وَالصّٰٓفّٰتِ صَفًّا
خودێ سويند ب وان فريشته‌يان خوارییه يێن بۆ كرنا عيباده‌تى خۆ ب ڕێز دكه‌ن.
فَالزّٰجِرٰتِ زَجْرًا
و ب وان يێن ب فه‌رمانا خودێ عه‌وران پاشڤه‌دبه‌ن ودهاژۆن.
فَالتّٰلِيٰتِ ذِكْرًا
و ب وان يێن گۆتنا خودێ دخوينن وزكرێ وى دكه‌ن.
اِنَّ اِلٰهَكُمْ لَوَاحِدٌ
هندى خودايێ هه‌وه‌يه خودايه‌كێ ب تنێ‌یه يێ بێ شريكه، ڤێجا هوين په‌رستنا وى بكه‌ن.
رَبُّ السَّمٰوٰتِ وَالْاَرْضِ وَمَا بَيْنَهُمَا وَرَبُّ الْمَشَارِقِ
ئه‌وه ئافرانده‌رێ عه‌سمانان وعه‌ردى وهه‌ر تشته‌كێ د ناڤبه‌را وان دا، وئه‌وه ڕۆژێ ل ڕۆژهه‌لات وڕۆژئاڤايێ ب ڕێڤه دبه‌ت.
اِنَّا زَيَّنَّا السَّمَآءَ الدُّنْيَا بِزِيْنَةِ اِۨلْكَوَاكِبِ
هندى ئه‌مين مه عه‌سمانێ دنيايێ ب ستێران خه‌ملاندییه.
وَحِفْظًا مِّنْ كُلِّ شَيْطٰنٍ مَّارِدٍ
ومه ئه‌و ب ستێران ژ هه‌ر شه‌يتانه‌كێ ژ ڕێ ده‌ركه‌فتى پاراستییه.
لَا يَسَّمَّعُوْنَ اِلَي الْمَلَاِ الْاَعْلٰي وَيُقْذَفُوْنَ مِنْ كُلِّ جَانِبٍ
شه‌يتان نه‌شێن بگه‌هنه كۆما بلندتر ژ وان ملياكه‌تێن كو ل عه‌سمانان؛ دا گوهێ خۆ بده‌نه وان ده‌مێ ئه‌و ب وێ وه‌حییێ دئاخڤن يا خودێ گۆتى ژ شريعه‌ت وقه‌ده‌را خۆ، و ژ هه‌ر لايه‌كى ڤه ستێر ل وان دئێنه ڕژاندن.
دُحُوْرًا وَّلَهُمْ عَذَابٌ وَّاصِبٌ
دا ئه‌و ژ گوهدانێ بێنه پاشڤه‌برن، و ل ئاخره‌تێ عه‌زابه‌كا به‌رده‌وام و ب ئێش بۆ وان هه‌يه.
اِلَّا مَنْ خَطِفَ الْخَطْفَةَ فَاَتْبَعَهٗ شِهَابٌ ثَاقِبٌ
وه‌سا تێ نه‌بت كو يه‌ك ژ وان ل عه‌سمانى گوهـ ل گۆتنه‌كێ ببت و ب له‌ز وێ بڕه‌ڤينت، وبۆ يێ د بن خۆ دا بهاڤێت، وئه‌وێ د بن وى دا ژ وى وه‌رگرت وئه‌و ژى بۆ يه‌كێ دى يێ د بن خۆ دا بهاڤێت، ڤێجا به‌لكى ئه‌و ستێرا ڕژيايى ڤێ بكه‌ڤت به‌رى ئه‌و وێ گۆتنێ وه‌رگرت، وبه‌لكى ئه‌و وه‌رگرت به‌رى ستێرا ڕژيايى ڤێ بكه‌ڤت ووى بسۆژت، ڤێجا ئه‌و دێ وێ گۆتنێ بۆ خێڤزانكان به‌ت وئه‌و سه‌د دره‌وان ده‌ته د گه‌ل.
فَاسْتَفْتِهِمْ اَهُمْ اَشَدُّ خَلْقًا اَمْ مَّنْ خَلَقْنَا اِنَّا خَلَقْنٰهُمْ مِّنْ طِيْنٍ لَّازِبٍ
ڤێجا تو -ئه‌ى موحه‌ممه‌د- پسيارا وان بكه يێن كافرییێ ب ڕابوونا پشتى مرنێ دكه‌ن: ئه‌رێ ئافراندنا وان دژوارتره يان ئافراندنا ڤان چێكرییان يێن مه ئافراندين؟ هندى ئه‌مين مه بابێ وان ئاده‌م ژ ته‌قنه‌كا كـزر يا پێكڤه بنويست ئافراندییه.
بَلْ عَجِبْتَ وَيَسْخَرُوْنَ
يان تو ژ دره‌وپێكرن وكوفرا وان ب قيامه‌تێ عه‌جێبگرتى دبى، ويا ژ كوفرا وان عه‌جێبتر ئه‌وه ئه‌و يارییان ب ته وگۆتنا ته دكه‌ن.
وَاِذَا ذُكِّرُوْا لَا يَذْكُرُوْنَ
وئه‌گه‌ر بيرا وان ل وى تشتى هاته ئينان يێ وان ژ بيركرى يان ژێ بێ ئاگه‌هـ بووين، ئه‌و مفاى بۆ خۆ ژ ڤێ بيرئينانێ نابينن وهزرێن خۆ تێدا ناكه‌ن.
وَاِذَا رَاَوْا اٰيَةً يَّسْتَسْخِرُوْنَ
وئه‌گه‌ر وان موعجزه‌يه‌كا پێغه‌مبه‌رينییا ته ديت ئه‌و عه‌جێبگرتى دبن ويارییان بۆ خۆ پێ دكه‌ن.
وَقَالُوْ٘ا اِنْ هٰذَا٘ اِلَّا سِحْرٌ مُّبِيْنٌ
ودبێژن: هه‌ما ئه‌ڤا تو پێ هاتى سێره‌به‌ندییه‌كا ئاشكه‌رايه.
ءَاِذَا مِتْنَا وَكُنَّا تُرَابًا وَّعِظَامًا ءَاِنَّا لَمَبْعُوْثُوْنَ
ئه‌رێ ئه‌گه‌ر ئه‌م مرين وبووينه ئاخ وهه‌ستییه‌كێ پێتى، ئه‌رێ جاره‌كا دى ئه‌م دێ ژ گۆڕێن خۆ ڕابينه‌ڤه.
اَوَ اٰبَآؤُنَا الْاَوَّلُوْنَ
ئه‌رێ وبابێن مه يێن به‌رى مه چووين ئه‌و ژى دێ ڕابنه‌ڤه؟
قُلْ نَعَمْ وَاَنْتُمْ دَاخِرُوْنَ
تو بێژه وان: به‌لێ هوين دێ ڕابنه‌ڤه، وهوين دڕه‌زيل وشكه‌ستى.
فَاِنَّمَا هِيَ زَجْرَةٌ وَّاحِدَةٌ فَاِذَا هُمْ يَنْظُرُوْنَ
ئێدى هه‌ما ئه‌و پفكرنه‌كا ب تنێ‌یه، ڤێجا هنگى ئه‌و ژ گۆڕێن خۆ ڕادبن وترس وسه‌هما ڕۆژا قيامه‌تێ دبينن.
وَقَالُوْا يٰوَيْلَنَا هٰذَا يَوْمُ الدِّيْنِ
وگۆتن: تێچوون بۆ مه بت، ئه‌ڤه ڕۆژا حسێب وجزادانێیه.
هٰذَا يَوْمُ الْفَصْلِ الَّذِيْ كُنْتُمْ بِهٖ تُكَذِّبُوْنَ
ئه‌ڤه ئه‌و ڕۆژه يا ب دادییێ حوكم د ناڤبه‌را خه‌لكى دا دئێته‌كرن، ئه‌و ڕۆژا د دنيايێ دا هه‌وه كوفر پێ كرى.
اُحْشُرُوا الَّذِيْنَ ظَلَمُوْا وَاَزْوَاجَهُمْ وَمَا كَانُوْا يَعْبُدُوْنَ
هوين كافران ويێن وه‌كى وان وئه‌و خوداوه‌ندێن وان په‌رستـن بۆ دكر كۆم بكه‌ن.
مِنْ دُوْنِ اللّٰهِ فَاهْدُوْهُمْ اِلٰي صِرَاطِ الْجَحِيْمِ
و ب دژوارى وان بهاژۆنه جه‌هنه‌مێ.
وَقِفُوْهُمْ اِنَّهُمْ مَّسْــُٔوْلُوْنَ
وبــه‌رى ئـه‌و بـگـه‌هنه جه‌هنه‌مێ هوين وان ڕاوه‌ستينن؛ چونكى پسيارا گۆتن وكريارێن وان يێن دنيايێ دێ ژ وان ئێته‌كرن.
مَا لَكُمْ لَا تَنَاصَرُوْنَ
وبۆ وان دئێته گۆتن: هه‌وه چییه بۆچـى هـنـده‌ك ژ هه‌وه پشته‌ڤانییا هنده‌كان ناكه‌ن؟
بَلْ هُمُ الْيَوْمَ مُسْتَسْلِمُوْنَ
به‌لكى ئه‌و ئه‌ڤرۆ ل بن فه‌رمانا خودێنه، نه‌شێن بێ ئه‌مرییا وى بكه‌ن يان ژێ لاده‌ن.
وَاَقْبَلَ بَعْضُهُمْ عَلٰي بَعْضٍ يَّتَسَآءَلُوْنَ
وهنده‌ك كافر ب نك هنده‌كان ڤه هاتن دا هـه‌ڤـڕكـییـێ بـكـه‌ن ولـۆمـه‌ى يـه‌ك ودو بكه‌ن.
قَالُوْ٘ا اِنَّكُمْ كُنْتُمْ تَاْتُوْنَنَا عَنِ الْيَمِيْنِ
دويكه‌فتییان گۆت: هندى هوينن هوين ژ لايێ دينى وحه‌قییێ ڤه دهاتنه مه، وهـه‌وه سـه‌رداچـوون ل بـه‌ر مـه شريـن دكر.
قَالُوْا بَلْ لَّمْ تَكُوْنُوْا مُؤْمِنِيْنَ
ئه‌وێن دويكه‌فتـن بۆ هاتییه‌كرن: وه‌سا نينه وه‌كى هوين دبێژن، به‌لكى هه‌ما هه‌وه ب خۆ باوه‌رى نه‌دڤيا.
وَمَا كَانَ لَنَا عَلَيْكُمْ مِّنْ سُلْطٰنٍ بَلْ كُنْتُمْ قَوْمًا طٰغِيْنَ
ومه چو هێجه‌ته‌ك يان ده‌سهه‌لاته‌ك ل سه‌ر هه‌وه نه‌بوو، به‌لكى هوين ملله‌ته‌كێ سه‌ردا چووى بوون.
فَحَقَّ عَلَيْنَا قَوْلُ رَبِّنَا٘ اِنَّا لَذَآئِقُوْنَ
ڤێجا ئه‌م هه‌مى هێژاى گه‌فا خودايێ خۆ بووين، هندى ئه‌مين ئه‌م وهوين پێكڤه دێ تام كه‌ينه عه‌زابێ.
فَاَغْوَيْنٰكُمْ اِنَّا كُنَّا غٰوِيْنَ
ڤێجا مه به‌رێ هه‌وه ژ ڕێكا خودێ وباوه‌رییێ وه‌رگێڕا، هندى ئه‌مين ئه‌م به‌رى هه‌وه دبه‌رزه بووين.
فَاِنَّهُمْ يَوْمَئِذٍ فِي الْعَذَابِ مُشْتَرِكُوْنَ
ڤێجا ئه‌و هه‌مى ل ڕۆژا قيامه‌تێ د عه‌زابێ دا دپشكدارن.
اِنَّا كَذٰلِكَ نَفْعَلُ بِالْمُجْرِمِيْنَ
هندى ئه‌مين ئه‌م ڤێ د گه‌ل وان دكه‌ين، يێن د دنيايێ دا ڕێكا بێ ئه‌مرییا خودێ هلبژارتى.
اِنَّهُمْ كَانُوْ٘ا اِذَا قِيْلَ لَهُمْ لَا٘ اِلٰهَ اِلَّا اللّٰهُ يَسْتَكْبِرُوْنَ
هندى ئه‌و بوتپه‌رێس بوون ده‌مێ د دنيايێ دا بۆ وان هاتبا گۆتن: ژ خودێ پێڤه‌تر چو خودايێن ڕاست نينن، ئه‌و دا خۆ ژ ڤێ گازییێ وخودانێن وێ مه‌زنتر لێ كه‌ن.
وَيَقُوْلُوْنَ اَئِنَّا لَتَارِكُوْ٘ا اٰلِهَتِنَا لِشَاعِرٍ مَّجْنُوْنٍ
ووان دگۆت: ئه‌رێ ژ به‌ر گۆتنا زه‌لامه‌كێ شاعر ودين ئه‌م دێ په‌رستنا خوداوه‌ندێن خۆ هێليـن؟
بَلْ جَآءَ بِالْحَقِّ وَصَدَّقَ الْمُرْسَلِيْنَ
ئه‌وان دره‌و كر، موحه‌ممه‌د يێ وه‌سا نينه وه‌كى وان گۆتى، به‌لكى ئه‌و ب قورئانێ وته‌وحيدێ هاتییه، ووى پێغه‌مبه‌رێن به‌رى خۆ د وى تشتى دا يێ ئه‌و پێ هاتين ژ شريعه‌تى وته‌وحيدا خودێ ڕاستگۆ ده‌رێخستينه.
اِنَّكُمْ لَذَآئِقُوا الْعَذَابِ الْاَلِيْمِ
هندى هوينن -گه‌لی بوتپه‌رێسان- هوين دێ تام كه‌نه عه‌زابا ب ئێش ونه‌خۆش.
وَمَا تُجْزَوْنَ اِلَّا مَا كُنْتُمْ تَعْمَلُوْنَ
و ل ئاخره‌تێ هه‌ما هوين دێ ب وان كاران ئێنه جزادان يێن هه‌وه د دنيايێ دا كرين.
اِلَّا عِبَادَ اللّٰهِ الْمُخْلَصِيْنَ
ئه‌و به‌نییێن خودێ تێ نه‌بن يێن ژ دل په‌رستنا وى كرى، ڤێجا وى ئه‌و هلبژارتين ودلۆڤانییا خۆ ب تايبه‌تى دايه وان.
اُولٰٓئِكَ لَهُمْ رِزْقٌ مَّعْلُوْمٌ
بۆ وان ڕزقه‌كێ ده‌سنيشانكرى وبێ ڤه‌بڕين د به‌حه‌شتێ دا هه‌يه.
فَوَاكِهُ وَهُمْ مُّكْرَمُوْنَ
ئه‌و ڕزق فێقییه‌كێ گه‌له‌ك ڕه‌نگه.
فِيْ جَنّٰتِ النَّعِيْمِ
و د به‌حه‌شتێن خۆشییا وان يا به‌رده‌وام دا ئه‌و ب قه‌در وقيمه‌تن.
عَلٰي سُرُرٍ مُّتَقٰبِلِيْنَ
ئه‌و ل ڕاستا يه‌ك ل سه‌ر هنده‌ك ته‌ختانه.
يُطَافُ عَلَيْهِمْ بِكَاْسٍ مِّنْ مَّعِيْنٍۣ
په‌رداغێن مه‌يێ يێن كو ژ ڕويبارێن بۆش هاتينه داگرتن ل سه‌ر وان دئێنه گێڕان، ئه‌و ژ خلاسبوونێ ناترسن.
بَيْضَآءَ لَذَّةٍ لِّلشّٰرِبِيْنَ
ڕه‌نگێ وێ مه‌يێ يێ سپییه، وتاما وێ يا خۆشه.
لَا فِيْهَا غَوْلٌ وَّلَا هُمْ عَنْهَا يُنْزَفُوْنَ
نه چو خرابییا له‌شى تێدايه ونه چو خرابییا عه‌قلی.
وَعِنْدَهُمْ قٰصِرٰتُ الطَّرْفِ عِيْنٌ
و ل نك وان هنده‌ك ژنكێن ده‌همه‌ن پاقژ هه‌نه، دچاڤ گرن وژبلی زه‌لامێن وان ئه‌و به‌رێ خۆ ناده‌نه كه‌سێ.
كَاَنَّهُنَّ بَيْضٌ مَّكْنُوْنٌ
ئه‌و وه‌كى وان هێكێن ڤه‌شارتينه يێن كه‌سێ ده‌ست نه‌كرییێ.
فَاَقْبَلَ بَعْضُهُمْ عَلٰي بَعْضٍ يَّتَسَآءَلُوْنَ
ڤێجا هنده‌ك ژ وان ب نك هنده‌كان ڤه هاتن وپسيارا حالێ دنيايێ ژ يه‌ك ودو كرن.
قَالَ قَآئِلٌ مِّنْهُمْ اِنِّيْ كَانَ لِيْ قَرِيْنٌ
به‌حه‌شتییه‌كى گۆت: د دنيايێ دا هه‌ڤاله‌كێ نێزيك من هه‌بوو.
يَّقُوْلُ ءَاِنَّكَ لَمِنَ الْمُصَدِّقِيْنَ
وى دگۆت: چاوا تو باوه‌رییێ ب ڕابوونا پشتى مرنێ دئينى وئه‌و ب خۆ تشته‌كێ گه‌له‌كێ غه‌ريبه؟
ءَاِذَا مِتْنَا وَكُنَّا تُرَابًا وَّعِظَامًا ءَاِنَّا لَمَدِيْنُوْنَ
ئه‌رێ ئه‌گه‌ر ئه‌م مرين وپرت پرت بووين، وبووينه ئاخ وهه‌ستى، جاره‌كا دى دێ ڕابينه‌ڤه ودێ حسێب وجزادان د گه‌ل مه ئێته‌كرن؟
قَالَ هَلْ اَنْتُمْ مُّطَّلِعُوْنَ
ڤى خودان باوه‌رێ بۆ به‌حه‌شتێ هاتییه‌برن گۆته هه‌ڤالێن خۆ: ئه‌رێ هوين دێ ئێنه هنداڤ دا به‌رێ خۆ بده‌ينێ كانێ دويماهییا وى هه‌ڤالی بوويه چ؟
فَاطَّلَعَ فَرَاٰهُ فِيْ سَوَآءِ الْجَحِيْمِ
ڤێجا ئه‌و هاته هنداڤ ووى ئه‌و هه‌ڤالێ خۆ د نيڤا ئاگرى دا ديت.
قَالَ تَاللّٰهِ اِنْ كِدْتَّ لَتُرْدِيْنِ
خودان باوه‌رى گۆته هه‌ڤالێ خۆ يێ باوه‌رى ب ڕابوونا پشتى مرنێ نه‌ئيناى: ب ڕاستى نێزيك بوو تو من تێ ببه‌ى وبه‌رێ من ژ باوه‌رییێ وه‌رگێڕى ئه‌گه‌ر من گوهێ خۆ دابا ته.
وَلَوْلَا نِعْمَةُ رَبِّيْ لَكُنْتُ مِنَ الْمُحْضَرِيْنَ
وئه‌گه‌ر قه‌نجییا خودايێ من ل سه‌ر من نه‌با كو وى به‌رێ من دايه هيدايه‌تێ وئه‌ز ل سه‌ر موكم كريم، ئه‌ز ژى دا ژ وان بم يێن د گه‌ل ته د ئاگرى دا ئاماده بووين.
اَفَمَا نَحْنُ بِمَيِّتِيْنَ
ئه‌رێ ڕاسته ئه‌م هه‌ر دێ د خۆشییان دا مينين.
اِلَّا مَوْتَتَنَا الْاُوْلٰي وَمَا نَحْنُ بِمُعَذَّبِيْنَ
وهه‌ما به‌س دێ جارا يه‌كێ د دنيايێ دا مرين، وپشتى ئه‌م دچينه د به‌حه‌شتێ دا ئه‌م نائێينه عه‌زابدان؟
اِنَّ هٰذَا لَهُوَ الْفَوْزُ الْعَظِيْمُ
ب ڕاستى ئه‌ڤ خۆشییا ئه‌م تێدا ئه‌وه سه‌ركه‌فتنا مه‌زن.
لِمِثْلِ هٰذَا فَلْيَعْمَلِ الْعٰمِلُوْنَ
بۆ ڤێ خۆشییا ته‌كووز، ومانا هه‌ر وهه‌ر، وسه‌ركه‌فتنا مه‌زن، بلا خودان كار د دنيايێ دا كارى بكه‌ن؛ دا ئه‌و ل ئاخره‌تێ بگه‌هنه ڤێ چه‌ندێ.
اَذٰلِكَ خَيْرٌ نُّزُلًا اَمْ شَجَرَةُ الزَّقُّوْمِ
ئه‌رێ ئه‌وا بۆرى ژ به‌حسێ به‌حه‌شتێ دان ومێڤاندارییه‌كا چێتره، يان دارا زه‌ققومێ يا پيس، كو دێ بته خوارنا جه‌هنه‌مییان؟
اِنَّا جَعَلْنٰهَا فِتْنَةً لِّلظّٰلِمِيْنَ
هندى ئه‌ميـن مه ئه‌و دار يا كرییه فتنه وجه‌ڕباندن بۆ وان كه‌سێن ب كوفرێ وگونه‌هان زۆردارى ل خۆ كرى، ووان ب خۆمه‌زنكرن ڤه گۆت: هه‌ڤالێ هه‌وه دبێژت داره‌ك د ئاگرى دا هه‌يه، وئه‌و ب خۆ ئاگر دارى دخۆت.
اِنَّهَا شَجَرَةٌ تَخْرُجُ فِيْ٘ اَصْلِ الْجَحِيْمِ
هندى دارا زه‌ققومێیه داره‌كه د بنێ جه‌هنه‌مێ دا شين دبت.
طَلْعُهَا كَاَنَّهٗ رُءُوْسُ الشَّيٰطِيْنِ
فێقییێ وێ وه‌كى سه‌رێن شه‌يتانان يێ كرێته، ڤێجا ماده‌م ڕه‌نگێ وێ يێ وه‌سايه تو پسيارا تاما وێ نه‌كه.
فَاِنَّهُمْ لَاٰكِلُوْنَ مِنْهَا فَمَالِــُٔوْنَ مِنْهَا الْبُطُوْنَ
وهندى بوتپه‌رێسن ئه‌و دێ هند ژ وێ دارێ خون حه‌تا زكێن وان پێ تژى دبن.
ثُمَّ اِنَّ لَهُمْ عَلَيْهَا لَشَوْبًا مِّنْ حَمِيْمٍ
پاشى پشتى ئه‌و ژێ دخۆن ئه‌و ڤه‌خوارنه‌كا تێكه‌ل ژ ئاڤه‌كا زێده كه‌لاندى ونه‌خۆش دێ ب سه‌ر دا كه‌ن.
ثُمَّ اِنَّ مَرْجِعَهُمْ لَا۠اِلَي الْجَحِيْمِ
پاشى پشتى ڤێ عه‌زابێ زڤڕينا وان بۆ عه‌زابا ئاگرییه.
اِنَّهُمْ اَلْفَوْا اٰبَآءَهُمْ ضَآلِّيْنَ
هندى ئه‌ون وان بابێن خۆ ل سه‌ر كوفرێ وسه‌رداچوونێ ديتبوون.
فَهُمْ عَلٰ٘ي اٰثٰرِهِمْ يُهْرَعُوْنَ
ڤێجا وان ب له‌ز دويكه‌فتنا وان كر.
وَلَقَدْ ضَلَّ قَبْلَهُمْ اَكْثَرُ الْاَوَّلِيْنَ
و ب ڕاستى به‌رى ملله‌تێ ته -ئه‌ى موحه‌ممه‌د- پترییا ملله‌تێن بۆرى ژ حه‌قییێ به‌رزه بووبوون.
وَلَقَدْ اَرْسَلْنَا فِيْهِمْ مُّنْذِرِيْنَ
و ب ڕاستى هنده‌ك پێغه‌مبه‌ر بۆ وان ملله‌تان مه هنارتبوون دا وان بترسينن به‌لێ وان باوه‌رى پێ نه‌ئينا.
فَانْظُرْ كَيْفَ كَانَ عَاقِبَةُ الْمُنْذَرِيْنَ
ڤێجا تو هزرێن خۆ بكه كانێ دويماهییا وان ملله‌تێن هاتينه ترساندن ووان باوه‌رى نه‌ئيناى چ بوو؟ ئه‌و هاتبوونه عه‌زابدان، وبۆ خه‌لكى بووبوونه عيبره‌ت.
اِلَّا عِبَادَ اللّٰهِ الْمُخْلَصِيْنَ
ئه‌و به‌نییێن خودێ تێ نه‌بن يێن ئيخلاص بۆ خودێ كرى، ووى ژ به‌ر ئيخلاصا وان دلۆڤانى پێ برى.
وَلَقَدْ نَادٰىنَا نُوْحٌ فَلَنِعْمَ الْمُجِيْبُوْنَ
و ب ڕاستى نووحى گازى مه كربوو؛ دا ئه‌م وى ب سه‌ر ملله‌تێ وى بێخيـن، ڤێجا ئه‌م چ باش به‌رسڤدار بووين بۆ وى.
وَنَجَّيْنٰهُ وَاَهْلَهٗ مِنَ الْكَرْبِ الْعَظِيْمِ
ومه ئه‌و ومرۆڤێن وى وخودان باوه‌ر ژى د گه‌ل دا ژ نه‌خۆشییا بوتپه‌رێسان وخه‌ندقاندنا ب تووفانێ ڕزگاركرن.
وَجَعَلْنَا ذُرِّيَّتَهٗ هُمُ الْبَاقِيْنَ
ودوونده‌ها وى بوو پشتى خه‌ندقاندنا ملله‌تێ وى مه هێلاى.
وَتَرَكْنَا عَلَيْهِ فِي الْاٰخِرِيْنَ
ومه ب باشى ناڤ وده‌نگێن وى د ناڤ وى خه‌لكێ پشتى وى دا هاتى هێلان.
سَلٰمٌ عَلٰي نُوْحٍ فِي الْعٰلَمِيْنَ
مه نووح ژ هندێ پاراست كو پشتى وى به‌حسێ وى ب خرابى بێته‌كرن.
اِنَّا كَذٰلِكَ نَجْزِي الْمُحْسِنِيْنَ
جزايه‌كێ وه‌كى ڤى يێ مه دايه نووحى ئه‌م دده‌ينه هه‌ر يه‌كێ گوهدارییا خودێ بكه‌ت.
اِنَّهٗ مِنْ عِبَادِنَا الْمُؤْمِنِيْنَ
هندى نووحه ئه‌و ژ وان به‌نییێن مه‌يه يێن خودان باوه‌ر ودل صافى.
ثُمَّ اَغْرَقْنَا الْاٰخَرِيْنَ
پاشى ئه‌وێن دى خه‌ندقاندن.
وَاِنَّ مِنْ شِيْعَتِهٖ لَاِبْرٰهِيْمَ
وهندى ئيبراهيمه ژ وانه يێن ل سه‌ر ڕێبازا نووحى چووين.
اِذْ جَآءَ رَبَّهٗ بِقَلْبٍ سَلِيْمٍ
ده‌مێ ئه‌و ب دله‌كێ ساخله‌م ژ هه‌ر باوه‌رییه‌كا خراب ڤه هاتییه نك خودايێ خۆ.
اِذْ قَالَ لِاَبِيْهِ وَقَوْمِهٖ مَاذَا تَعْبُدُوْنَ
ده‌مێ وى گۆتییه بابێ خۆ وملله‌تێ خۆ: ئه‌ڤه چيه هوين ژبلی خودێ په‌رستنێ بۆ دكه‌ن؟
اَئِفْكًا اٰلِهَةً دُوْنَ اللّٰهِ تُرِيْدُوْنَ
ئه‌رێ هه‌وه هنده‌ك خوداوه‌ندێن چێكرى دڤێن، هوين په‌رستنێ بۆ دكه‌ن؟
فَمَا ظَنُّكُمْ بِرَبِّ الْعٰلَمِيْنَ
ڤێجا هوين چ هزر دكه‌ن، ئه‌رێ خودايێ هه‌مى چێكرییان دێ چ ل هه‌وه كه‌ت كو هه‌وه شريك بۆ وى د په‌رستنێ دا داناين؟
فَنَظَرَ نَظْرَةً فِي النُّجُوْمِ
ئينا ئيبراهيمى به‌رێ خۆ ب لايێ ستێران ڤه دا، هزرێن خۆ كرن كانێ دێ چ هێجه‌تێ بۆ خۆ بينت دا د گه‌ل ملله‌تێ خۆ ده‌رنه‌كه‌فته جه‌ژنا وان.
فَقَالَ اِنِّيْ سَقِيْمٌ
ئينا وى گۆته وان: ئه‌زێ نه‌خۆشم.
فَتَوَلَّوْا عَنْهُ مُدْبِرِيْنَ
وان پشتا خۆ دايێ وچوون.
فَرَاغَ اِلٰ٘ي اٰلِهَتِهِمْ فَقَالَ اَلَا تَاْكُلُوْنَ
ئينا ئه‌و ب له‌ز چوو نك صه‌نه‌مێن ملله‌تێ خۆ، و ب تڕانه ڤه گۆته وان: ئه‌رێ ما هوين ڤێ خوارنێ ناخۆن يا خزمه‌تكارێن هه‌وه بۆ هه‌وه دئينن؟
مَا لَكُمْ لَا تَنْطِقُوْنَ
هه‌وه چییه بۆچى هوين نائاخڤن؟
فَرَاغَ عَلَيْهِمْ ضَرْبًاۣ بِالْيَمِيْنِ
ووى ده‌ست دايێ و ب ده‌ستێ خۆ يێ ڕاستێ صه‌نه‌م هه‌مى شكاندن؛ دا بۆ ملله‌تێ خۆ ئاشكه‌را بكه‌ت كو ئه‌و دخه‌له‌تن ده‌مێ ئه‌و عيباده‌تى بۆ وان دكه‌ن.
فَاَقْبَلُوْ٘ا اِلَيْهِ يَزِفُّوْنَ
ئينا ئه‌و ب له‌ز وبه‌ز وكه‌رب وكيـن ڤه ب نك وى ڤه هاتن.
قَالَ اَتَعْبُدُوْنَ مَا تَنْحِتُوْنَ
ئيبراهيم گۆته وان: چاوا هنده‌ك صه‌نه‌مێن هوين ب ده‌ستێن خۆ چێ دكه‌ن هوين دپه‌رێسن.
وَاللّٰهُ خَلَقَكُمْ وَمَا تَعْمَلُوْنَ
وهوين په‌رستنا خودايێ خۆ يێ هوين وكريارێن هه‌وه ژى ئافراندين دهێلن؟
قَالُوا ابْنُوْا لَهٗ بُنْيَانًا فَاَلْقُوْهُ فِي الْجَحِيْمِ
(ده‌مێ وان چو هێجه‌ت نه‌ماين وان ده‌ست دا هێزێ) وگۆتن: ئاڤاهییه‌كى بۆ وى ئاڤاكه‌ن وتژى دار بكه‌ن ووى بهاڤێنه تێدا.
فَاَرَادُوْا بِهٖ كَيْدًا فَجَعَلْنٰهُمُ الْاَسْفَلِيْنَ
ووان به‌رگه‌ڕيان كر دا وى تێ ببه‌ن، ئينا مه ئه‌و كرنه يێن شكاندى وبێزار؛ چونكى هێجه‌تا وى جهێ خۆ گرت.
وَقَالَ اِنِّيْ ذَاهِبٌ اِلٰي رَبِّيْ سَيَهْدِيْنِ
وئيبراهيمى گۆت: هندى ئه‌زم ئه‌ز دێ ژ وه‌لاتێ خۆ مشه‌خت بم وچمه نك خودايێ خۆ ل وه‌لاته‌كێ ئه‌ز بشێم وى لێ بپه‌رێسم؛ چونكى ئه‌و دێ به‌رێ من ده‌ته خێرا دنيايێ وئاخره‌تێ.
رَبِّ هَبْ لِيْ مِنَ الصّٰلِحِيْنَ
خودايێ من تو زارۆيه‌كێ چاك بده من.
فَبَشَّرْنٰهُ بِغُلٰمٍ حَلِيْمٍ
ئينا مه دوعايا وى ب جهـ ئينا، ومه مزگينى ب كوڕه‌كێ ئارام دايێ، يه‌عنى ده‌مێ ئه‌و كوڕ مه‌زن دبت دێ يێ ئارام بت، وئه‌و ئيسماعيل بوو.
فَلَمَّا بَلَغَ مَعَهُ السَّعْيَ قَالَ يٰبُنَيَّ اِنِّيْ٘ اَرٰي فِي الْمَنَامِ اَنِّيْ٘ اَذْبَحُكَ فَانْظُرْ مَاذَا تَرٰي قَالَ يٰ٘اَبَتِ افْعَلْ مَا تُؤْمَرُ سَتَجِدُنِيْ٘ اِنْ شَآءَ اللّٰهُ مِنَ الصّٰبِرِيْنَ
ڤێجا ده‌مێ ئيسماعيل مه‌زن بووى و د گه‌ل بابێ خۆ گه‌ڕياى بابێ وى گۆتێ: ئه‌زێ د خه‌ونێ دا دبينم كو ئه‌زێ ته سه‌رژێ دكه‌م، ڤێجا تو چ دبێژى؟ (وخه‌ونا پێغه‌مبه‌ران حه‌قییه) ئيسماعيلی ژ ڕازيبوونا ب ئه‌مرێ خودايێ خۆ، و ژ باشییا د گه‌ل بابێ خۆ، گۆت: وێ بكه يا خودێ فه‌رمان پێ ل ته كرى ژ سه‌رژێكرنا من، ئه‌گه‌ر خودێ حه‌ز بكه‌ت تو دێ من ژ وان بينى يێن صه‌برێ دكێشن و ب ئه‌مرێ خودێ دڕازى.
فَلَمَّا٘ اَسْلَمَا وَتَلَّهٗ لِلْجَبِيْنِ
ڤێجا ده‌مێ وان خۆ ب ده‌ست فه‌رمانا خودێ ڤه به‌رداى، وئيبراهيمى كوڕێ خۆ ئێخستییه سه‌ر ئه‌نییێ؛ دا سه‌رژێ بكه‌ت.
وَنَادَيْنٰهُ اَنْ يّٰ٘اِبْرٰهِيْمُ
ل وى ده‌مێ به‌رته‌نگ مه گازى ئيبراهيمى كر كو: ئه‌ى ئيراهيم.
قَدْ صَدَّقْتَ الرُّءْيَا اِنَّا كَذٰلِكَ نَجْزِي الْمُحْسِنِيْنَ
ب ڕاستى ته ئه‌و كر يا فه‌رمان پێ ل ته هاتییه‌كرن وته خه‌ونا خۆ ڕاست ده‌رێخست، هندى ئه‌مين كانێ چاوا مه جزايێ ته سه‌را باوه‌رییا ته دا ته وه‌سا ئه‌م جزايێ وان ژى دده‌ين يێن وه‌كى ته قه‌نجى كرى، ڤێجا ئه‌م وان ژ ته‌نگاڤییێن دنيايێ وئاخره‌تێ ڕزگار دكه‌ين.
اِنَّ هٰذَا لَهُوَ الْبَلٰٓؤُا الْمُبِيْنُ
هندى فه‌رمانا ب سه‌رژێكرنا كوڕێ ته‌يه ئه‌و جه‌ڕباندنا ب زه‌حـمه‌ت بوو يا كو ڕاستییا باوه‌رییا ته ئاشكه‌راكرى.
وَفَدَيْنٰهُ بِذِبْحٍ عَظِيْمٍ
ومه ئيسماعيل دا ڕزگاركرن، ومه به‌رانه‌كێ مه‌زن پێش وى ڤه دا.
وَتَرَكْنَا عَلَيْهِ فِي الْاٰخِرِيْنَ
ومه به‌حسێ ئيبراهيمى ب باشى د ناڤ ملله‌تێن پشتى وى دا هاتيـن هێلا.
سَلٰمٌ عَلٰ٘ي اِبْرٰهِيْمَ
سلاڤه‌ك ژ نك خودێ ل ئيبراهيمى بت، ودوعايه‌ك ب سلامه‌تییا وى ژ هه‌ر نه‌خۆشییه‌كێ.
كَذٰلِكَ نَجْزِي الْمُحْسِنِيْنَ
وكانێ چاوا مه سه‌را گوهدارییا ئيبراهيمى جزايێ وى دايێ، وه‌سا ئه‌م جزايێ به‌نییێن خۆ يێن قه‌نجيكار ژى دده‌ينێ.
اِنَّهٗ مِنْ عِبَادِنَا الْمُؤْمِنِيْنَ
هندى ئه‌وه ئه‌و ژ به‌نییێن مه يێن خودان باوه‌ره يێن ب دورستى عه‌بدينییا خودێ كرى.
وَبَشَّرْنٰهُ بِاِسْحٰقَ نَبِيًّا مِّنَ الصّٰلِحِيْنَ
و ژ به‌ر صه‌بركێشان وڕازيبوونا ئيبراهيمى ب ئه‌مرێ خودايێ وى وگوهدارییا وى مه مزگينى ب كوڕێ وى ئيسحاقى دايێ كو ئه‌و دێ پێغه‌مبه‌ره‌كێ ژ چاكان بت.
وَبٰرَكْنَا عَلَيْهِ وَعَلٰ٘ي اِسْحٰقَ وَمِنْ ذُرِّيَّتِهِمَا مُحْسِنٌ وَّظَالِمٌ لِّنَفْسِهٖ مُبِيْنٌ
ومه به‌ره‌كه‌ت ب سه‌ر وان دا ئينا خوارێ. و ژ دوونده‌ها وان هه‌ر دووان هه‌يه يێ گوهدارییا خودايێ خۆ دكه‌ت، وقه‌نجییێ ل خۆ دكه‌ت، وهه‌يه يێ ب كوفرێ وگونه‌هكارییێ ئاشكه‌را زۆردارییێ ل خۆ دكه‌ت.
وَلَقَدْ مَنَنَّا عَلٰي مُوْسٰي وَهٰرُوْنَ
و ب ڕاستى مه ب پێغه‌مبه‌رينییێ منه‌ت ل مووساى وهاروونى كربوو.
وَنَجَّيْنٰهُمَا وَقَوْمَهُمَا مِنَ الْكَرْبِ الْعَظِيْمِ
ومه ئه‌و وملله‌تێ وى ژ خه‌ندقاندنێ ووێ كۆله‌تییا ئه‌و تێدا ڕزگاركرن.
وَنَصَرْنٰهُمْ فَكَانُوْا هُمُ الْغٰلِبِيْنَ
ومه ئه‌و ب سه‌رئێخستـن، ڤێجا سه‌رفه‌رازى وسه‌ركه‌فتنا ل سه‌ر فيرعه‌ونى وده‌سته‌كا وى يا وان بوويه.
وَاٰتَيْنٰهُمَا الْكِتٰبَ الْمُسْتَبِيْنَ
وته‌وراتا ئاشكه‌را مه دا وان.
وَهَدَيْنٰهُمَا الصِّرَاطَ الْمُسْتَقِيْمَ
ومه به‌رێ وان هه‌ر دووان دا ڕێكا ڕاست يا چو خوارى تێدا نه، كو ئيسلامه ئه‌و دينێ خودێ پێغه‌مبه‌رێن خۆ پێ هنارتين.
وَتَرَكْنَا عَلَيْهِمَا فِي الْاٰخِرِيْنَ
وبه‌حسه‌كێ باش مه بۆ وان هه‌ر دووان د ناڤ وى خه‌لكى دا هێلا يێ پشتى وان هاتى.
سَلٰمٌ عَلٰي مُوْسٰي وَهٰرُوْنَ
سلاڤه‌ك ژ نك خودێ ل مووساى وهاروونى بت. ودوعايه‌ك ب سلامه‌تییا وان ژ هه‌ر نه‌خۆشییه‌كا هه‌بت.
اِنَّا كَذٰلِكَ نَجْزِي الْمُحْسِنِيْنَ
وكانێ چاوا مه جزايێ وان هه‌ر دووان ب باشى دايێ وه‌سا ئه‌م جزايێ به‌نییێن خۆ يێن قه‌نجيكار ژى دده‌ينێ. ئه‌وێن ئيخلاص د باوه‌رى وكارێ خۆ دا كرى.
اِنَّهُمَا مِنْ عِبَادِنَا الْمُؤْمِنِيْنَ
هندى ئه‌و هه‌ردونه ئه‌و ژ به‌نییێن مه يێن خودان باوه‌رن.
وَاِنَّ اِلْيَاسَ لَمِنَ الْمُرْسَلِيْنَ
وهندى به‌نییێ مه ئلياسه ئه‌و ژ وانه يێن مه ب پێغه‌مبه‌رينییێ كه‌ره‌م د گه‌ل كرى.
اِذْ قَالَ لِقَوْمِهٖ٘ اَلَا تَتَّقُوْنَ
ده‌مێ وى گۆتییه ملله‌تێ خۆ يێ ئسرائيلی: ته‌قوا خودێ ب تنێ بكه‌ن و ژ وى بترسن، وچو شريكان بۆ وى چێ نه‌كه‌ن.
اَتَدْعُوْنَ بَعْلًا وَّتَذَرُوْنَ اَحْسَنَ الْخٰلِقِيْنَ
ئه‌رێ چاوا هوين په‌رستنا صه‌نه‌مه‌كى دكه‌ن، وهوين په‌رستنا خودێ باشترينێ ئافرانده‌ران دهێلن،.
اللّٰهَ رَبَّكُمْ وَرَبَّ اٰبَآئِكُمُ الْاَوَّلِيْنَ
وئه‌وه خودايێ هه‌وه يێ هوين وبابێن هه‌وه يێن به‌رێ ئـافرانـديـن؟
فَكَذَّبُوْهُ فَاِنَّهُمْ لَمُحْضَرُوْنَ
ڤێجا ملله‌تێ ئلياسى پێغه‌مبه‌رێ خۆ دره‌وين ده‌رێخست، ومسۆگه‌ر ڕۆژا قيامه‌تێ خودێ وان بۆ حسێب وجزادانێ دێ كۆم كه‌ت.
اِلَّا عِبَادَ اللّٰهِ الْمُخْلَصِيْنَ
ئه‌و به‌نییێن خودێ تێ نه‌بن يێن ئيخلاص د دينێ خۆ دا كرى، هندى ئه‌ون ئه‌و دێ ژ عه‌زابا خودێ ڕزگار بن.
وَتَرَكْنَا عَلَيْهِ فِي الْاٰخِرِيْنَ
ومه به‌حسه‌كێ باش بۆ ئلياسى د ناڤ وان ملله‌تان دا يێن پشتى وى هاتيـن هێلا.
سَلٰمٌ عَلٰ٘ي اِلْ يَاسِيْنَ
سلاڤه‌ك ژ خودێ ، ومه‌دح بۆ ئلياسى بت.
اِنَّا كَذٰلِكَ نَجْزِي الْمُحْسِنِيْنَ
وكانێ چاوا مه ب باشى جزايێ ئلياسى دايێ سه‌را گوهدارییا وى، وه‌سا ئه‌م جزايێ به‌نییێن خۆ يێن قه‌نجيكار ژ خودان باوه‌ران دده‌ينێ.
اِنَّهٗ مِنْ عِبَادِنَا الْمُؤْمِنِيْنَ
هندى ئه‌وه ئه‌و ژ به‌نییێن مه يێن خودان باوه‌ره يێن ئيخلاص د باوه‌رییا خۆ دا كرى.
وَاِنَّ لُوْطًا لَّمِنَ الْمُرْسَلِيْنَ
وهندى به‌نییێ مه لووطه مه ئه‌و هلبژارتبوو، وكربوو ژ پێغه‌مبه‌ران.
اِذْ نَجَّيْنٰهُ وَاَهْلَهٗ٘ اَجْمَعِيْنَ
ده‌مێ مه ئه‌و ومرۆڤێن وى هه‌مى ژ عه‌زابێ ڕزگاركرين.
اِلَّا عَجُوْزًا فِي الْغٰبِرِيْنَ
پيره‌ژنه‌ك تێ نه‌بت، كو ژنا وى بوو ژ به‌ر كوفرا وێ ئه‌و د گه‌ل وان بوو يێن تێ چووين ژ ملله‌تێ وێ.
ثُمَّ دَمَّرْنَا الْاٰخَرِيْنَ
پاشى ئه‌و دره‌وپێكه‌رێن مايى ژ ملله‌تێ وى مه تێ برن.
وَاِنَّكُمْ لَتَمُرُّوْنَ عَلَيْهِمْ مُّصْبِحِيْنَ
وهندى هوينن -گه‌لی خه‌لكێ مه‌كه‌هێ- هوين ده‌مێ سپێدێ د به‌ر شوينوارێن ملله‌تێ لووطى ڕا دبۆرن.
وَبِالَّيْلِ اَفَلَا تَعْقِلُوْنَ
و ب شه‌ڤێ ژى ئـه‌رێ مـا هـوين فام ناكه‌ن، وناترسن كو ئه‌و ب سه‌رێ هه‌وه بێت يا ب سه‌رێ وان هاتى؟
وَاِنَّ يُوْنُسَ لَمِنَ الْمُرْسَلِيْنَ
وهندى به‌نییێ مه يوونسه مه هلبژارتبوو وكربوو ژ پێغه‌مبه‌ران.
اِذْ اَبَقَ اِلَي الْفُلْكِ الْمَشْحُوْنِ
ده‌مێ بێى فه‌رمانا خودايێ خۆ ئه‌و ژ باژێرێ خۆ ڕه‌ڤى، و ل گه‌مییه‌كا ژ بارى داگرتى وتژى مرۆڤ سويار بووى.
فَسَاهَمَ فَكَانَ مِنَ الْمُدْحَضِيْنَ
وپێلێن مه‌زن دۆر ل وان گرتن، ڤێجا سويارێن گه‌مییێ پشك هاڤێت دا بارێ گه‌مییێ سڤك بكه‌ن ژ ترسێن نقۆبوونا وێ دا، ئينا يوونس ژ وان بوو يێن پشك كه‌فتییه سه‌ر.
فَالْتَقَمَهُ الْحُوْتُ وَهُوَ مُلِيْمٌ
ئينا ئه‌و د ده‌ريايێ دا هاته هاڤێتن، ونه‌هنگى ئه‌و داعويرا، ويوونسى ئه‌و تشت كربوو يێ لۆمه سه‌را لێ بێته كرن.
فَلَوْلَا٘ اَنَّهٗ كَانَ مِنَ الْمُسَبِّحِيْنَ
ڤێجا ئه‌گه‌ر ژ به‌ر وى عيباده‌تى وكارێ چاك نه‌با يێ وى به‌رى بكه‌فته د زكێ نه‌هنگى دا كرى، وكو وى ده‌مێ د زكێ نه‌هنگى دا ته‌سبيحا خودێ دكر ودگۆت: (لا إله إلا أنت سبحانك إنـي كنت من الظالمين).
لَلَبِثَ فِيْ بَطْنِهٖ٘ اِلٰي يَوْمِ يُبْعَثُوْنَ
ئه‌و هه‌ر دا د زكێ نه‌هنگى دا مينت، وئه‌و دا بته گۆڕا وى حه‌تا ڕۆژا قيامه‌تێ.
فَنَبَذْنٰهُ بِالْعَرَآءِ وَهُوَ سَقِيْمٌ
ومه ئه‌و ژ زكێ نه‌هنگى ئينا ده‌ر، وهاڤێته عه‌رده‌كێ ڤالا ژ ئاڤاهى وداروبارى، وئه‌و يێ له‌ش نساخ بوو.
وَاَنْۣبَتْنَا عَلَيْهِ شَجَرَةً مِّنْ يَّقْطِيْنٍ
ومه داره‌كا كولندى ل هنداڤ وى شينكر دا سيبه‌رێ ل وى بكه‌ت، ودا ئه‌و مفاى بۆ خۆ ژێ ببينت.
وَاَرْسَلْنٰهُ اِلٰي مِائَةِ اَلْفٍ اَوْ يَزِيْدُوْنَ
ومه ئه‌و بۆ سه‌د هزاران ژ ملله‌تێ وى يان پتران هنارت.
فَاٰمَنُوْا فَمَتَّعْنٰهُمْ اِلٰي حِيْنٍ
ئينا وان باوه‌رى پێ ئينا، ڤێجا مه حه‌تا ڕۆژا مرنا وان هاتى ئه‌و هێلانه دخۆشییان دا.
فَاسْتَفْتِهِمْ اَلِرَبِّكَ الْبَنَاتُ وَلَهُمُ الْبَنُوْنَ
ڤێجا تو -ئه‌ى موحه‌ممه‌د- پسيارێ ژ ملله‌تێ خۆ بكه: چاوا ئه‌و وان كچێن وان بۆ خۆ نه‌ڤێن بۆ خودێ ددانن، وئه‌و وان كوڕان يێن وان دڤێن بۆ خۆ ددان؟
اَمْ خَلَقْنَا الْمَلٰٓئِكَةَ اِنَاثًا وَّهُمْ شٰهِدُوْنَ
وتو پسيارێ ژ وان بكه: ئه‌رێ مه ب ئاماده‌بوونا وان فريشته مێ ئافراندينه؟
اَلَا٘ اِنَّهُمْ مِّنْ اِفْكِهِمْ لَيَقُوْلُوْنَ
و ژ دره‌وكرنا وانه ده‌مێ ئه‌و دبێژن:
وَلَدَ اللّٰهُ وَاِنَّهُمْ لَكٰذِبُوْنَ
خودێ زارۆيه‌ك بوويه، وهندى ئه‌ون ئه‌و ددره‌وينن؛ چونكى ئه‌و وى تشتى دبێژن يێ ئه‌و نه‌زانن.
اَصْطَفَي الْبَنَاتِ عَلَي الْبَنِيْنَ
بۆچى خودێ كچان دێ بۆ خۆ هلبژێرت وكوڕان نه؟
مَا لَكُمْ كَيْفَ تَحْكُمُوْنَ
چ پيسه حوكمه هوين دكه‌ن، كو كچ بۆ خودێ بن وكوڕ بۆ هه‌وه!
اَفَلَا تَذَكَّرُوْنَ
ئه‌رێ ما هوين نزانن و ل بيرا خۆ نائينن كو چێ نابت خودێ زارۆ هه‌بن؟
اَمْ لَكُمْ سُلْطٰنٌ مُّبِيْنٌ
يان ئه‌رێ هه‌وه هێجه‌ته‌كا ئاشكه‌را ل سه‌ر گۆتن وبێ به‌ختییا خۆ هه‌يه؟
فَاْتُوْا بِكِتٰبِكُمْ اِنْ كُنْتُمْ صٰدِقِيْنَ
ئه‌گه‌ر هه‌وه هێجه‌ته‌ك ژ كيتابه‌كا خودێ هه‌يه پا كانێ بينن، ئه‌گه‌ر هوين د گۆتنا خۆ دا دڕاستگۆنه.
وَجَعَلُوْا بَيْنَهٗ وَبَيْنَ الْجِنَّةِ نَسَبًا وَلَقَدْ عَلِمَتِ الْجِنَّةُ اِنَّهُمْ لَمُحْضَرُوْنَ
وبوتپه‌رێسان مرۆڤاينییه‌ك د ناڤبه‌را خودێ وملياكه‌تان دا په‌يدا كر، و ب ڕاستى ملياكه‌تان زانییه كو هندى بوتپه‌رێسن ڕۆژا قيامه‌تێ بۆ عه‌زابدانێ دئاماده‌كرينه؟
سُبْحٰنَ اللّٰهِ عَمَّا يَصِفُوْنَ
يێ پاك بت خـودێ ژ هه‌ر تشته‌كێ كافر وى پێ سالۆخ دده‌ن.
اِلَّا عِبَادَ اللّٰهِ الْمُخْلَصِيْنَ
به‌لێ به‌نییێن خودێ يێن ئيخلاص د عيباده‌تى دا بۆ وى كرى ب تنێ سالۆخه‌تێن هێژاى وى بۆ وى ده‌سنيشان دكه‌ن.
فَاِنَّكُمْ وَمَا تَعْبُدُوْنَ
ڤێجا هندى هوينن -گه‌لی بوتپه‌رێسان- وئه‌و تشتێ هوين ژبلی خودێ په‌رستنێ بۆ دكه‌ن.
مَا٘ اَنْتُمْ عَلَيْهِ بِفٰتِنِيْنَ
هوين نه‌شێن كه‌سێ د سه‌ر دا ببه‌ن .
اِلَّا مَنْ هُوَ صَالِ الْجَحِيْمِ
ئه‌و تێ نه‌بت يێ قه‌ده‌را خودێ هاتییه سه‌ر كو ژ به‌ر كوفر وزۆردارییـا وى ئه‌و بچته ئـاگـرى.
وَمَا مِنَّا٘ اِلَّا لَهٗ مَقَامٌ مَّعْلُوْمٌ
فريشته‌يان گۆت: وكه‌سه‌ك ژ مه نينه يێ جهه‌كێ ناسيار ل عه‌سمانى بۆ نه‌بت.
وَّاِنَّا لَنَحْنُ الصَّآفُّوْنَ
وهندى ئه‌مين ئه‌م بۆ په‌رستـن وگوهدارییا خودێ ڕێز ڕێز ڕادوه‌ستاينه.
وَاِنَّا لَنَحْنُ الْمُسَبِّحُوْنَ
وهندى ئه‌ميـن ئه‌م خودێ پاك دكه‌ين ژ هـه‌ر تشته‌كێ نه‌هێژاى وى بت.
وَاِنْ كَانُوْا لَيَقُوْلُوْنَ
وهندى كافرێن مه‌كه‌هێنه به‌رى هنارتنا ته دگۆت:
لَوْ اَنَّ عِنْدَنَا ذِكْرًا مِّنَ الْاَوَّلِيْنَ
ئه‌گه‌ر ئه‌و كيتاب وپێغه‌مبه‌رێن بۆ خه‌لكێ به‌رى مه هاتيـن بۆ مه هاتبان.
لَكُنَّا عِبَادَ اللّٰهِ الْمُخْلَصِيْنَ
ئه‌م دا ژ وان به‌نییێن خودێ بين يێن ڕاستگۆيى وئيخلاص د عيباده‌تى دا كرى.
فَكَفَرُوْا بِهٖ فَسَوْفَ يَعْلَمُوْنَ
ڤێجا ده‌مێ به‌حسێ يێن پێشییێ، وزانينا يێن پاشییێ، وكاملترين كيتاب، وباشترين پێغه‌مبه‌ر، بۆ وان هاتى، وان كوفر پێ كر، ڤێجا پاشى ئه‌و دێ زانن كانێ چ عه‌زاب ل ئاخره‌تێ بۆ وان هه‌يه.
وَلَقَدْ سَبَقَتْ كَلِمَتُنَا لِعِبَادِنَا الْمُرْسَلِيْنَ
و ب ڕاستى په‌يڤا مه -يا نه‌ئێته ڤه‌گه‌ڕاندن- بۆ به‌نییێن مه يێن پێغه‌مبه‌ر بۆرییه.
اِنَّهُمْ لَهُمُ الْمَنْصُوْرُوْنَ
كو هندى سه‌ركه‌فتنا ل سه‌ر دوژمنییه ب ده‌ڤى وده‌ستى يا وانه.
وَاِنَّ جُنْدَنَا لَهُمُ الْغٰلِبُوْنَ
وهندى له‌شكه‌رێ مه‌يه يێ جهادێ د ڕێكا مه دا دكه‌ت ئه‌ون يێن ل هه‌مى جهان ب سه‌ر دوژمنێن خۆ دا دگرن، ئه‌گه‌ر ب حسێبا دويماهییێ بت.
فَتَوَلَّ عَنْهُمْ حَتّٰي حِيْنٍ
ڤێجا تو پشت بده وى يێ ڕكدارییێ دكه‌ت، وحه‌قییێ قه‌بويل نه‌كه‌ت حه‌تا ئه‌و ده‌م دئێت يێ من بۆ وان داناى.
وَّاَبْصِرْهُمْ فَسَوْفَ يُبْصِرُوْنَ
وتو وان بهێله وزێره‌ڤانییێ ل وان بكه كانێ ژ به‌ر نه‌گوهدارییا وان بۆ ته دێ چ عه‌زاب ب سه‌ر وان دا ئێت؟ پاشى ئه‌و دێ بينن كانێ دێ چ عه‌زابا خودێ ب سه‌ر وان دا ئێت.
اَفَبِعَذَابِنَا يَسْتَعْجِلُوْنَ
ئه‌رێ ڤێجا ئه‌و له‌زێ ل ته دكه‌ن دا عه‌زابا مه ب سه‌ر وان دا بێت؟
فَاِذَا نَزَلَ بِسَاحَتِهِمْ فَسَآءَ صَبَاحُ الْمُنْذَرِيْنَ
نێ ئه‌گه‌ر عه‌زابا مه ب سه‌ر وان دا هات، پيسترين سپێده دێ سپێده‌يا وان بت.
وَتَوَلَّ عَنْهُمْ حَتّٰي حِيْنٍ
وتو پشت بده وان حه‌تا خودێ ده‌ستويرییێ ب عه‌زابدانا وان دده‌ت.
وَّاَبْصِرْ فَسَوْفَ يُبْصِرُوْنَ
وتو وان بهێله پاشى ئه‌و دێ بينن كانێ دێ چ عه‌زاب ب سه‌رێ وان ئێت.
سُبْحٰنَ رَبِّكَ رَبِّ الْعِزَّةِ عَمَّا يَصِفُوْنَ
يێ پاك بت خودايێ ته خودايێ زال، ژ وى تشتێ ئه‌و وى پـێ سـالۆخ دده‌ن.
وَسَلٰمٌ عَلَي الْمُرْسَلِيْنَ
وسـلاڤـا خـودێ يـا بـه‌رده‌وام وئێمناهییا وى بۆ پێغه‌مبه‌ران بت.
وَالْحَمْدُ لِلّٰهِ رَبِّ الْعٰلَمِيْنَ
وحه‌مد بۆ خودێ بن، خودايێ هه‌مى چێكرییان، وئه‌و ب تنێ‌یه يێ هێژاى هندێ.