌وێن ل دويڤ خۆشى ودلچونێن خۆ دچن دڤێن كو هوين ب لادانه‌كا مه‌زن ژ دينى لاده‌ن.
يُرِيْدُ اللّٰهُ اَنْ يُّخَفِّفَ عَنْكُمْ وَخُلِقَ الْاِنْسَانُ ضَعِيْفًا
خودێ ب وى شريعه‌تێ وى بۆ هه‌وه داناى تشتێ ب ساناهى بۆ هه‌وه دڤێت، ونه‌ڤێت ل سه‌ر هه‌وه ئاسێ بكه‌ت؛ چونكى هوين لاواز يێن هاتينه ئافراندن.
يٰ٘اَيُّهَا الَّذِيْنَ اٰمَنُوْا لَا تَاْكُلُوْ٘ا اَمْوَالَكُمْ بَيْنَكُمْ بِالْبَاطِلِ اِلَّا٘ اَنْ تَكُوْنَ تِجَارَةً عَنْ تَرَاضٍ مِّنْكُمْ وَلَا تَقْتُلُوْ٘ا اَنْفُسَكُمْ اِنَّ اللّٰهَ كَانَ بِكُمْ رَحِيْمًا
ئه‌ى گهلى ئه‌وێن د باوه‌رییا خۆ دا ب خودێ و د دويكه‌فتنا پێغه‌مبه‌رى دا -سلاڤ لێ بن- دڕاست، بۆ هه‌وه يا حه‌لال نينه هنده‌ك ژ هه‌وه مالێ هنده‌كان بێ حه‌ق بخۆن، وه‌سا تێ نه‌بت كو ب ڕێكه‌كا شه‌رعى وكه‌سبه‌كا حه‌لال بت و ب ڕازيبوونا هه‌وه بت، وهنده‌ك ژ هه‌وه هنده‌كان نه‌كوژن ڤێجا هوين ب كرنا وى تشتێ خودێ حه‌رامكرى تێ بچن. هندى خودێ‌یه د وان هه‌مى تشتان دا يێن وى فه‌رمان پێ ل هه‌وه كرى وهوين ژێ داينه پاش ب هه‌وه يێ دلۆڤانكار بوويه.
وَمَنْ يَّفْعَلْ ذٰلِكَ عُدْوَانًا وَّظُلْمًا فَسَوْفَ نُصْلِيْهِ نَارًا وَكَانَ ذٰلِكَ عَلَي اللّٰهِ يَسِيْرًا
وهه‌چییێ ژ ته‌عدايى وپێ لێدانا شريعه‌تى وى تشتى بكه‌ت يێ خودێ هوين ژێ پاشڤه‌لێداين وه‌كى دزییێ وژێستاندنێ وغشێ، خودێ پاشى دێ وى كه‌ته د ئاگرى دا وئـه‌و دێ تام كه‌ته گه‌رما وى، وئه‌و ل سه‌ر خودێ يا ب ساناهى بوويه.
اِنْ تَجْتَنِبُوْا كَبَآئِرَ مَا تُنْهَوْنَ عَنْهُ نُكَفِّرْ عَنْكُمْ سَيِّاٰتِكُمْ وَنُدْخِلْكُمْ مُّدْخَلًا كَرِيْمًا
ئه‌گه‌ر هوين -گهلى خودان باوه‌ران- خۆ ژ گونه‌هێن مه‌زن بده‌نه پاش يێن وه‌كى شركا ب خودێ ونه‌گوهدارییا دايبابان وكوشتنا نه‌فسێ بێ حه‌ق وگونه‌هێن دى يێن وه‌كى وان، ئه‌م دێ گونه‌هێن هه‌وه يێن بچويكتر بۆ هه‌وه ژێ به‌ين، ودێ هه‌وه كه‌ينه د جهه‌كێ ب قه‌در وبها دا، كو به‌حه‌شته.
وَلَا تَتَمَنَّوْا مَا فَضَّلَ اللّٰهُ بِهٖ بَعْضَكُمْ عَلٰي بَعْضٍ لِلرِّجَالِ نَصِيْبٌ مِّمَّا اكْتَسَبُوْا وَلِلنِّسَآءِ نَصِيْبٌ مِّمَّا اكْتَسَبْنَ وَسْــَٔلُوا اللّٰهَ مِنْ فَضْلِهٖ اِنَّ اللّٰهَ كَانَ بِكُلِّ شَيْءٍ عَلِيْمًا
وهوين خوزییا وى تشتى ڕانه‌هێلن يێ خودێ هنده‌ك ژ هه‌وه پێ ب سه‌ر هنده‌كان ئێخستين، چ د دانا ڕزقى دا بت يان د هه‌ر تشته‌كێ دى يێ وه‌سا دا بت، چونكى خودێ باره‌كا پيڤاى ژ جزاى بۆ زه‌لامان دانايه ل دويڤ كارێ وان، ووى بۆ ژنان ژى باره‌ك دانايه ل دويڤ وى كارێ وان كرى، و ل شوينا كو هوين خوزییان ڕاهێلن هوين داخوازێ ژ خودايێ مه‌رد بكه‌ن ئه‌و ژ سه‌راتى وقه‌نجییا خۆ دێ ده‌ته هه‌وه. هندى خودێ‌یه ب هه‌ر تشته‌كى يێ پڕزانا بوويه، وئه‌و د لێكڤه‌كرنێ دا ب وى تشتێ به‌رژه‌وه‌ندییا به‌نییێن وى تێدا زاناتره.
وَلِكُلٍّ جَعَلْنَا مَوَالِيَ مِمَّا تَرَكَ الْوَالِدٰنِ وَالْاَقْرَبُوْنَ وَالَّذِيْنَ عَقَدَتْ اَيْمَانُكُمْ فَاٰتُوْهُمْ نَصِيْبَهُمْ اِنَّ اللّٰهَ كَانَ عَلٰي كُلِّ شَيْءٍ شَهِيْدًا
ومه بۆ هه‌ر يه‌ك ژ هه‌وه هنده‌ك ميراتگر داناينه، ئه‌و وى ميراتێ دايباب ومرۆڤێن نێزيك دهێلن وه‌ردگرن، وئه‌وێن هه‌وه سۆزێن موكم پێڕا به‌ستين كو پشته‌ڤانییا هه‌وه بكه‌ن وهوين باره‌كى ژ ميراتى بده‌نێ، هوين وێ بده‌نێ يا هه‌وه بۆ ده‌سنيشان كرى. وميراتگرییا ب سۆزدانێ ل ده‌ستپێكا ئيسلامێ يا دورست بوو، پاشى ب هاتنه خوارا ئايه‌تێن ميراتى هاته ڕاكرن. هندى خودێ‌یه ب هه‌ر تشته‌كێ هوين دكه‌ن يێ ئاگه‌هدار بوويه، وئه‌و دێ هه‌وه سه‌را وى جزاده‌ت.
اَلرِّجَالُ قَوّٰمُوْنَ عَلَي النِّسَآءِ بِمَا فَضَّلَ اللّٰهُ بَعْضَهُمْ عَلٰي بَعْضٍ وَّبِمَا٘ اَنْفَقُوْا مِنْ اَمْوَالِهِمْ فَالصّٰلِحٰتُ قٰنِتٰتٌ حٰفِظٰتٌ لِّلْغَيْبِ بِمَا حَفِظَ اللّٰهُ وَالّٰتِيْ تَخَافُوْنَ نُشُوْزَهُنَّ فَعِظُوْهُنَّ وَاهْجُرُوْهُنَّ فِي الْمَضَاجِعِ وَاضْرِبُوْهُنَّ فَاِنْ اَطَعْنَكُمْ فَلَا تَبْغُوْا عَلَيْهِنَّ سَبِيْلًا اِنَّ اللّٰهَ كَانَ عَلِيًّا كَبِيْرًا
زه‌لام ل سه‌ر چاڤدێرى و ب خودانكرنا ژنان دڕابووينه، ژ به‌ر وان سالۆخه‌تێن پێ ڕابوون وسه‌راتییێ يێن خودێ داينه وان، و ژ به‌ر وێ مه‌هر ونه‌فه‌قێ يا ئه‌و دده‌نه وان. ڤێجا ئه‌و ژنێن چاك يێن ل سه‌ر ڕێكا ڕاست ژ وان، گوهدارییا خودێ ويا زه‌لامێن خۆ دكه‌ن، و ب پاراستنا خودێ ئه‌و وى تشتى دپارێزن يێ ل به‌ر چاڤێن زه‌لامێن وان ژ وى يێ ئه‌و ل سه‌ر د ده‌سپاك وئه‌مين، وئه‌وێن هوين ژ زيزبوونا وان دترسن، هوين ب ئاخفتنا خۆش شيره‌ت بكه‌ن، ڤێجا ئه‌گه‌ر په‌يڤا باش د گه‌ل وان چو فايده نه‌دا، هوين ل سه‌ر جهان پشتا خۆ بده‌نێ، ونێزيك نه‌بن، وئه‌گه‌ر ڤێ پشتدانێ كار د وان نه‌كر، هوين ب لێدانه‌كا زيان تێدا نه‌بت وان بقوتن، ڤێجا ئه‌گه‌ر وان گوهدارییا هه‌وه كر هشيار بن زۆردارییێ لێ نه‌كه‌ن، چونكى هندى خودايێ بلندێ مه‌زنه خودانێ وانه، وئه‌و دێ تۆلێ ژ وى ڤـه‌كـه‌ت يێ زۆردارییێ ل وان بكه‌ت.
وَاِنْ خِفْتُمْ شِقَاقَ بَيْنِهِمَا فَابْعَثُوْا حَكَمًا مِّنْ اَهْلِهٖ وَحَكَمًا مِّنْ اَهْلِهَا اِنْ يُّرِيْدَا٘ اِصْلَاحًا يُّوَفِّقِ اللّٰهُ بَيْنَهُمَا اِنَّ اللّٰهَ كَانَ عَلِيْمًا خَبِيْرًا
وئه‌گه‌ر هه‌وه -گهلى مرۆڤێن ژن ومێران- زانى كو نه‌خۆشى د ناڤبه‌را وان هه‌ر دووان دا هه‌يه ونه‌دويره ببته ئه‌گه‌را ژێكڤه‌بوونا وان، هوين يه‌كێ دادكه‌ر ژ مرۆڤێن زه‌لامى، ويه‌كێ دادكه‌ر ژ مرۆڤێن ژنێ بهنێرنه نك وان؛ دا به‌رێ خۆ بده‌نێ ووێ بكه‌ن يا به‌رژه‌وه‌ندییا وان تێدا، و ب ڕێكا به‌رگه‌ڕيانا هه‌ردو دادكه‌ران كو وان پێك بينن، و ب كارئينانا وان بۆ شێوه‌يه‌كێ باش خودێ د ناڤبه‌را ژن ومێران دا دێ باش كه‌ت. هندى خودێ‌یه يێ پڕزانايه، تشته‌ك ژ كارێ به‌نییێن وى ل به‌ر وى به‌رزه نابت، يێ شاره‌زايه ب وى تشتێ د دلێن وان دا.
وَاعْبُدُوا اللّٰهَ وَلَا تُشْرِكُوْا بِهٖ شَيْــًٔا وَّبِالْوَالِدَيْنِ اِحْسَانًا وَّبِذِي الْقُرْبٰي وَالْيَتٰمٰي وَالْمَسٰكِيْنِ وَالْجَارِ ذِي الْقُرْبٰي وَالْجَارِ الْجُنُبِ وَالصَّاحِبِ بِالْجَنْۣبِ وَابْنِ السَّبِيْلِ وَمَا مَلَكَتْ اَيْمَانُكُمْ اِنَّ اللّٰهَ لَا يُحِبُّ مَنْ كَانَ مُخْتَالًا فَخُوْرَا
وهوين په‌رستنا خودێ ب تنێ بكه‌ن وخۆ ب ده‌ست وى ڤه به‌رده‌ن، وچو هه‌ڤپشكان بۆ وى د خوداينی وپه‌رستنێ دا چێ نه‌كه‌ن، وقه‌نجییێ د گه‌ل دايبابێن خۆ بكه‌ن، ومافێن وان ب دورستى بده‌نێ، ومافێ مرۆڤێن خۆ يێن نێزيك، وئێتيم، وهه‌ژار، وئه‌و هه‌ڤسوییێ مرۆڤێ هه‌وه يێ نێزيك بت يان يێ دوير بت، وهه‌ڤالێ هه‌وه يێ سه‌فه‌رێ، ويێ ل خۆجهییێ، وڕێڤنگێ پێتڤى، وئه‌وێن ل به‌ر ده‌ستێ هه‌وه ژ عه‌بد وجارییان، مافێن ڤان ژى بده‌نێ. هندى خودێ‌یه حه‌ز ژ وان به‌نییێن خۆ ناكه‌ت ئه‌وێن خۆ مه‌زن دكه‌ن، وحه‌ز ژ وان ناكه‌ت ئه‌وێن مه‌دحێن خۆ د ناڤ خه‌لكى دا دكه‌ن.
اِۨلَّذِيْنَ يَبْخَلُوْنَ وَيَاْمُرُوْنَ النَّاسَ بِالْبُخْلِ وَيَكْتُمُوْنَ مَا٘ اٰتٰىهُمُ اللّٰهُ مِنْ فَضْلِهٖ وَاَعْتَدْنَا لِلْكٰفِرِيْنَ عَذَابًا مُّهِيْنًا
ئه‌وێن قه‌لسییێ د دان وخه‌رجییا وى تشتى دا دكه‌ن يێ خودێ دايه وان، وفه‌رمانا ب قه‌لسییێ ل خه‌لكێ دى ژى دكه‌ن، وكافرییێ ب قه‌نجییێن خودێ ل سه‌ر خۆ دكه‌ن، وڤه‌دشێرن. ومه بۆ كافران عه‌زابه‌كا ئه‌و پێ ڕه‌زيل ببن ئاماده‌كرییه.
وَالَّذِيْنَ يُنْفِقُوْنَ اَمْوَالَهُمْ رِئَآءَ النَّاسِ وَلَا يُؤْمِنُوْنَ بِاللّٰهِ وَلَا بِالْيَوْمِ الْاٰخِرِ وَمَنْ يَّكُنِ الشَّيْطٰنُ لَهٗ قَرِيْنًا فَسَآءَ قَرِيْنًا
وهه‌ر وه‌سا ئه‌ڤ عه‌زابه مه بۆ وان ئاماده‌كرییه ئه‌وێن مالێ خۆ بۆ رويمه‌تى ومه‌دح خه‌رج دكه‌ن و ب گۆتن وكريار باوه‌رییێ ب خودێ وڕۆژا قيامه‌تێ نائينن. وئه‌ڤ كارێن خراب ژ وان كارانه يێن شه‌يتان بۆ گازى دكه‌ت، وهه‌چییێ شه‌يتان بۆ وى دۆست وهه‌ڤال بت ئه‌و چ پيسه دۆست وهه‌ڤاله.
وَمَاذَا عَلَيْهِمْ لَوْ اٰمَنُوْا بِاللّٰهِ وَالْيَوْمِ الْاٰخِرِ وَاَنْفَقُوْا مِمَّا رَزَقَهُمُ اللّٰهُ وَكَانَ اللّٰهُ بِهِمْ عَلِيْمًا
وما دێ چ زيان گه‌هته وان ئه‌گه‌ر وان باوه‌رى ب خودێ وڕۆژا دويماهییێ ئينابا ووان ب دله‌كێ پاقژ وصافى ژ وێ يا خودێ دايێ خه‌رج كربا، وخودێ ب وان و ب كريارێن وان يێ پڕزانايه، ودێ وان سه‌را وێ چه‌ندێ جزاده‌ت.
اِنَّ اللّٰهَ لَا يَظْلِمُ مِثْقَالَ ذَرَّةٍ وَاِنْ تَكُ حَسَنَةً يُّضٰعِفْهَا وَيُؤْتِ مِنْ لَّدُنْهُ اَجْرًا عَظِيْمًا
هندى خودێ‌یه ته‌مه‌ت دندكه‌كا هوير ژى خێرا كه‌سێ ژێ كێم ناكه‌ت، خو ئه‌گه‌ر سه‌نگێ باشییا وى ته‌مه‌ت زه‌رره‌كێ بت خودێ دێ بۆ وى مه‌زن وزێده كه‌ت، و ژ قه‌نجییا خۆ هێشتا دێ ده‌تێ، و ژ نك خۆ خێره‌كا مه‌زن كو به‌حه‌شته دێ ده‌تێ.
فَكَيْفَ اِذَا جِئْنَا مِنْ كُلِّ اُمَّةٍۣ بِشَهِيْدٍ وَّجِئْنَا بِكَ عَلٰي هٰ٘ؤُلَآءِ شَهِيْدًا
ڤێجا حالێ مرۆڤان ل ڕۆژا قيامه‌تێ دێ چاوا بت، ئه‌گه‌ر خودێ ژ هه‌ر ملله‌ته‌كى پێغه‌مبه‌ره‌ك ئينا دا شاهده‌ییێ ل سه‌ر وان بده‌ت ب وى تشتێ وان كرى، وئه‌گر وى تو -ئه‌ى موحه‌ممه‌د- ئيناى دا ببییه شاهد ل سه‌ر ئوممه‌تا خۆ، و ل سه‌ر ڤان پێغه‌مبه‌ران ژى كو وان په‌يامێن خودايێ خۆ گه‌هاندينه؟
يَوْمَئِذٍ يَّوَدُّ الَّذِيْنَ كَفَرُوْا وَعَصَوُا الرَّسُوْلَ لَوْ تُسَوّٰي بِهِمُ الْاَرْضُ وَلَا يَكْتُمُوْنَ اللّٰهَ حَدِيْثًا
ڕۆژا ئه‌و چه‌نده چێ دبت، ئه‌وێن باوه‌رى ب خودێ نه‌ئيناى وگوهدارییا پێغه‌مبه‌رى نه‌كرى و ل دويڤ ڕێكا وى نه‌چووين هيڤى دكه‌ن كو خودێ وان ب عه‌ردى ڤه ڕاست كه‌ت، وئه‌و ببنه ئاخ، دا ڕانه‌بنه ڤه، وئه‌و نه‌شێن تشته‌كێ خۆ ل خودێ ڤه‌شێرن؛ چونكى خودێ خه‌تم يا ل ده‌ڤێن وان داى، و له‌شێ وان شاهده‌يى ل سه‌ر وان يا داى ب وى تشتێ وان كرى.
يٰ٘اَيُّهَا الَّذِيْنَ اٰمَنُوْا لَا تَقْرَبُوا الصَّلٰوةَ وَاَنْتُمْ سُكٰرٰي حَتّٰي تَعْلَمُوْا مَا تَقُوْلُوْنَ وَلَا جُنُبًا اِلَّا عَابِرِيْ سَبِيْلٍ حَتّٰي تَغْتَسِلُوْا وَاِنْ كُنْتُمْ مَّرْضٰ٘ي اَوْ عَلٰي سَفَرٍ اَوْ جَآءَ اَحَدٌ مِّنْكُمْ مِّنَ الْغَآئِطِ اَوْ لٰمَسْتُمُ النِّسَآءَ فَلَمْ تَجِدُوْا مَآءً فَتَيَمَّمُوْا صَعِيْدًا طَيِّبًا فَامْسَحُوْا بِوُجُوْهِكُمْ وَاَيْدِيْكُمْ اِنَّ اللّٰهَ كَانَ عَفُوًّا غَفُوْرًا
ئه‌ى ئه‌وێن باوه‌رى ب خودێ ئيناى و دويكه‌فتنا پێغه‌مبه‌رێ وى كرى، ده‌مێ هوين دمه‌ست هوين نێزيكى نڤێژێ نه‌بن دا بزانن كانێ هوين چ دبێژن، وئه‌ڤه هنگى بوو ده‌مێ هێشتا مه‌ى ب يه‌كجارى حه‌رام نه‌بووى، وهوين ل ده‌مێ بێ نڤێژییێ نێزيكى نڤێژێ وجهێن كرنا نڤێژان كو مزگه‌فتن نه‌بن، حه‌تا هوين خۆ بشۆن، ئه‌و تێ نه‌بت يێ تێ ببۆرت و ژ ده‌رگه‌هه‌كى ده‌رباز ببته يه‌كێ دى. وئه‌گه‌ر هوين د نه‌خۆشییه‌كا وه‌سا دا بن كو هوين نه‌شێن ئاڤێ ب كاربينن، يان هوين ڕێڤنگ بن، يان ده‌سنڤێژا يه‌ك ژ هه‌وه هات، يان هوين چوونه نڤينا خۆ، وهه‌وه ئاڤ نه‌ديت هوين قه‌ستا ئاخه‌كا پاقژ بكه‌ن، دێمێن خۆ وده‌ستێن خۆ پێ ڤه‌مالن (مه‌سحێ بكه‌ن). هندى خودێ‌یه يێ لێنه‌گره بۆ هه‌وه، وگونه‌هێن هه‌وه ژێ دبه‌ت.
اَلَمْ تَرَ اِلَي الَّذِيْنَ اُوْتُوْا نَصِيْبًا مِّنَ الْكِتٰبِ يَشْتَرُوْنَ الضَّلٰلَةَ وَيُرِيْدُوْنَ اَنْ تَضِلُّوا السَّبِيْلَ
ئه‌ى موحه‌ممه‌د ما ته حالێ وان جوهییان نه‌زانییه، ئه‌وێن باره‌ك ژ وێ زانينا د ته‌وراتێ دا بۆ وان هاتییه دان، ئه‌و هيدايه‌تێ ب به‌رزه‌بوونێ دگوهۆڕن، ووان نيشان وهێجه‌تێن ڕاستییا په‌ياما موحه‌ممه‌دى -سلاڤ لێ بن- ئاشكه‌را دكه‌ن، يێن كو ل نك وان هه‌ين ئه‌و دهێلن، وهيڤى دكه‌ن كو هوين -گهلى خودان باوه‌رێن سه‌رڕاست- ژ ڕێكا ڕاست لابده‌ن؛ دا هوين ژى وه‌كى وان ڕێ به‌رزه‌ببن.
وَاللّٰهُ اَعْلَمُ بِاَعْدَآئِكُمْ وَكَفٰي بِاللّٰهِ وَلِيًّا وَّكَفٰي بِاللّٰهِ نَصِيْرًا
وخودێ ب دوژمنكارییا ڤان جوهییان بۆ هه‌وه زاناتره، وخودێ به‌سه خودانێ هه‌وه بت، وئه‌و به‌سه پشته‌ڤانێ هه‌وه بت هه‌وه ب سه‌ر نه‌ياران هه‌وه بێخت.
مِنَ الَّذِيْنَ هَادُوْا يُحَرِّفُوْنَ الْكَلِمَ عَنْ مَّوَاضِعِهٖ وَيَقُوْلُوْنَ سَمِعْنَا وَعَصَيْنَا وَاسْمَعْ غَيْرَ مُسْمَعٍ وَّرَاعِنَا لَيًّاۣ بِاَلْسِنَتِهِمْ وَطَعْنًا فِي الدِّيْنِ وَلَوْ اَنَّهُمْ قَالُوْا سَمِعْنَا وَاَطَعْنَا وَاسْمَعْ وَانْظُرْنَا لَكَانَ خَيْرًا لَّهُمْ وَاَقْوَمَ وَلٰكِنْ لَّعَنَهُمُ اللّٰهُ بِكُفْرِهِمْ فَلَا يُؤْمِنُوْنَ اِلَّا قَلِيْلًا
ژ جوهییان ده‌سته‌كه‌ك هه‌يه كارێ خۆ يێ كرییه ئه‌و ئاخفتنا خودێ بگوهۆڕن و ژ بێ به‌ختى وه‌ربادانێ بێخنه تێدا، وئه‌و دبێژنه پێغه‌مبه‌رى: مه گوهـ ل گۆتنا ته بوو وئه‌م گوهدارییا فه‌رمانا ته ناكه‌ين، وتو گوهێ خۆ بده مه ته گوهـ لێ نه‌بت! وئه‌و دبێژن: (راعنا) ئانه‌كۆ: د مه بگه‌هه ومه تێ بگه‌هينه، وئه‌و ئه‌زمانێن خۆ پێ خوار دكه‌ن، ومه‌خسه‌دا وان ئه‌و بوو نفرينا ب زمانێ خۆ ل وى بكه‌ن، وئه‌گه‌ر وان گۆتبا: مه گوهـ لێ بوو ومه گوهدارى كر، وگوهێ ته ل مه بت، وچاڤێ ته ل مه بت، ئه‌و دا بۆ وان ل نك خودێ چێتر وگۆتنه‌كا ڕاستتر بت، به‌لێ ژ به‌ر كافرى ونه‌باوه‌رى ئينانا وان خودێ ئه‌و ژ ڕه‌حما خۆ ده‌رێخستن، ڤێجا ئه‌و باوه‌رییێ ب حه‌قییێ نائينن كێمه‌كێ تێ نه‌بت يا چو مفا بۆ وان تێدا نه‌بت.
يٰ٘اَيُّهَا الَّذِيْنَ اُوْتُوا الْكِتٰبَ اٰمِنُوْا بِمَا نَزَّلْنَا مُصَدِّقًا لِّمَا مَعَكُمْ مِّنْ قَبْلِ اَنْ نَّطْمِسَ وُجُوْهًا فَنَرُدَّهَا عَلٰ٘ي اَدْبَارِهَا٘ اَوْ نَلْعَنَهُمْ كَمَا لَعَنَّا٘ اَصْحٰبَ السَّبْتِ وَكَانَ اَمْرُ اللّٰهِ مَفْعُوْلًا
ئه‌ى گهلى كيتابییان، باوه‌رییێ ب وێ بينن يا مه د قورئانێ دا ئينايه خوارێ وكارى پێ بكه‌ن، ئه‌و قورئانا ڕاستگۆيییا وێ يا د گه‌ل هه‌وه ژ كيتابان ديار دكه‌ت، به‌رى كو ئه‌م هه‌وه ب خرابییا كارێ هه‌وه بگرين، ڤێجا هنده‌ك ڕوییان حلى بكه‌ين ووه‌رگێڕينه پاتكێ، يان له‌عنه‌تێ ل ڤان خرابكاران بكه‌ين كو بكه‌ينه مه‌يموينك وبه‌راز، وه‌كى مه له‌عنه‌ت ل جوهییێن خودانێن شه‌نبییێ كرى، ئه‌وێن ژ ڕاڤ ونێچيرا ل شه‌مبییێ هاتينه پاشڤه‌لێدان به‌لێ وان خۆ پاشڤه لێ نه‌داى، ئينا خودێ ل وان ب غه‌زه‌ب هات، وئه‌و ژ ڕه‌حما خۆ ده‌رێخستن، وفه‌رمانا خودێ د هه‌مى حالان دا فه‌رمانه‌كا ب جهـ هاتى بوويه.
اِنَّ اللّٰهَ لَا يَغْفِرُ اَنْ يُّشْرَكَ بِهٖ وَيَغْفِرُ مَا دُوْنَ ذٰلِكَ لِمَنْ يَّشَآءُ وَمَنْ يُّشْرِكْ بِاللّٰهِ فَقَدِ افْتَرٰ٘ي اِثْمًا عَظِيْمًا
هندى خودێ‌یه ل وى نابۆرت وگونه‌هێ بۆ ژێ نابه‌ت يێ كه‌سه‌كى ژ چێكرییێن وى بۆ وى بكه‌ته هه‌ڤپشك، يان ب هه‌ر ڕه‌نگه‌كێ كوفرێ كافر ببت، و هه‌ر گونه‌هه‌كا دى يا ژ شركێ كێمتر بت ئه‌و بۆ وى ژێ دبه‌ت يێ وى بڤێت، وهه‌چییێ شركێ ب خودێ بكه‌ت ب ڕاستى ئه‌وى گونه‌هه‌كا مه‌زن كر.
اَلَمْ تَرَ اِلَي الَّذِيْنَ يُزَكُّوْنَ اَنْفُسَهُمْ بَلِ اللّٰهُ يُزَكِّيْ مَنْ يَّشَآءُ وَلَا يُظْلَمُوْنَ فَتِيْلًا
ئه‌ى موحه‌ممه‌د ما ته كارێ وان نه‌زانییه ئه‌وێن مه‌دحێن خۆ ويێن كريارێن خۆ دكه‌ن؟ به‌لكى خودێ ب تنێ‌یه مه‌دحێن وى دكه‌ت يێ وى بڤێت ژ به‌نییێن خۆ، ژ به‌ر كو ئه‌و ڕاستییا كارێ وان دزانت، وتشته‌ك ژ خێرا كارێ وان خۆ هندى وێ داڤا ب به‌ركێ خورمێ ژى ڤه بۆ وان نائێـته كێمكرن.
اُنْظُرْ كَيْفَ يَفْتَرُوْنَ عَلَي اللّٰهِ الْكَذِبَ وَكَفٰي بِهٖ٘ اِثْمًا مُّبِيْنًا
به‌رێ خۆ بدێ، چاوا ئه‌و دره‌وێ ل سه‌ر ناڤێ خودێ دكه‌ن، وئه‌و يێ پاقژه ژ هه‌ر تشته‌كێ بابه‌تى وى نه‌بت، وئه‌ڤ دره‌وه به‌سه گونه‌هه‌كا مه‌زن بت وخرابییا باوه‌رییا وان ئاشكه‌را بكه‌ت.
اَلَمْ تَرَ اِلَي الَّذِيْنَ اُوْتُوْا نَصِيْبًا مِّنَ الْكِتٰبِ يُؤْمِنُوْنَ بِالْجِبْتِ وَالطَّاغُوْتِ وَيَقُوْلُوْنَ لِلَّذِيْنَ كَفَرُوْا هٰ٘ؤُلَآءِ اَهْدٰي مِنَ الَّذِيْنَ اٰمَنُوْا سَبِيْلًا
ئه‌ى موحه‌ممه‌د ما ته كارێ وان جوهییان نه‌ديتییه ئه‌وێن باره‌ك ژ زانينێ بۆ وان هاتییه دان، ئه‌و باوه‌رییێ ب هه‌ر تشته‌كێ ژبلى خودێ په‌رستن بۆ دئێته كرن ژ صه‌نه‌م وشه‌يتانێن مرۆڤ وئه‌جنان دئينن، ودبێژنه وان يێن كافرى ب خودێ وپێغه‌مبه‌رێ وى كرى: ئه‌ڤ كافرێن هه دڕاستترن، وڕێكا وان دورستتره ژ يا وان يێن باوه‌رى ئيناى؟
اُولٰٓئِكَ الَّذِيْنَ لَعَنَهُمُ اللّٰهُ وَمَنْ يَّلْعَنِ اللّٰهُ فَلَنْ تَجِدَ لَهٗ نَصِيْرًا
ئه‌و ئه‌ون یێن خودێ ئه‌و ژ ڕه‌حما خۆ ده‌رێخستن، وهه‌چییێ خودێ وى ژ ڕه‌حما خۆ دويركه‌ت تو كه‌سێ بۆ وى نابينى پشته‌ڤانییا وى بكه‌ت، وخرابییا عه‌زابێ ژ وى پاشڤه لێ بده‌ت.
اَمْ لَهُمْ نَصِيْبٌ مِّنَ الْمُلْكِ فَاِذًا لَّا يُؤْتُوْنَ النَّاسَ نَقِيْرًا
يان ئه‌رێ وان باره‌ك د ملكى دا هه‌يه؟ وئه‌گه‌ر وان ئه‌و هه‌با ژى وان تشته‌ك ژێ نه‌ددا يه‌كى، ئه‌گه‌ر خۆ هندى وێ كونكێ با ئه‌وا د به‌ركێ خورمێ؟
اَمْ يَحْسُدُوْنَ النَّاسَ عَلٰي مَا٘ اٰتٰىهُمُ اللّٰهُ مِنْ فَضْلِهٖ فَقَدْ اٰتَيْنَا٘ اٰلَ اِبْرٰهِيْمَ الْكِتٰبَ وَالْحِكْمَةَ وَاٰتَيْنٰهُمْ مُّلْكًا عَظِيْمًا
يان ئه‌رێ ئه‌و حه‌سويدیێ ب موحه‌ممه‌دى وهه‌ڤالێن وى دبه‌ن سه‌را وێ قونجییا خودێ دايه وان، ڤێجا ئه‌و حه‌ز دكه‌ن ئه‌ڤ قه‌نجییه ل نك وان نه‌مينت؟ پانێ مه -به‌رى نوكه- ئه‌و كيتاب دابوونه دوونده‌ها ئيبراهيمى يێن خودێ بۆ وان ئيناينه خوارێ وئه‌و وه‌حییا نه‌نڤيسى يا بۆ وان هاتى، و د گه‌ل هندێ ژى مه ملكه‌كێ به‌رفره‌هـ دا وان.
فَمِنْهُمْ مَّنْ اٰمَنَ بِهٖ وَمِنْهُمْ مَّنْ صَدَّ عَنْهُ وَكَفٰي بِجَهَنَّمَ سَعِيْرًا
ڤێجا ژ ڤان يێن باره‌ك ژ زانينێ بۆ هاتییه دان هه‌يه يێ باوه‌رى ب پێغه‌مبه‌رينییا موحه‌ممه‌دى ئيناى، و ژ وان هه‌يه يێ پشت داى و د گازییا وى نه‌هاتى، وخه‌لك ژى ژ دويكه‌فتنا وى داينه پاش. وئاگرێ جه‌هنه‌مێ به‌سى وانه كو ئه‌و ب وان بێته خۆشكرن.
اِنَّ الَّذِيْنَ كَفَرُوْا بِاٰيٰتِنَا سَوْفَ نُصْلِيْهِمْ نَارًا كُلَّمَا نَضِجَتْ جُلُوْدُهُمْ بَدَّلْنٰهُمْ جُلُوْدًا غَيْرَهَا لِيَذُوْقُوا الْعَذَابَ اِنَّ اللّٰهَ كَانَ عَزِيْزًا حَكِيْمًا
هندى ئه‌ون يێن كافرى ب وان ئايه‌ت ووه‌حییا كيتابێ ونيشان وهێجه‌تێن ئاشكه‌را يێن خودێ ئيناينه خوارێ كرى، پاشى ئه‌م دێ وان كه‌ينه د ئاگره‌كى دا؛ دا ئه‌و تام بكه‌نه گه‌رما وى، هه‌ر جاره‌كا چه‌رمێ وان هاته سۆتن ئه‌م چه‌رمه‌كێ دى دێ بۆ وان گوهۆڕين؛ دا عه‌زاب وئێشا وان يا به‌رده‌وام بت. هندى خودێ‌یه يێ زال بوويه تشته‌ك ل به‌ر ئاسێ نابت، و د ڕێڤه‌برن وقه‌ده‌را خۆ دا يێ كاربنه‌جهـ بوويه.
وَالَّذِيْنَ اٰمَنُوْا وَعَمِلُوا الصّٰلِحٰتِ سَنُدْخِلُهُمْ جَنّٰتٍ تَجْرِيْ مِنْ تَحْتِهَا الْاَنْهٰرُ خٰلِدِيْنَ فِيْهَا٘ اَبَدًا لَهُمْ فِيْهَا٘ اَزْوَاجٌ مُّطَهَّرَةٌ وَّنُدْخِلُهُمْ ظِلًّا ظَلِيْلًا
وئه‌وێن دلێن وان ب باوه‌رییا ب خودێ وپێغه‌مبه‌رى ته‌نا بووين، و ل سه‌ر گوهدارییێ خۆ ڕاست كرى، ئه‌م دێ وان كه‌ينه د وان به‌حه‌شتان دا يێن ڕويبار د بن دا دچن، هه‌روهه‌ر دێ خۆشییێ تێدا به‌ن وچو جاران ژێ ده‌رناكه‌ڤن، وئه‌و ژنێن خودێ ژ هه‌مى پيساتییان پاقژكرين بۆ وان تێدا هه‌نه، وئه‌م د به‌حه‌شتێ دا دێ وان ده‌ينه بن سيبه‌ره‌كا هوين وبه‌ربه‌لاڤ.
اِنَّ اللّٰهَ يَاْمُرُكُمْ اَنْ تُؤَدُّوا الْاَمٰنٰتِ اِلٰ٘ي اَهْلِهَا وَاِذَا حَكَمْتُمْ بَيْنَ النَّاسِ اَنْ تَحْكُمُوْا بِالْعَدْلِ اِنَّ اللّٰهَ نِعِمَّا يَعِظُكُمْ بِهٖ اِنَّ اللّٰهَ كَانَ سَمِيْعًاۣ بَصِيْرًا
هندى خودێ‌یه فه‌رمانێ ل هه‌وه دكه‌ت كو هوين وان ئێمانه‌تان يێن د ده‌ست هه‌وه دا بگه‌هيننه خودانان، ڤێجا ته‌خسيرییێ تێدا نه‌كه‌ن، وئه‌و فه‌رمانێ ل هه‌وه دكه‌ت كو هوين ب دادیێ حوكمى د ناڤبه‌را مرۆڤان دا بكه‌ن، وئه‌و چ باش شيره‌ته خودێ ل هه‌وه دكه‌ت وبه‌رێ هه‌وه دده‌تێ. هندى خودێ‌یه گوهدێرێ گۆتنێن هه‌وه بوويه، و ب كريارێن هه‌وه يێ ئاگه‌هدار بوويه، ووان دبينت.
يٰ٘اَيُّهَا الَّذِيْنَ اٰمَنُوْ٘ا اَطِيْعُوا اللّٰهَ وَاَطِيْعُوا الرَّسُوْلَ وَاُولِي الْاَمْرِ مِنْكُمْ فَاِنْ تَنَازَعْتُمْ فِيْ شَيْءٍ فَرُدُّوْهُ اِلَي اللّٰهِ وَالرَّسُوْلِ اِنْ كُنْتُمْ تُؤْمِنُوْنَ بِاللّٰهِ وَالْيَوْمِ الْاٰخِرِ ذٰلِكَ خَيْرٌ وَّاَحْسَنُ تَاْوِيْلًا
گهلى ئه‌وێن باوه‌ری ئیناى، د به‌رسڤا فه‌رمانێن خودێ وه‌رن وبێ ئه‌مرییا وى نه‌كه‌ن، و د به‌رسڤا پێغه‌مبه‌رى ژى وه‌رن وگوهدارییا وێ حه‌قییێ بكه‌ن يا ئه‌و پێ هاتى، وگوهدارییا مه‌زن وكاربده‌ستێن خۆ بكه‌ن به‌لێ نه د بێ ئه‌مرییا خودێ دا، وئه‌گه‌ر هوين د ناڤبه‌را خۆ دا ل سه‌ر تشته‌كى ب هه‌ڤڕكى چوون، هوين حوكمێ وى تشتى بۆ خودێ وپێغه‌مبه‌ری، ئه‌گه‌ر هه‌وه ب دورستى باوه‌رى ب خودێ وڕۆژا حسێبێ هه‌بت. ئه‌ڤ چه‌نده ژ هه‌ڤڕكییێ وژێكڤه‌بوونێ چێتره، ودويماهییا وێ باشتره.
اَلَمْ تَرَ اِلَي الَّذِيْنَ يَزْعُمُوْنَ اَنَّهُمْ اٰمَنُوْا بِمَا٘ اُنْزِلَ اِلَيْكَ وَمَا٘ اُنْزِلَ مِنْ قَبْلِكَ يُرِيْدُوْنَ اَنْ يَّتَحَاكَمُوْ٘ا اِلَي الطَّاغُوْتِ وَقَدْ اُمِرُوْ٘ا اَنْ يَّكْفُرُوْا بِهٖ وَيُرِيْدُ الشَّيْطٰنُ اَنْ يُّضِلَّهُمْ ضَلٰلًاۣ بَعِيْدًا
ئه‌ى موحه‌ممه‌د ما ته كارێ وان منافقان نه‌زانییه ئه‌وێن ژ دره‌و دبێژن وان باوه‌رى ب وێ ئينايه يا بۆ ته هاتییه خوارێ -كو قورئانه- و ب وێ ژى يا به‌رى ته بۆ پێغه‌مبه‌ران هاتییه خوارێ، ووان د حه‌لكرنا هه‌ڤڕكییان دا دڤێت حوكمێ خۆ ببه‌نه نك وى شريعه‌تێ به‌تال يێ خودێ نه‌داناى، وئه‌و ب خۆ فه‌رمان يا ل وان هاتییه‌كرن كو ئه‌و باوه‌رییێ ب وى نه‌ئينن؟ وشه‌يتانى دڤێت وان ژ ڕێكا حه‌ق دويربكه‌ت، دويراتییه‌كا دوير. و ژ ڤێ ئايه‌تێ ئاشكه‌را دبت كو باوه‌رییا ڕاست هندێ دخوازت خودان ل دويڤ شريعه‌تێ خودێ بچت، و د هه‌مى كاران دا حوكمى پێ بكه‌ت، ڤێجا هه‌چییێ بێژت ئه‌ز خودان باوه‌رم پاشى حوكمێ تاغووتى ب سه‌ر حوكمێ خودێ بێخت، ئه‌و د ڤێ گۆتنا خۆ دا يێ دره‌وينه.
وَاِذَا قِيْلَ لَهُمْ تَعَالَوْا اِلٰي مَا٘ اَنْزَلَ اللّٰهُ وَاِلَي الرَّسُوْلِ رَاَيْتَ الْمُنٰفِقِيْنَ يَصُدُّوْنَ عَنْكَ صُدُوْدًا
وئه‌گه‌ر شيره‌ت ل ئه‌ڤان هاته‌كرن، وبۆ وان هاته گۆتن: وه‌رنه وێ يا خودێ ئينايه خوارێ، ووێ يا موحه‌ممه‌د پێغه‌مبه‌رى -سلاڤ لێ بن- گۆتى، تو دێ وان يێن ب سه‌ر ڤه باوه‌رى ئيناى و د دل دكافر بينى پشتا خۆ دێ ده‌نه ته وڕوییێ خۆ وه‌ردگێڕن.
فَكَيْفَ اِذَا٘ اَصَابَتْهُمْ مُّصِيْبَةٌۣ بِمَا قَدَّمَتْ اَيْدِيْهِمْ ثُمَّ جَآءُوْكَ يَحْلِفُوْنَ بِاللّٰهِ اِنْ اَرَدْنَا٘ اِلَّا٘ اِحْسَانًا وَّتَوْفِيْقًا
ڤێجا حالێ وان منافقان دێ يێ چاوا بت، ئه‌گه‌ر ژ به‌ر وى كارێ وان ب ده‌ستێن خۆ كرى ئاتافه‌ك ب سه‌رێ وان هات، پاشى ئه‌و هاتنه نك ته -ئه‌ى موحه‌ممه‌د- داخوازا لێبۆرينێ كر، و ب سويندان ڕا چوون كو وان ب وان كريارێن خۆ ب تنێ قه‌نجى وپێكئينانا د ناڤبه‌را هه‌ڤڕكان دا ڤيايه؟
اُولٰٓئِكَ الَّذِيْنَ يَعْلَمُ اللّٰهُ مَا فِيْ قُلُوْبِهِمْ فَاَعْرِضْ عَنْهُمْ وَعِظْهُمْ وَقُلْ لَّهُمْ فِيْ٘ اَنْفُسِهِمْ قَوْلًاۣ بَلِيْغًا
ئه‌و ئه‌ون يێن خودێ ڕاستییا وێ نفاقا د دلێن وان دا هه‌ى دزانت، ڤێجا تو ژ وان بگه‌ڕه، ووان ژ خرابییا كارێ ئه‌و ل سه‌ر دچن بترسينه، وتو گۆتنه‌كا كارتێكه‌ر د وان ب خۆ دا بێژێ.
وَمَا٘ اَرْسَلْنَا مِنْ رَّسُوْلٍ اِلَّا لِيُطَاعَ بِاِذْنِ اللّٰهِ وَلَوْ اَنَّهُمْ اِذْ ظَّلَمُوْ٘ا اَنْفُسَهُمْ جَآءُوْكَ فَاسْتَغْفَرُوا اللّٰهَ وَاسْتَغْفَرَ لَهُمُ الرَّسُوْلُ لَوَجَدُوا اللّٰهَ تَوَّابًا رَّحِيْمًا
ومه پێغه‌مبه‌ره‌ك ژ پێغه‌مبه‌رێن خۆ نه‌هنارتییه، ئه‌گه‌ر بۆ هندێ نه‌بت دا ب فه‌رمانا خودێ گوهدارییا وى بێته كرن. وئه‌وێن ب كرنا گونه‌هان زۆردارى ل خۆ كرى ئه‌گه‌ر د ژينا خۆ دا هاتبانه نك ته -ئه‌ى موحه‌ممه‌د- تۆبه كربا وداخواز ژ خودێ كربا كو گونه‌هان بۆ وان ژێ ببه‌ت، وته داخوازا ژێبرنا گونه‌هان بۆ وان كربا، ئه‌و دا خودێ بينن پڕتۆبه‌وه‌رگرێ دلۆڤانكار.
فَلَا وَرَبِّكَ لَا يُؤْمِنُوْنَ حَتّٰي يُحَكِّمُوْكَ فِيْمَا شَجَرَ بَيْنَهُمْ ثُمَّ لَا يَجِدُوْا فِيْ٘ اَنْفُسِهِمْ حَرَجًا مِّمَّا قَضَيْتَ وَيُسَلِّمُوْا تَسْلِيْمًا
خودايێ مه‌زن ب خۆ سويند خوارییه كو ئه‌وێن هه ب دورستى باوه‌رییێ نائينن حه‌تا ئه‌و د ژينا ته دا ته د وى تشتى دا يێ هه‌ڤڕكى سه‌را د ناڤبه‌را وان دا په‌يدا دبت نه‌كه‌نه فه‌ماندار (حه‌كه‌م)، وسوننه‌تا ته پشتى مرنا ته نه‌كه‌نه حه‌كه‌م، پاشى د ده‌رحه‌قا وێ دا يا ته فه‌رمان پێ داى ئه‌و چو دلته‌نگیه‌كێ ل نك خۆ نه‌بينن، و د گه‌ل هندێ ژى ئه‌و ب دورستى خۆ ب ده‌ست ڤه به‌رده‌ن، وئه‌و حوكمێ پێغه‌مبه‌رێ خودێ -سلاڤ لێ بن- پێ هاتى ژ كيتاب وسوننه‌تێ د هه‌مى لايێن ژينێ دا د گه‌ل ڕازيبوون وخۆ ب ده‌سڤه‌به‌ردانێ ژ كاكلكا باوه‌رییێ‌يه.
وَلَوْ اَنَّا كَتَبْنَا عَلَيْهِمْ اَنِ اقْتُلُوْ٘ا اَنْفُسَكُمْ اَوِ اخْرُجُوْا مِنْ دِيَارِكُمْ مَّا فَعَلُوْهُ اِلَّا قَلِيْلٌ مِّنْهُمْ وَلَوْ اَنَّهُمْ فَعَلُوْا مَا يُوْعَظُوْنَ بِهٖ لَكَانَ خَيْرًا لَّهُمْ وَاَشَدَّ تَثْبِيْتًا
وئه‌گه‌ر مه ل سه‌ر وان منافقان يێن ب حوكمێ تاغووتى ڕازى دبن واجب كربا كو هنده‌ك ژ وان هنده‌كان بكوژن، يان ئه‌و ژ وارێ خۆ ده‌ركه‌ڤن، هژماره‌كا كێم ژ وان تێ نه‌با كه‌سێ ئه‌و نه‌دكر، وئه‌گه‌ر وان ب وێ كربا يا شيره‌ت پێ ل وان دئێته‌كرن ئه‌و دا بۆ وان ب مفاتر بت، ودا باوه‌رییا وان پێ ب هێزتر لێ ئێت.
وَّاِذًا لَّاٰتَيْنٰهُمْ مِّنْ لَّدُنَّا٘ اَجْرًا عَظِيْمًا
وئه‌م ل دنيايێ وئاخره‌تێ خێرێ ژ نك خۆ دا ده‌ينه وان.
وَّلَهَدَيْنٰهُمْ صِرَاطًا مُّسْتَقِيْمًا
ودا به‌رێ وان ده‌ينه ڕێكا خودێ.
وَمَنْ يُّطِعِ اللّٰهَ وَالرَّسُوْلَ فَاُولٰٓئِكَ مَعَ الَّذِيْنَ اَنْعَمَ اللّٰهُ عَلَيْهِمْ مِّنَ النَّبِيّٖنَ وَالصِّدِّيْقِيْنَ وَالشُّهَدَآءِ وَالصّٰلِحِيْنَ وَحَسُنَ اُولٰٓئِكَ رَفِيْقًا
وهه‌چییێ گوهدارییا فه‌رمانێن خودێ وڕێكا پێغه‌مبه‌رێ وى موحه‌ممه‌دى -سلاڤ لێ بن- بكه‌ت ئه‌و ئه‌ون يێن خودێ بهايێ وان مه‌زن كرى، ڤێجا ئه‌و دێ هه‌ڤالينییا وان كه‌ن يێن خودێ قه‌نجى ب به‌حه‌شتێ د گه‌ل كرى ژ پێغه‌مبه‌ر وڕاستگۆيان ئه‌وێن ب دورستى باوه‌رى ئيناى وشه‌هيدێن د ڕێكا خودێ دا وچاكێن خودان باوه‌ران، وئه‌و چ باش هه‌ڤالن وان د به‌حه‌شتێ دا هه‌ين.
ذٰلِكَ الْفَضْلُ مِنَ اللّٰهِ وَكَفٰي بِاللّٰهِ عَلِيْمًا
ئه‌و دانا هه يا گه‌له‌ك ژ خودێ ب تنێ‌یه، وخودێ به‌سه ب حالێ به‌نییێن خۆ يێ پڕزانا بت، و ب حالێ وى يێ هێژاى دانه‌كا مه‌زن بت ژ به‌ر وان كريارێن وى يێن چاك.
يٰ٘اَيُّهَا الَّذِيْنَ اٰمَنُوْا خُذُوْا حِذْرَكُمْ فَانْفِرُوْا ثُبَاتٍ اَوِ انْفِرُوْا جَمِيْعًا
گهلى ئه‌وێن باوه‌رى ئيناى د هشيارى خۆ بن ب خۆئاماده‌كرنا ژ بۆ دوژمنێ خۆ، ڤێجا هوين كۆمه‌ك پشتى كۆمه‌كێ يان پێكڤه ده‌ركه‌ڤنه شه‌ڕێ وى.
وَاِنَّ مِنْكُمْ لَمَنْ لَّيُبَطِّئَنَّ فَاِنْ اَصَابَتْكُمْ مُّصِيْبَةٌ قَالَ قَدْ اَنْعَمَ اللّٰهُ عَلَيَّ اِذْ لَمْ اَكُنْ مَّعَهُمْ شَهِيْدًا
وهندى هنده‌ك ژ هه‌وه‌نه ب ڕاستى خۆ ژ ده‌ركه‌فتنا ژ بۆ شه‌ڕێ دوژمنى ڤه‌دهێلن وخۆ گران دكه‌ن، وخه‌لكێ دى ژى ژ كرنا شه‌ڕى سست دكه‌ن، ڤێجا ئه‌گه‌ر ل سه‌ر هه‌وه هاتبته نڤيسين و ب كوشتنێ يان شكه‌ستنێ ئاتافه‌ك ب سه‌رێ هه‌وه هات، ئه‌و ب كه‌يف ڤه دبێژت: خودێ ئه‌ز پاراستم، ده‌مێ ئه‌ز د گه‌ل وان يێن ئه‌و ب سه‌رى هاتى يا من پێ نه‌خۆش ده‌رنه‌كه‌فتيم، ودێ كه‌يفا وى ب هندێ ئێت كو ئه‌و ژ وان ڤه‌ماى.
وَلَئِنْ اَصَابَكُمْ فَضْلٌ مِّنَ اللّٰهِ لَيَقُوْلَنَّ كَاَنْ لَّمْ تَكُنْۣ بَيْنَكُمْ وَبَيْنَهٗ مَوَدَّةٌ يّٰلَيْتَنِيْ كُنْتُ مَعَهُمْ فَاَفُوْزَ فَوْزًا عَظِيْمًا
وئه‌گه‌ر قه‌نجییه‌ك ژ خودێ وده‌سكه‌فتییه‌ك گه‌هشته هه‌وه ئه‌و ب حه‌سويدى وكه‌سه‌ر ڤه دێ بێژت -هه‌ر وه‌كى د ناڤبه‌را هه‌وه ووى دا ڤيانه‌كا ب سه‌ر ڤه نه‌بوويه-: خوزى ئه‌ز د گه‌ل وان با مه دا ئه‌و فايدێ گه‌هشتییه وان ژ ڕزگاربوون وسه‌ركه‌فتن وده‌سكه‌فتییان گه‌هشتبا من ژى.
فَلْيُقَاتِلْ فِيْ سَبِيْلِ اللّٰهِ الَّذِيْنَ يَشْرُوْنَ الْحَيٰوةَ الدُّنْيَا بِالْاٰخِرَةِ وَمَنْ يُّقَاتِلْ فِيْ سَبِيْلِ اللّٰهِ فَيُقْتَلْ اَوْ يَغْلِبْ فَسَوْفَ نُؤْتِيْهِ اَجْرًا عَظِيْمًا
ڤێجا ئه‌وێن ژينا دنيايێ دده‌نه ب ئاخره‌تێ وخێرا وێ بلا شه‌ڕى د ڕێكا دينێ خودێ وبلندكرنا په‌يڤا وى دا بكه‌ن ، وهه‌چییێ ژ دله‌كێ صافى شه‌ڕى د ڕێكا خودێ دا بكه‌ت، ڤێجا بێته‌كوشتن يان ب سه‌ركه‌ڤت، ئه‌م دێ خێره‌كا مه‌زن ده‌ينه وى.
وَمَا لَكُمْ لَا تُقَاتِلُوْنَ فِيْ سَبِيْلِ اللّٰهِ وَالْمُسْتَضْعَفِيْنَ مِنَ الرِّجَالِ وَالنِّسَآءِ وَالْوِلْدَانِ الَّذِيْنَ يَقُوْلُوْنَ رَبَّنَا٘ اَخْرِجْنَا مِنْ هٰذِهِ الْقَرْيَةِ الظَّالِمِ اَهْلُهَا وَاجْعَلْ لَّنَا مِنْ لَّدُنْكَ وَلِيًّا وَّاجْعَلْ لَّنَا مِنْ لَّدُنْكَ نَصِيْرًا
وما ئه‌و چيه -گهلى خودان باوه‌ران- دبته ئاسته‌نگ د ڕێكا هه‌وه وكرنا جيهادا پێخه‌مه‌ت ب سه‌رێخستنا دينێ خودێ دا، وپێخه‌مه‌ت پشته‌ڤانییا بێ ده‌سهه‌لاتان ژ زه‌لام وژن وزارۆيان ئه‌وێن ته‌عدايى لێ هاتییه‌كرن، ووان چو ڕێ نينن ژ بلى هندێ كو هاوارێن خۆ بگه‌هيننه خودايێ خۆ وبێژن: خودايێ مه، تو مه ژ ڤى گوندێ مرۆڤێن وى ب كوفرێ زۆردارى ل خۆ كرى و ب نه‌خۆشییێ زۆردارى ل خودان باوه‌ران كرى -كو مه‌كه‌هه- ده‌ربێخه، وتو ژ نك خۆ خودانه‌كى بۆ مه په‌يدا بكه سه‌ركارییێ ل مه بكه‌ت، وپشته‌ڤانه‌كى كو مه ب سه‌ر زۆرداران بێخت.
اَلَّذِيْنَ اٰمَنُوْا يُقَاتِلُوْنَ فِيْ سَبِيْلِ اللّٰهِ وَالَّذِيْنَ كَفَرُوْا يُقَاتِلُوْنَ فِيْ سَبِيْلِ الطَّاغُوْتِ فَقَاتِلُوْ٘ا اَوْلِيَآءَ الشَّيْطٰنِ اِنَّ كَيْدَ الشَّيْطٰنِ كَانَ ضَعِيْفًا
ئه‌وێن باوه‌رى ئيناى شه‌ڕى د ڕێكا ب سه‌رێخستنا حه‌قییێ وخودانێن وێ دا دكه‌ن، وئه‌وێن كافربووين شه‌ڕى د ڕێكا سه‌رداچوونێ وخرابكارییا د عه‌ردى دا دكه‌ن، ڤێجا هوين شه‌ڕێ وان بكه‌ن ئه‌وێن شه‌يتانى بۆ خۆ دكه‌نه دۆست وسه‌ركار، وگوهدارییا فه‌رمانێن وى دكه‌ن، هندى ئه‌و فێلبازییه يا شه‌يتان بۆ دۆستێن خۆ دكه‌ت يا لاوازبوويه.
اَلَمْ تَرَ اِلَي الَّذِيْنَ قِيْلَ لَهُمْ كُفُّوْ٘ا اَيْدِيَكُمْ وَاَقِيْمُوا الصَّلٰوةَ وَاٰتُوا الزَّكٰوةَ فَلَمَّا كُتِبَ عَلَيْهِمُ الْقِتَالُ اِذَا فَرِيْقٌ مِّنْهُمْ يَخْشَوْنَ النَّاسَ كَخَشْيَةِ اللّٰهِ اَوْ اَشَدَّ خَشْيَةً وَقَالُوْا رَبَّنَا لِمَ كَتَبْتَ عَلَيْنَا الْقِتَالَ لَوْلَا٘ اَخَّرْتَنَا٘ اِلٰ٘ي اَجَلٍ قَرِيْبٍ قُلْ مَتَاعُ الدُّنْيَا قَلِيْلٌ وَالْاٰخِرَةُ خَيْرٌ لِّمَنِ اتَّقٰي وَلَا تُظْلَمُوْنَ فَتِيْلًا
ئه‌ى موحه‌ممه‌د ما ته حالێ وان نه‌زانییه ئه‌وێن به‌رى دانا ده‌ستويریێ ب كرنا جيهادێ بۆ وان هاتییه گۆتن: ده‌ستێن خۆ ژ كرنا شه‌ڕێ دوژمنێن خۆ يێن بوتپه‌رێس ڤه‌كێشن، ويا ل سه‌ر هه‌وه ئه‌وه هوين وێ بكه‌ن يا خودێ ل سه‌ر هه‌وه فه‌ركرى ژ كرنا نڤێژێ، ودانا زه‌كاتێ، ڤێجا گاڤا شه‌ڕ ل سه‌ر وان هاتییه نڤيسين، هنگى حالێ ده‌سته‌كه‌كێ ژ وان هاته گوهاڕتن، وكانێ چاوا ئه‌و ژ خودێ دترسان يان پتر ژى ئه‌و ژ مرۆڤان ترسان، وئه‌و ڤێ ترسا خۆ يا دژوار ئاشكه‌را دكه‌ن ودبێژن: خودايێ مه بۆچى ته شه‌ڕ ل سه‌ر مه فه‌ركرییه؟ ئه‌گه‌ر حه‌تا ده‌مه‌كێ نێزيك ته ئه‌م هێلاباين، ژ به‌ر ڤيانا وان بۆ ژينا دنيايێ، تو بێژه وان: خۆشییا دنيايێ يا كێمه، وئاخره‌ت وتشتێ لێ هه‌ى مه‌زنتر وبه‌رده‌وامتره بۆ وى يێ ته‌قواكرى. وخودايێ ته ب تشته‌كى زۆردارییێ ل كه‌سێ ناكه‌ت، ئه‌گه‌ر خۆ هندى وێ داڤێ ژى بت ئه‌وا ب به‌ركێ خورمێ ژى ڤه.
اَيْنَ مَا تَكُوْنُوْا يُدْرِكْكُّمُ الْمَوْتُ وَلَوْ كُنْتُمْ فِيْ بُرُوْجٍ مُّشَيَّدَةٍ وَاِنْ تُصِبْهُمْ حَسَنَةٌ يَّقُوْلُوْا هٰذِهٖ مِنْ عِنْدِ اللّٰهِ وَاِنْ تُصِبْهُمْ سَيِّئَةٌ يَّقُوْلُوْا هٰذِهٖ مِنْ عِنْدِكَ قُلْ كُلٌّ مِّنْ عِنْدِ اللّٰهِ فَمَالِ هٰ٘ؤُلَآءِ الْقَوْمِ لَا يَكَادُوْنَ يَفْقَهُوْنَ حَدِيْثًا
ئه‌گه‌ر ڕۆژا هه‌وه هات هه‌چى جهێ هوين لێ بن مرن دێ گه‌هته هه‌وه، خۆ ئه‌گه‌ر هوين د ئاسێگه‌هێن موكم ودوير ژ مه‌يدانا شه‌ڕى ژى دا بن. وئه‌گه‌ر تشته‌كێ وان كه‌يف پێ بێت ژ خۆشییێن دنيايێ گه‌هشته وان، ئه‌و دێ چێبوونا وى تشتى بۆ خودێ پالڤه‌ده‌ن، وئه‌گه‌ر تشته‌كێ وان پێ نه‌خۆش بت بگه‌هته وان ئه‌و ژ نه‌زانين ڤه دێ وى تشتى بۆ پێغه‌مبه‌رى پالڤه‌ده‌ن، ووان نه‌زانيبوو كو ئه‌و هه‌مى ژ نك خودێ ب تنێ‌یه، ب قه‌زا وقه‌ده‌را وییه، ڤێجا ئه‌ڤه وان چيه نێزيكه ئه‌و د چو گۆتنان نه‌گه‌هن يێن تو بۆ وان دبێژى؟
مَا٘ اَصَابَكَ مِنْ حَسَنَةٍ فَمِنَ اللّٰهِ وَمَا٘ اَصَابَكَ مِنْ سَيِّئَةٍ فَمِنْ نَّفْسِكَ وَاَرْسَلْنٰكَ لِلنَّاسِ رَسُوْلًا وَكَفٰي بِاللّٰهِ شَهِيْدًا
هه‌ر باشییه‌كا هاتییه سه‌رێ ته ئه‌و ژ خودێ ب تنێ‌یه، ژ چاكى وقه‌نجییا وییه، وهه‌ر نه‌خۆشى وخرابییه‌كا هاتییه سه‌رێ ته ئه‌و ژ به‌ر كارێ ته يێ خرابه، و ژ به‌ر وان گونه‌هانه يێن ته ب ده‌ستێن خۆ كرين. ومه تو -ئه‌ى موحه‌ممه‌د- بۆ هه‌مى مرۆڤان يێ هنارتى دا په‌ياما خودايێ خۆ بگه‌هينییه وان، وخودێ به‌سه شاهد بت ل سه‌ر ڕاستییا په‌ياما ته.
مَنْ يُّطِعِ الرَّسُوْلَ فَقَدْ اَطَاعَ اللّٰهَ وَمَنْ تَوَلّٰي فَمَا٘ اَرْسَلْنٰكَ عَلَيْهِمْ حَفِيْظًا
هه‌چییێ گوهدارییا پێغه‌مبه‌رى -سلاڤ لێ بن- بكه‌ت، وكارى ب دينێ وى بكه‌ت، ئه‌و وى گوهدارییا خودێ كر وكار ب فه‌رمانا وى كر، وهه‌چییێ پشت بده‌ته گوهدارییا خودێ وپێغه‌مبه‌رێ وى مـه تو -ئه‌ى موحه‌ممه‌د- نه‌هنارتى دا ل سه‌ر وان يێن پشت دده‌ن ببییه زێره‌ڤان، كارێن وان بهژمێرى وحسێبا وان سه‌را بكه‌ى، حسێبا وان ل سه‌ر مه‌يه.
وَيَقُوْلُوْنَ طَاعَةٌ فَاِذَا بَرَزُوْا مِنْ عِنْدِكَ بَيَّتَ طَآئِفَةٌ مِّنْهُمْ غَيْرَ الَّذِيْ تَقُوْلُ وَاللّٰهُ يَكْتُبُ مَا يُبَيِّتُوْنَ فَاَعْرِضْ عَنْهُمْ وَتَوَكَّلْ عَلَي اللّٰهِ وَكَفٰي بِاللّٰهِ وَكِيْلًا
وئه‌وێن هه يێن كــو پـشـت دده‌ن، ل ديوانا پێغه‌مبه‌رێ خودێ -سلاڤ لێ بن- گوهدارییا خۆ بۆ پێغه‌مبه‌رى وتشتێ ئه‌و پێ هاتى ئاشكه‌را دكه‌ن، وئه‌گه‌ر ژ ديوانا وى چوون ودويركه‌فتن، ده‌سته‌كه‌ك ژ وان ب شه‌ڤ وێ دكه‌ن ودبێژن يا وان به‌رى هنگى ئاشكه‌را نه‌كرى، ووان نه‌زانى كو خودێ وێ ل سه‌ر وان دهژمێرت يا ئه‌و ب ڤه‌شارتى دكه‌ن، ودێ سه‌را وێ چه‌ندێ وان جزا ده‌ت جزايه‌كێ تمام، ڤێجا تو -ئه‌ى موحه‌ممه‌د- پشتا خۆ بده وان وچو پويته‌ى ب وان نه‌كه، هندى ئه‌ون ئه‌و چو زيانێ ناگه‌هيننه ته، وتو خۆ بهێله ب هيڤییا خودێ ڤه، وئه‌و به‌سى ته‌يه كو بۆ ته خودان وپشته‌ڤان بت.
اَفَلَا يَتَدَبَّرُوْنَ الْقُرْاٰنَ وَلَوْ كَانَ مِنْ عِنْدِ غَيْرِ اللّٰهِ لَوَجَدُوْا فِيْهِ اخْتِلَافًا كَثِيْرًا
ئه‌رێ ما ئه‌وێن هه هزرێن خۆ د قورئانێ دا ناكه‌ن، وبه‌رێ خۆ ناده‌نه وێ حه‌قییا تێدا هاتى، كو ب ڕه‌نگه‌كێ ڕێك وپێك وموكم هاتییه هندێ دگه‌هينت كو ئه‌و ژ نك خودێ‌یه، وئه‌گه‌ر ئه‌و ژ نك يه‌كێ دى با ژبلى وى ئه‌و دا جوداهییه‌كا مه‌زن تێدا بينن.
وَاِذَا جَآءَهُمْ اَمْرٌ مِّنَ الْاَمْنِ اَوِ الْخَوْفِ اَذَاعُوْا بِهٖ وَلَوْ رَدُّوْهُ اِلَي الرَّسُوْلِ وَاِلٰ٘ي اُولِي الْاَمْرِ مِنْهُمْ لَعَلِمَهُ الَّذِيْنَ يَسْتَنْۣبِطُوْنَهٗ مِنْهُمْ وَلَوْلَا فَضْلُ اللّٰهِ عَلَيْكُمْ وَرَحْمَتُهٗ لَاتَّبَعْتُمُ الشَّيْطٰنَ اِلَّا قَلِيْلًا
وئه‌گه‌ر فه‌رمانه‌كا دڤێت بێته ڤه‌شارتن يا كو په‌يوه‌ندى ب ته‌ناهییێ ڤه هه‌بت يا خێرا وێ بۆ ئيسلامێ وموسلمانان بزڤڕت، يان په‌يوه‌ندى ب ترسێ ڤه هه‌بت يا بگه‌هته وان، ئه‌گه‌ر ئه‌و گه‌هشته ئه‌وێن هه يێن باوه‌رییێ جهێ خۆ د دلێن وان دا نه‌كرى، ئه‌و دێ وێ د ناڤ مرۆڤان دا به‌لاڤ كه‌ن، وئه‌گه‌ر وان ئه‌و بۆ پێغه‌مبه‌رێ خودێ -سلاڤ لێ بن- وبۆ زانا وتێگه‌هشتییان زڤڕاندبا، دا خودانێن تێئينانه‌ده‌ر وزانينێ ژ وان ڕاستییا وێ زانن. وئه‌گه‌ر قه‌نجییا خودێ ل سه‌ر هه‌وه نه‌با وكو وى دلۆڤانى ب هه‌وه بر هوين دا دويكه‌فتنا شه‌يتانى كه‌ن كێم ژ هه‌وه تێ نه‌بن.
فَقَاتِلْ فِيْ سَبِيْلِ اللّٰهِ لَا تُكَلَّفُ اِلَّا نَفْسَكَ وَحَرِّضِ الْمُؤْمِنِيْنَ عَسَي اللّٰهُ اَنْ يَّكُفَّ بَاْسَ الَّذِيْنَ كَفَرُوْا وَاللّٰهُ اَشَدُّ بَاْسًا وَّاَشَدُّ تَنْكِيْلًا
ڤێجا تو -ئه‌ى موحه‌ممه‌د- جيهادا د ڕێكا خودێ وبلندكرنا په‌يڤا وى دا بكه، تو ژ كرنا كه‌سێ دى يێ به‌رپسيار نينى وسه‌را وێ ل ته نائێته‌گرتن، وتو خودان باوه‌ران بۆ كرنا شه‌ڕى وجيهادێ پال بده، ووێ ل به‌ر وان شرين بكه، به‌لكى خودێ ب ته و ب وان شه‌ڕ ودوژوارییا كافران ڕاوه‌ستينت. وخودێ يێ هێز دژوارتر وجزا مه‌زنتره ژ كافران.
مَنْ يَّشْفَعْ شَفَاعَةً حَسَنَةً يَّكُنْ لَّهٗ نَصِيْبٌ مِّنْهَا وَمَنْ يَّشْفَعْ شَفَاعَةً سَيِّئَةً يَّكُنْ لَّهٗ كِفْلٌ مِّنْهَا وَكَانَ اللّٰهُ عَلٰي كُلِّ شَيْءٍ مُّقِيْتًا
هه‌چییێ به‌رگه‌ڕيانێ بكه‌ت دا يه‌ك خێره‌كێ بكه‌ت ژ به‌ر مه‌هده‌را وى باره‌ك بۆ وى ژخێرێ دێ هه‌بت، وهه‌چییێ به‌رگه‌ڕيانێ بكه‌ت دا خرابى بگه‌هته يه‌كێ دى باره‌ك ژ گونه‌هێ دێ بۆ وى هه‌بت، وخودێ ل سه‌ر هه‌ر تشته‌كى شاهد وپارێزه‌ر بوويه.
وَاِذَا حُيِّيْتُمْ بِتَحِيَّةٍ فَحَيُّوْا بِاَحْسَنَ مِنْهَا٘ اَوْ رُدُّوْهَا اِنَّ اللّٰهَ كَانَ عَلٰي كُلِّ شَيْءٍ حَسِيْبًا
وئه‌گه‌ر موسلمانه‌كى سلاڤى وه كر هوين ب ڕه‌نگه‌كێ باشتر ژ لايێ په‌يڤ وگڕنژينێ ڤه به‌رسڤا سلاڤا وى بده‌ن، يان هه‌ما وه‌كى يا وى لێ ڤه‌گێڕن، وهه‌ر يه‌كێ خێر وجزايێ خۆ هه‌يه. هندى خودێ‌یه جزايێ هه‌ر تشته‌كى دده‌ت.
اَللّٰهُ لَا٘ اِلٰهَ اِلَّا هُوَ لَيَجْمَعَنَّكُمْ اِلٰي يَوْمِ الْقِيٰمَةِ لَا رَيْبَ فِيْهِ وَمَنْ اَصْدَقُ مِنَ اللّٰهِ حَدِيْثًا
خودێ ب تنێ‌یه يێ هێژاى خوداينییێ، ئه‌و دێ هه‌وه هه‌مییان بۆ حسێبێ وجزادانێ ل ڕۆژا قيامه‌تێ كۆم كه‌ت، ئه‌و ڕۆژا چو گومان تێدا نه. وكه‌س ژ خودێ يێ ئاخفتن ڕاستتر نينه.
فَمَا لَكُمْ فِي الْمُنٰفِقِيْنَ فِئَتَيْنِ وَاللّٰهُ اَرْكَسَهُمْ بِمَا كَسَبُوْا اَتُرِيْدُوْنَ اَنْ تَهْدُوْا مَنْ اَضَلَّ اللّٰهُ وَمَنْ يُّضْلِلِ اللّٰهُ فَلَنْ تَجِدَ لَهٗ سَبِيْلًا
ڤێجا هه‌وه چيه -گهلى خودان باوه‌ران- هوين د مه‌سه‌لا دوڕوییان دا بووينه دو ده‌سته‌ك: ده‌سته‌كه‌ك دبێژت دێ شه‌ڕێ وان كه‌ين، وده‌سته‌كه‌ك دبێژت ئه‌م شه‌ڕێ وان ناكه‌ين؟ وخودێ ژ به‌ر خرابییا كريارا وان ئه‌و يێن ئێخستينه د كوفرێ وبه‌رزه‌بوونێ دا. ئه‌رێ ما هه‌وه دڤێت وى بيننه سه‌ر ڕێ يێ خودێ به‌رێ وى ژ دينێ خۆ وه‌رگێڕاى؟ وهه‌چییێ خودێ به‌رێ وى ژ دينێ خۆ ودويچوونا فه‌رمانا خۆ وه‌رگێڕا، وى چو ڕێ بۆ هيدايه‌تێ نابن.
وَدُّوْا لَوْ تَكْفُرُوْنَ كَمَا كَفَرُوْا فَتَكُوْنُوْنَ سَوَآءً فَلَا تَتَّخِذُوْا مِنْهُمْ اَوْلِيَآءَ حَتّٰي يُهَاجِرُوْا فِيْ سَبِيْلِ اللّٰهِ فَاِنْ تَوَلَّوْا فَخُذُوْهُمْ وَاقْتُلُوْهُمْ حَيْثُ وَجَدْتُّمُوْهُمْ وَلَا تَتَّخِذُوْا مِنْهُمْ وَلِيًّا وَّلَا نَصِيْرًا
دوڕوییان دڤيا هوين ژى ب وێ ڕاستییێ كافر ببن يا دلێن هه‌وه باوه‌رى پێ ئيناى، وه‌كى وان ب دلێن خۆ كافرى پێ كرى، دا هوين وئه‌و د كوفرێ دا وه‌كى يه‌ك لێ بێن، ڤێجا حه‌تا ئه‌و د ڕێكا خودێ دا مشه‌خت نه‌بن هوين چو دۆستان بۆ خۆ ژ وان نه‌گرن، ، دا ئه‌و مشه‌ختبوونا وان ببته نيشان ل سه‌ر ڕاستییا باوه‌رییا وان، ڤێجا ئه‌گه‌ر وان پشت دا وێ يا ئه‌و بۆ هاتينه داخوازكرن، هوين وان بگرن وهه‌چى جهێ هه‌وه ئه‌و لێ ديتن وان بكوژن، وهوين ژبلى خودێ چو دۆست وپشته‌ڤانان بۆ خۆ ژ وان نه‌گرن داخوازا پشته‌ڤانییێ ژێ بكه‌ن.
اِلَّا الَّذِيْنَ يَصِلُوْنَ اِلٰي قَوْمٍۣ بَيْنَكُمْ وَبَيْنَهُمْ مِّيْثَاقٌ اَوْ جَآءُوْكُمْ حَصِرَتْ صُدُوْرُهُمْ اَنْ يُّقَاتِلُوْكُمْ اَوْ يُقَاتِلُوْا قَوْمَهُمْ وَلَوْ شَآءَ اللّٰهُ لَسَلَّطَهُمْ عَلَيْكُمْ فَلَقٰتَلُوْكُمْ فَاِنِ اعْتَزَلُوْكُمْ فَلَمْ يُقَاتِلُوْكُمْ وَاَلْقَوْا اِلَيْكُمُ السَّلَمَ فَمَا جَعَلَ اللّٰهُ لَكُمْ عَلَيْهِمْ سَبِيْلًا
به‌لێ هوين شه‌ڕێ وان نه‌كه‌ن ئه‌وێن دگه‌هنه ملله‌ته‌كێ كو د ناڤبه‌را هه‌وه ووان دا په‌يمانه‌ك هه‌ى، هه‌ر وه‌سا هوين شه‌ڕێ وان ژى نه‌كه‌ن ئه‌وێن هاتينه نك هه‌وه دبێهن ته‌نگ ووان پێ نه‌خۆش كو شه‌ڕێ هه‌وه بكه‌ن، يان شه‌ڕێ ملله‌تێ خۆ بكه‌ن، وئه‌و نه د گه‌ل هه‌وه بووينه ونه د گه‌ل ملله‌تێ خۆ بووينه، هوين شه‌ڕێ وان نه‌كه‌ن، وئه‌گه‌ر خودێ ڤيابا دا وان ل سه‌ر هه‌وه زال كه‌ت، ڤێجا ئه‌و د گه‌ل دوژمنێن هه‌وه يێن بوتپه‌رێس دا شه‌ڕێ هه‌وه كه‌ن، به‌لێ خودێ ژ قه‌نجییا خۆ به‌رێ وان ژ هه‌وه وه‌رگێڕا، ڤێجا ئه‌گه‌ر وان خۆ ژ هه‌وه ڤه‌ده‌ر كر و شه‌ڕێ هه‌وه نه‌كر، وخۆ ئێخسته د بن په‌ڕێ هه‌وه ڤه، هه‌وه چو حه‌ق ل سه‌ر وان نينه كو هوين شه‌ڕێ وان بكه‌ن.
سَتَجِدُوْنَ اٰخَرِيْنَ يُرِيْدُوْنَ اَنْ يَّاْمَنُوْكُمْ وَيَاْمَنُوْا قَوْمَهُمْ كُلَّمَا رُدُّوْ٘ا اِلَي الْفِتْنَةِ اُرْكِسُوْا فِيْهَا فَاِنْ لَّمْ يَعْتَزِلُوْكُمْ وَيُلْقُوْ٘ا اِلَيْكُمُ السَّلَمَ وَيَكُفُّوْ٘ا اَيْدِيَهُمْ فَخُذُوْهُمْ وَاقْتُلُوْهُمْ حَيْثُ ثَقِفْتُمُوْهُمْ وَاُولٰٓئِكُمْ جَعَلْنَا لَكُمْ عَلَيْهِمْ سُلْطٰنًا مُّبِيْنًا
هوين ملله‌ته‌كێ دى ژ دوڕوییان دێ بينن وان دڤێت ژ لايێ هه‌وه ڤه دپشت ڕاست بن، خۆ وه‌سا ديار بكه‌ن كو وان باوه‌رى هه‌يه، ووان دڤێت ژ لايێ ملله‌تێ خۆ يێ كافر ژى ڤه دپشت ڕاست بن، خۆ بۆ وان ديار كه‌ن كو ئه‌و دكافرن، هه‌ر جاره‌كا ئه‌و بۆ جهێ كوفرێ وكافران هاتنه زڤڕاندن، ئه‌و دێ كه‌ڤنه د خرابترين حالى دا. ئه‌وێن هه ئه‌گه‌ر ڕوییێ خۆ ژ هه‌وه وه‌رنه‌گێڕن، وخۆ نه‌ئێخنه بن په‌ڕێ هه‌وه وخۆ ب ده‌ست هه‌وه ڤه به‌رنه‌ده‌ن، وشه‌ڕێ هه‌وه به‌س نه‌كه‌ن، هوين وان ب هێز بگرن وچى جهێ ئه‌و لێ بن هوين وان بكوژن، وئه‌وێن هه يێن د ڤێ ڕێكا خراب دا گه‌هشتينه ڤى حه‌ددێ ئه‌و پێ ژ خه‌لكى ئاشكه‌را ببن، ئه‌ون يێن مه هێجه‌ته‌كا ئاشكه‌را ل سه‌ر كوشتن وگرتنا وان دايه هه‌وه.
وَمَا كَانَ لِمُؤْمِنٍ اَنْ يَّقْتُلَ مُؤْمِنًا اِلَّا خَطَاـًٔ وَمَنْ قَتَلَ مُؤْمِنًا خَطَاـًٔ فَتَحْرِيْرُ رَقَبَةٍ مُّؤْمِنَةٍ وَّدِيَةٌ مُّسَلَّمَةٌ اِلٰ٘ي اَهْلِهٖ٘ اِلَّا٘ اَنْ يَّصَّدَّقُوْا فَاِنْ كَانَ مِنْ قَوْمٍ عَدُوٍّ لَّكُمْ وَهُوَ مُؤْمِنٌ فَتَحْرِيْرُ رَقَبَةٍ مُّؤْمِنَةٍ وَاِنْ كَانَ مِنْ قَوْمٍۣ بَيْنَكُمْ وَبَيْنَهُمْ مِّيْثَاقٌ فَدِيَةٌ مُّسَلَّمَةٌ اِلٰ٘ي اَهْلِهٖ وَتَحْرِيْرُ رَقَبَةٍ مُّؤْمِنَةٍ فَمَنْ لَّمْ يَجِدْ فَصِيَامُ شَهْرَيْنِ مُتَتَابِعَيْنِ تَوْبَةً مِّنَ اللّٰهِ وَكَانَ اللّٰهُ عَلِيْمًا حَكِيْمًا
وچێ نابت بۆ خودان باوه‌ره‌كى كو ته‌عداییێ ل خودان باوه‌ره‌كێ دى بكه‌ت وبێ حه‌ق وى بكوژت، وه‌سا تێ نه‌بت ئه‌ڤ چه‌نده ب خه‌له‌تى ڤه وبێ ده‌ستى ژێ چێ ببت، وهه‌چییێ كه‌فته د وێ خه‌له‌تییێ دا ل سه‌ر وى يه كو گه‌رده‌نه‌كا خودان باوه‌ر ئازا بكه‌ت، وحه‌قێ خوينا وى كوشتى بده‌ته مرۆڤێن وى، هنگى تێ نه‌بت خودانێ مرى ب خێرا خۆ وى عه‌فى بكه‌ن. ڤێجا ئه‌گه‌ر كوشتى ژ ملله‌ته‌كێ كافر بت يێ نه‌يار بۆ خودان باوه‌ران، وئه‌و كوشتى ب مرۆڤه‌كێ خودان باوه‌ر بت ب خودێ وب وێ حه‌قییا وى بۆ پێغه‌مبه‌رێ خۆ موحه‌ممه‌دى -سلاڤ لێ بن- ئينايه خوارێ، ل سه‌ر وییه يێ ئه‌و كوشتى گه‌رده‌نه‌كا خودان باوه‌ر ئازا بكه‌ت، وئه‌گه‌ر ئه‌و ژ ملله‌ته‌كى بت د ناڤبه‌را هه‌وه ووان دا سۆز وپه‌يمانه‌ك هه‌بت، ل سه‌ر وییه يێ ئه‌و كوشتى حه‌قێ خوينا وى بده‌ته مرۆڤێن وى وگه‌رده‌نه‌كا خودان باوه‌ر ئازا بكه‌ت، وهه‌چییێ نه‌شێت وێ چه‌ندێ بكه‌ت، بلا دو مه‌هان ل دويڤ ئێك يێ ب ڕۆژى بت؛ دا خودێ تۆبێ بدانته سه‌ر وى. وخودێ ب ڕاستییا كارێ به‌نییێن خۆ يێ پڕزانـا بوويه، و د وى شريعه‌تى دا يێ وى بۆ وان داناى يێ كاربنه‌جهـ بوويه.
وَمَنْ يَّقْتُلْ مُؤْمِنًا مُّتَعَمِّدًا فَجَزَآؤُهٗ جَهَنَّمُ خَالِدًا فِيْهَا وَغَضِبَ اللّٰهُ عَلَيْهِ وَلَعَنَهٗ وَاَعَدَّ لَهٗ عَذَابًا عَظِيْمًا
وهه‌چییێ ته‌عداییێ ل خودان باوه‌ره‌كى بكه‌ت و ژ قه‌ستا وبێ حه‌ق وى بكوژت جزايێ وى جه‌هنه‌مه، هه‌روهه‌ر دێ تێدا بت د گه‌ل غه‌زه‌با خودێ وده‌ركه‌فتنا ژ ڕه‌حما وى، وخودێ دژوارترين عه‌زاب بۆ وى ئاماده‌كرییه ژ به‌ر ڤێ تاوانا مه‌زن يا وى كرى.
يٰ٘اَيُّهَا الَّذِيْنَ اٰمَنُوْ٘ا اِذَا ضَرَبْتُمْ فِيْ سَبِيْلِ اللّٰهِ فَتَبَيَّنُوْا وَلَا تَقُوْلُوْا لِمَنْ اَلْقٰ٘ي اِلَيْكُمُ السَّلٰمَ لَسْتَ مُؤْمِنًا تَبْتَغُوْنَ عَرَضَ الْحَيٰوةِ الدُّنْيَا فَعِنْدَ اللّٰهِ مَغَانِمُ كَثِيْرَةٌ كَذٰلِكَ كُنْتُمْ مِّنْ قَبْلُ فَمَنَّ اللّٰهُ عَلَيْكُمْ فَتَبَيَّنُوْا اِنَّ اللّٰهَ كَانَ بِمَا تَعْمَلُوْنَ خَبِيْرًا
ئه‌ى گهلى ئه‌وێن باوه‌رى ب خودێ ئيناى ودويكه‌فتنا پێغه‌مبه‌رێ وى كرى ئه‌گه‌ر هوين د ڕێكا خودێ دا بۆ كرنا جيهادێ ده‌ركه‌فتن هوين وان ژێك جودا بكه‌ن يێن هوين دئێنێ يان دهێلن، وهوين وان ژ بێ باوه‌ران نه‌هژمێرن يێن هوين تشته‌كى ژ نيشانێن ئيسلامێ ژێ دبينن وشه‌ڕێ هه‌وه نه‌كه‌ن؛ چونكى دبت ئه‌و دخودان باوه‌ر بن وباوه‌رییا خۆ ڤه‌شێرن، هوين ڤێ چه‌ندێ بۆ په‌رتاله‌كێ دنيايێ نه‌كه‌ن، وئه‌و دان وقه‌نجییا ل نك خودێ هه‌ى تێرا هه‌وه هه‌يه، هه‌وه ژى ل ده‌سپێكا ئيسلامێ باوه‌رییا خۆ ژ ملله‌تێ خۆ يێ كافر ڤه‌دشارت، ئينا خودێ مننه‌ت ل هه‌وه كر، وهوين ب باوه‌رییێ وهێزێ سه‌رفه‌راز كرن، ڤێجا هوين دهشيار بن ووان ژێك جودا بكه‌ن. هندى خودێ‌یه ب هه‌مى كريارێن هه‌وه يێ پڕزانايه، ب كارێن هه‌وه يێن هوير يێ ئاگه‌هداره، وئه‌و دێ هه‌وه سه‌را وان جزا ده‌ت.
لَا يَسْتَوِي الْقٰعِدُوْنَ مِنَ الْمُؤْمِنِيْنَ غَيْرُ اُولِي الضَّرَرِ وَالْمُجٰهِدُوْنَ فِيْ سَبِيْلِ اللّٰهِ بِاَمْوَالِهِمْ وَاَنْفُسِهِمْ فَضَّلَ اللّٰهُ الْمُجٰهِدِيْنَ بِاَمْوَالِهِمْ وَاَنْفُسِهِمْ عَلَي الْقٰعِدِيْنَ دَرَجَةً وَكُلًّا وَّعَدَ اللّٰهُ الْحُسْنٰي وَفَضَّلَ اللّٰهُ الْمُجٰهِدِيْنَ عَلَي الْقٰعِدِيْنَ اَجْرًا عَظِيْمًا
ئـه‌وێن خـۆ ژ جيهادا د ڕێكا خودێ دا داينه پاش -ژبلى خودان عوزران- وئه‌وێن ب مالێ خۆ ونه‌فسا خۆ جيهاد د ڕێكا خودێ دا كرى د وه‌كى يه‌ك نابن، خودێ جيهادكه‌ر ب سه‌ر وان ئێخستينه يێن دڕوينشتى، و د به‌حه‌شتێ دا ده‌ره‌جێن بلند يێن داينێ، وخودێ سۆز وپه‌يمان ب به‌حه‌شتێ يا دايه وان هه‌مییان ئه‌وێن ب مالێ خۆ ونه‌فسا خۆ جيهادێ دكه‌ن وئه‌وێن ب عوزر ڕوينشتين ژ به‌ر وێ نه‌خۆشى وقوربانییا د ڕێكا حه‌قییێ دا وان داى، وخودێ ب خێره‌كا مه‌زن جيهادكه‌ر ب سه‌ر وان يێن ڕوينشتى ئێخستينه.
دَرَجٰتٍ مِّنْهُ وَمَغْفِرَةً وَّرَحْمَةً وَكَانَ اللّٰهُ غَفُوْرًا رَّحِيْمًا
ئه‌ڤ خێرا هه يا مه‌زن جهێن بلندن د به‌حه‌شتێ دا ژ خودێنه ب تايبه‌تى بۆ وان به‌نیێن وينه يێن جيهاد د ڕێكا وى دا كرى، وژێبرنه بۆ گونه‌هێن وان ودلۆڤانییه‌كا به‌رفره‌هه ئه‌و تێدا خۆشییێ پێ دبه‌ن. وخودێ باش گونه‌هـ ژێبر ودلۆڤانكاربوويه.
اِنَّ الَّذِيْنَ تَوَفّٰىهُمُ الْمَلٰٓئِكَةُ ظَالِمِيْ٘ اَنْفُسِهِمْ قَالُوْا فِيْمَ كُنْتُمْ قَالُوْا كُنَّا مُسْتَضْعَفِيْنَ فِي الْاَرْضِ قَالُوْ٘ا اَلَمْ تَكُنْ اَرْضُ اللّٰهِ وَاسِعَةً فَتُهَاجِرُوْا فِيْهَا فَاُولٰٓئِكَ مَاْوٰىهُمْ جَهَنَّمُ وَسَآءَتْ مَصِيْرًا
هندى ئه‌ون يێن فريشته جانێ وان دستينن ووان زۆردارى ل خۆ كرى كو ل جهێ كافران ماين ومشه‌خت نه‌بووين، فريشته ب گه‌فكرن ڤه دبێژنه وان: هوين د مه‌سه‌لا دينێ خۆ دا د چ حال دا بوون؟ ئه‌و دێ بێژن: ئه‌م د عه‌ردێ خۆ دا دلاواز بووين، وئه‌م نه‌دشياين زۆردارییێ وسته‌مێ ژ خۆ لابده‌ين، ڤێجا ئه‌و ب گه‌فكرن ڤه دێ بێژنه وان: ئه‌رێ ما عه‌ردێ خودێ يێ فره‌هـ نه‌بوو كو هوين ژ عه‌ردێ خۆ ده‌ركه‌ڤنه عه‌رده‌كێ دى كو هوين تێدا ل سه‌ر دينێ خۆ پشت ڕاست ببن؟ ئه‌وێن هه جهێ ڤه‌حه‌ويانا وان ئاگره، وئه‌و پيسترين جهێ لێ زڤڕينێ‌يه.
اِلَّا الْمُسْتَضْعَفِيْنَ مِنَ الرِّجَالِ وَالنِّسَآءِ وَالْوِلْدَانِ لَا يَسْتَطِيْعُوْنَ حِيْلَةً وَّلَا يَهْتَدُوْنَ سَبِيْلًا
وئه‌وێن دبێزار ژ مێر وژن وزارۆكان يێن كو نه‌شێن زۆردارییێ وسته‌مێ ژ خۆ لابده‌ن، وچو ڕێكان بۆ خۆ نابينن كو پێ ژ نه‌خۆشییێ قورتال ببن، ئه‌و ناگه‌هنه ڤێ دويماهییا به‌رى نوكه به‌حس ژێ هاتییه كرن.
فَاُولٰٓئِكَ عَسَي اللّٰهُ اَنْ يَّعْفُوَ عَنْهُمْ وَكَانَ اللّٰهُ عَفُوًّا غَفُوْرًا
ڤێجا ئه‌و لاوازێن هه ئه‌ون يێن هيڤى هه‌يه كو خودێ وان عه‌فى بكه‌ت؛ چونكى خودێ ب ڕاستییا حالێ وان يێ زانايه، وخودێ لێنه‌گرێ باش گونه‌هـ ژێبر بوويه.
وَمَنْ يُّهَاجِرْ فِيْ سَبِيْلِ اللّٰهِ يَجِدْ فِي الْاَرْضِ مُرٰغَمًا كَثِيْرًا وَّسَعَةً وَمَنْ يَّخْرُجْ مِنْۣ بَيْتِهٖ مُهَاجِرًا اِلَي اللّٰهِ وَرَسُوْلِهٖ ثُمَّ يُدْرِكْهُ الْمَوْتُ فَقَدْ وَقَعَ اَجْرُهٗ عَلَي اللّٰهِ وَكَانَ اللّٰهُ غَفُوْرًا رَّحِيْمًا
وهه‌چییێ ژ جهێ شركێ ده‌ركه‌فته جهێ ئيسلامێ دا دينێ خۆ بپارێزت، داخوازا وى قه‌نجییا خودايێ وى بت، ومه‌خسه‌دا وى سه‌رێخستنا دينێ وى بت، ئه‌و جهه‌كى د عه‌ردى دا بۆ خۆ دێ بينت كو خۆ ڤه‌گوهێزتێ وئه‌و ل وێرێ وى تشتى دێ بينت يێ ببته ئه‌گه‌را ب هێزبوونا وى وڕه‌زيل بوونا دوژمنێن وى، د گه‌ل فره‌هییا د ڕزقى وژيارێ دا، وهه‌چییێ ژ مالا خۆ ده‌ركه‌ڤت ومه‌خسه‌دا وى سه‌رێخستنا دينێ خودێ بت، وبلندكرنا په‌يڤا خودێ بت، پاشى به‌رى ئه‌و بگه‌هته مه‌خسه‌دا خۆ ئه‌و بمرت، ئه‌وى خێرا كريارا وى كه‌فته سه‌ر خودێ. وخودێ ب به‌نییێن خۆ بـاش گونـه‌هـ ژێبرێ دلۆڤانكار بوويه.
وَاِذَا ضَرَبْتُمْ فِي الْاَرْضِ فَلَيْسَ عَلَيْكُمْ جُنَاحٌ اَنْ تَقْصُرُوْا مِنَ الصَّلٰوةِ اِنْ خِفْتُمْ اَنْ يَّفْتِنَكُمُ الَّذِيْنَ كَفَرُوْا اِنَّ الْكٰفِرِيْنَ كَانُوْا لَكُمْ عَدُوًّا مُّبِيْنًا
وهوين ئه‌گه‌ر ب ڕێڤنگى د عه‌ردێ خودێ دا ده‌ركه‌فتن، چو گونه‌هـ ل سه‌ر هه‌وه نينه كو هوين نڤێژێ كورت بكه‌ن ئه‌گه‌ر هوين ل ده‌مێ نڤێژێ ژ دوژمنییا كافران ل سه‌ر خۆ ترسان، وباراپتر ژ سه‌فه‌رێن موسلمانان ل ده‌سپێكا ئيسلامێ ب ترس بوون، وكورتكرنا نڤێژێ ده‌ســتــويـرییه‌كه ل سه‌فه‌رێ هاتییه دان ل ده‌مێ ترسێ وته‌ناهییێ. هندى كافرن ئاشكه‌را دوژمناتییا هه‌وه دكه‌ن، ڤێجا هوين ژێ دهشياربن.
وَاِذَا كُنْتَ فِيْهِمْ فَاَقَمْتَ لَهُمُ الصَّلٰوةَ فَلْتَقُمْ طَآئِفَةٌ مِّنْهُمْ مَّعَكَ وَلْيَاْخُذُوْ٘ا اَسْلِحَتَهُمْ فَاِذَا سَجَدُوْا فَلْيَكُوْنُوْا مِنْ وَّرَآئِكُمْ وَلْتَاْتِ طَآئِفَةٌ اُخْرٰي لَمْ يُصَلُّوْا فَلْيُصَلُّوْا مَعَكَ وَلْيَاْخُذُوْا حِذْرَهُمْ وَاَسْلِحَتَهُمْ وَدَّ الَّذِيْنَ كَفَرُوْا لَوْ تَغْفُلُوْنَ عَنْ اَسْلِحَتِكُمْ وَاَمْتِعَتِكُمْ فَيَمِيْلُوْنَ عَلَيْكُمْ مَّيْلَةً وَّاحِدَةً وَلَا جُنَاحَ عَلَيْكُمْ اِنْ كَانَ بِكُمْ اَذًي مِّنْ مَّطَرٍ اَوْ كُنْتُمْ مَّرْضٰ٘ي اَنْ تَضَعُوْ٘ا اَسْلِحَتَكُمْ وَخُذُوْا حِذْرَكُمْ اِنَّ اللّٰهَ اَعَدَّ لِلْكٰفِرِيْنَ عَذَابًا مُّهِيْنًا
وئه‌گه‌ر تو -ئه‌ى موحه‌ممه‌د- ل مه‌يدانا شه‌ڕى بى، وته ڤيا نڤێژێ ل به‌را وان بكه‌ى، بلا كۆمه‌ك ژ وان بۆ نڤێژێ د گه‌ل ته ڕاببن، وبلا ئه‌و چه‌كێ خۆ د گه‌ل خۆ هلگرن، ڤێجا ئه‌گه‌ر ئه‌و چوونه سوجوودێ بلا كۆما دى ل پشت هه‌وه به‌رانبه‌ر دوژمنى ڕابن، وكۆما يه‌كێ ركاعه‌تا خۆ يا دووێ دێ خلاس كه‌ن وسلاڤا ملان ڤه‌ده‌ن، پاشى كۆما دى يا ده‌ست ب نڤێژێ نه‌كرى بلا بێت و ل دويڤ ته ركاعه‌تا خۆ يا يه‌كێ بكه‌ن، پاشى بلا ئه‌و ب تنێ ركاعه‌تا خۆ يا دووێ تمام بكه‌ن، وبلا ئه‌و ژ دوژمنێ خۆ دهشياربن وچه‌كێ خۆ هلگرن. ئه‌وێن كافرى ب دينێ خودێ كرى حه‌ز دكه‌ن ئه‌گه‌ر هوين ژ چه‌ك وخوارنا خۆ بێ ئاگه‌هـ بمينن وغافل ببن؛ دا ئه‌و ب يه‌كجارى دژواره هيرشه‌كێ بكه‌نه سه‌ر هه‌وه وهه‌وه ببرينن، وهنگى چو گونه‌هـ ل سه‌ر هه‌وه نينه ئه‌گه‌ر ته‌نگاڤییه‌ك ژ بارانێ گه‌هشتبته هه‌وه، يان هوين دنه‌خۆش بن، كو هوين چه‌كێ خۆ بدانن، د گه‌ل هشيارییێ. هندى خودێ‌یه بۆ كافرێن ب دينێ خۆ عه‌زابه‌كا وان بشكێنت وڕه‌زيل بكه‌ت ئاماده‌كرییه.
فَاِذَا قَضَيْتُمُ الصَّلٰوةَ فَاذْكُرُوا اللّٰهَ قِيٰمًا وَّقُعُوْدًا وَّعَلٰي جُنُوْبِكُمْ فَاِذَا اطْمَاْنَنْتُمْ فَاَقِيْمُوا الصَّلٰوةَ اِنَّ الصَّلٰوةَ كَانَتْ عَلَي الْمُؤْمِنِيْنَ كِتٰبًا مَّوْقُوْتًا
ڤێجا ئه‌گه‌ر هه‌وه نڤێژ كر، هوين ل هه‌مى حالێن خۆ خودێ ل بيرا خۆ بينن، وئه‌گه‌ر ترس نه‌ما هوين نڤێژێ ب تمامى بكه‌ن، وته‌خسيرییێ تێدا نه‌كه‌ن، چونكى ئه‌و ل هنده‌ك ده‌مێن ده‌سنيشانكرى د شريعه‌تى دا يا هاتییه واجبكرن.
وَلَا تَهِنُوْا فِي ابْتِغَآءِ الْقَوْمِ اِنْ تَكُوْنُوْا تَاْلَمُوْنَ فَاِنَّهُمْ يَاْلَمُوْنَ كَمَا تَاْلَمُوْنَ وَتَرْجُوْنَ مِنَ اللّٰهِ مَا لَا يَرْجُوْنَ وَكَانَ اللّٰهُ عَلِيْمًا حَكِيْمًا
وهوين د شه‌ڕ وداخوازكرنا دوژمنێ خۆ دا لاواز نه‌بن، ئه‌گه‌ر هوين ژ كرنا شه‌ڕى وتشتێ ب دويڤ دا دئێت دئێشن، دوژمنێ هه‌وه ژى گه‌له‌ك ژێ دئێشن، د گه‌ل هندێ ژى ئه‌و شه‌ڕێ هه‌وه به‌س ناكه‌ن، ڤێجا هوين فه‌رترن كو شه‌ڕێ وان به‌س نه‌كه‌ن، ژ به‌ر وێ هيڤییا خێر وسه‌ركه‌فتن وپشته‌ڤانییێ يا هوين دخوازن، وئه‌و وێ هيڤییێ ناخوازن، وخودێ ب هه‌مى حالێن هه‌وه يێ پڕزانا بوويه، و د كار وڕێڤه‌برنا خۆ دا يێ كاربنه‌جهـ بوويه.
اِنَّا٘ اَنْزَلْنَا٘ اِلَيْكَ الْكِتٰبَ بِالْحَقِّ لِتَحْكُمَ بَيْنَ النَّاسِ بِمَا٘ اَرٰىكَ اللّٰهُ وَلَا تَكُنْ لِّلْخَآئِنِيْنَ خَصِيْمًا
هندى ئه‌مين مه قورئان ب ڕاستییێ بۆ ته -ئه‌ى موحه‌ممه‌د- هنارتییه؛ دا تو ب وێ يا خودێ بۆ ته ب وه‌حى ئينايه خوارێ ونيشا ته داى فه‌رماندارییێ د ناڤبه‌را مرۆڤان دا بكه‌ى، ڤێجا تو بۆ وان يێن -ب ڤه‌شارتنا حه‌قییێ- خيانه‌ت ل خۆ كرى د وێ گۆتنێ دا يا ئه‌و پێ هه‌ڤڕكییا ته دكه‌ن نه‌به پشته‌ڤان.
وَّاسْتَغْفِرِ اللّٰهَ اِنَّ اللّٰهَ كَانَ غَفُوْرًا رَّحِيْمًا
وتو د هه‌مى حالێن خۆ دا داخوازا ژێبرنا گونه‌هان ژ خودێ بكه، هندى خودێ‌یه باش گونه‌هـ ژێبربوويه بۆ وى يێ داخوازا قه‌نجییا وى بكه‌ت، ويێ دلۆڤانكار بوويه ب وى.
وَلَا تُجَادِلْ عَنِ الَّذِيْنَ يَخْتَانُوْنَ اَنْفُسَهُمْ اِنَّ اللّٰهَ لَا يُحِبُّ مَنْ كَانَ خَوَّانًا اَثِيْمًا
وتو به‌ڕه‌ڤانییێ ژ وان نه‌كه يێن ب نه‌گوهدارییا ئه‌مرێ خودێ خيانه‌تێ ل خۆ دكه‌ن. هندى خودێ‌یه حه‌ز ژ وى ناكه‌ت يێ پڕ خيانه‌تێ بكه‌ت، وگونه‌ها وى يا مه‌زن بت.
يَّسْتَخْفُوْنَ مِنَ النَّاسِ وَلَا يَسْتَخْفُوْنَ مِنَ اللّٰهِ وَهُوَ مَعَهُمْ اِذْ يُبَيِّتُوْنَ مَا لَا يَرْضٰي مِنَ الْقَوْلِ وَكَانَ اللّٰهُ بِمَا يَعْمَلُوْنَ مُحِيْطًا
ئه‌و خۆ ژ خه‌لكى ڤه‌دشێرن دا كارێن وان يێن خراب نه‌بينن، وئه‌و خۆ ژ خودێ ناڤه‌شێرن وژێ شه‌رم ناكه‌ن، وئه‌و ب زانينا خۆ يێ د گه‌ل وان، ويێ ئاگه‌هداره ب وان ده‌مێ ئه‌و -ب شه‌ڤ- وێ گۆتنا ئه‌و پێ نه‌ڕازى دبێژن، وخودێ ب هه‌مى گۆتن وكريارێن وان يێ ئاگه‌هدار بوويه، تشته‌ك ژێ ل وى به‌رزه نابت.
هٰ٘اَنْتُمْ هٰ٘ؤُلَآءِ جَادَلْتُمْ عَنْهُمْ فِي الْحَيٰوةِ الدُّنْيَا فَمَنْ يُّجَادِلُ اللّٰهَ عَنْهُمْ يَوْمَ الْقِيٰمَةِ اَمْ مَّنْ يَّكُوْنُ عَلَيْهِمْ وَكِيْلًا
ئه‌ڤه هوين ئه‌ڤه‌نه -گهلى خودان باوه‌ران- هوين به‌ڕه‌ڤانییێ ژ وان دكه‌ن يێن د ژينا دنيايێ دا زۆردارى ل خۆ كرى، ڤێجا كى ل ڕۆژا ڕابوونێ وحسێبێ ل نك خودێ دێ به‌ڕه‌ڤانییێ ژ وان كه‌ت؟ وئه‌و كییه يێ ل ڕۆژا قيامه‌تێ بۆ ڤان خيانه‌تكاران ببته وه‌كيل؟
وَمَنْ يَّعْمَلْ سُوْٓءًا اَوْ يَظْلِمْ نَفْسَهٗ ثُمَّ يَسْتَغْفِرِ اللّٰهَ يَجِدِ اللّٰهَ غَفُوْرًا رَّحِيْمًا
وهه‌چییێ قه‌ستا كاره‌كێ خراب وكرێت بكه‌ت، يان ب كرنا تشته‌كێ دژى حوكمێ خودێ وشريعه‌تێ وى زۆردارییێ ل خۆ بكه‌ت، پاشى ب په‌شێمانى ڤه ل خودێ بزڤڕت، وداخوازا ژێبرنێ وڤه‌شارتنا گونه‌هێ بۆ خۆ ژێ بكه‌ت، ئه‌و دێ خودێ بينت باش گونه‌هـ ژێبره بۆ وى، ويێ دلۆڤانكاره ب وى.
وَمَنْ يَّكْسِبْ اِثْمًا فَاِنَّمَا يَكْسِبُهٗ عَلٰي نَفْسِهٖ وَكَانَ اللّٰهُ عَلِيْمًا حَكِيْمًا
وهه‌چییێ ژ قه‌ستا گونه‌هه‌كێ بكه‌ت ئه‌و هه‌ما زيانێ ل خۆ ب تنێ دكه‌ت، وخودێ ب ڕاستییا كارێ به‌نییێن خۆ يێ پڕزانا بوويه، و د وى حوكمى دا يێ ئه‌و د ناڤبه‌را وان دكه‌ت يێ كاربنه‌جهـ بوويه.
وَمَنْ يَّكْسِبْ خَطِيْٓــَٔةً اَوْ اِثْمًا ثُمَّ يَرْمِ بِهٖ بَرِيْٓــًٔا فَقَدِ احْتَمَلَ بُهْتَانًا وَّاِثْمًا مُّبِيْنًا
وهه‌چییێ بێ ده‌ستى خه‌له‌تییه‌كێ بكه‌ت، يان ژ قه‌ستا گونه‌هه‌كێ بكه‌ت پاشى گونه‌ها خۆ بهاڤێته سه‌ر كه‌سه‌كێ بێ گونه‌هـ ، ئه‌و وى دره‌و وگونه‌هه‌كا ئاشكه‌را هلگرت.
وَلَوْلَا فَضْلُ اللّٰهِ عَلَيْكَ وَرَحْمَتُهٗ لَهَمَّتْ طَّآئِفَةٌ مِّنْهُمْ اَنْ يُّضِلُّوْكَ وَمَا يُضِلُّوْنَ اِلَّا٘ اَنْفُسَهُمْ وَمَا يَضُرُّوْنَكَ مِنْ شَيْءٍ وَاَنْزَلَ اللّٰهُ عَلَيْكَ الْكِتٰبَ وَالْحِكْمَةَ وَعَلَّمَكَ مَا لَمْ تَكُنْ تَعْلَمُ وَكَانَ فَضْلُ اللّٰهِ عَلَيْكَ عَظِيْمًا
وئه‌گه‌ر نه ژ به‌ر هندێ با كو خودێ منه‌ت ل ته كرییه -ئه‌ى موحه‌ممه‌د- و ب قه‌نجییا پێغه‌مبه‌رينییێ دلۆڤانى ب ته برییه، و ب وێ وه‌حییا بۆ ته هنارتى تو پاراستى، كۆمه‌ك ژ وان يێن خيانه‌ت ل خۆ كرى دا ته ژ ڕێكا حه‌قییێ ته‌حسينن، وئه‌و ب وێ چه‌ندێ ژ خۆ پێڤه‌تر كه‌سێ ناته‌حسينن، و ژ به‌ر پاراستنا خودێ بۆ ته ئه‌و نه‌شێن ب تشته‌كى زيانێ بگه‌هيننه ته، وخودێ قورئان وئه‌و سوننه‌تا وێ ئاشكه‌را بكه‌ت بۆ ته هنارت، وبه‌رێ ته دا زانينا وى تشتێ ته به‌رێ نه‌دزانى، وئه‌و قه‌نجییا خودێ ب تايبه‌تى دايه ته تشته‌كێ مه‌زن بوويه.
لَا خَيْرَ فِيْ كَثِيْرٍ مِّنْ نَّجْوٰىهُمْ اِلَّا مَنْ اَمَرَ بِصَدَقَةٍ اَوْ مَعْرُوْفٍ اَوْ اِصْلَاحٍۣ بَيْنَ النَّاسِ وَمَنْ يَّفْعَلْ ذٰلِكَ ابْتِغَآءَ مَرْضَاتِ اللّٰهِ فَسَوْفَ نُؤْتِيْهِ اَجْرًا عَظِيْمًا
چو مفا د گه‌له‌ك ژ وێ ئاخفتنێ دا نينه يا مرۆڤ ب نهێنى ڤه پێ د گه‌ل يه‌ك ودو دئاخڤن، ئه‌و تێ نه‌بت ئه‌گه‌ر ئه‌و ئاخفتن ئاخفتنه‌ك بت داخواز پێ دانا خێرێ، يان گۆتنه‌كا باش، يان پێكئينانا د ناڤبه‌را مرۆڤان دا بت، وهه‌چییێ وان كاران پێخه‌مه‌ت ڕازيبوونا خودێ بكه‌ت، ئـه‌وى ئـه‌م دێ جزايه‌كێ مه‌زن وبه‌رفره‌هـ ده‌ينێ.
وَمَنْ يُّشَاقِقِ الرَّسُوْلَ مِنْۣ بَعْدِ مَا تَبَيَّنَ لَهُ الْهُدٰي وَيَتَّبِعْ غَيْرَ سَبِيْلِ الْمُؤْمِنِيْنَ نُوَلِّهٖ مَا تَوَلّٰي وَنُصْلِهٖ جَهَنَّمَ وَسَآءَتْ مَصِيْرًا
وهه‌چییێ ل دويڤ ڕێكا پێغه‌مبه‌رى -سلاڤ لێ بن- نه‌چت پشتى كو حه‌قى بۆ ئاشكه‌را بووى، ودويچوونا ڕێكه‌كا دى ژبلى ڕێكا خودان باوه‌ران ووێ حه‌قییا ئه‌و ل سه‌ر بكه‌ت، ئه‌م دێ وى هێلينه ب هيڤییا وێ ڕێكێ ڤه يا وى به‌رێ خۆ دايێ، وئه‌م به‌رێ وى ناده‌ينه خێرێ، وئه‌م دێ وى كه‌ينه د ئاگرێ جه‌هنه‌مێ دا؛ دا گه‌رما وى ببينت، وئه‌و چ پيسه جهێ لێ زڤڕينێ‌يه.
اِنَّ اللّٰهَ لَا يَغْفِرُ اَنْ يُّشْرَكَ بِهٖ وَيَغْفِرُ مَا دُوْنَ ذٰلِكَ لِمَنْ يَّشَآءُ وَمَنْ يُّشْرِكْ بِاللّٰهِ فَقَدْ ضَلَّ ضَلٰلًاۣ بَعِيْدًا
هندى خودێ‌یه وێ گونه‌هێ ژێ نابه‌ت كو شرك پێ بێته كرن، و يا ژ شركێ كێمتر بت ژ گونه‌هان ئه‌و بۆ وى يێ وى بڤێت ژ به‌نییێن خۆ ژێ دبه‌ت، وهه‌چییێ هه‌ڤپشكه‌كى بۆ خودايێ يه‌ك وب تنێ بدانت، ب ڕاستى ئه‌و دويركه‌فتنه‌كا دوير ژ حه‌قییێ دوير كه‌فت.
اِنْ يَّدْعُوْنَ مِنْ دُوْنِهٖ٘ اِلَّا٘ اِنٰثًا وَاِنْ يَّدْعُوْنَ اِلَّا شَيْطٰنًا مَّرِيْدًا
ئه‌و بوتپه‌رێس ژبلى خودێ په‌رستنا هنده‌ك بوتێن نه مفاى دگه‌هينن ونه زيانێ دكه‌ن، وئه‌و ب تنێ په‌رستنا وى شه‌يتانى دكه‌ن يێ ژ ئه‌مرێ خودێ ده‌ركه‌فتى، وگه‌هشتییه حه‌دده‌كێ مه‌زن ژ خرابییێ وخرابكرنێ.
لَّعَنَهُ اللّٰهُ وَقَالَ لَاَتَّخِذَنَّ مِنْ عِبَادِكَ نَصِيْبًا مَّفْرُوْضًا
خودێ ئه‌و ژ ڕه‌حما خۆ يێ ده‌رێخستى. وشه‌يتانى گۆت: ئه‌ز پشكه‌كا ده‌سنيشانكرى ژ به‌نییێن ته دێ گرم و ب گۆتن وكريار دێ وان دسه‌ردا به‌م.
وَّلَاُضِلَّنَّهُمْ وَلَاُمَنِّيَنَّهُمْ وَلَاٰمُرَنَّهُمْ فَلَيُبَتِّكُنَّ اٰذَانَ الْاَنْعَامِ وَلَاٰمُرَنَّهُمْ فَلَيُغَيِّرُنَّ خَلْقَ اللّٰهِ وَمَنْ يَّتَّخِذِ الشَّيْطٰنَ وَلِيًّا مِّنْ دُوْنِ اللّٰهِ فَقَدْ خَسِرَ خُسْرَانًا مُّبِيْنًا
وسويند بت هه‌چییێ دويكه‌فتنا من بكه‌ت ژ وان ئه‌ز به‌رێ وى ژ حه‌قییێ وه‌رگێڕم، و ب هيڤییێن دره‌و ئه‌ز دێ ژڤانى ده‌مه وان، وئه‌ز دێ داخوازێ ژ وان كه‌م كو ئه‌و گوهێن حه‌يوانى ببڕن وشه‌ق شه‌ق بكه‌ن ژ به‌ر وێ نه‌حه‌قییا ئه‌ز ل به‌ر وان شرين دكه‌م، وئه‌ز دێ فه‌رمانێ ل وان كه‌م كو ئه‌و چێكریێ خودێ د خورستییێ وسه‌روبه‌رى دا بگوهۆرن. وهه‌چییێ د به‌رسڤا شه‌يتانى بێت ووى ژبلى خودايێ ب هێز وزال بۆ خۆ بكه‌ته پشته‌ڤان، ب ڕاستى ئه‌و تێ چوو تێچوونه‌كا ئاشكه‌را.
يَعِدُهُمْ وَيُمَنِّيْهِمْ وَمَا يَعِدُهُمُ الشَّيْطٰنُ اِلَّا غُرُوْرًا
شه‌يتان ب سۆزا ژ دره‌و سۆزێ دده‌ته دويكه‌فتییێن خۆ، وئه‌و ب هيڤییێن پويچ وخاپينۆك وان دسه‌ردا دبه‌ت، وهه‌ما ژ خاپاندنا بێ بناخه وبێ ده‌ليل پێڤه‌تر ئه‌و ب تشته‌كى سۆزێ ناده‌ته وان.
اُولٰٓئِكَ مَاْوٰىهُمْ جَهَنَّمُ وَلَا يَجِدُوْنَ عَنْهَا مَحِيْصًا
ئه‌وێن هه جهێ لێ زڤڕينا وان جه‌هنه‌مه، وئه‌و ژ وێ پێڤه‌تر چو جهێن ڕه‌ڤێ نابينن.
وَالَّذِيْنَ اٰمَنُوْا وَعَمِلُوا الصّٰلِحٰتِ سَنُدْخِلُهُمْ جَنّٰتٍ تَجْرِيْ مِنْ تَحْتِهَا الْاَنْهٰرُ خٰلِدِيْنَ فِيْهَا٘ اَبَدًا وَعْدَ اللّٰهِ حَقًّا وَمَنْ اَصْدَقُ مِنَ اللّٰهِ قِيْلًا
وئه‌وێن ڕاستگۆ د باوه‌رییا خۆ دا ب خودێ، وكارێن چاك ب دويڤ باوه‌رییا خۆ دا كرين خودێ -ب قه‌نجییا خۆ- وان دێ كه‌ته د وان به‌حه‌شتان دا يێن ڕويبار د بن داروبارێن وان دا دچن ئه‌و هه‌روهه‌ر دێ ميننه تێدا، سۆزه‌كه ژ وى خودايى يێ ژ سۆزا خۆ لێڤه نه‌بت. وكه‌س ژ خودێ ڕاستگۆتر نينه د گۆتن وسۆزێن خۆ دا.
لَيْسَ بِاَمَانِيِّكُمْ وَلَا٘ اَمَانِيِّ اَهْلِ الْكِتٰبِ مَنْ يَّعْمَلْ سُوْٓءًا يُّجْزَ بِهٖ وَلَا يَجِدْ لَهٗ مِنْ دُوْنِ اللّٰهِ وَلِيًّا وَّلَا نَصِيْرًا
ئه‌ڤ قه‌نجییا مه‌زن ب وان خوزییان نائێته ده‌ستى يێن هوين ڕادهێلن گهلى موسلمانان، ونه ب وان خوزییان يێن خودانێن كيتابێ ژ جوهى وفه‌لان ڕادهێلن، به‌لكى ب باوه‌رییا دورست ب خودێ وكرنا وان چاكییێن ئه‌و ژێ ڕازى دئێته ده‌ستى. وهه‌چییێ كاره‌كێ خراب بكه‌ت ئه‌و دێ پێ ئێته جزادان، و ژ خودێ پێڤه‌تر ئه‌و چو سه‌ركاران بۆ خۆ نابينت كارێ وى ب ڕێڤه ببه‌ت، وچو پشته‌ڤانان ژى بۆ خۆ نابينت كو به‌ڕه‌ڤانییێ ژێ بـكـه‌ن، وخرابـییـا عـه‌زابـێ ژێ بـده‌نـه پاش.
وَمَنْ يَّعْمَلْ مِنَ الصّٰلِحٰتِ مِنْ ذَكَرٍ اَوْ اُنْثٰي وَهُوَ مُؤْمِنٌ فَاُولٰٓئِكَ يَدْخُلُوْنَ الْجَنَّةَ وَلَا يُظْلَمُوْنَ نَقِيْرًا
وهه‌چییێ تشته‌كى ژ كارێن چاك بكه‌ت، نێر بت يان مێ بت، وئه‌و ب خودێ و ب وێ حه‌قییا وى ئينايه خوارێ يێ خودان باوه‌ر بت ، ئه‌و ئه‌ون يێن خودێ وان دكه‌ته د به‌حه‌شتێ دا جهێ خۆشییا به‌رده‌وام، وتشته‌ك ژ خێرا كريارێن وان ژ وان نائێته كێمكرن، ئه‌گه‌ر خۆ هندى وێ كونكێ بت ئه‌وا د به‌ركێ خورمێ دا.
وَمَنْ اَحْسَنُ دِيْنًا مِّمَّنْ اَسْلَمَ وَجْهَهٗ لِلّٰهِ وَهُوَ مُحْسِنٌ وَّاتَّبَعَ مِلَّةَ اِبْرٰهِيْمَ حَنِيْفًا وَاتَّخَذَ اللّٰهُ اِبْرٰهِيْمَ خَلِيْلًا
دينێ كه‌سێ ژ يێ وى باشتر نينه يێ ب دلـى وله‌شى خۆ ب ده‌ست خودێ ب تنێ ڤه به‌رداى، وئه‌و يێ قه‌نجيكار بت، ودويكه‌فتنا دينێ ئيبراهيمى وشريعه‌تێ وى كر بت، وخۆ ژ باوه‌رییێن خراب وشريعه‌تێن نه‌حه‌ق دابته پاش. وخودێ ئيبراهيم -سلاڤ لێ بن- ب دورستى بۆ خۆ ژ ناڤبه‌را به‌نییێن خۆ ژێگرتبوو وكربوو خۆشتڤییێ خۆ. وئه‌ڤ ئايه‌ته سالۆخه‌تێ خۆشتڤينییێ كو بلندترين ده‌ره‌جا ڤيانێ يه، وسالۆخه‌تێ ژێگرتنێ بۆ خودێ بنه‌جهـ دكه‌ت.
وَلِلّٰهِ مَا فِي السَّمٰوٰتِ وَمَا فِي الْاَرْضِ وَكَانَ اللّٰهُ بِكُلِّ شَيْءٍ مُّحِيْطًا
وهه‌ر تشته‌كێ ل گه‌ردوونى هه‌ى ژ چێكرییان يێ خودێ‌یه، وملك هه‌مى يێ وى ب تنێ‌یه. وخودێ دۆر ل هه‌ر تشته‌كى گرتییه، چو تشته‌ك ژ كارێ به‌نییێن وى ل به‌ر وى به‌رزه نابت.
وَيَسْتَفْتُوْنَكَ فِي النِّسَآءِ قُلِ اللّٰهُ يُفْتِيْكُمْ فِيْهِنَّ وَمَا يُتْلٰي عَلَيْكُمْ فِي الْكِتٰبِ فِيْ يَتٰمَي النِّسَآءِ الّٰتِيْ لَا تُؤْتُوْنَهُنَّ مَا كُتِبَ لَهُنَّ وَتَرْغَبُوْنَ اَنْ تَنْكِحُوْهُنَّ وَالْمُسْتَضْعَفِيْنَ مِنَ الْوِلْدَانِ وَاَنْ تَقُوْمُوْا لِلْيَتٰمٰي بِالْقِسْطِ وَمَا تَفْعَلُوْا مِنْ خَيْرٍ فَاِنَّ اللّٰهَ كَانَ بِهٖ عَلِيْمًا
ئه‌ى موحه‌ممه‌د خه‌لك ژ ته دخوازن كو تو وێ بۆ وان ئاشكه‌را بكه‌ى د ده‌ر حه‌قا ئه‌حكامێن ژنان دا يێ تێگه‌هشتنا وى ل به‌ر وان ئاسێ بووى، تو بێژه: خودێ مه‌سه‌لا وان بۆ هه‌وه ئاشكه‌را دكه‌ت، ووێ يا د كيتابێ دا بۆ هه‌وه دئێته خواندن د ده‌رحه‌قا ژنێن ئێتيم دا يێن كو ئه‌وا بۆ وان هاتییه نڤيسين ژ مه‌هرى وميراتى هوين ناده‌نێ، وهوين دلێ خۆ دبه‌نه ماره‌كرنا وان، وخودێ مه‌سه‌لا لاوازان ژ زارۆكان بۆ هه‌وه ئاشكه‌را دكه‌ت، وكو واجبه هوين ب دادییێ وبێ سته‌م ب كارێ ئێتيمان ڕاببن. وهه‌ر خێره‌كا هوين بكه‌ن خودێ يێ پێ زانايه، تشته‌ك ژێ ل به‌ر وى به‌رزه نابت.
وَاِنِ امْرَاَةٌ خَافَتْ مِنْۣ بَعْلِهَا نُشُوْزًا اَوْ اِعْرَاضًا فَلَا جُنَاحَ عَلَيْهِمَا٘ اَنْ يُّصْلِحَا بَيْنَهُمَا صُلْحًا وَالصُّلْحُ خَيْرٌ وَاُحْضِرَتِ الْاَنْفُسُ الشُّحَّ وَاِنْ تُحْسِنُوْا وَتَتَّقُوْا فَاِنَّ اللّٰهَ كَانَ بِمَا تَعْمَلُوْنَ خَبِيْرًا
وئه‌گه‌ر ژنه‌كه‌كێ زانى كو مێرێ وێ خۆ ژێ بلندتر دبينت، يان پشتا خۆ دده‌تێ، چو گونه‌هـ ل سه‌ر وان هه‌ر دووان نينه كو ل سه‌ر وى تشتى پێك بێن يێ دلێ وان پێ خۆش ژ لێكڤه‌كرنێ ونه‌فه‌قێ، وپێكهاتن چێتره. ونه‌فس ل سه‌ر قه‌لسییێ يێن هاتينه چێكرن. وئه‌گه‌ر هوين ب قه‌نجى سه‌ره‌ده‌رییێ د گه‌ل ژنكێن خۆ بكه‌ن، و د ده‌رحه‌قا وان دا ژ خودێ بترسن، هندى خودێ‌یه ب وى تشتێ هوين دكه‌ن -ژ وێ چه‌ندێ- يێ زانا بوويه چو ژێ ل به‌ر وى به‌رزه نابت، وئه‌و هه‌وه سه‌را وى كارى دێ جزا ده‌ت.
وَلَنْ تَسْتَطِيْعُوْ٘ا اَنْ تَعْدِلُوْا بَيْنَ النِّسَآءِ وَلَوْ حَرَصْتُمْ فَلَا تَمِيْلُوْا كُلَّ الْمَيْلِ فَتَذَرُوْهَا كَالْمُعَلَّقَةِ وَاِنْ تُصْلِحُوْا وَتَتَّقُوْا فَاِنَّ اللّٰهَ كَانَ غَفُوْرًا رَّحِيْمًا
وهوين -گهلى زه‌لامان- قه‌ت نه‌شێن ب تمامى دادییێ د ناڤبه‌را ژنان دا بكه‌ن ژ لايێ ڤيانێ ومه‌يلا دلى ڤه، ئه‌گه‌ر چه‌ند هوين خۆ بوه‌ستينن ژى، ڤێجا يه‌كجار مه‌يلدارییێ ژ وێ ژنێ نه‌كه‌ن يا دلێ هه‌وه ژێ سار، كو هوين وێ بهێلنه هلاويستى وه‌كى وێ ژنێ يا بێ مێر ونه‌به‌رداى؛ دا گونه‌هكار نه‌بن. وئه‌گه‌ر هوين كارێن خۆ چاك بكه‌ن و د لێكڤه‌كرنا د ناڤبه‌را ژنێن خۆ دا دادییێ بكه‌ن، و د ده‌رحه‌قا وان دا ته‌قوا خودێ بكه‌ن و ژ وى بترسن، هندى خودێ‌یه بۆ به‌نییێن خۆ باش گونه‌هـ ژێبر بوويه، و ب وان يێ دلۆڤانكار بوويه.
وَاِنْ يَّتَفَرَّقَا يُغْنِ اللّٰهُ كُلًّا مِّنْ سَعَتِهٖ وَكَانَ اللّٰهُ وَاسِعًا حَكِيْمًا
وئه‌گه‌ر ژن ومێر ژێكڤه‌بوون، هندى خودێ‌یه ژ فره‌هى وقه‌نجییا خۆ هه‌ردووان دێ ده‌وله‌مه‌ند كه‌ت؛ چونكى هندى خودێ‌یه قه‌نجى ومنه‌تا وى يا به‌رفره‌هه، و د وى حوكمى دا يێ ئه‌و د ناڤبه‌را به‌نییێن خۆ دا دكه‌ت يێ كاربنه‌جهه.
وَلِلّٰهِ مَا فِي السَّمٰوٰتِ وَمَا فِي الْاَرْضِ وَلَقَدْ وَصَّيْنَا الَّذِيْنَ اُوْتُوا الْكِتٰبَ مِنْ قَبْلِكُمْ وَاِيَّاكُمْ اَنِ اتَّقُوا اللّٰهَ وَاِنْ تَكْفُرُوْا فَاِنَّ لِلّٰهِ مَا فِي السَّمٰوٰتِ وَمَا فِي الْاَرْضِ وَكَانَ اللّٰهُ غَنِيًّا حَمِيْدًا
وملكێ هه‌ر تشته‌كێ ل عه‌رد وعه‌سمانان ويێ د ناڤبه‌رێ دا يێ خودێ‌یه. وڕاستى مه شيره‌ت ب ته‌قوايێ ل وان كربوو يێن به‌رى هه‌وه كيتاب بۆ هاتى ژ جوهى وفه‌لان، و ل هه‌وه ژى كو ته‌قوا خودێ بكه‌ن، و د فه‌رمانا وى دا بن، ومه بۆ هه‌وه ئاشكه‌را كرییه كو ئه‌گه‌ر هوين كافرییێ ب يه‌كينییا خودێ وشريعه‌تێ وى بكه‌ن هندى خودێ‌یه چو منه‌ت ب هه‌وه نينه؛ چونكى هه‌ر تشته‌كێ ل عه‌رد وعه‌سمانان يێ وییه. وخودێ ژ به‌نییێن خۆ يێ بێ منه‌ت وزه‌نگين بوويه، و د سالۆخه‌ت وكريارێن خۆ دا يێ هێژاى مه‌دحان بوويه.
وَلِلّٰهِ مَا فِي السَّمٰوٰتِ وَمَا فِي الْاَرْضِ وَكَفٰي بِاللّٰهِ وَكِيْلًا
وملكێ هه‌ر تشته‌كێ ل ڤێ گه‌ردوونێ يێ خودێ‌یه، وئه‌و به‌سه ب كارێ چێكرییێن خۆ ڕاببت ووان بپارێزت.
اِنْ يَّشَاْ يُذْهِبْكُمْ اَيُّهَا النَّاسُ وَيَاْتِ بِاٰخَرِيْنَ وَكَانَ اللّٰهُ عَلٰي ذٰلِكَ قَدِيْرًا
گهلى مرۆڤان ئه‌گه‌ر خودێ بڤێت دێ هه‌وه به‌ت، ودێ هنده‌كێن دى ژبلى هه‌وه ئينت. وخودێ ل سه‌ر وێ چه‌ندێ يێ خودان شيان بوويه.
مَنْ كَانَ يُرِيْدُ ثَوَابَ الدُّنْيَا فَعِنْدَ اللّٰهِ ثَوَابُ الدُّنْيَا وَالْاٰخِرَةِ وَكَانَ اللّٰهُ سَمِيْعًاۣ بَصِيْرًا
گهلى مرۆڤان هه‌چییێ ژ هه‌وه خێرا دنيايێ بڤێت وپشت بده‌ته ئاخره‌تێ، ل نك خودێ ب تنێ خێرا دنيايێ وئاخره‌تێ هه‌يه، ڤێجا بلا ئه‌و ژ خودێ ب تنێ خێرا دنيايێ وئاخره‌تێ بخوازت؛ چونكى ئه‌و ب ده‌ستێ وییه. وخودێ ب گۆتنێن به‌نییێن خۆ گوهدێر بوويه، و ب كار وئنيه‌تێن وان ئاگه‌هدار بوويه، وئه‌و وان سه‌را وێ چه‌ندێ دێ جزا ده‌ت.
يٰ٘اَيُّهَا الَّذِيْنَ اٰمَنُوْا كُوْنُوْا قَوّٰمِيْنَ بِالْقِسْطِ شُهَدَآءَ لِلّٰهِ وَلَوْ عَلٰ٘ي اَنْفُسِكُمْ اَوِ الْوَالِدَيْنِ وَالْاَقْرَبِيْنَ اِنْ يَّكُنْ غَنِيًّا اَوْ فَقِيْرًا فَاللّٰهُ اَوْلٰي بِهِمَا فَلَا تَتَّبِعُوا الْهَوٰ٘ي اَنْ تَعْدِلُوْا وَاِنْ تَلْوٗ٘ا اَوْ تُعْرِضُوْا فَاِنَّ اللّٰهَ كَانَ بِمَا تَعْمَلُوْنَ خَبِيْرًا
ئه‌ى ئه‌وێن باوه‌رى ئيناى، هوين ب دادییێ ڕاببن، وبۆ كنارێ خودێ شاهده‌ییێ بده‌ن، ئه‌گه‌ر خۆ ل سه‌ر هه‌وه ب خۆ ژى بت، يان ل سه‌ر دايبابێن هه‌وه بت، يان ل سه‌ر مرۆڤێن هه‌وه بت، وئه‌وێ هوين شاهده‌يیێ ل سه‌ر دده‌ن يێ چاوا بت، چ يێ زه‌نگين بت يان يێ فه‌قير بت؛ چونكى خودێ ب وان هه‌ردووان حه‌قتره، وئه‌و ب وى تشتێ بۆ وان باش زاناتره، ڤێجا دلچوون وتاگيرى بلا به‌رێ هه‌وه نه‌ده‌ته هندێ كو هوين دادییێ نه‌كه‌ن، و ب ئه‌زمانێ خۆ وه‌ربادانێ بێخنه شاهده‌يیا خۆ، يان پشتا خۆ بده‌نه شاهده‌يیێ، ڤه‌شێرن يان نه‌ده‌ن، هندى خودێ‌یه ب كارێن هه‌وه يێن هوير يێ زانا بوويه، وئه‌و دێ هه‌وه سه‌را وان جزا ده‌ت.
يٰ٘اَيُّهَا الَّذِيْنَ اٰمَنُوْ٘ا اٰمِنُوْا بِاللّٰهِ وَرَسُوْلِهٖ وَالْكِتٰبِ الَّذِيْ نَزَّلَ عَلٰي رَسُوْلِهٖ وَالْكِتٰبِ الَّذِيْ٘ اَنْزَلَ مِنْ قَبْلُ وَمَنْ يَّكْفُرْ بِاللّٰهِ وَمَلٰٓئِكَتِهٖ وَكُتُبِهٖ وَرُسُلِهٖ وَالْيَوْمِ الْاٰخِرِ فَقَدْ ضَلَّ ضَلٰلًاۣ بَعِيْدًا
ئه‌ى ئه‌وێن باوه‌رى ئيناى، ل سه‌ر وێ باوه‌رییا موكم دبه‌رده‌وام بن يا هه‌وه ب خودێ وپێغه‌مبه‌رێ وى موحه‌ممه‌دى ئیناى، و ب وێ قورئانا وى بۆ پێغه‌مبه‌رێ خۆ ئينايه خوارێ، و ب وان هه‌مى كيتابێن وى بۆ پێغه‌مبه‌رێن خۆ هنارتين. وهه‌چییێ باوه‌رییێ ب خودێ، و ب فريشته‌يێن وى يێن خودان قه‌در، و ب كيتابێن وى هنارتين هيدايه‌ت بۆ خه‌لكى، و ب پێغه‌مبه‌رێن وى هلبژارتين دا په‌يامێن وى بگه‌هينن، و ب ڕۆژا دويماهییێ يا مرۆڤ تێدا پشتى مرنێ بۆ حسێبێ ڕادبن نه‌ئينت، ب ڕاستى ئه‌و ژ دينى ده‌ركه‌فت، ودويراتییه‌كا دوير ئه‌و ژ ڕێكا حه‌قییێ دوير كه‌فت.
اِنَّ الَّذِيْنَ اٰمَنُوْا ثُمَّ كَفَرُوْا ثُمَّ اٰمَنُوْا ثُمَّ كَفَرُوْا ثُمَّ ازْدَادُوْا كُفْرًا لَّمْ يَكُنِ اللّٰهُ لِيَغْفِرَ لَهُمْ وَلَا لِيَهْدِيَهُمْ سَبِيْلًا
هندى ئه‌ون يێن باوه‌رى ئيناى، پاشى لێڤه‌بووين وكافربووين، پاشى ل باوه‌رییێ زڤڕين، پاشى جاره‌كا دى كافربووينه ڤه، پاشى ل سه‌ر كافرییێ مجد وبه‌رده‌وام ماين، نه‌بوويه كو خودێ گونه‌هێ بۆ وان ژێ ببه‌ت، يان به‌رێ وان بده‌ته ڕێكه‌كێ ژ ڕێكێن هيدايه‌تێ، يا كو ئه‌و پێ ژ دويماهییا خراب ڕزگار ببن.
بَشِّرِ الْمُنٰفِقِيْنَ بِاَنَّ لَهُمْ عَذَابًا اَلِيْمَا
تو -ئه‌ى موحه‌ممه‌د- مزگينییێ بده دوڕوییان -ئه‌وێن ب سه‌ر ڤه دخودان باوه‌ر و د دل دا دكافر- كو عه‌زابه‌كا ب ئێش بۆ وان هه‌يه.
اِۨلَّذِيْنَ يَتَّخِذُوْنَ الْكٰفِرِيْنَ اَوْلِيَآءَ مِنْ دُوْنِ الْمُؤْمِنِيْنَ اَيَبْتَغُوْنَ عِنْدَهُمُ الْعِزَّةَ فَاِنَّ الْعِزَّةَ لِلّٰهِ جَمِيْعًا
ئه‌وێن كافران بۆ خۆ دكه‌نه سه‌ركار، ووان بۆ خۆ دكه‌نه هاريكار وپشته‌ڤان، وخودان باوه‌ران دهێلن، وهه‌ڤالينى وڤيانا وان ناخوازن. ئه‌رێ ئه‌و ب وێ چه‌ندێ پاراستن وپشته‌ڤانییێ ژ كافران دخوازن؟ هندى ئه‌ون ئه‌و چه‌نده نه ب ده‌ستێ وانه؛ چونكى هندى پشته‌ڤانى وهێز وسه‌رفرازییه هه‌مى يا خودێ ب تـنێ‌یه.
وَقَدْ نَزَّلَ عَلَيْكُمْ فِي الْكِتٰبِ اَنْ اِذَا سَمِعْتُمْ اٰيٰتِ اللّٰهِ يُكْفَرُ بِهَا وَيُسْتَهْزَاُ بِهَا فَلَا تَقْعُدُوْا مَعَهُمْ حَتّٰي يَخُوْضُوْا فِيْ حَدِيْثٍ غَيْرِهٖ٘ اِنَّكُمْ اِذًا مِّثْلُهُمْ اِنَّ اللّٰهَ جَامِعُ الْمُنٰفِقِيْنَ وَالْكٰفِرِيْنَ فِيْ جَهَنَّمَ جَمِيْعَا
و ب ڕاسـتـى بـۆ هـه‌وه -گهلى خودان باوه‌ران- د كيتابا خودايێ هه‌وه دا هاتییه خوارێ كو ئه‌گه‌ر هه‌وه گوهـ لێ بوو كافرى وتڕانه ب ئايه‌تێن خودێ بێنه‌كرن هوين د گه‌ل وان كافران نه‌ڕوينن، هنگى تێ نه‌بت ئه‌گه‌ر وان گۆتنه‌كا دى ژبلى كوفرێ وتڕانه‌يێن ب ئايه‌تێن خودێ كر، ئه‌گه‌ر هوين د گه‌ل وان ڕوينشتن، وئه‌و ب وى ڕه‌نگى بن، هوين ژى دێ وه‌كى وان بن؛ چونكى هوين ب ياریپێكرن وكوفرا وان ڕازيبوون، وئه‌وێ ب گونه‌هێ ڕازى ببت وه‌كى وییه يێ گونه‌هێ بكه‌ت. هندى خودێ‌یه كۆمكه‌رێ دوڕوى وكافران هه‌مییانه د ئاگرێ جه‌هنه‌مێ، دا ئه‌و تێدا عه‌زابا نه‌خۆش ببينن.
اِۨلَّذِيْنَ يَتَرَبَّصُوْنَ بِكُمْ فَاِنْ كَانَ لَكُمْ فَتْحٌ مِّنَ اللّٰهِ قَالُوْ٘ا اَلَمْ نَكُنْ مَّعَكُمْ وَاِنْ كَانَ لِلْكٰفِرِيْنَ نَصِيْبٌ قَالُوْ٘ا اَلَمْ نَسْتَحْوِذْ عَلَيْكُمْ وَنَمْنَعْكُمْ مِّنَ الْمُؤْمِنِيْنَ فَاللّٰهُ يَحْكُمُ بَيْنَكُمْ يَوْمَ الْقِيٰمَةِ وَلَنْ يَّجْعَلَ اللّٰهُ لِلْكٰفِرِيْنَ عَلَي الْمُؤْمِنِيْنَ سَبِيْلًا
دوڕوى ئه‌ون يێن به‌رێ وان لێ كانێ دێ چ شه‌ڕ وفتنه ب سه‌ر هه‌وه دا ئێن گهلى خودان باوه‌ران، ڤێجا ئه‌گه‌ر خودێ ژ قه‌نجییا خۆ منه‌ته‌ك ل هه‌وه كر، وهوين ب سه‌ر دوژمنێن هه‌وه ئێخستن وهه‌وه ده‌سكه‌فتى ب ده‌ست خۆ ئێخستن، ئه‌و دێ بێژن: ما ئه‌م ژى د گه‌ل هه‌وه نه‌بووين ومه پشتا هه‌وه نه‌گرتبوو؟ وئه‌گه‌ر بۆ ئه‌وێن كوفر ب ڤى دينى كرى باره‌ك ژ سه‌ركه‌فتن وده‌سكه‌فتییان هه‌بوو، ئه‌و دێ بێژنه وان: ما مه هاريكارییا هه‌وه نه‌كربوو وهوين ژ خودان باوه‌ران نه‌پاراست بوون؟ ڤێجا خودێ‌یه ل ڕۆژا ڕابوونێ حوكمى د ناڤبه‌را هه‌وه ووان دا دكه‌ت، وخودێ چو ڕێكێن سه‌ركه‌فتنێ بۆ كافران ل سه‌ر به‌نییێن خۆ يێن چاك چێ ناكه‌ت، ودويماهى ل دنيايێ وئاخره‌تێ بۆ ته‌قوادارانه.
اِنَّ الْمُنٰفِقِيْنَ يُخٰدِعُوْنَ اللّٰهَ وَهُوَ خَادِعُهُمْ وَاِذَا قَامُوْ٘ا اِلَي الصَّلٰوةِ قَامُوْا كُسَالٰي يُرَآءُوْنَ النَّاسَ وَلَا يَذْكُرُوْنَ اللّٰهَ اِلَّا قَلِيْلًا
هندى ڕێكا ئه‌وان دوڕوییانه خاپاندنا خودێ‌یه، ب هندێ كو ب سه‌ر ڤه ئه‌و خۆ ب باوه‌رییێ بيننه‌ده‌ر و د دل دا دكافر بن، هزرا وان ئه‌وه حالێ وان دێ ل خودێ يێ ڤه‌شارتى بت، وئه‌و ب خۆ خودێ‌یه وان دخاپينت و ب وه‌كى كريارا وان جزاى دده‌ته وان، وئه‌گه‌ر ئه‌و دوڕوییێن هه بۆ كرنا نڤێژێ ڕابوونه ڤه، ب سستى وبێ خێره‌تى ڤه ڕادبن، مه‌خسه‌دا وان ب وێ نڤێژێ رويمه‌تییه ودا خه‌لك مه‌دحێن وان بكه‌ن، وكێمه‌كێ نه‌بت ئه‌و خودێ ل بيرا خۆ نائينن.
مُّذَبْذَبِيْنَ بَيْنَ ذٰلِكَ لَا٘ اِلٰي هٰ٘ؤُلَآءِ وَلَا٘ اِلٰي هٰ٘ؤُلَآءِ وَمَنْ يُّضْلِلِ اللّٰهُ فَلَنْ تَجِدَ لَهٗ سَبِيْلًا
حێبه‌تى وهژهژۆكى ودودلى حالێ ڤان دوڕوییانه، ئه‌و ل سه‌ر ته‌رزه‌كى ڕاناوه‌ستن، نه ئه‌و ژ خودان باوه‌رانه ونه ژ كافرانه. وهه‌چییێ خودێ دلێ وى ژ بـاوه‌رییێ وپێگيرییا ب هيدايه‌تا خۆ وه‌رگێڕت، تو چو ڕێكێن باوه‌رییێ وهيدايه‌تێ بۆ وى نابينى.
يٰ٘اَيُّهَا الَّذِيْنَ اٰمَنُوْا لَا تَتَّخِذُوا الْكٰفِرِيْنَ اَوْلِيَآءَ مِنْ دُوْنِ الْمُؤْمِنِيْنَ اَتُرِيْدُوْنَ اَنْ تَجْعَلُوْا لِلّٰهِ عَلَيْكُمْ سُلْطٰنًا مُّبِيْنًا
ئه‌ى ئه‌وێن باوه‌رى ب خودێ ئيناى ودويكه‌فتنا پێغه‌مبه‌رێ وى كرى، هوين كافران بۆ خۆ نه‌كه‌نه سه‌ركار، وخودان باوه‌ران بهێلن. ئه‌رێ هه‌وه دڤێت هوين ب حه‌ژێكرنا دوژمنێن خۆ هێجه‌ته‌كا ئاشكه‌را بۆ خودێ ل سه‌ر خۆ چێ كه‌ن كو باوه‌رییا هه‌وه نه يا ژ دله؟
اِنَّ الْمُنٰفِقِيْنَ فِي الدَّرْكِ الْاَسْفَلِ مِنَ النَّارِ وَلَنْ تَجِدَ لَهُمْ نَصِيْرًا
هندى دوڕوينه ل ڕۆژا قيامه‌تێ د جهێ نزمتر دانه ژ ئاگرى، وتو -ئه‌ى موحه‌ممه‌د- پشته‌ڤانه‌كى بۆ وان نابينى ڤێ دويماهییا خراب ژ وان پاشڤه لێ بده‌ت.
اِلَّا الَّذِيْنَ تَابُوْا وَاَصْلَحُوْا وَاعْتَصَمُوْا بِاللّٰهِ وَاَخْلَصُوْا دِيْنَهُمْ لِلّٰهِ فَاُولٰٓئِكَ مَعَ الْمُؤْمِنِيْنَ وَسَوْفَ يُؤْتِ اللّٰهُ الْمُؤْمِنِيْنَ اَجْرًا عَظِيْمًا
ئـه‌و تێ نه‌بن يێن تۆبه‌كرى و ل خودێ زڤڕين، و ب گوهدارییا خودێ ژ سه‌رڤه و د دل دا خۆ چاك كرى، وخودان باوه‌ر بۆخۆ كرينه سه‌ركار، وخۆ ب دينێ خودێ ڤه گرتى، ودلێ خۆ بۆ خودێ صافى كرى، ئه‌وێن هه نه يێن د دنيايێ وئاخره‌تێ دا د گه‌ل خودان باوه‌ران، وخودێ خێره‌كا مه‌زن پاشى دێ ده‌ته خودان باوه‌ران.
مَا يَفْعَلُ اللّٰهُ بِعَذَابِكُمْ اِنْ شَكَرْتُمْ وَاٰمَنْتُمْ وَكَانَ اللّٰهُ شَاكِرًا عَلِيْمًا
ئه‌رێ خودێ ب عه‌زابدانا هه‌وه دێ چ كه‌ت ئه‌گه‌ر هوين كارێ چاك بكه‌ن وباوه‌رییێ ب خودێ وپێغه‌مبه‌رێ وى بينن؟ هندى خودێ‌یه ژ هه‌مییان يێ بێ منه‌ته، وهه‌ما ئه‌و به‌نییان ب گونه‌هێن وان عه‌زاب دده‌ت، وخودێ شوكردارێ به‌نییێن خۆ بوويه ل سه‌ر گوهدارییا وان بۆ وى، ويێ پرزانا بوويه ب هه‌ر تشته‌كێ هه‌ى.
لَا يُحِبُّ اللّٰهُ الْجَهْرَ بِالسُّوْٓءِ مِنَ الْقَوْلِ اِلَّا مَنْ ظُلِمَ وَكَانَ اللّٰهُ سَمِيْعًا عَلِيْمًا
خودێ حه‌ز ناكه‌ت مرۆڤه‌ك گۆتنا خراب ئاشكه‌را بكه‌ت، به‌لێ ئه‌وێ زۆردارى لێ هاتییه كرن بۆ وى دورسته وێ خرابییا ل نك زۆردارێ خۆ بێژت؛ دا زۆردارییا ل وى هاتییه كرن ئاشكه‌را ببت. وخودێ ب وى تشتێ هوين ئاشكه‌را دكه‌ن يێ گوهدێر بوويه، و ئه‌و ب وى تشتێ هوين ڤه‌دشێرن يێ پڕزانا بوويه.
اِنْ تُبْدُوْا خَيْرًا اَوْ تُخْفُوْهُ اَوْ تَعْفُوْا عَنْ سُوْٓءٍ فَاِنَّ اللّٰهَ كَانَ عَفُوًّا قَدِيْرًا
خودێ ڕێ بۆ لێبۆرينێ خۆش كر وبه‌رێ مه دايێ كو خودان باوه‌ر: يان دێ خێرێ ئاشكه‌را كه‌ت، يان دێ ڤه‌شێرت، هه‌ر وه‌سا د گه‌ل گه‌هاندنا نه‌خۆشییێ، يان ئه‌و دێ ئاشكه‌را كه‌ت ده‌مێ تۆلا خۆ ژ وى دستينت يێ نه‌خۆشى گه‌هاندییێ، يان دێ لێبۆرت، ولێبۆرين باشتره؛ چونكى هندى خودێ‌یه ژ سالۆخه‌تێن وییه ئه‌و ل به‌نییێن خۆ ناگرت هه‌ر چه‌نده ئه‌و دشێته وان ژى.
اِنَّ الَّذِيْنَ يَكْفُرُوْنَ بِاللّٰهِ وَرُسُلِهٖ وَيُرِيْدُوْنَ اَنْ يُّفَرِّقُوْا بَيْنَ اللّٰهِ وَرُسُلِهٖ وَيَقُوْلُوْنَ نُؤْمِنُ بِبَعْضٍ وَّنَكْفُرُ بِبَعْضٍ وَّيُرِيْدُوْنَ اَنْ يَّتَّخِذُوْا بَيْنَ ذٰلِكَ سَبِيْلًا
هندى ئه‌ون يێن ب خودێ و پێغه‌مبه‌رێن وى كافربووين ژ جوهى وفه‌لان، ودڤێن كو د ناڤبه‌را خودێ وپێغه‌مبه‌رێن وى دا ژێك جودا بكه‌ن كو باوه‌رییێ ب خودێ بينن ووان پێغه‌مبه‌رێن وى هنارتين دره‌وين ده‌ربێخن، يان باوه‌رییێ ب هنده‌ك پێغه‌مبه‌ران بينن و ب هنده‌كان نه‌ئينن، و ژ دره‌و بێژن هنده‌ك پێغه‌مبه‌ران دره‌و ژ كيسێ خودايێ خۆ كرينه، ووان دڤێت ڕێكه‌كێ بۆ خۆ بگرن بۆ وێ سه‌رداچوونا وان ژ نك خۆ ئينايه ده‌رێ ونوى ده‌رێخستى.
اُولٰٓئِكَ هُمُ الْكٰفِرُوْنَ حَقًّا وَاَعْتَدْنَا لِلْكٰفِرِيْنَ عَذَابًا مُّهِيْنًا
ئه‌وێن هه‌نه كافرێن ب ڕاستى ودورستى، ومه بۆ كافران عه‌زابه‌كا ئه‌و پێ بشكێن وڕه‌زيل ببن ئاماده‌كرییه.
وَالَّذِيْنَ اٰمَنُوْا بِاللّٰهِ وَرُسُلِهٖ وَلَمْ يُفَرِّقُوْا بَيْنَ اَحَدٍ مِّنْهُمْ اُولٰٓئِكَ سَوْفَ يُؤْتِيْهِمْ اُجُوْرَهُمْ وَكَانَ اللّٰهُ غَفُوْرًا رَّحِيْمًا
وئه‌وێن باوه‌رى ب ته‌وحيدا خودێ ئيناى، وباوه‌رى ب پێغه‌مبه‌رينییا پێغه‌مبه‌رێن وى هه‌مییان ئيناى، وچو جودايى نه‌ئێخستییه ناڤبه‌را وان، وكار ب شريعه‌تێ خودێ كرى، ئه‌وێن هه پاشى خودێ خێر وجزايێ وان دێ ده‌تێ سه‌را باوه‌رى ئينانا وان ب خودێ وپێغه‌مبه‌رێن وى. وخودێ باش گونه‌هـ ژێبرێ دلۆڤانكار بوويه.
يَسْــَٔلُكَ اَهْلُ الْكِتٰبِ اَنْ تُنَزِّلَ عَلَيْهِمْ كِتٰبًا مِّنَ السَّمَآءِ فَقَدْ سَاَلُوْا مُوْسٰ٘ي اَكْبَرَ مِنْ ذٰلِكَ فَقَالُوْ٘ا اَرِنَا اللّٰهَ جَهْرَةً فَاَخَذَتْهُمُ الصّٰعِقَةُ بِظُلْمِهِمْ ثُمَّ اتَّخَذُوا الْعِجْلَ مِنْۣ بَعْدِ مَا جَآءَتْهُمُ الْبَيِّنٰتُ فَعَفَوْنَا عَنْ ذٰلِكَ وَاٰتَيْنَا مُوْسٰي سُلْطٰنًا مُّبِيْنًا
ئه‌ى موحه‌ممه‌د جوهى پسيارا موعجيزه‌يه‌كا وه‌كى يا مووساى ژ ته دكه‌ن دا ڕاستییا گۆتنا ته بۆ وان ئاشكه‌را ببت: كو تو كيتابه‌كا نڤێسى بۆ وان ژ نك خودێ بينییه خوارێ ، وه‌كى مووساى ده‌پ (ئه‌لواح) بۆ وان ژ نك خودێ ئيناين، ڤێجا تو مه‌نده‌هۆش نه‌به باپيرێن وان پسياره‌كا ژ ڤێ چه‌ندێ مه‌زنتر ژ مووساى كربوو: وان داخواز ژێ كربوو ئه‌و خودێ ئاشكه‌را نيشا وان بده‌ت، ئينا ژ به‌ر زۆردارییا وان ل خۆ كرى كو ئه‌و تشت خواستى يێ نه مافێ وان ئه‌و دلگرتى كه‌فتن. پاشى پشتى خودێ ئه‌و زێندى كرينه ڤه، ووان نيشانێن ئاشكه‌را ل سه‌ر ده‌ستێ مووساى ديتين يێن شركێ پويچ دكه‌ن، وان ژبلى خودێ په‌رستنا گۆلكێ كر، ئينا ژ به‌ر تۆبا وان مه ل وان نه‌گرت، ومه هێجه‌ته‌كا مه‌زن دا مووساى ڕاستییا پێغه‌مبه‌رينییا وى بنه‌جهـ دكر.
وَرَفَعْنَا فَوْقَهُمُ الطُّوْرَ بِمِيْثَاقِهِمْ وَقُلْنَا لَهُمُ ادْخُلُوا الْبَابَ سُجَّدًا وَّقُلْنَا لَهُمْ لَا تَعْدُوْا فِي السَّبْتِ وَاَخَذْنَا مِنْهُمْ مِّيْثَاقًا غَلِيْظًا
ومه چيايێ طوورى ڕاكره هنداڤى وان ده‌مێ وان پێگيرى ب وێ په‌يمانێ نه‌كرى يا وان داى كو كارى ب ئه‌حكامێن ته‌وراتێ بكه‌ن، ومه فه‌رمان ل وان كر ئه‌و ب سوجده ڤه د ده‌رگه‌هێ (به‌يتولمه‌قدسێ) ڕا بچن، ئينا ئه‌وان خـۆ ل سـه‌ر پشتێ خشانده د ژۆرڤه، ومه فه‌رمان ل وان كر كو ئه‌و ب كرنـا نێچيرا ل ڕۆژا شه‌نبییێ ته‌عداییێ نه‌كه‌ن ئينا وان ته‌عدايى كر وچوونه نێچيرێ، ومه په‌يمانه‌كا موكم ژ وان وه‌رگرت، به‌لێ وان ئه‌و په‌يمان شكاند.
فَبِمَا نَقْضِهِمْ مِّيْثَاقَهُمْ وَكُفْرِهِمْ بِاٰيٰتِ اللّٰهِ وَقَتْلِهِمُ الْاَنْۣبِيَآءَ بِغَيْرِ حَقٍّ وَّقَوْلِهِمْ قُلُوْبُنَا غُلْفٌ بَلْ طَبَعَ اللّٰهُ عَلَيْهَا بِكُفْرِهِمْ فَلَا يُؤْمِنُوْنَ اِلَّا قَلِيْلًا
ڤێجا ژ به‌ر شكاندا وان بۆ په‌يمانان وكوفرا وان ب ئايه‌تێن خودێ يێن ڕاستگۆيیا پێغه‌مبه‌رێن وى ئاشكه‌را دكه‌ت، وكوشتنا وان بۆ پێغه‌مبه‌ران ژ زۆردارى وته‌عدايى، وگۆتنا وان: دلێن مه دپێچاينه له‌و ئه‌م د گۆتنا ته ناگه‌هين، وئه‌و ب خۆ ژ به‌ر كوفرا وان خودێ دلێن وان يێن خه‌تم كرين ڤێجا ئه‌و باوه‌ریێ نائينن كێمه‌كا بـێ مفا تێ نه‌بت، ژ به‌ر ڤێ چه‌ندێ مه له‌عنه‌ت ل وان كر.
وَّبِكُفْرِهِمْ وَقَوْلِهِمْ عَلٰي مَرْيَمَ بُهْتَانًا عَظِيْمًا
هه‌ر وه‌سا مه له‌عنه‌ت ل وان كر ژ به‌ر كوفر وبێ به‌ختییا وان ب دويڤ مه‌ريه‌مێ ڤه‌ناى، وئه‌و ژ وێ چه‌ندێ يا پاقژ بوو.
وَّقَوْلِهِمْ اِنَّا قَتَلْنَا الْمَسِيْحَ عِيْسَي ابْنَ مَرْيَمَ رَسُوْلَ اللّٰهِ وَمَا قَتَلُوْهُ وَمَا صَلَبُوْهُ وَلٰكِنْ شُبِّهَ لَهُمْ وَاِنَّ الَّذِيْنَ اخْتَلَفُوْا فِيْهِ لَفِيْ شَكٍّ مِّنْهُ مَا لَهُمْ بِهٖ مِنْ عِلْمٍ اِلَّا اتِّبَاعَ الظَّنِّ وَمَا قَتَلُوْهُ يَقِيْنًا
و ژ به‌ر وێ گۆتنا وان ب تڕانه‌كرن ڤه گۆتى: كو مه عيسايێ مه‌سيح كوڕێ مه‌ريه‌مێ پێغه‌مبه‌رێ خودێ يێ كوشتى، ووان عيسا نه‌كوشتییه ونه‌هلاويستییه، به‌لكى وان زه‌لامه‌كێ وه‌كى وى هلاويست بوو يا ژ وان ڤه ئه‌ڤه عيسايه. وئه‌وێن دبێژن: مه يێ كوشتى، ژ جوهییان، وئه‌وێن ئه‌و ته‌سليم كرى ژ فه‌لان، ئه‌و هه‌مى د ده‌رحه‌قا وى دا ب گومان وحێبه‌تينه، ژبلى دويكه‌فتنا هنده‌ك هزران چو زانين ل نك وان نينه، وئه‌و د كوشتنا وى دا دپشت ڕاست نينن، به‌لكى ب گومانن.
ۣبَلْ رَّفَعَهُ اللّٰهُ اِلَيْهِ وَكَانَ اللّٰهُ عَزِيْزًا حَكِيْمًا
به‌لكى خودێ عيسا ب له‌ش ورح ڤه يێ بلندكرى، وئه‌و ژ كافران يێ پاقژكرى، وخودێ د ملكێ خۆ دا يێ زال بوويه، و د كار وڕێڤه‌برنێ دا يێ كاربنه‌جهـ بوويه.
وَاِنْ مِّنْ اَهْلِ الْكِتٰبِ اِلَّا لَيُؤْمِنَنَّ بِهٖ قَبْلَ مَوْتِهٖ وَيَوْمَ الْقِيٰمَةِ يَكُوْنُ عَلَيْهِمْ شَهِيْدًا
وپشتى هاتنه خوارا عيساى ل دويماهییا زه‌مانى كه‌سه‌ك ژ خودانێن كيتابێ نامينت ئه‌گه‌ر به‌رى مرنا وى باوه‌رییێ پێ نه‌ئينت، وڕۆژا ڕابوونێ عيسا -سلاڤ لێ بن- دێ ل سه‌ر وان شاهد بت يێن دره‌و پێ كرى، ويێن باوه‌رى پێ ئيناى.
فَبِظُلْمٍ مِّنَ الَّذِيْنَ هَادُوْا حَرَّمْنَا عَلَيْهِمْ طَيِّبٰتٍ اُحِلَّتْ لَهُمْ وَبِصَدِّهِمْ عَنْ سَبِيْلِ اللّٰهِ كَثِيْرًا
ڤێجا ژ ئه‌گه‌را زۆردارییا جوهییان ژ به‌ر وان گونه‌هێن مه‌زن يێن وان كرين خودێ هنده‌ك خوارنێن پاقژ يێن كو بۆ وان دحه‌لال ل سه‌ر وان حه‌رام كرن، و ژ به‌ر خۆپاشڤه‌لێدانا وان ژ ڕێكا ڕاست، وپاشڤه‌لێدانا وان بۆ خه‌لكى ژى.
وَّاَخْذِهِمُ الرِّبٰوا وَقَدْ نُهُوْا عَنْهُ وَاَكْلِهِمْ اَمْوَالَ النَّاسِ بِالْبَاطِلِ وَاَعْتَدْنَا لِلْكٰفِرِيْنَ مِنْهُمْ عَذَابًا اَلِيْمًا
و ژ به‌ر خوارنا وان بۆ وێ ربايێ يا ئه‌و ژێ هاتينه پاشڤه‌لێدان، وحه‌لالكرنا وان بێ حه‌ق بۆ مالێ مرۆڤان، ومه بۆ وان يێن كافرى ب خودێ وپێغه‌مبه‌رێ وى كرى ژ ڤان جوهییان عه‌زابه‌كا ب ئێش ل ئاخره‌تێ ئاماده‌كرییه.
لٰكِنِ الرّٰسِخُوْنَ فِي الْعِلْمِ مِنْهُمْ وَالْمُؤْمِنُوْنَ يُؤْمِنُوْنَ بِمَا٘ اُنْزِلَ اِلَيْكَ وَمَا٘ اُنْزِلَ مِنْ قَبْلِكَ وَالْمُقِيْمِيْنَ الصَّلٰوةَ وَالْمُؤْتُوْنَ الزَّكٰوةَ وَالْمُؤْمِنُوْنَ بِاللّٰهِ وَالْيَوْمِ الْاٰخِرِ اُولٰٓئِكَ سَنُؤْتِيْهِمْ اَجْرًا عَظِيْمًا
به‌لێ ئه‌وێن موكم د زانينا ئه‌حكامێن خودێ دا ژ جوهییان، ويێن خودان باوه‌ر ب خودێ وپێغه‌مبه‌رێ وى، باوه‌رییێ ب وێ دئينن ئه‌وا خودێ بۆ ته ئينايه خوارێ -ئه‌ى موحه‌ممه‌د- كو قورئانه، وباوه‌رییێ ب وێ ژى دئينن ئه‌وا به‌رى ته بۆ پێغه‌مبه‌ران هاتییه خوارێ وه‌كى ته‌وراتێ وئنجيلێ، ونڤێژێ ل ده‌مێ وێ دكه‌ن، وزه‌كاتا مالێ خۆ دده‌ن، وباوه‌رییێ ب خودێ وڕۆژا دويماهییێ دئينن، ئه‌وان خودێ خێره‌كا مه‌زن دێ ده‌تێ، كو به‌حه‌شته.
اِنَّا٘ اَوْحَيْنَا٘ اِلَيْكَ كَمَا٘ اَوْحَيْنَا٘ اِلٰي نُوْحٍ وَّالنَّبِيّٖنَ مِنْۣ بَعْدِهٖ وَاَوْحَيْنَا٘ اِلٰ٘ي اِبْرٰهِيْمَ وَاِسْمٰعِيْلَ وَاِسْحٰقَ وَيَعْقُوْبَ وَالْاَسْبَاطِ وَعِيْسٰي وَاَيُّوْبَ وَيُوْنُسَ وَهٰرُوْنَ وَسُلَيْمٰنَ وَاٰتَيْنَا دَاوٗدَ زَبُوْرًا
ئه‌ى موحه‌ممه‌د مه وه‌حى ب گه‌هاندنا په‌يامێ بۆ ته هنارتییه هه‌ر وه‌كى مه بۆ نووحى وپێغه‌مبه‌رێن پشتى وى هنارتى، ومه وه‌حى بۆ ئيبراهيم وئيسماعيل وئيسحاق ونه‌ڤییێن وى -ئه‌و پێغه‌مبه‌رێن كو د ناڤ دووازده ئويجاخێن ئسرائيلییان دا- وعيسا وئه‌ييووب ويوونس وهاروون وسوله‌يمانى هنارتییه. ومه زه‌بوور دابوو داوودى، كو كيتاب وپه‌ڕێن نڤيسى بوو.
وَرُسُلًا قَدْ قَصَصْنٰهُمْ عَلَيْكَ مِنْ قَبْلُ وَرُسُلًا لَّمْ نَقْصُصْهُمْ عَلَيْكَ وَكَلَّمَ اللّٰهُ مُوْسٰي تَكْلِيْمًا
وهنده‌ك پێغه‌مبه‌رێن كو مه به‌حسێ وان به‌رى ڤێ ئايه‌تێ د قورئانێ دا بۆ ته كرى مه هنارتينه، وبه‌حسێ هنده‌ك پێغه‌مبه‌ران ژ به‌ر حيكمه‌ته‌كا مه ڤياى مه بۆ ته نه‌كرییه. وقه‌درگرتن بۆ مووساى خودێ د گه‌ل وى ئاخفتییه. وئه‌ڤ ئايه‌تا پيرۆز هندێ دگه‌هينت كو سالۆخه‌تێ ئاخفتنێ ب ڕه‌نگه‌كێ بابه‌تى خودێ بت يه‌ك ژ سالۆخه‌تێن وییه، وكو خودێ ب ڕاستى وبێ ده‌سكاتى د گه‌ل پێغه‌مبه‌رێ خۆ مووساى ئاخفتییه.
رُسُلًا مُّبَشِّرِيْنَ وَمُنْذِرِيْنَ لِئَلَّا يَكُوْنَ لِلنَّاسِ عَلَي اللّٰهِ حُجَّةٌۣ بَعْدَ الرُّسُلِ وَكَانَ اللّٰهُ عَزِيْزًا حَكِيْمًا
من هنده‌ك پێغه‌مبه‌ر بۆ به‌نییێن خۆ هنارتينه دا مزگينییێ ب قه‌نجییا من بده‌نه وان ووان ژ عه‌زابا من بترسينن؛ دا پشتى هنارتنا پێغه‌مبه‌ران مرۆڤان چو هێجه‌ته‌ك نه‌مينت. وخودێ د ملكێ خۆ دا يێ زال بوويه، و د ڕێڤه‌برنێ دا يێ كاربنه‌جهـ بوويه.
لٰكِنِ اللّٰهُ يَشْهَدُ بِمَا٘ اَنْزَلَ اِلَيْكَ اَنْزَلَهٗ بِعِلْمِهٖ وَالْمَلٰٓئِكَةُ يَشْهَدُوْنَ وَكَفٰي بِاللّٰهِ شَهِيْدًا
ئه‌ى موحه‌ممه‌د ئه‌گه‌ر جوهى وكافرێن دى كوفرێ ب ته بكه‌ن خودێ شاهده‌ییێ بۆ ته دده‌ت كو تو پێغه‌مبه‌رێ وی‌یى يێ وى قورئانا مه‌زن بۆ ئينايه خوارێ، وى ئه‌و قورئان ب زانينا خۆ ئينايه خوارێ، وهه‌ر وه‌سا ملياكه‌ت شاهده‌يیێ ب ڕاستییا وێ وه‌حییێ دده‌ن يا بۆ ته هاتى، وشاهده‌يیا خودێ ب تنێ به‌سه.
اِنَّ الَّذِيْنَ كَفَرُوْا وَصَدُّوْا عَنْ سَبِيْلِ اللّٰهِ قَدْ ضَلُّوْا ضَلٰلًاۣ بَعِيْدًا
هندى ئه‌ون يێن كافرى كرى، ومرۆڤ ژ ئيسلامێ پاشڤه‌لێداين، ب ڕاستى ئه‌و ژ ڕێكا حه‌ق دويركه‌فتن دويركه‌فتنه‌كا دژوار.
اِنَّ الَّذِيْنَ كَفَرُوْا وَظَلَمُوْا لَمْ يَكُنِ اللّٰهُ لِيَغْفِرَ لَهُمْ وَلَا لِيَهْدِيَهُمْ طَرِيْقًا
هندى ئه‌ون يێن كافرى كرى؛ و ب مانا خۆ يا ل سه‌ر كوفرێ زۆردارى كرى، نه‌بوويه كو خودێ گونه‌هێن وان بۆ وان ژێ ببه‌ت، يان به‌رێ وان بده‌ته ڕێكه‌كێ ئه‌و پێ ڕزگار ببن.
اِلَّا طَرِيْقَ جَهَنَّمَ خٰلِدِيْنَ فِيْهَا٘ اَبَدًا وَكَانَ ذٰلِكَ عَلَي اللّٰهِ يَسِيْرًا
ڕێكا جه‌هنه‌مێ تێ نه‌بت، ئه‌و هه‌روهه‌ر دێ تێدا مينن، وئه‌و چه‌نده ل سه‌ر خودێ يا ب ساناهى بوويه.
يٰ٘اَيُّهَا النَّاسُ قَدْ جَآءَكُمُ الرَّسُوْلُ بِالْحَقِّ مِنْ رَّبِّكُمْ فَاٰمِنُوْا خَيْرًا لَّكُمْ وَاِنْ تَكْفُرُوْا فَاِنَّ لِلّٰهِ مَا فِي السَّمٰوٰتِ وَالْاَرْضِ وَكَانَ اللّٰهُ عَلِيْمًا حَكِيْمًا
گهلى مرۆڤان پێغه‌مبه‌رێ مه موحه‌ممه‌د -سلاڤ لێ بن- ب ئيسلامێ دينێ حه‌ق بۆ هه‌وه هاتییه، ڤێجا هوين باوه‌رییێ پێ بينن ودويكه‌فتنا وى بكه‌ن، هندى باوه‌رى ئينانا ب وییه بۆ هه‌وه چێتره، وئه‌گه‌ر هوين ل سه‌ر كوفرا خۆ دڕژد بن هندى خودێ‌یه چو منه‌ت ب هه‌وه وباوه‌رییا هه‌وه نينه؛ چونكى ملكێ هه‌ر تشته‌كێ ل عه‌سمانان وعه‌ردى بۆ وییه. وخودێ ب گۆتن وكريارێن هه‌وه يێ پڕزانا بوويه، و د كار وشريعه‌تێ خۆ دا يێ كاربنه‌جهـ بوويه. ڤێجا ئه‌گه‌ر عه‌رد وعه‌سمان وه‌كى ملكێ وى هه‌مییێ خۆ بۆ وى چه‌ماند بت، پا هوين فه‌رترن كو باوه‌رییێ ب خودێ وپێغه‌مبه‌رێ وى بينن، و ب وێ قورئانا وى بۆ پێغه‌مبه‌رێ خۆ ئينايه خوارێ وكو هوين خۆ بۆ وى بچه‌مينن، داكو گه‌ردوون هه‌مى بۆ وى يێ چه‌مياى بت. و د ڤێ ئايه‌تێ دا نيشان هه‌يه كو په‌ياما پێغه‌مبه‌رێ خودێ -سلاڤ لێ بن- بۆ هه‌مى مرۆڤانه.
يٰ٘اَهْلَ الْكِتٰبِ لَا تَغْلُوْا فِيْ دِيْنِكُمْ وَلَا تَقُوْلُوْا عَلَي اللّٰهِ اِلَّا الْحَقَّ اِنَّمَا الْمَسِيْحُ عِيْسَي ابْنُ مَرْيَمَ رَسُوْلُ اللّٰهِ وَكَلِمَتُهٗ اَلْقٰىهَا٘ اِلٰي مَرْيَمَ وَرُوْحٌ مِّنْهُ فَاٰمِنُوْا بِاللّٰهِ وَرُسُلِهٖ وَلَا تَقُوْلُوْا ثَلٰثَةٌ اِنْتَهُوْا خَيْرًا لَّكُمْ اِنَّمَا اللّٰهُ اِلٰهٌ وَّاحِدٌ سُبْحٰنَهٗ٘ اَنْ يَّكُوْنَ لَهٗ وَلَدٌ لَهٗ مَا فِي السَّمٰوٰتِ وَمَا فِي الْاَرْضِ وَكَفٰي بِاللّٰهِ وَكِيْلًا
ئه‌ى خودانێن ئنجيلێ زێده‌گاڤییێ ل سه‌ر دينێ حه‌ق نه‌كه‌ن، و ژ حه‌قییێ پێڤه‌تر هوين چو گۆتنان د ده‌رحه‌قا خودێ دا نه‌بێژن، وهوين چو ژن وكوڕان بۆ وى نه‌دانن، هندى عيسايێ مه‌سيحه كوڕێ مه‌ريه‌مێ پێغه‌مبه‌رێ خودێ‌یه خودێ ئه‌و ب حه‌قییێ هنارتییه، ووى ئه‌و ب وێ په‌يڤێ ئافراندییه يا وى جبريل بۆ مه‌ريه‌مێ پێ هنارتى، وئه‌و په‌يڤ ئه‌ڤه‌يه: (كن - ببه) ئينا ئه‌و بوو، وئه‌و پفكرنه‌كا ژ خودێ بوو جبريلى ب فه‌رمانا خودێ پفكرى، ڤێجا هوين باوه‌رییێ بينن كو خودێ يه‌كه وبۆ وى ته‌سليم ببن، وباوه‌رییێ ب وێ بينن يا پێغه‌مبه‌رێن وى پێ ژ نك وى هاتين، وهوين عيساى ودايكا وى د گه‌ل خودێ نه‌كه‌نه هه‌ڤپشك. هوين ڤێ گۆتنێ به‌س كه‌ن ئه‌و بۆ هه‌وه چێتره ژ وێ يا هوين ل سه‌ر، هندى خودێ‌یه خودايه‌كێ ب تنێ‌یه يێ پاك وبلند بت. هه‌ر تشته‌كێ ل عه‌سمانان وعه‌ردى ملكێ وییه، ڤێجا چاوا ژنه‌ك يان كوڕه‌ك ژ وان بۆ وى دێ هه‌بت؟ وخودێ به‌سه كو بۆ ڕێڤه‌برن وژيارا چێكرییێن خۆ وه‌كيل بت، ڤێجا هوين خۆ بهێلنه ب هيڤییا وى ب تنێ ڤه ئه‌و تێرا هه‌وه هه‌يه.
لَنْ يَّسْتَنْكِفَ الْمَسِيْحُ اَنْ يَّكُوْنَ عَبْدًا لِّلّٰهِ وَلَا الْمَلٰٓئِكَةُ الْمُقَرَّبُوْنَ وَمَنْ يَّسْتَنْكِفْ عَنْ عِبَادَتِهٖ وَيَسْتَكْبِرْ فَسَيَحْشُرُهُمْ اِلَيْهِ جَمِيْعًا
مه‌سيح خۆ ژ هندێ بلندتر نابينت كو به‌نییه‌كێ خودێ بت، وهه‌ر وه‌سا فريشته‌يێن نێزيك ژى خۆ ژ هندێ بلندتر نابينن كو په‌رستنا خودێ بكه‌ن، وهه‌چییێ خۆ بلندتر ومه‌زنتر ژ به‌ندايه‌تیێ ببينت ئه‌و وان هه‌مییان ل ڕۆژا قيامه‌تێ بۆ نك خۆ دێ كۆم كه‌ت، و ب حوكمێ خۆ يێ عادل دێ حوكمى د ناڤبه‌را وان دا كه‌ت، وئه‌و هه‌ر يه‌كى وى جزايێ ئه‌و ژ هه‌ژى دێ ده‌تێ.
فَاَمَّا الَّذِيْنَ اٰمَنُوْا وَعَمِلُوا الصّٰلِحٰتِ فَيُوَفِّيْهِمْ اُجُوْرَهُمْ وَيَزِيْدُهُمْ مِّنْ فَضْلِهٖ وَاَمَّا الَّذِيْنَ اسْتَنْكَفُوْا وَاسْتَكْبَرُوْا فَيُعَذِّبُهُمْ عَذَابًا اَلِيْمًا وَّلَا يَجِدُوْنَ لَهُمْ مِّنْ دُوْنِ اللّٰهِ وَلِيًّا وَّلَا نَصِيْرًا
ڤێجا هندى ئه‌ون يێن ب گۆتن وكريار باوه‌رى ب خودێ ئيناى، و ل سه‌ر ڕێكا شريعه‌تێ وى خۆ ڕاست كرى، ئه‌و جزايێ كريارێن وان دێ ده‌تێ، و ژ قه‌نجییا خۆ ئه‌و دێ ل وان زێده كه‌ت، وهندى ئه‌ون يێن گوهدارییا خودێ نه‌كرى، وخۆ ژ هندێ بلندتر ديتى كو خۆ بۆ وى بچه‌مينن ئه‌و دێ وان عه‌زاب ده‌ت عه‌زابدانه‌كا ب ئێش، وئه‌و ژبلى وى چو سه‌ركاران بۆ خۆ نابينن وان ژ عه‌زابا وى ڕزگار بكه‌ن، وئه‌و ژبلى خودێ چو پشته‌ڤانان ژى بۆ خۆ نابينن وان ب سه‌ر بێخن.
يٰ٘اَيُّهَا النَّاسُ قَدْ جَآءَكُمْ بُرْهَانٌ مِّنْ رَّبِّكُمْ وَاَنْزَلْنَا٘ اِلَيْكُمْ نُوْرًا مُّبِيْنًا
ئه‌ى گهلى مرۆڤان ده‌ليله‌كێ ئاشكه‌را ژ خودايێ هه‌وه بۆ هه‌وه هات، كو پێغه‌مبه‌رێ مه موحه‌ممه‌ده، وئه‌و ده‌ليلێن ئاشكه‌را يێن ئه‌و پێ هاتى، ويێ ژ هه‌مییان مه‌زنتر قورئانا پيرۆزه، تشتێ ڕاستییا پێغه‌مبه‌رينى وپه‌ياما وى ديار دكه‌ت، ومه قورئان بۆ هه‌وه هنارت هيدايه‌ت وڕۆناهییه‌كا ئاشكه‌را.
فَاَمَّا الَّذِيْنَ اٰمَنُوْا بِاللّٰهِ وَاعْتَصَمُوْا بِهٖ فَسَيُدْخِلُهُمْ فِيْ رَحْمَةٍ مِّنْهُ وَفَضْلٍ وَّيَهْدِيْهِمْ اِلَيْهِ صِرَاطًا مُّسْتَقِيْمًا
ڤێجا ئه‌وێن ب گۆتن وكريار باوه‌رى ب خودێ ئيناى، وخۆ ب وێ ڕۆناهییێ ڤه گرتى يا مه بۆ ئينايه خوارێ، پاشى ئه‌و ژ قه‌نجى ودلۆڤانییا خۆ دێ وان كه‌ته د به‌حه‌شتێ دا، ودێ به‌رێ وان ده‌ته ڕێكا ڕاست يا سه‌رى دكێشته به‌حه‌شتێ.
يَسْتَفْتُوْنَكَ قُلِ اللّٰهُ يُفْتِيْكُمْ فِي الْكَلٰلَةِ اِنِ امْرُؤٌا هَلَكَ لَيْسَ لَهٗ وَلَدٌ وَّلَهٗ٘ اُخْتٌ فَلَهَا نِصْفُ مَا تَرَكَ وَهُوَ يَرِثُهَا٘ اِنْ لَّمْ يَكُنْ لَّهَا وَلَدٌ فَاِنْ كَانَتَا اثْنَتَيْنِ فَلَهُمَا الثُّلُثٰنِ مِمَّا تَرَكَ وَاِنْ كَانُوْ٘ا اِخْوَةً رِّجَالًا وَّنِسَآءً فَلِلذَّكَرِ مِثْلُ حَظِّ الْاُنْثَيَيْنِ يُبَيِّنُ اللّٰهُ لَكُمْ اَنْ تَضِلُّوْا وَاللّٰهُ بِكُلِّ شَيْءٍ عَلِيْمٌ
ئه‌ى موحه‌ممه‌د ئه‌و پسيارا وى ژ ته دكه‌ن يێ بمرت ونه‌باب هه‌ى ونه‌زارۆ، تو بێژه: خودێ حوكمێ وى بۆ هه‌وه ئاشكه‌را دكه‌ت: ئه‌گه‌ر مرۆڤه‌ك مر ونه وى دايباب هه‌بن ونه زارۆ، ووى خويشكه‌كا دايبابى هه‌بت، يان خويشكه‌كا ژ بابێ ب تنێ، نيڤا ميراتێ وى بۆ وێ‌يه، وبرايێ وێ يێ دايبابى بت يان يێ ژ بابێ بت هه‌مى ميراتێ وێ وه‌ردگرت ئه‌گه‌ر ئه‌و مر ووێ نه چو زارۆ هه‌بن ونه دايباب. وئه‌گه‌ر ئه‌وێ دمرت ونه دايباب هه‌ين ونه زارۆ دو خويشك هه‌بن دوسێكا مالێ وى هێلاى بۆ وانه. وئه‌گه‌ر برايێن نه ژ دايێ د گه‌ل يێن مێ كۆم بوون بۆ يێ نێر وه‌كى بارا دو ژ يێن مێ‌یه ژ خويشكێن وى. خودێ لێكڤه‌كرنا ميراتى وحوكمێ ميراتێ وى يێ بێ دايباب وزارۆ بۆ هه‌وه ئاشكه‌را دكه‌ت؛ دا هوين د مه‌سه‌لا ميراتى دا ژ حه‌قییێ به‌رزه نه‌بن. وخودێ ب دويماهییا كاران يێ زانايه، و د زانت كانێ چ خێر بۆ به‌نییێن وى تێدا هه‌يه.