الٓمّٓ
(الم) ل ده‌سپێكا سووره‌تا به‌قه‌ره گۆتن ل سه‌ر ڤان حه‌رفێن كه‌ركرى بۆرییه.
غُلِبَتِ الرُّوْمُ
فورس شيانه ڕۆمییان.
فِيْ٘ اَدْنَي الْاَرْضِ وَهُمْ مِّنْۣ بَعْدِ غَلَبِهِمْ سَيَغْلِبُوْنَ
ل سه‌ر عه‌ردێ (شامێ) يێ نێزيك بۆ وه‌لاتێ (فارسان) . وپاشى پشتى ده‌مه‌كێ دى ڕۆمى دێ شێنه فورسێ.
فِيْ بِضْعِ سِنِيْنَ لِلّٰهِ الْاَمْرُ مِنْ قَبْلُ وَمِنْۣ بَعْدُ وَيَوْمَئِذٍ يَّفْرَحُ الْمُؤْمِنُوْنَ
ده‌مه‌كێ ژ سێ سالان كێمتر نه‌بت و ژ ده‌هـ سالان پتر نه‌بت. وبه‌رى ڕۆمى ب سه‌ركه‌ڤن وپشتى ب سه‌ردكه‌ڤن ژى مه‌سه‌له هه‌مى د ده‌ستێ خودێ دايه، وڕۆژا ڕۆمى دشێنه فورسێ كه‌يفا خودان باوه‌ران دێ ب سه‌ركه‌فتنا ڕۆمییان ل سه‌ر فورسێ ئێت.
بِنَصْرِ اللّٰهِ يَنْصُرُ مَنْ يَّشَآءُ وَهُوَ الْعَزِيْزُ الرَّحِيْمُ
وهه‌چییێ خودێ بڤێت دێ وى ب سه‌ر ئێخت، ويێ وى بڤێت دێ شه‌رمزار كه‌ت، وئه‌وه خودايێ زال و دلۆڤانكار. وئه‌و چێبوو يا خودێ گۆتى وپشتى حه‌فت سالان ڕۆمى شيانه فورسێ، وكه‌يفا موسلمانان ب وێ چه‌ندێ هات؛ چونكى ڕۆمى خودان كيتابن.
وَعْدَ اللّٰهِ لَا يُخْلِفُ اللّٰهُ وَعْدَهٗ وَلٰكِنَّ اَكْثَرَ النَّاسِ لَا يَعْلَمُوْنَ
خودێ سۆزه‌كا بنه‌جهـ دايه خودان باوه‌ران، كو ڕۆمییێن فه‌له ب سه‌ر فارسێن بوتپه‌رێس بێخت، به‌لێ پترییا كافرێن (مه‌كه‌هێ) نزانن كو ئه‌و سۆزا خودێ داى حه‌قییه.
يَعْلَمُوْنَ ظَاهِرًا مِّنَ الْحَيٰوةِ الدُّنْيَا وَهُمْ عَنِ الْاٰخِرَةِ هُمْ غٰفِلُوْنَ
وهه‌ما ب تنێ ئه‌و تشتێ دنيايێ يێ ب سه‌رڤه وجوانییا وێ دزانن، وئه‌و ژ مه‌سه‌لێن ئاخره‌تێ وتشتێ مفاى تێدا بگه‌هينته وان دبێ ئاگه‌هن، هزرا خۆ تێدا ناكه‌ن.
اَوَلَمْ يَتَفَكَّرُوْا فِيْ٘ اَنْفُسِهِمْ مَا خَلَقَ اللّٰهُ السَّمٰوٰتِ وَالْاَرْضَ وَمَا بَيْنَهُمَا٘ اِلَّا بِالْحَقِّ وَاَجَلٍ مُّسَمًّي وَاِنَّ كَثِيْرًا مِّنَ النَّاسِ بِلِقَآئِ رَبِّهِمْ لَكٰفِرُوْنَ
ئه‌رێ وما ئه‌وێن هه يێن دره‌وێ ب پێغه‌مبه‌رێن خودێ وديدارا وى دكه‌ن هزرا خۆ د ئافراندنا خۆ دا ناكه‌ن، كو خودێ ئه‌و ژ چوننه‌يێ چێكرينه. خودێ عه‌سمان وعه‌ردى وتشتێ د ناڤبه‌را هه‌ر دووان دا هه‌ى بۆ هندێ ئافراندينه دا كو دادى وخه‌لات وجه‌لات تێدا بێنه ب كارئينان، ودا ببنه نيشان ل سه‌ر ته‌وحيد وشيانا خودێ، وده‌مه‌كێ ده‌سنيشانكرى بۆ دانايه كو ڕۆژا قيامه‌تێیه ئه‌و دێ لێ ب دويماهى ئێن. وهندى پترییا مرۆڤانه ب ديدارا خودايێ خۆ دكافرن؛ ژ به‌ر نه‌زانينا وان كو زڤڕينا وان پشتى مرنێ بۆ نك خودێ‌یه، و ژ بێ ئاگه‌هییا وان ژ ئاخره‌تێ.
اَوَلَمْ يَسِيْرُوْا فِي الْاَرْضِ فَيَنْظُرُوْا كَيْفَ كَانَ عَاقِبَةُ الَّذِيْنَ مِنْ قَبْلِهِمْ كَانُوْ٘ا اَشَدَّ مِنْهُمْ قُوَّةً وَّاَثَارُوا الْاَرْضَ وَعَمَرُوْهَا٘ اَكْثَرَ مِمَّا عَمَرُوْهَا وَجَآءَتْهُمْ رُسُلُهُمْ بِالْبَيِّنٰتِ فَمَا كَانَ اللّٰهُ لِيَظْلِمَهُمْ وَلٰكِنْ كَانُوْ٘ا اَنْفُسَهُمْ يَظْلِمُوْنَ
ئه‌رێ ئه‌ڤێن دره‌وێ ب خودێ دكه‌ن و ژ ئاخره‌تێ دبێ ئاگه‌هـ ما ل عه‌ردى نه‌گه‌ڕياينه وهزرا خۆ نه‌كرییه، ونه‌ديتییه كانێ جزايێ وان ملله‌تێن دره‌و ب پێغه‌مبه‌رێن خودێ كرى وه‌كى عادى وثه‌موودی چ بوويه؟ و ب ڕاستى له‌شێن وان ب هێزتر بوون، وئه‌و پتر دشيان خۆشییێ ب ژينێ ببه‌ن چونكى وان عه‌رد كێلابوو وشينكربوو، ووان قه‌سر وسه‌را ئاڤاكربوون ولێ ئاكنجى بووبوون، ووان دنيايا خۆ پتر ژ يا خه‌لكێ (مه‌كه‌هێ) ئاڤاكربوو، ڤێجا وێ ئاڤاكرنا وان ودرێژییا ژییێ وان چو مفا نه‌گه‌هانده وان، وپێغه‌مبه‌رێن وان ب هێجه‌ت ونيشانێن ئاشكه‌را بۆ وان هاتبوون، به‌لێ وان ئه‌و دره‌وين ده‌رێخستـن ئينا خودێ ئه‌و تێبرن، وخودێ ب وێ چه‌ندێ زۆردارى ل وان نه‌كربوو، به‌لكى وان ب شركێ وگونه‌هان زۆردارى ل خۆ كربوو.
ثُمَّ كَانَ عَاقِبَةَ الَّذِيْنَ اَسَآءُوا السُّوْٓاٰ٘ي اَنْ كَذَّبُوْا بِاٰيٰتِ اللّٰهِ وَكَانُوْا بِهَا يَسْتَهْزِءُوْنَ
پاشى دويماهییا ئه‌وێن خرابى كرى ژ سه‌رداچووى وكافران خرابترين وپيسترين دويماهى بوو؛ چونكى وان باوه‌رى ب خودێ نه‌ئينا ويارى بۆ خۆ ب ئايه‌تێن وى كرن يێن وى بۆ پێغه‌مبه‌رێن خۆ ئيناينه خوارێ.
اَللّٰهُ يَبْدَؤُا الْخَلْقَ ثُمَّ يُعِيْدُهٗ ثُمَّ اِلَيْهِ تُرْجَعُوْنَ
خودێ ب تنێ چێكرى ئافراندينه، وئه‌و ب تنێ‌یه دشێت جاره‌كا دى وان چێ بكه‌ته‌ڤه، پاشى خه‌لك هه‌مى بۆ نك وى دێ زڤڕنه‌ڤه، ڤێجا ئه‌و دێ جزايێ باشى وخرابى ل دويڤ كريارێن وان ده‌تێ.
وَيَوْمَ تَقُوْمُ السَّاعَةُ يُبْلِسُ الْمُجْرِمُوْنَ
وڕۆژا قيامه‌ت ڕادبت تاونبار ژ ڕزگاربوونا ژ عه‌زابێ بێ هيڤى دبن، وئه‌و حێبه‌تى دمينن ووان چو هێجه‌ت نابن.
وَلَمْ يَكُنْ لَّهُمْ مِّنْ شُرَكَآئِهِمْ شُفَعٰٓؤُا وَكَانُوْا بِشُرَكَآئِهِمْ كٰفِرِيْنَ
ووێ ڕۆژێ بوتپه‌رێسان چو مه‌هده‌رچى نابن ژ وان خوداوه‌ندێن وان ژبلی خودێ په‌رستـن بۆ دكر، به‌لكى ئه‌و خۆ ژ يه‌ك ودو به‌رى دكه‌ن، ومه‌هده‌ر يا خودێ ب تنێ‌یه، وئه‌و ژ وى پێڤه‌تر ژ كه‌سێ دى نائێته خواستن.
وَيَوْمَ تَقُوْمُ السَّاعَةُ يَوْمَئِذٍ يَّتَفَرَّقُوْنَ
وڕۆژا قيامه‌ت ڕادبت ئه‌وێن باوه‌رى پێ هه‌ى ويێن كافر ژێك جودا دبن.
فَاَمَّا الَّذِيْنَ اٰمَنُوْا وَعَمِلُوا الصّٰلِحٰتِ فَهُمْ فِيْ رَوْضَةٍ يُّحْبَرُوْنَ
ڤێجا ئه‌وێن باوه‌رى ب خودێ وپێغه‌مبه‌رێ وى هه‌ى، وكريارێن چاك كرين ئه‌و د به‌حه‌شتێ دانه، قه‌درێ وان دئێته گرتن وئه‌و كه‌يفخۆش دبن وخۆشییێ پێ دبه‌ن.
وَاَمَّا الَّذِيْنَ كَفَرُوْا وَكَذَّبُوْا بِاٰيٰتِنَا وَلِقَآئِ الْاٰخِرَةِ فَاُولٰٓئِكَ فِي الْعَذَابِ مُحْضَرُوْنَ
وهندى ئه‌ون يێن كوفر ب خودێ كرى ودره‌و ب وێ كرى يا پێغه‌مبه‌ر پێ هاتين وباوه‌رى ب ڕابوونا پشتى مرنێ نه‌ئيناى، ئه‌و هه‌ر دێ د عه‌زابێ دا بن؛ ژ به‌ر تشتێ وان د دنيايێ دا دره‌و پێ كرى.
فَسُبْحٰنَ اللّٰهِ حِيْنَ تُمْسُوْنَ وَحِيْنَ تُصْبِحُوْنَ
ڤێجا هوين ئه‌ى گه‌لی خودان باوه‌ران ته‌سبيحا خودێ بكه‌ن ووى ژ شريك وژن وزارۆيان پاك وپيرۆز بكه‌ن، وهوين ب ئه‌زمانێ خۆ سالۆخه‌تێن كه‌مالێ بۆ وى بێژن، و ب ئه‌ندامێن له‌شێ خۆ ژى وێ چه‌ندێ بنه‌جهـ بكه‌ن ده‌مێ ل هه‌وه دبته ئێڤار، وده‌مێ ل هه‌وه دبته سپێده.
وَلَهُ الْحَمْدُ فِي السَّمٰوٰتِ وَالْاَرْضِ وَعَشِيًّا وَّحِيْنَ تُظْهِرُوْنَ
و ب شه‌ڤێ، ونيڤرۆ، وحه‌مد وسوپاسى ل عه‌سمانى وعه‌ردى، ل شه‌ڤێ وڕۆژێ بۆ وییه.
يُخْرِجُ الْحَيَّ مِنَ الْمَيِّتِ وَيُخْرِجُ الْمَيِّتَ مِنَ الْحَيِّ وَيُحْيِ الْاَرْضَ بَعْدَ مَوْتِهَا وَكَذٰلِكَ تُخْرَجُوْنَ
خودێ تشتێ زێندى ژ يێ مرى دئينته‌ده‌ر وه‌كى مرۆڤى ژ چپكێ وته‌يرى ژ هێكێ، وتشتێ مرى ژ يێ زێندى دئينته ده‌ر وه‌كى چپكێ ژ مرۆڤى وهێكێ ژ ته‌يرى. وئه‌و عه‌ردى شين دكه‌ت پشتى هشك بووى، ووه‌كى ڤێ زێنديكرنێ هوين ژى -گه‌لی مرۆڤان- بۆ حسێب وجزادانێ ژ گۆڕێن خۆ ده‌ردكه‌ڤن.
وَمِنْ اٰيٰتِهٖ٘ اَنْ خَلَقَكُمْ مِّنْ تُرَابٍ ثُمَّ اِذَا٘ اَنْتُمْ بَشَرٌ تَنْتَشِرُوْنَ
و ژ نيشانێن مه‌زنى وشيانا خودێ‌یه كو وى بابێ هه‌وه ئاده‌م ژ ئاخێ ئافراند، پاشى هوين بوونه مرۆڤ وهوين زێده بوون و ل عه‌ردى به‌لاڤ بوون.
وَمِنْ اٰيٰتِهٖ٘ اَنْ خَلَقَ لَكُمْ مِّنْ اَنْفُسِكُمْ اَزْوَاجًا لِّتَسْكُنُوْ٘ا اِلَيْهَا وَجَعَلَ بَيْنَكُمْ مَّوَدَّةً وَّرَحْمَةً اِنَّ فِيْ ذٰلِكَ لَاٰيٰتٍ لِّقَوْمٍ يَّتَفَكَّرُوْنَ
و ژ نيشانێن مه‌زنى وشيانا وییه كو وى هه‌ر ژ نفشێ هه‌وه ب خۆ -گه‌لی زه‌لامان- ژن بۆ هه‌وه ئافراندن؛ دا دلێن هه‌وه ل نك وان ڕحه‌ت وئاكنجى ببن، ووى ڤيان ودلۆڤانى كره د ناڤبه‌را ژنێ وزه‌لامێ وێ دا، هندى د ئافراندنا وێ چه‌ندێ دايه نيشان ل سه‌ر شيان وته‌وحيدا خودێ بۆ وى ملله‌تى هه‌نه يێ هزرا خۆ بكه‌ت، و د تشى بگه‌هت.
وَمِنْ اٰيٰتِهٖ خَلْقُ السَّمٰوٰتِ وَالْاَرْضِ وَاخْتِلَافُ اَلْسِنَتِكُمْ وَاَلْوَانِكُمْ اِنَّ فِيْ ذٰلِكَ لَاٰيٰتٍ لِّلْعٰلِمِيْنَ
وئافراندنا عه‌سمانان وبلندكرنا وان بێ ستوين، وئافراندنا عه‌ردى وبه‌رفره‌هكرنا وى، وژێكجودابوونا ئه‌زمان وڕه‌نگێن هه‌وه، ژ نيشانێن شيانا خودێنه، هندى د وێ چه‌ندێ دايه عيبره‌ته‌ك بۆ خودان ديتن وزانينان هه‌يه.
وَمِنْ اٰيٰتِهٖ مَنَامُكُمْ بِالَّيْلِ وَالنَّهَارِ وَابْتِغَآؤُكُمْ مِّنْ فَضْلِهٖ اِنَّ فِيْ ذٰلِكَ لَاٰيٰتٍ لِّقَوْمٍ يَّسْمَعُوْنَ
و ژ نيشانێن ڤێ شيانییه كو خودێ نڤستـن ل شه‌ڤێ وڕۆژێ بۆ هه‌وه كره ڕحه‌تى وته‌ناهى؛ چونكى ب نڤستنێ مرۆڤ ڕحه‌ت دبت ووه‌ستيان نامينت، ووى ڕۆژ بۆ هه‌وه كره جهێ به‌لاڤبوون وخواستنا ڕزقى، هندى د وێ چه‌ندێ دايه نيشان ل سه‌ر شيانا خودێ بۆ وى ملله‌تى هه‌نه يێ گوهدارییا شيره‌تان بكه‌ت وهزرا خۆ تێدا بكه‌ت.
وَمِنْ اٰيٰتِهٖ يُرِيْكُمُ الْبَرْقَ خَوْفًا وَّطَمَعًا وَّيُنَزِّلُ مِنَ السَّمَآءِ مَآءً فَيُحْيٖ بِهِ الْاَرْضَ بَعْدَ مَوْتِهَا اِنَّ فِيْ ذٰلِكَ لَاٰيٰتٍ لِّقَوْمٍ يَّعْقِلُوْنَ
و ژ نيشانێن شيانا وییه ئه‌و برويسییان نيشا هه‌وه دده‌ت، ڤێجا هوين ژ ده‌نگێ وان دترسن، وهوين دلێ خۆ دبه‌نه بارانێ، وئه‌و بارانێ ژ عه‌وران دبارينت وعه‌ردى پشتى هشك بووى پێ شين دكه‌ته‌ڤه، هندى د ڤێ چه‌ندێ دايه نيشانه‌ك ل سه‌ر شيانا خودێ یا تمام وكاربنه‌جهى وقه‌نجییا وى هه‌يه بۆ هه‌ر كه‌سه‌كێ عه‌قله‌ك هه‌بت پێ بێته سه‌ر ڕێ.
وَمِنْ اٰيٰتِهٖ٘ اَنْ تَقُوْمَ السَّمَآءُ وَالْاَرْضُ بِاَمْرِهٖ ثُمَّ اِذَا دَعَاكُمْ دَعْوَةً مِّنَ الْاَرْضِ اِذَا٘ اَنْتُمْ تَخْرُجُوْنَ
و ژ نيشانێن شيانا وییه كو عه‌سمان وعه‌رد ب فه‌رمانا وى ڕاوه‌ستاينه وئاكنجى بووينه، ونه‌هژياينه، وعه‌سمان نه‌كه‌فتییه سه‌ر عه‌ردى، پاشى ئه‌گه‌ر خودێ ل ڕۆژا قيامه‌تێ هوين بۆ ڕابوونێ گازيكرن، هنگى هوين ب له‌ز دێ ژ گۆڕێن خۆ ده‌ركه‌ڤن.
وَلَهٗ مَنْ فِي السَّمٰوٰتِ وَالْاَرْضِ كُلٌّ لَّهٗ قٰنِتُوْنَ
وهه‌ر تشته‌كێ ل عه‌سمانان وعه‌ردى ژ فريشته ومرۆڤ وئه‌جنه وحه‌يوان وهشكاتى وشينكاتییان بۆ خودێ ب تنێ‌یه، ئه‌ڤه هه‌مى د فه‌رمانا وى دانه ول بن ئه‌مرێ وينه.
وَهُوَ الَّذِيْ يَبْدَؤُا الْخَلْقَ ثُمَّ يُعِيْدُهٗ وَهُوَ اَهْوَنُ عَلَيْهِ وَلَهُ الْمَثَلُ الْاَعْلٰي فِي السَّمٰوٰتِ وَالْاَرْضِ وَهُوَ الْعَزِيْزُ الْحَكِيْمُ
وخودێ ب تنێ‌یه يێ خه‌لكى ژ چونه‌يێ دئافرينت پاشى پشتى مرنێ وان دوباره زێندى دكه‌ت، ودوباره‌كرنا ئافراندنا خه‌لكى پشتى مرنێ ل به‌ر خودێ ب ساناهيتره ژ ئافراندنا وان بۆ جارا يه‌كێ، وئه‌و ب خۆ هه‌ردو ل به‌ر وى ب ساناهينه. وسالۆخه‌تا بلندتر د هه‌ر تشته‌كى دا يا ئه‌و پێ بێته سالۆخدان بۆ وییه، چو تشته‌ك وه‌كى وى نينه، وئه‌وه گوهدێرێ بينه‌ر. وئه‌وه زالێ كه‌س نه‌شێتێ، يێ كاربنه‌جهـ د گۆتـن وكريارێن خۆ دا، و د ڕێڤه‌برنا خه‌لكى دا.
ضَرَبَ لَكُمْ مَّثَلًا مِّنْ اَنْفُسِكُمْ هَلْ لَّكُمْ مِّنْ مَّا مَلَكَتْ اَيْمَانُكُمْ مِّنْ شُرَكَآءَ فِيْ مَا رَزَقْنٰكُمْ فَاَنْتُمْ فِيْهِ سَوَآءٌ تَخَافُوْنَهُمْ كَخِيْفَتِكُمْ اَنْفُسَكُمْ كَذٰلِكَ نُفَصِّلُ الْاٰيٰتِ لِقَوْمٍ يَّعْقِلُوْنَ
گه‌لی بوتپه‌رێسان خودێ مه‌ته‌له‌ك بۆ هه‌وه ژ هه‌وه ب خۆ ب خۆ ئينا: ئه‌رێ ما ژ به‌نییێن هه‌وه يه‌ك هه‌يه پشكدارییا هه‌وه د ڕزقێ هه‌وه دا بكه‌ت، وهوين دبينن كو هوين وئه‌و وه‌كى يه‌كن، دا كو هوين ژ وان بترسن كا چاوا هوين ژ پشكدارێن خۆ يێن ئازاد دترسن كو مالێ هه‌وه د ناڤبه‌را خۆ دا لێكڤه‌كه‌ن؟ هوين ب وێ چه‌ندێ دڕازى نابن، ڤێجا چاوا هوين بۆ خودێ ب وێ چه‌ندێ ڕازى دبن كو هوين ژ چێكرییێن خودێ شريكه‌كى بۆ وى بدانن؟ و ب ڤى ڕه‌نگێ ئاشكه‌را ئه‌م هێجه‌ت وده‌ليلان بۆ خودان عه‌قلێن دورست وساخله‌م ئاشكه‌را دكه‌ين.
بَلِ اتَّبَعَ الَّذِيْنَ ظَلَمُوْ٘ا اَهْوَآءَهُمْ بِغَيْرِ عِلْمٍ فَمَنْ يَّهْدِيْ مَنْ اَضَلَّ اللّٰهُ وَمَا لَهُمْ مِّنْ نّٰصِرِيْنَ
به‌لكى بوتپه‌رێسان دويكه‌فتنا دلچوونێن خۆ كرییه ده‌مێ وان بێ زانين چاڤ ل باب وباپيرێن خۆ كرى، ڤێجا پشكدارییا وان د نه‌زانين وسه‌رداچوونێ دا كرى، وكه‌س نه‌شێت به‌رێ وى بده‌تێ هيدايه‌تێ يێ خودێ ئه‌و -ژ به‌ر كوفر وڕكدارییا وى- به‌رزه‌كرى، وڤان چو پشته‌ڤان نينن وان ژ عه‌زابا خودێ ڕزگار بكه‌ن.
فَاَقِمْ وَجْهَكَ لِلدِّيْنِ حَنِيْفًا فِطْرَتَ اللّٰهِ الَّتِيْ فَطَرَ النَّاسَ عَلَيْهَا لَا تَبْدِيْلَ لِخَلْقِ اللّٰهِ ذٰلِكَ الدِّيْنُ الْقَيِّمُ وَلٰكِنَّ اَكْثَرَ النَّاسِ لَا يَعْلَمُوْنَ
ڤێجا تو -ئه‌ى موحه‌ممه‌د وهه‌چییێ دويكه‌فتنا ته كرى- به‌رێ خۆ ڕاست بده وى دينى يێ خودێ بۆ ته داناى، كو ئيسلامه، وبه‌رده‌وام ل سه‌ر بمينه؛ چونكى ئه‌و د گه‌ل خۆرستییا مرۆڤى ڕێ دكه‌ڤت، ومانا هه‌وه ل سه‌ر ڤى دينى خۆپێڤه‌گرێدانه ب وێ خۆرستییێ ڤه يا خودێ مرۆڤ ل سه‌ر چێكرى، گوهۆڕين بۆ چێكرییێ خودێ ودينێ وى نينه، ئه‌وه ڕێكا ڕاست يا خودانى دگه‌هينته ڕازيبوونا خودێ وبه‌حه‌شتا وى، به‌لێ پترییا مرۆڤان نزانن كو ئه‌وا من فه‌رمان پێ ل ته كرى -ئه‌ى موحه‌ممه‌د- ئه‌و ب تنێ‌یه دينێ ڕاست.
مُنِيْبِيْنَ اِلَيْهِ وَاتَّقُوْهُ وَاَقِيْمُوا الصَّلٰوةَ وَلَا تَكُوْنُوْا مِنَ الْمُشْرِكِيْنَ
وهوين ب تۆبه‌كرنێ وئيخلاصێ ل خودێ بزڤڕن، وته‌قوا وى بكه‌ن وئه‌مر وفه‌رمانێن وى ب جهـ بينن، ونڤێژێ ب دورستى وتمام بكه‌ن، وهوين ژ وان بوتپه‌رێسان نه‌بن يێن شريكان بۆ خودێ د په‌رستنێ دا ددانن.
مِنَ الَّذِيْنَ فَرَّقُوْا دِيْنَهُمْ وَكَانُوْا شِيَعًا كُلُّ حِزْبٍۣ بِمَا لَدَيْهِمْ فَرِحُوْنَ
وهوين ژ بوتپه‌رێس وبيدعه‌چى وخودانێن دلچوونان نه‌بن ئه‌وێن دينێ خۆ گوهاڕتى، و ل دويڤ دلێ خۆ هنده‌ك ژێ گرتى وهنده‌ك ژێ به‌رداى، وبووينه پارت وده‌سته‌ك، هنده‌ك ژ وان ل سه‌ر نه‌حه‌قییێ پشتا هنده‌كان دگرن، هه‌ر پارته‌ك ب وى تشتى يا كه‌يفخۆشه يێ ل نك وێ هه‌ى، خۆ دبينن دحه‌ق وخه‌لكى نه‌حه‌ق.
وَاِذَا مَسَّ النَّاسَ ضُرٌّ دَعَوْا رَبَّهُمْ مُّنِيْبِيْنَ اِلَيْهِ ثُمَّ اِذَا٘ اَذَاقَهُمْ مِّنْهُ رَحْمَةً اِذَا فَرِيْقٌ مِّنْهُمْ بِرَبِّهِمْ يُشْرِكُوْنَ
وئه‌گه‌ر نه‌خۆشى وبه‌لايه‌ك گه‌هشته مرۆڤان ئه‌و ژ دل دێ هاوار كه‌نه خودايێ خۆ كو ئه‌و ڤێ نه‌خۆشییێ ژ سه‌ر وان ڕاكه‌ت، ڤێجا ئه‌گه‌ر وى ڕه‌حـم ب وان بر وئه‌و نه‌خۆشى ژ سه‌ر ڕاكر هنگى ده‌سته‌كه‌ك ژ وان دوباره دێ ل شركێ زڤڕن، ودێ په‌رستنا هنده‌كێن دى د گه‌ل خودێ كه‌ن.
لِيَكْفُرُوْا بِمَا٘ اٰتَيْنٰهُمْ فَتَمَتَّعُوْا فَسَوْفَ تَعْلَمُوْنَ
دا ئه‌و كوفرێ ب وى تشتى بكه‌ن يێ مه دايه وان ومه منه‌ت پێ ل وان كرى كو مه ته‌نگاڤى ژ سه‌ر وان ڕاكرى، ونه‌خۆشى نه‌هێلاى، ڤێجا هوين -گه‌لی بوتپه‌رێسان- خۆشییێ ب به‌رفره‌هییا د دنيايێ دا ببه‌ن، پاشى هوين دێ زانن كانێ چ عه‌زاب دێ ب سه‌ر هه‌وه دا ئێت.
اَمْ اَنْزَلْنَا عَلَيْهِمْ سُلْطٰنًا فَهُوَ يَتَكَلَّمُ بِمَا كَانُوْا بِهٖ يُشْرِكُوْنَ
يان مه هێجه‌ته‌كا ئاشكه‌را وكيتابه‌كا بنبـڕ ب سه‌ر ڤان بوتپه‌رێسان دا ئينايه خوارێ، كو شرك وكوفرا وان دورست ده‌ربێخت.
وَاِذَا٘ اَذَقْنَا النَّاسَ رَحْمَةً فَرِحُوْا بِهَا وَاِنْ تُصِبْهُمْ سَيِّئَةٌۣ بِمَا قَدَّمَتْ اَيْدِيْهِمْ اِذَا هُمْ يَقْنَطُوْنَ
وئه‌گه‌ر مه ژ نك خۆ قه‌نجییه‌ك ژ ساخله‌مى وبه‌رفره‌هییێ دا مرۆڤان، كه‌يفا وان دێ پێ ئێت وئه‌و د سه‌ر پییێ خۆ دا دێ چن وشوكرا مه ناكه‌ن، وئه‌گه‌ر ژ به‌ر گونه‌هێن وان نه‌خۆشى وهه‌ژارى وترس وته‌نگاڤى ب سه‌ر وان دا هات، ئه‌و بێ هيڤى دبن كو جاره‌كا دى وه‌كى به‌رێ لێ بێنه‌ڤه، وئه‌ڤه تبيعه‌تێ پترییا مرۆڤانه ل ده‌مێ ته‌گاڤى وبه‌رفره‌هییێ.
اَوَلَمْ يَرَوْا اَنَّ اللّٰهَ يَبْسُطُ الرِّزْقَ لِمَنْ يَّشَآءُ وَيَقْدِرُ اِنَّ فِيْ ذٰلِكَ لَاٰيٰتٍ لِّقَوْمٍ يُّؤْمِنُوْنَ
ئه‌رێ وما وان نه‌زانییه كو هه‌چییێ خودێ بڤێت بۆ جه‌ڕباندن ڕزقێ وى به‌رفره‌هـ دكه‌ت، كانێ دێ شوكرێ كه‌ت يان دێ كافر بت؟ وهه‌چییێ وى بڤێت ئه‌و بۆ جه‌ڕباندن ڕزقێ وى به‌رته‌نگ دكه‌ت، كانێ دێ صه‌برێ كێشت يان نه؟ هندى د ڤێ به‌رفره‌هكرن وبه‌رته‌نگكرنێ دايـه نيشان بۆ وى ملله‌تى هـه‌نـه يـێ بـاوه‌رییێ ب خــودێ دئـيـنـن وكاربنه‌جهى ودلۆڤانییا وى دزانن.
فَاٰتِ ذَا الْقُرْبٰي حَقَّهٗ وَالْمِسْكِيْنَ وَابْنَ السَّبِيْلِ ذٰلِكَ خَيْرٌ لِّلَّذِيْنَ يُرِيْدُوْنَ وَجْهَ اللّٰهِ وَاُولٰٓئِكَ هُمُ الْمُفْلِحُوْنَ
ڤـێـجــا تـو -ئه‌ى خودان باوه‌ر- حه‌قێ مرۆڤێ خۆ يێ نێزيك ژ مرۆڤاينییێ وهاريكارییێ وهه‌مى كارێن دى يێن باش بدێ، وتو ژ خێر وزه‌كاتێ بده مرۆڤێ هه‌ژار وپێتڤى ووى ڕێڤنگى يێ چو ڤێ نه‌ماى، ئه‌ڤ دانه بۆ وى چێتره يێن ب كارێ خۆ كنارێ خودێ دخوازت، وئه‌وێن ڤان خێر وباشییان دكه‌ن، ئه‌ون يێن خێرا خودێ ب ده‌ست خۆڤه دئينن و ژ عه‌زابا وى ڕزگار دبن.
وَمَا٘ اٰتَيْتُمْ مِّنْ رِّبًا لِّيَرْبُوَا۠ فِيْ٘ اَمْوَالِ النَّاسِ فَلَا يَرْبُوْا عِنْدَ اللّٰهِ وَمَا٘ اٰتَيْتُمْ مِّنْ زَكٰوةٍ تُرِيْدُوْنَ وَجْهَ اللّٰهِ فَاُولٰٓئِكَ هُمُ الْمُضْعِفُوْنَ
وهه‌ر قه‌ره‌كێ هوين ب ئنيه‌تا ربايێ بده‌ن؛ دا زێده‌هى بۆ هه‌وه ب وى قه‌رى ڤه بێت وئه‌و د ناڤ مالێ خه‌لكى دا زێده ببت، ئه‌و ل نك خودێ زێده نابت، به‌لكى خودێ وى پويچ دكه‌ت. وهه‌ر زه‌كاته‌كا هوين ب ئنيه‌تا خێرێ وڕازيبوونا خودێ بده‌ن، ئه‌ڤه‌يه ئه‌وا خودێ قه‌بويل دكه‌ت وبۆ هه‌وه گه‌له‌ك زێده دكت.
اَللّٰهُ الَّذِيْ خَلَقَكُمْ ثُمَّ رَزَقَكُمْ ثُمَّ يُمِيْتُكُمْ ثُمَّ يُحْيِيْكُمْ هَلْ مِنْ شُرَكَآئِكُمْ مَّنْ يَّفْعَلُ مِنْ ذٰلِكُمْ مِّنْ شَيْءٍ سُبْحٰنَهٗ وَتَعٰلٰي عَمَّا يُشْرِكُوْنَ
خودێ ب تنێ‌یه يێ هوين ئافراندين -گه‌لی مرۆڤان- پاشى ڕزقێ هه‌وه د ڤێ دنيايێ دا دايه هه‌وه، پاشى هه‌وه دمرينت ده‌مێ ڕۆژا هه‌وه تـمام دبت، پاشى هه‌وه زێندى دكه‌ته‌ڤه وبۆ حسێبێ وجزادانێ هه‌وه ژ گۆڕان ڕادكه‌ت، ئه‌رێ ژ هه‌ڤپشكێن هه‌وه يه‌ك هه‌يه تشته‌كى ژ وێ چه‌ندێ بكه‌ت؟ يێ پاك وبلند بت خودێ ژ شركا ڤان بوتپه‌رێسان.
ظَهَرَ الْفَسَادُ فِي الْبَرِّ وَالْبَحْرِ بِمَا كَسَبَتْ اَيْدِي النَّاسِ لِيُذِيْقَهُمْ بَعْضَ الَّذِيْ عَمِلُوْا لَعَلَّهُمْ يَرْجِعُوْنَ
خرابى د هشكاتى وده‌ريايێ دا په‌يدا بوو، وه‌كى هشكاتى وكێم باران ونه‌خۆشییان؛ ژ به‌ر وان گونه‌هێن مرۆڤ دكه‌ن؛ دا ئه‌و ب هنده‌ك كريارێن وان د دنيايێ دا كرين وان جزا بده‌ت؛ دا به‌لكى ئه‌و ل خودێ بزڤڕن وتۆبه بكه‌ن و ل گونه‌هێن خۆ لێڤه ببن، ڤێجا حالێ وان چاك ببت وكارێ وان باش ببت.
قُلْ سِيْرُوْا فِي الْاَرْضِ فَانْظُرُوْا كَيْفَ كَانَ عَاقِبَةُ الَّذِيْنَ مِنْ قَبْلُ كَانَ اَكْثَرُهُمْ مُّشْرِكِيْنَ
تو -ئه‌ى موحه‌ممه‌د- بێژه وان يێن دره‌و ب وێ كرى يا تو پێ هاتى: هوين ل عه‌ردى بگه‌ڕيێن وهزرێن خۆ تێدا بكه‌ن، وبه‌رێ خۆ بده‌نێ كانێ دويماهییا وان ملله‌تان چ بوو يێن دره‌و كرى وه‌كى ملله‌تێ نووحى، وعادى وثه‌موودی، هوين دێ بينن دويماهییا وان خرابترين دويماهى بوو؟ و ب ڕاستى پترییا وان شرك ب خودێ دكر.
فَاَقِمْ وَجْهَكَ لِلدِّيْنِ الْقَيِّمِ مِنْ قَبْلِ اَنْ يَّاْتِيَ يَوْمٌ لَّا مَرَدَّ لَهٗ مِنَ اللّٰهِ يَوْمَئِذٍ يَّصَّدَّعُوْنَ
ڤێجا تو -ئه‌ى موحه‌ممه‌د- به‌رێ خۆ بده دينێ ڕاست، كو ئيسلامه، فه‌رمانێن وى ب جهـ بينه، وتو خۆ پێڤه بگره به‌رى كو ڕۆژا قيامه‌تێ بێت؛ چونكى ئه‌گه‌ر ئه‌و ڕۆژ هات كه‌سه‌ك نابت بشێت وێ ڤه‌گه‌ڕينت، خه‌لك ژێك دئێنه ڤه‌قه‌تاندن ودبنه گه‌له‌ك ڕه‌نگ؛ دا كريارێن وان بۆ بێنه پێش چاڤكرن.
مَنْ كَفَرَ فَعَلَيْهِ كُفْرُهٗ وَمَنْ عَمِلَ صَالِحًا فَلِاَنْفُسِهِمْ يَمْهَدُوْنَ
هه‌چییێ كافر ببت جزايێ كوفرا وى بۆ وییه، كو هه‌رمانا د ئاگرى دايه، وهه‌چییێ باوه‌رییێ بينت وكارێ چاك بكه‌ت ئه‌و جهى بۆ خۆ د به‌حه‌شتێ دا خۆش دكه‌ت؛ ژ به‌ر كو وان گوهدارییا خودێ كربوو.
لِيَجْزِيَ الَّذِيْنَ اٰمَنُوْا وَعَمِلُوا الصّٰلِحٰتِ مِنْ فَضْلِهٖ اِنَّهٗ لَا يُحِبُّ الْكٰفِرِيْنَ
دا خودێ ژ قه‌نجییا خۆ جزايێ وان بده‌تێ يێن باوه‌رى ب خودێ وپێغه‌مبه‌رێ وى ئيناى وكريارێن چاك كرين. هندى ئه‌وه ئه‌و حه‌ز ژ كافران ناكه‌ت.
وَمِنْ اٰيٰتِهٖ٘ اَنْ يُّرْسِلَ الرِّيٰحَ مُبَشِّرٰتٍ وَّلِيُذِيْقَكُمْ مِّنْ رَّحْمَتِهٖ وَلِتَجْرِيَ الْفُلْكُ بِاَمْرِهٖ وَلِتَبْتَغُوْا مِنْ فَضْلِهٖ وَلَعَلَّكُمْ تَشْكُرُوْنَ
و ژ ئايه‌تێن خودێ يێن دبنه نيشان ل سه‌ر ته‌وحيد وشيانا وى ئه‌وه ئه‌و دشێت به‌رى بارانێ بۆ مزگينى باى بهنێرت دا عه‌وران بهاژۆت، ڤێجا خه‌لكى ب وێ چه‌ندێ خۆش دبت؛ ودا ئه‌و ژ دلۆڤانییا خۆ وێ بارانێ بده‌ته هه‌وه يا وار ومرۆڤ پێ زێندى دبن، ودا گه‌مى ب فه‌رمانا خودێ د ده‌ريايێ دا ب ڕێڤه بچن، ودا هوين ب ڕێكا بازرگانییێ ژ قه‌نجییا وى بخوازن؛ دا به‌لكى هوين شوكرا قه‌نجییا خودێ بكه‌ن.
وَلَقَدْ اَرْسَلْنَا مِنْ قَبْلِكَ رُسُلًا اِلٰي قَوْمِهِمْ فَجَآءُوْهُمْ بِالْبَيِّنٰتِ فَانْتَقَمْنَا مِنَ الَّذِيْنَ اَجْرَمُوْا وَكَانَ حَقًّا عَلَيْنَا نَصْرُ الْمُؤْمِنِيْنَ
و ب ڕاستى مه به‌رى ته -ئه‌ى موحه‌ممه‌د- هنده‌ك پێغه‌مبه‌ر بۆ ملله‌تێن وان هنارتبوون دا ئه‌و وان بترسينن ومزگينییێ بده‌نێ وبه‌رێ وان بده‌نه ته‌وحيدێ ووان ژ شركێ پاشڤه‌ببه‌ن، ڤێجا ئه‌و ب موعجزه ونيشانێن ئاشكه‌را ڤه بۆ وان هاتن، به‌لێ پترییا وان كوفر ب خودايێ خۆ كر، ئينا مه تۆل ژ وان يێن خرابى كرين ڤه‌كر، ومه ئه‌و تێ برن، ومه ئه‌و خودان باوه‌رێن دويكه‌فتنا پێغه‌مبه‌ران كرى ب سه‌رئێخستـن، وئه‌م وه‌سا د گه‌ل وان دكه‌ين يێن دره‌وێ ب ته دكه‌ن ئه‌گه‌ر ئه‌و ل سه‌ر دروپێكرنا خۆ به‌رده‌وام بمينن، وباوه‌رییێ نه‌ئينن.
اَللّٰهُ الَّذِيْ يُرْسِلُ الرِّيٰحَ فَتُثِيْرُ سَحَابًا فَيَبْسُطُهٗ فِي السَّمَآءِ كَيْفَ يَشَآءُ وَيَجْعَلُهٗ كِسَفًا فَتَرَي الْوَدْقَ يَخْرُجُ مِنْ خِلٰلِهٖ فَاِذَا٘ اَصَابَ بِهٖ مَنْ يَّشَآءُ مِنْ عِبَادِهٖ٘ اِذَا هُمْ يَسْتَبْشِرُوْنَ
خودێ‌یه باى دهنێرت وعه‌ورێ ب ئاڤێ گران پێ دئازرينت، وكانێ چاوا خودێ حه‌ز دكه‌ت وه‌سا وى عه‌ورى ل عه‌سمانى به‌لاڤ دكه‌ت، وپرت پرت دكه‌ت، ڤێجا تو دێ بينى باران ژ عه‌ورى دبارت، ڤێجا ئه‌گه‌ر خودێ ئه‌و بۆ به‌نییێن خۆ هاژۆت هنگى كه‌يفا وان دئێت وئه‌و مزگينییێ دده‌نه يه‌ك ودو كو خودێ ئه‌و عه‌ور ب نك وان ڤه بر.
وَاِنْ كَانُوْا مِنْ قَبْلِ اَنْ يُّنَزَّلَ عَلَيْهِمْ مِّنْ قَبْلِهٖ لَمُبْلِسِيْنَ
هه‌رچه‌نده ئه‌و به‌رى هاتنا بارانێ دبێ هيڤى بوون ژى؛ چونكى باران ژ وان هاتبوو بڕين.
فَانْظُرْ اِلٰ٘ي اٰثٰرِ رَحْمَتِ اللّٰهِ كَيْفَ يُحْيِ الْاَرْضَ بَعْدَ مَوْتِهَا اِنَّ ذٰلِكَ لَمُحْيِ الْمَوْتٰي وَهُوَ عَلٰي كُلِّ شَيْءٍ قَدِيْرٌ
ڤێجا تو -ئه‌ى بينه‌ر- به‌رێ خۆ بدێ وهزرا خۆ د كارتێكرنا وێ بارانێ د شينكاتى وداروبارى دا بكه، چاوا خودێ عه‌ردى پێ زێندى دكه‌ت پشتى كو ئه‌و مرى، ڤێجا ئه‌و وى شين دكت؟ هندى ئه‌وه يێ شياى ڤى عه‌ردى زێندى بكه‌ته‌ڤه دێ شێت مرییان ژى زێندى كه‌ته‌ڤه، وئه‌و ل سه‌ر هه‌ر تشته‌كى يێ خودان شيانه تشته‌ك وى بێزار ناكه‌ت.
وَلَئِنْ اَرْسَلْنَا رِيْحًا فَرَاَوْهُ مُصْفَرًّا لَّظَلُّوْا مِنْۣ بَعْدِهٖ يَكْفُرُوْنَ
وئه‌گه‌ر ئه‌م بايه‌كێ خراب ب سه‌ر شينكاتییێ وان دا بهنێرين، وئه‌و ببينن كو شينكاتییێ وان ب ڤى باى خراب بوو، وپشتى كه‌سكبوونێ زه‌ربووڤه، پشتى ئه‌و وێ چه‌ندێ دبينن ئه‌و دێ مينن كافرییێ ب خودێ كه‌ن وقه‌نجییا وى ژ بيركه‌ن.
فَاِنَّكَ لَا تُسْمِعُ الْمَوْتٰي وَلَا تُسْمِعُ الصُّمَّ الدُّعَآءَ اِذَا وَلَّوْا مُدْبِرِيْنَ
ڤێجا هندى تويى -ئه‌ى موحه‌ممه‌د- تو نه‌شێى ده‌نگێ خۆ بگه‌هينییه وى يێ دلێ وى مرى، يان گوهێ خۆ ژ گوهدانا حه‌قییێ گرتى، ڤێجا تو ژ هندێ ب خه‌م نه‌كه‌ڤه كو ئه‌ڤ بوتپه‌رێسه باوه‌رییێ ب ته نه‌ئينن، هندى ئه‌ون ئه‌و وه‌كى كه‌ڕ ومرییانه وان گوهـ ل چو نابت، وئه‌گه‌ر خۆ ئه‌و دئاماده ژى بن وان هاى ژ چو نينه، ڤێجا پا چاوا ئه‌گه‌ر ئه‌و دئاماده نه‌بن؟
وَمَا٘ اَنْتَ بِهٰدِ الْعُمْيِ عَنْ ضَلٰلَتِهِمْ اِنْ تُسْمِعُ اِلَّا مَنْ يُّؤْمِنُ بِاٰيٰتِنَا فَهُمْ مُّسْلِمُوْنَ
وتو -ئه‌ى موحه‌ممه‌د- به‌رێ وى ناده‌يه ڕێكێ يێ خودێ ڕێكا هيدايه‌تێ ل به‌ر به‌رزه‌كرى، هه‌ما ب تنێ تو ده‌نگێ خۆ دگه‌هينییه وى يێ باوه‌رى ب ئايه‌تێن مه ئيناى، ڤێجا ئه‌و د فه‌رمانا خودێ دانه.
اَللّٰهُ الَّذِيْ خَلَقَكُمْ مِّنْ ضُۙعْفٍ ثُمَّ جَعَلَ مِنْۣ بَعْدِ ضُۙعْفٍ قُوَّةً ثُمَّ جَعَلَ مِنْۣ بَعْدِ قُوَّةٍ ضُۙعْفًا وَّشَيْبَةً يَخْلُقُ مَا يَشَآءُ وَهُوَ الْعَلِيْمُ الْقَدِيْرُ
خودێ‌یه هوين ژ چپكه‌كا لاواز وبێ بها ئافراندين، پاشى پشتى لاوازییا زارۆكينییێ وى هێزا زه‌لامينییێ دا، پاشى پشتى ڤێ هێزێ وى لاوازییا پيرییێ دا، تشتێ خودێ بڤێت ژ لاوازى وهێزێ دئافرينت، وئه‌وه يێ پڕزانا ب به‌نییێن خۆ، يێ خودان شيان ل سه‌ر هه‌ر تشته‌كى.
وَيَوْمَ تَقُوْمُ السَّاعَةُ يُقْسِمُ الْمُجْرِمُوْنَ مَا لَبِثُوْا غَيْرَ سَاعَةٍ كَذٰلِكَ كَانُوْا يُؤْفَكُوْنَ
وڕۆژا قيامه‌ت دئێت وخودێ خه‌لكى ژ گۆڕێن وان ڕادكه‌ته‌ڤه بوتپه‌رێس سويندێ دخۆن كو ئه‌و ژ ده‌مه‌كێ كێم پێڤه‌تر ل دنيايێ نه‌مابوون، ئه‌و د سويندا خۆ دا ددره‌وينن، كا چاوا وان د دنيايێ دا دره‌و دكرن، وباوه‌رى ب وێ حه‌قییێ نه‌دئينا يا پێغه‌مبه‌ر پێ هاتيـن.
وَقَالَ الَّذِيْنَ اُوْتُوا الْعِلْمَ وَالْاِيْمَانَ لَقَدْ لَبِثْتُمْ فِيْ كِتٰبِ اللّٰهِ اِلٰي يَوْمِ الْبَعْثِ فَهٰذَا يَوْمُ الْبَعْثِ وَلٰكِنَّكُمْ كُنْتُمْ لَا تَعْلَمُوْنَ
وئه‌وێن زانيـن وباوره‌ى بۆ هاتییه دان ژ فريشته وپێغه‌مبه‌ر وخودان باوه‌ران گۆتن: ب ڕاستى هوين هند يێن ماين هندى خودێ دزانت ونڤيسى ژ ڕۆژا ئافراندنا هه‌وه وحه‌تا ڕاكرنا هه‌وه ژ گۆڕان، ڤێجا ئه‌ڤه ڕۆژا ڤه‌ژينكرنییه، به‌لێ هه‌وه نه‌دزانى، له‌و هه‌وه د دنيايێ دا كوفر ودره‌و پێ دكر.
فَيَوْمَئِذٍ لَّا يَنْفَعُ الَّذِيْنَ ظَلَمُوْا مَعْذِرَتُهُمْ وَلَا هُمْ يُسْتَعْتَبُوْنَ
ڤێجا ڕۆژا قيامه‌تێ عوزر ڤه‌خواستنا زۆرداران چو مفاى ناگه‌هينته وان، و ژ وان نائێته داخوازكرن كو ئه‌و ب تۆبه‌كرنێ خودێ ژ خۆ ڕازى بكه‌ن، به‌لكى ئه‌و ب گونه‌هێن وان دئێنه جزادان.
وَلَقَدْ ضَرَبْنَا لِلنَّاسِ فِيْ هٰذَا الْقُرْاٰنِ مِنْ كُلِّ مَثَلٍ وَلَئِنْ جِئْتَهُمْ بِاٰيَةٍ لَّيَقُوْلَنَّ الَّذِيْنَ كَفَرُوْ٘ا اِنْ اَنْتُمْ اِلَّا مُبْطِلُوْنَ
و ب ڕاستى مه بۆ مرۆڤان د ڤێ قورئانێ دا ژ هه‌مى مه‌ته‌لان ئاشكه‌را كرينه دا وان چو هێجه‌ت نه‌مينن، وئه‌گه‌ر تو -ئه‌ى موحه‌ممه‌د- چ هێجه‌ته‌كا ڕاستگۆيیا ته ئاشكه‌را بكه‌ت بۆ وان بينى مسوگه‌ر ئه‌وێن كوفر ب ته كرى دێ بێژن: هه‌ما هوين -ئه‌ى موحه‌ممه‌د ودويكه‌فتییێن وى- د وى تشتى دا يێ هوين بۆ مه دئينن دنه‌حه‌قن.
كَذٰلِكَ يَطْبَعُ اللّٰهُ عَلٰي قُلُوْبِ الَّذِيْنَ لَا يَعْلَمُوْنَ
و ب خه‌تـمه‌كا وه‌كى ڤـێ خودێ خه‌تمێ ل دلێن وان دده‌ت يێن ڕاستییا وێ نه‌زانن يا تـو -ئه‌ى موحه‌ممه‌د- پێ ژ نك خودێ هاتى.
فَاصْبِرْ اِنَّ وَعْدَ اللّٰهِ حَقٌّ وَّلَا يَسْتَخِفَّنَّكَ الَّذِيْنَ لَا يُوْقِنُوْنَ
ڤێجا تو -ئه‌ى موحه‌ممه‌د- بێهنا خۆ ل سه‌ر وێ نه‌خۆشییێ فره‌هـ بكه يا ژ ملله‌تێ ته دگه‌هته ته، هندى ئه‌و سۆزه يا خودێ دايه ته كو ته ب سه‌ربێخت وخێرێ بده‌ته ته ڕاستییه وچو گومان تێدا نينه، وئه‌وێن