طٰسٓمّٓ
(طسم) گۆتن ل سه‌ر ڤان حه‌رفێن كه‌ركرى ل ده‌سپێكا سووره‌تا به‌قه‌ره بۆرییه.
تِلْكَ اٰيٰتُ الْكِتٰبِ الْمُبِيْنِ
ئه‌ڤه ئايه‌تێن وێ قورئانێنه يا هه‌ر تشته‌كێ هه‌ى ئاشكه‌را دكه‌ت.
لَعَلَّكَ بَاخِعٌ نَّفْسَكَ اَلَّا يَكُوْنُوْا مُؤْمِنِيْنَ
دبت تو ژ به‌ر مجدییا خۆ ل سه‌ر هيدايه‌ت ئينانا وان خۆ تێ ببه‌ى؛ چونكى وان باوه‌رى ب ته نه‌ئينايه، ڤێجا تو وێ چه‌ندێ نه‌كه.
اِنْ نَّشَاْ نُنَزِّلْ عَلَيْهِمْ مِّنَ السَّمَآءِ اٰيَةً فَظَلَّتْ اَعْنَاقُهُمْ لَهَا خٰضِعِيْنَ
ئه‌گه‌ر مه بڤێت ئه‌م دێ موعجزه‌يه‌كا وه‌سا ژ عه‌سمانى ب سه‌ر دره‌وپێكه‌رێن ملله‌تێ ته دا ئينينه خوارێ ئه‌و ژ ترسان دا نه‌چار ببن باوه‌رییێ بينن، ڤێجا ئه‌و ستوخوار وڕه‌زيل بمينن.
وَمَا يَاْتِيْهِمْ مِّنْ ذِكْرٍ مِّنَ الرَّحْمٰنِ مُحْدَثٍ اِلَّا كَانُوْا عَنْهُ مُعْرِضِيْنَ
وبۆ ڤان بوتپه‌رێسێن دره‌وپێكه‌ر بيرئينانه‌كا نوى ژ خودايێ پڕدلۆڤان نائێت، ئه‌گه‌ر ئه‌و پشت نه‌ده‌نێ وقه‌بويل نه‌كه‌ن.
فَقَدْ كَذَّبُوْا فَسَيَاْتِيْهِمْ اَنْۣبٰٓؤُا مَا كَانُوْا بِهٖ يَسْتَهْزِءُوْنَ
ب ڕاستى وان دره‌و ب قورئانێ كر وتڕانه بۆ خۆ پێ كرن، ڤێجا به‌حسێ وى كارێ وان يارى وتڕانه بۆ خۆ پێ دكرن دێ ئێته‌كرن، و ژ به‌ر ده‌ركه‌فتنا وان ژ بن ئه‌مرێ خودێ عه‌زاب دێ ب سه‌ر وان دا ئ
اَوَلَمْ يَرَوْا اِلَي الْاَرْضِ كَمْ اَنْۣبَتْنَا فِيْهَا مِنْ كُلِّ زَوْجٍ كَرِيْمٍ
ئه‌رێ وان دره‌و پێ كر بێى ئه‌و به‌رێ خۆ بده‌نه وى عه‌ردێ مه ژ هه‌ر ڕه‌نگه‌كى شينكاتییه‌كێ باش و ب مفا لێ شينكرى، ژ خودايێ هه‌مى چێكرییان پێڤه‌تر كه‌س نه‌شێت وى شين بكه‌ت؟
اِنَّ فِيْ ذٰلِكَ لَاٰيَةً وَمَا كَانَ اَكْثَرُهُمْ مُّؤْمِنِيْنَ
هندى د ده‌رێخستنا شينكاتى دايه ژ عه‌ردى نيشانه‌كا ئاشكه‌را ل سه‌ر شيانا خودێ يا تمام هه‌يه، وپترییا وى ملله‌تى دخودان باوه‌ر نه‌بوون.
وَاِنَّ رَبَّكَ لَهُوَ الْعَزِيْزُ الرَّحِيْمُ
وهندى خواديێ ته‌يه ل سه‌ر هه‌ر چێكرییه‌كى يێ زاله، وئه‌و دلۆڤانكاره يێ دلۆڤانییا وى هه‌مى تشت ڤه‌گرتين.
وَاِذْ نَادٰي رَبُّكَ مُوْسٰ٘ي اَنِ ائْتِ الْقَوْمَ الظّٰلِمِيْنَ
وتو -ئه‌ى موحه‌ممه‌د- به‌حسێ مووساى بۆ ملله‌تێ خۆ بكه ده‌مێ خودايێ ته گازى وى كرى: كو تو وه‌ره نك ملله‌تێ زۆردار.
قَوْمَ فِرْعَوْنَ اَلَا يَتَّقُوْنَ
ملله‌تێ فيرعه‌ونى، وبێژه وان: ئه‌رێ ما ئه‌و ژ عه‌زابا خودێ ناترسن، ووى كارى ناهێلن يێ ئه‌و ل سه‌ر ژ كوفر وسه‌رداچوونێ؟
قَالَ رَبِّ اِنِّيْ٘ اَخَافُ اَنْ يُّكَذِّبُوْنِ
مووساى گۆت: خودايێ من ئه‌ز دترسم ئه‌و من د پێغه‌مبه‌رينییا دا من دره‌وين ده‌ربێخن.
وَيَضِيْقُ صَدْرِيْ وَلَا يَنْطَلِقُ لِسَانِيْ فَاَرْسِلْ اِلٰي هٰرُوْنَ
و ژ به‌ر نه‌باوه‌رى ئينانا وان سنگێ من تژى خه‌م ببت، وئه‌زمانێ من ب ده‌عوێ نه‌گه‌ڕيێت ڤێجا تو جبريلی ب وه‌حییێ بهنێره نك برايێ من هاروونى؛ دا هاريكارییا من بكه‌ت.
وَلَهُمْ عَلَيَّ ذَنْۣبٌ فَاَخَافُ اَنْ يَّقْتُلُوْنِ
ووان تۆله‌ك ل سه‌ر من هه‌يه ژ به‌ر كوشتنا من بۆ زه‌لامه‌كێ وان يێ قبتى، ڤێجا ئه‌ز دترسم ئه‌و من پێش وى ڤه بكوژن.
قَالَ كَلَّا فَاذْهَبَا بِاٰيٰتِنَا٘ اِنَّا مَعَكُمْ مُّسْتَمِعُوْنَ
خودێ گۆته مووساى: نه‌خێر ئه‌و ته ناكوژن، ومن داخوازا ته د ده‌ر حه‌قا هاروونى دا ب جهـ ئينا، ڤێجا هوين ب وان موعجزه‌يان ڤه يێن ڕاستییا هه‌وه ئاشكه‌را دكه‌ن هه‌ڕن، هندى ئه‌ميـن ئه‌م ب زانين وپاراستن وپشته‌ڤانییا خۆ ڤه د گه‌ل هه‌وه‌ينه ومه گوهـ لێ هه‌يه.
فَاْتِيَا فِرْعَوْنَ فَقُوْلَا٘ اِنَّا رَسُوْلُ رَبِّ الْعٰلَمِيْنَ
ڤێجا هوين وه‌رنه نك فيرعه‌ونى وبێژنێ: هندى ئه‌مين ئه‌م ژ نك خودايێ هه‌مى چێكرییان ڤه بۆ ته وملله‌تێ ته يێن هاتينه هنارتن.
اَنْ اَرْسِلْ مَعَنَا بَنِيْ٘ اِسْرَآءِيْلَ
كو تو ئيسرائيليان به‌رده؛ دا ئه‌و د گه‌ل مه بچن.
قَالَ اَلَمْ نُرَبِّكَ فِيْنَا وَلِيْدًا وَّلَبِثْتَ فِيْنَا مِنْ عُمُرِكَ سِنِيْنَ
فيرعه‌ونى گۆت: ئه‌رێ ما مه تو د مالێن خۆ دا ب زارۆكينى ب خودان نه‌كرى، وتو چه‌ند ساله‌كان ژ ژییێ خۆ د بن چاڤدێرییا مه دا نه‌بووى.
وَفَعَلْتَ فَعْلَتَكَ الَّتِيْ فَعَلْتَ وَاَنْتَ مِنَ الْكٰفِرِيْنَ
وته ب كوشتنا زه‌لامه‌كى ژ ملله‌تێ من تاوانه‌ك كر ده‌مێ ته دره‌به‌ك لێ داى، وتو ژ وان بووى يێن قه‌نجییا من ڤه‌شارتى وكوفر ب خوداينییا من كرى؟
قَالَ فَعَلْتُهَا٘ اِذًا وَّاَنَا مِنَ الضَّآلِّيْنَ
مووساى به‌رسڤا فيرعه‌ونى دا وگۆت: من ئه‌و كر يا ته گۆتى به‌رى خودێ وه‌حییێ بۆ من بهنێرت، ومن بكه‌ته پێغه‌مبه‌ر.
فَفَرَرْتُ مِنْكُمْ لَمَّا خِفْتُكُمْ فَوَهَبَ لِيْ رَبِّيْ حُكْمًا وَّجَعَلَنِيْ مِنَ الْمُرْسَلِيْنَ
ڤێجا ئه‌ز ب ڕه‌ڤين ژ مالا هه‌وه ده‌ركه‌فتم وچوومه (مه‌ديه‌نێ)، ده‌مێ ئه‌ز ژ هه‌وه ترسايم كو هوين پێش وى كارى ڤه يێ بێ ده‌ستى من كرى من بكوژن، ئينا خودايێ من ژ قه‌نجییا خۆ پێغه‌مبه‌رينى وزانين دا من، وئه‌ز كرمه ژ پێغه‌مبه‌ران.
وَتِلْكَ نِعْمَةٌ تَمُنُّهَا عَلَيَّ اَنْ عَبَّدْتَّ بَنِيْ٘ اِسْرَآءِيْلَ
وما تو وێ خودانكرنێ يا ل مالا ته ل سه‌ر من دكه‌يه منه‌ت وته ئسرائيلی بۆ خۆ يێن كرينه به‌نى تـو كـوڕێن وان دكـوژى وژنـێـن وان زێندى دهێلی؟
قَالَ فِرْعَوْنُ وَمَا رَبُّ الْعٰلَمِيْنَ
فيرعه‌ونى گۆت: وخودايێ چێكرییان يێ تو دبێژى تو پێغه‌مبه‌رێ وی‌یى كییه؟
قَالَ رَبُّ السَّمٰوٰتِ وَالْاَرْضِ وَمَا بَيْنَهُمَا اِنْ كُنْتُمْ مُّوْقِنِيْنَ
مووساى گۆت: ئه‌و خودان وڕێڤه‌به‌رێ عه‌سمانان وعه‌ردى وهه تشته‌كێ د ناڤبه‌رێ دايه، ئه‌گه‌ر هوين ب وێ چه‌ندێ دخودان باوه‌رن، باوه‌رییێ بينن.
قَالَ لِمَنْ حَوْلَهٗ٘ اَلَا تَسْتَمِعُوْنَ
فيرعه‌ونى گۆته مه‌زنێن ملله‌تێ خۆ يێن ل دۆر وى: ئه‌رێ هه‌وه گوهـ ل گۆتنا مووساى يا عه‌جێب نينه كو خودايه‌كێ دى ژبلی من هه‌يه؟
قَالَ رَبُّكُمْ وَرَبُّ اٰبَآئِكُمُ الْاَوَّلِيْنَ
مووساى گۆت: ئه‌و خودايێ ئه‌ز به‌رێ هه‌وه دده‌مێ ئه‌وه يێ هوين وبابێن هه‌وه يێن يه‌كێ ئافراندين، ڤێجا چاوا هوين په‌رستنا چێكرییه‌كێ وه‌كى خۆ دكه‌ن، وبابێن وى ژى وه‌كى يێن هه‌وه يێن مرين؟
قَالَ اِنَّ رَسُوْلَكُمُ الَّذِيْ٘ اُرْسِلَ اِلَيْكُمْ لَمَجْنُوْنٌ
فيرعه‌ونى گۆته خه‌لكێ ديوانا خۆ؛ دا كه‌ربێن وان ڤه‌كه‌ت ومووساى دره‌وين ده‌ربێخت: هندى پێغه‌مبه‌رێ هه‌وه‌يه ئه‌وێ بۆ هه‌وه هاتییه هنارتن يێ دينه!
قَالَ رَبُّ الْمَشْرِقِ وَالْمَغْرِبِ وَمَا بَيْنَهُمَا اِنْ كُنْتُمْ تَعْقِلُوْنَ
مووساى گۆت: ئه‌وه خودايێ ڕۆژهه‌لاتێ وڕۆژئاڤايێ وهه‌ر تشته‌كێ د ناڤبه‌رێ دا، وئه‌ڤه هندێ فه‌ر دكه‌ت هوين باوه‌رییێ ب وى ب تنێ بينن ئه‌گه‌ر هوين دخودان عه‌قل وتێگه‌هشتـن بن!
قَالَ لَئِنِ اتَّخَذْتَ اِلٰهًا غَيْرِيْ لَاَجْعَلَنَّكَ مِنَ الْمَسْجُوْنِيْنَ
فيرعه‌ونى ب گه‌فكرن ڤه گۆته مووساى: ئه‌گه‌ر تو خودايه‌كێ دى ژبلی من بۆ خۆ بدانى سويند بت ئه‌ز دێ ته كه‌مه د گه‌ل وان يێن من گرتين.
قَالَ اَوَلَوْ جِئْتُكَ بِشَيْءٍ مُّبِيْنٍ
مووساى گۆت: ئه‌رێ تو دێ من گرى، ئه‌گه‌ر خۆ ئه‌ز ده‌ليله‌كێ ئاشكه‌را ژى بۆ ته بينم ڕاستییا گۆتنا من ئاشكه‌را بكه‌ت؟
قَالَ فَاْتِ بِهٖ٘ اِنْ كُنْتَ مِنَ الصّٰدِقِيْنَ
فيرعه‌ونى گۆت: پا كا دێ بينه ئه‌گه‌ر تو د گۆتنا خۆ دا ژ ڕاستگۆيانى.
فَاَلْقٰي عَصَاهُ فَاِذَا هِيَ ثُعْبَانٌ مُّبِيْنٌ
ئينا مووساى گۆپالێ خۆ هاڤێت و د گاڤێ دا ئه‌و بوو شه‌هماره‌كێ دورست، نه‌كو يێ ژ قه‌ستا وه‌كى سێره‌به‌ند دكه‌ن.
وَّنَزَعَ يَدَهٗ فَاِذَا هِيَ بَيْضَآءُ لِلنّٰظِرِيْنَ
ووى ده‌ستێ خۆ ژ به‌ريكا خۆ ئينا ده‌رێ د گاڤێ دا ئه‌و بێى نه‌خۆشییه‌ك لێ بت سپى بوو وه‌كى به‌فرێ، كو بينه‌ران مه‌نده‌هۆش بكه‌ت.
قَالَ لِلْمَلَاِ حَوْلَهٗ٘ اِنَّ هٰذَا لَسٰحِرٌ عَلِيْمٌ
فيرعه‌ونى ژ ترسێن هندێ دا كو مه‌زنێن ملله‌تێ وى باوه‌رییێ بينن گۆته وان: هندى مووسايه سێره‌به‌نده‌كێ زيره‌كه.
يُّرِيْدُ اَنْ يُّخْرِجَكُمْ مِّنْ اَرْضِكُمْ بِسِحْرِهٖ فَمَاذَا تَاْمُرُوْنَ
وى دڤێت ب سێره‌به‌ندییا خۆ ئه‌و هه‌وه ژ عه‌ردێ هه‌وه ده‌ربێخت، ڤێجا هوين بۆ وى چ دبێژن دا ئه‌ز ب يا هه‌وه بكه‌م؟
قَالُوْ٘ا اَرْجِهْ وَاَخَاهُ وَابْعَثْ فِي الْمَدَآئِنِ حٰشِرِيْنَ
ملله‌تێ وى گۆتێ: تو مه‌سه‌لا مووسا وهاروونى پاش بێخه، وتو هنده‌ك له‌شكه‌رى بهنێره باژێران.
يَاْتُوْكَ بِكُلِّ سَحَّارٍ عَلِيْمٍ
دا ئه‌و هه‌ر كه‌سه‌كێ شاره‌زا د سێره‌به‌ندییێ دا بۆ ته كۆم بكه‌ن.
فَجُمِعَ السَّحَرَةُ لِمِيْقَاتِ يَوْمٍ مَّعْلُوْمٍ
ئينا سێره‌به‌ند هاتنه كۆمكرن، وژڤانه‌كێ ده‌سنيشانكرى بۆ وان هاته دانان، كو ده‌مێ تێشته‌گه‌هێ بوو ل ڕۆژا خه‌ملاندنێ يا كو ئه‌و تێدا به‌تال دبن، وپێكڤه كۆم دبن؛ دا د گه‌ل مووساى كۆم ببن.
وَّقِيْلَ لِلنَّاسِ هَلْ اَنْتُمْ مُّجْتَمِعُوْنَ
ومرۆڤ بۆ كۆمبوونێ هاتنه خواندن؛ دا به‌لكى سێره‌به‌ند ب سه‌ركه‌ڤن.
لَعَلَّنَا نَتَّبِعُ السَّحَرَةَ اِنْ كَانُوْا هُمُ الْغٰلِبِيْنَ
مه دڤێت سێره‌به‌ند ب سه‌ركه‌ڤن؛ دا ئه‌م ل سه‌ر دينێ خۆ بمينين.
فَلَمَّا جَآءَ السَّحَرَةُ قَالُوْا لِفِرْعَوْنَ اَئِنَّ لَنَا لَاَجْرًا اِنْ كُنَّا نَحْنُ الْغٰلِبِيْنَ
ڤێجا ده‌مێ سێره‌به‌ند هاتينه نك فيرعه‌ونى وان گۆتێ: ئه‌رێ خه‌لاته‌ك ژ مالی ومه‌رته‌بان دێ بۆ مه هه‌بت، ئه‌گه‌ر ئه‌م ب سه‌ر مووساى كه‌فتين؟
قَالَ نَعَمْ وَاِنَّكُمْ اِذًا لَّمِنَ الْمُقَرَّبِيْنَ
فيرعه‌ونى گۆت: به‌لێ تشتێ هه‌وه داخوازكرى بۆ هه‌وه هه‌يه، وهوين هنگى دێ ژ وان بن يێن نێزيكى من.
قَالَ لَهُمْ مُّوْسٰ٘ي اَلْقُوْا مَا٘ اَنْتُمْ مُّلْقُوْنَ
مووساى پێخه‌مه‌ت پويچكرنا سێره‌به‌ندییا وان گۆتێ: تشتێ هه‌وه دڤێت ژ سێره‌به‌ندییێ هوين بهاڤێژن.
فَاَلْقَوْا حِبَالَهُمْ وَعِصِيَّهُمْ وَقَالُوْا بِعِزَّةِ فِرْعَوْنَ اِنَّا لَنَحْنُ الْغٰلِبُوْنَ
ئينا وان وه‌ريس وگۆپالێن خۆ هاڤێتـن، ڤێجا خه‌لكى وه هزر كر كو ئه‌و مارن يێن ب ڕێڤه دچن، ووان ب مه‌زنییا فيرعه‌ونى سويند خوار وگۆتن: هندى ئه‌مێن ئه‌م دێ ب سه‌ركه‌ڤين.
فَاَلْقٰي مُوْسٰي عَصَاهُ فَاِذَا هِيَ تَلْقَفُ مَا يَاْفِكُوْنَ
ئينا مووساى گۆپالێ خۆ هاڤێت، د گاڤێ ئه‌و بوو شه‌هماره‌كێ مه‌زن، وى ئه‌و دره‌و وبێ به‌ختییا وان ئيناى هه‌مى داعويرا.
فَاُلْقِيَ السَّحَرَةُ سٰجِدِيْنَ
ڤێجا ده‌مێ وان ئه‌و ديتى، ووان زانى ئه‌ڤه نه ژ فێلێن سێره‌به‌ندانه، وان باوه‌رى ب خودێ ئينا وبۆ وى چوونه سوجدێ.
قَالُوْ٘ا اٰمَنَّا بِرَبِّ الْعٰلَمِيْنَ
وگۆتن: مه باوه‌رى ب خودايێ هه‌مى چێكرییان ئینا.
رَبِّ مُوْسٰي وَهٰرُوْنَ
خودايێ مووساى وهاروونى.
قَالَ اٰمَنْتُمْ لَهٗ قَبْلَ اَنْ اٰذَنَ لَكُمْ اِنَّهٗ لَكَبِيْرُكُمُ الَّذِيْ عَلَّمَكُمُ السِّحْرَ فَلَسَوْفَ تَعْلَمُوْنَ لَاُقَطِّعَنَّ اَيْدِيَكُمْ وَاَرْجُلَكُمْ مِّنْ خِلَافٍ وَّلَاُوصَلِّبَنَّكُمْ اَجْمَعِيْنَ
فيرعه‌ونى ب نه‌ڕازيبوون ڤه گۆته سێره‌به‌ندان: ئه‌رێ هه‌وه بێ ده‌ستويرییا من باوه‌رى ب مووساى ئينا، ووى دا كو بده‌ته زانينێ كو كارێ مووساى ژى سێره‌به‌ندییه گۆت: هندى ئه‌وه ئه‌و مه‌زنێ هه‌وه‌يه يێ سێره‌به‌ندى نيشا هه‌وه داى، ڤێجا پاشى هوين دێ زانن دێ چ عه‌زاب ئێته سه‌رێ هه‌وه: سويند بت ئه‌ز ده‌ست وپییێن هه‌وه ڕاست وچه‌پ ببـڕم: ده‌ستێ ڕاستێ د گه‌ل پییێ چه‌پێ وده‌ستێ چه‌پێ د گه‌ل پییێ ڕاستێ، وئه‌ز دێ هه‌وه هه‌مییان هلاويسم.
قَالُوْا لَا ضَيْرَ اِنَّا٘ اِلٰي رَبِّنَا مُنْقَلِبُوْنَ
سێره‌به‌ندان گۆته فيرعه‌ونى: چو زيان ناگه‌هته مه ب عه‌زابا دنيايێ، هندى ئه‌مين ئه‌م بۆ نك خودايێ خۆ دێ زڤڕين ڤێجا ئه‌و خۆشییا به‌رده‌وام دێ ده‌ته مه.
اِنَّا نَطْمَعُ اَنْ يَّغْفِرَ لَنَا رَبُّنَا خَطٰيٰنَا٘ اَنْ كُنَّا٘ اَوَّلَ الْمُؤْمِنِيْنَ
هندى ئه‌مين ئه‌م هيڤى دكه‌ين كو خودايێ مه گونه‌هێن مه بۆ مه ژێ ببه‌ت؛ چونكى ئه‌م يه‌كه‌مين خودان باوه‌رين ژ ملله‌تێ ته.
وَاَوْحَيْنَا٘ اِلٰي مُوْسٰ٘ي اَنْ اَسْرِ بِعِبَادِيْ٘ اِنَّكُمْ مُّتَّبَعُوْنَ
وخودێ وه‌حى بۆ مووساى -سلاڤ لێ بن- هنارت: كو تو ب شه‌ڤ د گه‌ل خودان باوه‌رێن ئسرائيلیان ده‌ركه‌ڤه؛ چونكى فيرعه‌ون وله‌شكه‌رێ وى دێ ب دويڤ هه‌وه كه‌ڤن ڤێجا دا ئه‌و نه‌گه‌هنه هه‌وه به‌رى هوين بگه‌هنه ده‌ريايێ.
فَاَرْسَلَ فِرْعَوْنُ فِي الْمَدَآئِنِ حٰشِرِيْنَ
ئينا فيرعه‌ونى -ده‌مێ زانى ئسرائيلی يێن ده‌ركه‌فتين- له‌شكه‌رێ خۆ هنارته باژێران دا هه‌مى له‌شكه‌رێ وى ل باژێران هه‌ى كۆم ببت.
اِنَّ هٰ٘ؤُلَآءِ لَشِرْذِمَةٌ قَلِيْلُوْنَ
فيرعه‌ونى گۆت: هندى ئسرائيلينه ئه‌وێن د گه‌ل مووساى ڕه‌ڤين ده‌سته‌كه‌كا كێم وبێ بهانه.
وَاِنَّهُمْ لَنَا لَغَآئِظُوْنَ
ووان دلێن مه يێن تژى كه‌رب وكين كرين؛ چونكى وان دينه‌كێ دى بۆ خۆ يێ گرتى، ودينێ مه يێ هێلاى.
وَاِنَّا لَجَمِيْعٌ حٰذِرُوْنَ
وئه‌م هه‌مى دهشيارين وبۆ وان دئاماده‌ينه.
فَاَخْرَجْنٰهُمْ مِّنْ جَنّٰتٍ وَّعُيُوْنٍ
ئينا خودێ فيرعه‌ون وملله‌تێ وى ژ عه‌ردێ (مصرێ) يێ خودان باغ وبيستان وكانییێن ئاڤێ ده‌رێخستن.
وَّكُنُوْزٍ وَّمَقَامٍ كَرِيْمٍ
و ژ وجهێن خۆش ده‌رٍێخستن.
كَذٰلِكَ وَاَوْرَثْنٰهَا بَنِيْ٘ اِسْرَآءِيْلَ
ووه‌كى مه ئه‌و ده‌رێخستيـن، وه‌سا مه ئه‌ڤ واره پشتى وان دا ئسرائيلیان.
فَاَتْبَعُوْهُمْ مُّشْرِقِيْنَ
ئينا فيرعه‌ونى وله‌شكه‌رێ وى ل ده‌مێ ڕۆژهه‌لاتێ دا ب دويڤ مووساى وهه‌ڤالێن وى ڤه.
فَلَمَّا تَرَآءَ الْجَمْعٰنِ قَالَ اَصْحٰبُ مُوْسٰ٘ي اِنَّا لَمُدْرَكُوْنَ
ڤێجا ده‌مى هه‌ردو كۆمان يه‌ك ودو ديتيـن هه‌ڤالێن مووساى گۆتن: هندى كۆما فيرعه‌ونییه دێ گه‌هنه مه ومه تێ به‌ن.
قَالَ كَلَّا اِنَّ مَعِيَ رَبِّيْ سَيَهْدِيْنِ
مووساى گۆته وان: نه‌خێر وه‌سا نينه وه‌كى هوين دبێژن، ئه‌و ناگه‌هنه هه‌وه؛ چونكى خودايێ من ب سه‌ركه‌فتنێ يێ د گه‌ل من دا، ئه‌و دێ به‌رێ من ده‌ته وێ ڕێكێ يا ڕزگارییا من وهه‌وه تێدا.
فَاَوْحَيْنَا٘ اِلٰي مُوْسٰ٘ي اَنِ اضْرِبْ بِّعَصَاكَ الْبَحْرَ فَانْفَلَقَ فَكَانَ كُلُّ فِرْقٍ كَالطَّوْدِ الْعَظِيْمِ
ئينا مه وه‌حى بۆ مووساى هنارت كو گۆپالێ خۆ ل ده‌ريايێ بده، ڤێجا وى گۆپال لێدا، وده‌ريا هاته كه‌لاشتـن وبوو دووازده ڕێك ل دويڤ هژمارا ئويجاخێن ئسرائيلیان، وهه‌ر پارچه‌يه‌ك وه‌كى چيايه‌كێ مه‌زن لێ هات.
وَاَزْلَفْنَا ثَمَّ الْاٰخَرِيْنَ
ومه فيرعه‌ون وملله‌تێ وى نێزيكى وى جهى كرن حه‌تا ئه‌و چووينه د ده‌ريايێ دا.
وَاَنْجَيْنَا مُوْسٰي وَمَنْ مَّعَهٗ٘ اَجْمَعِيْنَ
ومه مووسا وئه‌وێن د گه‌ل دا هه‌مى ڕزگاركرن وده‌ريا ڤه‌كرى ما حه‌تا ئه‌و ده‌رباس بووينه لايێ هشك.
ثُمَّ اَغْرَقْنَا الْاٰخَرِيْنَ
پاشى مه ده‌ريا ب فيرعه‌ونى وهه‌ڤالێن وى ڤه ئينا يه‌ك پشتى ئه‌و ب دويڤ مووساى وملله‌تێ وى كه‌فتين وچووينه تێدا.
اِنَّ فِيْ ذٰلِكَ لَاٰيَةً وَمَا كَانَ اَكْثَرُهُمْ مُّؤْمِنِيْنَ
هندى د ڤێ چه‌ندێ دايه يا چێبووى عيبره‌ته‌كا عه‌جێب ل سه‌ر شيانا خودێ هه‌يه، و د سه‌ر ڤێ نيشانا ئاشكه‌را ڕا پترییا دويكه‌فتییێن فيرعه‌ونى باوه‌رى نه‌ئينا.
وَاِنَّ رَبَّكَ لَهُوَ الْعَزِيْزُ الرَّحِيْمُ
وهندى خودايێ ته‌يه ئه‌وه زالێ دلۆڤانكار، ب زالبوونا خۆ وى كـافرێن دره‌وپێكه‌ر تێبرن، و ب دلۆڤانییا خۆ وى مووسا وئه‌وێن د گـه‌ل دا هه‌مى ڕزگاركرن.
وَاتْلُ عَلَيْهِمْ نَبَاَ اِبْرٰهِيْمَ
وتو -ئه‌ى موحه‌ممه‌د- به‌حسێ ئيبراهيمى بۆ كافران بكه.
اِذْ قَالَ لِاَبِيْهِ وَقَوْمِهٖ مَا تَعْبُدُوْنَ
ده‌مێ وى گۆتییه بابێ خۆ وملله‌تێ خۆ: هوين په‌رستنا چ دكـه‌ن؟
قَالُوْا نَعْبُدُ اَصْنَامًا فَنَظَلُّ لَهَا عٰكِفِيْنَ
وان گـۆت: ئـه‌م پـه‌رسـتـنـا هـنـده‌ك صـه‌نـه‌مـان دكـه‌ين، ڤێجا ئه‌م ل سه‌ر په‌رستنا وان دميني
قَالَ هَلْ يَسْمَعُوْنَكُمْ اِذْ تَدْعُوْنَ
ئيبراهيمى بۆ دياركرنا نه‌حه‌قییا بۆچوونا وان گۆت: ئه‌رێ وان گوهـ ل دوعايێن هه‌وه دبن ده‌مێ هوين گازى وان دكه‌ن.
اَوْ يَنْفَعُوْنَكُمْ اَوْ يَضُرُّوْنَ
يان ئه‌و مفايه‌كى دگه‌هيننه هه‌وه ده‌مێ هوين وان دپه‌رێسن، يان ژى ئه‌و زيانه‌كێ د گه‌هيننه هه‌وه ئه‌گه‌ر هه‌وه په‌رستنا وان هێلا؟
قَالُوْا بَلْ وَجَدْنَا٘ اٰبَآءَنَا كَذٰلِكَ يَفْعَلُوْنَ
وان گۆت: تشته‌كێ وه‌سا چێ نابت، به‌لێ پا مه بابێن خۆ ديتبوون وان ئه‌و دپه‌رێسين، ڤێجا مه ژى د وى تشتى دا يێ وان دكر چاڤ ل وان كر.
قَالَ اَفَرَءَيْتُمْ مَّا كُنْتُمْ تَعْبُدُوْنَ
75-76ئيبراهيمى گۆت: ئه‌رێ هه‌وه ديتییه تشتێ هه‌وه وبابێن هه‌وه يێن كه‌ڤن به‌رى هه‌وه دپه‌رێسين ژ صه‌نه‌مێن بێ گوهـ يێن نه مفاى دگه‌هينن ونه زيانێ؟
اَنْتُمْ وَاٰبَآؤُكُمُ الْاَقْدَمُوْنَ
75-76ئيبراهيمى گۆت: ئه‌رێ هه‌وه ديتییه تشتێ هه‌وه وبابێن هه‌وه يێن كه‌ڤن به‌رى هه‌وه دپه‌رێسين ژ صه‌نه‌مێن بێ گوهـ يێن نه مفاى دگه‌هينن ونه زيانێ؟
فَاِنَّهُمْ عَدُوٌّ لِّيْ٘ اِلَّا رَبَّ الْعٰلَمِيْنَ
هندى ئه‌و تشتـن يێن هوين ژبلی خودێ دپه‌رێسن ئه‌و دوژمنێن منن، وئه‌ز په‌رستنا خودايێ هه‌مى چێكرییان ب تنێ دكه‌م.
الَّذِيْ خَلَقَنِيْ فَهُوَ يَهْدِيْنِ
ئه‌وه يێ ب جوانترين ڕه‌نگ ئه‌ز ئافرانديم وبه‌رێ من دده‌ته ڕێكا مه‌صلحه‌تا دنيايێ وئاخره‌تێ.
وَالَّذِيْ هُوَ يُطْعِمُنِيْ وَيَسْقِيْنِ
وئه‌وه يێ ژ قه‌نجییا خۆ خوارنێ وڤه‌خوارنێ دده‌ته من.
وَاِذَا مَرِضْتُ فَهُوَ يَشْفِيْنِ
وئه‌گه‌ر نه‌خۆشییه‌ك گه‌هشته من ئه‌و من ساخ دكه‌ت.
وَالَّذِيْ يُمِيْتُنِيْ ثُمَّ يُحْيِيْنِ
وئه‌وه يێ من د دنيايێ دا دمرينت وڕحا من دستينت، پاشى ل ڕۆژا قيامه‌تێ ئه‌و من زێندى دكه‌ته‌ڤه، ژ وى پێڤه‌تر كه‌س نه‌شێت وێ چه‌ندێ بكه‌ت.
وَالَّذِيْ٘ اَطْمَعُ اَنْ يَّغْفِرَ لِيْ خَطِيْٓــَٔتِيْ يَوْمَ الدِّيْنِ
وئه‌وه يێ ئه‌ز دلێ خۆ دبه‌مێ كو ڕۆژا جزادانێ ئه‌و گونه‌ها من ژێ ببه‌ت.
رَبِّ هَبْ لِيْ حُكْمًا وَّاَلْحِقْنِيْ بِالصّٰلِحِيْنَ
ئيبراهيمى ب دوعاكرن ڤه گۆته خودايێ خۆ: خودايێ من تو زانينێ وتێگه‌هشتنێ بده من، ومن ب چاكان ڕا بگه‌هينه، وتو من ووان د به‌حه‌شتێ دا پێكڤه كۆم بكه.
وَاجْعَلْ لِّيْ لِسَانَ صِدْقٍ فِي الْاٰخِرِيْنَ
وتو ناڤ وده‌نگه‌كێ باش وجوان بۆ من د ناڤ وان دا بهێله يێن پشتى من دئێن.
وَاجْعَلْنِيْ مِنْ وَّرَثَةِ جَنَّةِ النَّعِيْمِ
وتو من بكه ژ وان به‌نییێن خۆ يێن تو ب ميراتگرى ل به‌حشتا خۆش ددانى.
وَاغْفِرْ لِاَبِيْ٘ اِنَّهٗ كَانَ مِنَ الضَّآلِّيْنَ
وتو ل بابێ من نه‌گره كو وى شرك ب ته كرى، ووى عه‌زاب نه‌ده، هندى ئه‌و بوو ئه‌و ژ وان بوو يێن ڕێكا هيدايه‌تێ ل خۆ به‌رزه كرى وكافر بووين. وئه‌ڤه هنگى بوو به‌رى بۆ ئيبراهيمى ديار ببت كو بابێ وى دوژمنێ خودێ‌یه، وده‌مێ بۆ وى ديار بووى كو ئه‌و دوژمنێ خودێ‌یه وى خۆ ژێ به‌رى كر.
وَلَا تُخْزِنِيْ يَوْمَ يُبْعَثُوْنَ
وتو وێ ڕۆژێ من شه‌رمزار نه‌كه ڕۆژا مرۆڤ بۆ حسێب وجزادانێ ژ گۆڕێن خۆ ڕادبنه‌ڤه.
يَوْمَ لَا يَنْفَعُ مَالٌ وَّلَا بَنُوْنَ
ڕۆژا مال وكوڕ چو مفاى نه‌گه‌هيننه كه‌سێ.
اِلَّا مَنْ اَتَي اللّٰهَ بِقَلْبٍ سَلِيْمٍ
ئه‌و تێ نه‌بت يێ ب دله‌كێ ساخله‌م ژ كوفر ونفاقێ بێته نك خودێ.
وَاُزْلِفَتِ الْجَنَّةُ لِلْمُتَّقِيْنَ
وبه‌حه‌شت بۆ وان يێن خۆ ژ كوفرێ وگونه‌هان پاراستى، وقه‌ستا عيباده‌تێ خودێ كرى هاته نێزيككرن.
وَبُرِّزَتِ الْجَحِيْمُ لِلْغٰوِيْنَ
وجه‌هنه‌م بۆ وان كافران هاته به‌رچاڤكرن ئه‌وێن خۆ ژ هيدايه‌تێ دايه پاش، وبسته‌يى ل سه‌ر حه‌رامییێ كرى.
وَقِيْلَ لَهُمْ اَيْنَمَا كُنْتُمْ تَعْبُدُوْنَ
وبۆ وان هاته‌گۆتن: كانێ خوداوه‌ندێن هه‌وه يێن هه‌وه ژبلی خودێ په‌رستـن بۆ دكر، وهه‌وه هزر دكر ئه‌و ئه‌ڤرۆ مه‌هده‌رێ دێ بۆ هه‌وه كه‌ن؟
مِنْ دُوْنِ اللّٰهِ هَلْ يَنْصُرُوْنَكُمْ اَوْ يَنْتَصِرُوْنَ
ئه‌رێ ئه‌و دێ هه‌وه ب سه‌رئێخن، وعه‌زابێ ژ هه‌وه پاشڤه‌به‌ن، يان ئه‌و دێ خۆ ب سه‌رئێخن وعه‌زابێ ژ خۆ ب خۆ ده‌نه پاش؟
فَكُبْكِبُوْا فِيْهَا هُمْ وَالْغَاوٗنَ
ڤێجا ئه‌و هاتنه كۆمكرن و د جه‌هنه‌مێ دا هاتنه هاڤێتـن.
وَجُنُوْدُ اِبْلِيْسَ اَجْمَعُوْنَ
ئه‌و وئه‌وێن وان د سه‌ر دا برين وهاريكارێن ئبليسى ئه‌وێن وى خرابى ل به‌ر وان شرينكرى، كه‌سه‌ك ژ وان خلاس نابت.
قَالُوْا وَهُمْ فِيْهَا يَخْتَصِمُوْنَ
وان ب هه‌ڤڕكى ڤه د گه‌ل ئێك ودو گۆت:
تَاللّٰهِ اِنْ كُنَّا لَفِيْ ضَلٰلٍ مُّبِيْنٍ
سويند ب خودێ هندى ئه‌م بووين ئه‌م د دنيايێ دا د به‌رزه‌بوونه‌كا ئاشكه‌را دا بووين.
اِذْ نُسَوِّيْكُمْ بِرَبِّ الْعٰلَمِيْنَ
كو مه هوين دئينانه ڕێزا خودايێ هه‌مى چێكرییان.
وَمَا٘ اَضَلَّنَا٘ اِلَّا الْمُجْرِمُوْنَ
وكه‌سێ ئه‌م نه‌ئێخستينه ڤێ دويماهییا خراب ئه‌و تاوانباران تێ نه‌بن يێن به‌رێ مه دايه په‌رستنا هنده‌كێن دى ژبلی خودێ ومه گوهدارییا وان كرى.
فَمَا لَنَا مِنْ شَافِعِيْنَ
ڤێجا كه‌س مه‌هده‌رێ بۆ مه ناكه‌ت.كو مه ژ عه‌زابێ خلاس بكه‌ت.
وَلَا صَدِيْقٍ حَمِيْمٍ
وكه‌س نينه ب دورستى هه‌ڤالينییا مه بكه‌ت ودلێ وى ب مه بسوژت.
فَلَوْ اَنَّ لَنَا كَرَّةً فَنَكُوْنَ مِنَ الْمُؤْمِنِيْنَ
ڤێجا خوزى مه زڤڕينه‌كا دى بۆ دنيايێ هه‌با، دا ئه‌م بباينه ژ خودان باوه‌رێن ڕزگاربووى.
اِنَّ فِيْ ذٰلِكَ لَاٰيَةً وَمَا كَانَ اَكْثَرُهُمْ مُّؤْمِنِيْنَ
هندى د ڤێ يا بۆرى دايه عيبره‌ته‌ك بۆ وى هه‌يه يێ عيبره‌تێ وه‌ربگرت، وپترییا وان يێن گوهـ ل ڤێ سوحبه‌تێ بووى نه‌بوونه خودان باوه‌ر.
وَاِنَّ رَبَّكَ لَهُوَ الْعَزِيْزُ الرَّحِيْمُ
وهندى خودايێ ته‌يه هه‌ر ئه‌وه زالێ خودان شيان، يێ دلۆڤانكار ب به‌نییێن خۆ.
كَذَّبَتْ قَوْمُ نُوْحِ اِۨلْمُرْسَلِيْنَ
ملله‌تێ نووحى دره‌و ب په‌ياما پێغه‌مبه‌رێ خۆ كر، ڤێجا ب ڤێ چه‌ندێ وان دره‌و ب هه‌مى پێغه‌مبه‌ران كر.
اِذْ قَالَ لَهُمْ اَخُوْهُمْ نُوْحٌ اَلَا تَتَّقُوْنَ
ده‌مێ برايێ وان نووحى گۆتییێ: ئه‌رێ هوين ته‌قوا خودێ ناكه‌ن؟
اِنِّيْ لَكُمْ رَسُوْلٌ اَمِيْنٌ
هندى ئه‌زم ئه‌ز بۆ هه‌وه د وى تشتى دا يێ ئه‌ز دگه‌هينمه هه‌وه پێغه‌مبه‌ره‌كێ دهسپاكم.
فَاتَّقُوا اللّٰهَ وَاَطِيْعُوْنِ
ڤێجا هوين باوه‌رییێ د ناڤبه‌را خۆ وعه‌زابا خودێ دا بۆ خۆ بكه‌نه په‌رژان وگوهدارییا من د وى تشتى دا بكه‌ن يێ ئه‌ز فه‌رمانێ پێ ل هه‌وه دكه‌م.
وَمَا٘ اَسْــَٔلُكُمْ عَلَيْهِ مِنْ اَجْرٍ اِنْ اَجْرِيَ اِلَّا عَلٰي رَبِّ الْعٰلَمِيْنَ
وئه‌ز كرێیه‌كێ ژ هه‌وه ناخوازم سه‌را گه‌هاندنا په‌يامێ، هندى كرێیا منه هه‌ما ب تنێ ل سه‌ر خودايێ هه‌مى چێكرى يانه.
فَاتَّقُوا اللّٰهَ وَاَطِيْعُوْنِ
ڤێجا هوين خۆ ژ عه‌زابا وى بپارێزن، وگوهدارییا مـن بــكـه‌ن،وئه‌مر وفه‌رمانێن وى ب جهـ بينن.
قَالُوْ٘ا اَنُؤْمِنُ لَكَ وَاتَّبَعَكَ الْاَرْذَلُوْنَ
وان گۆتێ: چاوا ئه‌م باوه‌رییێ ب ته بينين ودويكه‌فتنا ته بكه‌ين، وئه‌وێن دويكه‌فتنا ته كرى هه‌مى مرۆڤێن كێم وڕه‌زيلن؟
قَالَ وَمَا عِلْمِيْ بِمَا كَانُوْا يَعْمَلُوْنَ
ئينا نووحى گۆت: ژ من نه‌هاتییه خواستـن ئه‌ز كريارێن وان بزانم، هه‌ما يا ل سه‌ر من ئه‌وه ئه‌ز به‌رێ وان بده‌مه باوه‌رییێ.
اِنْ حِسَابُهُمْ اِلَّا عَلٰي رَبِّيْ لَوْ تَشْعُرُوْنَ
حسێبا وان سه‌را كريارێن وان ب تنێ ل سه‌ر خودايێ منه. ئه‌گه‌ر هوين ب وێ چه‌ندێ بحه‌سیێن.
وَمَا٘ اَنَا بِطَارِدِ الْمُؤْمِنِيْنَ
وئه‌ز وان ده‌رنائێخم يێن باوه‌رییێ ب گازییا من دئينن، حالێ وان چ بت. ژ به‌ر هندێ دا هوين باوه‌رییێ ب من بينن.
اِنْ اَنَا اِلَّا نَذِيْرٌ مُّبِيْنٌ
هه‌ما ب تنێ ئه‌ز ئه‌وم يێ ئاشكه‌را هه‌و دترسينم.
قَالُوْا لَئِنْ لَّمْ تَنْتَهِ يٰنُوْحُ لَتَكُوْنَنَّ مِنَ الْمَرْجُوْمِيْنَ
وان گۆت: ئه‌گه‌ر تو -ئه‌ى نووح- ژ گازییا خۆ لێڤه‌نه‌بى سويند بت تو دێ ژ وان بى يێن به‌ر لێ دئێنه باراندن.
قَالَ رَبِّ اِنَّ قَوْمِيْ كَذَّبُوْنِ
ڤێجا ده‌مێ نووحى ئه‌ڤ گۆتنا وان بهيستى وى دوعا ژ خودايێ خۆ كر وگۆت: خودايێ من هندى ملله‌تێ منه مجدى ل سه‌ر دره‌وين ده‌رێخستنا من كر.
فَافْتَحْ بَيْنِيْ وَبَيْنَهُمْ فَتْحًا وَّنَجِّنِيْ وَمَنْ مَّعِيَ مِنَ الْمُؤْمِنِيْنَ
ڤێجا تو حوكمى د ناڤبه‌را من ووان دا بكه، وتو من وهه‌چى خودان باوه‌رێ د گه‌ل من دا بت ژ وێ عه‌زابێ ڕزگار بكه يا تو كافران پێ عه‌زاب دده‌ى.
فَاَنْجَيْنٰهُ وَمَنْ مَّعَهٗ فِي الْفُلْكِ الْمَشْحُوْنِ
ئينا مه ئه‌و وهه‌چییێ د گه‌ل وى د گه‌مییا داگرتى دا ژ هـه‌مـى ڕه‌نگێن چێكرییان، ڕزگـاركرن.
ثُمَّ اَغْرَقْنَا بَعْدُ الْبَاقِيْنَ
پاشى ئه‌وێن مايى يێن باوه‌رى نه‌ئيناى مه خه‌ندقاندن.
اِنَّ فِيْ ذٰلِكَ لَاٰيَةً وَمَا كَانَ اَكْثَرُهُمْ مُّؤْمِنِيْنَ
هندى د ڤێ چه‌ندێ دایه نيشان بۆ يێن پشتى وان دئێن تێدا هه‌يه، وپترییا وان يێن گوهـ ل ڤێ سه‌رهاتییێ بووى باوه‌رى نه‌ئينا بوو.
وَاِنَّ رَبَّكَ لَهُوَ الْعَزِيْزُ الرَّحِيْمُ
وهندى خودايێ ته‌يه ئه‌وه د تۆلڤه‌كرنا خۆ دا يێ زاله، وئه‌و يێ دلۆڤانكاره.
كَذَّبَتْ عَادُ اِۨلْمُرْسَلِيْنَ
ئويجاخا عادییان پێغه‌مبه‌رێ خۆ هوود دروه‌ين ده‌رێخست ڤێجا ب ڤێ چه‌ندێ وان هه‌مى پێغه‌مبه‌ر دره‌وين ده‌رێخستـن.
اِذْ قَالَ لَهُمْ اَخُوْهُمْ هُوْدٌ اَلَا تَتَّقُوْنَ
ده‌مێ برايێ وان هوددى گۆتییه وان: ئه‌رێ هوين ژ خودێ ناترسن وپه‌رستنێ ژ دل بۆ وى ناكه‌ن
اِنِّيْ لَكُمْ رَسُوْلٌ اَمِيْنٌ
هندى ئه‌زم ئه‌ز بۆ هه‌وه پێغه‌مبه‌ره‌كێ دهسپاكم.
فَاتَّقُوا اللّٰهَ وَاَطِيْعُوْنِ
ڤێجا هوين ژ عه‌زابا خودێ بترسن وگوهدارییا من بكه‌ن.
وَمَا٘ اَسْــَٔلُكُمْ عَلَيْهِ مِنْ اَجْرٍ اِنْ اَجْرِيَ اِلَّا عَلٰي رَبِّ الْعٰلَمِيْنَ
وئه‌ز سه‌را گازيكرنا هه‌وه بۆ ته‌وحيدێ چو ڕه‌نگێن كرێیان ژ هه‌وه ناخوازم. هندى كرێیا منه ب تنێ ل سه‌ر خودايێ هه‌مى چێكرییانه.
اَتَبْنُوْنَ بِكُلِّ رِيْعٍ اٰيَةً تَعْبَثُوْنَ
ئه‌رێ هوين ل هه‌ر جهه‌كێ بلند ئاڤاهییه‌كێ مه‌زن چێ دكه‌ن دا هوين ڕێڤنگان لێ ببينن ويارییان بۆ خۆ پێ بكه‌ن؟
وَتَتَّخِذُوْنَ مَصَانِعَ لَعَلَّكُمْ تَخْلُدُوْنَ
وهوين قه‌سرێن ئاسێ وكه‌لێن موكم ئاڤا دكه‌ن هه‌ر وه‌كى هوين هه‌ر دێ د دنيايێ دا بن وهوين نامرن.
وَاِذَا بَطَشْتُمْ بَطَشْتُمْ جَبَّارِيْنَ
وئه‌گه‌ر هه‌وه كه‌سه‌ك گرت بۆ كوشتنێ يان لێدانێ هوين وێ چه‌ندێ ب كوته‌كى وزۆردارى دكه‌ن.
فَاتَّقُوا اللّٰهَ وَاَطِيْعُوْنِ
ڤێجا هوين ژ خودێ بترسن وپێگيرییێ ب وێ بكه‌ن يا ئه‌ز دبێژمه هه‌وه
وَاتَّقُوا الَّذِيْ٘ اَمَدَّكُمْ بِمَا تَعْلَمُوْنَ
و ژ وى خودايى بترسن يێ گه‌له‌ك ڕه‌نگێن نعمه‌تێن ئاشكه‌را بۆ هه‌وه داينه هه‌وه.
اَمَدَّكُمْ بِاَنْعَامٍ وَّبَنِيْنَ
وى حه‌يوانه‌ت‌دانه هه‌وه، وعه‌يال.
وَجَنّٰتٍ وَّعُيُوْنٍ
وبيستانێن خودان به‌رهه‌م، وكانییێن ئاڤێ وى بۆ هه‌وه په‌قاندن.
اِنِّيْ٘ اَخَافُ عَلَيْكُمْ عَذَابَ يَوْمٍ عَظِيْمٍ
هوودى گۆته وان: هندى ئه‌زم ئه‌ز دترسم ئه‌گه‌ر هوين مانه ل سه‌ر كوفر وزۆردارى ودره‌وا خۆ، كو خودێ عه‌زابه‌كێ ب سه‌ر هه‌وه دا بينت ل ڕوژه‌كا ته‌نگاڤییا وێ يا مه‌زن ژ به‌ر عه‌زابا وێ يا ب سه‌هم.
قَالُوْا سَوَآءٌ عَلَيْنَا٘ اَوَعَظْتَ اَمْ لَمْ تَكُنْ مِّنَ الْوٰعِظِيْنَ
وان گۆتێ: ل نك مه وه‌كى يه‌كه تو مه بترسينى يان نه، ئه‌م باوه‌رییێ ب ته نائينين.
اِنْ هٰذَا٘ اِلَّا خُلُقُ الْاَوَّلِيْنَ
وان گۆت: ئه‌ڤ دينێ ئه‌م ل سه‌ر دينێ يێن به‌رێیه وعورف وعه‌ده‌تێن وانه.
وَمَا نَحْنُ بِمُعَذَّبِيْنَ
وسه‌را وى كارێ ئه‌م دكه‌ين ئه‌م نائێينه عه‌زابدان.
فَكَذَّبُوْهُ فَاَهْلَكْنٰهُمْ اِنَّ فِيْ ذٰلِكَ لَاٰيَةً وَمَا كَانَ اَكْثَرُهُمْ مُّؤْمِنِيْنَ
ئينا وان به‌رده‌وامى ل سه‌ر دره‌وين ده‌رێخستنا وى كر، ڤێجا خودێ ئه‌و ب هڕه‌بايه‌كێ سار ودژوار تێبرن. هندى د وێ تێبرنێ دايه عيبره‌ته‌ك بۆ يێن پشتى وان هه‌يه، وپترییا وان يێن سه‌رهاتییا وان بهيستى باوه‌رییێ ب ته نائينن.
وَاِنَّ رَبَّكَ لَهُوَ الْعَزِيْزُ الرَّحِيْمُ
وهندى خودايێ ته‌يه ئه‌وه زالێ ب سه‌رڤه‌هاتى، يێ دلوڤانكار ب خودان باوه‌ران.
كَذَّبَتْ ثَمُوْدُ الْمُرْسَلِيْنَ
ئويجاخا ثه‌موودییان برايێ خۆ صالح دره‌وين ده‌رێخست، ڤێجا وان ب وێ چه‌ندێ هه‌مى پێغه‌مبه‌ر دره‌وين ده‌رێخستـنن.
اِذْ قَالَ لَهُمْ اَخُوْهُمْ صٰلِحٌ اَلَا تَتَّقُوْنَ
ده‌مێ برايێ وان صالحى گۆتییه وان: ئه‌رێ هوين ژ عه‌زابا خودێ ناترسن؟
اِنِّيْ لَكُمْ رَسُوْلٌ اَمِيْنٌ
هندى ئه‌زم ئه‌ز بۆ هه‌وه پێغه‌مبه‌ره‌كێ دهسپاكم.
فَاتَّقُوا اللّٰهَ وَاَطِيْعُوْنِ
ڤێجا هوين ژ خودێ بترسن، وپێگيرییێ ب وێ بكه‌ن يا من به‌رێ هه‌وه دايێ.
وَمَا٘ اَسْــَٔلُكُمْ عَلَيْهِ مِنْ اَجْرٍ اِنْ اَجْرِيَ اِلَّا عَلٰي رَبِّ الْعٰلَمِيْنَ
وئه‌ز سه‌را شيره‌تكرنا هه‌وه داخوازا چو جزاى ژ هه‌وه ناكه‌م، هه‌ما جزايێ من ب تنێ ل سه‌ر خودايێ هه‌مى چێكرییانه.
اَتُتْرَكُوْنَ فِيْ مَا هٰهُنَا٘ اٰمِنِيْنَ
ئه‌رێ خودايێ هه‌وه دێ هه‌وه هێلته د وێ خۆشییێ دا يا هوين تێدا وهوين هه‌ر دێ د ڤێ دنيايێ دا پشت ڕاست وته‌نا ژ عه‌زاب ونه‌مان ومرنێ مينن؟
فِيْ جَنّٰتٍ وَّعُيُوْنٍ
د ناڤ باغێن خودان به‌رهه‌م وكانییێن ئاڤێ.
وَّزُرُوْعٍ وَّنَخْلٍ طَلْعُهَا هَضِيْمٌ
وبيستان ودارقه‌سپێن خودان به‌رهه‌مه‌كێ نه‌رم وگه‌هشتى دا.
وَتَنْحِتُوْنَ مِنَ الْجِبَالِ بُيُوْتًا فٰرِهِيْنَ
وهوين ب شاره‌زايى ودفن بلندى ڤه خانییان د چيايان دا دكۆلن.
فَاتَّقُوا اللّٰهَ وَاَطِيْعُوْنِ
ڤێجا هوين ژ عه‌زابا خودێ بترسن، وگوهدارییا شيره‌تا من بكه‌ن.
وَلَا تُطِيْعُوْ٘ا اَمْرَ الْمُسْرِفِيْنَ
وگوهێ خۆ نه‌ده‌نه وان يێن زۆردارى ل خۆ كرى وگه‌له‌ك ب ناڤ گونه‌هێ ڤه چووين.
الَّذِيْنَ يُفْسِدُوْنَ فِي الْاَرْضِ وَلَا يُصْلِحُوْنَ
ئه‌وێن كارێ وان خرابكارییا د عه‌ردى دايه وئه‌و چاكییێ تێدا ناكه‌ن.
قَالُوْ٘ا اِنَّمَا٘ اَنْتَ مِنَ الْمُسَحَّرِيْنَ
وان گۆت: هه‌ما تو ژ وانى يێن سێره‌به‌ندییه‌كا مه‌زن لێ هاتییه‌كرن، ڤێجا ژ به‌ر سێره‌به‌ندییێ عه‌قلێ ته نه‌مايه.
مَا٘ اَنْتَ اِلَّا بَشَرٌ مِّثْلُنَا فَاْتِ بِاٰيَةٍ اِنْ كُنْتَ مِنَ الصّٰدِقِيْنَ
تو ژى وه‌كى مه مرۆڤى ژ دوونده‌ها ئاده‌مییى، ڤێجا چاوا پێغه‌مبه‌رينى دێ بۆ ته ئێت؟ كانێ نيشانه‌كا ئاشكه‌را بۆ مه بينه پێغه‌مبه‌رينییا ته ڕاست ده‌ربێخت، ئه‌گه‌ر تو ژ ڕاستگۆيانى كو خودێ تو بۆ مه يێ هنارتى.
قَالَ هٰذِهٖ نَاقَةٌ لَّهَا شِرْبٌ وَّلَكُمْ شِرْبُ يَوْمٍ مَّعْلُوْمٍ
پشتى خودێ حێشتره‌ك بۆ وان ژ كه‌ڤرى ئينايه ده‌ر صالـحى گۆته وان: ئه‌ڤه حێشتره‌كه خودێ دايه هه‌وه ل ڕۆژه‌كا ده‌سنيشانكرى ئاڤ بارا وێیه، و ل ڕۆژه‌كا دى ئاڤ بۆ هه‌وه‌يه. وێ ڕۆژا دۆرا ڤه‌خوارنا وێ بت چێ نابت هوين ئاڤێ ژێ ڤه‌خۆن، وڕۆژا دۆرا هه‌وه بت ئه‌و ئاڤێ ڤه‌ناخۆت.
وَلَا تَمَسُّوْهَا بِسُوْٓءٍ فَيَاْخُذَكُمْ عَذَابُ يَوْمٍ عَظِيْمٍ
وتشته‌كێ خراب وه‌كى لێدانێ يان ڤه‌كوشتنێ چێ نابت هوين د گه‌ل بكه‌ن، ئه‌گه‌ر خودێ ب عه‌زابا ڕۆژه‌كا مه‌زن دێ هه‌وه تێ به‌ت.
فَعَقَرُوْهَا فَاَصْبَحُوْا نٰدِمِيْنَ
ئينا وان ئه‌و حێشتر ڤه‌كوشت، ڤێجا ده‌مێ وان عه‌زاب ديتى ئه‌و په‌شێمان بوون كو وان وه كرى، به‌لێ په‌شێمانییا وان چو مفا نه‌گه‌هانده وان.
فَاَخَذَهُمُ الْعَذَابُ اِنَّ فِيْ ذٰلِكَ لَاٰيَةً وَمَا كَانَ اَكْثَرُهُمْ مُّؤْمِنِيْنَ
ڤێجا عه‌زابا خودێ يا صالحى گه‌ف پێ ل وان كرى ب سه‌رێ وان هات، وئه‌و تێبرن. هندى تێبرنا ثه‌موودییان بوو عيبره‌ته‌ك بۆ وى تێدا هه‌بوو يێ عيبره‌ته‌كێ بۆ خۆ ژ ڤێ دويماهییێ ببينت، وپترییا وان دخودان باوه‌ر نه‌بوون.
وَاِنَّ رَبَّكَ لَهُوَ الْعَزِيْزُ الرَّحِيْمُ
وهندى خودايێ ته‌يه ئه‌وه زالێ تۆلێ ژ نه‌يارێن خۆ يێن دره‌وپێكه‌ر ڤه‌دكه‌ت، يێ دلۆڤانكار ب وى يێ باوه‌رییێ بينت ژ به‌نییێن وى.
كَذَّبَتْ قَوْمُ لُوْطِ اِۨلْمُرْسَلِيْنَ
ملله‌تێ لووطى دره‌و ب پێغه‌مبه‌رينییا وى كر، ڤێجا وان ب ڤێ چه‌ندێ دره‌و ب هه‌مى پێغه‌مبه‌رێن خودێ كر.
اِذْ قَالَ لَهُمْ اَخُوْهُمْ لُوْطٌ اَلَا تَتَّقُوْنَ
ده‌مێ برايێ وان لووطى گۆتییه وان: ما هوين ژ عه‌زابا خودێ ناترسن؟
اِنِّيْ لَكُمْ رَسُوْلٌ اَمِيْنٌ
هندى ئه‌زم ئه‌ز بۆ هه‌وه پێغه‌مبه‌ره‌كێ دهسپاكم.
فَاتَّقُوا اللّٰهَ وَاَطِيْعُوْنِ
ڤێجا هوين خۆ ژ عه‌زابا خودێ بپارێزن وگوهدارییا من د وى تشتى دا بكه‌ن يێ ئه‌ز به‌رێ هه‌وه دده‌مێ.
وَمَا٘ اَسْــَٔلُكُمْ عَلَيْهِ مِنْ اَجْرٍ اِنْ اَجْرِيَ اِلَّا عَلٰي رَبِّ الْعٰلَمِيْنَ
وسه‌را گازییا خۆ بۆ ڕێنيشادانا هه‌وه ئه‌ز چو كرێیه‌كێ ژ هه‌وه ناخوازم، هندى كرێیا منه هه‌ما ب تنێ ل سه‌ر خودايێ هه‌مى چێكرییانه.
اَتَاْتُوْنَ الذُّكْرَانَ مِنَ الْعٰلَمِيْنَ
ئه‌رێ ژ مرۆڤان هوين دئێنه نك زه‌لامان.
وَتَذَرُوْنَ مَا خَلَقَ لَكُمْ رَبُّكُمْ مِّنْ اَزْوَاجِكُمْ بَلْ اَنْتُمْ قَوْمٌ عٰدُوْنَ
ووێ يا خودێ بۆ خۆشییا هه‌وه وزێده‌بوونا دوونده‌هێ ئافراندى ژ ژنێن هه‌وه هوين دهێلن؟به‌لكى هوين ملله‌ته‌كێ سه‌ردا چووينه، هه‌وه پێ ل توخويبێ حه‌لالی يێ داناى وهوين ب ناڤ حه‌رامى ڤه يێن چووين.
قَالُوْا لَئِنْ لَّمْ تَنْتَهِ يٰلُوْطُ لَتَكُوْنَنَّ مِنَ الْمُخْرَجِيْنَ
وان گۆت: ئه‌ى لووط سويند ئه‌گه‌ر تو كارێ پاشڤه‌برنا مه ژ چوونا نك زه‌لامان وكرێتكرنا ڤى تشتى به‌س نه‌كه‌ى، تو دێ ژ وان بى يێن ژ وه‌لاتێ مه دئێنه ده‌رێخستـن.
قَالَ اِنِّيْ لِعَمَلِكُمْ مِّنَ الْقَالِيْنَ
لووطى گۆت: هندى ئه‌زم ئه‌ز ژ وانم يێن گه‌له‌ك ب وى كارى دنه‌خۆش يێ هوين دكه‌ن.
رَبِّ نَجِّنِيْ وَاَهْلِيْ مِمَّا يَعْمَلُوْنَ
وده‌مێ ئه‌و ژ وان بێ هيڤى بووى دوعا ژ خودايێ خۆ كر وگۆت: خودايێ من تو من ومرۆڤێن من ژ وێ گونه‌ها كرێت بپارێزه يا ملله‌تێ من دكه‌ت.
فَنَجَّيْنٰهُ وَاَهْلَهٗ٘ اَجْمَعِيْنَ
ئينا مه ئه‌و ومروڤێن وى وهه‌ر كه‌سه‌كێ باوه‌رى ب گازییا وى ئيناى هه‌مى ڕزگاركرن.
اِلَّا عَجُوْزًا فِي الْغٰبِرِيْنَ
پيره‌ژنه‌كا ژ مرۆڤێن وى تێ نه‌بت، كو ژنكا وى بوو، وێ باوه‌رى د گه‌ل وان نه‌ئينا بوو، ڤێجا ئه‌و ژ وان بوو يێن ماينه د عه‌زابێ دا.
ثُمَّ دَمَّرْنَا الْاٰخَرِيْنَ
پاشى مه هه‌مى كافر تێبرن.
وَاَمْطَرْنَا عَلَيْهِمْ مَّطَرًا فَسَآءَ مَطَرُ الْمُنْذَرِيْنَ
ومه به‌ر ژ عه‌سمانى وه‌كى بارانێ ل وان باراندن وئه‌و پێ تێبرن، ڤێجا چ پيسه بارانا وان بوو يێن پێغه‌مبه‌رێن مه ئه‌و ترساندين ووان گوهدارى نه‌كرى؛ چونكى دژوارترين ڕه‌نگێن تێبرن وخرابكرنێ ب سه‌ر وان دا هاتن.
اِنَّ فِيْ ذٰلِكَ لَاٰيَةً وَمَا كَانَ اَكْثَرُهُمْ مُّؤْمِنِيْنَ
هندى د وێ عه‌زابدانێ دايه شيره‌ت وعيبره‌ته‌ك هه‌يه، وپترییا وان دخودان باوه‌ر نه‌بوون.
وَاِنَّ رَبَّكَ لَهُوَ الْعَزِيْزُ الرَّحِيْمُ
وهندى خودايێ ته‌يه ئه‌وه زالێ ب سه‌رڤه‌هاتى، يێ دلوڤانكار ب به‌نییێن خۆ.
كَذَّبَ اَصْحٰبُ لْــَٔيْكَةِ الْمُرْسَلِيْنَ
خودانێن وى عه‌ردێ ب داروبار پێغه‌مبه‌رێ خۆ شوعه‌يب دره‌وين ده‌رێخست، ڤێجا ب وێ چه‌ندێ وان دره‌و ب هه‌مى پێغه‌مبه‌ران كر.
اِذْ قَالَ لَهُمْ شُعَيْبٌ اَلَا تَتَّقُوْنَ
ده‌مێ شوعه‌يبى گۆتییه وان: ئه‌رێ ما هوين ژ عه‌زابا خودێ ناترسن كو ئه‌و هه‌وه سه‌را گونه‌هێن هه‌وه عه‌زاب بده‌ت؟
اِنِّيْ لَكُمْ رَسُوْلٌ اَمِيْنٌ
هندى ئه‌زم ئه‌ز بۆ هه‌وه پێغه‌مبه‌ره‌كێ دهسپاكم.
فَاتَّقُوا اللّٰهَ وَاَطِيْعُوْنِ
ڤێجا هوين ژ عه‌زابا خودێ بترسن، ودويكه‌فتنا وێ هيدايه‌تێ بكه‌ن يا ئه‌ز ژ نك خودێ بۆ هه‌وه پێ هاتيم؛ دا هوين سه‌رڕاست ببن.
وَمَا٘ اَسْــَٔلُكُمْ عَلَيْهِ مِنْ اَجْرٍ اِنْ اَجْرِيَ اِلَّا عَلٰي رَبِّ الْعٰلَمِيْنَ
وئه‌ز سه‌را داخوازكرنا هه‌وه بۆ باوه‌رییا ب خودێ چو جزاى ژ هه‌وه ناخوازم، هه‌ما جزايێ من ل سه‌ر خودايێ هه‌مى چێكرییانه.
اَوْفُوا الْكَيْلَ وَلَا تَكُوْنُوْا مِنَ الْمُخْسِرِيْنَ
شوعه‌يبى گۆته وان -ووان حيله د كێشان وپيڤانێ دا دكرن-: هوين پيڤانێ ب دورستى بۆ خه‌لكى پێك بينن، وهوين ژ وان نه‌بن يێن حه‌قێ مرۆڤان كێم دكه‌ن.
وَزِنُوْا بِالْقِسْطَاسِ الْمُسْتَقِيْمِ
وهوين ب ته‌رازییا ڕاست ودورست كێشانێ بكه‌ن.
وَلَا تَبْخَسُوا النَّاسَ اَشْيَآءَهُمْ وَلَا تَعْثَوْا فِي الْاَرْضِ مُفْسِدِيْنَ
وچويێ ژ مافێ خه‌لكى كێم نه‌كه‌ن، وهوين ب شركێ وكوشتـنێ وتالان وترساندنا خه‌لكى خرابكارییێ د عه‌ردى دا نه‌كه‌ن.
وَاتَّقُوا الَّذِيْ خَلَقَكُمْ وَالْجِبِلَّةَ الْاَوَّلِيْنَ
وهوين ژ عه‌زابا وى خودايى بترسن يێ هوين وئه‌و ملله‌تێن به‌رى هه‌وه ژى ئافراندين.
قَالُوْ٘ا اِنَّمَا٘ اَنْتَ مِنَ الْمُسَحَّرِيْنَ
وان گۆت: هندى تويى هه‌ما تو ژ وانى يێن سێره‌به‌ندییێ كاره‌كێ دژوار تێكرى.
وَمَا٘ اَنْتَ اِلَّا بَشَرٌ مِّثْلُنَا وَاِنْ نَّظُنُّكَ لَمِنَ الْكٰذِبِيْنَ
وهه‌ما تو ژى وه‌كى مه مرۆڤى، ڤێجا چاوا پێغه‌مبه‌رينى بۆ ته ب تنێ دێ ئێت؟ وهه‌ما هه‌مى هزرا مه ئه‌وه كو تو د ڤێ گۆتنا خۆ دا ژ دره‌وينانى.
فَاَسْقِطْ عَلَيْنَا كِسَفًا مِّنَ السَّمَآءِ اِنْ كُنْتَ مِنَ الصّٰدِقِيْنَ
ڤێجا ئه‌گه‌ر تو ڕاست دبێژى كو تو پێغه‌مبه‌رى، پا كانێ دوعايه‌كێ ژ خودێ بكه دا ئه‌و پرتێن عه‌زابێ ژ عه‌سمانى ب سه‌ر مه دا بينت ومه ببرينت.
قَالَ رَبِّيْ٘ اَعْلَمُ بِمَا تَعْمَلُوْنَ
شوعه‌يبى گۆت: خودايێ من زاناتره ب وى تشتێ هوين دكه‌ن.
فَكَذَّبُوْهُ فَاَخَذَهُمْ عَذَابُ يَوْمِ الظُّلَّةِ اِنَّهٗ كَانَ عَذَابَ يَوْمٍ عَظِيْمٍ
ڤێجا وان به‌رده‌وامى ل سه‌ر دره‌وين ده‌رێخستنا وى كر، ئينا گه‌رمه‌كا دژوار ب سه‌ر وان دا هات، وئه‌و بۆ خۆ ل سيبه‌ره‌كێ گه‌ڕيان دا خۆ بده‌نه بن، وان هند ديت عه‌وره‌كى سيبه‌ر ل وان كر، وئه‌و ب هوينكاتییه‌كێ حه‌سان، ڤێجا ده‌مێ ئه‌و هه‌مى ل بن سيبه‌را وى عه‌ورى كۆم بووين، ئه‌و ل هنداڤى وان بوو ئاگر وئه‌و سۆتن، وتێبرنا وان هه‌مییان ل ڕۆژه‌كا گه‌له‌كا ب ترس بوو.
اِنَّ فِيْ ذٰلِكَ لَاٰيَةً وَمَا كَانَ اَكْثَرُهُمْ مُّؤْمِنِيْنَ
هندى د وێ عه‌زابێ دايه نيشانه‌كا ئاشكه‌را ل سه‌ر شيانا خودێ كو دره‌وپێكه‌ران بگرت هه‌يه، به‌لێ پترییا وان دخودان باوه‌ر نه‌بوون وعيبره‌ت بۆ خۆ ژ وێ چه‌ندێ وه‌رنه‌گرتن.
وَاِنَّ رَبَّكَ لَهُوَ الْعَزِيْزُ الرَّحِيْمُ
وهندى خودايێ ته‌يه د تۆلڤه‌كرنا خۆ دا ژ نه‌ياران يێ زاله، و ب به‌نییێن خۆ يێ دلۆڤانكاره.
وَاِنَّهٗ لَتَنْزِيْلُ رَبِّ الْعٰلَمِيْنَ
وهندى ئه‌ڤ قورئانه‌يه ژ نك ئافرانده‌رێ هه‌مى چێكرییان وخودانێ وان هاتییه خوارێ.
نَزَلَ بِهِ الرُّوْحُ الْاَمِيْنُ
جبريلێ ده‌سپاك وئه‌مين ئه‌و يا ئينايه خوارێ.
عَلٰي قَلْبِكَ لِتَكُوْنَ مِنَ الْمُنْذِرِيْنَ
ووى ئه‌و بۆ ته -ئه‌ى موحه‌ممه‌د- يا خواندى حه‌تا ته د دلێ خۆ دا ژبه‌ركرى وتو تێ گه‌هشتى؛ دا تو ببییه ژ پێغه‌مبه‌رێن خودێ يێن ملله‌تێن خۆ ژ عه‌زابا خودێ دترسينن.
بِلِسَانٍ عَرَبِيٍّ مُّبِيْنٍ
جبريلی ئه‌و ب زمانه‌كێ عه‌ره‌بى يێ ئاشكه‌را بۆ ته ئينا خوارێ، يا ڕامان ئاشكه‌رايه، وئـه‌و وان هه‌مى تشتان ئاشكه‌را دكـه‌ت يێن ئـه‌و هه‌وجه دبنێ ژ كارێ دين ودنيايێ.
وَاِنَّهٗ لَفِيْ زُبُرِ الْاَوَّلِيْنَ
وهندى به‌حسێ ڤێ قورئانییه د كيتابێن پێغه‌مبه‌رێن به‌رێ دا هاتییه، وان مزگينى پێ دايه وئه‌و ڕاست ده‌رێخستییه.
اَوَلَمْ يَكُنْ لَّهُمْ اٰيَةً اَنْ يَّعْلَمَهٗ عُلَمٰٓؤُا بَنِيْ٘ اِسْرَآءِيْلَ
ئه‌رێ وما ئه‌و زانينا ل نك وان زانايێن ئسرائيلیان هه‌ى يێن باوه‌رى ئيناى وه‌كى عه‌بدللاهێ كوڕێ سه‌لامى به‌سى وان نينه كو ئه‌و بزانن هندى تويى تو پێغه‌مبه‌رێ خودێ يى؟
وَلَوْ نَزَّلْنٰهُ عَلٰي بَعْضِ الْاَعْجَمِيْنَ
وئه‌گه‌ر مه قورئان بۆ هنده‌كێن عه‌ره‌بییێ نه‌زانن ئينابا خوارێ.
فَقَرَاَهٗ عَلَيْهِمْ مَّا كَانُوْا بِهٖ مُؤْمِنِيْنَ
ووان ئه‌و ب عه‌ره‌بییه‌كا ره‌هوان ودورست بۆ كافرێن قوره‌يشییان خواندبا، ئه‌و هه‌ر دا كافرییێ پێ كه‌ن، و ژ كافرییا خۆ ئه‌و دا هێجه‌ته‌كێ بۆ خۆ گرن.
كَذٰلِكَ سَلَكْنٰهُ فِيْ قُلُوْبِ الْمُجْرِمِيْنَ
وه‌سا مه كوفرا ب قورئانێ كره د دلێن تاوانباران دا، وئه‌و كوفر ل سه‌ر دلێن وان زال بوو.
لَا يُؤْمِنُوْنَ بِهٖ حَتّٰي يَرَوُا الْعَذَابَ الْاَلِيْمَ
ڤێجا وان چو ڕێ نه‌ماينه ئه‌و باوه‌رییێ پێ بينن، حه‌تا ئه‌و وێ عه‌زابا دژوار نه‌بينن يا ژڤان بۆ وان پێ هاتییه دان.
فَيَاْتِيَهُمْ بَغْتَةً وَّهُمْ لَا يَشْعُرُوْنَ
ڤێجا ژ نشكه‌كێ ڤه عه‌زاب ب سه‌ر وان دا بێت، وئه‌و به‌رى هنگى نه‌زانن كو ئه‌و دێ ئێت.
فَيَقُوْلُوْا هَلْ نَحْنُ مُنْظَرُوْنَ
ڤێجا ده‌مێ ئه‌و ب خافله‌تى ڤه دئێت ژ په‌شێمانییا نه‌باوه‌رى ئينانێ دا ئه‌و دێ بێژن: ئه‌رێ ئه‌م دێ ئێينه پاشڤه‌هێلان؟
اَفَبِعَذَابِنَا يَسْتَعْجِلُوْنَ
ئه‌رێ ڤێجا ئه‌و له‌زێ ل هاتنا عه‌زابێ دكه‌ن؟
اَفَرَءَيْتَ اِنْ مَّتَّعْنٰهُمْ سِنِيْنَ
ئـــه‌رێ تــه زانــیــیـه ئه‌گه‌ر ئه‌م چه‌ند ساله‌كێن درێژ وان بهێلينه دخۆشییان دا ومرنا وان پاش بێخين.
ثُمَّ جَآءَهُمْ مَّا كَانُوْا يُوْعَدُوْنَ
پاشى ئه‌و عه‌زابا ژڤان پێ هاتییه دان ب سه‌ر وان دا بێت؟
مَا٘ اَغْنٰي عَنْهُمْ مَّا كَانُوْا يُمَتَّعُوْنَ
خۆشيبرنا وان ب ژییێ درێژ، وژيارا باش، چو مفاى ناگه‌هينته وان.
وَمَا٘ اَهْلَكْنَا مِنْ قَرْيَةٍ اِلَّا لَهَا مُنْذِرُوْنَ
و د ناڤ هه‌مى ملله‌تان دا مه گونده‌ك ژ گوندان تێ نه‌برییه، ئه‌گه‌ر مه پێغه‌مبه‌ره‌ك بۆ نه‌هنارت بت وان بترسينت.
ذِكْرٰي وَمَا كُنَّا ظٰلِمِيْنَ
وبيرا وان ل وى تشتى بينت يێ ڕزگارییا وان تێدا، وئه‌م دزۆردار نه‌بووينه كو ملله‌ته‌كى عه‌زاب بده‌ين به‌رى ئه‌م پێغه‌مبه‌ره‌كـى بۆ بهنێرين.
وَمَا تَنَزَّلَتْ بِهِ الشَّيٰطِيْنُ
وشه‌يتانان قورئان بۆ موحه‌ممه‌دى نه‌ئينايه خـوارێ -وه‌كى كافر دبێژن- .
وَمَا يَنْۣبَغِيْ لَهُمْ وَمَا يَسْتَطِيْعُوْنَ
وئه‌و نه‌بابه‌تى وانه، وئه‌و نه‌شێن وێ بكه‌ن.
اِنَّهُمْ عَنِ السَّمْعِ لَمَعْزُوْلُوْنَ
چونكى ئه‌و ژ گوهدانا قورئانێ ل عه‌سمانى دبێ بارن وستێر درژيێنه وان.
فَلَا تَدْعُ مَعَ اللّٰهِ اِلٰهًا اٰخَرَ فَتَكُوْنَ مِنَ الْمُعَذَّبِيْنَ
ڤێجا تو ژبلی خودێ په‌رستنا چو خودايێن دى نه‌كه، ئه‌گه‌ر دێ ئه‌و عه‌زاب گه‌هته ته يا گه‌هشتییه وان يێن په‌رستنا هنده‌ك شريكان د گه‌ل خودێ كرى.
وَاَنْذِرْ عَشِيْرَتَكَ الْاَقْرَبِيْنَ
وتو وان يێن نێزيكتر بۆ ته ژ ملله‌تێ ته ژ عه‌زابا مه بترسينه، كو ب سه‌ر وان دا بێت.
وَاخْفِضْ جَنَاحَكَ لِمَنِ اتَّبَعَكَ مِنَ الْمُؤْمِنِيْنَ
وتو چه‌نگێ خۆ بچه‌مينه وخۆ مه‌زن نه‌كه و ژ دلۆڤانى ئاخفتنه‌كا نه‌رم بێژه وان يێن د به‌رسڤا گازییا ته هاتين.
فَاِنْ عَصَوْكَ فَقُلْ اِنِّيْ بَرِيْٓءٌ مِّمَّا تَعْمَلُوْنَ
ڤێجا ئه‌گه‌ر وان بێ ئه‌مرییا ته كر وگوهێ خۆ نه‌دا ته، تو خۆ ژ كريارێن وان ووێ شركا ئه‌و دكه‌ن به‌رى بكه.
وَتَوَكَّلْ عَلَي الْعَزِيْزِ الرَّحِيْمِ
وتو كارێ خۆ بهێله ب هيڤییا خودايێ زال ودلۆڤانكار ڤه.
الَّذِيْ يَرٰىكَ حِيْنَ تَقُوْمُ
ئه‌وێ ته دبينت ده‌مێ تو ل نيڤا شه‌ڤێ ب تنێ ڕدابییه نڤێژێ.
وَتَقَلُّبَكَ فِي السّٰجِدِيْنَ
وئه‌و خۆچه‌ماندنا ته دبينت ده‌مێ تو د گه‌ل نڤێژكه‌ران ڕادبى ودڕوينى ودچيه سوجدێ.
اِنَّهٗ هُوَ السَّمِيْعُ الْعَلِيْمُ
هندى ئه‌وه ئه‌و گوهدێرێ خـوانـدنا تـه‌يـه، يـێ پـڕزانـايـه ب ئـنـيـه‌ت وكريـارێن تـه.
هَلْ اُنَبِّئُكُمْ عَلٰي مَنْ تَنَزَّلُ الشَّيٰطِيْنُ
ئه‌رێ ئه‌ز بۆ هه‌وه بێژم كانێ شه‌يتان ب سه‌ر كێ دا دئێنه خوارێ؟
تَنَزَّلُ عَلٰي كُلِّ اَفَّاكٍ اَثِيْمٍ
ئه‌و ب سه‌ر هه‌ر كه‌سه‌كێ گه‌له‌گ دره‌وين وگونه‌هكار ژ خێفزانكان دا دئێن.
يُّلْقُوْنَ السَّمْعَ وَاَكْثَرُهُمْ كٰذِبُوْنَ
شه‌يتان ب دزى ڤه گوهدارییێ دكه‌ن، ژ كۆما بلند ل عه‌سمانى ڤه‌دڕه‌ڤينن، وبۆ خێفزانك وفاسقێن وه‌كى وان دئينن، وپترییا وان ددره‌وينن.يه‌ك ژ وان د گۆتنه‌كێ دا ڕاستییێ دبێژت، وسه‌د دره‌وان ژ نك خۆ لێ زێده دكه‌ت.
وَالشُّعَرَآءُ يَتَّبِعُهُمُ الْغَاوٗنَ
وشاعران شعرا وان ل سه‌ر دره‌وێ ونه‌حه‌قییێ ڕادوه‌ستت، وسه‌رداچوويێن وه‌كى وان ل دويڤ وان دبه‌زن.
اَلَمْ تَرَ اَنَّهُمْ فِيْ كُلِّ وَادٍ يَّهِيْمُوْنَ
ئه‌رێ ما ته نه‌ديتییه كو ئه‌و وه‌كى وى دچن يێ ب دويڤ سه‌رێ خۆ كه‌فتى، هه‌ر هۆنه‌ره‌كێ هه‌بت ژ دره‌وێ وهاڤێتنا خه‌لكى وكرێتكرنا نامويسا وان وگۆتنێن خراب ئه‌و قه‌ست دكه‌نێ.
وَاَنَّهُمْ يَقُوْلُوْنَ مَا لَا يَفْعَلُوْنَ
وئه‌و وى تشتى دبێژن يێ نه‌كه‌ن، زێده مه‌دحێن مرۆڤێن نه‌حه‌ق دكن، وخودانێن حه‌قییێ كێم دكه‌ن؟
اِلَّا الَّذِيْنَ اٰمَنُوْا وَعَمِلُوا الصّٰلِحٰتِ وَذَكَرُوا اللّٰهَ كَثِيْرًا وَّانْتَصَرُوْا مِنْۣ بَعْدِ مَا ظُلِمُوْا وَسَيَعْلَمُ الَّذِيْنَ ظَلَمُوْ٘ا اَيَّ مُنْقَلَبٍ يَّنْقَلِبُوْنَ
ژ ناڤ شاعران خودێ ئه‌و شاعر ئينانه‌ده‌ر يێن باوه‌رى ئيناى وكارێن چاك كرين، وگه‌له‌ك زكرێ خودێ كرى، وبه‌ڕه‌ڤانى ژ پێغه‌مبه‌رێ وى موحه‌ممه‌دى كرى، وئاخفتنێن بنه‌جهـ وشيره‌ت وتۆره‌يێن باش گۆتين، وبه‌رانبه‌ر شاعرێن كافر به‌ڕه‌ڤانى ژ ئيسلامێ كرى. وئه‌وێن ب شركێ وگونه‌هان زۆردارى ل خۆ كرى، و ب خوارنا حه‌قێ خه‌لكى وته‌عداكرنا ل سه‌ر وان وپێڕادانا بێ به‌ختییان ب دويڤ وان ڤه، ئه‌و دێ زانن كانێ ب چ ڕه‌نگێ خراب ئه‌و دێ ئێنه وه‌رگێڕان وتێبرن؟ هندى ئه‌و وه‌رگێڕانه يا خرابه، خودێ مه ژێ بپارێزت.