الٓمّٓ
(الم) گۆتن ل دۆر ڤان حه‌رفێن كه‌ركرى ل سه‌رێ سووره‌تا به‌قه‌ره بۆرییه.
تَنْزِيْلُ الْكِتٰبِ لَا رَيْبَ فِيْهِ مِنْ رَّبِّ الْعٰلَمِيْنَ
گومان تێدا نينه كو ئه‌ڤ قورئانه ژ نك خودێ خودايێ هه‌مى چێكرییان هاتییه خوارێ.
اَمْ يَقُوْلُوْنَ افْتَرٰىهُ بَلْ هُوَ الْحَقُّ مِنْ رَّبِّكَ لِتُنْذِرَ قَوْمًا مَّا٘ اَتٰىهُمْ مِّنْ نَّذِيْرٍ مِّنْ قَبْلِكَ لَعَلَّهُمْ يَهْتَدُوْنَ
يان بوتپه‌رێس دبێژن: موحه‌ممه‌دى قورئان ژ نك خۆ چێكرییه؟ ئه‌و دره‌وان دكه‌ن، به‌لكى ئه‌و حه‌قییه‌كا موكمه ژ نك خودايێ ته -ئه‌ى موحه‌ممه‌د- يا بۆ ته هاتییه خوارێ؛ دا تو وان مرۆڤان پێ بترسينى يێن كو به‌رى ته چو كه‌سه‌ك بۆ وان نه‌هاتییه وان بترسينت، دا به‌لكى ئه‌و ب هيدايه‌ت بێن.
اَللّٰهُ الَّذِيْ خَلَقَ السَّمٰوٰتِ وَالْاَرْضَ وَمَا بَيْنَهُمَا فِيْ سِتَّةِ اَيَّامٍ ثُمَّ اسْتَوٰي عَلَي الْعَرْشِ مَا لَكُمْ مِّنْ دُوْنِهٖ مِنْ وَّلِيٍّ وَّلَا شَفِيْعٍ اَفَلَا تَتَذَكَّرُوْنَ
خودێ ئه‌وه يێ عه‌سمان وعه‌رد وهه‌ر تشته‌كێ د ناڤبه‌رێ دا ژ به‌ر حكمه‌ته‌كا ئه‌و پێ دزانت د شه‌ش ڕۆژان دا ئافراندين، وئه‌وه يێ كو شياى ب په‌يڤا (ببه) وان بئافرينت، پاشى وى ئستوا ل سه‌ر عه‌رشى كر ئستوائه‌كا بابه‌تى وى بت، يا چاواتییا وێ نه يا ده‌سنيشانكرى بت، ونه وه‌كى يا چێكرییان بت. هه‌وه -گه‌لی مرۆڤان- ژ وى پێڤه‌تر چو خودان نينن سه‌ركارییا هه‌وه بكه‌ن، وهه‌وه چو مه‌هده‌رچى ژى نينن مه‌هده‌رێ بۆ هه‌وه ل نك خودێ بكه‌ن؛ دا هوين ژ عه‌زابا وى ڕزگار ببن، ئه‌رێ ما ڤێجا هوين هزرا خۆ ناكه‌ن، كو په‌رستنا خودێ ب تنێ بكه‌ن؟
يُدَبِّرُ الْاَمْرَ مِنَ السَّمَآءِ اِلَي الْاَرْضِ ثُمَّ يَعْرُجُ اِلَيْهِ فِيْ يَوْمٍ كَانَ مِقْدَارُهٗ٘ اَلْفَ سَنَةٍ مِّمَّا تَعُدُّوْنَ
خودێ كارێ هه‌مى چێكرییان ب ڕێڤه دبه‌ت ژ عه‌سمانى حه‌تا عه‌ردى، پاشى ئه‌و كار وتداره‌ك ب نك وى ڤه بلند دبت ل ڕۆژه‌كێ درێژییا وێ هندى درێژییا هزار سالێن هه‌وه يێن دنيايێنه يێن هوين دهژمێرن.
ذٰلِكَ عٰلِمُ الْغَيْبِ وَالشَّهَادَةِ الْعَزِيْزُ الرَّحِيْمُ
ئه‌و ئافرانده‌ر وڕێڤه‌به‌رێ كارێن چێكرییانه، پڕزانايێ ب وى تشتییه يێ نه ل به‌رچاڤ، ژ وى تشتێ ئه‌و د سنگێ خۆ دا ڤه‌دشێرن، وپڕزانايه ب وى تشتێ هوين دبينن، وئه‌وه خودان هێزێ ئاشكه‌را يێ كه‌س نه‌شێتێ، يێ دلۆڤانكار ب به‌نییێن خۆ.
الَّذِيْ٘ اَحْسَنَ كُلَّ شَيْءٍ خَلَقَهٗ وَبَدَاَ خَلْقَ الْاِنْسَانِ مِنْ طِيْنٍ
خودێ‌یه يێ ئافراندنا هه‌ر تشته‌كى موكم چێكرى، وى ئافراندنا مرۆڤى، كو ئاده‌م بوو، ژ هه‌ڕییێ ده‌ست پێ كر.
ثُمَّ جَعَلَ نَسْلَهٗ مِنْ سُلٰلَةٍ مِّنْ مَّآءٍ مَّهِيْنٍ
پاشى وى دوونده‌ها ئاده‌مى ژ چپكه‌كا لاواز وبێ بها زێده‌كر.
ثُمَّ سَوّٰىهُ وَنَفَخَ فِيْهِ مِنْ رُّوْحِهٖ وَجَعَلَ لَكُمُ السَّمْعَ وَالْاَبْصَارَ وَالْاَفْـِٕدَةَ قَلِيْلًا مَّا تَشْكُرُوْنَ
پاشى وى ئافراندنا مرۆڤى تمامكر، وئه‌و جوان چێكر، ووى ژ جانێ خۆ پفكرێ ب ڕێكا هنارتنا ملياكه‌تى بۆ نك وى؛ دا ڕحێ بده‌تێ، ووى نعمه‌تا گوهـ وچاڤان دا هه‌وه دا هوين ده‌نگ وڕه‌نگان پێ ژێك جودا بكه‌ن، ووى نعمه‌تا عه‌قلی ژى دا هه‌وه دا هوين باشى وخرابییێ پێ ژێك ڤاڤێرن. كێمه‌كێ هوين شوكرا خودايێ خۆ دكه‌ن سه‌را وان قه‌نجییێن وى داينه هه‌وه.
وَقَالُوْ٘ا ءَاِذَا ضَلَلْنَا فِي الْاَرْضِ ءَاِنَّا لَفِيْ خَلْقٍ جَدِيْدٍ بَلْ هُمْ بِلِقَآءِ رَبِّهِمْ كٰفِرُوْنَ
وئه‌و بوتپه‌رێسێن باوه‌رییێ ب قيامه‌تێ نه‌ئينن دبێژن: ئه‌رێ ئه‌گه‌ر گۆشت وهه‌ستییێ مه ل بن عه‌درى بوونه ئاخ ئه‌رێ ئه‌م دێ ژ نوى چێبينه‌ڤه؟ ئه‌و وێ چه‌ندێ دوير دبينن نه‌كو وان دڤێت حه‌قییێ بزانن، به‌لكى هه‌ما ئه‌و زۆردارى وڕكدارییه‌كه ژ وان؛ چونكى ئه‌و ب ديدارا خودايێ خۆ -ل ڕۆژا قيامه‌تێ- دكافرن.
قُلْ يَتَوَفّٰىكُمْ مَّلَكُ الْمَوْتِ الَّذِيْ وُكِّلَ بِكُمْ ثُمَّ اِلٰي رَبِّكُمْ تُرْجَعُوْنَ
تو -ئه‌ى موحه‌ممه‌د- بێژه ڤان بوتپه‌رێسان: ملياكه‌تێ مرنێ يێ كو بۆ ستاندنا ڕحا هه‌وه ب وكيلی هاتییه دانان دێ هه‌وه مرينت، وئه‌گه‌ر ڕۆژا هه‌وه هات ئه‌و دێ جانێ هه‌وه ستينت، وده‌ليڤه‌يه‌كا ب تنێ ژى هوين نائێنه پاشڤه هێلان، پاشى هوين بۆ نك خودايێ خۆ دێ ئێنه زڤڕاندن، ڤێجا ئه‌و دێ هه‌وه سه‌را هه‌مى كريارێن هه‌وه جزا ده‌ت.
وَلَوْ تَرٰ٘ي اِذِ الْمُجْرِمُوْنَ نَاكِسُوْا رُءُوْسِهِمْ عِنْدَ رَبِّهِمْ رَبَّنَا٘ اَبْصَرْنَا وَسَمِعْنَا فَارْجِعْنَا نَعْمَلْ صَالِحًا اِنَّا مُوْقِنُوْنَ
وئه‌گه‌ر تو -ئه‌ى گوهدێر- ببينى ده‌مێ ئه‌و تاوانبارێن باوه‌رییێ ب ڕابوونا پشتى مرنێ نائينن سه‌رێ خۆ ژ شه‌رمزارى وڕوى ڕه‌شییان دا ل نك خودايێ خۆ شۆڕ دكه‌ن ودبێژن: خودايێ مه مه كرێتییێن خۆ ديتـن، ومه ژ ته گوهـ ل ڕاستییا وێ بوو يا پێغه‌مبه‌رێن ته د دنيايێ دا فه‌رمان پێ ل مه دكر، ومه تۆبه‌يه، ڤێجا تو مه بزڤڕينه دنيايێ ئه‌م دێ گوهدارییا ته كه‌ين، نوكه مه ب دورستى باوه‌ر ژ وێ كر يا مه د دنيايێ دا دره‌و پێ كرى ژ ته‌وحيدا ته، وكو تو مرییان ژ قه‌بران ڕادكه‌ى. وئه‌گه‌ر تو -ئه‌ى گوهدێر- وێ چه‌ندێ ببينى، تو دێ مه‌سه‌له‌كا مه‌زن بينى.
وَلَوْ شِئْنَا لَاٰتَيْنَا كُلَّ نَفْسٍ هُدٰىهَا وَلٰكِنْ حَقَّ الْقَوْلُ مِنِّيْ لَاَمْلَــَٔنَّ جَهَنَّمَ مِنَ الْجِنَّةِ وَالنَّاسِ اَجْمَعِيْنَ
وئه‌گه‌ر مه ڤيابا ئه‌م دا ته‌وفيقا ڤان بوتپه‌رێسان بۆ ئيمانێ ده‌ين، به‌لێ گۆتن ب ڕاستى ژ من ده‌ركه‌فت وحه‌ق بوو كو ئه‌ز دێ جه‌هنه‌مێ ب كافر وگونه‌هكارێن ئه‌جنه ومرۆڤان هه‌مییان تژى كه‌م؛ چونكى وان سه‌رداچوون بۆ خۆ هلبژارت.
فَذُوْقُوْا بِمَا نَسِيْتُمْ لِقَآءَ يَوْمِكُمْ هٰذَا اِنَّا نَسِيْنٰكُمْ وَذُوْقُوْا عَذَابَ الْخُلْدِ بِمَا كُنْتُمْ تَعْمَلُوْنَ
ده‌مێ ئه‌ڤ بوتپه‌رێسه دچنه ئاگرى دێ بۆ وان ئێته گۆتن: دێ ڤێجا هوين تام بكه‌نه عه‌زابێ، ژ به‌ر بێ ئاگه‌هییا هه‌وه ژ ئاخره‌تێ ونقۆبوونا هه‌وه د خۆشییێن دنيايێ دا، ئه‌ڤرۆ مه هوين هێلانه د عه‌زابێ دا، وهوين تام بكه‌نه عه‌زابا جه‌هنه‌مێ يا بێ ڤه‌بڕين؛ ژ به‌ر وێ كوفرا هه‌وه د دنيايێ دا ب خودێ دكر وئه‌و گونه‌هێن هه‌وه دكرن.
اِنَّمَا يُؤْمِنُ بِاٰيٰتِنَا الَّذِيْنَ اِذَا ذُكِّرُوْا بِهَا خَرُّوْا سُجَّدًا وَّسَبَّحُوْا بِحَمْدِ رَبِّهِمْ وَهُمْ لَا يَسْتَكْبِرُوْنَ
هه‌ما ئه‌و باوه‌رییێ ب ئايه‌تێن قورئانێ دئينن وكارى پێ دكه‌ن يێن كو ئه‌گه‌ر ئه‌و ئايه‌ت بۆ هاتنه خواندن وشيره‌ت پێ لێ هاته‌كرن ئه‌و ب ترس وگوهدارى ڤه بۆ خودايێ خۆ دچنه سوجدێ، و د سوجدێ دا ته‌سبيحا خودێ دكه‌ن وحه‌مدا وى دكه‌ن، وئه‌و خۆ ژ چوونا سوجدێ وپه‌رستنا خودێ مه‌زنتر نابينن.
تَتَجَافٰي جُنُوْبُهُمْ عَنِ الْمَضَاجِعِ يَدْعُوْنَ رَبَّهُمْ خَوْفًا وَّطَمَعًا وَّمِمَّا رَزَقْنٰهُمْ يُنْفِقُوْنَ
ته‌نشتێن ڤان يێن باوه‌رییێ ب ئايه‌تێن خودێ دئينن ژ نڤينان بلند دبن، ب شه‌ڤێ ڕادبن نڤێژان بۆ خودايێ خۆ دكه‌ن، ژ ترسێن عه‌زابێ دا و ژ به‌ر ب ده‌ستڤه ئينانا خێرێ ئه‌و دوعايان ژ خودايێ خۆ دكه‌ن، و ژ وى ڕزقێ مه دايێ ئه‌و مالی د ڕێكا خودێ دا خه‌رج دكه‌ن.
فَلَا تَعْلَمُ نَفْسٌ مَّا٘ اُخْفِيَ لَهُمْ مِّنْ قُرَّةِ اَعْيُنٍ جَزَآءًۣ بِمَا كَانُوْا يَعْمَلُوْنَ
ڤێجا نه‌فسه‌ك نزانت كانێ خودێ چ بۆ ڤان خودان باوه‌ران هلگرتییه ژ وى تشتێ چاڤێن وان پێ ڕوهن ببن، وسنگێن وان پێ فره‌هـ ببن؛ ژ به‌ر كريارێن وان يێن چاك.
اَفَمَنْ كَانَ مُؤْمِنًا كَمَنْ كَانَ فَاسِقًا لَا يَسْتَوٗنَ
ئه‌رێ ڤێجا ما ئه‌وێ گوهدارییا خودێ وپێغه‌مبه‌رێ وى كر بت وباوه‌رى ب سۆز وگه‌فا وى ئينا بت، وه‌كى وییه يێ كوفر ب خودێ وپێغه‌مبه‌رێ وى كرى وباوه‌رى ب ڕۆژا دويماهییێ نه‌ئيناى؟ ئه‌و ل نك خودێ وه‌كى يه‌ك نابن.
اَمَّا الَّذِيْنَ اٰمَنُوْا وَعَمِلُوا الصّٰلِحٰتِ فَلَهُمْ جَنّٰتُ الْمَاْوٰي نُزُلًاۣ بِمَا كَانُوْا يَعْمَلُوْنَ
هندى ئه‌ون يێن باوه‌رى ب خودێ ئيناى وئه‌و كار كرى يێ فه‌رمان پێ ل وان هاتییه كرن جزايێ وان به‌حه‌شتن ئه‌و دچنێ، وهه‌روهه‌ر ئه‌و د خۆشییێن وان دا دمينن؛ ژ به‌ر كارێ وان د دنيايێ دا دكر.
وَاَمَّا الَّذِيْنَ فَسَقُوْا فَمَاْوٰىهُمُ النَّارُ كُلَّمَا٘ اَرَادُوْ٘ا اَنْ يَّخْرُجُوْا مِنْهَا٘ اُعِيْدُوْا فِيْهَا وَقِيْلَ لَهُمْ ذُوْقُوْا عَذَابَ النَّارِ الَّذِيْ كُنْتُمْ بِهٖ تُكَذِّبُوْنَ
وهندى ئه‌ون يێن ژ بن ئه‌مرێ خودێ ده‌ركه‌فتيـن وگونه‌هـ كرين جهێ ئه‌و لێ ئاكنجى دبن جه‌هنه‌مه، هه‌ر جاره‌كا وان ڤيا ژێ ده‌ركه‌ڤن جاره‌كا دى دێ لێ ئێنه زڤڕاندن، وبۆ پاشڤه‌برن دێ بۆ وان ئێته گۆتن: هوين تام بكه‌نه وێ عه‌زابا ئاگرى يا هه‌وه د دنيايێ دا دره‌و پێ دكر.
وَلَنُذِيْقَنَّهُمْ مِّنَ الْعَذَابِ الْاَدْنٰي دُوْنَ الْعَذَابِ الْاَكْبَرِ لَعَلَّهُمْ يَرْجِعُوْنَ
ومسۆگه‌ر ئه‌م ژ عه‌زابا كێم يا كو د دنيايێ دا هه‌ى به‌رى عه‌زابا مه‌زنتر يا ڕۆژا قيامه‌تێ هه‌ى دێ ب ڤان سه‌رداچوويێن دره‌وپێكه‌ر ده‌ينه تامكرن؛ دا به‌لكى ئه‌و ل خۆ بزڤڕن و ژ گونه‌هێن خۆ تۆبه بكه‌ن.
وَمَنْ اَظْلَمُ مِمَّنْ ذُكِّرَ بِاٰيٰتِ رَبِّهٖ ثُمَّ اَعْرَضَ عَنْهَا اِنَّا مِنَ الْمُجْرِمِيْنَ مُنْتَقِمُوْنَ
وكه‌س ژ وى زۆردارتر نينه يێ ب ئايه‌تێن خودى شيره‌ت لێ بێنه‌كرن، پاشى ئه‌و پشت بده‌ته وێ هه‌مییێ، ووجه‌كێ بۆ خۆ ژێ نه‌گرت، وخۆ دفن بلند بكه‌ت، هندى ئه‌مين ئه‌م تۆلێ ژ وان تاونباران دستينين يێن پشت دده‌نه ئايه‌ت وده‌ليلێن خودێ، ومفاى بۆ خۆ ژێ وه‌رنه‌گرن.
وَلَقَدْ اٰتَيْنَا مُوْسَي الْكِتٰبَ فَلَا تَكُنْ فِيْ مِرْيَةٍ مِّنْ لِّقَآئِهٖ وَجَعَلْنٰهُ هُدًي لِّبَنِيْ٘ اِسْرَآءِيْلَ
و ب ڕاستى مه ته‌ورات بۆ مووساى ئينا بوو كا چاوا مه قورئان بۆ ته ئينايه، ڤێجا تو ژ ديدارا مووساى ل شه‌ڤا معراجێ ب گومان نه‌كه‌ڤه، ومه ته‌ورات بۆ ئسرائيلیان كربوو ڕێنيشانده‌ر، به‌رێ وان ددا حه‌قییێ وڕێكه‌كا ڕاست.
وَجَعَلْنَا مِنْهُمْ اَئِمَّةً يَّهْدُوْنَ بِاَمْرِنَا لَمَّا صَبَرُوْا وَكَانُوْا بِاٰيٰتِنَا يُوْقِنُوْنَ
ومه هنده‌ك پێشبه‌ر وڕێنيشانده‌ر د ناڤ ئسرائيلیان دا دانان وان به‌رێ وان ددا خێرێ وته‌وحيد وعيباده‌ت وگوهداريا خودێ، خه‌لكى دويكه‌فتنا وان دكر، وئه‌و گه‌هشتنه ڤێ ده‌ره‌جا بلند ژ به‌ر كو وان صه‌بر ل سه‌ر فه‌رمانا خودێ دكر، وبه‌رێ خه‌لكى ددا خودێ، ووان د ڕێكا خودێ دا ته‌حه‌ملا هه‌مى نه‌خۆشییان دكر، ووان باوه‌رییه‌كا باوه‌رى ب ئايه‌ت وده‌ليلێن خودێ دئينا.
اِنَّ رَبَّكَ هُوَ يَفْصِلُ بَيْنَهُمْ يَوْمَ الْقِيٰمَةِ فِيْمَا كَانُوْا فِيْهِ يَخْتَلِفُوْنَ
هندى خودايێ ته‌يه -ئه‌ى موحه‌ممه‌د- ئه‌وه ڕۆژا قيامه‌تێ حوكمى ب دادییێ د ناڤبه‌را ئسرائيلیان وخه‌لكێ دى دا دكه‌ت د وى تشتى دا يێ ئه‌و تێدا ژێك جودا دبوون ژ مه‌سه‌لا دينى، وئه‌و جزايێ هه‌ر مرۆڤه‌كى ل دويڤ كريارێن وى دده‌تێ، به‌حه‌شتییان دبه‌ته به‌حه‌شتێ وجه‌هنه‌مییان دبه‌ته ئاگرى.
اَوَلَمْ يَهْدِ لَهُمْ كَمْ اَهْلَكْنَا مِنْ قَبْلِهِمْ مِّنَ الْقُرُوْنِ يَمْشُوْنَ فِيْ مَسٰكِنِهِمْ اِنَّ فِيْ ذٰلِكَ لَاٰيٰتٍ اَفَلَا يَسْمَعُوْنَ
ئه‌رێ وما بۆ ڤان يێن دره‌وێ ب پێغه‌مبه‌رى دكه‌ن ئاشكه‌را نه‌بوويه: كانێ به‌رى وان مه چه‌ند ملله‌تێن بۆرى تێ برينه ئه‌و د به‌ر كاڤله گوندێن وان ڕا دبۆرن، و ب چاڤ دبينن وه‌كى ملله‌تێ هوودى وصالحى ولووطى؟ هندى د وێ چه‌ندێ دايه ئايه‌ت ونيشان ل سه‌ر ڕاستییا وى تشتێ پێغه‌مبه‌ر پێ هاتين هه‌نه، ئه‌رێ ڤێجا ما ڤان دره‌وپێكه‌ران گوهـ ل شيره‌ت وده‌ليلێن خودێ نابت، ومفاى بۆ خۆ ژێ وه‌رناگرن؟
اَوَلَمْ يَرَوْا اَنَّا نَسُوْقُ الْمَآءَ اِلَي الْاَرْضِ الْجُرُزِ فَنُخْرِجُ بِهٖ زَرْعًا تَاْكُلُ مِنْهُ اَنْعَامُهُمْ وَاَنْفُسُهُمْ اَفَلَا يُبْصِرُوْنَ
ئه‌رێ وما ئه‌وێن دره‌وێ ب ڕابوونا پشتى مرنێ دكه‌ن نابينن كو ئه‌م ئاڤێ دهاژۆينه عه‌ردێ هشك وبێ شينكاتى، ڤێجا ئه‌م ب وێ ئاڤێ چاندنه‌كا جودا جودا ژ عه‌ردى دئينينه ده‌ر حه‌يوانه‌تێن وان ژێ دچه‌رن، وئه‌و ب خۆ ژى ژێ دخۆن وپێ دژين؟ ئه‌رێ ما ئه‌و ڤان نعمه‌تان ب چاڤێن خۆ نابينن، دا بزانن ئه‌وێ ئه‌ڤه كرى دشێت مرییان زێندى بكه‌ت و ژ گۆڕان ڕاكه‌ته‌ڤه؟
وَيَقُوْلُوْنَ مَتٰي هٰذَا الْفَتْحُ اِنْ كُنْتُمْ صٰدِقِيْنَ
ئه‌ڤ بوتپه‌رێسه له‌زێ ل عه‌زابێ دكه‌ن، ودبێژن: ئه‌ڤ حوكمێ دێ د ناڤبه‌را مه وهه‌وه دا ئێته كرن كه‌نگییه كو ئه‌م بێينه عه‌زابدان وه‌كى هوين دبێژن، ئه‌گه‌ر هوين د گۆتنا خۆ دا دڕاستگۆنه؟
قُلْ يَوْمَ الْفَتْحِ لَا يَنْفَعُ الَّذِيْنَ كَفَرُوْ٘ا اِيْمَانُهُمْ وَلَا هُمْ يُنْظَرُوْنَ
تو -ئه‌ى موحه‌ممه‌د- بێژه وان: ڕۆژا حوكم دئێته كرن يا كو هوين تێدا دئێنه عه‌زابدان، وهوين مرنێ تێدا دبينن باوه‌رى ئينانا كافران يا وێ گاڤێ چو مفاى ناگه‌هينته وان، وئه‌و بۆ تۆبه‌كرن وزڤڕينێ نائێنه پاشڤه‌هێلان.
فَاَعْرِضْ عَنْهُمْ وَانْتَظِرْ اِنَّهُمْ مُّنْتَظِرُوْنَ
ڤێجا تو -ئه‌ى موحه‌ممه‌د- پشت بده ڤان بوتپه‌رێسان، وپويته ب دره‌وپێكرنا وان نه‌كه، وچاڤه‌رێیى وێ به يا كو دێ خودێ ب سه‌رێ وان ئينت، هندى ئه‌ون ئه‌و بۆ هه‌وه دچاڤه‌رێیى خرابیێنه.