الٓرٰ كِتٰبٌ اَنْزَلْنٰهُ اِلَيْكَ لِتُخْرِجَ النَّاسَ مِنَ الظُّلُمٰتِ اِلَي النُّوْرِ بِاِذْنِ رَبِّهِمْ اِلٰي صِرَاطِ الْعَزِيْزِ الْحَمِيْدِ
(الر) گۆتن ل سه‌ر ڤان حه‌رفێن كه‌ركرى ل ده‌سپێكا سووره‌تا به‌قه‌ره بۆرییه.
اللّٰهِ الَّذِيْ لَهٗ مَا فِي السَّمٰوٰتِ وَمَا فِي الْاَرْضِ وَوَيْلٌ لِّلْكٰفِرِيْنَ مِنْ عَذَابٍ شَدِيْدِ
ئه‌ڤ قورئانه كيتابه‌كه مه بۆ ته -ئه‌ى موحه‌ممه‌د- ب وه‌حى هنارتییه دا تو -ب ئانه‌هییا خودێ- به‌رێ مرۆڤان پێ ژ به‌رزه‌بوونێ وسه‌رداچوونێ بده‌يه هيدايه‌تێ وڕۆناهییێ كو ئيسلامه ڕێكا خودايێ هه‌رده‌م ب سه‌رڤه‌هاتى يێ د هه‌مى حالان دا مه‌دحێن وى دئێنه‌كرن، خودێ يێ كو هه‌ر تشته‌كێ ل عه‌سمانان وهه‌ر تشته‌كێ ل عه‌ردى ئافراندى وملكێ وییه، ڤێجا ئه‌وه يێ دڤێت په‌رستن بۆ وى ب تنێ بت. و ل ڕۆژا قيامه‌تێ تێچوون وعه‌زابه‌كا دژوار دێ گه‌هته كافران.
اِۨلَّذِيْنَ يَسْتَحِبُّوْنَ الْحَيٰوةَ الدُّنْيَا عَلَي الْاٰخِرَةِ وَيَصُدُّوْنَ عَنْ سَبِيْلِ اللّٰهِ وَيَبْغُوْنَهَا عِوَجًا اُولٰٓئِكَ فِيْ ضَلٰلٍۣ بَعِيْدٍ
وئه‌و كافرێن هه يێن ژينا دنيايێ يا به‌روه‌خت بۆ خۆ هلبژارتى، وئاخره‌تا به‌رده‌وام هێلاى، وناهێلن مرۆڤ دويكه‌فتنا دينێ خودێ بكه‌ن، ودخوازن ئه‌و دين ڕێكه‌كا خوار وڤيچ بت دا ل دويڤ دلێ وان بت، ئه‌وێن ب ڤان سالۆخه‌تان بن ئه‌و ژ حه‌قییێ دبه‌رزه‌نه به‌رزه‌بوونه‌كا دوير ژ هه‌مى ڕێكێن هيدايه‌تێ.
وَمَا٘ اَرْسَلْنَا مِنْ رَّسُوْلٍ اِلَّا بِلِسَانِ قَوْمِهٖ لِيُبَيِّنَ لَهُمْ فَيُضِلُّ اللّٰهُ مَنْ يَّشَآءُ وَيَهْدِيْ مَنْ يَّشَآءُ وَهُوَ الْعَزِيْزُ الْحَكِيْمُ
وبه‌رى ته -ئه‌ى موحه‌ممه‌د- مه چو پێغه‌مبه‌ره‌ك نه‌هنارتییه ئه‌گه‌ر ب ئه‌زمانێ ملله‌تێ وى نه‌بت؛ دا ئه‌و شريعه‌تێ خودێ بۆ وان ئاشكه‌را بكه‌ت، ڤێجا يێ خودێ بڤێت ئه‌و وى ژ ڕێكا هيدايه‌تێ به‌رزه دكه‌ت، ويێ وى بڤێت به‌رێ وى دده‌ته حه‌قییێ، وئه‌و د ملكێ خـۆ دا يێ زاله، ويێ كاربنه‌جهه، هه‌ر كاره‌كى ل دويڤ حكمه‌ته‌كێ ددانته جهێ وى.
وَلَقَدْ اَرْسَلْنَا مُوْسٰي بِاٰيٰتِنَا٘ اَنْ اَخْرِجْ قَوْمَكَ مِنَ الظُّلُمٰتِ اِلَي النُّوْرِ وَذَكِّرْهُمْ بِاَيّٰىمِ اللّٰهِ اِنَّ فِيْ ذٰلِكَ لَاٰيٰتٍ لِّكُلِّ صَبَّارٍ شَكُوْرٍ
و ب ڕاستى مه مووسا بۆ ئسرائيلییان هنارت ومه ب وان موعجزه‌يێن ڕاستییا وى ئاشكه‌را دكه‌ن پشته‌ڤانییا وى كر، ومه فه‌رمان ل وى كر كو ئه‌و به‌رێ وان بده‌ته باوه‌رییێ؛ دا ئه‌و وان ژ به‌رزه‌بوونێ ده‌ربێخته هيدايه‌تێ، وبيرا وان ل قه‌نجییێن خودێ وبه‌لايێن وى بينته‌ڤه، هندى د ڤێ بيرئينانێ دايه نيشان هه‌نه بۆ هه‌ر يه‌كێ د نه‌خۆشى وته‌نگاڤییێ دا گه‌له‌ك بێهنا خۆ فره‌هـ بكه‌ت، وگه‌له‌ك شوكرێ ل سه‌ر قه‌نجى وبه‌رفره‌هییێ بكه‌ت، و ب تايبه‌تى به‌حسێ ڤان هاته‌كرن؛ چونكى ئه‌ون يێن وجێ بۆ خۆ ژ ئايه‌تان دبينن، وخۆ ژێ بێ ئاگه‌هـ ناكه‌ن.
وَاِذْ قَالَ مُوْسٰي لِقَوْمِهِ اذْكُرُوْا نِعْمَةَ اللّٰهِ عَلَيْكُمْ اِذْ اَنْجٰىكُمْ مِّنْ اٰلِ فِرْعَوْنَ يَسُوْمُوْنَكُمْ سُوْٓءَ الْعَذَابِ وَيُذَبِّحُوْنَ اَبْنَآءَكُمْ وَيَسْتَحْيُوْنَ نِسَآءَكُمْ وَفِيْ ذٰلِكُمْ بَلَآءٌ مِّنْ رَّبِّكُمْ عَظِيْمٌ
وتو -ئه‌ى موحه‌ممه‌د- چيرۆكا مووساى بۆ ملله‌تێ خۆ ڤه‌گێڕه ده‌مێ وى گۆتییه ئسرائيلیان: قه‌نجییا خودێ بيننه بيرا خۆ ده‌مێ وى هوين ژ فيرعه‌ونى ودويكه‌فتییێن وى ڕزگاركرين، وان دژوارترين عه‌زاب دئينا سه‌رێ هه‌وه، وكوڕێن هه‌وه دكوشتـن، دا ئه‌و ژ ناڤ وان ده‌رنه‌كه‌ڤت يێ ملكێ فيرعه‌ونى ژێ دستينت، وكچێن هه‌وه دهێلانه ساخ دا ڕه‌زيل ببن، و د ڤێ به‌لايێ وڕزگاركرنێ دا جه‌رباندنه‌كا مه‌زن ژ خودايێ هه‌وه بۆ هه‌وه هه‌ب
وَاِذْ تَاَذَّنَ رَبُّكُمْ لَئِنْ شَكَرْتُمْ لَاَزِيْدَنَّكُمْ وَلَئِنْ كَفَرْتُمْ اِنَّ عَذَابِيْ لَشَدِيْدٌ
ومووساى گۆته وان: وهوين ل بيرا خۆ بينن ده‌مێ خودايێ هه‌وه ب ڕه‌نگه‌كێ مسۆگه‌ر دايه زانينێ: كو ئه‌گه‌ر هوين شوكرا وى بكه‌ن ئه‌و دێ قه‌نجییا خۆ ل هه‌وه زێده‌كه‌ت، وئه‌گه‌ر هوين كوفرێ ب قه‌نجییا خودێ بكه‌ن ئه‌و ب عه‌زابه‌كا دژوار دێ هه‌وه عه‌زاب ده‌ت.
وَقَالَ مُوْسٰ٘ي اِنْ تَكْفُرُوْ٘ا اَنْتُمْ وَمَنْ فِي الْاَرْضِ جَمِيْعًا فَاِنَّ اللّٰهَ لَغَنِيٌّ حَمِيْدٌ
ومووساى گۆته وان: ئه‌گه‌ر هوين وهه‌مى خه‌لكێ عه‌ردى كافر ببن هوين ب تشته‌كى زيانێ ناگه‌هيننه خودێ؛ چونكى خودێ يێ بێ منه‌ته ژ به‌نییێن خۆ، ئه‌و يێ ده‌وله‌مه‌نده، و د هه‌مى حالان دا ئه‌و يێ هێژاى مه‌دح وحه‌مدانه.
اَلَمْ يَاْتِكُمْ نَبَؤُا الَّذِيْنَ مِنْ قَبْلِكُمْ قَوْمِ نُوْحٍ وَّعَادٍ وَّثَمُوْدَ وَالَّذِيْنَ مِنْۣ بَعْدِهِمْ لَا يَعْلَمُهُمْ اِلَّا اللّٰهُ جَآءَتْهُمْ رُسُلُهُمْ بِالْبَيِّنٰتِ فَرَدُّوْ٘ا اَيْدِيَهُمْ فِيْ٘ اَفْوَاهِهِمْ وَقَالُوْ٘ا اِنَّا كَفَرْنَا بِمَا٘ اُرْسِلْتُمْ بِهٖ وَاِنَّا لَفِيْ شَكٍّ مِّمَّا تَدْعُوْنَنَا٘ اِلَيْهِ مُرِيْبٍ
ئه‌ى ئوممه‌تا موحه‌ممه‌دى ئه‌رێ ما به‌حسێ وان ملله‌تێن به‌رى هه‌وه چووين بۆ هه‌وه نه‌هاتییه كرن، ملله‌تێ نووحى وملله‌تێ عادى وملله‌تێ صالحى وملله‌تێ ثه‌موودى، وملله‌تێن پشتى وان، ژ خودێ پێڤه‌تر كه‌س هژمارا وان نزانت، پێغه‌مبه‌رێن وان ب نيشانێن ئاشكه‌را بۆ وان هاتن، ڤێجا وان ژ خۆمه‌زنكرن وكه‌ربان دا ده‌ستێن خۆ دانه به‌ر له‌قان، ووان گۆته پێغه‌مبه‌رێن خۆ: هندى ئه‌مين ئه‌م باوه‌رییێ ب وێ نائينين يا هوين بۆ مه پێ هاتين، وهندى ئه‌مين ئه‌م د وێ گازییێ دا يا هوين به‌رێ مه دده‌نێ ب گومانين.
قَالَتْ رُسُلُهُمْ اَفِي اللّٰهِ شَكٌّ فَاطِرِ السَّمٰوٰتِ وَالْاَرْضِ يَدْعُوْكُمْ لِيَغْفِرَ لَكُمْ مِّنْ ذُنُوْبِكُمْ وَيُؤَخِّرَكُمْ اِلٰ٘ي اَجَلٍ مُّسَمًّي قَالُوْ٘ا اِنْ اَنْتُمْ اِلَّا بَشَرٌ مِّثْلُنَا تُرِيْدُوْنَ اَنْ تَصُدُّوْنَا عَمَّا كَانَ يَعْبُدُ اٰبَآؤُنَا فَاْتُوْنَا بِسُلْطٰنٍ مُّبِيْنٍ
پێغه‌مبه‌رێن وان گۆته وان: ئه‌رێ گومانه‌ك د هه‌بوون وپه‌رستنا خودێ -ب تنێ- دا هه‌يه، وئافرانده‌رێ عه‌سمانان وعه‌ردى ئه‌وه، يێ كو ئه‌و ژ چونه‌يێ وبێ وێنه چێكرين، وئه‌و به‌رێ هه‌وه دده‌ته باوه‌رییێ؛ دا ئه‌و هنده‌ك گونه‌هێن هه‌وه بۆ هه‌وه ژێ ببه‌ت، ومانا هه‌وه يا د دنيايێ دا حه‌تا ده‌مه‌كێ وى داناى پاش بێخت، وهه‌وه د دنيايێ دا عه‌زاب نه‌ده‌ت؟ ئينا وان گۆته پێغه‌مبه‌رێن خۆ: ئه‌م نابينين ژ مرۆڤينییێ پێڤه‌تر هوين تشته‌ك بن سالۆخه‌تێن هه‌وه ژى وه‌كى يێن مه‌نه، چو تشتێ زێده‌تر ل نك هه‌وه نينه هه‌وه هێژاى پێغه‌مبه‌رينییێ بكه‌ت، هه‌وه دڤێت هوين به‌رێ مه ژ په‌رستنا وان صه‌نه‌مان بده‌نه پاش يێن كو باب وباپيرێن مه په‌رستن بۆ دكر، ڤێجا كانێ هوين هێجه‌ته‌كا ئاشكه‌را بۆ مه بينن شاهده‌يێ ل سه‌ر ڕاستییا گۆتنا هه‌وه بده‌ت.
قَالَتْ لَهُمْ رُسُلُهُمْ اِنْ نَّحْنُ اِلَّا بَشَرٌ مِّثْلُكُمْ وَلٰكِنَّ اللّٰهَ يَمُنُّ عَلٰي مَنْ يَّشَآءُ مِنْ عِبَادِهٖ وَمَا كَانَ لَنَا٘ اَنْ نَّاْتِيَكُمْ بِسُلْطٰنٍ اِلَّا بِاِذْنِ اللّٰهِ وَعَلَي اللّٰهِ فَلْيَتَوَكَّلِ الْمُؤْمِنُوْنَ
وده‌مێ پێغه‌مبه‌ران گوهـ ل گۆتنا ملله‌تێن خۆ بووى گۆتنێ: ڕاسته ئه‌م ژى وه‌كى هه‌وه مرۆڤين وه‌كى هوين دبێژن، به‌لێ هه‌چییێ خودێ بڤێت ژ به‌نییێن خۆ ئه‌و قه‌نجییێ لێ دكه‌ت ووى بۆ هلگرتنا په‌ياما خۆ هل دبژێرت، وئه‌و ده‌ليلێ ئاشكه‌را يێ هه‌وه داخوازكرى، ئه‌گه‌ر ب ئانه‌هییا خودێ نه‌بت ئه‌م نه‌شێين بۆ هه‌وه بينين، وخودان باوه‌ر د هه‌مى كارێ خۆ دا بلا خۆ بهێلنه ب هيڤییا خودێ ب تنێ ڤه.
وَمَا لَنَا٘ اَلَّا نَتَوَكَّلَ عَلَي اللّٰهِ وَقَدْ هَدٰىنَا سُبُلَنَا وَلَنَصْبِرَنَّ عَلٰي مَا٘ اٰذَيْتُمُوْنَا وَعَلَي اللّٰهِ فَلْيَتَوَكَّلِ الْمُتَوَكِّلُوْنَ
وچاوا ئه‌م خۆ نه‌هێلينه ب هيڤییا خودێ ڤه، وئه‌وه يێ به‌رێ مه دايه ڕێكا ڕزگاربوونا ژ عه‌زابا وى كو مه دويكه‌فتنا ئه‌حكامێن دينێ وى كرى؟ وئه‌م دێ بێهنا خۆ ل سه‌ر وێ نه‌خۆشییێ فره‌هـ كه‌ين يا هوين دگه‌هيننه مه، وخودان باوه‌ر د مه‌سه‌لا سه‌ركه‌فتنا خۆ وشكاندنا دوژمنێ خۆ دا دڤێت خۆ ب هێلنه ب هيڤییا خودێ ب تنێ ڤه.
وَقَالَ الَّذِيْنَ كَفَرُوْا لِرُسُلِهِمْ لَنُخْرِجَنَّكُمْ مِّنْ اَرْضِنَا٘ اَوْ لَتَعُوْدُنَّ فِيْ مِلَّتِنَا فَاَوْحٰ٘ي اِلَيْهِمْ رَبُّهُمْ لَنُهْلِكَنَّ الظّٰلِمِيْنَ
وسنگێ كافران ب وێ گۆتنێ ته‌نگ بوو يا پێغه‌مبه‌ران گۆتى، له‌و وان گۆته پێغه‌مبه‌ران: سويند بت ئه‌م دێ هه‌وه ژ وه‌لاتێ خۆ ده‌رێخين حه‌تا هوين ل دينێ مه دزڤڕن، ئينا خودێ وه‌حى بۆ پێغه‌مبه‌رێن خۆ هنارت كو ئه‌و دێ وان كافران تێ به‌ت يێن باوه‌رى ب خودێ وپێغه‌مبه‌رێن وى نه‌ئيناى.
وَلَنُسْكِنَنَّكُمُ الْاَرْضَ مِنْۣ بَعْدِهِمْ ذٰلِكَ لِمَنْ خَافَ مَقَامِيْ وَخَافَ وَعِيْدِ
وئه‌م دێ دويماهییا باش ده‌ينه پێغه‌مبه‌ر ودويكه‌فتییێن وان، پشتى تێبرنا كافران ئه‌م دێ وان ل عه‌ردى ئاكنجى كه‌ين، ئه‌ڤ تێبرنا كافران وئاكنجيكرنا خودان باوه‌ران ل جهێ وان كاره‌كێ مسۆگه‌ره بۆ وى يێ ژ ڕاوه‌ستانا خۆ يا ل به‌ر ده‌ستێ من ل ڕۆژا قيامه‌تێ بترست، و ژ گه‌ف وعه‌زابا من بترست.
وَاسْتَفْتَحُوْا وَخَابَ كُلُّ جَبَّارٍ عَنِيْدٍ
وپێغه‌مبه‌ران هه‌وارێن خۆ گه‌هاندنه خودايێ خۆ وداخوازا سه‌ركه‌فتنا ل سه‌ر دوژمنى ژ وى كر ئينا ئه‌و د به‌رسڤا وان هات، ووى هه‌ر كه‌سه‌كێ خۆ ژ حه‌قییێ مه‌زنتر لێ بكه‌ت وباوه‌رییێ ب ته‌وحيدا خودێ نه‌ئينت وپه‌رستنێ بۆ وى نه‌كه‌ت تێبر.
مِّنْ وَّرَآئِهٖ جَهَنَّمُ وَيُسْقٰي مِنْ مَّآءٍ صَدِيْدٍ
و ل به‌را ڤى كافرى جه‌هنه‌م هه‌يه ئه‌و دێ عه‌زابا وێ بينت، وئه‌و د وێرێ دا ژ وێ كێم و خوينا ژ جه‌هنه‌مییان دئێت ڤه‌دخۆت.
يَّتَجَرَّعُهٗ وَلَا يَكَادُ يُسِيْغُهٗ وَيَاْتِيْهِ الْمَوْتُ مِنْ كُلِّ مَكَانٍ وَّمَا هُوَ بِمَيِّتٍ وَمِنْ وَّرَآئِهٖ عَذَابٌ غَلِيْظٌ
ئه‌و كافرێ خۆمه‌زنكه‌ر به‌رگه‌ڕيانێ دكه‌ت كو قورچان ل وێ كێم وخوينێ بده‌ت به‌لێ ئه‌و نه‌شێت وێ داعويرت؛ هندى هند يا پيس وكه‌ل وته‌عله، وعه‌زابا دژوار ژ هه‌ر ڕه‌نگه‌كى و ژ هه‌ر ئه‌ندامه‌كێ له‌شێ وى دئێتێ، وئه‌و نامرت وته‌نا نابت، وپشتى ڤێ عه‌زابێ عه‌زابه‌كا دى يا ب ئێش بۆ وى هه‌يه.
مَثَلُ الَّذِيْنَ كَفَرُوْا بِرَبِّهِمْ اَعْمَالُهُمْ كَرَمَادِ اِۨشْتَدَّتْ بِهِ الرِّيْحُ فِيْ يَوْمٍ عَاصِفٍ لَا يَقْدِرُوْنَ مِمَّا كَسَبُوْا عَلٰي شَيْءٍ ذٰلِكَ هُوَ الضَّلٰلُ الْبَعِيْدُ
مه‌ته‌لا كريارێن كافران يێن چاك د دنيايێ دا وه‌كى خێركرنێ ومرۆڤاينییێ وه‌كى مه‌ته‌لا وێ خولییێ‌يه يا كو هڕه‌بايه‌كێ دژوار ل ڕۆژه‌كا ب هڕ لێداى، ڤێجا تشته‌ك ژێ نه‌هێلاى، كارێ وان ئه‌ها ب ڤى ڕه‌نگییه تشته‌كێ مفاى ژێ بگه‌هينته وان ئه‌و ل نك خودێ نابينن؛ چونكى كوفرێ ئه‌و هه‌مى د گه‌ل خۆ برییه وه‌كى هڕه‌باى خولی برى، ئه‌و كار وكريارێ بێ بناخه ئه‌وه به‌رزه‌بوونا دوير ژ ڕێكا ڕاست.
اَلَمْ تَرَ اَنَّ اللّٰهَ خَلَقَ السَّمٰوٰتِ وَالْاَرْضَ بِالْحَقِّ اِنْ يَّشَاْ يُذْهِبْكُمْ وَيَاْتِ بِخَلْقٍ جَدِيْدٍ
ئه‌ى كه‌سێ ئاخفتن بۆ دئێته كرن -ومه‌به‌ست پێ مرۆڤ هه‌مينه- ئه‌رێ ما تو نزانى كو خودێ‌یه عه‌سمان وعه‌رد ب ڕه‌نگه‌كێ وه‌سا داين كو ببنه نيشانا كاربنه‌جهییا وى، ووى ئه‌و ژ قه‌ستا نه‌داينه، به‌لكى بۆ هندێ يێن داين دا بۆ مرۆڤان ببنه نيشان ل سه‌ر ته‌وحيد وشيانا خودێ، ڤێجا دا ئه‌و په‌رستنا وى ب تنێ بكه‌ن، وچو شريكان بۆ وى نه‌دانن؟ ئه‌گه‌ر وى بڤێت ئه‌و دێ هه‌وه به‌ت وملله‌ته‌كێ دى ژبلی هه‌وه ئينت ژ هه‌وه پتر گوهدارییا خودێ بكه‌ت.
وَّمَا ذٰلِكَ عَلَي اللّٰهِ بِعَزِيْزٍ
وتێبرنا هه‌وه وئينانا ملله‌ته‌كێ دى ژبلی هه‌وه ل به‌ر خودێ كاره‌كێ ب زه‌حمه‌ت نينه، به‌لكى كاره‌كێ ب ساناهییه.
وَبَرَزُوْا لِلّٰهِ جَمِيْعًا فَقَالَ الضُّعَفٰٓؤُا لِلَّذِيْنَ اسْتَكْبَرُوْ٘ا اِنَّا كُنَّا لَكُمْ تَبَعًا فَهَلْ اَنْتُمْ مُّغْنُوْنَ عَنَّا مِنْ عَذَابِ اللّٰهِ مِنْ شَيْءٍ قَالُوْا لَوْ هَدٰىنَا اللّٰهُ لَهَدَيْنٰكُمْ سَوَآءٌ عَلَيْنَا٘ اَجَزِعْنَا٘ اَمْ صَبَرْنَا مَا لَنَا مِنْ مَّحِيْصٍ
وچێكرى ژ گۆڕێن خۆ ده‌ركه‌فتن، وهه‌مى بۆ خودايێ يه‌ك و ب سه‌رڤه‌هاتى ئاشكه‌رابوون؛ دا ئه‌و حوكمى د ناڤبه‌را وان دا بكه‌ت، ڤێجا دويكه‌فتى دێ بێژنه سه‌ركێشێن خۆ: هندى ئه‌م بووين ئه‌م د دنيايێ دا دويكه‌فتییێن هه‌وه بووين، مه ب گۆتنا هه‌وه دكر، ئه‌رێ ڤێجا هوين -ئه‌ڤرۆ- تشته‌كى ژ عه‌زابا خودێ دێ ژ مه پاشڤه لێ ده‌ن وه‌كى هه‌وه سۆز ددا مه؟ سه‌ركێش دبێژن: ئه‌گه‌ر خودێ به‌رێ مه دابا باوه‌رییێ ئه‌م ژى دا به‌رێ هه‌وه ده‌ينێ، به‌لێ وى به‌رێ مه نه‌دايێ، وئه‌م به‌رزه‌كرين ڤێجا مه ژى هوين به‌رزه‌كرن، ئه‌م وهوين د وه‌كى يه‌كين چ هه‌دارا مه بێت يان نه‌ئێت، مه چو جهێن ڕه‌ڤێ نينن ئه‌م ژ عه‌زابێ بڕه‌ڤينێ.
وَقَالَ الشَّيْطٰنُ لَمَّا قُضِيَ الْاَمْرُ اِنَّ اللّٰهَ وَعَدَكُمْ وَعْدَ الْحَقِّ وَوَعَدْتُّكُمْ فَاَخْلَفْتُكُمْ وَمَا كَانَ لِيَ عَلَيْكُمْ مِّنْ سُلْطٰنٍ اِلَّا٘ اَنْ دَعَوْتُكُمْ فَاسْتَجَبْتُمْ لِيْ فَلَا تَلُوْمُوْنِيْ وَلُوْمُوْ٘ا اَنْفُسَكُمْ مَا٘ اَنَا بِمُصْرِخِكُمْ وَمَا٘ اَنْتُمْ بِمُصْرِخِيَّ اِنِّيْ كَفَرْتُ بِمَا٘ اَشْرَكْتُمُوْنِ مِنْ قَبْلُ اِنَّ الظّٰلِمِيْنَ لَهُمْ عَذَابٌ اَلِيْمٌ
وپشتى خودێ حسێب د گه‌ل به‌نییێن خۆ كرى وفه‌رمان د ده‌ر حه‌قا وان دا داى، وبه‌حه‌شتى چووينه به‌حه‌شتێ وجه‌هنه‌مى چووينه جه‌هنه‌مێ شه‌يتانى گۆت: هندى خودێ‌یه سۆز ب ڕاستى دابوو هه‌وه كو ئه‌و هه‌وه زێندى بكه‌ته‌ڤه وهه‌وه جزا بده‌ت، ومن سۆز ب نه‌حه‌قى دابوو هه‌وه كو زێنديكرن وجزادان نينه، ڤێجا من سۆزا خۆ ب جهـ نه‌ئينا، وچو ده‌سهه‌لاتدارى د ده‌ستێ من دا نه‌بوو كو ئه‌ز هه‌وه مه‌جبوور بكه‌م هوين دويكه‌فتنا من بكه‌ن، وچو هێجه‌ت ژى من نه‌بوون، به‌لێ من هوين بۆ كوفرێ وسه‌رداچوونێ ڤه‌خواندن وهه‌وه دويكه‌فتنا من كر، ڤێجا هوين لۆمه‌ى من نه‌كه‌ن ولۆمه‌ى خۆ بكه‌ن، گونه‌هـ گونه‌ها هه‌وه‌يه، نه ئه‌ز د هه‌وارا هه‌وه دئێم ونه هوين د هه‌وارا من دئێن، هندى ئه‌زم ئه‌زێ به‌ريمه ژ هندێ كو هه‌وه د دنيايێ دا ئه‌ز د گوهدانێ دا بۆ خودێ كريمه هه‌ڤپشك. هندى ئه‌ون يێن زۆردارى كرى كو گوهدانا حه‌قییێ نه‌كرى عه‌زابه‌كا ب ئێش ونه‌خۆش بۆ وان هه‌يه.
وَاُدْخِلَ الَّذِيْنَ اٰمَنُوْا وَعَمِلُوا الصّٰلِحٰتِ جَنّٰتٍ تَجْرِيْ مِنْ تَحْتِهَا الْاَنْهٰرُ خٰلِدِيْنَ فِيْهَا بِاِذْنِ رَبِّهِمْ تَحِيَّتُهُمْ فِيْهَا سَلٰمٌ
وئه‌وێن باوه‌رى ب خودێ وپێغه‌مبه‌رێ وى ئيناى وچاكى كرين بۆ وان به‌حه‌شتان هاتنه برن يێن ڕويبار د بن داروبار وقه‌سرێن وان دا دچن، ب ئانه‌هییا خودايێ خۆ چو جاران ئه‌و ژێ ده‌رناكه‌ڤن، ب سلاڤه‌كێ ژ خودێ وملياكه‌تێن وى وخودان باوه‌ران سلاڤ ل وان دئێته‌كرن.
اَلَمْ تَرَ كَيْفَ ضَرَبَ اللّٰهُ مَثَلًا كَلِمَةً طَيِّبَةً كَشَجَرَةٍ طَيِّبَةٍ اَصْلُهَا ثَابِتٌ وَّفَرْعُهَا فِي السَّمَآءِ
ئه‌رێ ما تو نابينى -ئه‌ى موحه‌ممه‌د- كانێ چاوا خودێ مه‌ته‌له‌ك بۆ په‌يڤا ته‌وحيدێ (لا إله إلا الله) ب داره‌كا مه‌زن- كو دارقه‌سپه- ئينا، ڕه‌هێن وێ د عه‌ردى دا دموكمن، وچه‌قێن وێ ب لايێ عه‌سمانى ڤه دبلندن؟
تُؤْتِيْ٘ اُكُلَهَا كُلَّ حِيْنٍۣ بِاِذْنِ رَبِّهَا وَيَضْرِبُ اللّٰهُ الْاَمْثَالَ لِلنَّاسِ لَعَلَّهُمْ يَتَذَكَّرُوْنَ
ئه‌و دار ب ئانه‌هییا خودايێ خۆ ل هه‌مى ده‌مان به‌رى ژ خۆ دده‌ت، دارا باوه‌رییێ ژى يا وه‌سايه ڕه‌هێن وێ ب باوه‌رى وكرنێ د دلێ خودان باوه‌رى دا دموكمن، چه‌قێن وێ ژ كريارێن چاك وئه‌خلاقێ باش ب نك خودێ ڤه بلند دبن و د هه‌مى ده‌مان دا خێر ژێ دئێته ديتن. وخودێ مه‌ته‌لان بۆ مرۆڤان دئينت؛ دا ئه‌و بيرا خۆ لێ بينن، ووجه‌كێ بۆ خۆ ژێ وه‌ربگرن.
وَمَثَلُ كَلِمَةٍ خَبِيْثَةٍ كَشَجَرَةٍ خَبِيْثَةِ اِۨجْتُثَّتْ مِنْ فَوْقِ الْاَرْضِ مَا لَهَا مِنْ قَرَارٍ
ومه‌ته‌لا په‌يڤه‌كا پيس -كو په‌يڤا كوفرێ يه- وه‌كى داره‌كا پيس وتام ته‌عله، كو دارا ته‌عليشكێیه، ژ سه‌ر عه‌ردى هاته هلكێشان؛ چونكى ڕه‌هێن وێ د سه‌ر عه‌ردن و د عه‌ردى دا نه دموكمن، چه‌قێن وێ نه دبلندن، كافر ژى يێ وه‌سايه چو خێر وموكمى د وى دا نينن، وچو كارێ وى يێ چاك بۆ خودێ ژى نائێته بلندكرن.
يُثَبِّتُ اللّٰهُ الَّذِيْنَ اٰمَنُوْا بِالْقَوْلِ الثَّابِتِ فِي الْحَيٰوةِ الدُّنْيَا وَفِي الْاٰخِرَةِ وَيُضِلُّ اللّٰهُ الظّٰلِمِيْنَ وَيَفْعَلُ اللّٰهُ مَا يَشَآءُ
خودێ خودان باوه‌ران ب په‌يڤا حه‌ق وموكم ، كو په‌يڤا (لا إله إلا الله محمد رسول الله)ه، د ژينا دنيايێ دا و ل ده‌مێ مرنێ و د قه‌برى ژى دا گاڤا هه‌ردو ملياكه‌ت پسيارێ ژێ دكه‌ن موكم دكه‌ت، وخودێ زۆرداران د دنيايێ وئاخره‌تێ دا ژ ڕاستییێ به‌رزه دكه‌ت، وتشتێ خودێ بڤێت ژ ته‌وفيقا خودان باوه‌ران وسه‌ردابرنا كافران ئه‌و دكه‌ت.
اَلَمْ تَرَ اِلَي الَّذِيْنَ بَدَّلُوْا نِعْمَتَ اللّٰهِ كُفْرًا وَّاَحَلُّوْا قَوْمَهُمْ دَارَ الْبَوَارِ
ئه‌ى ئه‌و كه‌سێ گوهـ ل ئاخفتنێ دبت ما ته به‌رێ خۆ نه‌دايه حالێ دره‌وپێكه‌ران ژ كافرێن قوره‌يشییان ئه‌وێن ل شوينا شوكرا خودێ ل سه‌ر قه‌نجییا ته‌ناهییا حه‌ره‌مێ وهنارتنا موحه‌ممه‌دى -سلاڤ لێ بن- بكه‌ن كوفر پێ كر؟ ووان ل ڕۆژا (به‌درێ) دويكه‌فتییێن خۆ ل وارێ تێبرنێ -كو جه‌هنه‌مه- دانان.
جَهَنَّمَ يَصْلَوْنَهَا وَبِئْسَ الْقَرَارُ
ئه‌و دێ چنێ -جه‌هنه‌مێ- ودێ تام كه‌نه گه‌رما وێ، وئه‌و چ پيسه جهه ئه‌و لێ ئاكنجى دبن.
وَجَعَلُوْا لِلّٰهِ اَنْدَادًا لِّيُضِلُّوْا عَنْ سَبِيْلِهٖ قُلْ تَمَتَّعُوْا فَاِنَّ مَصِيْرَكُمْ اِلَي النَّارِ
وڤان كافران هنده‌ك هه‌ڤپشك بۆ خودێ د په‌رستنێ دا دانان؛ دا ئه‌و مرۆڤان پێ ژ دينێ وى دوير بكه‌ن، تو -ئه‌ى موحه‌ممه‌د- بێژه وان: هوين د ژينا دنيايێ دا خۆشییێ ببه‌ن، ئه‌و زوى دێ چت، وهندى زڤڕين ودويماهییا هه‌وه‌يه بۆ عه‌زابا ئاگرییه.
قُلْ لِّعِبَادِيَ الَّذِيْنَ اٰمَنُوْا يُقِيْمُوا الصَّلٰوةَ وَيُنْفِقُوْا مِمَّا رَزَقْنٰهُمْ سِرًّا وَّعَلَانِيَةً مِّنْ قَبْلِ اَنْ يَّاْتِيَ يَوْمٌ لَّا بَيْعٌ فِيْهِ وَلَا خِلٰلٌ
تو -ئه‌ى موحه‌ممه‌د- بێژه وان به‌نییێن من يێن باوه‌رى ئيناى: بلا ئه‌و ب دورستى ب كرنا نڤێژێ ڕاببن، وبلا ئه‌و هنده‌كێ ژ وى مالێ مه دايێ ڤه‌شارتى وئاشكه‌را د ڕێكێن خێرێ دا خه‌رج بكه‌ن، به‌رى كو ڕۆژا قيامه‌تێ بێت يا كو نه خۆكڕين ونه خێركرن تێدا چو مفاى ناگه‌هينته خودانى.
اَللّٰهُ الَّذِيْ خَلَقَ السَّمٰوٰتِ وَالْاَرْضَ وَاَنْزَلَ مِنَ السَّمَآءِ مَآءً فَاَخْرَجَ بِهٖ مِنَ الثَّمَرٰتِ رِزْقًا لَّكُمْ وَسَخَّرَ لَكُمُ الْفُلْكَ لِتَجْرِيَ فِي الْبَحْرِ بِاَمْرِهٖ وَسَخَّرَ لَكُمُ الْاَنْهٰرَ
خودايێ مه‌زن ئه‌وه يێ عه‌سمان وعه‌رد ژ چونه‌يێ ئافراندين، وباران ژ عه‌ورى ئينا خوارێ ڤێجا وى عه‌رد پشتى مرى پێ شينكره ڤه، و ڕزقێ هه‌وه ژێ ئيناده‌ر، وگه‌مى وپاپۆڕ بن ده‌ستى هه‌وه كرن؛ دا ئه‌و ب فه‌رمانا وى وبۆ مفايێ هه‌وه د ده‌ريايێ دا بچن، ووى ڕويبار بۆ هه‌وه بن ده‌ست كرن دا هه‌وه وحه‌يوان وداروبارێ هه‌وه پێ ئاڤ بده‌ت.
وَسَخَّرَ لَكُمُ الشَّمْسَ وَالْقَمَرَ دَآئِبَيْنِ وَسَخَّرَ لَكُمُ الَّيْلَ وَالنَّهَارَ
ووى ڕۆژ وهه‌يڤ بۆ هه‌وه بن ده‌ست كرن هه‌ردو د زڤڕينا خۆ دا دبه‌رده‌وامن؛ دا مه‌صلحه‌تا هه‌وه پێ بقه‌تيێت، ووى شه‌ڤ بۆ ڕحه‌تى وته‌ناهییا هه‌وه دا، وڕۆژ بۆ ژيار وبه‌رگه‌ڕيانا هه‌وه دا.
وَاٰتٰىكُمْ مِّنْ كُلِّ مَا سَاَلْتُمُوْهُ وَاِنْ تَعُدُّوْا نِعْمَتَ اللّٰهِ لَا تُحْصُوْهَا اِنَّ الْاِنْسَانَ لَظَلُوْمٌ كَفَّارٌ
و ژ هه‌ر تشته‌كێ هوين بخوازن وى يێ دايه هه‌وه، وئه‌گه‌ر هوين قه‌نجییێن خودێ ل سه‌ر خۆ بهژمێرن هوين نه‌شێن هه‌مییان بهژمێرن؛ چونكى ئه‌و گه‌له‌كن. هندى مرۆڤه گه‌له‌ك زۆردارییێ ل خۆ دكه‌ت، وگه‌له‌ك قه‌نجییێن خودايێ خۆ ڤه‌دشێرت.
وَاِذْ قَالَ اِبْرٰهِيْمُ رَبِّ اجْعَلْ هٰذَا الْبَلَدَ اٰمِنًا وَّاجْنُبْنِيْ وَبَنِيَّ اَنْ نَّعْبُدَ الْاَصْنَامَ
وتو -ئه‌ى موحه‌ممه‌د- به‌حسێ ئيبراهيمى بكه ده‌مێ وى دوعا ژ خودايێ خۆ كرى -پشتى كوڕێ خۆ ئيسماعيل ودايكا وى ل نهالا (مه‌كه‌هێ) ئاكنجى كرين- وگۆتى: خودايێ من تو (مه‌كه‌هێ) بكه باژێره‌كێ ته‌نا هه‌ر كه‌سه‌كێ لێ بت يێ ژ خۆ پشت ڕاست بت، وتو من وعه‌يالێ من ژ په‌رستنا صه‌نه‌مان دوير بكه.
رَبِّ اِنَّهُنَّ اَضْلَلْنَ كَثِيْرًا مِّنَ النَّاسِ فَمَنْ تَبِعَنِيْ فَاِنَّهٗ مِنِّيْ وَمَنْ عَصَانِيْ فَاِنَّكَ غَفُوْرٌ رَّحِيْمٌ
خودايێ من هندى صه‌نه‌من گه‌له‌ك مرۆڤ يێن ژ ڕێكا حه‌ق داينه پاش، ڤێجا هه‌چییێ د ته‌وحيدێ دا چاڤ ل من بكه‌ت ئه‌و يێ ل سه‌ر دين وڕێبازا من، وهه‌چییێ گوهدارییا من نه‌كر شرك تێ نه‌بت، هندى تويى تو باش گونه‌هـ ژێبرێ گونه‌هێن گونه‌هكارانى، ب وان يێ دلۆڤانكارى، يێ ته بڤێت ژ وان تو لێ دبۆرى.
رَبَّنَا٘ اِنِّيْ٘ اَسْكَنْتُ مِنْ ذُرِّيَّتِيْ بِوَادٍ غَيْرِ ذِيْ زَرْعٍ عِنْدَ بَيْتِكَ الْمُحَرَّمِ رَبَّنَا لِيُقِيْمُوا الصَّلٰوةَ فَاجْعَلْ اَفْـِٕدَةً مِّنَ النَّاسِ تَهْوِيْ٘ اِلَيْهِمْ وَارْزُقْهُمْ مِّنَ الثَّمَرٰتِ لَعَلَّهُمْ يَشْكُرُوْنَ
خودايێ مه هندى ئه‌زم من هنده‌ك ژ دوونده‌ها خۆ ل نهاله‌كا بێ شينكاتى وئاڤ ل نك مالا ته يا حه‌رام ئاكنجى كرينه، خودايێ مه من ئه‌و چه‌نده ب فه‌رمانا ته كرییه؛ دا ئه‌و ب دورستى ب كرنا نڤێژێ ڕاببن، ڤێجا تو دلێ هنده‌ك به‌نییێن خۆ ب لايێ وان ڤه بكێشه، وتو ل ڤى جهى ژ هه‌مى ڕه‌نگێن به‌رهه‌مان ڕزقێ وان بده؛ دا ئه‌و شوكرا قه‌نجییا ته يا مه‌زن بكه‌ن. ڤێجا خودێ دوعايا وى ب جهـ ئينا.
رَبَّنَا٘ اِنَّكَ تَعْلَمُ مَا نُخْفِيْ وَمَا نُعْلِنُ وَمَا يَخْفٰي عَلَي اللّٰهِ مِنْ شَيْءٍ فِي الْاَرْضِ وَلَا فِي السَّمَآءِ
خودايێ مه هه‌ر تشته‌كێ ئه‌م ڤه‌شێرين وئاشكه‌را بكه‌ين تو پێ دزانى. وتشته‌ك نه ل عه‌ردى ونه ل عه‌سمانى ل به‌ر علمێ خودێ نائێته ڤه‌شارتن.
اَلْحَمْدُ لِلّٰهِ الَّذِيْ وَهَبَ لِيْ عَلَي الْكِبَرِ اِسْمٰعِيْلَ وَاِسْحٰقَ اِنَّ رَبِّيْ لَسَمِيْعُ الدُّعَآءِ
ئيبراهيم مه‌دحێن خودێ دكه‌ت، ودبێژت: سوپاسى بۆ خودێ بت ئه‌وێ ل پيراتییا من ئيسماعيل وئيسحاق داينه من پشتى كو من دوعا ژێ كرى كو ئه‌و هنده‌ك چاكان بده‌ته من، هندى خودايێ منه گوهـ ل دوعايا وى دبت يێ دوعايێ ژێ بكه‌ت، ومن دوعا ژێ كر ووى دوعايا من ب جهـ ئينا.
رَبِّ اجْعَلْنِيْ مُقِيْمَ الصَّلٰوةِ وَمِنْ ذُرِّيَّتِيْ رَبَّنَا وَتَقَبَّلْ دُعَآءِ
خودايێ من تو من به‌رده‌وام بكه ل سه‌ر كرنا نڤێژان ب ڕه‌نگه‌كێ دورست، وتو وێ بكه كو ژ دوونده‌ها من ژى ئه‌و هه‌بت يێ به‌رده‌وامییێ ل سه‌ر نڤێژێ بكه‌ت، خودايێ مه وتو دوعا وعيباده‌تێ من قه‌بوويل بكه.
رَبَّنَا اغْفِرْ لِيْ وَلِوَالِدَيَّ وَلِلْمُؤْمِنِيْنَ يَوْمَ يَقُوْمُ الْحِسَابُ
خودايێ مه تو وان گونه‌هێن من يێن كو چو مرۆڤ ژ كرنا وان خلاس نابن بۆ من وبۆ دايبابێن من وبۆ هه‌مى خودان باوه‌ران ژێ ببه ل وێ ڕۆژا مرۆڤ بۆ حسێبێ وجزادانێ ڕادبن (وئه‌ڤه هنگى بوو ده‌مێ هێشتا ل نك وى مسۆگه‌ر نه‌بووى كو بابێ وى دوژمنێ خودێ‌یه).
وَلَا تَحْسَبَنَّ اللّٰهَ غَافِلًا عَمَّا يَعْمَلُ الظّٰلِمُوْنَ اِنَّمَا يُؤَخِّرُهُمْ لِيَوْمٍ تَشْخَصُ فِيْهِ الْاَبْصَارُ
وتو -ئه‌ى موحه‌ممه‌د- قه‌ت هزر نه‌كه كو خودێ ژ وى كارێ زۆردار دكه‌ن يێ بێ ئاگه‌هه، ده‌مێ ئه‌و باوه‌رییێ ب ته و ب پێغه‌مبه‌رێن دى نه‌ئينن، ونه‌خۆشییێ دگه‌هيننه خودان باوه‌ران وهه‌ر گونه‌هه‌كا دى يا هه‌بت يا ئه‌و دكه‌ن، به‌لكى هه‌ما ئه‌و وان بۆ ڕۆژه‌كا دژوار پاشڤه دهێلت چاڤێن وان تێدا دميننه ڤه‌كرى ونائێنه‌گرتن؛ ژبه‌ر وێ ترسا ئه‌و دبينن. وئه‌ڤ چه‌نده صه‌برئينانه بۆ پێغه‌مبه‌رى -سلاڤ لێ بن-.
مُهْطِعِيْنَ مُقْنِعِيْ رُءُوْسِهِمْ لَا يَرْتَدُّ اِلَيْهِمْ طَرْفُهُمْ وَاَفْـِٕدَتُهُمْ هَوَآءٌ
ڕۆژا زۆردار تێدا ب له‌ز ژ گۆڕێن خۆ ده‌ردكه‌ڤن؛ دا د به‌رسڤا گازيكه‌رى بچن، به‌رێ وان يێ سه‌رئه‌ڤرازه ژ ترسان دا ئه‌و تشته‌كى نابينن، ودلێن وان دڤالانه تشته‌ك تێدا نينه؛ ژ به‌ر وێ ترس وسه‌هما ئه‌و دبينن.
وَاَنْذِرِ النَّاسَ يَوْمَ يَاْتِيْهِمُ الْعَذَابُ فَيَقُوْلُ الَّذِيْنَ ظَلَمُوْا رَبَّنَا٘ اَخِّرْنَا٘ اِلٰ٘ي اَجَلٍ قَرِيْبٍ نُّجِبْ دَعْوَتَكَ وَنَتَّبِعِ الرُّسُلَ اَوَلَمْ تَكُوْنُوْ٘ا اَقْسَمْتُمْ مِّنْ قَبْلُ مَا لَكُمْ مِّنْ زَوَالٍ
وتو -ئه‌ى موحه‌ممه‌د- وان مرۆڤان يێن تو بۆ هاتییه هنارتن ژ عه‌زابا خودێ يا ل ڕۆژا قيامه‌تێ بترسينه، هنگى ئه‌وێن ب كوفرێ زۆردارى ل خۆ كرى دبێژن: خودايێ مه حه‌تا ده‌مه‌كێ نێزيك تو مه بهێله ئه‌م دێ باوه‌رییێ ب ته وپێغه‌مبه‌رێن ته ئينين. ڤێجا بۆ پاشڤه‌لێدان دێ بۆ وان ئێته گۆتن: ئه‌رێ ما هه‌وه د ژينا خۆ دا سويند نه‌خواربوو كو هوين ژ دنيايێ بۆ ئاخره‌تێ نائێنه ڤه‌گوهاستن، ڤێجا هه‌وه باوه‌رى ب ڤێ ڕابوونێ نه‌ئينابوو؟
وَّسَكَنْتُمْ فِيْ مَسٰكِنِ الَّذِيْنَ ظَلَمُوْ٘ا اَنْفُسَهُمْ وَتَبَيَّنَ لَكُمْ كَيْفَ فَعَلْنَا بِهِمْ وَضَرَبْنَا لَكُمُ الْاَمْثَالَ
وهوين ل وارێ وان كافرێن به‌رێ يێن زۆردارى ل خۆ كرى وه‌كى ملله‌تێ هوودى وصالحى ئاكنجى بووبوون، و ب ديتنێ وگوهـ لێبوونێ هه‌وه زانییه كانێ مه چ تێبرن ب سه‌رێ وان ئينابوو، ومه د قورئانێ دا مه‌ته‌ل بۆ هه‌وه ئينان، به‌لێ هه‌وه چو وج بۆ خۆ ژێ وه‌رنه‌گرتن؟
وَقَدْ مَكَرُوْا مَكْرَهُمْ وَعِنْدَ اللّٰهِ مَكْرُهُمْ وَاِنْ كَانَ مَكْرُهُمْ لِتَزُوْلَ مِنْهُ الْجِبَالُ
وبوتپه‌رێسان پيلان بۆ كوشتنا پێغه‌مبه‌رى -سلاڤ لێ بن- گێڕان دا وى بكوژن، وپيلانا وان ل نك خودێ‌یه ووى دۆرا ل وان گرتى، وپيلانا وان ل وان زڤڕى ڤه، وپيلانا وان ئه‌و نه‌بوو يا چيا ژ به‌ر ژ جهـ بچن، به‌لكى پيلانه‌كا لاواز بوو، ووان چو زيان نه‌گه‌هانده خودێ، به‌لكى زيان گه‌هانده خۆ.
فَلَا تَحْسَبَنَّ اللّٰهَ مُخْلِفَ وَعْدِهٖ رُسُلَهٗ اِنَّ اللّٰهَ عَزِيْزٌ ذُو انْتِقَامٍ
ڤێجا تو -ئه‌ى موحه‌ممه‌د- قه‌ت هزر نه‌كه كو خودێ وێ سۆزا خۆ ب جهـ نائينت يا وى دايه پێغه‌مبه‌رێن خۆ كو ئه‌و وان ب سه‌ربێخت ونه‌يارێن وان تێ ببه‌ت. هندى خودێ‌یه يێ زاله چو ل به‌ر وى ئاسێ نابت، ب دژوارترين تۆلێ ئه‌و تۆلێ ل دوژمنێن خۆ ڤه‌دكه‌ت.
يَوْمَ تُبَدَّلُ الْاَرْضُ غَيْرَ الْاَرْضِ وَالسَّمٰوٰتُ وَبَرَزُوْا لِلّٰهِ الْوَاحِدِ الْقَهَّارِ
وتۆلڤه‌كرنا خودێ ژ دوژمنان ل ڕۆژا قيامه‌تێیه ده‌مێ ئه‌ڤ عه‌رده ب عه‌رده‌كێ دى يێ سپى وزه‌لال وه‌كى زيڤى دئێته گوهاڕتن، وعه‌سمان ژى ب هنده‌كێن دى دئێنه گوهارتن، وخه‌لك هه‌مى بۆ ديدارا خودايێ خۆ يێ يه‌ك و ب سه‌رڤه‌هاتى ژ گۆڕێن خۆ ڕادبنه‌ڤه.
وَتَرَي الْمُجْرِمِيْنَ يَوْمَئِذٍ مُّقَرَّنِيْنَ فِي الْاَصْفَادِ
وتو -ئه‌ى موحه‌ممه‌د- ل ڕۆژا قيامه‌تێ تاوانباران دبينى ب قه‌يدان دگرێداينه، ده‌ست وپییێن وان ب زنجيران يێن گه‌هاندينه يه‌ك، وئه‌و دڕه‌زيل وشه‌رمزارن.
سَرَابِيْلُهُمْ مِّنْ قَطِرَانٍ وَّتَغْشٰي وُجُوْهَهُمُ النَّارُ
جلكێن وان ژ وێ قه‌ترانێنه يا زوى دئێته سۆتن، وئاگر ب ڕوییێن وان ڕا دچت ودسۆژت.
لِيَجْزِيَ اللّٰهُ كُلَّ نَفْسٍ مَّا كَسَبَتْ اِنَّ اللّٰهَ سَرِيْعُ الْحِسَابِ
خودێ ئه‌ڤ چه‌نده د گه‌ل وان كر؛ دا ببته جزايێ وان گونه‌هێن وان د دنيايێ دا دكرن، وخودێ جزايێ هه‌ر مرۆڤه‌كى ل دويڤ كارێ وى دده‌تێ، هندى خودێ‌یه يێ حسێب سڤك و ب له‌زه.
هٰذَا بَلٰغٌ لِّلنَّاسِ وَلِيُنْذَرُوْا بِهٖ وَلِيَعْلَمُوْ٘ا اَنَّمَا هُوَ اِلٰهٌ وَّاحِدٌ وَّلِيَذَّكَّرَ اُولُوا الْاَلْبَابِ
ئه‌ڤ قورئانه يا مه بۆ ته ئينايه خوارێ -ئه‌ى موحه‌ممه‌د- ڕاگه‌هاندنه‌ك ودانه‌زانينه‌كه بۆ مرۆڤان؛ دا ئه‌و پێ بێنه شيره‌تكرن وترساندن، ودا ئه‌و بزانن كو هه‌ما خودێ‌یه خودايێ ئێكانه، ڤێجا دا ئه‌و په‌رستنا وى ب تنێ بكه‌ن، ودا خودان عه‌قلێن دورست وجه‌كێ بۆ خۆ ژێ وه‌ربگرن.