يٰسٓ
(يس) گۆتن ل سه‌ر ڤان حه‌رفێن كه‌ركرى ل ده‌سپێكا سووره‌تا به‌قه‌ره بۆرییه.
وَالْقُرْاٰنِ الْحَكِيْمِ
خودێ ب وێ قورئانێ سويند دخۆت يا حوكم وده‌ليلێن وێ دبنه‌جهـ.
اِنَّكَ لَمِنَ الْمُرْسَلِيْنَ
هندى تويى -ئه‌ى موحه‌ممه‌د- تو ژ وانى يێن ب وه‌حییا خودێ بۆ به‌نییان هاتينه هنارتن.
عَلٰي صِرَاطٍ مُّسْتَقِيْمٍ
وتو يێ ل سه‌ر ڕێكا ڕاست ودورست، كو ئيسلامه.
تَنْزِيْلَ الْعَزِيْزِ الرَّحِيْمِ
ئه‌ڤ قورئانه ئينانه خوارا وى خودايی‌یه يێ زالێ دلۆڤانكار.
لِتُنْذِرَ قَوْمًا مَّا٘ اُنْذِرَ اٰبَآؤُهُمْ فَهُمْ غٰفِلُوْنَ
مه ئه‌و بۆ ته ئينا خوارێ دا تو وى ملله‌تى پێ بترسينى يێ بابێن وان يێن نێزيك به‌رى ته نه‌هاتينه ترساندن، كو عه‌ره‌بن، ڤێجا ئه‌ڤ ملله‌ته ژ باوه‌رى وكرنا چاكییێ دبێ ئاگه‌هن.
لَقَدْ حَقَّ الْقَوْلُ عَلٰ٘ي اَكْثَرِهِمْ فَهُمْ لَا يُؤْمِنُوْنَ
ب ڕاستى عه‌زابدان ل سه‌ر پترییا ڤان كافران فه‌ربوو، پشتى حه‌قى بۆ وان هاتییه گۆتن ووان قه‌بويل نه‌كرى، ڤێجا ئه‌و باوه‌رییێ نائينن.
اِنَّا جَعَلْنَا فِيْ٘ اَعْنَاقِهِمْ اَغْلٰلًا فَهِيَ اِلَي الْاَذْقَانِ فَهُمْ مُّقْمَحُوْنَ
هندى ئه‌مين مه ئه‌ڤ كافره يێن حه‌قى بۆ هاتییه گۆتن ووان قه‌بويل نه‌كرى، وه‌كى وان لێكرن يێن قه‌يد د ستويێ وان دا هاتينه دانان، ڤێجا ده‌ستێن وان د بن ئه‌رزنكێن وان ڕا ب ستويێ وان ڤه هاتينه گرێدان، وئه‌و نه‌چار بووين سه‌رێن خۆ به‌ر ب عه‌سمانى ڤه بلند كه‌ن، ڤێجا ئه‌و ژ هه‌ر خێره‌كا هه‌بت دگرێداينه، حه‌قییێ نابينن وڤێ ناكه‌ڤن.
وَجَعَلْنَا مِنْۣ بَيْنِ اَيْدِيْهِمْ سَدًّا وَّمِنْ خَلْفِهِمْ سَدًّا فَاَغْشَيْنٰهُمْ فَهُمْ لَا يُبْصِرُوْنَ
ومه ل به‌راهییا كافران په‌رژانه‌ك دانا و ل پشت وان ژى، ڤێجا ئه‌و وه‌كى وى لێ هاتن يێ ل به‌ر وپشت ڕێ لێ هاتییه‌گرتن، ومه چاڤێن وان كۆره كرن؛ ژ به‌ر كوفر وخۆمه‌زنكرنا وان، له‌و ئه‌و ب ڕێكێ ناكه‌ڤن وچو نابينن.
وَسَوَآءٌ عَلَيْهِمْ ءَاَنْذَرْتَهُمْ اَمْ لَمْ تُنْذِرْهُمْ لَا يُؤْمِنُوْنَ
ل به‌ر ڤان كافران وه‌كى يه‌كه تو -ئه‌ى موحه‌ممه‌د- وان بترسينى يان نه‌ترسينى، ئه‌و باوه‌رییێ نائينن.
اِنَّمَا تُنْذِرُ مَنِ اتَّبَعَ الذِّكْرَ وَخَشِيَ الرَّحْمٰنَ بِالْغَيْبِ فَبَشِّرْهُ بِمَغْفِرَةٍ وَّاَجْرٍ كَرِيْمٍ
هه‌ما ترساندنا ته مفاى دگه‌هينته وى يێ باوه‌رییێ ب قورئانێ بينت، ودويكه‌فتنا وان ئه‌حكامێن خودێ بكه‌ت يێن تێدا هاتين، و ژ خودايێ پڕدلۆڤان بترست، ل وى ده‌مێ ژ خودێ پێڤه‌تر كه‌س وى نه‌بينت، ڤێجا تو مزگينییێ ب گونه‌هـ ژێبرنێ بده‌يێ، وخێره‌كا مه‌زن يا كو خودێ ل ئاخره‌تێ دێ ده‌تێ، كو به‌حه‌شته، سه‌را كريارێن وى يێن چاك.
اِنَّا نَحْنُ نُحْيِ الْمَوْتٰي وَنَكْتُبُ مَا قَدَّمُوْا وَاٰثَارَهُمْ وَكُلَّ شَيْءٍ اَحْصَيْنٰهُ فِيْ٘ اِمَامٍ مُّبِيْنٍ
هندى ئه‌مين ئه‌م هه‌مى مرییان ل ڕۆژا قيامه‌تێ زێندى دكه‌ينه‌ڤه، وئه‌م وى كارى دنڤيسيـن يێ ئه‌و دكه‌ن چ باشى بت چ خرابى، وئه‌م شوينوارێن وان ژى دنڤيسيـن يێن ئه‌و د ژينا خۆ دا وپشتى مرنا خۆ ژى بووينه ئه‌گه‌را په‌يدابوونا وان، وه‌كى عه‌يالێ چاك، وزانينا ب مفا، وخێرا به‌رده‌وام، وخرابییێن وان ژى يێن وه‌كى شركێ وگونه‌هان ئه‌م دنڤيسيـن، وهه‌ر تشته‌ك مه د كيتابه‌كا ئاشكه‌را دا هژمارتییه، كو ماكا كيتابانه وله‌وحێ پاراستییه، وزڤڕينا وان بۆ وییه. ڤێجا بلا خودان عه‌قل حسێبێ د گه‌ل خۆ بكه‌ت؛ دا د ژينا خۆ دا وپشتى مرنا خۆ ژى بۆ كرنا خێرێ ببته جهێ چاڤلێكرنێ.
وَاضْرِبْ لَهُمْ مَّثَلًا اَصْحٰبَ الْقَرْيَةِ اِذْ جَآءَهَا الْمُرْسَلُوْنَ
وتو مه‌ته‌له‌كێ بۆ بوتپه‌رێسێن ملله‌تێ خۆ بينه؛ دا ئه‌و مفاى بۆ خۆ ژێ وه‌ربگرن، وئه‌و سه‌رهاتییا خودانێن گوندییه، ده‌مێ پێغه‌مبه‌ر بۆ وان هاتين.
اِذْ اَرْسَلْنَا٘ اِلَيْهِمُ اثْنَيْنِ فَكَذَّبُوْهُمَا فَعَزَّزْنَا بِثَالِثٍ فَقَالُوْ٘ا اِنَّا٘ اِلَيْكُمْ مُّرْسَلُوْنَ
ده‌مێ مه دو پێغه‌مبه‌ر بۆ وان هنارتيـن دا به‌رێ وان بده‌نه باوه‌رییا ب خودێ وپه‌رستنا وى ب تنێ، ئينا خه‌لكێ وى گوندى ئه‌و هه‌ردو دره‌وين ده‌رێخستن، ڤێجا مه ئه‌و هه‌ردو ب پێغه‌مبه‌ره‌كێ دى ب هێز ئێخستن. ووان هه‌ر سێیان گۆته خه‌لكێ گوندى: هندى ئه‌مين ئه‌م بۆ هه‌وه دهنارتينه.
قَالُوْا مَا٘ اَنْتُمْ اِلَّا بَشَرٌ مِّثْلُنَا وَمَا٘ اَنْزَلَ الرَّحْمٰنُ مِنْ شَيْءٍ اِنْ اَنْتُمْ اِلَّا تَكْذِبُوْنَ
گوندییان گۆته پێغه‌مبه‌ران: هه‌ما هوين ژى وه‌كى مه مرۆڤن، وخودايێ پڕدلۆڤان چو وه‌حى نه‌هنارتییه، وهه‌ما هوين -گه‌لی پێغه‌مبه‌ران- ددره‌وينن.
قَالُوْا رَبُّنَا يَعْلَمُ اِنَّا٘ اِلَيْكُمْ لَمُرْسَلُوْنَ
پێغه‌مبه‌ران گۆت: خودايێ مه يێ ئه‌م هنارتيـن دزانت كو ئه‌م پێغه‌مبه‌رين.
وَمَا عَلَيْنَا٘ اِلَّا الْبَلٰغُ الْمُبِيْنُ
ويا مه ئه‌وه ئه‌م په‌ياما خۆ ئاشكه‌را بگه‌هينين.
قَالُوْ٘ا اِنَّا تَطَيَّرْنَا بِكُمْ لَئِنْ لَّمْ تَنْتَهُوْا لَنَرْجُمَنَّكُمْ وَلَيَمَسَّنَّكُمْ مِّنَّا عَذَابٌ اَلِيْمٌ
گوندییان گۆت: هندى ئه‌مين مه چو خێر وئيفله‌حى ژ هه‌وه نه ديتییه، ئه‌گه‌ر هوين ڤێ گازییا خۆ به‌س نه‌كه‌ن ئه‌م دێ به‌ران ل هه‌وه بارينيـن وهه‌وه كوژين، وعه‌زابه‌كا ب ئێش ونه‌خۆش دێ گه‌هينينه هه‌وه.
قَالُوْا طَآئِرُكُمْ مَّعَكُمْ اَئِنْ ذُكِّرْتُمْ بَلْ اَنْتُمْ قَوْمٌ مُّسْرِفُوْنَ
پێغه‌مبه‌ران گۆت: بێ ئيفله‌حى وكارێ هه‌وه يێ خراب يێ د گه‌ل هه‌وه وبۆ هه‌وه دزڤڕت، ئه‌رێ ئه‌گه‌ر ب خێرێ شيره‌ته‌ك ل هه‌وه هاته كرن هوين بێ ئيفلحییێ دبينن وگه‌فێن كوشتنێ وعه‌زابدانێ ل مه دكه‌ن؟ به‌لكى هوين ملله‌ته‌كن زێده‌گاڤى ودره‌وكرن عه‌ده‌تێ هه‌وه‌يه.
وَجَآءَ مِنْ اَقْصَا الْمَدِيْنَةِ رَجُلٌ يَّسْعٰي قَالَ يٰقَوْمِ اتَّبِعُوا الْمُرْسَلِيْنَ
و ژ جهه‌كێ دوير ژ باژێرى زه‌لامه‌ك ب له‌ز هات (ده‌مێ وى زانى كو گوندییان دلێ خۆ يێ برییه كوشتنا پێغه‌مبه‌ران يان عه‌زابدانا وان)، وى گۆت: ئه‌ى ملله‌تێ من دويكه‌فتنا وان پێغه‌مبه‌ران بكه‌ن يێن بۆ هه‌وه ژ نك خودێ هاتين.
اتَّبِعُوْا مَنْ لَّا يَسْــَٔلُكُمْ اَجْرًا وَّهُمْ مُّهْتَدُوْنَ
دويكه‌فتنا وان بكه‌ن يێن سه‌را گه‌هاندنا په‌يامێ پسيارا چو مالی ژ هه‌وه نه‌كه‌ن، وئه‌و د وێ گازییێ دا يا به‌رێ هه‌وه دده‌نێ دسه‌رڕاستن. وئه‌ڤ ئايه‌ته خێرا وى ئاشكه‌را دكه‌ت يێ به‌رگه‌ڕيانێ د فه‌رمانا ب باشییێ وپاشڤه‌لێدانا ژ خرابییێ دا دكه‌ت.
وَمَا لِيَ لَا٘ اَعْبُدُ الَّذِيْ فَطَرَنِيْ وَاِلَيْهِ تُرْجَعُوْنَ
وما چ تشت هه‌يه نه‌هێلت ئه‌ز په‌رستنا وى خودايى بكه‌م يێ ئه‌ز ئافرانديم، وهوين هه‌مى دێ زڤڕنه نك وى؟
ءَاَتَّخِذُ مِنْ دُوْنِهٖ٘ اٰلِهَةً اِنْ يُّرِدْنِ الرَّحْمٰنُ بِضُرٍّ لَّا تُغْنِ عَنِّيْ شَفَاعَتُهُمْ شَيْــًٔا وَّلَا يُنْقِذُوْنِ
ئه‌رێ ئه‌ز ژبلی خودێ په‌رستنا هنده‌ك خوداوه‌ندێن دى بكه‌م يێن تشته‌ك د ده‌ستى دا نه، ئه‌گه‌ر خودايێ پڕدلۆڤان نه‌خۆشییه‌ك بۆ من ڤيا بت ئه‌ڤ خوداوه‌نده نه‌شێن وێ نه‌خۆشییێ ژ من دوير بكه‌ن، وئه‌و نه‌شێن من ژ ڤى حالی ڕزگار بكه‌ن يێ ئه‌ز تێدا؟
اِنِّيْ٘ اِذًا لَّفِيْ ضَلٰلٍ مُّبِيْنٍ
هندى ئه‌زم ئه‌گه‌ر من ئه‌و كر هنگى ئه‌ز يێ د خه‌له‌تییه‌كا ئاشكه‌را دا.
اِنِّيْ٘ اٰمَنْتُ بِرَبِّكُمْ فَاسْمَعُوْنِ
هندى ئه‌زم من باوه‌رى ب خودايێ هه‌وه ئينايه ڤێجا هوين گوهدارییا وێ بكه‌ن يا من گۆتییه هه‌وه، وباوه‌رییێ بينن. ڤێجا ده‌مێ وى ئه‌و ئاخفتـن گۆتى ملله‌تێ وى پێ وه‌ر هاتن وئه‌و كوشت، ئينا خودێ ئه‌و بره به‌حه‌شتێ.
قِيْلَ ادْخُلِ الْجَنَّةَ قَالَ يٰلَيْتَ قَوْمِيْ يَعْلَمُوْنَ
پشتى ئه‌و هاتییه كوشتن بۆ قه‌درگرتن بۆ وى هاته گۆتن: هه‌ڕه د به‌حه‌شتێ دا.وى د خۆشییا به‌حه‌شتێ دا گۆت: خوزى ملله‌تێ من زانيبا.
بِمَا غَفَرَ لِيْ رَبِّيْ وَجَعَلَنِيْ مِنَ الْمُكْرَمِيْنَ
كانێ چه‌وا خودایێ من گونه‌هێن من ژێبرن ،و كانێ خودايێ من چه‌ند قه‌درێ من گرتییه؛ ژ به‌ر باوه‌رى ئينانا من وصه‌بركێشانا من ل سه‌ر گوهدارییا وى، ودويكه‌فتنا پێغه‌مبه‌رێن وى حه‌تا ئه‌ز هاتيمه كوشتـن، ڤێجا ئه‌وان ژى باوه‌رى ب خودێ ئينابا دا ئه‌و ژى وه‌كى من هاتبانه به‌حه‌شتێ.
وَمَا٘ اَنْزَلْنَا عَلٰي قَوْمِهٖ مِنْۣ بَعْدِهٖ مِنْ جُنْدٍ مِّنَ السَّمَآءِ وَمَا كُنَّا مُنْزِلِيْنَ
وپشتى وان ئه‌و زه‌لامێ شيره‌تكه‌ر كوشتى وپێغه‌مبه‌ر دره‌وين ده‌رێخستيـن پێتڤى ب هندێ نه‌بوو ئه‌م چو له‌شكه‌ران بۆ عه‌زابدانا وان ژ عه‌سمانى بينينه خوارێ؛ چونكى ئه‌و ژ هندێ دكێمتر وبێ بهاترن، ومه چو فريشته ب سه‌ر وان ملله‌تان دا نه‌هنارتبوون يێن مه تێبرين، به‌لكى هه‌ما مه عه‌زابه‌ك ب سه‌ر وان دا به‌رددا ئه‌و پێ تێ دچوون.
اِنْ كَانَتْ اِلَّا صَيْحَةً وَّاحِدَةً فَاِذَا هُمْ خٰمِدُوْنَ
هه‌ما تێبرنا وان ب قێڕییه‌كا ب تنێ بوو، هنگى ئه‌و هه‌مى مرن وكته‌ك ژێ نه‌ما.
يٰحَسْرَةً عَلَي الْعِبَادِ مَا يَاْتِيْهِمْ مِّنْ رَّسُوْلٍ اِلَّا كَانُوْا بِهٖ يَسْتَهْزِءُوْنَ
وه‌ى بۆ په‌شێمانى وكۆڤانا به‌نییان ل ڕۆژا قيامه‌تێ ده‌مێ ئه‌و عه‌زابێ دبينن، پێغه‌مبه‌ره‌ك بۆ وان ژ نك خودێ نائێت ئه‌گه‌ر ئه‌و تڕانه ويارییان بۆ خۆ پێ نه‌كه‌ن.
اَلَمْ يَرَوْا كَمْ اَهْلَكْنَا قَبْلَهُمْ مِّنَ الْقُرُوْنِ اَنَّهُمْ اِلَيْهِمْ لَا يَرْجِعُوْنَ
ئه‌رێ ما ڤان تڕانه‌پێكه‌ران ئه‌و ملله‌تێن به‌رى خۆ يێن مه تێبرين نه‌ديتينه وبۆ خۆ وجه‌ك ژێ وه‌رنه‌گرتییه كو هندى ئه‌ون ئه‌و نازڤڕنه ڤێ دنيايێ.
وَاِنْ كُلٌّ لَّمَّا جَمِيْعٌ لَّدَيْنَا مُحْضَرُوْنَ
وهه‌ما ئه‌ڤ هه‌مى ملله‌ته يێن مه تێبرين ويێن دى ژى هه‌مى پێكڤه ل ڕۆژا قيامه‌تێ بۆ حـسـێـب وجـزادانـێ دێ ل نـك مه ئێنه ئاماده‌كرن.
وَاٰيَةٌ لَّهُمُ الْاَرْضُ الْمَيْتَةُ اَحْيَيْنٰهَا وَاَخْرَجْنَا مِنْهَا حَبًّا فَمِنْهُ يَاْكُلُوْنَ
وئه‌ڤ عه‌رده بۆ بوتپه‌رێسان نيشانه‌كه كو خودێ دشێت مرییان ڕاكه‌ته‌ڤه: ئه‌ڤ عه‌ردێ مرى يێ چو شينكاتى لێ نه، ب ئينانه خوارا بارانێ مه زێندى كر، وگه‌له‌ك ڕه‌نگێن شينكاتى يێن كو مرۆڤ وحه‌يوان دخۆن مه ژێ ئينانه‌ده‌ر، وئه‌وێ عه‌ردى ب شينكاتییێ زێندى بكه‌ت دێ خه‌لكى ژى پشتى مرنێ زێندى كه‌ته‌ڤه.
وَجَعَلْنَا فِيْهَا جَنّٰتٍ مِّنْ نَّخِيْلٍ وَّاَعْنَابٍ وَّفَجَّرْنَا فِيْهَا مِنَ الْعُيُوْنِ
ومه هنده‌ك باغێن دارقه‌سپ ومێوێن ترى ل سه‌ر ڤى عه‌ردى چێكرن، وئه‌و كانییێن ئه‌و باغ پێ دئێنه ئاڤدان مه په‌قاندن و ل سه‌ر عه‌ردى برن.
لِيَاْكُلُوْا مِنْ ثَمَرِهٖ وَمَا عَمِلَتْهُ اَيْدِيْهِمْ اَفَلَا يَشْكُرُوْنَ
ئه‌و هه‌مى؛ دا خه‌لك ژ به‌رهه‌مێ وى بخۆن، وئه‌و نه ب ده‌ست وزه‌ندكێن وانه به‌لكى ژ دلۆڤانییا خودێ‌یه ب وان، ئه‌رێ ڤێجا ما ئه‌و شوكرا خودێ سه‌را ڤان قه‌نجییێن نه‌ئێنه هژمارتن ناكه‌ن؟
سُبْحٰنَ الَّذِيْ خَلَقَ الْاَزْوَاجَ كُلَّهَا مِمَّا تُنْۣبِتُ الْاَرْضُ وَمِنْ اَنْفُسِهِمْ وَمِمَّا لَا يَعْلَمُوْنَ
يێ پاك بت ئه‌و خودايێ مه‌زن يێ هه‌مى ڕه‌نگ ژ شينكاتییێ عه‌ردى ئافراندين، و ژ وان ب خۆ ژى نێر ومێ داين، و ژ وان چێكرییێن خودێ يێن دى ژى يێن ئه‌و پێ نه‌زانن. خودێ ب تنێ ئافراندن كرییه، ڤێجا نه يا د جهێ خۆ دايه شرك ب وى بێته‌كرن.
وَاٰيَةٌ لَّهُمُ الَّيْلُ نَسْلَخُ مِنْهُ النَّهَارَ فَاِذَا هُمْ مُّظْلِمُوْنَ
وئه‌ڤ شه‌ڤا ئه‌م ڕۆژێ ژێ ڤه‌دكه‌ين، ڤێجا خه‌لك دميننه د تارییێ دا نيشانه‌كه بۆ وان ل سه‌ر ته‌وحيد وشيانا خودێ.
وَالشَّمْسُ تَجْرِيْ لِمُسْتَقَرٍّ لَّهَا ذٰلِكَ تَقْدِيْرُ الْعَزِيْزِ الْعَلِيْمِ
وڕۆژ ژى نيشانه‌كه بۆ وان ئه‌و بۆ جهه‌كێ لێ ئاكنجيبوونا خۆ دچت، خودێ ئه‌و يێ بۆ داناى دێ گه‌هتێ وژێ نابۆرت، ئه‌و قه‌ده‌ر وپێكئينانا خودايێ زاله، پڕزانايێ كو تشته‌ك ل به‌ر علمێ وى نه‌ئێته ڤه‌شارتن.
وَالْقَمَرَ قَدَّرْنٰهُ مَنَازِلَ حَتّٰي عَادَ كَالْعُرْجُوْنِ الْقَدِيْمِ
وهه‌يڤ د ئافراندنا خۆ دا نيشانه‌كه بۆ وان، هه‌ر شه‌ڤه‌كێ مه جهه‌كێ بۆ داناى، ل ده‌سپێكێ يا زراڤه وهه‌ر مه‌زن دبت حه‌تا گڕۆڤڕ دبت، پاشى جاره‌كا دى زراڤ دبت حه‌تا وه‌كى وى چه‌قێ دارقه‌سپێ لێ دئێت ئه‌وێ ژ به‌ر كه‌ڤناتییا وى هشك بووى ووه‌كى كڤانه‌كى لێ هاتى.
لَا الشَّمْسُ يَنْۣبَغِيْ لَهَا٘ اَنْ تُدْرِكَ الْقَمَرَ وَلَا الَّيْلُ سَابِقُ النَّهَارِ وَكُلٌّ فِيْ فَلَكٍ يَّسْبَحُوْنَ
بۆ ڕۆژێ وهه‌يڤێ وشه‌ڤێ وڕۆژێ ده‌مه‌ك هه‌يه خودێ دانايه ئه‌و ژێ ده‌رباس نابن، ڤێجا نه ڕۆژ ب هه‌يڤێ ڕا دگه‌هت دا ڕۆناهییا وێ پويچ كه‌ت، يان ڕێكا وێ بگوهۆڕت، ونه شه‌ڤ به‌رى ڕۆژێ ڕادكه‌ت ودگه‌هتێ، هێشتا ده‌مێ وێ خلاس نه‌بووى، وهه‌ر يه‌ك ژ ڕۆژ وهه‌يڤ وستێران فه‌له‌كه‌ك بۆ هه‌يه ئه‌و تێدا دچن.
وَاٰيَةٌ لَّهُمْ اَنَّا حَمَلْنَا ذُرِّيَّتَهُمْ فِي الْفُلْكِ الْمَشْحُوْنِ
ونيشانه‌كا دى بۆ وان هه‌يه هندێ دگه‌هينت كو خودێ ب تنێ هێژاى په‌رستنێ‌یه، وئه‌وه يێ قه‌نجى د گه‌ل وان كرين، ئه‌و ژى ئه‌ڤه‌يه: ئه‌وێن ڕزگار بووين ژ عه‌يالێ ئاده‌مى مه د گه‌مییا نووحى دا يا تژى مه‌خلووقات هلگرتن؛ دا پشتى تووفانێ ژين بمينت.
وَخَلَقْنَا لَهُمْ مِّنْ مِّثْلِهٖ مَا يَرْكَبُوْنَ
وبۆ ڤان بوتپه‌رێسان وبۆ خه‌لكێ دى ژى مه هنده‌ك گه‌مییێن وه‌كى يا نووحى چێكرن؛ دا ئه‌و لێ سويار ببـن وپێ بگه‌هنه وه‌لاتێن خۆ.
وَاِنْ نَّشَاْ نُغْرِقْهُمْ فَلَا صَرِيْخَ لَهُمْ وَلَا هُمْ يُنْقَذُوْنَ
وئه‌گه‌ر مه بڤێت دێ وان خندقينين، ڤێجا ئه‌و كه‌سێ نابينن وان ژ خه‌ندقاندنێ ڕزگار بكه‌ن، وئه‌و ژ خه‌ندقاندنێ نائێنه ڕزگاركرن.
اِلَّا رَحْمَةً مِّنَّا وَمَتَاعًا اِلٰي حِيْنٍ
وه‌سا تێ نه‌بت ئه‌م ڕه‌حـمێ ب وان ببه‌ين ووان ڕزگار بكه‌ين وحه‌تا ده‌مه‌كێ دى وان بهێلين؛ دا به‌لكى ئه‌و ل خۆ بزڤڕن و ل خه‌له‌تییێن خۆ لێڤه ببن.
وَاِذَا قِيْلَ لَهُمُ اتَّقُوْا مَا بَيْنَ اَيْدِيْكُمْ وَمَا خَلْفَكُمْ لَعَلَّكُمْ تُرْحَمُوْنَ
وئه‌گه‌ر بۆ بوتپه‌رێسان هاته گۆتن: هشيارى ئاخره‌تێ وعه‌زابا دنيايێ بن؛ دا به‌لكى خودێ دلۆڤانییێ ب هه‌وه ببه‌ت، ئه‌و دێ پشت ده‌ن، وگوهدارییا وێ چه‌ندێ ناكه‌ن.
وَمَا تَاْتِيْهِمْ مِّنْ اٰيَةٍ مِّنْ اٰيٰتِ رَبِّهِمْ اِلَّا كَانُوْا عَنْهَا مُعْرِضِيْنَ
ونيشانه‌كا ئاشكه‌را ژ خودێ بۆ ڤان بوتپه‌رێسان نائێت؛ دا به‌رێ وان بده‌ته حه‌قییێ وڕاستگۆيییا پێغه‌مبه‌رى بۆ وان ئاشكه‌را بكه‌ت، ئه‌گه‌ر ئه‌و پشتا خۆ نه‌ده‌نێ.
وَاِذَا قِيْلَ لَهُمْ اَنْفِقُوْا مِمَّا رَزَقَكُمُ اللّٰهُ قَالَ الَّذِيْنَ كَفَرُوْا لِلَّذِيْنَ اٰمَنُوْ٘ا اَنُطْعِمُ مَنْ لَّوْ يَشَآءُ اللّٰهُ اَطْعَمَهٗ٘ اِنْ اَنْتُمْ اِلَّا فِيْ ضَلٰلٍ مُّبِيْنٍ
وئه‌گه‌ر بۆ كافران هاته گۆتن: هوين ژ وى ڕزقى خه‌رج بكه‌ن يێ خودێ منه‌ت پێ ل هه‌وه كرى، ئه‌و ب خۆ نه‌ڕازيكرن ڤه دێ بێژنه خودان باوه‌ران: ئه‌رێ ئه‌م خوارنێ بده‌ينه وى يـێ ئـه‌گـه‌ر خـــودێ ڤـيـابا دا خوارنێ ده‌تێ؟ هه‌ما هوين -گه‌لی خودان باوه‌ران- ژ حه‌قییێ ددويرن، ده‌مێ هوين ڤێ فه‌رمانێ ل مه دكه‌ن.
وَيَقُوْلُوْنَ مَتٰي هٰذَا الْوَعْدُ اِنْ كُنْتُمْ صٰدِقِيْنَ
وئه‌ڤ كافره بۆ دره‌وپێكرن وله‌زكرن دبێژن: ئه‌رێ ڕابوونا پشتى مرنێ كه‌نگییه ئه‌گه‌ر هوين ڕاست دبێژن كو ئه‌و هه‌يه؟
مَا يَنْظُرُوْنَ اِلَّا صَيْحَةً وَّاحِدَةً تَاْخُذُهُمْ وَهُمْ يَخِصِّمُوْنَ
ئه‌ڤ كافرێن له‌زێ ل گه‌فا خودێ دكه‌ن ل هيڤییا تشته‌كى نينن ژبلی هندێ كو پفكرنا د بۆڕییێ دا ل ڕۆژا قيامه‌تێ ب خافله‌تى ڤه بێته‌كرن و ب وان ڕا بگه‌هت ل وى ده‌مێ ئه‌و د مه‌سه‌لێن ژينا خۆ دا ب هه‌ڤڕكى دچن ووان هاى ژ خۆ نه.
فَلَا يَسْتَطِيْعُوْنَ تَوْصِيَةً وَّلَا٘ اِلٰ٘ي اَهْلِهِمْ يَرْجِعُوْنَ
ڤێجا ده‌مێ د بۆڕییێ دا دئێته پفكرن ئه‌ڤ بوتپه‌رێسه نه‌شێن شيره‌ته‌كێ ب تشته‌كى ل يه‌كى بكه‌ن، وئه‌و نه‌شێن بۆ نك مرۆڤێن خۆ بزڤڕنه‌ڤه، به‌لكى ئه‌و د جهـ دا دمرن.
وَنُفِخَ فِي الصُّوْرِ فَاِذَا هُمْ مِّنَ الْاَجْدَاثِ اِلٰي رَبِّهِمْ يَنْسِلُوْنَ
وبۆ جارا دووێ د بۆڕییێ دا هاته پفكرن، ڤێجا ڕحێن وان ب سه‌ر له‌شێن وان دا هاتنه ڤه‌گه‌ڕاندن، هنگى ئه‌و ژ گۆڕێن خۆ ڕادبن و ب له‌ز ب نك خودايێ خۆ ڤه دچن.
قَالُوْا يٰوَيْلَنَا مَنْۣ بَعَثَنَا مِنْ مَّرْقَدِنَا هٰذَا مَا وَعَدَ الرَّحْمٰنُ وَصَدَقَ الْمُرْسَلُوْنَ
ئه‌وێن دره‌و ب ڕابوونا پشتى مرنێ كرى ب په‌شێمانى ڤه گۆت: تێچوون بۆ مه بت كێ ئه‌م ژ گۆڕێن مه ڕاكرين؟ ڤێجا دێ بۆ وان ئێته گۆتن: ئه‌ڤه ئه‌و ژڤانه يێ خودايێ پڕدلۆڤان داى، وپێغه‌مبه‌رێن ڕاستگۆ به‌حس ژێ كرى.
اِنْ كَانَتْ اِلَّا صَيْحَةً وَّاحِدَةً فَاِذَا هُمْ جَمِيْعٌ لَّدَيْنَا مُحْضَرُوْنَ
ده‌ركه‌فتنا ژ گۆڕان هه‌ما ئه‌نجامێ يه‌ك لێدانا د بۆڕییێ دابوو، ڤێجا هنگى خه‌لك هه‌مى بۆ حسێب وجزادانێ ل نك مه دئامه‌ده بوون.
فَالْيَوْمَ لَا تُظْلَمُ نَفْسٌ شَيْــًٔا وَّلَا تُجْزَوْنَ اِلَّا مَا كُنْتُمْ تَعْمَلُوْنَ
ل وێ ڕۆژێ ب دادى حسێب دئێته‌كرن، ڤێجا زۆردارى ل نه‌فسه‌كێ نائێته‌كرن كو خێرێن وێ بێنه كێمكرن يان گونه‌هێن وێ بێنه زێده‌كرن، وژبلی وى كارێ هه‌وه د دنيايێ دا دكر ب تشته‌كێ دى هوين نائێنه جزادان.
اِنَّ اَصْحٰبَ الْجَنَّةِ الْيَوْمَ فِيْ شُغُلٍ فٰكِهُوْنَ
ل وێ ڕۆژێ خه‌لكێ به‌حه‌شتێ ب وان خۆشییان ڤه دموژيل وكه‌يفخۆشن يێن د به‌حه‌شتێ دا بۆ وان دئێنه دان.
هُمْ وَاَزْوَاجُهُمْ فِيْ ظِلٰلٍ عَلَي الْاَرَآئِكِ مُتَّكِــُٔوْنَ
ئه‌و وژنێن خۆ ل سه‌ر ته‌ختێن خه‌ملاندى و ل بن سيبه‌رێن خۆش دپالداينه.
لَهُمْ فِيْهَا فَاكِهَةٌ وَّلَهُمْ مَّا يَدَّعُوْنَ
گه‌له‌ك ڕه‌نگێن فێقى يێن ب تام بۆ وان د به‌حه‌شتێ دا هه‌نه، وهه‌ر ڕه‌نـگـه‌كـێ خۆشـییـێ يێ وان بڤێت بۆ وان هه‌يه.
سَلٰمٌ قَوْلًا مِّنْ رَّبٍّ رَّحِيْمٍ
وخۆشییه‌كا مه‌زنتر بۆ وان هه‌يه ده‌مێ خودايێ وان يێ دلۆڤانكار د گه‌ل وان دئاخڤت، وسلاڤ دكه‌تێ. وهنگى سلامه‌تییا تمام ژ هه‌مى لايان ڤه دگه‌هته وان.
وَامْتَازُوا الْيَوْمَ اَيُّهَا الْمُجْرِمُوْنَ
ووێ ڕۆژێ بۆ كافران دئێته گۆتن: هوين خۆ ژ خودان باوه‌ران ڤه‌ده‌ركه‌ن، و ژ وان جودا ببـن.
اَلَمْ اَعْهَدْ اِلَيْكُمْ يٰبَنِيْ٘ اٰدَمَ اَنْ لَّا تَعْبُدُوا الشَّيْطٰنَ اِنَّهٗ لَكُمْ عَدُوٌّ مُّبِيْنٌ
وبۆ پاشڤه‌برن وشكاندن خودێ دبێژته وان: ئه‌رێ ما من ل سه‌ر ئه‌زمانێن پێغه‌مبه‌رێن خۆ شيره‌ت ل هه‌وه نه‌كربوو كو هوين په‌رستنا شه‌يتانى نه‌كه‌ن وگوهێ خۆ نه‌ده‌نێ؟ هندى ئه‌وه ئه‌و بۆ هه‌وه دوژمنه‌كێ ئاشكه‌رايه.
وَّاَنِ اعْبُدُوْنِيْ هٰذَا صِرَاطٌ مُّسْتَقِيْمٌ
ومن فه‌رمان ل هه‌وه كربوو كو هوين په‌رستنا من ب تنێ بكه‌ن، وپه‌رستن وگوهدارییا من ونه‌گوهدارییا شه‌يتانى ئه‌وه دينێ ڕاست يێ خودانى دگه‌هينته ڕازيبوون وبه‌حه‌شتا من.
وَلَقَدْ اَضَلَّ مِنْكُمْ جِبِلًّا كَثِيْرًا اَفَلَمْ تَكُوْنُوْا تَعْقِلُوْنَ
و ب ڕاستى شه‌يتانى گه‌له‌ك ژ هه‌وه ژ ڕێكا حه‌ق به‌رزه‌كرن، ئه‌رێ ڤێجا ما هه‌وه -گه‌لی بوتپه‌رێسان- عه‌قله‌ك نه‌بوو هه‌وه ژ دويكه‌فتنا وى بده‌ته پاش؟
هٰذِهٖ جَهَنَّمُ الَّتِيْ كُنْتُمْ تُوْعَدُوْنَ
ئه‌ڤه ئه‌و جه‌هنه‌مه يا د دنيايێ دا ژڤان بۆ هه‌وه پێ دهاته‌دان، ژ به‌ر كوفرا هه‌وه ب خودێ ودره‌وپێكرنا هه‌وه ب پێغه‌مبه‌ران.
اِصْلَوْهَا الْيَوْمَ بِمَا كُنْتُمْ تَكْفُرُوْنَ
هوين ژ به‌ر كافرییا خۆ ئه‌ڤرۆ هه‌ڕنه د جه‌هنه‌مێ دا وتام بكه‌نه گه‌رما وێ.
اَلْيَوْمَ نَخْتِمُ عَلٰ٘ي اَفْوَاهِهِمْ وَتُكَلِّمُنَا٘ اَيْدِيْهِمْ وَتَشْهَدُ اَرْجُلُهُمْ بِمَا كَانُوْا يَكْسِبُوْنَ
ئه‌ڤرۆ ئه‌م دێ خه‌تـمێ ل سه‌ر ده‌ڤێن بوتپه‌رێسان ده‌ين ڤێجا ئه‌و نائاخڤن، وده‌ستێن وان دێ د گه‌ل مه ئاخڤن وبه‌حسێ وى تشتى كه‌ن يێ وان دكر، وپییێن وان دێ شاهده‌يێ ب وى تشتى ده‌ن يێ ئه‌و پێ د دنيايێ دا ب نك ڤه چووين.
وَلَوْ نَشَآءُ لَطَمَسْنَا عَلٰ٘ي اَعْيُنِهِمْ فَاسْتَبَقُوا الصِّرَاطَ فَاَنّٰي يُبْصِرُوْنَ
وئه‌گه‌ر مه ڤيابا ئه‌م دا چاڤێن وان د سه‌رى دا ڕاست كه‌ين ووان كۆره كه‌ين، كا چاوا مه ده‌ڤێن وان گرت بوون، ڤێجا وان له‌ز ل چوونا د سه‌ر پرێ ڕا كر، ڤێجا چاوا ئه‌و دێ ده‌رباس بن وچاڤێن وان دكۆره؟
وَلَوْ نَشَآءُ لَمَسَخْنٰهُمْ عَلٰي مَكَانَتِهِمْ فَمَا اسْتَطَاعُوْا مُضِيًّا وَّلَا يَرْجِعُوْنَ
وئه‌گه‌ر مه ڤيابا ئه‌م دا ڕه‌نگ وڕوییێن وان گوهۆڕين ووان ل سه‌ر جهێ وان نه‌لڤ كه‌ين، ڤێجا نه ئه‌و دشيان پێشڤه بچن، ونه ل پاش خۆ بزڤڕن.
وَمَنْ نُّعَمِّرْهُ نُنَكِّسْهُ فِي الْخَلْقِ اَفَلَا يَعْقِلُوْنَ
وهه‌چییێ ئه‌م ژییێ وى درێژ بكه‌ين حه‌تا پير ببت جاره‌كا دى ئه‌م دێ وى زڤڕينينه وى حالی يێ وى ژێ ده‌ست پێ كرى ده‌مێ عه‌قلێ وى وله‌شێ وى تێدا دلاواز، ئه‌رێ ڤێجا ما ئه‌و فام ناكه‌ن ونزانن يێ ڤێ د گه‌ل وان بكه‌ت دشێت وان دوباره ڕاكه‌ته‌ڤه؟
وَمَا عَلَّمْنٰهُ الشِّعْرَ وَمَا يَنْۣبَغِيْ لَهٗ اِنْ هُوَ اِلَّا ذِكْرٌ وَّقُرْاٰنٌ مُّبِيْنٌ
ومه چو شعر نيشا موحه‌ممه‌دى نه‌داينه، ونه هێژاى وییه ئه‌و شاعر بت، هه‌ما ئه‌ڤا ئه‌و بۆ هه‌وه پێ هاتى بيرئينانه‌كه خودان عه‌قل بيرا خۆ پێ دئيننه‌ڤه، وقورئانه‌كا حوكم وشيره‌ت ئاشكه‌رايه.
لِّيُنْذِرَ مَنْ كَانَ حَيًّا وَّيَحِقَّ الْقَوْلُ عَلَي الْكٰفِرِيْنَ
دا ئه‌و پێ بێته ترساندن يێ دلساخ وهشيار، ودا عه‌زاب ل سه‌ر كافران حه‌ق ببت؛ چونكى ب هاتنا قورئانێ وان چو هێجه‌ت نه‌مان.
اَوَلَمْ يَرَوْا اَنَّا خَلَقْنَا لَهُمْ مِّمَّا عَمِلَتْ اَيْدِيْنَا٘ اَنْعَامًا فَهُمْ لَهَا مٰلِكُوْنَ
ئه‌رێ وما خه‌لكى نه‌ديتییه كو ژ به‌ر وان هنده‌ك حه‌يوان مه ئافراندن وبن ده‌ستى وان كرن، ڤێجا ئه‌و بۆ وان دبنه خودان.
وَذَلَّلْنٰهَا لَهُمْ فَمِنْهَا رَكُوْبُهُمْ وَمِنْهَا يَاْكُلُوْنَ
ومه ئه‌و بۆ وان بن ده‌ست كرن، ڤێجا ل ده‌مێ وه‌غه‌ركرنێ ئه‌و ل هنده‌ك ژ وان حه‌يوانان سويار دبن، وبارێ خۆ لێ دكه‌ن، و ژ هنده‌كان ژى دخۆن.
وَلَهُمْ فِيْهَا مَنَافِعُ وَمَشَارِبُ اَفَلَا يَشْكُرُوْنَ
وهنده‌ك مفايێن دى ژى بۆ وان تێدا هه‌نه، وه‌كى مفاوه‌رگرتنا ژ هرى وموییێ وان بۆ جلكى وناڤمالییێ، وئه‌و ژ شيرێ وان ڤه‌دخۆن، ئه‌رێ ڤێجا ما ئه‌و شوكرا وى خودايى ناكه‌ن يێ ئه‌ڤ قه‌نجییه د گه‌ل وان كرين، وپه‌رستنا وى ناكه‌ن؟
وَاتَّخَذُوْا مِنْ دُوْنِ اللّٰهِ اٰلِهَةً لَّعَلَّهُمْ يُنْصَرُوْنَ
وبوتپه‌رێسان ژبلی خودێ هنده‌ك خوداوه‌ندێن دى بۆ خۆ دانان وپه‌رستن بۆ كر؛ دا به‌لكى ئه‌و وان ب سه‌ربێخن و ژ عه‌زابا خودێ ڕزگار كه‌ن.
لَا يَسْتَطِيْعُوْنَ نَصْرَهُمْ وَهُمْ لَهُمْ جُنْدٌ مُّحْضَرُوْنَ
ئه‌و خوداوه‌ند نه‌شێن په‌رستڤانێن خۆ ب سه‌ربێخن ونه‌شێن خۆ ب خۆ ژى ب سه‌ربێخن، وبوتپه‌رێس وخوداوه‌ندێن وان هه‌مى د عه‌زابێ دا دئاماده‌نه، هنده‌ك ژ وان خۆ ژ هنده‌كان به‌رى دكه‌ن.
فَلَا يَحْزُنْكَ قَوْلُهُمْ اِنَّا نَعْلَمُ مَا يُسِرُّوْنَ وَمَا يُعْلِنُوْنَ
ڤێجا كوفرا وان ب خودێ ودره‌وين ده‌رێخستنا وان بۆ ته وتڕانه‌پێكرنا وان ب ته -ئه‌ى موحه‌ممه‌د- بلا ته ب خه‌م نه ئێخت؛ چونكى هندى ئه‌مین ئه‌م دزانين ئه‌و چ ڤه‌دشێرن، و چ ئاشكه‌را دكه‌ن، وئه‌م دێ وان جزا ده‌ين.
اَوَلَمْ يَرَ الْاِنْسَانُ اَنَّا خَلَقْنٰهُ مِنْ نُّطْفَةٍ فَاِذَا هُوَ خَصِيْمٌ مُّبِيْنٌ
ئه‌رێ وئه‌و مرۆڤێ باوه‌رییێ ب ڕابوونا پشتى مرنێ نه‌ئينت ما نه‌ديتییه كانێ ل سه‌رى ئه‌و ژ چ هاتییه چێكرن دا ئه‌و وێ بۆ خۆ بكه‌ته ده‌ليل ل سه‌ر ڕابوونا پشتى مرنێ، مه ئه‌و ژ چپكه‌كا ئاڤێ يا كو د گه‌له‌ك قويناغان ڕا بۆرى ئافراندییه، ڤێجا حه‌تا ئه‌و مه‌زن بووى هنگى ئه‌و دبته هه‌ڤڕكه‌كێ جڕه‌كێشا وى يا ئاشكه‌رايه؟
وَضَرَبَ لَنَا مَثَلًا وَّنَسِيَ خَلْقَهٗ قَالَ مَنْ يُّحْيِ الْعِظَامَ وَهِيَ رَمِيْمٌ
وئه‌وێ باوه‌رییێ ب ڕابوونا پشتى مرنێ نه‌ئينت مه‌ته‌له‌كا نه د جهێ خۆ دا بۆ مه ئينا، كو شيانا خودێ ل سه‌ر يا خۆ قياسكر، ووى ئافراندنا خوَ يا يه‌كێ ژبير كر، گۆت: كى دێ هه‌ستییێن پێتى زێندى كه‌ته‌ڤه؟
قُلْ يُحْيِيْهَا الَّذِيْ٘ اَنْشَاَهَا٘ اَوَّلَ مَرَّةٍ وَهُوَ بِكُلِّ خَلْقٍ عَلِيْمُ
تو بێژه وى: ئه‌و دێ وان هه‌ستییان زێندى كه‌ته‌ڤه يێ جارا يه‌كى ئه‌و ئافراندين، وئه‌و ب هه‌مى چێكرییێن خۆ يێ پڕزانايه تشته‌ك ژێ ل به‌ر وى به‌رزه نابت.
اِۨلَّذِيْ جَعَلَ لَكُمْ مِّنَ الشَّجَرِ الْاَخْضَرِ نَارًا فَاِذَا٘ اَنْتُمْ مِّنْهُ تُوْقِدُوْنَ
ئه‌وێ بۆ هه‌وه ژ دارا كه‌سك وته‌ڕ ئاگره‌كێ هلكرى ده‌رێخستى، ڤێجا هوين ژ وێ دارێ ئاگرى هل دكه‌ن، مه‌عنا ئه‌وه يێ دشێت تشتێ هه‌ڤدژ ژێك ده‌ربێخت. وئه‌ڤه ده‌ليله ل سه‌ر يه‌كينییا خودێ، وشيانا وى ل سه‌ر ده‌رێخستنا مرییان ژ گۆڕێن وان.
اَوَلَيْسَ الَّذِيْ خَلَقَ السَّمٰوٰتِ وَالْاَرْضَ بِقٰدِرٍ عَلٰ٘ي اَنْ يَّخْلُقَ مِثْلَهُمْ بَلٰي وَهُوَ الْخَلّٰقُ الْعَلِيْمُ
ئه‌رێ وئه‌وێ عه‌سمان وعه‌رد وتشتێ د ناڤبه‌را وان دا ئافراندين ما نه‌شێت يێن وه‌كى وان بئافرينت، ووان دوباره بكه‌ته‌ڤه؟ به‌لێ، ئه‌و دشێت وێ چه‌ندێ بكه‌ت، وئه‌وه پڕئافرانده‌رێ هه‌مى چێكرییان، يێ پڕزانا ب تشتێ وى چێكرى وچێ دكه‌ت، چو ل به‌ر وى به‌رزه نابت.
اِنَّمَا٘ اَمْرُهٗ٘ اِذَا٘ اَرَادَ شَيْــًٔا اَنْ يَّقُوْلَ لَهٗ كُنْ فَيَكُوْنُ
هه‌ما كارێ وى ئه‌گه‌ر وى تشته‌ك ڤيا ئه‌وه كو بێژتێ: (ببه) ڤێجا ئه‌و دێ بت، ڤێجا مراندن وزێندركرن، وڕاكرنا پشتى مرنێ وكۆمكرن يه‌ك ژ ڤان كارانه.
فَسُبْحٰنَ الَّذِيْ بِيَدِهٖ مَلَكُوْتُ كُلِّ شَيْءٍ وَّاِلَيْهِ تُرْجَعُوْنَ
ڤێجا خودێ يێ پاك وپيرۆز بت ژ بێزارى وشركێ، ئه‌وه خودانێ هه‌مى تشتان، يێ كو كارێ به‌نییێن خۆ ب ڕێڤه‌دبه‌ت بێى كه‌سه‌ك ڕێ لێ بگرت، و ب ڕاستى نيشانێن شيان وقه‌نجییا وى دئاشكه‌رانه، وهوين بۆ حسێب وجزادانێ دێ زڤڕنه نك وى.